رواية ذيب الشامخ الفصل الحادي عشر بقلم توتة
شايف من تفارگ وانت لسه تغار ?
>>>>>>>>>>>>>>>>>>>>>>>>
_شنو شنسوي ?
باقر ; انام وياج ..
فتحت عيوني مصدومه من كلامه معقوله هل كلام يطلع من نفس الأنسان الي أمني عليه ذيب
_انته مو باقر منوو يحچي وياي ?
دزيتله هيج اتصل عليه فتحت خط اريد اتاكد هوه نفسه باقر الي يگول هيج لوو غيره والي صدمني هوه نفسه باقر
باقر : هاا حبيبي شنوو رأيج نسويها بالاتصال تصير احلا
_انته صدوك واحد بلااخلاق ومتستحي موو عيب عليك ماعندك خوات انته ولله لحجي ذيب عليك واخلي يطيح حضك يانذل.
باقر : هههههه شنوو تحجين لذيب شتگولين مثلا دزيت صوري لباقر وحالين عنده ويمته مايحب ينشرهن ويخليني فرجه للعالم
بلعت ريگي بخوف دخيلك ربي شهل مصيبه يعني يهددني بصوري
_شش. شقصدك
باقر : قصدي واضح كلش خلينه نسوي **** واذا مترضين ترا صورج عندي وبضغطه وحده مِڼـّي طشين بكل مواقع التواصل
_لا الله يخليك بداعت امك لاتسوي هيج اعتبرني اختك حرام عليك تشوه سمعتي اني شسويتلك ..
باقر : ولله بعد هاذه الشي راجعلج فكري بالموضوع زين ومن تقررين اتصلي عليه ..
وهاا كلشي يبقه سري بينه ومحد راح يعرف شي عنه اوعدج بهل شي وهسه باي انتضرج ياحلوه ..
سد م̷ـــِْن عندي انفجرت بس دموع ..
ياااربي دخيلك شسوي هسسسه اني شلووون ادزله صورتي غبيه اييي غبيه اني
هسه شراح يصير ينشر صوري اي ولله يسويها ..
احچي لذيب ?
بس شنوو اگوله شلون اكله صديقك يريد يسوي وياي علاقه جن****
گعدت علئ الجربايه خليت اديه علئ راسي واني دايخه ودموعي تنزل بصمت
انفتح الباب ودخلت اختي ساره
ساره : شبيج رباب صاير شي
_مصيبه
ساره ; ياستار شصاير احچي
_هذاك اليوم مو گتلج ذيب راح يخطبني
ساره : جذب عليج مو ?
_لج لا ياريت لو سالفه بسيطه هيج
ساره ; لعد شنوو الموضوع
_ قبل فترا مو گتلج ذيب عرفتي علئ ابن عمه وانطاني رقمه گال كل ماأختفي انتي تواصلي وياه هوه ينطيج اخبار عني ..
ساره : اييي وشنو
_قبل كم يوم طلب من عندي صوري گال ذيب يريد يراويهن لأمه حته تجي تخطبج واني الغبيه صدكت بكلامه ودزيتله صوري
ساره : عزا العزاج رباب شلووون دزين صورتج وهسه شنوو يهددج بيهن
هزيت راسي بأي واني ابچي
ساره : گولي لذيب عليه هوه راح يوكفه عند حده لاتخافين كوليله ولله دزيتهن الك معبالي هوه راح يهددني بيهم
_ماگدر ساره ماگدر حلف كال اذا تگولين لذيب انشر الصور واني اخاف اسوي هيج تصرف وانفضح
ساره : شطلب منج مقابل الصور ?
نزلت راسي وبچيت واني اتذكر الطلب مالته الي كل ماتذكره جسمي يكش وتلعب نفسي
ساره ; ماتحجين شبيج شنووو طلب يمكن يكون سهل ونگدر ندبره يريد فلوس مو
هزيت راسي معنئ لا
ساره : رباب لاتخبليني احجي الموضوع بالتفصيل حته اذا اكدر اساعدج بشي لاتبقين جبانه وبس تبچين احجي يلا
_يريد اسوي وياه علاقه جن****
خلت ساره ايدها علئ حلكها مصدومه من كلامي ومن طلب باقر النذل
ساره : معقوله !!
_اني مثلج مصدومه ولله جنت معتبرته اخوي معبالي يطلع منه هل تصرف هسه حايره شسوي شلون اتصرف اذا احجي لذيب تكبر القصه وحتمال كلش قوي ينشر الصور ..
واذا اسكت وماسوي الي يريده هم ينشرهم يالله راح اتخبل ولله اني شلون اغلط هيج غلطه. قصص وروايات عراقية
ساره : شوفي ليوم بليل اعرضي عليه فلوس مقابل الصور وشكدد مايكون المبلغ اني وياج ندبره حته اذا اذطر الامر نحچي لعمه سهام ماشي.
_لا لا ساره دير بالج تحچين لعمه سهام ولله تكبرر السالفه وحتمال تكول لعمي حته يحلها واذا وصلت لعمي گولي وصلت لعمتي حرير وأبوي وانفضح اكثررر خليني افكر بحل.
ساره : فكري بحل سريع.
_راح اسوي مثل ماگلتي واعرض عليه فلوس.وانشالله يقبل ويمسح الصور من عنده
ساره : واذا رفض شتسوين ??
_ولله مادري شسوي بس احاول اقنعه بالفلوس
بقيت حايره شسوي بهل مصيبه اني غبيه شلون ثقيت بيه بسرعه بس شدراني بيه گلت من اقارب ذيب اكيد معتبرني اخته ومايسويلي شي طلع العكس
نزلت جوه نضفت ورتبت البيت وسويت عشه اريد اكضي وكت انسه الي صارر انضف وبالي مٍشًغوٍلً
تعشينه وكملنه اخذت صحون اغسلهن اجتي رساله م̷ـــن ذيب كاتب هلو حبيبتي
من شفت رسالته خنكتني العبره وعيوني نترست دموع شلون ضامه عليه هيج موضوع سامحني حبيبي ولله بتليت بسالفه اني مالي ذنب بيها.
خلصت شغلي ورحت صعدت لغرفتي اتصلت بذيب
_الوو
ذيب : هاا بويه شلونج اعذريني هل يومين عندي شغل هواي وماگدرت احاجيج وجهازي طافي شحن
_عادي مصار شي
ذيب : عادي ?
_هوه قصدي ماكوو داعي تعتذر اعرفك مٍشًغوٍلً
ذيب : اممم .. ايي شلونج
_الحمدلله انته شلونك
ذيب : الحمدلله يمكن هل يومين ارجع صلاح الدين اريد اشوف امي. تعبانه
_خطيه شبيها
ذيب : عدها فقرات وضغط وسكر وكلهن متجمعات عليها.
_مابيها غير العافيه
ذيب : لله يعافيج بويه انتي شلونج بالدوام كملتو امتحانات بعدكم
_لا بعدنه خلصنه الشهر الثاني.
ذيب : لله كريم انتبهي لدراستج زين
_ههه احس روحي طفله من توصيني علئ دروسي
ذيب : ليش انتي مو طفله ?
_طـۧبعا لا اني بنت شابه واعيه
ذيب : شما كبرتي تبقين بعيني طفله واحسبج بنيتي
_فدوه الگلبك
بعدنه نحجي اتصل باقر توترت كلش وخفت بنفس الحضه
ذيب : اريد اعرفج علئ امي حته اجي اخطبج
_اي
ذيب : انتي وين بالج ?
_مادري انته شلونك
ذيب : شنوو ???
_شنو شگلت ماسمعتك
ذيب : انتي شبيج احسج مو طبيعيه صاير شي احجي
_لا بس سمعت حركه يم الباب مال غرفتي يمكن امي راح اسد هسه شويه واتصل بيك
ذيب : راح انام هسه اني ب 12 گعديني ماشي
_تمام
سديت من عنده واني مخليه ايدي علئ گلبي الحمدلله ماكشفني هوه يعرفني من صـوتي اذا اجذب
اجتني رساله من باقر كاتب ..
باقر : عبالج من ماتفتحين خط عليه ماسوي شي شوفي شراح يصير بيج
رديت عليه بكتابه ..
_باقر الله يخليك بس اسمعني لاتصرف هيج
باقر : اذا ماتنفذين الي گتلج عليه تشيلين فكره امسح الصور من عندي.
_عندي الك موضوع احسن من هاذه ومتاكده راح يعجبك
باقر ; شنو هوه ?
_انطيك فلوس مقابل الصور وشكدد متريد اطلب اني حاضره
باقر : طلعتي طاگه وماعرف المهم ماتهمني فلوسج ولاريد منج ربع كل الي اريده هوه علاقه جن*** ومانطول بيها بين يوم ويوم نسوي شبيج لموضوع يبقه سر بينه
وانتي مراح تخسرين سمعتج ولاراح يصيرلج شي نسوي كلشي علئ الجهاز تمام
_باقر ابوس ايدك لاتسوي هيج اني بشنوو اذيتك حرام عليك اني اعتبرتك اخوي. هيج تاليتها تجازيني. لان ثقيت بيك ..
باقر : ليش هسه اني شمسوي مطالب شي صعب شغله كلشش بسيطه وانتي تكدرين عليها.
_لو تموت ماسوي هيج افضل انفضح وتنشر صوري ولاسوي هيج وياك يانذل الله ينتقم منك عساها بعرضك.
طفيت الجهاز واني ابجي خليت اديه علئ وجهي واني انشغ ودموعي تنزل
ياربي شسوي هسه راح انفضح راح ينشر صوري ..
_______________________
ذيب.
راسلت رباب شافت الرساله بقت شويه واتصلت عليه حسيتها مو طبيعيه تحجي بالگوه تطلع منهاا الكلمه
اخذتني فترا احجي وهيه بالها ابدد مو يمي ماعرف شبيها وشصاير وياها
يمكن متعاركه ويه اهلها لأن همه دائما يحجون عليها المهم ماخليت بالي شي عليها عذرتها گلت اكيد عدها ضرف مخليها هيج متوتره
لأن هيه كل مانحجي تكون متلهفه وماتقبل اسد الجهاز ولاتقبل انام اله تسمع صوتي وهواي مرات تنام وهيه تسمع انفاسي
سديت من عندها ورحت اريد انام
لگيت باقر كاعد ويلعب بجهازه ضربته علئ كتفه
_هاا حيوان گعدت
باقر ; شبيك هييي
_هيي بعينك كوا**** صاير تشرب وتجي للدوام ياناقص قسم بذات لله اذا شفتك بعد شارب وجاي للدوام اعلگك بالبنكه
باقر : اهوو ذيب شبيك هيه مره وحده جنت ضايج وشربت انت تعرفني ماسوي هيج تصرفات
_اي واضح ماتسوي هسه عوفك من هاذه كله انت شمصخم ?
باقر : شن ء شنو قصدك
_لبارحه جنت سكران وتگول عليها جسم دمار منو هيه وشجان قصدك م̷ـــِْن هل كلام.
باقر : هههه يمعود هاي البنات الويانه بالتلي بيهن وحده عليها جسم دمااار وحلووه حييل خلتني اتخبل رسمي
_انعل يومك اذا تسوي شي الهاا اعراض الناس موو لعبه بيدك.
باقر : انته شبيك ليوم عليه دافعك احد عليه شنوو
_لا بس لأن احبك اريد مصلحتك ادري بيك تنغش بسرعه بهاي السوالف
باقر : لاتخاف اني واعي علئ تصرفاتي
_ماشي هسه اني راح انام ب 12 گعدتي عندي واجب
باقر : تمام
عفته ورحت نزعت ملابسي وتمددت علئ الفراش غفيت بسرعه كد ماتعبان وهلكان من الشغل.
ماعرف شكدد مرر وقت واني نايم گعدت علئ صوت باقر مدري ويه منوو يحچي ويضحك وصوته موطبيعي
فتحت عيوني شفته راجع سكران ومدري ويه منوو يحجي
كمت واني ناوي اطيح حضه هل مره
سحبته من قميصه وسديت الخط بوجه الي جان يحجي وياه
_انته مااااتوب لاحد ماكسر راسك
ضربته بوكسي علئ وجهه وكع علئ الارض وخمد بعد ماگام اعتقد انغمه عليه مدري دايخ وانام
مسحت ايدي متقزز من لمستي اله وهو شارب شلت جهازه شفت ساعه ب 11:50.
شويه واجت رساله من رباب علئ جهاز باقر كاتبه باقر الله يخليك ابوس ايدك امسحن ولله ماگدر اسوي الي تريده
استغربت من الرساله شبيها رباب شنوو هل حجي رحت دخلت علئ التلي وشفت المراسله مالتهم هيه وباقر بالخاص
