رواية بينا معاد الفصل العاشر
هشام رافع ناره ع ايده وغرقانين ميه
مراد بعجاله: دخلها هنا واتكلم بعد كدا
هاله بفزع: ناره ايه الي حصل؟؟ هشام انت السبب كسرت قلب بنتي, انت ولا حاجه هتنبسط لما تموت,, مش كفايه ماشيه وراك كئنها عبده عندك,, هي لازم تموت عشان تحس انك كويس انت اخدته عهد ع نفسك تقتـ لها
مراد: اهدي ياهاله
هاله وشها احمر من القهر والغيظ : يقولي ليه مجاش النهارده سمعت عن الميته جنه انها ظهرت وعرفت انت ليه مظهرتش لو مش عايز بنتي خلاص سيبها واعمل ده قبل ما تضيع حياتها
مراد بضيق: اهدي كلامك قاسي مش كدا
هاله بتهكم: قاسي! والي عمله النهارده كان حنين ده منتهي الغباء,, وطبعا انت بتتكلم كدا لانها مش بنتك لو هي بنتك كنت زمانك ماسك فيه ومبهدله ومقطع وشه
مراد بنفعال: كفااايه كدا
هاله : لما انت مش هتبقي سند وضهر ليها ليه جبتها ,وهو استقل بيها واخدها لعبه وهزار, والنهارده خلنا لبانه وسط الناس ووصمنا بالعار بالطريقه الي عامل بيها بنتي, _عيطت_ ليه مكتوب ع بنتي تتعامل بالطريقه المهينه دي ياعيني عليها بختها قليل
هشام اتحرك ومراد طلع وراه
هشام: اتفضل ادخل ياعمي
مراد: هشام انا فاهم انك مش قادر تنسي جنه لان انا نفسي مش قادر انساها ,,بس الي عملته النهارده كان مهين وقاسي عليهم
هشام بمراره وغصه : بجد اسف غصب عني ياعمي
مراد: اهتم بناره ومتقساش عليك وعليها
هشام هزله دماغه وركب عربيته وهو مقهور من احداث اليوم واتصل بجميل
هشام: جميل بعتذر لاني بتصل بيك متأخر بس فيه بنت عايز تجمع لي معلومات عنها بالتفصيل اسمها جنات عبد الهادي ساكنه في حي شعبي ***
……………قصص منه محمد كاتب……………
في السوق الشعبي
جنه لزبونه: ايه رايك في البلوزه دي ,,دي لسه واصله امبارح و قماشتها حرير طبيعي
آيه بتكشيره: جنه القضاء المستعجل شرف
جنه لفت وببتسامه: اهلا وسهلا ياعمي خير فيه حاجه
عبده: ابدا جيت اشقر عليكي ,وجبتلك يوسفندي فيه فيتامين بيمنع البرد
جنه: الف شكر
عبده: انتي شكلك تعبانه
جنه: لاء انا كويسه
عبده بأصرار: لاء شكلك تعبانه ,روحي البيت ارتاحي وانا هقف في المحل بدالك
آيه: ليه هو حد عاقل يسيب القط يحرس السمكه, روح انت ارتاح شكلك تعبان طول الليل من لعب القمار
عبده اتعصب عليها: وانتي مالك يا ام لسان متبري منك
آيه: ايه اصله ده وبعدين انت رايح فين؟؟!
جنه دخلت قبله الدكان وفتحت الدرج وطلعت فلوس تدهالوا
آيه قفلت الدرج بغل: ليه تديلو شقاكي ,وانتي عارفه انه بياخد الفلوس يحطها ع تربيزه القمار
عبده: اما بت حشريه شوفتيني بلعب قمار
جنه: خلاص ياعمي
عبده: عشانك هسكتلها وشوفي كنتي هتعملي ايه؟؟!!
جنه بعدت آيه وفتحت الدرج وعطته فلوس: اتفضل
عبده: دول بس
جنه زودت الفلوس: خد دول وياريت تاكل بيهم افيد
عبده: حاضر والف شكر هسددلك كل الفلوس الي باخدهم منك ( شد كل الفلوس الي في الدرج) هسدد ومتأكد
آيه برقت في الدرج الفاضي وصرخت في وش جنه: انا هتجنن بسببك
عبده طلع من الدكان وآيه طلعت وراه بسرعة ومسكته من دراعه وتشد فيه: استني ياعم هات الفلوس
عبده زقها: ابعدي عني يا مهبوشه ولا خدوهم بالصوت
آيه: دي فلوسنا شقانا رجعهالي والا وديني ابطح نفسي عليك
عبده بسخريه: وانا خفت وهنفد بجلدي
سابها ومشي وآيه زعلت من جنه ورجعت ع البيت !!!
…..قصص منه محمد كاتب……….
جنه واقفه في المحل بضهرها بترص الهدوم ع الرف
هشام دخل وشد تيشيرت ورفعه قدام وشه وسألها: بكام ثمن ده الي مش عارف له وش من قفاه!!
جنه بصتله من فوق كتفها: ده ب100 بس 70 عشانك ده ذوقه بيعجب كل الرجاله
هشام نزل التي شيرت وهنا ظهر وشه الوسيم وابتسملها بستفزاز لما وسعت عيونها ومد ايده
جنه مسكتها وبزعيق: حيلك حيلك, انت هتمد ايدك فين
هشان شال من عليها ريشه ونفخها وقال: المعامله هنا فظيعه هو انتي مع كل الزياين شرسه كدا
جنه: بقولك ايه! خلصنا عجبك حاجه وعايزها خدها ،،مش عجبك وريني عرض كتفك واتكل ع الله
هشام وزع عيونه علي البضاعه في المحل وبعدين رفع صوباعه وشاور عليها: عايزك انتي فيه مكان لازم نروحه سوي ممكن تفضي لي نفسك شويه مش كدا
جنه: مكنتش يتعز انا مشغوله للركب
هشان: تمام ,, كل البضاعه الي في المحل تمنها كام 300 دولار 200 دولار ,,لو اشتريت كل البضاعه مش هتبقي مشغوله للركب
جنه : بص بقي يا بيه انا واحده صبرها قليل ودايما خلقها في مناخيرها لامؤاخذه ،ممكن تتوكل وتخرج بالذوق لانك معطلني عن اكل عيشي
جنه لفت بضهرها ترص الهدوم وتكيسها وهو قرب ولزق فيها ويزق فيها بكتفه لحد ما لقاها رسمه صوره له من غير ملامح مجرد شخبطه
هشام بخبث : وشكلك مش مهتميه بيا خالص
جنه اتعصبت وقلبت الصوره ع وشها وهو ابتسم ع نرفزتها وزقها تاني وهي لفتله لحد ما لقت نفسها تقريبا جوه حضنه والي استغربته ليه قلبها رفرفر من قربه وكأنه هينفجر
هشام رسم وش الصعبنيات : من فضلك فضي لي وقتك وتعالي معايا والنبي والنبي والنبي
جنه رفعت حاجب: هو انت بتشبهني بحبيبتك القديمه ,, بجد صعبت عليا لانك متعرفش ايه هو الحب,, لانك لو بجد حبيتها ع حق مكنتش تشبها بواحده تانيه وهتمشي بقي في يومك ده ( شدت منه التي شيرت بغل) وهات ده ليتوسخ مش هعرف ابيعه
جنه نفضت في وشه التي شيرت وهو حط ايده ع انفه وعمال يضحك عليها وقال: تمام هشوفك مره كمان
جنه بعصبيه وحمقه : مفيش مره كمان واحسلك متظهرش قدامي
هشام بنظره كلها حب: مقدرش اوعدك بده يمكن نتقابل صدفه مين عارف
هشام قال كلامه وخرج وجنه لفت تشوفه ملقتهوش طلعت وراه وهو كأنه حاسس رفع ايده وشاورلها بحركه باي وهو لسه بضهره وبعدين لف لقاها واقفه تبص عليه واتحرجت ودخلت تجري جوه المحل وطلعت تاني لقته واقف بوشه ورفع ايده يشاورها باي وباجمل ابتسامه
جنه خلصت شغلها ولمت بضاعتها وراحت تركب المترو ورافعه حموله الكياس ع ضهرها
هشام حاطط ايده الاتنين في جيوبه وساند ع الحيطه وقالها: اوه اظاهر تقيله الشيله عليكي
جنه وقفت وحطت الكياس علارض : انت بتعمل ايه؟؟!!
هشام قرب عليها ومبتسم: نقدر نقول مجرد صدفه
جنه كشرت ورفعت الكياس ومشت وهشام حاطط ايده في جيوبه وماشي جنبها بس بضهره
جنه بصتله بغيظ وهو استعبط وفضل يلف دماغه في السقف وهي مكمله مشي وهو هيموت ويضحك عشان يستفزها مد ايده عوجلها الكاب
جنه بعد دماغها بغضب : وبعدين بقي عايز تتبهدل
هشام مبتسم: لو منك ياريت
جنه باشمئزاز طفولي : هو انت موركش حاجه تعملها
هشام كاتم ضحكته وهزلها دماغه بـ لاء
جنه بخبث: حلو اوي ( حدفت الكياس عالارض) اتفضل شيل
هشام وطي ورفع الكياس لقاها تقيله وهو ابن بشهوات مش واخد ع الشقا والمرمطه ,قلدها ورفعها ع كتافه ومشي وراها لحد ما ركبوا المترو وحط الكياس وأأعد ,وهي أأعدت بعيد عنه ,هشام ابتسم وقام واعتذر من البنت الي قاعده جنبها بكل ادب وشياكه: اعذريني بس دي خطيبتي
البنت قامت وهشام شكرها ,ااعد راحت جنه قايمه قاعده في كرسي تاني وبصتلو وعوجت رقبتها وهو كالعاده مبتسم وقام سحب الكياس وراحلها واعتذر من الست الي جنبها
هشام : لو سمحتي ممكن نبدل الاماكن
الست بصتله وبصتلها وقامت : اه اتفضل طبعا
هشام أأعد وربع ايده وحط كتفه ع كتفها يمنعها تقوم
جنه اتكت ع اسنانها بحقد: انا بحذرك متلعبش معايا انا ع وشك الانفجار منك
هشام رفع حاجب: ايه هتصوتي وتحرش وكدا
جنه : هو فيه حاجه تقدر تمنعني
هشام بصوت اقرب للهمس : وانتي مفكره هقبل ده منك مرتين
جنه نفخت : اللهم طولك ياروح
هشام بصلها اوي لانها وحشاه حتي وهي متغيره 180 درجه عن جنته الكيوت الرقيقه لواحده غريبه بس عجباه ,,حتي في اسلوبها الجديد هو من صغره بيعشقهاا بكل حالتها ,,لحد ما لمح السلسله المتعلقه جوه رقبتها وبيمد ايده يتأكد
جنه شخطت فيه: انت هتمد ايدك فين
هشام لقاه كل الركاب بتبص عليهم ضحك بغيظ ولف ايده حوالين رقبتها: اصل احنا مخطوبين وبنتخانق اسفين مالك ماتميني ولمي الدور ,, عمال ادادي واصالح فيكي اعقلي
هشام وشوشها: انا نفسي طويل مع الامور المفتوحه اعملي الي تعمليه ولو اتجننتي صدقيني هتصعبي الامور عليكي مني
جنه لمحت تذكره الدخول للمترو في جيب البدله وبخبث مدت ايدها نتشله منه
هشام: انتي بتحطي ايدك فين؟!
جنه ابتسمتله ابتسامه غبيه وهو بادلها نفس الابتسامه الغبيه لحد ما نزلوا من المترو وهشام شايل الاكياس
جنه: ناولني الشيله واتكل انت
هشام ببتسامه واسعه: هوصلك
جنه بصتله وفضلت تببرطم وحطت التذكره وعدت وهشام بيدور ع التذكره ملقهاش راح نط من فوق الحديده
فرد الامن مسكه: يا استاذ انت ازاي تعدي من غير تذكره عارف ثمن الغرامه دي اد حق التذكره تلات اضعاف
جنه لفت وبصتله وشاورلته بالتذكره بشقاوه زي العيال,, وهشام اتنهد وابتسم وطلع الكريدت كارد: خد منها الغرامه وبسرعه
الامن: انت تيجي معايا المكتب الاول
هشام: ليه
الامن شده : يله متعصلجش
……قصص منه محمد كاتب……………
هشام بعد ما خرج من محطه المترو هو وجميل طلع ع الشركه
هاله: استنيتك لوقت طويل
هشام بجديه: خير يا مدام هاله
هاله : امبارح كنت وقحه معاك جدا بس اعذرني كنت خايفه ع بنتي ,والكلام الي قولته لاني ام عشان كدا اتمني تعتذرني ومتزعلش مني , ولو وبخت زياده ده من عشمي فيك انا بعتبرك زي ابني الي هاجر ومرجعش وغير كدا انت واحد من العايله
هشام: ولا يهمك حصل خير وانا اسف ع الامور الي حصلت
هاله ببتسامه :وانا بشكرك لانك قدرت حالتي امبارح, ناره كانت بتعاني امبارح من فضلك خد بالك من تصرفاتك معاها وخد بالك منها
هشام بهدوء: حاضر
هاله: انا همشي لان عندي تصوير
هشام بأسلوب مهذب: اتفضلي
وراح هو وجميل داخل مكتبه لقاها واقفه في وشه مسك كتافها وسألها: انتي كويسه؟ شكلك تعبان روحي البيت ارتاحي
ناره: لاء انا كويسه
هشام بعتذار: اسف جدا ع الي حصل امبارح
ناره هزت راسها بالنفي : متقولش كدا ,,انا الي بتأسفلك لاني اتصرفت من غير داعي
هشام: اه فيه مشروع كنا هنضم فيه مصممين ازياء ايه الي تم فيه لسه بندور ع مصممين
ناره: ايوه وكل يوم بيتقدملنا ناس ولسه بنختار منهم الانسب بس مفيش حد يليق بادار الازياء وانا عايزه مصممه تكون برفكت لان احنا مش بنصمم اي حاجه
هشام :اوكيه بدعمك وبضم صوت لصوتك
……….قصص منه محمد كاتب………….
آيه: بقولك ايه ياجنات جالنا عرض هايل هايل وهنبقي مشهورين
جنه: اشمعني
آيه: جاني اتصال من دار ازياء عالمي وطالبين اننا نشتغل معاهم وانا وافقت
جنه: لاء والله كمان وافقتي
آيه: انتي مفكراني بهزر مثلا
جنه: يعني بزمتك مين يصدقك دار ازياء تتصل بينا وعالميه, ليه والمصممين المشهورين زي الهم ع القلب
آيه: يظهر حد فيهم شاف تصميمك وعجبه وبعدين مفهاش حاجه لو روحنا وجربنا هنخسر ايه
جنه: الصراحه انا كل حلمي الصغير يبقي لينا محل بأسمنا حتي لو كان في السوق المهم يبقي ملكنا ونكافح من اول وجديد
آيه: هو لازم نكافح والفقر ياخد مننا , بصي لدرعاتي دي درعات بنت رقيقه
جنه ضحكت وهي بتمسك درعتها: في دي عندك حق دي عامله زي عضلات رجلي
آيه: والله لو فارس احلامي شاف عضلات درعاتي هيفكرني بشتغل في الفاعل
جنه: انتي جميله بكل حالاتك المهم ايه رايك في الموديل ده حلو مش كدا
آيه: انتي شغلك في اختيار الهدوم هايل ,,وبتفصلي ولا اجدع مصممه عالميه
جنه: لاني بعشق شغلي ولازم الشغل يخطف عين الزبون لان ده الي هيكتر رزقنا
آيه: وعشان كدا مستخسره ايدك في الشغل الشعبي يا جنات
ع الجانب التاني جميل بيجمع بيانات عن جنه وبيتحقق من سيرتها الذاتيه
………قصص منه محمد كاتب………….
في مكتب هشام
جميل: هي وصاحبتها مأجرين محل من حوالي سنتين وجنات بتصمم ازياء وهي مشهوره جدا في منطقتها
هشام: وايه عن عيلتها
جميل: مالهاش حد غير واحد اسمه عمرو وابوه
هشام بيحرك القلم بشكل دائري: وايه نوع العلاقه بينهم
جميل: في الحقيقه هما الثلاثه عايشين في نفس البيت
هشام : تقصد ايه عايشه معاهم في نفس البيت
جميل: يعني مقيمه بصفه دايمه معاهم
هشام اتحرك بجسمه بنزعاج: كفايه تقدر تمشي
جميل : صاحبها عمرو هو الي هيرسم اللوحه ع الجدار حضرتك ع علم بده
هشام : لاء بس عادي خلوه يرسم
جميل : هو ع العموم بدء من اليوم
هشام علامات العصبيه واضحه على ملامحه وقام بسرعه يروحله ووراه جميل وقربوا منه
هشام: اظاهر مأخطئتش
مخلص لف وبصله
هشام طلع الكارت: انا هشام الحناوي صاحب المجموعه والملاهي ,و المسؤل عن اللوحه الي هترسمها
مخلص كرمش الكارت وهشام اخد باله وابتسم بخبث
مخلص بدون نفس : عايز ايه؟؟!
هشام رفع كتافه: انا انسان فضولي جدا ,,وعايز اعرف هتطلع اللوحه ازاي في النهايه
مخلص: هتدخل في شغلي
هشام : لاء انا بس مهتم باللوحه بشكل شخصي ومهتم بيك انت كمان والسبب وري رسم اللوحه بنت برغم انها سابت عالمنا لكن لسه ساكنه روحي وقلبي لكن في يوم من الايام ظهرت قدامي (لف حواليه) قادر تحس بالي حسيته انا, انا مش هقدر اتخلي عن البنت دي لانها حب عمري طفولتي شبابي فتاه احلامي _مدله ايده بابتسامة مكر _ هراقب شغلك بكل اهتمام
مخلص بعد تردد حط ايده في ايد هشام تحت نظرات ناره الي بتراقب من بعيد و عيونها قلبت جحيم من نار
ناره اتصلت بهاله: امي البت الي شافها هشام امبارح هي جنه ,,يظهر لسه عايشه ومامتتش زي ما ابويا فهمني
هاله شهقت : بتقولي ايه؟!
ناره فقدت اعصابها : مخلص ظهر يا امي ظهر
هاله من الخوف هجمتها دوخه قويه ومسكت قلبها وفئدت الوعي وكاستنج العمل اتلم حواليها
