رواية لأني عاقر الفصل العاشر بقلم مريم خفاجة
فتحت عيوني واني متضايقة
من شواربة التبزز خدي:-أووي
كمال:-صباح الملاك يالوجهج هلاك
ابتسمت:-صباح النور
كمال:-شلون نمتي؟
ملاك:-نعسانه حيل
گلبني وخلاني فوگاه:-تدرين لسة مانايم
ملاك:-أمممم
كمال:-شنو نمتي؟
ملاك:-شتريد
كمال:-خلي نضل گاعدين
ملاك:-شنسوي؟
كمال:-انتي شتكولين شنسوي
ملاك:-تؤ تؤ عوفني وخر نعسانه كلش وخرر
انگلبت ونمت وهو يبوس بية رجعت
غفيت
وفزينه ؏ دگت الباب
گام عني كمال واني غطيت راسي
سمعت صوت وردة:-حطيتلكم الريوك جوة انزلو لا يبرد
كمال:-ماشي
وردة:-شو خنشوف ملاك
كمال:-دمشي ولي امشي
وردة:-ديلا وخلصو بساع والاماعين بس حطوهن ؏ سنك احنه نغسلهن ترة بالعشرة يجون لهنا كلهم
كمال:-خوش
راحت وردة وكمال اجة وخر الغطا
عني:-يلا ملاڪي كومي نتريك
گمت والغطا مخليته ؏ جسمي:-انطيني
ثوبي
كمال:-كومي هيج
ضحكت:-جييب الثوب وين شامرة
جاب الثوب يضحك ولبسنيا
واني مستحية منه گومني لازمني من ضهري
ويمشيني
ومبتسملي نزلنه تريگنه
واحنه گاعدين نتريك سألني:-خو ما متأذية
ملاك:-الف مرة گتلي وكتلك لا
كمال:-مو صوجج
ضحكت وضليت آكل
لمن خلصنه غسلت الأماعين ورتبت المطبخ
وطلعت للصالة مرتبة
صعدت اخذت ملابسي
ودگيت الباب ؏ كمال فتحلي شعرة ينگط
مي ضحك ودخلني وياه
سبح وطلع قبلي واني سبحت وبدلت
لبست گلبية اوف وايت بيها ذهبي
من الصدر جانت ردانها يوصل للعكس
گعدت ؏ طبلة وهو ينشف شعري بالشسوار
ونوب رجع سحبة بالساحبة ويبتسم لطول شعري
ويتغزل بي:-فوك ما حلوة شعرج واصل لخصرج
ملاك:-شعبالك لعد
كمال:-شو ولا مرة تغزلتي بية
وهو مدنك يسحب بشعري ويمشط
بي:-شگلك يعني
كمال:-كليلي طالع كلو گليلي احب عيونك احب حلگك احب خشمك جنج ثلاجة
ملاك:-لا حبيبي انتَ تغزل بية واني اشوف روحي عليك
كمال:-هم حقج
ضحكت يوم بعد يوم يخليني اشوف
روحي احلى وحدة بين الناس
خلص وضل يلعب بشعري
واني ارتب روحي بالمكياج خليت
حمرة حمرة وطوخت المكياج شوية
شابگني من ورة وضل يشم برگبتي:-ليش هيج مكياجج طوخ
ملاك:-ماراح اطلع لبرة حبيبي بس جوة
كمال:-اذا لمحت واحد شايفيج من الزلم اطيح حضج
ملاك:-تمام
راح لبس دشداشة بيضة
حطيتله عطر ترسته ترس
واني حطيت لروحي شوية وسمعت اصوات جوة
خليت شال ؏ جتافي ولبست كعب
وشعري مفتوح ؏ طولة
باوعت لكمال وابتسمت:-احبك
كمال:-اموت عليج
ضحكت ونزلنه سوة
واشوف خالاتي وأمي وام كمال واخواتها
وعماتي والنسوان كم وحدة ماعرفها والهلاهل عجت بالبيت صار صوت عالي كلش من هلاهلهن
ابتسمت بوجهه أمي من شافتني
بساع وجهه ارتاح نزلت اسلم ويباركولي
ويباركون لكمال
طلع كمال يم الزلم واني ضليت ياهيه
التجي اكوم اسلم عليها ويباركولي
انطتني امي وام كمال صباحيتي
خجلت منهن واني احس روحي طايرة بالسما
من حب كمال اللي عبرة الي بليلة
امس خلاني اعيش شعور حلو حيل
للضهر تعبت من المجاملات
صعدت لفوك لزمت ضهري شوية واجة وراي
كمال:-ها شبيج؟
ملاك:-ضهري موتني
كمال:-لا بس ذيج السالفة اكفر بيج والنبي
ضحكت وضربته تمددت أجة بصفي
وحط راسة برگبتي اشتمني حيييل كزبر جلدي
دارني علي باسني بشغف
ورجع حط گصتي ؏ گصته
ابتسمت ومسدت ؏ شواربة:-شبسرعة حبيتني؟
كمال:-ترة أنتي حلوة
والحلوة تنحب من وكت
ملاك:-ههههههههه لا بالله منيلك هاي
ثبت راسة ؏ عكس أيدة
وضل يلعب بشعري:-حلوة أنتِ
تشبهين الأمل الي يجي بعد اليأس بآخر لحظة
تشبهين النور بآخر درب ضلمة
عيونج تغريني
وعيوني ماتكدر تجاهل عيونج
غصبا ما عليه أحبج
ابتسمت وأحس گلبي طار من كلماته
احسهن طالعات من گلبة
تقربت بسته حييل شوية وأبتعدت عنه
ضحكلي:-جا يومية اتغزل بيج هيج وبوسيني
مثل هاي
ملاك:-تدري بيوم العرس
واني اشوفك فرحان وعيونك تلمع فرح
احس تهت وضليت اباوعلك بس الك
كمال:-عيونج التيهتنه
حضنته حييل مطمئنة ياللهي احفضة الي
وخليني مرتاحة بحضنه
وخلي عوض إلي من بعد تعب طفولتي كلها
گمنه صلينه كملنه صلاة
وگفت أعدل شعري يم الجرباية دفعني بخفة
وحاوطني
كمال:-نعيد فلم البارحة؟
ملاك:-ههههه
كمال:-يعني افهم من ضحكتج شنو؟
ملاك:-نعيدة ليش لا
ابتسم....
ندگ الباب كام عني
وراح فتحه وهم وردة جايبة الغدة:-اثنين ماخلص منجن لا أنتي ولا عمتي أيمان
وردة:-ديلا يلا ماتشبعون
كمال:-مو أجي الزگج دفرة
عافتنه وشردت خلة الصينيه بالگاع
وغطاها ردت أكوم صاح:-وين وين؟
ملاك:-نتغدة غير
كمال:-خلي نكمل
ملاك:-الله وأكبر
ورجع ولا يشبع
لحد ما دفعته وكتلة الأكل برد
اكلنه وخلصنه
وخلص اليوم الأول بخجل وهوسة وفرح
ثالث يوم تقريباً عزمونه أهلي
جنت مشتاقتلهم خواتي وجاسر حتى عرك نجلاء
وبناتها ويانه
تذكرون أول بارت؟
بيوم أمي گالتلي راح تشتاقين لحياتج القديمة
جنت استهزئ وأكلها منو يتمنى يرجع لحياة
دمرته
بس هسة اشتاقيتلهم
عفت خالتي تدك فج ويا أبوية
ورحت للمطبخ گعدت أسولف ويا امي
أيمان:-هسة ارتاح گلبي تدرين
ملاك:-ليش؟
أيمان:-اشوفج مرتاحة ويا كمال حتى وجهج مورد
ملك:-لاتغرج البدايات أمي
أيمان:-منو طلب رأيج
ملك:-يمة حاطه گورها وگوري
ضحكت وكتلها:-هو هذا الوسطاني
هزت ايدها وطلعت ضايجة
ابتسمت واني اباوع وراها:-يمة ليش هيج وياها
أيمان:-ولج مشيبة گلبي
ضحكت واني گاعدة ؏ كرسي حاطة
رجل ؏ رجل:-شبيها
أيمان:-حاطة راسها براس نجلاء هسه غير اكلها تعوف المرة بحالها
ملاك:-من هي وزغيرة تكرهها شسويلها راسها يابس
ماكو ثواني وجفتت نجلاء:-اگولجن شو هاي ام كمال ماخذة علاء فلاحة ملاچة حتى
ماتدور وجهها وتحجي وياي مگابلة رجلي
وكاعدة تحجي ويا
امي ضلت تبلعم:-أي لان ماتعرفج يمكن
نجلاء:-شنو ماتعرفني لعد هي منين تعرف علاء خاف هاي عدها شي ويا؟ يمه اكتلها وحق محمد
أجرم بيها
اندارت عليه وكالت:-ولج ملاك هي هم تجيب طاري علاء هناككك؟
ضحكت وكتلها:-اي صدوك يومية تگلي شلونه أبوج وسلميلي ؏ ابوج
فتحت عيونها ؏ وسعها وصاحت:-لا اليوم اسويها طلابة
وطلعت من المطبخ
لطمت أمي ؏ رجلها:-ولج صخام بوجهج ملاك شصخمتي
ملاك:-شسويت كلشي ماسويت
أيمان:-هسه سويلنه فضيحة واني اگول ملك عليمن طالعة اوف منجن ولا وحدة طلعت علية
ملاك:-خلي تسوي اكشن من زمان ماشايفة اكشنات
ريم:-طلعتي حية
ملاك:-انجبي لج
رحت للاستقبال گعدت بصف كمال
ابتسم ولزم ايدي وباسها
وباوعلي وباوع للبسي:-طالعة تخبلين
ابتسمت:-شكراً
عدل گعدت وحط ايدة وراي وكل
ساعة يقرب راسة ويشم بشعري حيييل
ويهمس:-اخ يالله
ملاك:-شبيك ولا يگول اني يمك اربعة وعشرين ساعة
كمال:-ولج كل لحظة بدونج اتدمر
ملاك:-هممم حتى تعرف فراگي مو سهل ترة
كمال:-ينگطع الهوة غير عني اذا مو يمي يوم واحد اخخخخ شون بية بالدوام
ملاك:-صدك شوكت تداوم
كمال:-الاسبوع الجاي
ملاك:-شلون يصير دوامك؟
كمال:-يومين بيومين
ملاك:-يمة
كمال:-صدك يمة
سكتنه واني اباوع لأبوية يباوع
لأم كمال بهيام ياللهي ساعة وكمال درة بيهم
وهي كذلك هسه ماتوبون شبيكم جنهم زعاطيط
نجلاء تراقب وتهز برجلها حيل
فرشنه السفرة انواع الأكل
الله شكد مشتاقة لأكلها گعدت تربعت اول وحدة
وضليت آكل بشهية باوعلي كمال
گال:-شنو جوعانه
ملاك:-مشتاقة لأكل امي
كمال:-واحنه شبي اكلنه يسمم
باوعتله بتك عين:-لاتنكر انو أكل امي اطيب أكل
كمال:-لا يخبل
ملاك:-عفية
ضحك ورجعنه ناكل ماخليت شي
ماكلتة لحد ماگمت وبطني متروسة ضلينه
شوية يمهم ورجعنه
ونضرات خالتي وابوية كارثية الحمدلله
كمال مانتبهه
واجة الاسبوع اللاخ وراح كمال لدوامة
نزلت الصبح لگيت خالتي ستوها گاعدة
صبحت عليها وابتسمت بوجهها
هي جانت ضايجة من ابتسمت
شوية تحسن وجهها:-خالة اسويلج ريوك؟
ام كمال:-لا بعدج انتي عروس ميصير تشتغلين
ملاك:-لا عادي قابل شكو
سويت ألي والها وهي تراقب شغلي
گعدنه نتريك سوة خلصت
كمت غسلت الأماعين
گلت خلي اسوي الغدة هي راحت لغرفتها
گعدت وردة تتوطح
باوعتلي وگالت:-اللله همزين صارت عدنه جنة نوب انتي سوين الغدة
ام كمال:-ولج عوفي البنية ترتاح سوي انتي شبيج قابل
ضحكت:-لا خالة اني اسوي
سكتت واني سويت وخلصته
وخليتة ؏ نار هادية
وصعدت صليت ونزلت ؏ ماخلصت خالتي
صلاة صبيت
جنت مسويتلهم تمن باگلة
اكلن واني اباوعلهن:-ها شلونه طبخي؟
وردة:-يخبل مرت كمولي الوردة
ابتسمت وباوعت لخالتي منتضرتها
ابتسمت بوجهي وكالت:-عاشت ايدج كلش طيب
ضحكت فرحانة همزين صارت زينه وياي
جان كل ضني هي ماراح تتقبلني
جان...
من خلصنه ورد غسلت الأماعين
صعدت فوك و وردة أجت وراي كالت خلي نتمكيج
كعدنه نحط ونسولف ونضحك تونست وياها
والعصر بدلت وكشخت لان اجو اقرباء
خالتي يباركون
ولليل واشتاقيت لكمال شلون راح اتعود
راسي ضل يوجعني ومانمت ابدد للصبح
يلا غفيت شوية
وصار روتين انو اني علية الغدة وهنه يتقاسمن
بالعشة والتنضيف اني و وردة
وجان يومية تنضيف
يعني مستحيل خالتي تشوف كلينسه بالكاع
او شي متحرك من مكانه وما تعيط بينه
اليوم نزول كمال لان يومين بيومين
لبست دشداشة ابيض وملونه بلون الاصفر فوك الركبة
وشعري شلته ومكيجت طوخ
ونزلتله جان الكل نايم لان ساعة 8
الصبح انتضرته شوية سمعت صوت الباب
ينفتح مال مطبخ ؏ كيف
بسرعة كمزت وطلعتله باوعلي
وعكد حواجبة:-اويلي يابة هاي منتضرتنه
رحت علي حضنته وبسته حيل بادلني:-اصلا مانمت
كمال:-يا بوية
ملاك:-اشتاقيتلك
كمال:-اني هم شلون اتحمل فراگج احتركت حرك
شو باعيلي هاي شلابسة
فرني بايدة وكال:-شنو واكع عليج زردة
ضربته بصدرة بعصبية:-مو صوجك صوجي اني انتضرك صارلي ساعة
غص بالضحك وهو يكلي:-جذب جذب أشاقة شبيج
عفته وصعدت بعدني بنص الدرج ونرفعت ليفوك
عطت وكتله:-لاتوكعني
كمال:-ماوگعج هو انتي بخف الريش
دخلني للغرفة وسد الباب....
لل11 فزيت من حضنه باوعتله نايم
بتعب ويشوخر
گمت اخذت ملابس وسبحت ؏ سريع
نزلت بسرعة لكيت خالتي تطبخ
تفشلت گبالها بس هي ضحكت:-ها صباح الخير
ملاك:-صباح النور آسفة اخذتني النومة
ام كمال:-لا عادي كمال هنا مو؟
ملاك:-اي اجة ب8 ونص تقريباً
ام كمال:-روحي ماضليتي يمه
ملاك:-لا خلي اطبخ الغدة عوفي من ايديج
ام كمال:-لا لا روحي اني اكملة هو اني خلصت
ضليت افتر يمها شوية اعزل ومدري شنو
ورجعت صعدت كمال نايم
طفرت ؏جرباية وشعري بعد بي مي
خليته ؏ وجهه فز
بسرعة وخرت:-ترديني اجرم بيج ارحمي بحالي
ملاك:-؏ اساس انتي ماتجرم بية يومية
كمال:-تستاهلين
دار وجهه عليه وجرني
خلاني فوگاه شال راسة وهو فاتح تك عين
باسني بشفتي
وابتعد ورجع يبوسني متقطع لحد ما
وخرته:-كافي
حجيتها مسحت حلكي عكد حاجبة وگال:-شو تمسحين حلكج؟
ضحكت:-جا وأذا
رجع باسني وكال: -ديلا مسحيها حتى اكسر أيدج
باوعتله تك عين ورجعت راسي ؏ صدرة وابتسمت
وهو يمشط بشعري بأيدة
لحد ما كام وطب سبح
نزلنه سوة سلم ؏ خالتي و وردة
همست وردة بأذني:-يعني بعد مانشوفج
واني اصب بالاماعين كتلها:-ليش
وردة:-أجة كمالج بعد يضمج بالغرفة
ضحكت بصوت عالي:-مو أگلة
وردة:-لا جذب اشاقة وياج
صبينه الأكل
اكلنه وگمت غسلت الأماعين وكمال بضهري
يشم بشعري ويتلمس بيه
ورجع اخذني وصعدني فوك ضلينه نسولف
لحد ماغفة ؏ ايدي
ضليت اتلمس بحواجبة وشواربة
وابتسم لشكلة
ل7 المغرب يلا فزيت
صايرة هواي انام
شفت كمال مموجود
غسلت وجهي ورجعت واكفة ؏ مرايا
أحط مكياج
طب كمال وكال:-يلا لبسي
عگدت حاجبي وگتلة:-وين؟
كمال:-نطلع نتعشة برة
ملاك:-صدك؟
كمال:-والله
ملاك:-وخالتي و وردة ويانه؟
كمال:-لا بس اني وياج
ملاك:-خاف خالتي تضوج
كمال:-لا معليج اني كتلها ماتضوج
فرحت وكتلة ماشي
مشيت للكنتور اباوع شلبس
حطيت راسي ؏ باب الكنتور:-كمولي
كمال:-اخ يابة
ملاك:-خلي اطلع سافرة
ضيك عيونه وكال:-عيدي ماسمعت
ملاك:-أطلع بالجبة
فرك أذنه وگال:-شنو هاي اذنه صارلي هواي ما منضفها شو عيدي بلا؟
باوعلته تك عين:-شنو تستهزئ بية
كمال:-لا مو استهزء بس علمود انطيج راشدي وجهج أطيره
ملاك:-حباب
كمال:-مو اخليج ترجعين تنامين؟
باوعتله بضوجة ولبست بنطرون وقميص طويل
ولفيت شالي ومكيجت شوية هالفترة
صايرة أموت ؏ مكياج
كل ساعة اخلي ماتنزل من عيني الكحلة
قبل لا أطلع باوعلي:-مكياجج هواي
ملاك:-والله مو هواي
كمال:-جيبي كلنس
ملاك:-كمال مو هيج ترة والله أرجع
كمال:-تدوسين بالبطن يلا امشي
مشيت وهو يباوعلي ويستغفر
نزلنه تلگتنه وردة عينها بالموبايل وتبتسم
باوعتلنه وبلعت ريگها:-ها شنو طالعين؟
كمال:-اي تردين شي من برة؟
وردة:-اي اريد اريد باوع شوف شتجيب
كامت تعدد وكمال يهز براسة
گتلها:-ماتجين ويانة نتونس
وردة:-لا لا مالي خلك
سكتت واخذني كمال وطلعنه
واني متونسة اباوع للطريق
نزلنه يم مطعم ولو اصدمكم وأكلكم اول مرة
أدخل مطعم؟
ابتسمت خلاني كلشي اعيش الي ببالي
والمتمنيته خلاني أعيشة
گعدنه بزاوية وهو گاعد گبالي واني
ضهري صاير للعالم يعني محد يشوفني
حاط اديه ثنيناتهن جوة حنچة ويباوعلي ويبتسم:-وجهج وَرَد
ضحكت بخجل:-مادري
قدملي المنيو وكال:-اختاري
باوعت للاسعار ورجعت باوعتلة:-بس هذا غالي
كمال:-يرخصلج
ضحكت واختاريت وانطيته:-انتَ ماتريد؟
كمال:-أكلي واني اباوعلج أشبع
حطيت ايدي ؏ حلگي وضحكت
بصوت ناصي:-لو ناكل سوة لو مناكل
كمال:-حُبي هو انتي الطلبتي اطلبة نفرين
ملاك:-اها تمام
كمال:-فطيرة مدري ثولة
ملاك:-بريئة
كمال:-اوي
ضحكت وطلع صوتي
أحبة من يقلد وينعم بصوته علمود يضحكني:-ترة
صدك اني بريئة بس أنت هيلكتني
كمال:-والله اني البريء وعيونج مهيلگات
ملاك:-لابالله
كمال:-أروح فدوة لألله الخلقج
ابتسمت
وأجو الي ياخذون الطلب اخذ طلبنه
وراح
انتضرنه شوية وجابو الاكل
آكل ؏ كيفي أستحي آكل بسرعة وهو يباوعلي
ويضحك وخلص قبلي واني بعدني:-يلا لا تتمعمسين
نزلت اللكمة وكتلة بأستغراب:-شنو؟
عكد حاجبة:-شنو؟
ملاك:-شنو تتمعمسين؟
ضحك بصوت عالي بحيث العائلة
الي بصفنه انتبهت:-نصي صوتك انفضحنه
كمال:-يعني يا عوبة لاتصيرين فاهية اكلي بسرعة
ملاك:-جا خو گلي اكلي بسرعة
كمال:-ديلا يلا أكلي
ضليت اكل وهو يباوع علية وكل ساعة
ضحك
لحد ما خلصت دفع الحساب وطلعنه
لزم أيدي والهوة الطاير طير عبايتي
لزمتها بسرعة دخلنه للسيارة ومشة گال:-تاكلين موطة؟
ملاك:-ياااا شبعانه اصلا وروحي كام تلعب أكلت هواية
كمال:-ناخذهن ويانه
ملاك:-بكيفك
نزل أخذ النه ولوردة ولخالتي وحتى عشة
أخذلهن مسلفن
فر بية بالسيارة ضليت اباوعله من
يسوق وأباوع للسياقة
دار وجهه علية وابتسم وكال:-شبيج؟
ملاك:-تذكرت شغله
كمال:-شنو هيه سولفي
ملاك:- من جنت زغيرة جنت احب اسوق
سيارة
مرة أبوية جاب سيارة جبيرة لجاسر
يعني يصعد بيها ويسوق جنت محتلتها ههههه
كل ما يروح أبوية للشغل نصعدها فوك
وهمه يصعدون وراي رغم ماكو مكان يعني بس لنفر
واحد مرات أخلي جاسر وملك ومرات افرهم واحد واحد
لأن ميعرفون يلعبوها واني جنت ضابطتها
كمال:-هممم يعني تحبين السياقة
ملاك:-أي حلوة كلش
كمال:-وهسه؟
ملاك:-شنو
كمال:-تحبيها بعدج؟
ملاك:-اي بعدني هسه من دتسوق تذكرت
تخيلاتي
كمال:-هذا هو لعد
ملاك:-شنو؟
كمال:-اعلمج تسوقين
ضحكت:-والله يالله
كمال:-شبيج والله ماشاقة
ملاك:-أحلف؟
كمال:-يعني احلفلج بالله ماتصدگيني
ملاك:-والله ماصدك
كمال:-بكيفج لاتصدگين بس حضري روحج يومية باليل اخذج الج أسبوع واحد واخليج تمشين كول
درت وجهي مستغربة معقولة يخليني أسوق؟
ملاك:-يعني أسوق اسوق؟
كمال:-اي بس مو تاخذيها وتفترين أكسر راسج
بس أعلمج مادام تحبيها
ملاك:-تدري أحبك واموت عليك
كمال:-واني هم احبج وأموت عليج بس تدرين شنو
ملاك:-شنو؟
كمال:-أنتي ماتتغزلين بس وكت أسويلج شي
ملاك:-استحي
كمال:-جا ليش من اسويلج شغلة ماتستحين؟
خجلني بالزايد كلامة خرب
شگلة هذا:-يعني من افرح تروح المستحة
باوعلي بتك عين وابتسم تك
خد:-متنلزك حبي
ضحكت وضربت بزندة
كمال:-هو بس طايحتلي كتل
ملاك:-ياااا كمال شنو السالفة
كرص خدي حيل شلعة شلع:-تشعليني بالـ ياااا مالتج
ملاك:-احسن تستاهل
كمل طريقة
وصلنه يم سوبر ماركت نزل أشترة
غراض لوردة وحتى احتياطات نسائية جايبلها
ثنين
خلاهن بالكشن الورة
واجة صعد...
وصلنه للبيت انطيناهم الغرض
وگبل صعدنه نمنه لان جنة نعسانين وتعبانين
ثاني يوم گاعدين
؏ غدة وهمه يسولفون ويضحكون
وأتذكر من جنت يم اهلي كلة عرك من نگعد ؏ أكل
بس بعدني أحن لحياتي ذيج أحس اشتاقلهم شما تونست هنا
مدري شحجو بس جان طاريي
بالموضوع وكمال وغزلة اليختلف عن البشرية
كمال:-بس يمة والله جنت متربي بس هاي هاي خربت تربيتج وضيعت تعبج كلة
ملاك:-اني شعلية يمه
بيداء:-هوَ أنتَ ما مربى من الأصل
صفن هو وفتح حلگة على أمة:-رحمة الله والديج يمة
ضحكت بصوت عالي و وردة وياية
وردة:-مربى لو جبن هاهاهاي
كمال:-انتي انجبي ، صدك يمة يعني اني مامتربي؟
بيداء:-اي والله قابل اضحك عليك ماجنت متربي
ملاك:-حيييل تستاهل
دنك عود يسوي روحة زعلان وضل
ياكل
من صعدنه للغرفة ضليت اراضي ومدري
شنو رضى بسرعة واخذني لحضنة
واتحقق حلمي؟
وضليت اتعلم سياقة جان بيوم الينزل
حتى لو تعبان بليل ناخذلنه ساعتين
يعلمني بالسيارة بالساحة الفارغة
كمال:-اي هيج فري لوفي من الجهه اليسرى عفية
أي
ديري بالج هنا طسة
ملاك:-يعني شسوي؟
كمال:-خففي ونزلي هيج ؏ كيفج
ملاك:-يعني شلون اخفف؟
كمال:-شگد ثولة يالعباس أمس شگتلج
يعني رجلج عن البريك خففيها شوية شوية ؏ ماتنزلين عود اكول اسبوع تتعلمين رايدلج فد خمس سنين هاي بس تتعلمين
ملاك:-شنقضية أوكفلي
شنهاي شو وكفت
اخذ نفس وذبة وهمس:-ياللهي
يالعوبة كتلج خففي ماكتلج شيلي رجلج
ملاك:-أنتَ شو تغلط عليييه؟ انزل يلا بسرعة من السيارة انززل
كمال:-مو انزلج هنا واخليج تحيرين بزمانج
عبرت الطسة بألف ياعلي
والف كرصة وألف غلطة من كمال وحلف
هاي آخر يوم يعلمني
بالتواسيل والبوسات يلا قبل
كمت احفظ شكو شي يگولة علمود مايضل يصيح
ويبطلني جنت متونسة
شايفين من الزم الستيرن
أحس روحي اريد اطير اريد امشي بسرعة
وميهمني العالم بس اخاف
لدرجة من امشي اضل مكمشة حيل بالستيرن
وهو يگلي متسيطرين هيج
خليها ؏ خفة ايدج
كمت من يروح افتح الحاسبة واتعلم
اخذتلي 15 يوم تقريباً يلا عود گدرت أتعلم
مرات خالتي تضوج لأن اتأخر بس معلية بيها
لان كمال يقنعها واني اكعد من الصبح رغم اتعب
بس في سبيل ماضوج مني
جان كمال هالفترة كلها يتخشخش وگلبي لاعب
منه مادري احس يضم علية شي
بس مادري شنوة
باليل نايمة بحضنه والعب بشواربة:-أحم كمال
كمال:-ها
ملاك:-جاي احس بشي
كمال:-شنوة؟
ملاك:-احسك ضام عليه شي هالفترة؟
كمال:-اممممم
فزيت من حضنه:-شنو يعني اممم؟ يعني صدك ضام شي
كمال:-ولا يفوتج شي الله واكبر مو مرة
تربعت واني متغطية بالبطانيه:-لا عليك الله احجيلي
كمال:-ماكو شي حبيبي تعاي نامي
ملاك:-وتريدني انام لا عليك النبي احجي شنو
كمال:-والله شي يفرحج شي حلو لاتخافين اربعة ايام خمسة وتشوفي ويصير ملموس
ملاك:-يمة
كمال:-وغمة نامي
ملاك:-والله ماحب المفآجآت دحجيلي
كمال:-نعسسسساااان نامي باباتي بعدين تشوفي
ضليت نايمة وأفكر شنو هاي الملموس؟
ضليت الهوس اليل كلة
وثاني يوم راح للدوام
سألت وردة ضحكت وماقبلت شكد حرمصتلها
وغريتها بهواي اشياء اجيبلج واحطلج
وماقبلت تحجي
وحتى خالتي ادري بيها تدري
وتكلي مادري
شلون يالله ماتحمل اني ماصبر
خابرت امي وهم مبينه تدري
ومارضت تحجيلي ملك تگول مادري
ضليت انبش وماحصلت شي
شايفين الفضول من يضل ياكل بيكم
گمت حتى احلام احلم واتكرض تكرض شيجيبة كمال
ومن اجة هم ماقبل
زعلت وهو عادي مايهمه يگلي من تشوفيها ترضين
وحدج
ويضحك عليه أخر يوم قبل لايروح
ضميت روحي بحضنة حضني
ويمسد ؏ ضهري ويبوس بشعري:-شبيج راح تموتين
حبيبي بطلي هذا الطبع
ملاك:-بس كلي شنو انطيني اول حرف
كمال:-كافي گتلج بطلي راح اكتلج والله
ملاك:-يعني عادي تكتلني؟ وتشوف دموعي تنزل؟
ضحك وگال:-لا
وهجم علية
وراح يومين كذلك نسيت السالفة
بعد مافكرت
بيوم النزل بي من دوامة
بليل جنت لابسة ثوب نوم ومحضرتلة أكل
طب للغرفة الساعة بالعشرة
تخصرت:-ليش متأخر؟
كمال:-مو كتلتي روحج علمود الشي الضامة
نزلت أيدي وخليت شعري ورا أذني
وحجيت بحماس:-أيييي؟؟
كمال:-تعاي
رحت يمة
دارني وكلت اكيد يلبسني ذهب لو شي
بس ربط عيوني زاد خوفي
ورجع دارني أله
أخذ ايدي وحط بيها شي
ضليت اتلمس مثل الدفتر الزغير:-شنو هاي
انفتحت الربطة من عيوني وبساع
نزلت عيني للي بيدي
جواز سفر؟
فتحتة صورتي وأسمي
همس بأذني:-يومين ونصير بالأمارات...
