رواية بينا معاد الفصل الحادي عشر
هشام راجع مكتبه مسك ناره من كتافها: انتي مشغوله حاليا
ناره: ايوه
هشام: ربنا معاكي
ناره ابتسمت ومشت بسرعه نزلت جري ناحيه مخلص و قربت منه ومسكت ايده!
ناره: مخلص بقالي سنين مشفتكش وبجد احبطني بس فرحانه عشان شوفتك
مخلص رفعه عيونه وبصلها بنظره بارده جافه
ناره: بس شكلك انت مش فرحان ‘بس لازم اتكلم معاك
مخلص: عايزه مني ايه ؟
ناره : عايزه اطمن عليك انت كويس’ قولي جنه كويسه مش كدا؟!
مخلص رفض يرد عليها
ناره ضحكت: جنه بت نكته وبتضحك بحق تتخلي عن عيلتها ,,للدرجه هي بتحبك ولا حابه تلعب معاك بديلها
مخلص شدها بقوه: اياك تهيني برائتها ,,هي مش عارفه اي حاجه
ناره: يعني ايه
مخلص: انتي الي خلتيها كدا لما ضربتيها بالعربيه دماغها اتأثرت بالخبطه ,,وفئدت الذاكره ومبقتش فاكره اي حاجه
ناره ضحكت: طب الي عملته انا كان منتهي الاجرام بس الي عملته انت بجد مدهش, عشت معاها اربع سنين وانت بتكدب عليها عارف لو عرفت هتعمل فيك ايه
مخلص: اياك تقربي منها سامعه المره دي مش هقف اتفرج
ناره: انت مش عارف احنا فين؟! احنا في مجموعه الحناوي والشاب الي اتكلمت معاه من شويه هو هشام الحناوي وده ابن عم جنه وحبيبها الي متحملش فراقها وشاف الحياه سوده بعدها
مخلص بصلها والدموع خانقته وغصب نفسه يكتمها تنزل قدامها !!
ناره كملت عليه: وهو ابن داليا البحيري الي كان بيدرس في فرنسا’ لو كنت عارف كل ده ازاي تيجي وترسم لوحه هنا
مخلص ينهي النقاش: قومي معنديش الي اقلهولك
ناره: انا وهشام هنعلن خطوبتنا ‘ومش هقدر اشوف جنه بتقتحم حياتي معاه’ لو خايف عليها خدها وارحل من البلد حالا
مخلص :راحلنا من عدمه مش قراري لوحدي ,ومش همشي عشان اتجنبك او اخاف منك
ناره :لاء هتمشي ‘ومتنساش رغم الي عملته انا الي خبطها بس مقتلتهاش ولا سرقت حياتها ,انت الي حرمتها من ابوها وحبيبها انت مش حد تاني
مخلص سابها ومشي بكل غضب ‘وراح طوح علبه الالوان برجله
……قصص منه محمد كاتب…………..
جنه بعد ما طفت البوتجاز ع الاكل أأعدت وافتكرت هشام لما اتمسك وهو بيعدي المترو ابتسمت لحد ما لقت موبيلها بيرن
جنه بمرح غيرت صوتها: الرقم المطلوب مش موجود في الخدمه
مخلص ابتسم انها اخنفت
جنه: عمرو ليه مرجعتش لحد دلوقت ده انا طبختلك الفاصوليا الي انت بتحبها وبما انه اول يوم لشغلك حطتلك لحمه كتير فيها ( عملت صوت كأنها بتدوق) واو بجد طعمها جميل البت جنات مفيش حاجه متقدرش تعملها وعمرو يرد يقولها ده من حظي الحلو طبعا مش سهل تقابل بنت زي ياتري انا كمان محظوظه لاني قابلت شاب زيك اظاهر انا محظوظه
مخلص نزلت دموعه لان عارف انها اكيد في يوم هتعرف الحقيقه ووقتها هتكرهه
جنه: الو عمرو
مخلص قفل وأأعد علارض يبكي بقهر وبعد ما فرغ كل غضبه رجع البيت لكنه أأعد قدامه وجنه قلقت عليه وفضلت تتصل بيه تلاقي موبيله مغلق لبست جاكت ع البجامه وطلعت تشوفه لقته قاعد ع البسطه قدام الباب
جنه أأعدت قدامه : عمرو
مخلص: جنات
جنه: مالك انت معيط ولا ايه انت مش كويس وانا مستنياك بقالي يما عشان نتعشا سوي فيه ايه بقي وانت سايني قلقانه يارذل
مخلص: انا اسف ياجنات بجد اسف
جنه: طبعا لازم تتأسف يله ندخل
مخلص: مش قادر اقوم
جنه شدته عليها: ياساتر انت تقيل
مخلص ضحك بمرح: اه ياضهري انا فعلا مش كويس وانتي مش عارفه ده عني لانك طيبه زياده عن اللزوم ( ضحك) انا فعلا بني ادم مش كويس خالص
جنه: انت جرالك ايه؟؟!
مخلص مشي ايده ع وشها: جنات
جنه: قول
مخلص: انتي سعيده معايا مش كدا
جنه: عبيط والله
مخلص ضمها : بجد احنا مبسوطين صح
جنه زقته : اتجننت ازاي تحضني كدا احنا في الشارع عيب
هشام واقف فوق الكوبري الي بيطل ع البيت وبيتفرج عليهم بكل قهر وغيره هتموته لما شافه بيضمها
………قصص منه محمد كاتب………..
في المكتب
هشام: ليه استبعدتي من القايمه محل الشروق
ناره: اتصلت بيهم وهما رفضوا يجوا يشتغلوا معانا والباقـ
هشام قطعها : واتخليتي عن الامر لانهم رفضوا
ناره: تقصد ايه يا هشام
هشام بهدوء: قصدي ده مش طبعك ,,يعني بمجرد ما يرفضوا تقومي تختاري الي قبلهم ،اظن الي رفضوا عرضنا عندهم مهارات افضل من الي قبلوا بسرعه ,,وعشان كدا لازم نتمسك بيهم اكتر لان عندهم ثقه كبيره في نفسهم ‘طالما رفضوا عرض مغري زي عرضنا وسواء قبلوا او رفضوا احنا قررنا ناخدهم
ناره: اسفه مفكرتش في كل ده هرجع اتصل بيهم تاني,, هشام ليه مقولتليش انك قابلت بنت شبهه جنه الله يرحمها كتير
هشام: واقولك ليه؟؟!!
ناره: يعني حبيت اشوفها ‘لو فعلا شبها كتير لدرجه تفكرها هي!
هشام ابتسم وفتح ملف يشتغل فيه وهي اتحرجت وخرجت بقهرها منه!
……..قصص منه محمد كاتب…………
في السوق الشعبي
آيه: يعني معقول تأمرنا نسيب الدكان دلوقت حالا بدون سابق انذار
صاحب المحل: ما تتكلمي براحه منفعله ليه؟
آيه: طب حط نفسك مكاني وقولي مش هتكون منفعل لو لقتني بطردك فجأه بدون ما اسمع ظروفك حتي واحترمها
صاحب المحل: بلغتك اكتر من مره اني لو لقيت مشتري هتخلوا المحل حصل ,,والي اشتراه عايزه فاضي
جنه جات تمد: مين هو المشتري هقابله واتكلم معاه اديني رقمه وانا هتعامل
صاحب المحل: معرفوش ولازم تسيبوا الدكان حالا
جنه: ياعم مغوري مستعدين نزود الايجار ونجددولك المحل كمان
مغوري: خلاص انا بعت وهو اشتري ولازم تمشوا
آيه: هو انت مفكرنا هنقبل يعني
مغوري: العقد بتاعكم خلص ومش هيتجدد ملكيش عندي حاجه ولو مخرجتوش بالذوق هرفع عليكم قضيه يا غبيه
جنه: خلاص يا آيه بما انه مبقاش محلنا نلم البضاعه ونحطها فوق عربيه ونلف بيها في السوق
آيه أأعدت ع الرصيف وعيطت بصوت
جنه أأعدت جنبها وبحنان: عايزه اعرف بتعيطي ع ايه دلوقت
آيه: معرفش بس محتاجه اعيط
جنه طبطبت عليها بحنيه: عشان خاطري خلاص متعيطيش
آيه: غصب عني احنا خسرنا شغلنا
هشام واقف بعيد بالعربيه وشافهم وهي بتمسح لـ آيه دموعها
هشام لجميل: جميل هو انا وحش اوي كدا
جميل ابتسمله: انت عاشق متيم بس !
……..قصص منه محمد كاتب………..
جنه راحت عند مخلص وشافته واقف ع السقاله بيرسم في اللوحه
جنه هزت السلم الخشب: عمرو
مخلص اتغيرت ملامحه و نزلها بعصبيه : ايه الي جابك هنا؟!
جنه: جيت اتفرج ع التحفه الي بترسمها
مخلص: انا سالتك ايه الي جابك هنا
جنه بتعجب من اسلوبه: هو مش مسمحولي اجي ولا ايه؟!
مخلص: يله نمشي انا كنت اصلا مروح
جنه: ليه نمشي دلوقت انا هساعدك وتنجز قولي بس اعمل ايه وانا هنفذه اهو اتسلي بدل ما اطق يله هطلع اشتغل معاك
مخلص: ليه هطقي
جنه: المحل اتقفل وصاحبه باعه خلاص
مخلص حس نبره صوتها الزعل: بتقولي ايه
جنه: امر الله بس عارف اول مره اخد راحه من مده طويله وهاخد راحه وممكن انام واقوم متأخر او احفظ القرأن الكريم واتعلم خياطه كدا احسن وانت لازم تكمل اللوحه وتشتغل في الشركه خلاص ياحلو مصيرنا بقي في ايدك خلص اللوحه بشكل جميل ووقتها تقدر تفتح معرض فهمت هاه ممكن بقي اطلع ارسم معاك
مخلص: لاء ده خطر عليكي
جنه مسكت الحبل: ليه انا بحب اشخبط مره واحده هتشعبط دلوقت
مخلص ضحك بسعاده ع منظرها: والله العظيم قرده وهوافق النهارده بس لكن من بكره متجيش هنا تاني واياك تنسي انتباهي
جنه: ماشي اطلع بقي
مخلص طلع قبلها ومسك ايدها: اطلعي واحده واحده
جنه: متخافش عليا
مخلص : احترسي بحذر ( ومثل انه هيسبها وهي صرخت)
مخلص: خوفتي
جنه ضربته في دراعه: ليه عملت كد ا ها بارد
مخلص ضم كتافها: شوفتي المنظر من فوق اجمل صح
جنه: فعلا تحفه منظر المراجيح تحفه اوي
في نفس اللحظه هشام طلع ركب القطر وشغله يلف بيه عشان يشوفهم من فوق ‘وهما بيهزروا مع بعض والحسره والغيره مسكته والف فكره بتخطر ع باله
………..قصص منه محمد كاتب……………..
جنه جابت عربيه وحطت البضاعه عليها ونزلت السوق تبيعها تصفيات
هشام قرب عليها: دي تصفيه عشان تخلوا المحل هشتري منك كل البضاعه
جنه: وانت عرفت منين ؟وبعدين لو مفيش في الكون غيرك مش هتعامل معاك ولا ابيع لواحد زيك
هشام كشر: ايه زي دي مالي بخمس رجول
جنه: لاء بس مش بقبلك
هشام ابتسم: اه هو الموضوع كدا
جنه راحت ع جنب تتصل بـ آيه تطمن عليها ويادوب قفلت السكه لقت كل ستات المنطقه جاين عليها وبيخطفوا في البضاعه ووراهم هشام الي ابتسملها
جنه بغيظ : انت مُصر تستفزني
هشام ببرود: قصدك ايه؟؟!
جنه بحزم : انت الي جبتهم يشتروا البضاعه
هشام شد سيده ما واقفه بذوق: لو سمحتي حضرتك تعرفيني؟!
الست: لاء
هشام رفع حاجبه : شوفتي تحبي اختار واحده تانيه تسأليها’ ع العموم انا همشي وهنتقابل مره ثانيه
جنه بصتله بغيظ: مفيش سبب عشان نتقابل تاني
هشام بثقه وبكل هدوء : هنشوف لو مفيش سلام
…………قصص منه محمد كاتب…………..
هشام اتصل بـ آيه وطلب منها تشتغل معاهم في الشركه وآيه مبقتش مصدقه انه هشام بنفسه صاحب المجموعه يتصل بيها وبسرعه البرق راحتله قدملها ظرف
آيه شدت الظرف وفتحته وقرات المحتوي : ايه ده؟
ناره مبتسمه : عقد تعين ليكم
آيه: لاء مش قصدي كدا؟؟ انا جايه ومفكرها مقابله عامه بس فوجئت بالعقد
هشام: آيه مش عجبك بنود العقد
آيه: لاء الموضوع مش كدا’ لحظه من فضلك اخد راي شريكتي لانها المصممه وانا حيالله مساعده ونتشاور وناخد القرار
هشام سحب منها الموبيل: لازم تمضي حالا ودلوقت من فضلك ‘قرري حالا اظن العقد الي بقدمهولكم ميترفضش
آيه اتنهدت بحرارة : هو الصراحه ميترفضش ,,بس اعمل ايه جنات هتنفخني لو قررت من غيرها يا بيه
هشام كتف ايديه قدام صدره و قال ببرود : خلاص اتصل بالناس الثانيه
آيه: لاء تتصل ليه قولي اوقع فين؟! بس مش معايا الختم اعمل ايه
جميل: ممكن تبصمي
آيه: فين
جميل ابتسم: هنا
هشام حط ايده الاتنين في جيوبه وقال: هنبدء الشغل من اليوم
آيه فتحت بؤها: هاه ليه الاستعجال يعني لو انا موافقتش كنت حضرتك هتعمل ايه اليوم
هشام: ومين عاقل يرفض عقد بنوده مريحه كدا
ناره: عشان فيه شريكتك جنات مش كدا؟! بس ممكن تيجي هي دلوقت
آيه: اه هتصل بيها تيجي
هشام مد لها ايده: شراكه سعيده بينا
آيه صافحته بفرحه : الف شكر يا هشام بيه
جميل اخدها تتصل بجنه وهو ماشي جنبها: انسه آيه
آيه بتبص في العقد: افندم
جميل: القرار الي اخدتيه صح كان الافضل توقعي العقد نهائي
آيه: انا معنديش اعتراض والله بس شريكتي وبعدين هي الاساس انا مساعده مش اكتر ‘بس الف شكر
جميل: العفو
آيه: انت مصري اصل ملامحك وشعرك وطريقه لبسك
جميل ببتسامه: لاء ده استايل وانا مصري اصيل
آيه: وياتري متجوز
جميل: لاء انا لسه سنجل
آيه: اه سنجل
جميل: عن اذنك
آيه لنفسها : اتفضل يامز السنين لما اتصل بجنات وربنا لو رفضت لبطحها بقالب طوب
………..قصص منه محمد كاتب………….
في الشركه دخلت جنه وقربت من مكتب السكرتيره: لو سمحتي معايا معاد مع هشام بيه
السكرتيره شاورت لها : اتفضلي من هنا؟!
جنه مشت وفتحت باب تاني وسالتهم : لو سمحتوا فين مكتب هشام بيه؟؟!!
نار لفت من ع الكمبيوتر وشافتها وبرقت عيونها والملفات وقعت من ايدها
جنه قربت ونزلت اخدتهم: انا جايه بناء ع العقد مع شريكتي آيه
ناره مذهوله : انتي شريكه آيه جنات
جنه: ايوه انا جنات
ناره اتوترت وبلعت ريقها وملامحها بتعبر بالخوف و القلق وكأنها شافت مصيبة
جميل: انسه جنات الريس في انتظارك اتفضلي
جنه لناره مبتسمه: عن اذنك
جميل: اتفضلي من هنا
ناره جريت وري جميل وشدته بعيد شويه: استاذ جميل انت كنت عارف من البدايه وخبيت عليا الامر عشان تخدعوني
جميل نزل ايدها: الريس منتظرنا
………..قصص منه محمد كاتب………..
جميل اخدها لمكتب هشام وطلب من السكرتير رؤف يدخلها وبالفعل دخلها
جنه : انا جنات اتصلتوا بينا عشان التصاميم
هشام ضهره ليها ومش بيرد محتاج يسمع صوتها الي وحشه اوي ولما طول ده ضايق جنه ولفت تخرج
هشام رفع ايده وقال: هتخسري لو صبرتي خمس دقايق ازاي بياعه في السوق ومعندكيش صبر
جنه رجعت بصتله لقته هشام الي لفلها بالكرسي وهي كشرت جدا
هشام ابتسم وحك جبينه: ده مش تعبير سعيد اطلاقا
جنه بتعجب: ليه انت هنا؟! وبتعمل ايه هنا؟؟!!
هشام: ابدا انا المسؤل عن فريق التصميم لدار الازياء انسه جنات( شاورلها ع اليفطه الي مكتوب فيها اسمه ع سطح المكتب)
جنه بنفعال: يعني كله كان مخطط من البدايه
هشام ببرود: بالظبط
جنه بضيق منه : اعتقد العقد الي بينا متمش
هشام بخبث: وياتري هتتحملي الشرط الجزائي لفسخ العقد
جنه مطت شفايفها: والله لو قدرت ادفع هدفع
هشام قام رحلها وقرب منها ومال بجسمه عليها وهمس في ودنها: امتي ( شد ايدها حطها في حضن ايده) ولحد ده ما يحصل نشتغل سوي بشكل لطيف وظريف
جنه : ايه هدفك وري ده كله
هشام: انتي الي جبراني اعمل ده من البدايه والهدف الي في حياتي هو انتي !
جنه بتحدي : مش هتقدر تربطني بالفلوس
هشام بص جامد جوه عيونها ونطق بثقه : لو منفعتش الفلوس مستعد اساوم بحياتي
جنه : مش انا البنت الي بتدور عليها
هشام بصلها يوزع نظراته عليها:نظره عيونك صوتك شعرك حركاتك حتي لمستك هي نفسها
جنه اتنفست بعمق من ريحه البرفن الي تهوس : انا معرفكش
هشام : وده امتع لان التمسك بأمر تم حسمه كانت صفه من صفات هشام
جنه شدت ايدها منه بعنف: انت يظهر مش بتفهم لغه البشر
هشام: تقدري تمشي ( اتك ع الزرار)
السكرتير رؤف: طلبتني يا فندم
هشام: التصاميم الي هتنزل لازم تخلص في خلال الاسبوع ده
رؤف: عارف ده يا ريس
هشام: متهملش اي تفصيله واتأكد من كل شىء انه تم تنفيذه
رؤف: امرك يا بيه
هشام: انسه جنات هتشارك معانا في التصميمات الجديده
رؤف: اتشرفت بماقبلتك
جنه هزت له دماغها ورجعت بصت لهشام نظره كلها غل مكتوم اه لو تقدر تضربه بحركه وتكومه جثـ ه!!! لفت تمشي
هشام بستفزاز: انسه جنات يكون في معلومك ان دي البدايه كنتي هتمشي دلوقت امشي يله
جنه خرجت وهي شايطه من اسلوبه ونفسها ترجع تضربه القاتله تقسمه نصين
