رواية لأنها اختي الفصل العاشر بقلم فاطمه حمود
هواكم جان يخنگنه
وحتى لا نفارگكم
گلنه الهوة عاجبنه..
وتغيرتوا علينه بساع..
واحنه الما تغيرنه
...........
ملاك :- ليش ما نمتو بيكم شي ؟
ام ملاك :- حقج يمه انتِ شتدرين ما تدرين ب دنيه شبيها ما بيها اوف اوف عين الما صلت على نبي غــير وصابتنا
ملاك :- شصاير يا ستار يمه خوفتيني
أم ملاك :- غير نيار بعد عيني العريس البارحه صاير وياه حادث وكلبي نار علي
حسيت اختل توازني رجلي بادت حاولت أسند نفسي على ميز الطعام كعدت على الكرسي خرب وضعي كله واني مصدومه من الي كالته شلون صار وياه حادث وشلونه وبدت امي تحجي الي واني بس عيوني تحجي وتعبر عن وضعي
أم ملاك :- سوده عليه جان ب المستشفى وي صديق اله متصاوب ومودب وب 3 بالليل من جاي يراجع للبيت ب طريق
جايه سياره سريعه يسوقها واحد سكران مدري شنو وما كادر يسيطر على سيارته ومنا هوه فاقد
فضارب سياره نيار ومفتره سياره ومضروبه ب الحايط ومحد يعوف شي هسه وهذولي اخوانج تحزمو وراحو يتراكضون
ما فهمت شي منهم وادك عليهم ماكو واحد خير بينهم يرد عليه ويطمني وكلبي نار علي هسه
هاي عين الما صلت على نبي علي وهسه شحال مرت خالج خطيه اوف اوف الله يساعد كلبها ويبرده ويردلها ياه سالم غانم بجاه الزهره ام الحسن
ملاك :- يمه هذولي حسن وحامد اجوي بس لــأ بي شي نيار !!!
دخل حامد وحسن دا يدخل السياره بالكراج
أم ملاك :- ها يمه شلونه ابن خالك كلبي نار علي غــير تردون علينه وتطمنوني يا امي
حامد :- يمه هوسه العالم والولد كلها التمت وتليفونات ما سكتت شنحير ب نيار لو نرد عليكم لو على شنو
ام ملاك :- حقكم يمه بس طمنوني شلونه بس لا بي شي
حامد :- لا عدت سلامات الحمدالله ما بي شي خطير بس ايده جبسوها بس السياره كلش متاذيه ب قدره قادر طلع عايش مدري شلون ليشوف سياره يكول صاحبها اكيد ميت بس ربج لطف بي
2 تع
أم ملاك :- يمه اسم الله علي من الموت خل تروح السياره فدوه اله المهم سلامته وهوه طلع عايش
حامد :- أي اطمني اطمني عار ما يصيبه شي
4 تع
دخل حسن
حسن :- والله مدري شمسوي بدنيته من خير حتى الله طلعه اليوم من بطن الموت
1 تع
حامد :- يمه جوعان اني ما ماكل شي على لحم بطني وركضتي من البارحه لليوم
أم ملاك :- يمه ملاك سوي الاخوانج اكل خل اني راح اروح اخابر مرة خالج اتحمدلها ل سلامه نيار واشوف اليوم نروح نشوف الابنيه لو لا
ملاك :- يمه يا بنيه تشوفي فالها على الولد وصل للموت شوفو غيرها هاي مو خوش
ام ملاك :- عود الله كريم واريد اناملي شي ساعه لأن ما غمضت عيني ابدا من لمن طلعتو ما اريد صوت وملاك سوي اكل لــأ حامد يخبصنا على بطنه
حجيت ب هدوء ادري بيها ما اقتنعت ب كلامي
ملاك :- بعيوني هسه اسوي
بديت أجهز ب الريوك وإني اتحرك ب بطئ أحس رجلي ما كادره انو تحملني وتفكيري الي دا يهلك بيه وينهيني على البطيء حجي حامد ما طمني كلبي بعده نار علي خاف هواي متاذي وما يقبلون يكولون وايده مكسوره خاف دا توجعه خاف بـ؏ــد بي شي وما يقبلون يكولون شلون تفكير وتفكير وتفكير الا ان صاح علي حسن
حسن :- يلا ملاك شصار وياج هوه ريوك ترا ما طالبين المندي من الصبح اريد انااام ترا ورايه شغل كووومه
ملاك :-كملت
عفت الأكل كبالهم واتجهت حتى اطلع صاح حامد
حامد :- شنو وينج تعالي اكلي ويانه
ملاك :- لا ما اشتهي وهم عندي شغل لازم اروح أجهز الملابس
مالتي حتى ابدي انظف واكمل واروح يم مريم
ما انتظرت اسمع الرد بسرعه صعدت الغرفتي وقفلت الباب اخذت التليفون
1 تع
ودكيت علي اول دكه ما رد عليه ازداد خوفي اكثر واكثر يعني بي شي اكيد دكيت شي 3 مرات وماكو بال 4 إلا رد
5 تع
ملاك :- شنو وينك ليش ما ترد عليه
نيار :- وانتي منو ودا تسالين عليه
ملاك :- اني بزونتك
نيار :- لــأ انتِ ورقه انتقمت بيها من اختج وبس انتهى دورج بـ؏ــد
ملاك :- بس الورقه بعدها تحبك ويهمها أمرك ترا
8 تع
نيار :- الي تحبني ما تدعي عليه ب الاذى والوجع وترا مبين البارحه خوش متعذبه ب فركتي ف هيج صار بيه
ملاك :- ادعي عليك او ما ادعي هذا شي يخصني اني ابقه غصب عليك ان رضيت او لا ابقه احبك ولمن اخابرعليك تجاوبني ومن اسالك تجاوب سوالي وبس فاهمممم
نيار :- مو اشتغل عندج اني ست ملاك البنكلاشي مالج
نيار :- ب خييير اكو شي ثاني سيادة الخانم ملاك افندي
ملاك :- احب عصبيتك واحبك ترا أفهم
8 تع
نيار :- وانتي هم افهمي هذا الشي واستوعبي اني لا حبيتج
ولا راح احبج ولا ممكن احبج خووووش وانتي جنتي مجرد لعبه حركت بيها كلب اختج وبس انتهى نقطه راس سطرررر
ملاك :- لا انت كلش غلطان انتي ما حركت كلبها لان ما اهتمت الي ولا هزيتها ب شعرايه انت
بس خليتها تشفق عليه وتضوج شويه وبس لكن اني الي ما الي اي ذنب حركت كلبي اني
الي ما الي ذنب ب كل الي صار خليتني ما انام وما يمر يوم الأ دموعي على خدي بسبب حبك
وهسه جاي تريد تزوج علمود شنو هي راح تهتم لا واصلن انت مو على بالها هي هسه ب حضن قيس وابنها ب حضنها و
"" اذا انت تكون اني نسيتها لعد ليش سديت الخط من كلت هسه هي ب حضن غيرك شفت شفت شصار بيك من كتلك لعد اني الي ما الي ذنب ب كل الي صار بس انو اني احبك شنو راح يكون شعوري وانت راح تنوم وحده غريبه يمك وطولها على طولك انت عندك سبب تكرها بي زين اني شنو سبب الي يخليني اكرهك ها كلي ترا محد راح تحبك بكدي ولا احد حبك ب كدي اني وبس الي حبيتك وردتك خلي هذا شي ب بالك ""
طفيت الموبايل ما اريد أي رد منه دموعي حسيتهن خسلن وجهي غسل
فتحت المجر الي ب صف جربايتي دا اريد اخذ اكننس شفت العلبه مال مجلاتين
بدون وعي ايدي تسلسلت واخذتها وصرت اباوع عليها رجعت ب ذاكرتي الهذاك اليوم صار يومين متعاركين اني ونيار
على شي تافهه ك العاده بس الغلط منه لان تجاوز عليه سمعت صوته جاينه كمت
رتبت نفسي وعدلت شعري ولبست طوك حلو عفت حمره وردي خفيف حتى تبين طبيعيه ورشيت عطر من بعيد
حامد :- وين رايح
نيار :- للمطبخ اريد اشوف شعدكم بالثلاجه
حامد :- شنو جوعان اخلي ملاك تصبلك
نيار :- لــأ مجوعان بس مشتهي اكل شي بس ما ادري شنو هوه خل اشوف ثلاجتكم شبيهاا
حامد :- شوف شوف بـ؏ــد اخوك وجيبلنا مو تخلينا نمطك كدامك وانت تاكل اكلنا
2 تع
نيار :- تمشي لكك بعدني ما واصل ويعيرني الكو**
ضحكت على كلامهم اجا فتح الثلاجه
نيار :- وشصار حسن على حميد
صار حسن يحجي وهوه اندار وسد ثلاجه اجا تقرب وحط عكسه على الكاونتر
نيار :- كالولي بزونتي زعلانه صحيح هل شي
ملاك :- وشتريد هسه انت
نيار :- اريدج بزونتي
ملاك :- واني ما اريدك خوووش
نيار :- تمونين
سكتت حجه
نيار:- شفتي شنو بت الج ؟
ملاك :- مفهمت
اشر ب عيونه على علاكه ب نهايه الكاونتر
صار عندي فضول اذا تسوه اخذها واشرد متسوه اذبها ب وجهه
فتحتها وكان اشوف اكثر من علبه كل علبه نوع مال جلاتين نطت عيوني من الفرحههه بسرعه حجيت ب فرح
ملاك :- هذااا الي
نيار :- البزونتي بس المهم ترضه عليه
صرت اضحك ب صوت ناصي من الفرحه
نيار :- مصالحتني هسه زعطوطتي
ضحكت وهزيت ب راسي ب معنى اي
ملاك :- منين تعرف احب هذني سوالف
نيار :- كل ما اخابرج الكاج تمصمصين يابه شدا تسوين دا اكل جلاتين وها اهم شي الحيه جبتلج ياهاا
4 ت
حامد :- يابه ويننننك ترا هاي الثلاجه مو ب البصره والخلقكك
نيار :- ما عجبني شي دك دك على ابو سليم خل يحضر النا كيلوين اجنحه ويدزهن شو اشتهيت اجنحه
حامد :- لــأ والله بداعت امك
نيار :- جا شنو مجذب عليك قبل
حامد :- اني ما ادفعهن دفعت عزيمه ذاك اليوم وطيرتو فلوسي
نيار :- هنه اجنحه شطالبين ولك دبسزز
حامد :- اوووي دبسزز امشي لك ما ادفع خلي حسن يدفع
حسن :- تطلب اطلب اني هم جاي على بالي اجنحه واني ادفع امري لله
اسمعهم يتناكرون طلعت علبه فتحتها اخذت حيه عفتها ب حلكي وجريتها قوي واني اطلع من المطبخ انكطعت واذت شفتي شافني حامد
1 ت
حامد :- لــچ تعالي انطينه من هاي المونات الي مصعدتها جوعااان هذا جوعني الكلب
نيار :- غــير عليك انت المستجلب الاول مالتنا ف طلعت عليك
وصلت الاخر بايه وصحت
ملاك :- مااا مو زعطوطه وهيج شلك ب اكل زعاطيط ما
انطيك بعد ولا شي من حلوياتي بليل
رجعت للواقع واني احس ب دمعه حاره نزلت على خدري رجعت العلبه ب الجراره وكمت ومسحت دموعي وكمت واني اخذ نفس اصبر نفسي بي
نزلت بديت اشتغل إلا أن صارت ب 10 ونص دخلت للحمام كملت طلعت عفت ماسك الوجهي
لأن ما شاء الله من البارحه لليوم بس دموع وجهي تعب وصار شحاله
بديت اسرح ب شعري كملت ب 12 بدت مريم ادك عليه
ملاك :- شبيج حجايه وكلتها مو الا انفذها وترا هسه أكمل واجي مراح اطير وتعالي اني ما اعرف منو يجيبني الولد روحهم ب خشمهم اليوم
مريم :- ما دخلني اذا صارت ب 1 وانتي ماكو وربي ازعل منج
ملاك :- ماشي روحي اصلن اني بقه بس المكياج هسه اكل الي شي بسرعه واخلي واشوف منو يجيبني
مريم :- تعالي يمي عوفي مكياج حتى لــأ تتاخرين
ملاك :- لا فدوه يمج هسه مجتمعات كلهن وتاليتي يضيعن مكياجي على ابو نسيت الايلاينر نسيت الكونسيلر عندج نسيت شدو عندج وب تالي ما الكه مكياجي خليني اني اعوف واجي والحمره احطها يمج حتى لــأ اترزل منا على مكياجي
1 تع
مريم :- ماشي يلا باي راح تبدي زينب تعوفلي مكياج
من فوك صاير مثل القميص لونه ماروني ومن جوه تنوره سوده وي كعب عالي اسود ومكياج هادئ وأخذت حمره ماروني اعوفها بيت مريم لبست جبه وأخذت كل شي أحتاجه
من بجامه ومكياج وموبايلي طلعت نزلت جوه كانت ماما موجوده دا تجهز شنو تلبس
ملاك :- ها ماما خيرج وين رايحه
أم ملاك :- مرت خالج كالت نروح البيت البنيه اليوم ودا اشوف شنو البس
ملاك :- همم اني اكول هل بنيه فالها مو زين
1 تع
ام ملاك :- مدخلج ب سوالف الكبار انتِ وبله خل اشوف شلبستي انتِ
أخذت نفس بس أحسه نار وصار ب صدري فتحت الجبهة شوفت لبسي إلماما صار الهوه يخنكني ردت بس اطلع من البيت شلون حالي اذا بس رايحين يشوفوها وهيج انمردت روحي مرد اذا خطبها شيصير بيه يربي حجيت ب غصه
ملاك :- منو ياخذني
أم ملاك :- روحي شوفي منو كاعد هوه يوديج
ملاك :- ماشي
صعدت الدرج وكان صوت دكات الكعب عالي عفت ايدي على صدري احاول اخفف الخنكه ونار الي بي واردد الم نشرح لك صدك
فتحت الباب مال غرفه حسن شفته نايم ب سابع نومه توجهت الغرفه حامد
دكيت الباب وفتحته شفته واكف يم الشباك وبيده جكاره
عرفت هسه إحساسه شنو من لمن مريم رفضته شربت مثل الكأس الي شربته الاخويه ب ايدي عرفت شنو معناها من كلي شعوط كلبي شلون بخوج شعوط كليبه اني هسه مثلك يخويه مشعوط كلبي وطاك مردو الكلبي مرد
حامد :- ها ملاك
ملاك :- ماكو شي هيجي حبيبي
مكدرت اكوله وصلني الحنه الي تحبها وهوه ممرود مرد عليها دا اطلع من الغرفه
حامد :- عوفي حسن نايم وانزلي قبلي هسه أجيب السويج واجيج
ملاك :- خاف تعبان
حامد :- ذيب ما يصيبني شي بـ؏ــد اخوج
نزلت ونزل ورأي
أم ملاك :- تباتين ملاك لو لــأ
ملاك :- لا اجي ب الليل اشوف منو يجيبني وبإجر ضرغام ومريم يجون ياخذوني الصبح
أم ملاك :- خوش
طلعنا الطريق كله حامد ساكت ويشرب جكاير ما حجيت أي شي وياه لأن ما شاء الله حالي مثل حاله ويمكن أسوء ف ميحقلي اعاتبه ليــش هيج دا يسوي
ذباني ب الباب دخلت البيت هوسه الكل مجتمع من ورى سوالف مريم تريد إلا حفله بس للبنات ما بيها نسوان كبار الكل مجتمع
3 ت
بنات خالها وبنات عمامي سلمت على الكل وصعدت الها الغرفتها البنات يمها
ملاك :- هلا ب العروس هلا يابه
ملاك :- ترا ها نبدي الحفلة قبل لا يجن صديقاتج مو والله خل ننتظر صديقاتي وهل سوالف
مريم :- هههه لعيونج يعمري غير انتي الاصل نبديها وللصبح اليوم نولعها
ملاك :- يلا عمي كملي حتى مثل متكولين نولعها وصحيح اكولج اخوانج وين
مريم :- انتي والله قديمه من 10 من اجني البنات طردتهم من البيت وسويت الهم بيباااي اخواني الاعزاء
ملاك :- ههههه خوش يلا تكملي
نزعت الجبه
مريم :- هلا يابه هلا دخلت للساحة الصكاره كليلي هل مرا كم فستان جايبه ؟
ملاك :-اهوو لــأ اعز ولا شي وبس هذا شوفي هذا تقبلين تقبلين ما تقبلين ما دخلني عود الباجر اصير الصكاره مالتهن اليوم بس هذا عندي
مريم /- الباجر نشوف
ملاك :- ولج صرتي عروس كبري عقلجججج
ضحكت عليها ومر الوقت بدت الحفلة مال مريم من صدك كانت حفله حلوه
بس بنات
واول ما كملنا الحفلة لبست بجامه وبدينا انظف البيت لمن كملنا الكل اجتمع ب الإستقبال لمت بنات بدينا ب سوالف
الكل يحجي من جهه كل وحده والها سالفتها تحجيها
صارت الساعه ب 11 ونص بعد ما قررت ابات يم البنات لان الكعده ما تتفوت احسن مما اروح واكضي الليل كله بجي على حظي
كنت كاعده متربعه وثانيه المخده ب حضني ومنسجمه بالسوالف فززتي صوت اشعار من تليفوني
باوعت اله كان مسج من نيار بلعت ريكي واحتل تفكيري المشكله ما اكدر افتح الفون البنات ب صفي
والزم من عدهن واصير على السانهن بـ؏ــد شيخلصني انسحبت منهن ب هدوء ب حجه
رايحه للحمام حتى محد تنتبه اخذت تليفوني وياي طلعت وسديت باب الاستقبال فتحت الفون
نيار :- دا تتونسين هناك مو فرحانه ب زواج بنت عمج اتونسي زين وتعالي زيدي فرحتج ب بيتكم واسمعي الأخبار الزينه الي ترد العافيه من امج خل تكول الج شلونها خطيبتي الي الكل طايره ب جمالها وحسنها تنسيني همي وحزني ب جمالها وعود افرحيلي ب طريقج لــأ يصير كلبج اسود وتمنيلي الخيررررر
اقرأ وجسمي كله بدأ يرجف نفسي صار سريع موجه حراره احتلت جسمي ب هاي الأثناء دخل ضرغام للبيت
مدري شلون نطقتها بدون وعي
ملاك :- فدوه ضرغام تكدر توديني للبيت لازم اروح ومحد يكدر يجي
ضرغام :- أي عادي جهزي نفسج واني ب سياره منتظرج
دخلت للاستقبال
ملاك :- بنات اني راح اروح للبيت
الكل :- لاااااااا لييش
طلعت وصعدت الغرفه مريم بديت المي غراضي لبست جبه والشال
دا أسد ب جنطه دخلت مريم
قصص ماي هوبس مريم :-
صاير شي ولج شو لونج مخطوف وكع كلبي من شفتج
انطلق دون إشهارات
ملاك :- دومة لوني مخطوف شنو جديد يلا اني اروح
مريم :- شصاير كولي الي ملاك
ملاك :- ما صاير شي
عفتها ونزلت وأني احساسي ما اعرف اوصفه بس دكات كلبي عاليه كلش يعني شلون حيخطب هاي هي
وحيخطب غيري ويلبسها الحلقه الي لازم تكون الي صرت ارجف من تفكيري صرت اغااااار
1 تع
إحساس غيره شلون يحجي عنها وعن جمالها يعني شافها لــوو شاف صورتها وهيج مدح بيها لــوو شنو الغيرة احتلتني بالي مو يمي وصلت للبيت ضرغام كال راح
ابات يمكم بعد والصبح اخذج ونمر على مريم بس بالي مو يمه حتى مرديت علي نزلت بسرعه
وبالي يم امي أريد اروح الها أريد اسمع شنو راح تكول صدك كلامه معقوله الي كاله صحيح لو دا يجذب عليه حتى اعصب لو شنو
رحت الغرفه ماما كان بابا نايم وماما هسه تريد تنام
أم ملاك :-ها شو اجيتي مو خابرتي كلتي راح ابات شعندج بـ؏ــد اجيتي
ملاك :- ها مو ضرغام كال راح ابات يمكم واني كنت بعدني
حايره ب الفستان منو البس وما مجهزة غراضي ف اجيت بلا تعالي للصاله شوفيلي منو احلا لأن حرت
حاولت ب كل الطرق انو اطلع ماما من غرفتها حتى تحجي الي شنو صار وياها طلعت سالفه الفستان حجه بسرعه ركضت طلعت فستانين مقرره البسهن ثنينهن ونزلت
ملاك :- منو الاحلى ماما
أم ملاك :- الأحمر أحلى
ملاك :- اكيد
أم ملاك :- أي ،،، اليوم شلونها الحفلة ومنو اجا
ملاك :-الكل اجا واجتي دانيا شويه وراحت كالت بأجر اجي وترجع ويانا تبات يمنا
أم ملاك :- خوش
حجيت ب توتر
ملاك :- همم رحتو اليوم شفتو البنيه النيار
أم ملاك :- أي رحنا ويا سبحان الخالق شنو من ابنيه تجنن تكول للكمر كوم اني احلى منك وغير اذا صارت القسمة يهنيال نيار بيها يهنياااله محد يعتب علي اذا بقه شهر بالغرفه
غصتي بلعومي صارت لــأ كادره اطلعها ولا ابلعها حجيت من كوه
ملاك :- شلونها بله اوصفيها الي يمه
أم ملاك :- يمه شحجيلج اخاف اجيب الها العين من الحجي العين خضر مجروره جرر تخبل نظرتها تجيب التايهه والخشم كولي خشم طفل من كثر ما صغيروني جنه قلم والشفه مرسومه رسم سبحان الخلقها والشامه جواها ويا جمالهاا بيضه بياض الثلج والشعر طوله فوك ركبتها بشبر على شكار
اول مره اشوف هيج بنيه كولي لعابه وحاطيها من جمالها
امي توصف بيها بس كانو دا تعوف ملح على جرحي ودا تزيد عليه مواجعي بدون ما تدري دموعي تجمعن ب عيني درت وجهي سويت نفسي دا أعدل ب الفساتين خانتني دمعتي ونزلت
ملاك :- وشنو رئي نيار بيها يمه
أم ملاك :- من وصفناها اله طار عقلة وكال بيها الخير السبوع الجاي يروح يشوفها وكال ال مؤمل يروح يسال عليها
ملاك :- ليش مستعجلين خل اطيب ايده ويروح يشوفها المن هل سرعه
1 تع
أم ملاك :- ليش يمه ماكو اي استعجال هوه السبوع جاي يروح
يشوفها وبعدها نأخذ سبوع أو اكثر اذا صارت القسمة
علمود الحجي والرئي الأكيد مال العروس ونيار وهم سوالف
المقدم والموخر وشرايه الذهب ب وقتها تكون ايده طايبه وما بيها غير العافيه وجنه صل
ملاك :- ها يلا اني اروح أجهز الجنطه مالتي عفتها وصعدت على السريع وإني امسح ادموعي تنزل
بدون وعي دكيت علي الغيره كاتلتني كتل من الي سمعته رد عليه ب ضحكه حركتني ب ناري وشعلتتي شعل
نيار :- ها خوش وصفتها عمتي لو تريديني اني اوصفها الج احسن بزونتي
ملاك :- اني بزونتك وابقه أحلى منها لو شما صار مفهووووم وصدك اذا صارت الك ما راح تلكه وياها يوم واحد راحه
مثل ما دا تسوي هسه مثل ما دا تسلب مني راحتي من لمن عرفت ب الحقيقه
وإني ما ضاحكه من كل كلبي ومسلوبه راحتي مني اليوم لأن شويه نسيت
همي هيجي سويت دكيت علي تذكرني تكلي اني نارج
تعالي شوفي شلون راح احركج زايد أي شفت ونفس ما كتلك
انت مثل اسمك نيار يعني نار وإني حركت أيدي بيك ونار الي ب أيدي
ما راح تطفه إلا انو انت ب نفسك اطفيها وتعالجها وصدك
راح يجي اليوم وانت ب نفسك الي اداوي أيدي وكول ملاك كالت يلا من رخصتك
7 تع
سديت الخط ما انتظرت يرد عليه لأن اكيد رده مثل كل مره
مو مثل الرد الي أتمناه ولا نفس الكلام الي أريده والي يريح كلبي مبين هل مرا ب فعلته هاي مو بس ناوي انو يجرحني لا ناوي انو يدفني هم انفتح الي جرح جديد وهم جديد
هم زواجه واعرفه كد كلمته راح يخليهم يزفونه كبال عيني حاولت اصبر نفسي مسحت دموعي وكمت جهزت غراضي ونمت حضنت مخدتي الي هي كانت شاهده على كل دمعه نزلت مني ب سببه أخذني النوم الاحلام مخربطه
فزيت على دكه باب سحبت تليفون كان ساعه ب 9 ونص والتليفون صامت ومريم داكه كومه
ملاك :- منو
ضرغام :- اني ضرغام مريم خبصه الامه وإني اخذتني نومه
هم يلا نطلع لأن تاخرنه تدرين بعد صالون بعيد عنا
ملاك :- أي أي هسه ثواني بس البس
كمت على سريع أجهز ب نفسي وادردم على مريم حاجزه ب صالون بعيد علينا كنالها حجينا تكول احسن المهم قريب
من القاعة لبست قميص وبنطرون وحذاء رياضي لفيت شال على سريع أخذت الجنطه مال الفستان ب أيدي ولابسه جنطه ظهر بيها الاكسسوارات وكل شي أحتاجه
نزلت اركض فتحت الباب مال المطبخ حتى اطلع صار كبالي نيار توقفت سرعتي
2 تع
صفنت ب وجهه واعيونه الي اتفحصن من وجهه الي بي شخوط اثر الحادث وايده الي مجبسيها وكل شي بيه
استجمعت قوتي وما نطقت ولا كلمه عفته ورايه ومشيت صعدت يم ضرغام بالصدر باوعت علي ب المرايه عينه علينا حسيت بيها نظره غضب ما اعرف اذا هذا شي حقيقي لو تخيل مني
