رواية ذيب الشامخ الفصل العاشر 10 بقلم توتة

 

دزيت صورتي لباقر حته يدزها الذيب اول ماوصلته فتحهه بقه شويه وكتب ..    

باقر. :  ماشالله عليج كلش حلووه    

_تسلم اخويه    

باقر. : اكلج رباب اكوو كروب بالتلي اضيفج ويانه تتونسين بنات وشباب كلهم حبابين مثلج ..     

_هاا ولله ماعرف خليني اخذ رأي ذيب اول اذا قبل ضيفني وياكم.    

باقر. : ماعليج من ذيب اني احچي وياه هو مأمنج عندي واني ماضرج تأكدي وهسه راح اضيفج ويانه هم تتسلين بين مايفتح ذيب ويحچي وياج    

_تمام.    

بقيت اگلب بالجهاز صاحتلي امي عفته ونزلت جوه لگيتها طالعه فرشات الشتويه لان داخل علينه الشتاء والجو بارد صايرر    

_هاا يمه صحتيلي    

ام رباب. : تعاي وياي خلينه نغسلهم ماطول طالعه شمس بسرعه ينشفن ...      

هزيت راسي بأي وشلت وياها وغسلناهم احس ضهري انكسر يلا خلصنه ومن كملنه كالت اغسلي الصاله ونضفي المطبخ واني رايحه ؏ بيت ابو قاسم جيرانه مدري شعدهم من مناسبه..     

المهم بقيت انضف واشتغل لأحد ماصارت ساعه ب 2 الضهر.    

گعدت علئ الارض فحطانه من الشغل شويه ونزلت ساره من فوك    

ساره. : هاا لله يساعدج  قصص وروايات عراقية   

_وجع ليش ماتجين تساعديني مكيفه گالتج امي اصعدي اقري واني ادري بيج ماتقرين تلعبين بجهازج.    

ساره. : هههههه شعليه امي گالت لاتنزلين لاحد ماتخلصين دروسج واني ماحب اكسر كلامها هسه گليلي شنوو بقه اني انضف ابمكانج.    

_خلصت ماضل شي بس شيلي هذيج الفرشه خليها ع سياج حته تنشف.    

راحت ساره شالت الفرشه وطلعت تشرها اني رحت اشرب ماي من المطبخ.    

شويه واسمع ساره صرخت    

ساره.  : اااااخ يييييمه    

_____________________________     

ذيب.    

مرت الايام طبيعيه رويتي العادي شغل وتعب وتراكمات اني من نوع شغلي كلش صعب ومتعب لدرجه...      

انتقل شغلي لبغداد وبقيت فترا اشتغل ودائما امر من باب اهل رباب حته بس اشوفها شويه مرات تطلع للمدرسه اشوفها من تروح من بعيد  #ڪــڔٰا̍ڕ  

ماريد اسببلها مشاكل المهم عندي هيه بخير عرفتها ؏ ابن عمي باقر    

حته اذا اختفيت هوه يوصللها اخباري..      

                                  

              

                    

گاعد بالواجب اتصل جهازي جان ابوي استغربت شعنده متصل...      

ابو ذيب. : سلام عليكم    

_هلا يابه عليكم سلام.    

ابو ذيب. : شلونك    

_بخير الحمدلله صاير شي امي زينه ?    

ابو ذيب. : هوه اتصلت بيك ؏ هاذه الموضوع امك تعبانه كلش وماترضه تاخذ علاج ولاترضه تروح للدكتور اله تجي انته وتشوفها ..      

_بس اني عدي شغل هسه ماگدر اعوفه واجي     

ابو ذيب. : هاي يمي احچي وياها    

انطاها الجهاز شويه واجاني صوتها تعبان ومبينه مريضه...      

ام ذيب. : الوو    

_هاا يمه شلونج ليش ماتروحين للدكتور تريدين تموتيني انتي ليش تعاندين بس فهمني..    

ام ذيب. : اكلك اني امك لو انته امي شو تصيح عليه ماتسحي انته    

_هههه اروح فدوه راسج.    

ام ذيب. : ماروح لأي مكان لحد ماتجي وعيوني تشوفك.    

_ولله اجي واشوفج بس هسه اريدج تروحين للدكتور لاتسوء. حالتج     

ام ذيب. : سمعت هاذه الحچي من سنه     

_وداعت عيونج هسه بالواجب وحالين بغداد وماگدر اعوف شغلي اوعدج بس انزل بوجهي راح اجي عليج.      

ام ذيب. : امممم .. الله كريم    

_تروحين مو الله كريم    

ام ذيب. : ولك انته شو تصيح عليه وحگ علي اموتك ترا     

_هههههه اي عود من اجي عليج نلعب مصارعه بس هاا اريدج قويه مو اول ضربه توكعين    

ام ذيب. : تعال وشوف شلون اكسر راسك    

شبعت ضحك. بقيت اسولف وياها واحاجيها بلطف مثل الطفله الصغيره. امي حساسه بشكل مو طبيعي وعلئ كلشي تبجي    

سديت منهاا ورجعت لشغلي خلصت تقريبا ساعه ب 2 الضهر.    

رحت علئ الغرف المخصصه النه لگيت باقر يطوطح ويهذي بكلام مينفهم.    

ضربته علئ جتفه ..     

_هاا باقر شبيك    

باقر. : هههه هلا بذيبنه الشهم شحبك اني يولي    

_ولككككك حيوووان شااارب ???    

صار يأشر بأيده ويگول #ڪــڔٰا̍ڕ..    

باقر. : بسس شويه شربت اريد ارتاح ولككك طيب تعال اخذلك شفه منه    

ضربنه راجدي گلبت وجهه كلب رفع راسه عليه وضحك.    

باقر. : حلوه ولله حلوووه تخبل عليها جسم دمااااار    

لزمته من ياخت قميصه    

_ولكككك انته عليمن تحچي منوو الحلووه شمصخم انته لاتگلي لاعب بشرف بنيه احجييييي حيييواااان    

            

              

                    

وكع علئ وجهه ونام صار مايحرك بقيت دايخ شسوله هسه احچي لعمي عليه اخلي يربي لو اني اربي علئ ايدي خلي بس يصحه واني اعلمه هل صاق***      

ستغفرت ربي رحت توضيت وصليت وتمددت بفراشي تذكرت رباب صارلي يومين محاجي ويها    

رحت طلعت جهازي طافي شحن خليته ؏ شاحن شويه. وفتح دزيتها رساله ..      

_______________________    

رباب.    

سمعت صوت ساره صرخت شمرت الكلاص ورحت اركض طلعت برا اشوفها شبيها ..    

لگيتها واكعه علئ الارض ولازمه رجلها    

_خيرر خيرر شصار شبيج.?    

ساره. : ااي يمه رجلي ولج وكعت الارض كلها ماي وتزحلگت    

_غير تنتبهين تعاي گومي    

لزمت اديها كومتها خطيه كوه تمشي من الوجع بعدنه ماداخلين اندك الباب رحت فتحته جانت امي     

ام رباب. : صار ساعه ادك بالباب شنو ماتسمعن    

_جنت ويه ساره وكعت علئ رجلها    

فتحت عيونها مصدومه راحت بسرعه علئ ساره وسألتها شلون وكعت گالت الهاا ساره عود شلت الفراشات اريد اشرها وكعت    

اشو ساره حچت هيج وامي استلمتني رزايل العوبه الخايسه الماتعرفين تسوين شي ..      

ساره. : يمه شبيج هيه شعليها.    

ام رباب. : انتي انجبي انيييي مووو گتلج تضلين بغرفتج تدرسين شنزلج هاااا.    

_يمه ولله نضفت كلشي بس هاي الفرشه ضلت وهيه گالت خليني اساعدج وكتلها شريها    

ام رباب. : انتي متسودنه هل ايام يرادلج جرت اذن    

عفتهم وصعدت لغرفتي ابجي اني شعليه وتحجي عليه هيج.    

طلعت كتبي وبقيت ادرس كملت دروسي اجتي رساله رحت فتحت الجهاز شفت رسايل من كروب تجيني    

دخلت علئ التلي لگيت باقر ضايفني ويه اصدقائه كروب بنات وشباب شله كامله    

سلمت عليهم الكل رد بسرعه وصارو يتعرفون عليه عرفتهم عن نفسي وتعرفت عليهم واحد واحد ..      

اندمجت وياهم وحبيت كلامهم كلش بقينه نسوالف ونضحك هووايه شويه واتصل باقر فتحت عليه عود اريد اتشكره ..     

باقر. : هلو يحلوه شلونج    

_الحمدلله اخويه انت شلونك    

باقر. : اشششش اني مو اخوج لاتكولين خوويه    

ستغربت شبيه باقر بعدين ليش يحجي هيج بهمس وصوتها موطبيعي.    

_شبيك باقر ?    

باقر. : اريدج رباب حبيت جسمج نار    

_انته شتكوووول شنوو هل حچي متستحي    

باقر. : اشش صوتج لاتعلينه لاتخليني افضحج گدام الكل هسه صيري حبابه وخلينه نسوي مره وحده    

_شنوو شنسوي ??    

الفصل الحادي عشر من هنا