رواية خفايا القدر الفصل العاشر بقلم انين الروح
مابيها شي بس جانت مصخنه وحرارتها حيل زايده ومغمي عليها ساعه ازمان ويطلعوها لان معلكيلها مغذي
ورحت كعدت يم اخوي حسن وحجيت وياه ابهمس
ها يالغم هاي تاليها اختك تنتحر
حسن .وبصوت شنوووووو ..اني كفخته ع راسه لك فضحتنه اسكت
الكل انتبه ع صوت حسن
الاب ..اشبيكم ...لا يابه ماكو شي بس اني كفخت حسن جان صافن
اكعد حسين .مو وكت شقاك انت وحسن
حسين ..كوم وراي اريدك بحجايه
لك تعال شنو منتحره
اي يالغم اختك رايده تنتحر وتطم عارها
ليش هي شمسويه هالحقير
ماعرف بس خل تصحه اني اعرف شحاجيها وشوف شمسويه وتريد تظمه علينه
تالي عمرنه نصير علج بحلك العالم ابسبب اختك الرعنه
هي وينها
عوفها من نرجع ويرحون ولد عمك عاد ساعتها نلزمها ونطيح حضها اني وانت
لك شيصبرني
لازم نصبر خوما نفضح حالنه بحالنه وانت تعرف عمامك مسوين حالهم همه وبس
........
اااخ خشمي معدتي اني وين
ام علاء..بالكبور كون ياحقير جبتينه العار يانكسه لج احجي شمسويه وردتي تنتحرين ياكديشه
ليش هي روحج رخيصه لو هي ملكج لو ملك الله الخلقج لو تردين اخوتج يحطون راسهم بالطين وابوج يموت يالنكسه
يوم الله يخليج ما اكدر احجي
نجبي كديشه وعندج عين تردين بس خل نطلع واني اعلمج
الدكتور .سوه مراجعه لجميع المرضه بالردهه
حجيه بنتج عدت مرحله الخطر تكدرين تاخذيها وتطلعين
اشكرك دكتور ماقصرت والله
الله يبارك بيك ابني
شكرا حجيه
راح اروح لخوتج ورجع كون اشوفج مسويه شي
حسن حسين
ها ام علاء خير
خير ابني خير ..بس الدكتور طلعنه لان صارت زينه
زين اني رايح عليهم لان كاعدين بالحديقه
اي وليدي بين ما نجيكم
😠😠😠بعصبيه كتله يله كومي
يارا كمت بس احس بالدوخه وخشمي ومعدتي يوجعوني اااخ
وجع كون هسه توجعتي بس ما خفتي من الموت وحساب ربج
ظلت امي الطريق كله تحجي وتغلط عليه ماكفت مني ابد
وصلنه للبيت ساعه ١١ باليل
رهف .كاعدين ننتظرهم والف حسبه براسنه محد يعرف شنو الصار ابوكتها لاتلفونات ولا شي موجود حتى الواحد يعرف الوضع
مها ..يمكن جوي لان سمعت صوت سياره
طفرنه للباب فتحتها مها
وصدك همه طلعوا
دخلوا يارا شكلها تعبان حيل
بس امها واخوتها وجوهم متتفسر ابد العصبيه مرسومه بعيونهم
ام علاء ..مها اخذي اختج وفوتي جوه
حسن .اوكفي لتمشين
حسين ..حسن مو وكتها
حسن .لا شو وكتها شنو احنه زعاطيط بعيونها لو مو زلم واكفه بعيون اختك
ابو علاء ..شكو شنو السالفه
حسين .يابه ماكو شي صدك
حسن .ليش اضم ع ابوك ..احجي
ام علاء ..كافي حسن الصباح رباح مو وكتها هسه
جراح ..عمي اكو شي سالفتكم خاصه لو شنو حواركم مشفر
والله ياجراح علمي علمك .احجي حسن التعرفه
يابه اسئل بنتك المصون ليش انتحرت
الاب وجراح وايوب ..شنووووووووو..؟ انتحرت
ام رهف ورهف فتحن حلكهم من الخبر
😮😮😮😮
مها .شفت ابويه جر يارا وعاط بيها لج بنت الكلب
شمسويه حتى تنتحرين منو مقصر وياج منو حارمج من شي وجابها براشدي
جراح ..عمي اصبر خلي نفهم منها ليش حاولت تنتحر
احجي يارا شنو سبب هالخطوه الحقيره
زين ما فكرتي بخوتج خواتج ابوج عمامج
شلون تفكرين بالانتحار زين ماخفتي من عقاب ربج اليموت حاله هو كافر
ورجع سحبها ابويه من يدها لج كلج بكد الفلس بنت الكلب وتفكرين بالانتحار
حسن .متحجين لو اخرسيتي
يارا ...ما احجي ..ما احجي عوفوني معليكم بيه
وجابها ابويه براشدي ثاني وثالث لزمها خلص عليها
لج كح...........تردين تلبسيني العار لج اني عمري كله راسي مرفوع وكلمتي سيف عند الجميع
لج جيش كامل يمشي بشوري وتحت امرتي ونتي بكد القندره ترفعين حسج واني واكف
كضه عليها
بس لزمه جراح وايوب
سحبها ايوب من يد ابويه وهي تعيط
هدني هدني كلها منك انت كلها منك الله ينتقم منك ياحقير اكرهك وتضربه ع صدره
ايوب .اني نصدمت معرفت شحجي
شنو مني شنو هالحجي هذا الفارغ
فلتت من يدي رادت تركض ولزمها جراح
تعاي تعاي شنو هذا الكلام اسوالج ايوب احجي لا والحسين كتلتج اصير ع يدي
يارا .اي منه هو الي خلاني انتحر من خطب رهف اني احبه من زمان وهو ضحك عليه جان يكلي احبج واريدج ماعوفج
ايوب .عطت وبصدمه 😳😱😱😱 انتي شتحجين يارا اني ماوعدتج بشي ولا حبيتج انتي حسبت خواتي زينب ورقيه ورباب
ليش اتلفقين عليه كلام مكايله ولا مواعدج بي
يارا ..اي صح انت موعدتني ولا حجيت ويايه ولا حبيتني بس اني حبيتك وردتك تكون الي مو الها
رهف ..هذا كله دار الحوار والعياط اكبال عيني وسمعته بذني واني مجاي استوعب الداسمعه
😨😨😨😨😨😨😦😦😦
هاي معقوله نفسها يارا الجاي تحجي لا لا مستحيل
اني حبيتك من جينه الكم لبصره ايام الحرب بس انت كان كل همك وحبك الرهف كنت اموت منها اكرها لان هي ماخذه كلبك وعقلك واني اتحصر ع حبك الي
ايوب..شهالحجي يابنت عمي انتي ابنيه وهذا كلامج عيب
خلي عيب
الكل راد يعرف سبب انتحاري والكل ضن بيه ضن السوء وبنضراتهم شفت نضره حقاره وعار
بس اني ماسويت شي عار ولا طمست راسكم بالطين
كل مشكلتي حبيت ابن عمي وتمنيته يكون زوجي
ابوعلاء .يابنت الكلب صدك معرفت اربي لج انتي ما تستحين وتحجين هيج كدامي وكدام اخوتج
لزمها ابويه خلص عليها
جراح .عمي اعذرنه بس فهم يارا الحب او الزواج مو بالغصب
واذا ايوب ماحبها مو معناها تكتل نفسها
وعيب عالبت تعترف للولد ابحبها المفروض الولد هو اليصارحها وان جان هي حبته اظم حبها بس بكلبها مو تروح وسوي اسوايتج
وانه عمي ماريد اضغط عليك او احرجك بس احب اكلك شغله تفيدك وانت جبير واعي وفاهم وحشاك من القصور
بطل بنتك من مدرستها وكعدها بالبيت تخدم امها افضل ما تجييلك العار من صدك وتطم روسكم بالطين
يله ايوب امشينه
ابوعلاء .وين طالعين بهلساعه
عمي لتخاف علينه اني زلمه واعرف ادبرها اودعناكم
ايوب ..يله رهف امشي رجعي البيتكم
يارا ..كله منج ياحقيره ياجلبه طلعي من بيتنه
واخوي جره مثل الطلي وسحلها جوه
اي صار ..ايوب اخذ بالك ع نفسك مع السلامه
طلعنه من بيت ابو علاء والكل ضاربته الصدمه من الخبر السمعه
من هاي لعد يارا جتي هذك اليوم وتسمعني كلام اثاري هي تحب ايوب ومكالتها بوجهي
وصلنه باب الشارع صحت ع ايوب
عفيه لوسمحت الباجر ضروري تمر عليه ضروري
صار ادللي ....شكرا
عفته ودخلت للبيت
جراح ..ايوب انت منطي احجايه اليارا بشي
لا يابه هي جانت طفله تلعب ويه رباب بالمرجوحه شحب منها وبشنو اوعدها يابه والعباس مافديوم كعدت وياها وسولفنه سويه هي مثل خواتنه
يله امشينه لاتفكر بالموضوع بعد
بس ياجراح الباجر امر ع رهف
الله كريم خل يصبح الصبح
رحنه المنطقه الكاظميه اهناك اكو فندق يأجر غرف ليله
ايوب نام ورخه جسمه ..وانه فكري مثل ديلاب يفتر ارجعت وين و وين ريت الماضي يعود ورجع ولم حطام كلبي
انه عندي تلفون اسمه ثريا الفجر دك فزيت منو هاذ اليدك هالوكت عليه
سحبته هاذ ابوي خير يارب سترك
الوووو هايابه
ابني عوف كلشي بيدك وتعال ابساع للبصره
خير ياااااابه شكو
الميناء مغلق علينه مايخلون بضاعتنه تمر
ليش شنو صاير ...
.اكلك تعال هو انه لو اعرف الصاير جان خابرتك
افهمت يابه بس مسافه الطريق
ايوب ..ايوب اصحه خل نطلع للبصره
شمالك جراح الدنيا ظلمه
لك كووووم😠😠 الدنيا محتركه بالبصره بضاعتنه مجاي يفوتونها للميناء وانه ذاب عليها دم كلبي
يله خل نطلع هسه ابوك خابرني
زين ورهف
اشبيها بعد مو كطعت مهرها
البنيه تريد شوفتي اليوم مو بذنك سمعت البارحه كالت تعال عدها موضوع
خايب والعباس راح الزمك ولطمك ع حلكك
اكله راح نخسر الاول والتالي يكلي
جعب البطل
جريته قوي من يده وصعدنه بالسياره ونطلقت ابكل سرعتي
رهف .بالعشره صحيت سويت ريوك الي والامي خطيه حمودي يطلع من السبعه بس مياكل
امي ..خلي انمر ع بيت ام علاء نشوف يارا شلون صارت
رهف ..بالاول ضجت ماردت اروح بس فكرت عدل خل اروح وشوف شنو سالفتها وي ايوب
طلعنه اني وامي
ام علاء وماما سوه
واني ومها كاعدين نحجي
مها اريد بس توضحيلي هي يارا كانت بعلاقه مع ايوب لو شنو سالفتها
مها ..لا حبيبتي يا علاقه
هو ما مفكر بيها وهي حبها اله من طرف واحد بس من طرفها ومن سمعت خطب هي تخبلت ماعليج منها
يارا .كمت اروح للحمام وسمعت مها تحجي ويه رهف وسمعت مها تكللها هذا الكلام
من صدك نجن جنوني
فتت عليهم واني قمه بالاعصاب
انتي صدك متستحين يعني اخذتي مني حبيبي و جايه علينه بكل عين صلفه تحجين وتردين تعرفين هو يحبني
اسمعي زين ايوب الي وميصير الج هو حب حياته بس انتي كمتي تتلزكين بي حتى يحبج وينعجب بيج
ليش اني ما اعرفج انتي ركضتي وراه الحد ما قنعتي يجي يخطبج
اني اكرهج فهمتي يله طلعي من بيتنه
مها ..انجبي وحترمي حالج شنو اطردين البنيه فوك ما جايه تسئل عليج ياحيوانه
ماريدها تسئل خل تعوف ايوب واني ارتاح
رهف ..بعد سماع كلام يارا وطردتها الي كمت ع حيلي
اني اشكرج يارا ماقصرتي بس حبيت اوضحلج شي مو اني الي اركض وره واحد هو ما مهتملي ولا اصلا خاطره ع باله
شوفي احجايتج الاخيره وشوفي منو الجاي يركض وره ايوب ولازكله وكوه مروه تريده الها
حبيبتي ياريت تنتبهين ع كلامج وقبل لا تحجين عالعالم انتبهي ع تصرفاتج
عفتهم وطلعت ركضت ورايه مها يتوسل بيه ويتعذر
بس اني موكفت خليت وطلعت من بيتهم حتى امي ما شفتها ولا انتظرتها
دخلت البيتنه كبل للحمام افتحت الدوش ع راسي لان حسيت حالي صرت بركان من الاعصاب
واني جوه الدوش احجي ويه نفسي
لا اليوم يجي ايوب وخلي يفصخ هالخطوبه اني ما اتحمل وحده اظل تعيرني وتسمعني كلام طالع نازل وتشاركني حياتي
اني ما احبه ع شنو اجبر حالي ازوجه
الف واحد غيره يجي ويكون زوجي
ظليت اليوم كله انتظر جيه ايوب وماكو
هاي اول يوم خطوبتنه وطلبت منه يجي وما اجه
لا هذا الانسان ميرهملي اني شخصيتي غير عنه هو لا ابالي ميهتم
اني عندي اهم شي كلمتي سيف اذا حجيت او وعدت لازم اطبق كلامي
لليل اجتي ام علاء و مها تعذرو مني ع حماقه وكلام يارا
مها ..مسحيها بينه رهف انتي صديقتنه ومثل اختنه احنه صديقات عمر مو يوم يومين
حبيبتي مها اني ماعندي مشكله وياكم لا انتي ولا رشا حتى يارا
وعادي هاي مشاكل اصير برقه العوائل انتوا صديقاتي واهلي
بس عذروني اني بيتكم بعد ما افوتله
مها ..يعني يرضيج زعلنه
لاحبيبتي ع شنو زعلكم كتلج احنه خوات وعادي هم الخوات يتعاركن ..لشيلون هم مصار شي وعيونكم
اليوم يارا زعلانه باجر تبكر وتشوف كل الي سوته ميستاهل بس هي هسه فتره صعبه والكل يعاني منها ولازم نتحملها
بعدها طلعت ام علاء ومها
مددت عالفراش وخذتني الافكار ليش اليوم ما مر عليه ايوب وينه هسه هو ليش ما احترم طلبي واجه ...لا اني ما اقبل بهذا الامر
...............................
جراح وصلنه للبصره حدود ساعه ١١ الصبح وبوجهي للميناء طلعت شفت ابوي وعمامي واكفين
ها يابه شكو
الحمدلله ع سلامتك اوليدي ..والله مانعرف شو وكفوا الباخره عالحدود ومايخلونه تعبر
انه رايح افتهم شني السالفه
فهد .جراح يكلك هاي الباخره محمله مخدرات والهيج ما جاي يدخلونها
شنو مخدرات هي فاكهه وخضره وكم سياره شنو هالحجي الفارغ هاذ
اوكف جراح الضباط جاي يفتشون بالمواد مايخلون احد يوصل الها
فهد انت من كل عقلك اصدك هالكلام خاب دطير
هاي سالفه همه ابينهم حاكوها يردون كم فلس حتى تدخل الباخره
جراح اخذت حالي ورحت للعقيد سلام
السلام عليكم
اهلا وعليكم السلام
اني جراح ابن جبار شيخ عشيره ال (..........) هاي باخرتنه موصي عليها قبل اسبوعين وهاي كالونه بعد يومين توصل للميناء
واليوم و صلت وما محمله غير خضره وفاكهه وكم وخمس سيارات مضربه وعدنه تراخيص
وين تراخيصك
هاي كل الاوراق وبتواقيع حتى المحافظ
اليوم لازم تدخل الحدود وسمعت انتم موكفينها خير سيدي شنو الجديد
اهلا جراح ..جتنه اخباريه هاي الباخره محمله مخدرات ولازم ماتدخل الحدود
سيدي احنه ولد ناس وعشائر وانتم الحكومه كلكم تعرفونه حق المعرفه شني جديده عليكم باخرتنه تفوت الميناء
لاموجديده ياجراح بس لازم تتفتش قبل دخولها
سيدي انه مو غشيم مصلحه المطلوب شنو
🤨🤨🤨عجبتني صدك ابن سوك ومعدل تريدها تدخل.... بشدتين
بس سيدي هواي شدتين
ع راحتك خلها تدخل بتعب او اصلا ما تدخل للميناء
ميخالف موافق بس اصبرلي وتوصلك الفلوس
جراح افلوسك اليزم تجهز ماكو صبر
حاضر وان شالله اليوم تجهز
طلعت منه واني وروحي واصله الخشمي
حجيت ويه الشيوخ الموجوده وتفقنه نلم المبلغ وبالليل تفوت باخرتنه
انه مهامتني الفاكهه بس السيارات لان افلوسي كلهن بيها
جريت صفنه وي حالي والف جكاره اشربت اباوع اربع باكيتات مخلص وما منتبه ع نفسي ماعرف شو التفت علي من كلها
جبار...ها وليدي وين صافن وجاي تضرب اخماس بسداس
والله يابوي هاي السالفه مو من الحكومه
هاي جاي واحد يحوك ابرانه يريد يوكعنه ولازم اعرفه وما اخلي يفرح بخرابنه
بيمن تفكر يجراح
والله يابه هو ماكو غيره يعكوب
بس لا ما اسكتله لشوفه منو جراح ومنو ابو جراح
سبع والله يالذيب وطلع حكها انت بس انه خايف عليك منهم
لا تخاف علي يابه انه كدهم
صار اليل وطلعنه اني وابوي وكم واحد من عمامي رحت للمقر
طلبت العقيد سلام
فتتله ونطيتله الراده هو بتلفون دخلوا الباخره
بس الي لفت انتباهي لفظ اسم فاضل
وفاضل هو عم يعكوب
معناها بدون ما ادور وابحث عرفت منو وره هالشغله
بس صدك يعكاب ما اضيعها الك اله ارده اضعاف لو اخر نفس بدمي
.......................
ايوب ..مره اربع ايام ع خطوبتي من رهف واني خطيه لا شفتها ولا حجيت وياها وما اكدر هسه اطلب منهم اروح اشوفها بسبب الوضع الجاي نمر بي جراح مخبوص بالميناء
من بعد سالفه منعهم هسه صارت سالفه تصريف العدنه وتعال نزل وزع ودي جيب طفرت حتى ارواحنه والعباس من غير الخساره لان نص الفاكهه مضروبه ابسبب الحر والخزن اسبوع وما فضت
اخر شي جراح كال انوزعها حتى لو بالخسران وكم مره هم جراح ع يعكوب
وكم مره هددهم بس هم ناس مامحترمه حالهم تهريب وتسليب ونهب واليكتلك الحكومه مساندتهم
ومرت ايام اني من كثر الشغل تعبت اريد ارتاح رحت الجراح وطلبت منه
جراح .انه كاعد وجالي ايوب يترجاني نروح البغداد
انه الف حسبه براسي وما تفض
ايوب ..جراح صار عشر تيام روحي طكت اريد اروح الرهف لا شفتها ولا حجيت وياها
الله كريم ايوب لاتلح علي انه راسي مفتر اريد اعرف منو الجاي يخرب علينه ومجاي اكدر اصيده
بس انت مو كلت عرفتهم
اي بس اكو اعوان الهم غير يعكوب وعكاب
جراح .كمت رحت الوالدي حجيت وياه
بس طلع الوالد هم ضارب دالغه وجاي يحسب الهم عدل
اكلك خل نضربهم مثل ماضربونه وخسرونه
يابه اضربهم بس مو هسه الهم يوم بس اصبرلي
يابه شصبرلك اكلك خسرونه ملايين انت شتحجي
وعيونك يابه اله اخسر مليارات وعيونك بس انطيها وكت
خلي نفرح هسه و نزوج ايوب ابساع الولد جاي يضغط علي جثير ع روحه بغداد
احنه هسه بنص شهر التاسع خل نهايته يكون زواجهم
الاب ..ولك انت هم الك خلك اتفكر ابزواج ايوب دعوفه ونعل والديه شني خل يصبر لو هو حبها ولبط
لا يابه .انه اريد افرح بزواجه صارلنه جثير ما فرحانين ونضرب عصفورين بحجاره
شلون وشتقصد
انه اكلك اسمعت من الولد عكاب راح يفوت بضاعه انه اخربها عليه وبنفس اليوم نزوج ايوب حتى ما يحسون بينه
هاي انت ولك بعد ذيب والحولك واويه
انه ذيب من ظهرك
انه موافق ع رايك ياجراح انت تكفل بكلشي
اي يابه
طلعت من الديوان دخلت للبيت
هله زينب حبيبتي شلونك ياعمري لج هذا شنو فيل جربان هههههه
جراح لتعيب ع ابني والله حلووو
خايبه دطيري اكلها جربان تكلي حلووو حلاتيش
زينب .خل اشوف ابنك شلون راح يطلع
جراح...اكيد يطلع علي انه حلو
لا والله شمدريك يمكن يطلع ع خالي قحطان اديبس
خرب زينب لاتدعين ع ولدي يطلع اديبس معناها ما احبه
يارب يطلع ع خالي قحطان هههههههه
دتعاي تعاي ....لا عليك الحمزه لاتكفخني
جراح يدي توجعني
طبعا توجعج اذا انتي شايله فيل مو طفل ههههه
اكلج وين امج ...الجده
كلهن جوه خيرك
خير خير حضري حالج انتي وحبيباتج نهايه الشهر عرس ايوب
لا صدك تحجي ...اووف صدك اجمل خبر سمعته
من صدك محتاجين فرحه صار هواي ما فرحانين الله يبشرك بالخير ياخوي
وفاتت زينب تهلهل بالبيت
وينجن يانسوان وينجن حبايب اسمعن زواج ايوب نهايه هذا الشهر الكل تتحضر
جراح ادخلت عالحجيه وجدتي بستها من راسها
شلونج جده
هله يمه هله بحبيب كلبي وضي عويناتي وراحتي ودنياي
ام حراج .حجيه شدعوه ماخلتيلي كلمه اكول لوليدي
اسكتي انتي انه امه انتي بس جبتي بس انه التعبت وربيته هذا ابن كلبي
حجيه بهاي صدكتي جراح ربه بحضنج من عمره يوم
جراح .شلونها الحجيه ..زينه بشوفتك ياعمري
جاي ابلغكم خبر ..
زواج ايوب نهايه هذا الشهر كونن مستعدات
ام جراح ..يمه صدقه زواج وليدي من هسه انه محظرتله كلشي اليتمناه
الجده ..خايب جراح شمالك
اللللللله ياجدتي بس انتي التحسين بيه
لا جده مابيه شي انه زين
خاب تضم عليه انه اعرفنك من تكون متضايق
الحجيه ..اشبيك ابني
صدكن مابيه شي يله انه كايم
هله ومليون هله والف هله وميه هله بخوي العود
ها ام السان شعندج تحومين حواليه
فديت اليفهم اخته من عيونها
احجي ولج ماعندي وكت اريد اطلع
جروحي انه اختك الصغيره ومحتاجه كم فلس اشتري فستان للعرس
بس هاي طاح حظج عسبالي شي جايد
خاب اصبر علي انه ما كملت
هااا اي شعندج بعد
واريد اروحن لصالون اسوي شعري اريدن اطلع مو اخت العريس كون الناس تتوهم بيني وبين العروسه
هههههههه والله انتي فطيره عمي صار وبعد تأمرين بشي
لاحبيبي ما يأمر عليك ضالم فديتك
اشكر الله العرفني عليك
ههههههههه ثوله انه اخوج مو صاحبج
هو انت اخوي وصاحبي وكل هلي وناس
يمه يمه يمه محد يلحك السانج انتي الزقجه
احبك مو بيدي جروحي
يله خليني اطلع
اوكف جراح
اووووووووووووووووو هاي العايزتني
خيرج
شدعوه عيوني شنو اشفت اكبالك ملك الموت
فضيها مالي مزاجج
انت دوم مزاجك معلك وياي ..
بس قبل لحظات حلكك مفتوح والضحكه تجيب التايه وي اختك رباب
ازهار شرايده عندي موعد
مشتهيه اكل سمج
هي ع هاي موكفتني صار ساعه اكو بالمجمده مكووم
روحي طلعي وكلي
لا ماريد مجمد ...اريده حي يلبط كدام عيوني وكون زبيدي ...ماريد غيره
😏😏 ان شالله
اي حبيبي هاي ابنك جاي هو يطلب مو اني
ما سئلتج
اكلي وشبعي انتي والبطنج
ليش البطني مو ابنك
اللهم صبرج يارووووح الله اكبر
ردت اضربها بس كوه حملت روحي وخليت وطلعت
للفجر ارجعت تعبان حيل بس مكدرت انام ماعرف ليش
طلعنه البغداد انه وايوب وصلنه حدود الوحده الظهر
تغدينه ابمطعم زرزور صارت ساعه ٣ العصر واحنه بس نفتر بشوارع بغداد
جانت توها نازله التلفونات رحنه لشركه اخذنه اثنين تلفونات صغار وشريحه عراقنا
بالاول صعب الجهاز
ايوب خل نطلع البيتهم صارت بتلاثه لازم نرد لبيوتنه من وكت مانبقه بغداد
اي امشينه عليهم
رهف تونه تغدينه وكلمن راح الغرفته حتى نمدد
وساعه ٣ الظهر ندك بابنه
منو هذا اليجي هيج وكت النه
كمت وشفت الباب وطلع
