 |
رواية شهد حياتي ( سيف و شهد) بقلم جمال المصري
سيف دكتور بالجامعه شاب وسيم جدا ليه كاريزما تخطف الأنفاس مغرور و متكبر وعنيد جدا
وشهد بنت عمه فتاه جميله جدا لون عينيها لون البحر بشرتها بيضه طالبه فى الصف الثالث الثانوي و عنيده برده جدا جدا
سيف .. ازاي يا بوي عايزني اتجوز بنت عمي الي اصغر منى فى السن بكتير وبعدين انا مش شايفها غير اختي
الحاج محمد ...انا معرفش الكلام ده شهد بنت المرحوم عمك امانه في رقبتي وانت عارف ان ابوها الله يرحمه سيبلها ارض وخير كتير وكل الي يتقدم ليها طمعان في الخير الي عندها وكمان مش هتفضل عايشه معانا على طول وانا مش هسيب امانة عمك الله يرحمه تعيش لوحدها بعيد عني وكفايه ان امها وابوها ماتو في حادثه وسبوها وحدها وبعدين بنت عمك جميله ومليون واحد يتمناها
سيف .. يا حاج هي قاعده معانا في الفيلآ ودي حاجه عاديه عشان عمي الله يرحمه كان عايش معانا يعني ما فيش حاجه اتغيرت وليها جناح كامل لوحدها وانت الوحيد الي بتدخل الجناح ده وانا عارف انها جميله بس مش مركزه في التعليم يعني جاهله انا بحب وحده زميلتي ومتفقين علي الجواز
الحاج محمد .. جاهله ازاي وهي في ثانويه عامه و بتنجح كل سنه بتقدير
سيف .. اظن كلنا عارفين التعليم هنا ماشى ازاى يعنى تلاقيها بتنجح بالواسطة
محمد .. اقسم بالله لو ما نفذتش الي انا قولت عليه لا انت ابنى ولا اعرفك
سيف . يا بوي
محمد .. يقاطعه مش عايز اسمع ولا كلمه يا سيف الكلام خلص هتاخد بنت عمك هعمل لك كل اللي انت عايزه لكن لو رفضت لا انت ابني ولا اعرفك وبيقوم يمشي
شهد .. بتسمع كلامهم وهي معديه قدام المكتب بالصدفه وبتدخل اوضتها وبتترمي علي السرير وتبكي
محمد .. بيخبط علي الباب صاحيه يا شهد
شهد .. بتمسح دموعها ايوه يا عمي اتفضل
محمد .. بيدخل واول ما بيبص في وشها ايه ده انتي كنتي بتبكي يا شهد
شهد .. انا سمعت كل حاجه يا عمي وانا مش عايزه اتجوز سيف سيبه يتجوز البنت الي بيحبها وانا مش عايزه اتجوز خالص
محمد .. يا شهد انتي عارفه غلاوتك عندي
شهد .. عارفه يا عمي بس مش معنى كده انك تخليني اتجوز سيف غصب عنى
محمد .. انا مش هطمن عليكى غير لما تتجوزي سيف اهو ابن عمك وسندك بعد ما انا اموت
شهد .. بعد الشر عليك يا عمي ما تقولش كده
محمد .. ومين قال الموت شر انا مشتاق للقاء ربنا عز وجل
شهد .. ونعم بالله بس انا ما ليش غيرك
محمد .. وعشان كده عايز سيف يتجوزك وانتي اكتر وحده عارفه سيف وانه عمره ما هيظلمك
شهد .. عارفه بس
محمد .. بيقاطعها مش عايز كلام كتير ولا انتي كمان هتكسري كلمتي
شهد .. ولا عشت ولا كونت يوم ما كسر كلمتك يا عمي
محمد .. بيحضنها وبيبوسها من دماغها يلا يا حبيبتي نامي وانسي كل الي سمعتيه والايام جايه وهتعرفي اني ده هو الصح لسيف وليكي يا شهد يلا تصبحي علي خير
شهد .. وانت من اهله يا عمي
الصبح بعد ما بيفطره سوا والحاج محمد بيمشي علي الارض سيف بيلاحظ ان شهد متغيره
سيف .. مالك يا شهد حاسك متغيره النهارد وما قولتيش كلمه وحده علي الفطار وده مش من عادتك
شهد .. ولا حاجه مش عايزه ازعجك وتسمع كلام وحده جاهله
سيف .. يعني سمعتي كل حاجه
شهد .. ايوه ومتشكره ليك علي نظرتك ليا
سيف .. ما كنش قصدي اقلل منك بس كنت بحاول اهرب من كلام عمك انا مش شايفك غير اختي
شهد .. الي حصل حصل بس انا اصلآ مش شيفاك حاجه خالص بنسبالي
سيف .. كده تمام يبقا نوقف سوا عشان ابويا يرجع عن الي في دماغه
شهد .. انا هعمل الي عمي هيقول عليه واقسم بالله الجواز منك بعد الكلام الي سمعته موت بالنسبالي بس مش هزعل عمي اما حكاية حبيبتك دي حكايه تاني وعايز اسالك سؤال
سيف .. اسالي يا ام لسان ونص
شهد .. اهلها يعرفوا الي بينكم
سيف .. لا ما حدش يعرف لسه
شهد .. و طبعا حبيبت القلب بتتكلموا وتخرجوا مع بعض
سيف .. ايوه
شهد .. ما انتو شبه بعض
سيف.. قصدك ايه
شهد .. يعني اللي تعمل علاقه مع حد من ورا اهلها تبقا تحب اكمل ولا بلاش
سيف .. ما سمحلكيش تقولي عليها كده
شهد .. تسمح ولا لا انا مش فارق معايا انت ولا هي انا كل الي يهمني عمي عشان هو الي بقيلي بعد ماما وبابا وبتقوم وبتسيبه وتلبس وتنزل
سيف .. مستنيها اول ما بتنزل يلا عشان اوصلك فى طريقى للمدرسه
شهد .. لا طريقنا من دلوقت مختلف هروح المدرسه لوحدي
سيف . بطلي نشوفية دماغك دي يا شهد
شهد .. اقسم بالله انت ما شوفت نشوفية دماغي لسه واوعى من قدامي بدل ما ارتكب جنايه وبتطلع والغضب مالي عينها
سيف .. بيقول بصوت مسموع و ابويا عايزني اتجوزها دي مجنونه وتليفونه بيرن بيلاقي ليلي وبيرد صباح الجمال
ليلي .. صباح الفل ايه فينك اتاخرت ليه ولا بتوصل شيخ الغفر بتاعك
سيف .. لا ما شيخ الغفر قلب عليا من امبارح
ليلي .. احسن انا اصلا مش بطيقها
سيف .. عارف يا روحي يلا سيبك منها ٥ دقايق وكون عندك
ليلي .. خلاص مستنياك
سيف .. بيقفل الخط وبيطلع يروح لي ليلي
منه .. شهد
شهد .. منه انتي ما روحتيش المدرسه
منه .. كنت مستنياكي بس ليه جايه لوحدك فين سيف
شهد .. خلاص من دلوقت لا في سيف ولا غيره
منه .. ايه اللى حصل
شهد .. انا هتجنن يا منه
منه .. فيه ايه يا شهد قوليلي
شهد .. ما فيش
منه .. انتي متغيره خالص ولازم اعرف فيه ايه
شهد .. بعدين يا منه انا دماغي هتنفجر دلوقت بعد المدرسه نبقا نقعد ونتكلم ولا اقولك تروحي معايا ونتكلم براحتنا
سيف .. معلش اتاخرت عليكم
ليلي .. ولا يهمك المهم ليه مودتش شهد المدرسه زى كل يوم ايه اللي حصل
سيف .. حكالها كل حاجه
ليلي .. وانت رايك ايه
سيف .. انا مقدرش اعيش من غيرك ما انتي عارفه
ليلي .. اكيد بنت عمك السوسه هي الي ماليه دماغ ابوك
سيف .. بالعكس هي مش طيقاني اصلآ
ليلي .. ده محن بنات اسالني انا
سيف.. خلاص انسي وانا هلاقي حل بس تخلص شهد ثالثه ثانوي وبعد كده الدنيا هتتعدل
