رواية بنت المصري ومؤذن الحي كامله جميع الفصول بقلم جمانه السعيدي
طلعنا من القصص المعاده والمكرره
مو لازم يكون البطل والبطل بكل القصص ملاك
كلنا نغلط ماكو واحد معصوم من الغلط
العبره نتعلم من اخطائنا او أخطاء الاخرين حتى لا نوكع
بنفس الغلط
لان القصص حقيقيه نحس بكل التفاصيل الي يعيشونها أبطال القصه
اتمنالك متابعه ممتعه
منى من ام عراقيه وأب مصري
امي ازوجت ابوي سنه ٨٧
العراق بفترة الحرب ويا إيران استقبل اعداد هائله
من المصرين
حتى يسدون نقص العماله بلعراق
يعني العراقي يروح يدافع عن الوطن
والمصري ياخذ مكانه بلعمل
المصرين اشتغلو بكل المجالات أعمال يدويه
أعمال حرفيه
بلاضافه للوظائف كان عدنا دكاتره ومهندسين
مدرسين
المصريين صارو جزء مهم من حياتنا
بحيث اي احد عنده شغل اي نوع يكولون روح ااجرلك مصري لو روح شوف مصري يشتغلك هاي الشغله
اهلنا يذكرون هاي الاحداث
بس القله النادره من العراقيات ازوجن مصريين
وامي وحده منهن
امي كانت ممرضه بإحدى المستشفيات
وابوي كان يشتغل بلمطبخ طباخ بمطبخ المستشفى
قبل اكو طبخ بلمسشفيات يقدمون وجبات كامله للمرضى مو مثل هسه حتى خيط العمليه تروح تشتري من برا
حتى العامله اذا تنظف غرفتك تكول انطيني
يقدمون وجبات اكل كلشي بيها
كل وجبه بيها لو لحم لو دجاج وتمن وصمون وبرتقاله
والريوك بيض وحليب وجبن وصمون
ابوي كان يشتغل طباخ للمطبخ
بلبدايه مجرد نضرات إعجاب بين ابوي وامي
امي سمره طويله جسمها يخبل ملامحها حلوه
لسانها حلو حديثه ممتع
مجرد نضرات إعجاب وسلام عادي
مثل ماهو معجب باامي امي هم معجبه بي
امي تكول جنت معجبه بشخصيته بحنيته
حتى اختلاف الثقافات بينه حبيته والاطباع والكلام
جانت منتظره يصراحها بحبه
او يفاتحها بلزواج
بلنسبه البابا جان خايف من ردت فعلها رغم هيه
مبينه تحبه وتريده
خاف ترفض لان هو من غير جنسيه
ومتردد من خطوة الزواج خايف تكلفه فلوس هواي وهو جاي يجمع فلوس ويدز الاهله
لان حالتهم الماديه تعبانه
بنفس الوقت هو مو زغير عمره ٣٠ يريد يزوج ويستقر
ويحمي نفسه من الحرام
وهم محتاج ونس وياا بلغربه
الحد مااجه اليوم الي قرر بابا يفاتحها بموضوع الزواج
والارتباط ويشوف ردة فعلها شنو
اجا بابا الغرفة التمريض
دخل سلم على الممرضات
كلهن ردن على السلام
امي....تفضل اكو شي
محمود....بس كلمتين على جنب
امي....كلمتين وياي
محمود....ايوه اذا سمحتي
امي...اي اجيت
منى...طلعو للحديقة ثنيبنهم
كعدو على المسطبه
محمود....انا ممكن اتكلم معاكي بس اتمنى متفهمنيش غلط
احلام...اي تفضل ليش افهمك غلط
محمود....انا بقالي سنه كامله اشتغل هنا ومن وئتها وانا معكب بحضرتك
بس خايف افتح معاكي الموضوع لتكسفيني
احلام....اكسفك طبعا مراح اكسفك تفضل
محمود...ممكن اطلب ايد حضرتك للكواز
انا الصراحه مش غني او مريش على ادي والفلوس الي بئبضها بتروح الاهلي بمصر علشان الوضع عندهم مش احسن حاكه
بس ربنا يقدرني وماائصرشي معاكي كلو بيد ربنا
احلام....الصراحه انت انسان محترم بشهادة الكل
وتستاهل كل خير
محمود ...ربنا يخليكي انتي الي اميره
حضرتك ممكن تكلمي اهلك فلبيت عشان اجي اشرب معاهم الشاي
احلام....اكلم اهلي حاضر هكلمهم
محمود...الله انتي بتتكلمي زينا اهو
احلام....هلكد ما نشوف مسلسلات مصريه
محمود...يعني افهم انك موافقه عليه
احلام....لازم اهلي يوافقون بلاول
محمود...اني مش عايز اغشك احنا نخطب دلوئتي
وبعد سنتين كده نكوز
كلو تسهيل رب العالمين
انا هشتغل ليل نهار احوش علشان ماااصرشي
معاكي بحاجه
انا مش ناوي اسيب العرائ انا هفضل شغال هنا
لحد ماااادر اشتري شئه( شقه)
واكمع كم ارش افتح بيهم مشروع وبعد.كده
اركع لمصر انتي موافئه على الكلام ده
اني عايز اكون واضح معاكي ئبل مااتئدم الاهلك
واطلب ايدك
جمانه السعيدي
احلام....طبعا الوضوح والصراحه حلولين
محمود...استنه منك تديني موعد علشان اتكلم مع اهلك
احلام....تمام يسطه محمود
محمود...ربنا يكرمك
منى....امي تكول اني شكد قبل جنت معجبه بي
صرت معجبه اكثر لان صريح وواضح لا يلف لا يدور
بسيط محترم
بس خايفه من شي واحد اهلي خاف مايقبلون ازوج مصري
مو لان المصري موزين
بس لان احنا العراقيين متمسكين بااصولنا
ويعتبر محمود غريب
مهمه يكون مو من عدنا ومانعرف باجر شراح يصير
منى.....عائلة امي تتكون من بيبي وخاله سعاد اكبر من امي
مزوجه وخالي علي ازغر واحد
طالب وماعنده احساس المسؤليه هلكد
اهم شي نفسه وونسته
لان هو الولد الوحيد والمدلل
يمشي بكيفه محد يحجي وياااا
راسب بااكثر من مرحله
منى...امي قررت تحجي البيبي بلاول وشوف ردة فعلها
احلام....يمه شنو رائيج اكو شخص متقدملي
بيبي...يالله اي اتمنى اشوف هذا اليوم قبل لا اموت
انتي موزغيره
احلام...يعني مااضوجين اذا اعوفج بلبيت وحدج
بيبي...لا ماعليه شي ازوجي اريد اشوف جهالج
شيشتغل العريس
احلام...طباخ ويانا بلمستشفى
بيبي...اي وين اهله منا من ولا يتنا
احلام...لا الصراحه مصري
بيبي....يااا تحجين صدك شنو مصري
احلام...وشبي المصري انسان خلوق ومؤدب وابن حلال
المستشفى كلها تشهد بااخلاقه
بعدين نزوج هنا بلعراق نأجر بيت ونكعد
يعني اني ابقى هنا يمج مااروح المصر
بيبي...لا يمه مصري شنعرف منه لا خاف ياخذج
شهر شهرين والنوب يرجع المصر اذا كلتي اروح ويا
مانعرف عيشتهم شني
واذا كلتي لا مااروح المصر تتطلكين
احلام...لا هو يكول اني شغلي هنا زين ومستحيل اعوف العراق
بيبي..يمه الكلام ماعلي إثبات هسه لو عراقي ويغلط بحقج نعاتب اهله
انروح الناسه الاقاربه هذا شنعرف منه
احلام...يمه فدوه مو كتلج يشتغل من زمان ويانا
ليش تحجين علي انسان محترم واني عاجبني
بيبي...واني ماراضيه لو عراقي لو ماكو زواج
جمانه السعيدي
احلام...ضجت من كلام امي حيل ليش تحكم علي
هيه اصلا ماتعرفه
بليل اجت سعاد
احلام...تعاي اريد احجي وياج
سعاد...شكوووو
احلام.....اليوم اتقدملي واحد وامي ما موافقه
سعاد...يااا ليش ما موافقه
احلام...لان مصري مو عراقي
سعاد...يااا مصري تحجين صدك شنو خلصو العراقيين
ليش مصري عود
احلام...لان محد اتقدملي بس هو صار عمري ٢٤ سنه
وبس هو تقدملي
جاي تشوفين العراقين كلها شهداء
لو شهيد لو بارض المعركه حتلو ازوج عراقي احتمال
يروح للجيش ويموت على الاقل محمود مضمون
ولله انسان راقي بشكل
ولج كلمه والثانيه وكال حضرتك
خوش انسان مؤدب واخلاق ليش لا
سعاد...بكيفج انتي تعرفينه اكثر من عندي وانتي تقررين
احلام.. اقنعي امي
سعاد...ميخالف احجي وياها
منى.....دخلت خالتي سعاد تحجي وياا بيبي بس بيبي قافله
احلام...اني بقيت برا مااريدها تشوفني وتعاند اكثر
اجت سعاد الغرفتي
سعاد..ماتقبل
احلام....ترا رفضها ماله مبرر
سعاد...اصبري عليها شويه بلكت تقبل
احلام...ثاني يوم من وصلت للدوام بس دخلت الغرفة التمريض اجا وراي محمود
محمود...صباح الخير
احلام...صباح الخير
محمود...ازيك
احلام...تمام الحمد لله
محمود...الاخبار ايه
احلام....حجيت وياا اهلي .بعد محتاجه وقت اكثر حتى يقتنعنون
محمود...ماشي مفيش مشكله نستنا احنا ورانا ايه
احلام...يعني راح تنتظرني
محمود...دنا استنا العمر كله انا لو مشحستنا علشانك
استنى على شان مين
احلام...هيج متمسك بيه
محمود...ايوه متمسك فيكي
احلام...راح ارجع احاول اقنع اهلي بلكت يوافقون
محمود...تمام ربنا يقدم الي فيه الخير
منى...امي ما استسلمت بقت تحجي وياا بيبي
ودز خالتي عليها حتى تقتنع
عدها امل بيبي راح توافق بلاخير
من الجهه الثانيه علاقة امي وابوي اطورت اكثر داخل المستشفى
يعني صارت مساحة الكلام بينهم اكبر من قبل
كلام وبس اي شي ثاني ماكووو
خاف يروح بالكم بعيد
وتقريبا كل الي بلمستشفى عرفو امي وابوي
بينهم علاقه حب ومنتظرين الاهل يوافقون حتى يتم الزواج
الممرضات اقترحن على امي يرحن يقنعني بيبي
احلام...البنات يكولن ندخل بهذا الموضوع
محمود...ايوه هو ده الكلام الحلو
سيبيهم يدخلو يمكن ربنا يهديها وتوافئ ( توافق)
احلام...زين راح احجي وياهم واحددلهم موعد
