رواية لست غجرية الفصل العاشر بقلم روز الحيدر
وردة : عفية شطور اذا تغلط بعد وياي......
قطع كلامي بسحبت راسي قربه له ماجنت متوقعة
فعله طبع بوسه
على جبيني بسرعة دفعته وضربته بصدره طلعت
صوت استفراغ قوي... هو خاف عباله راح استفرغ
بسرعة نزل ركض فتحلي الباب
نسر : نزلي هسه اجيبلج ماي تغسلين
نزلت اخذت تراب مسحت بي جبيني
باستغراب
نسر : شتسوين؟
وردة : امسح قذارتك
نسر : وين بستج بحلكج!
وردة : اييييع هم عوزها
فتح عيونه مصدوم ماكدر ينطق بحرف بالكوه
بلع ريگه شافني اتلفت ادور على طابوكة ماكو
كلها فصوص طين عرف نيتي اجه بسرعة حضني
قيد حرگتي كمت اصيح
وردة : سافل وساقط ولك هدني انعل عشيرتك
واحد واحد ليوم بس الله يخلصك مني
وردة : ولك هدني ***
نسر : اي اني كلهن بس اهدي يمعودة
وردة :هدني
نسر :لامااهدج... تكسرين الجامة
وردة :وعزيز گلبي مااكسرها... بس هدني
نسر :بروح أهلج لا... بداعت بيبتج لا تسوين شي للسيارة
وردة :ماسوي شي.. لاطخني ولك اشمأز راح ازوع
مصاريني
نسر :كولي وروح امي وابوي ماسوي شي.
وردة :وروحهم ماسوي شي بس هدني... شمأزيت
حررني من بين ادي ونفسي تلعب ودي استفرغ معدتي
كعدت بالكاع ارجف راح جاب بطل ماي من السيارة
نسر :هاج غسلي
وردة :نفسي تلعب عوفني هسه... ارتاح
نسر : شورطني لو دازني للموت ولا لهنا
شكول عليك
وردة : لايكون انتم عصابة وتورطت وياكم؟
نسر : والله التعامل وياج اصعب من ألف خطر
شفت ركبتها وجهه اضافري تاركة أثر خطوط حمرة، باوعت الاضافري هستوهن مرتفعات سكتت عفته
وكمت اخذت موبايلي ومشيت صاح
نسر : عود من اتصل عليج هم لاتردين
لفيت عليه
وردة : اعفلطك واسده
هز أيده.. كملت طريقي .. قبل مااوصل دك باهر على واتساب فيديو رفضته ورجعت كعدت وي البنات
شوي ورحت الجدة
جدة : ها حبويه
وردة : رجعت من زمان جنت يم البناات
جدة : خوش.. تعاي
اشرتلي اكعد بصفها طلعت الجيس من صدرها
فتحته
جدة : هاج حبوبه هاي مسقولات ضميتهن ألج
عن الزعاطيط لا ياكلوهن
اخذتهن،... واخذت ايدها ابوسها واشمها ضحكت
كعدت وخليت راسي بحضنها واكل مسقول
ملون واكو ويا ابيض
جدة : جوعانه؟
وردة : لا تعشيت
جدة : خاف بعدج جوعانه اعرفج تستحين تاكلين
يم غريب
وردة : لا يبعد بيتي اكلت
صارت تمسد على شعري طلعت المبايل اخذت صورلنا
واشوف جبيني أثر تراب مسحته واني اذكر بوست نسر
ورجعت ألعب لعبة الطوبات الملونة
جدة : يع شنهي هاي ولج؟
وردة : لعبة
جدة : وريدة يكولون يهيلك صدك ولج؟ بي سوالف متزوجين؟
وردة : مدري والله ماشفت شي شلون يعني متزوجين
يصورون روحهم؟
جدة : هاي سهير كالت هسه وريدة تتهيلك وتحجي
وي الزلم ويضحكون عليها
وردة : زلم! وين الكاهم واحجي وياهم! اني تلعب
نفسي منهم نوب اني احجي وياهم!....غدي
جدة : شمدريني حبوبه غير هي تكول، وارد اوصيج
ديربالج ولاتأمنين لي يحجي وياج هفي بنعال
وردة : لاتخافين ترباتج.
هي تمسد على شعري لو تفوت ايدها بفروت راسي
اني انتهي خلاص راسي يخدر عفت المبايل من ايدي
ونمت... مدري شكد مر وكت بس سمعت
جدة : لاا لاتندهو خلوها مرتاحه على رجلي
صحيت شفت سهام تفرش
جدة : نعيلت ابواصلي كعدتج حبوبه
وردة : لا
سهام : اريد افرش ألكم
وردة : اي اني انام يم حبوبتي
كمت اخذت الفراش فرشت، شفت باهر يتصل قفلت مبايلي ونمت بحضنها،رجعت تنيمني دلك فروت راسي
بسرعة اغفه...
كعدت الصبح وي البنات سوينا ريوك واني وحبوبتي
نحب اكل اسمها خميعة.. حليب طازج وخبز ودهن حر وعسل لو شكر. اثرد الخبز وادير عليه حليب حار ودهن
والعسل فوكهم بالنسبة الي اطيب اكله بالعالم
بعدها جدة بقت يمهم واني وجعت للدار طلعت الغنم
الضحى رجعت لكيت جدة بالبيت بين ماسوت الغدا
دخلت للحمام وطلعت انشف شعري بالمنشفه لكيت
باهر كاعد يم جدة يسولفون
بس شافني نهض على حيله
باهر : نعيماً حبيبتي
وردة : نعنع الله ضلوعك
قرب خطوة واخذ نفس عميق همس
باهر : اوووف ريحتج تخدر عقلي
تخطيته واخذت المشط والزيت وكعدت كدام جدة
صارت تمشط شعري
باهر : تدرين أحب شعرج
سكتت مالي خلك احجي
باهر : ليش تقفلي جهازج
جدة : ابهر عوفها
باهر : أعوف روحي ومااعوفها هاي سلاية گلبي
.. اساساً اجيت اخذكم تشوفون البيت حتى نعقد
جدة : يابيت ولك؟
باهر : بيتنا وانتِ ويانه
وردة : حبوبه دريتي باهر راح يصير أب؟
اشو جرت راسي بقوة
جدة : يااااع ولج وريدة
وردة : شبيج حبوبه هلستي شعراتي
جدة : مصخمه وجهي ولج احطج على قبلة وأكرج
كر الدجاجة
وردة : يععع واني اخلي هل قذر يلمسني له تخبلت
رفعت عينها له
جدة : ولك بهير شمصخم؟
باهر : جذب ماكو هيح شي لاتصدكين
وردة : جذب؟ هو غير رنو حامل منك
باهر : وردة أسكتي لاتحجين بهذا الموضوع
كلت ماكو هيج شي
سكتت وجدة كملت ضفر شعري اخذت أيدها
أبوسها
باهر : گملي وتعاي عندي موضوع وياج
وردة : ما احجي لتريده هنا، حبوبه تعرف بكل شي
هز راسه كعد
باهر : جدة مثل ماطلبت وردة نتزوج ونطلع من هل
قرية
وردة : هاي قبل عبالي بيك خير مادري بعدنا بالبداية
تجي رنو توصـ...
ماكملت كلامي نزلت راسي
باهر : جوري اترجاج انسي الي صار.. غلطة وصارت
شلون تبقين تحاسبيني العمر كله!
وردة : مو اي غلط هذا، خيانة، غدر، هسه ياريتها
غريبة مانقهر هيج.. عفت الدنيا كلها وماخنتني له
وياها!
باهر : وتفرق!
ضحكت باستهزاء
وردة : حقك ماعندك حساس... الله لايخليك
تجرب شعور الخذلان الحبيب والقريب
باهر : مستعد أعتذر كل عمري
وردة : لاتحاول مألك شي بگلبي وحتى كلمة احبج
مااحس بيها ولا أريدها منك لاقول ولا فعل
لتفت
باهر : جدة أحجي وياها
باهر : شوفي ارجع للبيت واتصل عليج فيديو حتى
تشوفي
وردة : ماعندك حساس؟ شكد عينك كوية تخوني
وتنام وي صديقتي وتجي تخطط للمستقبل وياي
لتفتلي
باهر : لان أحبج أنتِ، أشتريج بروحي
وردة : اذا كل هذا الحب وخنت! شخليت للمايحبون؟
نزل راسه
باهر : يجي يوم وتعرفين... اخون نفسي وماخونج
وردة : فهمني شعرف؟ اكو شي ضامه عني؟
وردة : والله تعبت، لانفسي تتقبله ولا هو راضي
يعوفني ونوب تورطت وي نسر
غيرت الموضوع
جدة : هذا الشريطي مبين خوش وليد
وردة : حتى الخوش وياي يعوج، يگلك هاي غجرية
كاولية ويبدي استغلال احس ورطت روحي ويا
جدة : وشكلج؟
وردة : بده يتحكم بية لاطولين ولاطلعين ولاتسوين
وغير هذا كله يكلي لا خلقه ولااخلاق باهر على شنو
كاتل نفسه عليج
جدة : يامضروب الچلوة... يروح فدوه الاخلاقج
وين اكو بجمالج بس تلكي مقهور وحجه هيج
وردة : على شنو ينقهر! ونوب يتشمت بية بسبب
افعال باهر القذر يكلي باهر من نام وي صديقتج
مافكر بيج!
جدة : تردين الصدك حجاياته صح.. ليش أكلج
لاتأمنين الرجل مهما يحبج ويصونج خلي مجال
للخذلان
وردة : مااريدهم بحياتي اريد اعيش بس اني
وانتَ
جدة : لا وريدة تريد محب يسگيها ويهتم بيها
وردة : مايحتاج سما الله تمطر وتزگيني
جدة :لا تهتمين نسر له انتف ريشاته شلون يزعلج
وردة : لا عوفي يولي لاتكبرين راسه هسه يكول
تأثرت بكلامي
جدة : لا بالله له اغسله غسل ألج وين يوصل الجمالج
حتى يحجي بيج
نهضت منها
وردة : شسويله بس خلي يطلعنا منها وشيكول خلي
يكول
جدة : هاج حبوبه لفي اذانج لاتتمرضين هستوج
سبحتي
اخذت منها الوشاح خليته على راسي
جدة : تهون جدة تهون مايبقى حمل مطروح.
وردة : احس صدري ضايك مدري شبية
جدة : اني اعرف اشبيج بسبب نسر خابري خليني
انتف ريشاته
وردة : لا والله تعرفيني مااهتم، بعدين منو هو واخذ بكلامة عن نفسي!
جدة : شنهي المضايك صدرج؟
وردة : مدري بس احس ثكل ماكدر اجر النفس
جدة : ننزل للسوك اشتريلج لتردي وتغيرين جو؟
وردة : لا خليني يمج وهي تهون
فتحت حضنها، حضنتها بكل قوتي وشميتها عطرها بي حنية تهدء النفس اخذت المبايل اسلي نفسي بي شفت نسر متصل ماهتميت كملت لعب
شوية ورجع اتصل، كمت ورا البيت
جدة : ها وريدة؟
وردة : نسر
جدة : كليلة جدة تريدك
وردة : خوش
اخذت نفس ورديت
وردة : الو
نسر : هلا والله شلونج؟
وردة : خير
نسر : كل الخير...اكلج شي؟
وردة : كول
نسر : تدرين اول مافتحتي خط گلت هسه تجرني بزيج
وردة : ماتسوه
نسر : رحم الله والديج
وردة : لا. تفهم غلط قصدي، يعني مو أنتَ حشاك شلون افهمك ماتسوه يعني....
نسر : هههههههه فهمت هاي هيَ وصلت
وردة : اي.. رحم الله والديك
نسر : والديج... اشو صوتج تعبان شبيج؟
وردة : ضايجة
نسر : باهر سوه شي؟
تنهدت
وردة : كلها تسوي وتأذيني واني لازم اسامح وماازعل واذا زعلت اطلع موخوش
نسر : أني؟ اني زعلتج؟
وردة : الدنيا بكبرها مزعلتني بقت عليك؟
نسر : اعتذر والله العظيم بس السانج ماشاءالله عليه اذا رمه جيبي الزلمه وابن ابو يكدر يسكتج
سكتت
نسر : يعني هسه افهم زعلتي مني؟
وردة : جؤ
نسر : كولي والله
وردة : صدك مازعلانة
نسر :وليش متحلفين؟
وردة : مااحلف الله عظيم شون احلف بربي على مود ارضي بشر! صدك زين ماصدك يركع راسه بالحايط
نسر : زين تسوين والله
وردة : كول صاير شي ليش اتصلت؟
نسر : احمم.... ماكو شي يمي لحد الان منتضر لوقت
وانتِ شخبار سلطانة؟
وردة : خوش
نسر : الحجية شلونها؟
وردة : بخير.
نسر : سلمي عليها
وردة : ان شاءلله
نسر : اا... وردة
وردة : ها؟
سكت ثواني كال
نسر : هيج... ماكو شي مع سلامة
وردة : الله وياك
سديت الخط، رجعت كعدت ألعب العصر جدة تضوج
دائماً.. تطلع تكعد بالباب هي وحجيه صديقتها يسولفن
واني بقيت العب وصلت مراحل بيها
واسمعها تحجي
جدة : ولك شنهي توصل الجمالها؟ لو الاخلاقها؟
حتى تكلها لاخلقة ولا أخلاق
سمعت هيج وركضتلها فتحت الباب واشوف نسر
حبوبتي تحجي ويا وهو منزل راسه
وردة : يااا حبوبه شبيج؟
جدة : خليني اطيح حظه منو هو ويحجي بأخلاقج
نسر : لا.. يمه موقصدي...
قطعت كلامه
جدة : شنهي ولك موقصدك؟ تكلها لاخلقة ولااخلاق
وتكلي موقصدك فهمني شنهو قصدك!
لزمتها
وردة : حبوبه صدك جذب خلي يحجي شريد منه
جدة : اريد مقصده شنهو!
رفع عينه، باوعلي مباشرة
نسر : أي... حجية ماعاجبني تصرفها ويا باهر
أبد... رغم كل اللي يسويه وياها وتطلع وتروح
وترد وچن ماكو شي
سكت لحظة، بعدها كمل بنبرة أهدأ
نسر : أي واحد مثل باهر... يشوف هيج
يبقى يركض وراها مو حب.. لأن شاف منها
ريك حلو
ثبتت عيوني بعينه
نسر : لذلك... غثني الموضوع
سكتت.. جدة كعدت على الدچة، كالت
جدة : بعدك ماتعرف باهر لو ماتسايره وريدة
يشرب ويضل يعربد بالباب مثل ذيج المرة
نسر لف وجهه شوي، وكأنه يفكر
نسر : أدري.. بس هذا مو حل
وردة : وانت شنو شعليك؟
رجع باوعلي
نسر : لأنج تأذين نفسج... وانت مو شايفة
حجيت ولفيت نفسي عنه
وردة : واضح شايفني أكثر من نفسي؟
نسر : مو أكثر... بس هاي الحقيقة
سكتت ثواني
نسر : ان شاءلله اخلي حد الباهر لان نهايته محتومه
واهم شي امن خروجكم من القرية
هزت راسها
جدة : من وشك مبين أبن اجاويد، بس لاتزعل وريدة
رفع عينه بعيني بتسم
نسر : ليش منو يكدر يزعلها
جدة : خليني اتامل بيك خير، وتخلصها مو انت والدنيا
عليها.
استغربت والتفتلها بسرعة
وردة : شنو هل حچي حبوبه؟
جدة : حبوبه واضحة... بعدج ماتعرفين الدنيا شبيها
ماتكدرين تتحملين همها
قاطعها بسرعة، بنبرة هادية
نسر : لا... هي قوية تگدر.
سكت لحظة، وبعدين كمل بصوت أوطي
نسر : بس مو لازم تضل وحدها.
رفعت حاجبي
وردة : وانت من شوكت صرت مسؤول عني؟
ابتسم نص ابتسامة، هالمرة بيها تحدي خفيف
نسر : من شفتج تضيعين بين اثنين.. واحد يأذيج
والثاني... مايعرف شلون يحميج.
جدة باوعت بيناتنا، فهمت شي أني مافهمته سكتت
ماحجيت
وردة : لا تكبرها.. اني أعرف أدبر نفسي.
نسر : أدري...
سكت لحظة كمل
نسر : بس مرات.. أقوى الناس يحتاجون أحد وراهم.
وردة : الله وياي ماحتاج بشر
بتسم هز راسه جدة تبصبص بعيونها الي وترجع ألي
ستحيت كتلها
وردة : اروح اشوف اخبار سلطانة ماتأخر
جدة : موبايلج أخذي
وردة : اي اخذته
نسر بقى يمها اسمع جدة صارت تحقق ويا من ياعمام؟
عفتهم ومشيت.. رحت للمكان الي تتواجد بي سلطانة
دخلت شفتها واكفه وي رجال تسولف
ابتسمت بخفة
وردة : شلونج عمه
مدت إيدها بسرعة
سلطانة : تعاي ورد جوري أجيتي بوكتج
رحت يمها.. نفس الرجل اللي حچتلي عنه
عيونه عليّ مانزلها چن يفحصني قطعة قطعة
مو جبير هواي... ابتسامته.. مو مريحة أبد
بصوت جهوري قوي
: هي هاي وردتي؟
رفعت حاجبي، باوعت لسلطانة
كرصتني بخفة حتى أبتسم
سلطانة : اسم على مسمى لو لا؟
هز راسه ببطء...
ونظراته نزلت من وجهي لباقي جسمي بدون
ما يستحي قشعر بدني... بس تماسكت رد
: وأكثر...تعرفين شنو قيمتها الحقيقية!
تجمدت ثواني.. كلامه مو طبيعي
باوعت لسلطانة بسرعة
تضحك بخبث
سلطانة : تخبل.. أحلى وحدة من بناتي
حچيتلك عنها.. بس هي وجدتها وحدهم، ماعدهم
أحد
سكت...
ورفع عينه مرة ثانية عليّ هالمرة نظرته ما بيها إعجاب
بيها شي أخطر
قرب خطوة خفيفة
: والوحدة اللي ماعدها أحد.. تنحفظ زين لو تضيع بسهولة؟
انقبض گلبي.. بس بينت عادية
وردة :لورد معروف وين ينحط ما يضيع بسهولة
سكت لحظة... ثبت عيونه علية
وبعدين ابتسم ابتسامة باردة مو مريحة
مرر نظرته علية مرة ثانية هز راسه
: بس يعجبني اللي تعرف تحافظ على نفسها
سلطانة : صح كلامك وردة تحب نفسها هواي.
رمقني بنظرة تفحص
: حقها.. تعرف قيمته نفسها
سلطانة : تستاهلها تلوكلك وردة مثلها
قبل مايحجي كلت
وردة : اروح اشوف البناات
هز راسه بسرعة شردت منهم اول مادخلت للحمام
طلعت مبايلي تصلت بنسر، رد
نسر : الو
بصوت واطي
وردة : وين انت؟
نسر : كاعد يم بيبتج... شبيج؟
وردة : الرجال لكتلك عليه يريد يتزوجني ويمكن
يكون هو وياهم
نسر : اعرف موجود هنا لذلك اجيت.. خوماسوالج
شي؟
وردة : لا ماكو شي بس ردت اكلك
نسر : نتبهي على نفسج
وردة : اي.. يله اروح لايسمعوني
نسر : يله اي شي يصير كولي
وردة : صار.. الله وياك
سديته وطلعت، يم البنات كاعدات يسولفن ويسلسن
حب، قريت كعدت يم رند وجها مغيم، اخذت حب
ندستها واني اسلس
وردة : حمامة غرام؟
بقهر
رند : غرام
وردة : احجي شكو؟ سولفتي لباهر؟
رند : يعفط... ويكول اذا حامل صدك موأبني روحي
شوفي ابو وين
وردة : ياااععع عمت عينه هاي تاليها سلمتي اغز
ماتملكين وتالي يكلج نغل
رمقتني بنظرة انزعاج
رند : شفتي شلون؟ أي نغل
اسلس حب واحجي
وردة : اامممم وهسه شراح تسوين؟
رند : اكله غايبتلي وطلعت مو حامل
وردة : طاحضج وهيج تعوفي يلعب بيج بسهولة
رند : شسوي مااكدرله
وردة : لا حبيبتي صوجج وين اكو وحدة تسوي
سوايتج وتسلم شرفها بالحرام بسهولة ماخفتي
بعدين حقه هيج يكول مثل ماسوت وياي تسوي
وي غيري
سكتت منزله راسها وتعض بشفتها
وردة : ولج بالحلال وعرس يطن ويرن وبالكوة
يقربلها وكل الناس تشهد... شكد غبره وغبية
رند : شسوي هسه؟
وردة : بعدما فعلتي فعلتج الگشرة تكولين شسوي؟
ولج أني يتوسلي على زواج ومااقبل وانت ترحين
ترخصين نفسج اكيد يسترخضج
رند : لاتلوميني راح اموت قهر شسوي؟
وردة : لو جايتني قبل مادكين هل دكه الناقصة جان
لكيتلج حل
سكتت لتفت عليها
وردة : شلون بديتي اول مره ويا؟
نزلت راسها،سكتت تعض بشفتها
وردة : اسمعي باهر مايصير ألج له..
رفعت عينها بعيني، قاطعت كلامي كالت
رند : له تزوجين
وردة : غدي اني مو مال زواج
رند : لا تزوجين وحتى باهر يأيس منج واني اكله
شوف شلون عافتك وماهتمت لوجودك
وردة : صدك تحجين!
رند : وأكثر.. جوري اذا تعزيني تزوجي وأكسري باهر
مثل ماكسرج
بتسمت بوجع، سويت بنفسك ياغبي ولك رغم خذلاك
ألي اخاف أكسرك لو أخذلك حتى بتفكير وشوف ألي
خنتني وياها شلون تحب تشوفك مكسور...
ندستني
رند : شبيج! مو أحجي وياج
وردة : برأيج اذا اتزوج ياخذج؟
رند : يسويها شغلة عناد بيج مثل ماتزوجتي اقنعه
يتزوجني
وردة : تهون
رند : شني توافقين؟
وردة : بمنو؟
رند : شبيج غير توافقين تتزوجين
وردة : مدري هسه امج شايفتلي رجل
رند : شفتي؟
وردة : اممم
رند : وشمنتضرة؟
وردة : ألمشمش احبه
رند : يوو جوري.. شبيج غير اني صديقتج
بتسمت بوجع
وردة : ونعـــــل
ضحكت ودفعتني بخفه
رند : لا صدك احجي لاتضيعين الفرصة
نضرتلها صفح
وردة : فرصة لو فخ؟
سكتت ماعرفت ترد
وردة : دفعيني اتزوج حتى تنتقمين من باهر؟ لو حتى
تذلي؟
ارتبكت
رند : ألاثنين... حتى اشوفه واشمت بي شلون كسرتي
وردة : ماكسرته لان هو مايعنيلي شي
رند : هسه شنو توافقين؟
وردة : ماعرف بعد اريد وقت لان..
رجعت نضري عليها
وردة : تعرفين وضعي مثل ماتسموني عاجزة
سكتت نزلت راسها، اجت سلطانة من الباب تهز جتفها
وطك أصبع فرحانه
قربت لزمت وجهي بأثنين أديها باستني بقوة
سلطانة : مممممممح..
اوووف ولج من يوم خليتج بحضني الفلوس صارت تتناثر عليه منين مادري
رفعت حواجبي، احجي بگلبي
: من عمايلج السودة صايرتلي تاجرة بنت الفكر
بتسمت
رند : شكو!
سلطانة : ولج بس شافها شوفي وحدة
طلعت من صدرها دولارات
سلطانة : هاي هي ورد جوري صارت له
باوعتلي وضربتني بخفه ايدها
رند : عمت عينج ولج والله عليج حظ!
سكتت، ماعرف شحجي لان اعرف سلطانة مو بس
تبيعني تبيع حتى نفسها على فلوس
رند : هسه شنو توافقين ولج
وردة : لاشوافق كتلج مو مال زواج
سلطانة : خليها ولج رنو لاتضغطين عليها الرجال
كال بيوم الحفلة يشوفها ويكعدون يسولفون واني
هم فهمته على كلشي
رند : ماتنطيني من حضج شوية
وردة : أخذي كله على شنو حاسدتني!
رند : كلها تحبج وتريد رضاج وفوك هذا كله تتمننين عليهم!
هزيت أيدي
وردة : كلهم بوصخ رجلي مابدلهم
سكتوا لحظة... حتى سلطانة تغيرت ملامها
بطلت تبتسم رفعت عيني عليها، نبرتي هالمرة
هادية
وردة : بس مو معناته ما أعرف أستفاد منهم
نضرتلي سلطانة بنص ابتسامة
سلطانة : هااا... هسه بدت تعجبني
رند قربت مني فضولها واضح
رند : شنو ناوية؟
ابتسمت بخفة
وردة : مثل ماهم يشوفوني فرصة
سكتت ثانية خليتهم ينتظرون ويصغون الكلامي
كلت
وردة : أنا هم راح أشوفهم لعبة
تبدلت نظراتهم...سلطانة بيها إعجاب
ورند بيها صدمة
سلطانة : عفية... هيج أريدج
لفيت واني أتحرك للباب واهز بكركوشة خصري
وردة : بس الفرق...
سلطانة : عفية... هيج أريدج
ينتظرون أكمل لفيت نص لفة
ابتسمت ابتسامة خفيفة
وردة : ما ألعب حتى أربح.. ألعب حتى ما أخسر
وطلعت... وخليتهم وراي ساكتين احب أحجي كلامي
بتقطع حتى المقابل يصير بقلق شنو الجملة البعدها
ترضي، لو لا
وردة : شلونه الحلو
ضحك
نسر : ماكو احسن مني اول مره بنية تتغزل بية
وردة : لا يععع شتغزل بيك بس على وزن الو، شلونه
الحلو
نسر : خيبتي ضني
وردة : وين بعدك يم حبوبتي؟
نسر : لا والله طلعت.. ترديني أرجع؟
وردة : لا درب السلامة بس ردت أكلك ورطتني
نسر : ليش ياستار
وردة : هذا الرجال كتلك عليه
نسر : اي شبي سوالج شي؟
وردة : لا شنو يسويلي غير ارجعه البطن امه
نسر : الحمدلله. نيتي طارت
بأستغراب
وردة : شلون؟
نسر : قصدي هم زين سباعية
وردة : يمعود ياسباعية شعندي غير لساني ادافع
بي
نسر : لا قوية وسباعية والله
وردة : هسه شسوي؟
نسر : كتلج لاتسوين شي ليوم الحفلة بس ماريدج
تفاركين سلطانة بيومها
وردة : واذا لگفتني سلطانة الله وكيلك تكصبني
نسر : افا عليج واني موجود؟
وردة : ان شاءلله مايصير شي .. يله وصلت للدار
نسر : جوري لحظةة
نسر : جوري لحظةة
نسر : عادي أشوفج اليوم ماعندي شي
وردة : شكو؟
نسر : شفت المرجوحة وذكرتج كلت اجيبج لهنا
تتمرجحين
وردة : لا خاف واحد يجي ويشوفنا هي صايرة
قريب الشارع
نسر : اخليها بالليل كلش محد يشوف ولاحد يجي
وردة : ها تريد تشرد من وعدك حتى اذا طلعنا منا
ماتاخذني مو؟
نسر : لا وحق لسمو بطل صفين اخذج وين ماتردين
بس لان ليوم ماعندي شي كلت اسمع قصتج انتِ
وباهر
وردة : ماكدر اعوف حبوبتي وحدها بالليل
نسر : تمام.. نتبهي على نفسج واي شي يصير
بأي وقت خابري
وردة : ماكدر اعوف حبوبتي وحدها بالليل
وردة : تمام.. الله وياك
سديت الخط ودخلت للدار صحت
وردة : محبوبتي
اجه صوتها من الغرفة
جدة : تعاي بيعد بيتي تعاي
رحتلها كاعدة وغراضها داير مدايرها
وردة : ليش تعبين نفسج لو منتضرتني اني ارتبهن
سحبت الوساده كعدت يمها تفتح بغراضها طلعت
صرة شادتها الف شدة، فتحتها وأيدها ترجف من
اشوف رجفتها احس گلبي يوجعني
وردة : خليني افتحها
نطتنياها فتحتها، طلعن ذهباتها اخذت حجول ثنين
بس من هاي لحجول القديمة ذهبها ثكيل
جدة : وريدة حبوبه هذني امانة اذا متت لدفنتي
مااريد من واحد
مردت گلبي
وردة : أسم الله حولج وحواليج من عمري لعمرج
يابعد كل عمري
جدة : كل حي بالدنيا عليّ موته
لزمت باقي الذهب خلته بأيدي
جدة : وهذا ألج حبوبه خاف الزمن يذبج سندي
روحج بيهن محد يدوم
نزلت دمعتي اخذت ايدها ابوسها
وردة : فدوة اندار العمرج لاتحجين هيج حبوبه لخاطري
جدة : شنهي حبوبه اكل خبزتي وخبزت غيري! اذا موش اليوم باجر امشي وتخلص خبزتي
حضنتها بكل قوتي أشهك
جدة : بسج ولج وريدة امانة لاتبجين ولاتشكين ثوب
ولا تلبسين أسود
بعدت عنها ولطمت وجهي بكل قوة وأبجي
وردة : لاتحجين هيج لاتحجين
لزمت أيدي باستها
جدة :بسج يرويحتي
حضنتها وگلبي يتكطع أشهك بالنفس بلكوه أحجي
وردة : ابوس رجلج.. لا تحجين هيج اني اموت وراج
والله اكتل روحي شسوي عايشة غير الخاطرج
جدة : أسسس،.. حبوبه اشاقه وياج، اوصيج خافن
هاي دنيا مالها أمان
وردة : الدنيا مو أمان بس حضنج.. لاتخلين وردتج
بروحها
جدة : عندج حبوبه... ماروح
طبطبت ع ضهري، وطيبت گلبي بكلمتين كل مره هيج
تسوي بية بين فترا وفترة طلع غراضها وتكعد توصي
واني أموت مجرد اتخيل هذا الشي..
خلصت يومي بحضنها، ثاني يوم أني احب اكل ألاكل
من أيدها عليها نفس بيها العافية لكيتها تسوي ريوك
والچاي شرط بسبب تخمير ريحته توصل للباب
ماطلعت خلنا يومنا سوه اوردت الحلال والعصر تمشينا
ورجعنا مثل كل يوم لليل اتصل باهر فيديو مارديت لح
يله رديت
فتح كامرا نايم بدون قميص
باهر : اخيرا نورتي بيتج حبيبي
وردة : هسه تشوفك جدة وتضيح يلمصخم شعندك
عريان ماتستحي
باهر :عادي ألعب وياها
وردة : صورتك هاي تذكرني من نامت على صدرك
زفر نفس كعد حول الكامرا
باهر : شوفي هاي غرفتنا
نهض فتح الكنتور متروس ملابس نوم
باهر : حتى ملابس اختاريتلج حتى ماتحتاجين
شي.. وها شوفي
رجع فتح باب كله عطور ومكياج ومن ضمنهن الحمرة
الي اخذها لزمها بأيده
باهر : اني احمرج بأيدي
وردة : اممم بس بحلامك
رجع حول الكامرا الامامية
باهر : لو يبقى اخر يوم بعمري أخذج برضاج لو غصب
عنج مايهمني اهم شي اسوي لي اريده
وردة : نجب
باهر : وبحضنج لميني... شوفي بعد
رجع حول الكامرا ويصور، البيت حلو ومرتب مثل
ماجنت أريد واحلى، اثناء مايصور ويشرح دمعت
عيني، بسرعة مسحتها وبقيت اتفرج ساكته، اشوف
حلمي نهدم بسبب خذلانهم وغدرهم
باهر : يمكن هذا الشي الوحيد لي أبدعت بي
وردة : شنو؟
باهر : بس تجين تشوفيها بعيني
رجع نضره الي
باهر : ها عجبج البيت؟
وردة : البيت حلو بس راعية مو كفو
تنهد
باهر : لاتجرحيني جوري
برود
وردة : ليش عندك حساس؟!
سكت
وردة : كلمة وهيج اثرت بيك، لفعل شلون؟
عقد حاجبه
باهر : شنو قصدج؟
سكت منزل راسه ماعنده شي يحجي
وردة : مع سلامة ولاتتصل وتزعجتي مألي خلك
هز راسه، سديت الخط قبل مايحجي، رجعت نمت
بحضن جدة
مر أسبوع
وكل شي طبيعي باهر يجي يسلم على جدة ويبقى
دقايق ويروح يحاول يحجي ويتحارش بس حتى
احجي بس اغلس وألتهي بالعبة
وما نسر يتصل يطمأن عني واذا صار شي بخصوص
سلطانة وننهي الاتصال وماشفته غير مرتين من جنت
ارعى الغنم هو وباهر سلمو على جدة وكملو طريقهم
واجه يوم مانسى أبد حفضته بكل تفاصيلة مثل كل مرا
نايمين اني وياها وافز على صوتها تستفرغ بشكل قوي
ومخيف
ركضتلها مرعوبة، لزمت راسها بعد ماكملت غسلت وجها
اصفر
بصوت يرجف
وردة : شــبيج!
جدة : مدري ولج حبوبه راح اموت
كمت أخذت مبايلي وايدي ترجف واول رقم صار بوجهي نسر اتصلت عليه ثاني رنة رد
نسر : الو
بخوف
وردة : تعال... نسر حباب تعال حبوبتي مدري شبيها
وردة : حباب مو تتأخر
نسر : كولي يا الله، مابيها شي ان شاءلله
وردة : يارب
سديته رجعت إلها... وجهها صار أصفر، تعرك، ونفسها
ثكيل لزمت أيدي وباستها
وردة : لا تخافين... هسه يجي نسر ونروح للدكتور
ابتسمت ابتسامة تعب..بصوت واهن كالت
جدة : كل خوفي عليج حبوبه
ثواني... وصوت هورن السيارة قرب ركضت للباب
فتحته بسرعة رجعت اخذت الجنطة لبستها
رجعت شفتها تحاول تكوم بس ما تكدر
وردة : لا لا... خليچ
انحنيت عليها، حطيت إيدي ورا ضهرها والثانية تحت كتفها وشلتها بكل قوتي صاحت بصوت واهن
جدة : ولج... ظهري ينكسر ع
دموعي نزلت غصب عني
بست راسها
وردة : فدوة لج.. يابعد روحي
طلعت بيها لباب الدار...
نسر كان واصل وواكف ينتظر
لما شافها بهالحالة بدون كلام.. تقدم بسرعة
وأخذها مني بحذر مثل طفل مريض
نسر : افتحي باب السيارة بسرعة
ركضت وفتحته حطها بالمقعد بهدوء، صعدت يمها
امسح العرك من وجها
جدة : روحي تتغريف ولج حبوبه
أبجي وامسح بوجها ماكدرت أحجي
نسر : مابيج غير العافية ان شاءلله
جدة : وريدة أمانه بركبتك لاتعوفها
وردة : لاتحجين هيج فدوة اروحلج هسه طيبين
بتسمت يوجع
جدة : خلصت خبزتي
هزيت راسي
وردة : لا فدوة رحتلج لاتحجين هيج اموت والله
لزمت ايدها دموعي تنزل
وردة : هسه ترجعين اقوى من قبل مابيج شي لخاطري
أني.. أني اضيع من دونج
حضنت راسي الصدرها صرت اناشغ وهي تمسد على
شعري
جدة : وريدة خليج قوية حبوبه هيج ربيتج ولج
وردة : قوية بوجودج
وصلنا المستشفى نسر ركض جاب عربانه بين مانزلت
صعدها واخذها للدكتور فحصها مابيها اي شي بس
ضغط نازل
نيموها وخلولها مغذي.. مافاركتها ولا دقيقة لزمت ايدها
وكعدت
وردة : لا تعوفيني انتِ هم
جدة : مااطول حبوبه..
لزمت وجهه ودموعي ماسكتت وصوتي يرجف
وردة : الخاطري حبوبه ورد تضيع بين الرجلين اخلافج
جدة : شفته خيال على فرس
اخذت أيدها ابوسها
وردة : لاتحجين هيج فدوة
جدة : خليج قوية الله ماينساج
وردة : أكتل روحي والله ألمن عايشه بعدج هااا؟
قرب عليها
جدة : وريدة مالها أحد غيري بالدنيا وسلطانة ماتعول
اموت حتى تذلها
نسر : لاتخافين سلطانة قربت نهايتها
جدة : ترا وريدة صوت عالي وگلب خالي أمانه بروح
عزازك تاخذها البعيد لاتخليها بالقرية سلطانة تاكلهااا
وردة : فدوة اروحلج حبوبه لاتحجين هيج أني اموت
والله شسوي بعمري من دونج
مادارت عينها
جدة : أسكتي حبوبه قربت ساعتي
ضربت وجهي بقوة
جدة : سكتها، سكتها
اجه نسر لزم وأيدي
نسر : أششش بس أهدي
وردة : شلون، شلون فهمني ماتسمعها شتكول!
حضن وجهي بكفوف أيده وببهامه مسح دموعي
نسر : اسمعيها مره وحدة لاتندمين العمر كله
هزيت راسي رجعت كعدت يمها على سدية لزمت
أيدي رجعت رفعت عينها النسر
جدة : هاي امانه واذا مو كدها كول؟
نسر : اوعدج ويمين عليه مااخلي اي شخص كأن
من يكون يأذيها
بتسمت غمضت عينها
جدة :هسه رتاحيت...
ضغطت على أيدي بخفه وباوعتلي
جدة : احبج مثل روحي
نهضمت وبس دموعي تنزل
جدة : من يوم الي شفتج بي كلت أفني عمري على
تربيتها واذا اعيش الخاطرها
اخذت أيدها ابوس بيها
جدة : مليتي عليه الدنيا وصرتي ونستي
عينها دمعت رجعت باوعت النسر
جدة : ترا وريدة فقيرة بس المايخافون الله خلوها
شوهوها ونهشو لحمها وخلوها
تصير وحش.... ولازم تصير وحش وله جان ماكليها
من زمان
بصوت يرجف
وردة : اسكتي لاتعبين نفسج
جدة : خليني أحجي الماحجيته سنين..
رجعت عينها النسر
جدة : ربت بينهم وطبعت بطبعهم بس موش غجرية
وردة : شنو؟... شنو تقصدين؟
نسر ثبت مكانه من الصدمة صفن بوجهي رفعت نظرها بصعوبة، وصوتها يضعف شوي شوي
جدة :أي حبوبه أنت موش غجرية، بيوم اجيت السلطانة
وشفتج عدها
سديت اذاني بقوة صحت
وردة : أسكتيييي، ماسمع شي هذا كابوس هسه اصحى
ماردت عليه وكملت
جدة : جنتي بنت انفاس وبحلگج ملهي ذهب سلطانة
اخذتها باعتها وخلتج تبجين من جوعج
كعدت بالكاع اضرب راسي بالحايط اردد
وردة : أصحي وردة... اصحي هذا كابوس اصحيييي
ولج
اجه بسرعة لزمني
نسر : جوري اسمعيها مره وحدة لاتندمين
رفعت عيني له وصوتي يرجف
وردة : شلون اصحى من هل حلم هاا
نسر : مو حلم جوري
حضنته خليت راسي على صدره، هو ضمني بقوة
تنهد
نسر : اهدي اني يمج ماعوفج
بعدت عنه ودموعي تنزل
وردة : شوف اني بحلم ما لعبت نفسي يعني هذا
حلم ب.... شلون أصحى؟
جدة : وريدة تعاي
بالكوة مدت ايدها
جدة : اسمعيني... وخليني اموت واني مرتاحه.
وردة : مابيـ
جدة : أحجي لو أموت بحسرتي؟
اجه
نسر : جوري خليها تحجي حرام لي تسوي
رفعت عيني له متروسه دموع، مهضومة
وردة : نسررر
نسر : اسمعيها
هزيت راسي، باوعت الجدة اخذت ايدها ابوسها
جدة : بس اخذتج بحضني سكتي، بس عيـونج
متروسه دموع صرتي تشكين وتفرين براسج دورين
على حليبتج
خليت أيدي على حلگي اكتم صوت شهكات احس
گلبي راح يوكف، نسر شد على أيدي بقوة همس
نسر : لازم تخليها تحجي
هزيت راسي كالت
جدة : تعاركت وي سلطانة واخذتج وياي ماجان
عندي طفل الله مارزقني بضنه ولكيتج عوض بعد
شيب وصبر سنين
بتسمت
جدة :جانت عندي صخلة هستوها والده وشربتج
حليبها بينما جدج طلع جاب حليب واجه سويتلج
اخذتي ملهوفه واحنا؟
فرحنا بيج رغم كبار احنا بس وجـودج بينا ردلنا
الحياة.. اول ماشميتج عطر ورد جوري يفوح منج
لهذا اني وجدج سميناج.. ورد جوري
ثاني يوم أجت سلطانة ماخليتها تاخذج وجدج
وكف بوشها ومنها جنت اعرف مصيرج لو صرتي
بأيدها..
وبعد ماصار عمرج سنه عرفت مرأة تتردد على
سلطانة وتنطيها مصرف حتى تربيج وسلطانة
تاخذهن وطلبت تخصصلها راتب لو تذبج وافقت
نسر : منو المرأة؟
جدة : ماجنت اعرفها
نسر : ماطلبت تشوف جوري؟
جدة : ابد.. حتى من تجي السلطانة ماتسأل عنهـا
ولاتذكرها بس تنطيها الفلوس وتختفي مرات دزهن
بايد سايق
بلعت ريكها واني عضيت أيدي بكل قوة أريد اصحى
من هل الكابوس
جدة : بس قبل خمس سنين عرفت وردة تعرضت التحرش بسبب سلطانة، وعرفت المصرف يروحلها
شالت ايدها وصارت دز الفلوس أللي ماقبلت كتلـها جمعيهن ألها
سكتت ولزمت أيدي
جدة : وقبل فترة كالت هاي حوبتها أريد اشوفها قبل مااموت واخذت صورتها
بالعت ريكي بصعوبة وصوت يرجف
وردة : أ... المرأة..الشفناهاا... يعني أمي؟
هزت راسها
وردة : ليش.. ليش ذبتني؟ اني بت حرام؟
جدة : كل ماسألها ماترد حتى من اكلها بنتج تسكت
لزمت وجها
وردة : تولي مااريد اعرف عنها شي.. أريدج انتِ أمي، وأبوي وروحي ودنيتي
رفعت عينها النسر
جدة : حبوبه ماوصيك امانه برگبتك وريدة لاتخليها
بأيدهم مايرحموها
وردة : هاي هي بعد أسكتي لاتعبين نفسج ارتاحي
عينها على نسر
جدة : لاتنسى ورد جوري امانه بركبتك لاتعوفهااا
نسر : امانتج بالحفظ والصون أحميها مثل عيوني
بتسمت وفتحتلي حضنها، حضنتها
جدة : لاتخافين من شي وريدة
شهكت بحضنها
جدة : اشش حبوبه... مايصلح لاتبجين
بعدت عنها مسحت دموعي اجة الدكتور كال
: خلوها ترتاح
وردة : لا ابقى يمها
هز راسه وطلع، نسر طلع ورا، جدة تتبسم بوجهي
وكل ساع تردد
جدة : نتبهي على نفسج
بتسمت وغمضت عيونها بتعب ماتحركت عنها ابد
لحد ماحسيتها غفت اعرفها من تنام وتزفر نفسها
خدودها تنفخ ومن تاخذ نفس يهدء..
كعدت يمها... أراقب نفسها
المغذي يقطر... وكلشي هادئ... أكثر من اللازم
غفيت لحظة..
فزيت.. باوعت عليها.. ماكو حركة قربت أكثر
بهمس
وردة : حـ... بوبه؟
حطيت إيدي على خشمهة.. ماكو نفس
تراجعت خطوة... الدنيا دارت بيه.
فتحت الباب، صرحت بكل قوتي
وردة : دکتۆر! خۆش بێ... بسرعة!
ركضوا... ممرضة ودكتور
واكفـه ما أفهم شي أشوفهم يتحركون.. يحاولون
بس گلبي.. يعرف الحقيقة
قصص ماي هوبس اجه باهر يركض وكف بالباب مصدوم يباوع على جدة ورجع باوعلي وتقرب
باهر : جوري!
اجه نسر شافها خله أيده على راسه، الممرضة بعدتنا
الدكتور سوالها صدمات...ماكو رد نزل إيده ببطء كال
: الله يرحمها
سكت كلشي.. وانف جرت
وردة : لااااا! نايمة! حبوبه كعدي... كعدي!
هجمت عليها أهزها
وردة : شوفي.. نايمة بس.. كعدي!
باهر لزمني
وردة : والله نايمة.. شوفها.. نايمة
باهر : جوري... حرام الي تسوي
الممرضة غطت وجها... تخبلت ماعرف شنو أحجي
ضربت راسي بقوة.. مرة، مرتن..
صار بس صوت طنين بأذني
وحرارة نزلت من جبيني على وجهي
آخر شي شفته..
إيدي باهر الزمتني
وبعدين... سواد
