رواية الطالبه والضابط كامله جميع الفصول بقلم توتة
اميرة بين النساء
انت لا اسيره
تركت لك الفصل والخطاب في الاختيار بين مماتي وعشقي
نعم هذا هو الاختيار
بيدي سأمحو مر الذكريات الاليمه وستكون لنا بدلا منها الحب والغرام
تقولين هجرتك وتركت الجموع م̷ـــِْن سمعتك
تعترف.. بالله عليك لاتظلميني بضنك يا حنيني
تركتك لأكون انا المذنب والجاني لا انت
تركتك لأنني رجل يهوى م̷ـــِْن النساء طفله
تركتك خوفا عليك من الطوفان غرامي وعشقي
بالله عليك قولي كيف كنت ستقبلين جنون رغباتي
ان لمستك بقوه او التمست شفتيكي بحراره
قولي لي كيف اذا ثارت نبضات قلبي وهيامي
ابعد هذا انا مذنب ?
بحمايتي انت تحت عيني طوال تلك السنين
لاتضني اني كنت بعيدا عنك
اترين بقيودي لك داميات
اذن انتي تريدين الفرار
فأني بالذي فعلته محق
نعم انا مستبد بحبك وعشقي
#الطالبه_والضابط
#اعلان ❤️
#بقلم_الكاتبه_توته
«#مشهد »
خوف رعب ارهاق جسمي تعبان واحس راسي دايخ ويدور وريحة المخدر لسه بخشمي حاضنه نفسي وابچي مااعرف منو وليش خطفوني وشنو ذنبي بكلشي ديصير.. غرفه ظلامها دامس وهدوء عام بالمكان بس صوت شهكات بكائي
حسيت بصوت خطوات اجت بأتجاهي خفت ورتعبت كلش بقيت اتلفت يمنه ويسره وحايره شنو اسوي خليت ايدي ع حلكي حتى ميطلع صوت البچي مالتي كمت م̷ـــِْن مكاني ماشوف شي بس صوت الخطوات الي جايه بأتجاهي
صرت ارجع ليوره والخطوات كل مالها تتقدم نحوي غطيت وجهي بثنين اديه وصرخت بصوت عاالي
منوووووو منووووو انتووو طلعوووني بااااباااا وينك
الله يخليكم لاتاذوووني والله ممسويه شي
وكعت ع الكاع ولميت رجليه على جسمي واني ارجف وابچي
انفتح الضوه خليت اديه ع وجهي حتى ماشوف شي م̷ـــِْن الخووف.....
<><><><><><><><><<><><><><><>>
«تعريف بالشخصيات »
سلام عليكم اسمي نارين من بغداد عمري 18سنه شكلي عادي عندي غمازات بوجهي وبيضه.. اني طالبه
خامس عملي عايشه ويه ابويه وماما متوفيه م̷ـــِْن اني زغيره اني الوحيده لأبويه ماعندي لا اخوان ولاخوات بابا العميد حسين م̷ـــِْن اقوئ ضباط العراق معروف بشجاعته وهيبته
هذا تعريف بسيط عن حياتي وشون عايشه ان شاء الله باقي الاشياء راح تتعرفون عليهم بأحداث القصه
«بطل القصه »
مرحبا اسمي ضرغام عمري 33 سنه ضابط بوزاره الداخليه بالانبار عايش ويه عائلتي الي متكونه م̷ـــِْن 10 اشخاص
اخوان 3 حيدر حسين فهد واخوات 2 سحرر منار ومرتي سهى وابويه وامي
2 م̷ـــِْن اخواني عازلين واحد عزابي ويانه
لهنا اكتفي بالتعريف عني وعن عائلتي باقي المعلومات راح تعرفوهن بأحداث القصه
حبايبي قصه حلوه ومشوقه مثل باقي القصص كل الشخصيات الي بالقصه حقيقيه واقعيه بس اني
سويت شويه تغيير وغيرت بعض اسماء الشخصيات حتى ما تصير مشكله بس اسم البطل والبطله ما غيرتهم 😍 😘❤️
#الطالبه_والضابط
#بقلم_الكاتبه_توته
#البارت_1
🇮🇶:::گشختك عسكريـة
وعطر البارود
يا هيبة زلـم للشده مصنوعـه
صدكنـي العشـك بس للعسگري يلوك
يا هيبة زلـم من نـار مصنوعـه
>>>>>>>>>>>>>>>
نارين.
افتح بعيوني بنعاس وملل واني ب صف ولمدرسه تشرحلي الدرس وعقلي ابد مويمها احس نفسي نعسانه كلش واريد انام.
نااارين ويه منوو داحجي صاار ساعه.
هاا ڼـعمًـْ شنوو گلتي. ?
كومي اوكفي واحجي ويايه
وكفت واني ارجع بخصلات شعري ورا اذني
يلا اشرحيلي شنوو الدرس الي صاار ساعه افهمكم عليه والي باجرر. عدكم بيه امتحان
ولله انسه مافتهمت عدل ممكن تعيدين الشرح
فتحت عيونها عليه بعصبيه وحجت بنبرت غضب
وانييييي شصااار ساعه اسووي العب
ليش تعيطين انسه كتلج مافتهمت. عيدي اذا ممكن.
اطلعي برااا انتي موهذبه
عفو. هاذه كله لان گتلج عيدي الشرح انتي شنوو شغلج هناا غير درسين وتفهمينه لوو اني غلطانه
لج انتي لسانج طويل اذا ماطلعين هسه م̷ـــِْن صفي افصلج م̷ـــِْن المدرسه كلها يلا برااا
احس راسي طلع م̷ـــِْن عنده دخان لزمت جنطه مالتي وخليت كتابي بيها صرت مقابيلها وحجيت بنبره غضب
راح تتندمين ولله
عفتها وطلعت م̷ـــِْن الصف
اني اعلمج اذا ماخلي بابا يتصرف وياج ماطلع نارين بسيطه اني طلعيني م̷ـــِْن الصف اني اعلمج
لزمت جهازي واتصلت ع بابا ميرد اتصلت علئ سايق مالتي اسمه صلاح.
الوو هاا عموو وينك
ها بابا نارين خلصتي دروسج
ايي عمو تعال رجعني للبيت تعبانه واريد احجي ويه بابا موجود ب بيت
ابوج طلع م̷ـــِْن صبح وصاني عليج كلي اوصلج للبيت واذا بالج طلعه اخذج
ماريد اروح الاي مكان تعال رجعني للبيت منتضرتك
سديت م̷ـــِْن عنده ورحت طلعت م̷ـــِْن المدرسه وگفت باب المدرسه اشوف رجال م̷ـــِْن بعيد صاعد بسياره ويباوع عليه بنضرات كلهم قذاره
عابت هو اني عايزه وانت تباوع عليه ولله يالله
بقيت واكفه برا شويه واجت ورايه صديقتي منارس
لج وين رايحه الدوام بعده مخالص
انتي مشفتي انسه سعاد شون طردتني تريدين مِڼـّي ابقه ب مدرسه
اعرف طردتج بس غيرر انتي متنتبهين خصوصا ب دروس مالتها انتي متهتمين للدرس
منارس وخري م̷ـــِْن عندي ترا اني روحي واصله لخشمي وماتحمل ايي كلمه بعد
ع كيفج عيني هسه احنه شحجينه غير لمصلحتج بعدين اذا رسبتي شراح يكون موقفج گدام ابوج الي يحلم يشوفج محاميه
بس كويلي شي واحد اني بشنوو غلطت وهيه طردتني م̷ـــِْن الصف بس طلبت م̷ـــِْن عدها تعيد الدرس لاكثرر.
هيه حاميه عليه معرف شبيها.
ختولي فدووه تعالي نرجع للمدرسه ولله محلوه طلعين هيج باجرر عدنه امتحان خلينه ندرس
مارجع ولله انتي روحي وافتهمي الدروس زين وتعالي علينه للبيت ندرس سويه
اني اتصلت ب سايق هسه راح يجي ياخذني وراح اخلي يمرني ع مدرس خصوصي افتهم م̷ـــِْن عنده احسن.
تمام براحتج بس ولله طلعتج غلط
اهووو منارس.
يلا سكتت اني رايحه ادخل م̷ـــِْن ارجع اطلب م̷ـــِْن ماما واذا قبلت اجي عليج.
ماشي.
عافتني وراحت بقيت واكفه ولشخص الي ب سياره بعده صافن عليه باوعت حواليه مااكو شخص غيري
هاذه شبيه صافن عليه جنه مطي عابت
درت وجهي عنه شويه وصل السايق
نزل م̷ـــِْن سياره وفتحلي الباب دخلت وهو راح صعد وساق
موو كانو. الًيَوُمًِ مخلصين دوام م̷ـــِْن وكت
ايي عموو اني خلصت دروسي ماعندي شي بس اريد اروح ع المدرس عصام ممكن تمرني عليه عندي كم شغله اريده يفهمني عليهم
حاضر هسه امرج عليه
بقيت اگلب بجهازي بين مانوصل. واني اگلب اجه ع بالي الشخص الي يباوع عليه بنضرات كلهم شك وقذاره
اكولك عموو
هاا عموو
راح اكولك شي بس حباب لاتكول لبابا بيني وبينك لان انت تعرف بابا شكدد يخاف عليه.
كولي بابا شنوو الموضوع خوفتيني
ماكوو شي يِـخوف بس ليوم م̷ـــِْن طلعت م̷ـــِْن المدرسه كان اكوو رجال واكف علئ الجهه الثانيه م̷ـــِْن الشارع
وبقه تقريبا ساعه كامله واكف مكانه ويباوع عليه معرف شبيه ماشال عينه ابدد
شنووو شلوون وشنو كان شكله
شبيك عموو ليش خفت
اباوع عليه وجهه صاار مينطي الوان وحته عرگ
لاتلتقين لاي شخص نارين انتي تعرفين ابوج اذا عرف بيج طالعه وحدج شراح يسوي موو
ترا مطلعت متعمده هاذي المدرسه طردتني
شنوو !!!
خليت ايدي ع حلگي عرفت نفسي. جفصت
هوه بس مكنت منتبهه وطردتني المدرسه م̷ـــِْن الصف
كم مره گتلج تنتبهين ياعيني
اهووو عموو حته انته عليه
درت وجهي ع شباك ودمعه وصلت طرف عيني
لاتبجين ياعمو ياحبيبتي انتي تعرفين شكدد احبج ومعتبرج بنتي ولله. لمصلحتج داحجي
ولله عموو هيه معرف شبيها ويايه م̷ـــِْن غير كل البنات معاديتني. عبالك موو طالبه عدها لا عدو الها
ميخالف عمو اتجاهليها اهم شي دراستج
هزيت راسي بأيي وسكتت
وصلني للمدرس عصام مدرس خصوصي. نزلت وبقيت يمه تقريبا ساعه كامله يشرحلي شكدد احب شرح مالته وبنفس الوقت احب شخصيته هههه
عنده كارزما. كلش حلوو وجذاب يخلي ايي بنيه تنعجب بيه
اني دائما اباوعله بأعجاب بس هو ولامره شال عينه عليه يمكن يشوفني بعدني صغيره لان شكلي طفولي.
خلصت دروس تشكرت منه وطلعت هو هم طلع ويايه للباب.
شكراا استاذ. تعبتك
لا شدعوه تعبج راحه نونه
دائما يكولي نونه عود يدلعني امدا حضي ههههه
يلا مع سلامه.
سالمه عيناي.
درت وجهي اريد اصعد ب سياره مالتي اباوع ع شخص الي كان واكف باب المدرسه نفسه يراقبني م̷ـــِْن بعيد معرف شون عيني شافته
خفت كلش. هاذه ليش ديتابعني شعنده
صعدت للسياره واني گلبي يدك سررريع وجهي انخطف
انتبه عليه السايق
شبيج عموو نارين اشو وجهج اصفر.
عء عمو. وصلني للبيت اريد اشوف بابا
هز براسه بمعنئ ايي وساق للبيت طول طريق افكرر بهل شخص منوو وليش ديراقبني. ياربي راح اتخبل ولله
وصلت للبيت نزلت بسرعه وصعدت لغرفتي.شمرت جنطه ع سرير ورحت دخلت للحمام سبحت ولبست بجامه
لونها رصاصي وتشيرت لونه وردي وعليه مرسوم لولو كاتي.
شسورت شعري وسويته كعكه.
رحت لحبيبت گلبي كاتي. ((بزونه ))
حضنتها ع صدري ونزلت تحت كانت الخادمه مسويه غدئ هيه مثل امي مَـرّھٌ جبيره تحبني وتهتم بيه
هاا خاله شونج
هلا يمه تعالي اكعدي حضرتلج احلا غدئ
وكاتي ?
هم سويتلها اكل انطينياها عنج واكعدي اكلي ضعفانه وجهج ذبلان
هيج تشوفين يعني خربانه موو
لا حبيتي جنج العافيه بس شويه ضعفانه اكيد م̷ـــِْن دراسه
ضحكت وگلت
ولله ياخاله مدارسه هوايه اصلا بس م̷ـــِْن المدرس عصام افتهم ب دوام كلشي ماكوو
يااا ليش
هيج غلسي. هسه راح اكل. الزمي هاذي كاتي هم ميته جووع.
اخذتها مِڼـّي وراحت تخليلها اكل كعدت ع طاوله وحدي فارغه مااكو شخص بس اني بيت جبيرر كلشش وفخم
بقيت اكل شويه ودخل بابا يخابر شافني ابتسم واجه يمي
شلونها اميرتي
موزينه
كعد ع كرسي وگال ليشش باباتي شصايرر.
بابا ماريدد اداوم بعد
ليش ?
ولله هناك مدرسه تكرهني تخيل ليوم طردتني م̷ـــِْن صف گدام كل صديقاتي وخلتهم يضحكون عليه
شنوووو. شون تجرأ تطردج م̷ـــِْن صف وليش طردج اصلا شسويتي انتي
ولله مسويت شي بس گلت الها تعيدلي الشرح لان مافتهمته زين وطردتني تخيل
بسيطه باباتي ع هاذي زعلانه ولله لخليها تجي بنفسها وتعتذر منج بس لاتضوجين هل وجهه لحلوو ميلوگله الزعل
كمت م̷ـــِْن مكاني ورحت حضنت عليه وبست راسه
امممح اموت عليك اني تعرف موو
واني هم احبج.
امممم بابا اكوو شغله ثانيه
لزم ايدي وكعدني ع طاوله كدامه وكال
احجي بابا شنوو لموضوع. لاتضمين شي عليه
انته تعرفني ماضم شي عليك ابد لهاذه راح احجيلك يمكن لموضوع يخوفك بس ترا اني هم معرف ليش خفت م̷ـــِْن الموقف
شنوو لموضوع نارين احجي
ليوم م̷ـــِْن طلعت م̷ـــِْن المدرسه كان اكوو رجال واكف بسيارته مقابيل المدرسه بقه تقريبا ساعه كامله يباوع عليه
عبالي واحد م̷ـــِْن هذولي طايشين
ايي وبعدين
بعدين م̷ـــِْن اجاني عمو صلاح ديرجعني للبيت طلبت م̷ـــِْن عنده يمرني ع استاذ عصام حته افهم م̷ـــِْن عنده كم درس
ومن طلعت شفت نفس رجال م̷ـــِْن بعيد يراقبني
وكف بابا بعصبيه وگال
شنووووو شووون يصيررر كل هاااذه ومتحجين وللللج نااارين بااابااا اني كم مرره نبهتج ماطلعين لوحدج
شبيك بابا ترا عمو صلاح ويايه بعدين ليش خايف عليه هل كدد يمكن لموضوع صدفه
رجع عليه ولزم وجهي بثنين اديه سحب نفس وكال
بابا اكوو ناس تريدلي الشررر واخاف عليج منهم فدووه اذا تحبيني بعدد لاطلعين لايي مكان كلشي تريدينه اجيبه لتحت رجليج
ولج بابا ماعندي غيررج اني ولله امووت اذا يصيرلج شي
حضنت عليه وگلت
سم لله عليك بابا فدووه لاتحچي هيج مراح يصيرلي شي اطمأن.
بعدني عنده. ومسح علئ راسي وكال
مممنوع طلعين لصديقاتج بعد ولدوام مطلعين م̷ـــِْن المدرسه لاحد ميوصلج صلاح مفهووم
هزيت راسيي بأيي.
باس راسي. وراح صعد لغرفته يبدل ويرتاح معرف ليش حاسه اكوو شي وبابا خايف عليه منه
طول هل سنه الي فاتت بابا يحذر عليه ب طلعات ميخليني براحتي ابدد
كنت اطلع اروح للمول لصديقاتي لوحدي بدون عموو صلاح هسه ماكوو ڱڵـه. ممنوع عنده
بعدت هل افكار عني رحت علئ المطبخ لگيت كاتي تاكل اخذتها وصعدت لغرفتي.
_______________________________
ضرغام.
كعدت م̷ـــِْن نوم ع صوت اذان الفجرر گمت اتوضئ حته اصلي لگيت ابويه كدامي
صباح الخيرر يابه
هلا بويه صباح النور شعجب كاعد تصلي موو م̷ـــِْن عوايدك
ههه ولله عندي شغل ضروري اريد اصلي واطلع
محروس وليدي.
عفته ورحت توضيت ورجعت لغرفتي صليت شويه وگعدت سهئ
صباح الخيرر حبيبي.
صباح النور
احضرلك ريوك لْـۆ تطلع هيج
ميحتاج طالع راح تأخر علئ شغلي
تمام لعد خليني احضرلك ملابسك
كامت تحضرلي ملابسي العسكريه واني اجاني اتصال م̷ـــِْن اصدقائي ب وزاره
الووو هاا فهد.
وينك ضرغام. عرفنه مكانه وراح ناخذ دوريه ونطلع
لاتصرف ايي تصرف لاحد ماوصلكم انيي مفهوم
هوو انته وييينك. م̷ـــِْن لبااارحه انطيتك خبرر وانته مااكو لاحد الان
جايكم ع طريق انيي 5 دقايق واكون ب مركز
تمام منتضريك لاطول اذا طولت اخذ الدوريه واطلع اني.
ماشي.
سديت م̷ـــِْن عنده ورجعت للغرفه بدلت وطلعت وصلت للمركز سلمت ع موجودين وطلعنه مهمه سريه
المهمه تصير مناطق بغداد اتوجهنه فوج كامل لبغداد وحاصرنه المكان بس مكدرنه نلزم المطلوب ملگيناه بنفس المكان
ويييينه موو ع اساس عررفتو مكااانه ياملازم فهد
لگينه مكااانه بسس ضاهر الكو.... عارررف بينه راح نجي ومنهزم
وهاذه گلآمَگ. بشنوو راح يفيدني هسسسه
يعنييي شسوي هااي فووك ماماكلين نعل جاااي تكملها عليه
گبت العركه بيني وبين ملازم فهد دخلو بيناتنه ضباط
سيدي اهدئ الموضوع يرادله شويه صبرر.
كرار شلوون اهدئ انته تعررف كلش زين صاارلنه شكدد بهل مهمه ومكدرنه لاحد لان نسووي شي
يوول عشيره مااال زلم ومكدرنه نلزم واحد سرسري وكو...
نلززمه ويين يروح يعني لاما يوكع بين ادينه وبهذيج الحضه انته بأيدك تصرف وياه.
شلت لاسلكي وحجيت
رقم 5 اجب
نعم سيدي.
خلو شباب يفتشوو كل المنطقه اريد تفتيش عام. متخلو بيت متفتشوو اكيد هل صگط خاتل بواحد م̷ـــِْن البيوت.
حاضر سيدي
طلعت م̷ـــِْن المكان الي كنت دنفتش بيه اجاني اتصال م̷ـــِْن العميد حسين.
نعم سيدي
ضرغام وينك.
سيدي حالين احنه بغداد حاصرنه المكان بس ملگينه ايي اثرر.
هاذه موو شغل لا هااذه لعب.
العفوو منك سيدي بس ترا. مخلينه طريقه مسويناها حته نلزمه كل مانعرف مكانه ينهزم واني شاك انو يسحب معلومات م̷ـــِْن المركز
شلوون يسحب ومنوو ينطي
خلي هل موضوع عليه اني اعررف شون اتصرف
اسمع ضرغام اريدك تجيني للبيت عندي كلام وياك كلش ضروري
حاضر سيدي
سديت م̷ـــِْن عنده واني احس دم تجمع براسي كله م̷ـــِْن فهد النذذل انيي ضابط ضرغام انحط بهيج موقف مع الاسف
طلعت م̷ـــِْن المكان الي احنه متواجدين بيه.
كرار طالع مهمه ابقه انته وياهم اريدك تشرف علئ كلشي
حاضر سيدي
طلعت بسيارتي وتوجهت لبيت العميد حسين الي يصير ابن عم ابوي
وصلت لبيته دكيت الباب ودخلت كعدت ب استقبال شويه واجه العميد
سلام عليكم.
وعليكم سلام.
تفضل تفضل
كعدت هو هم كعد وكال
احجيلي بمنوو شاك انو ينطي معلومات ويخلي هل نذل كل مَـرّھٌ ينهزم منكم
سيدي اني شاك بثنين ويانه ب مركز اول واحد ملازم فهد دائما اشوفه يخابر ومن تصير مهمه ونفشل بيها ابد ميهمه لموضوع واعصابه ابرد م̷ـــِْن ثلج
ولثاني ?
الثاني صديقه لؤي الي الكل يعرفو شكدد نذل وحقيرر وسوالفه مكسره
هزز راسه العميد وبقه مركز ثواني وكال
ضرغام اني راح اهتم ب موضوع لان تحده الصبر وماكدر ابقه منتضركم لاحد ماتوصلون اله بنتي جاي يراقبوها اخاف عليها تنخطف ومنوو منكم راح يتحمل المسؤليه
شلوون منوو يراقبها.
لبارحه حاسه اكوو شخص يراقبها وانيي ومتأكد هاذه واحد م̷ـــِْن جماعه سلمان (سلمان واحد م̷ـــِْن اخطرر رجال المافيا ولتهريب ب ممنوعات)
سيدي اذا تريد اخلي حراسه ع بيتكم وحته بنتك م̷ـــِْن تطلع اخلي وياها حراسه
لا لا ماريدها تخاف وتنرعب اني اتصرف انتو متعرفون تصرفون
سيدي بسـ..
قاطعني وگال
لابس ولاشي انيي اتصرف انتو اطلعو م̷ـــِْن الموضوع الي عليك انته تنتبهلي ع فهد ولؤي وتجيبلي كل المعلومات عنهم وين يطلعون وين يروحون بعد الدوام
كل خطواتهم اريدها يمي بااجر مفهووم
حاضر سيدي
بقه يحجي هوايه وويغلط اني ب كوه لآزٍمٍ اعصابي وياه لان يقربلنه ومنصبه اعلئ مِڼـّي
طلعت م̷ـــِْن عنده ب باب شفت بنيه بعدها بأول شبابها صغيره كاعده ب حديقه ومخليه بزونه بحضنها وتمسح ع ضهرها
هاي بنت العميد. ?
بقيت صافن شويه البُـنًتٍ كانت دايره وجهه شويه ولتفتت علي اني بسرعه درت وجهي وطلعت م̷ـــِْن عدهم
رجعت الانبار. واتصلت بواحد م̷ـــِْن جماعتي وطلبت م̷ـــِْن عنده يراقبلي تحركات ملازم فهد وصديقه لؤي الي هوه هم شرطي. حاله حال الجنود.
خلصت شغلي ورجعت للبيت بليل كلش تعبان وهلكان
وصلت ودخلت للبيت لگيت
امي كاعده ع ارض وتبچي.....
