رواية لأنها اختي الفصل الحادي عشر بقلم فاطمه حمود
طبعا التعليقات كانت عباره كرامتج وين وكرامتج لملاك
طبعا خل اوضح شي اني ابدا ما اطرقت الايام علاقتهم وكيف كان يعاملها حنيته غريته حبه دلاله النيار الكل هذني ما اطرقت جوانبه الحلوه والايجابيه
سابقا من نشرتها تعديت هل مرحله ومكتبت اي شي عنها لكن هسه دا اكتب كم موقف فقط الهم
مثل موقف البارت السابق الجلاتين يمكن تعتبرو موقف عادي عابر لكن كان موقف كلش اثر بيها خاصه من بـ؏ــدين كال الها
" افتريت على مودج المحلات كلها بس حتى ادورلج جلاتين الحيه مالتج بزونتي "
والكثير من المواقف راح اذكرها ب الاحداث القادمه لذلك من عرفت الحقيقه كانت صدمه كبيره الها ورفضت تقبل هل صدمه
هذا الي اكدر اكوله
وب مناسبه انو انتِ القصه كاتبتها قبل ليــش دا تتاخرين وهيج
طبعا حبايب قلبي صحيح اني ناشرتها قبل لكن الي قاريها قبل راح يعرف شنو الفرق الي صار ب طول البارت والسرد الي يختلف مع كم حدث جديد
وشكرا الكم على تعليقاتكم الحلوه 💋❤️
وطبعا الخاص مفتوح الاي شخص حاب ينشر قصته او عنده اي استفسار + طبعا ارد على تعليقاتكم اذا عندكم اي استفسار
وفي امان الله
الكاتبه فاطمه حمود❤️
شكراً على التصويت!
🌿🌿🌿🌿🌿🌿🌿
#بارت_11
ارد اشكي عـن حالي
وعـن ذيـــج اليالــي
كضيتهن بــس بـجي
وماكو شخص ابالـي
ردت الصبر يقوة بعد
حته اعرف شيجرالي
من الحزن كلبي انمرد
ياكلبي بـجـيـني بـعـد
وماريد منك بس وعد
تفرج اهمومي اگبالي
..........
نزلت اركض فتحت الباب مال المطبخ حتى اطلع صار كبالي نيار توقفت سرعتي
صفنت ب وجهه واعيونه الي اتفحصن من وجهه الي بي شخوط اثر الحادث وايده الي مجبسيها وكل شي بيه
استجمعت قوتي وما نطقت ولا كلمه عفته ورايه ومشيت صعدت يم ضرغام بالصدر باوعت علي ب المرايه عينه علينا حسيت بيها نظره غضب ما اعرف اذا هذا شي حقيقي لو تخيل مني
مشت السياره بقيت اباوع علي من جامه أحس ب روحي بقت يمه عيوني التسقت على الجامه الي منطيه انعكاسه
وهوه الي واكف يباوع شفته رفع تليفونه واختفه لان طلعنه من شارعنا اجاني اشعار فتحت التليفون شفته من نيار
نيار :- مبين حبج الي واضح واضح وخوفج عليه وبجيج من ورى لهفتج وانتي طالعه وي الخنيثه حتى مكلفتي نفسج تشوفيني
ابتسمت على رسالته شنو عود يعني هسه هوه شريد حرت وياه ســآ؏ــة يكلي ما اريدج ويدخل ب كلشي كل ساع ب راي وتصرف شكل كتبت اله
ملاك :- اني مو بس ورقه واحتركت ب النسبة الك هاهيه لا تدخل ماشي بـ؏ــد ب حياتي وكلمن يلتفت على نفسه ومشاغله
دزيتها وسديت التلفون صفنت على شارع رجعت ب ذاكرتي ب احد ايام رمضان بابا سوه عزيمه وعزم الكل عمامي وخوالي سوه وهمه اصلن ناس تعرف ناس مو غربه
الكل اجا وكاعدين ب صاله الولد متجمعين الشباب والكبار والبنات ب الاستقبال كنت بعدني
ما مبدله ولا متجهزه بعدني لابسه بجامه لون احمر منقطه ب نيلي وتيشيرت نص ردان نيلي
وشعري لامته مثل جماعه باب الحاره ب وصله لان يادوب اكمل شغل وي ماما ودانيا
ماما من طبعها من تسوي عزايم ما تحب احد غيرنا يمد ايده ويشتغل ويانا
كاعده على ميز طعام دا اسوي ب زلاطه ودانيا راحت ترضع ابنها انفتح الباب مال مطبخ
دخل حامد وحسن شايلين السمج المشوي وفات وراهم نيار
اول ما دخل صارت عيني ب عينه بسرعه خزرني اني ضحكت بدون وعي على خزرته
حامد :- ها شنو خويه طك فيوزج من ورى صيام
حسن :- عوفها ما تشوفها محتمسه حمس
حامد :- شحاجي هسه اني
نيار مشه ب هدوء صار ورايه ب حجه دا يعوف السمج على الكاونتر حجه ب صوت ناصي
نيار :- جيبي تليفونج
بعده هوه واكف واني كمت رحت للثلاجه رفعت نفسي دا اجيب تليفون جبته وانداريت لكيته صافن عليه
صاح علي حسن وطلعو بس ما فهمت شنو صاير شريد من تليفوني
عفت التليفون بصفي وكعدت اسوي ب زلاطه اجاني اشعار منه
نيار :- اشتعلو عشيرتج هاي شلابسه
ملاك :- شنو شصاير
نيار :- صعدي بدلي هل غضب الي لابسته
صفنت هوه اني شلابسه شو لابسه بجامه
ملاك :- هوه اني شلابسه حتى ابدل شبيك نيار
نيار :- لــچ انتِ ناويه تروحين صيامي هسه عليج صعدي بدلي هل تيشيرت الي لابستها الغضب
ملاك :- يااا شبيك هسه انت عصبي شصاير ترا بجامه ودا اشتغل شنو على اساس مشايفني انت ومشايف بجايمي حتى هسه صارن غضب
نيار :- اللهم صبرج ياروح ولج لا طلعين اخبالي الخ**صعدي بديلها انت عميه هذول اخوانج عميان من قابلين كاعده ولابسه هل غضب والكوا** كلها كاعده بره
ملاك :- ليــش هي شبيها
نبار :- اللهم اني صائم تيشيرتج ضابه عليج ومبينه الغضب مالج كله اصعدي بدليها وحق علي اذا شفت واحد من الكوا** الي كاعدين ب صاله لامحج ب هل غضب وحق هوه علي ليصير موتج على ايدي ومحد يخلصج مني
ملاك :- يااا شبيك انتَ صدك دا تحجي وحتلو اروح ابدلها ترا صاله ب نص البيت ويم الدرج شلون اصعد ؟
نيار :- خرب بيج وخر* ب اخوانج الكو** انتظري من انعل الساعه الي عرفتج بيها انتظري
قريت واني اضحك هذا شبي عصبي بس مع كل هذا ما اسمحله يغلط على اخواني باوعت على تيشرتي شبيها
كمت كانت اكو امرايه على الكاونتر باوعت بيها كانت التيشيرت بيها ضيك شويه وصح مثل ضابه على صدري
ما كنت مركزه واني ملتهيه من الصبح ب المطبخ وما طالعه منه انفتح الباب درت نفسي شفته عيونه تجدح واني فاطسه من ضحك علي شمر عليه عبايه مال امي
نيار :- كدامي يلا واذا لمحت واحد شافج وحق العباس اشكها عليج
حجيت ب فهاوه واني ادنك اجيب العبايه
ملاك :- ياااا
سمعته يغلط غلط هندي بده
ملاك :- صايم صايم ترا انت شبيك
نيار :- هوه انتِ بقيتي بيها صيام تروحي لا هسه ما تعرفين شسوي بيج
لفيت العبايه على جسمي وطلعت وكلها ملتمه ب صاله كلت سلام عليكم وصعدت بسرعه ركض اسمعه كعد يمهم يسولف رحت كبل للحمام غسلت ولفيت العبايه عليه وطلعت ركض للغرفه كنت مجهزه ملابسي دا اريد البس ودكت دانيا
دانيا :- وينج عايفه زلاطه على النص ومختفيه
ملاك :- ها تبده الخل عليه ولعبت نفسي صعدت اغسل كمليها انتِ بين ما اخلص
سديته من عدها وهي ادردم
لبست ثوب لون اسود ومطعم ب ورد ابيض احب لون الاسود لان يخليني بيضه ثلج واضوي ضوي
رتبت شعري وضفرته ضفيره ناعمه وكم اكسسوار للشعر رشيت العطر وعفت مرطب الوجهي والشفايفي مرطب بي لون وخدودي
طلعت من الغرفه ونزلت الكل نظره عليه صار وهوه شفته كاعد ودا يلف ب شواربه
تذكرت مشهد ب باب الحاره وللعكيد ابو شهاب شلون كان يرفع طرف شاربه ويلفه حسيتهم نفس شي
ضحكت ورحت للمطبخ شويه واجا هوه وحامد يريدون يشوفون خاف ناقصنا شي اشوفه راح لل مي الكلاصات فتح اله كلاص واجا تقرب دا يحجي عود وياي
نيار :- اكولج ملاك شنو ناسين تعوفون المي ب الفريز
ملاك :- قبل شويه طلعنا شنو والله حار
نبار :- ما ادري شوفي
قربلي الكلاص وبداه علي بسرعه كمزت من بروده المي
نيار :- شبيج شبيج ما ادري دخت من صيام
حامد :- عبالي ذاب عليها مي حار جان جرمت بيك ما تنتبه
نيار:- ما ادري دختتت غــير صايمممم الله واكبر نعتذر ست ملاك روحي بدلي ثوبج
ملاك :- لــأ ميحتاج دنيه حاره وب المطبخ هسه ينشف بسرعه
نيار :- لــأ مو زين عليج اصعدي بدلي
حامد :- هسه انت شعليك تمشيي خل نشوف هذولي
نيار :- خاف تتمرض وتذبوها ب راسي روحي بدللللي
خنزر عليه
عرفت غايته حتى ابدل هذا الثوب لان مدري معاجبه عاندت
راحو همه نص ســآ؏ــة دا نصب اجا دا ينقل الاكل وياهم شافني بعدني بل ثوب خنزر عليه تقرب واني دا اعوف المواعين مال زلاطه ب صينيه
نيار :-ليــش ما بدلتي ثوبج
ملاك:- مره الثانيه من تريد ابدل أحــچي مو تسويلي هل سوالف وتبدي مي عليه خووش وتبديل ما ابدللل
شلت الصينيه وانطيتها الحامد
فزيت من تفكيري على هورن ضرغام لكيت السياره طابكه يم بيت عمي اجتي مريم بعدها ما صاعدة ب السياره وهي ترزل بينا
ملاك :- ما ادري تعبانه ف مكعدت هسه تكافي انتي اليوم حنتج لازم
تكونين هاديه شويه مو تنزلين اكس مربع شمدريني بـ؏ــد نمت
على عمه عيوني من التعب كاعده ب 6 ونسيت اسوي المنبه والتليفون صامت
مريم :- بس لأن اليوم حنتي راح اسكت بس يا ويلج اذا بأجر اتاخرتي من صدك ارتكب بيج جريمه
ملاك :- يمههه اسمع ضرغام راح ترتكب جريمه انت كنت شاهد على تهديدها خووش
مريم :- بأجر منو من اهلج يجون للقاعه
ملاك :- اكلج هي مو اليوم حنه ب القاعة شدعوه بأجر هم قاعه
مريم:- شنو شبيج اليوم بس أقاربنا ومقربين منهم كلش عازميهم يجون للحنه وهم بس البنات أما الباجر مختلطة وهم الكل الناس
ملاك :- هاا والله ما اعرف منو من الولد بس اكيد بابا يجي علمودج
سكتنا وصلنا للصالون صارت ب 12 بدت أم الصالون ب مريم كملت المكياج وكوت الشعرها ومنتظرين تكمل العروسه القبلها حتى تبديلها ب تسريحه
دك تليفوني حامد انخمط كلبي خفت بس لا راح تصير سالفه هسه او بي شي فتحت خط واني ميته خوف
ملاك :- هلا حامد صاير شي
حامد :- طلعيلي ياها بره أريد احجي وياها بسرعه
ملاك :- لا شن
ما خلاني أكمل كلامي صيح عليه انخلست ونبلع الساني حسيت أنُ الصوته الكل سمعه من تليفون
حامد :- كتلج طلعيلي ياها بره خل اكل خره وياها ملااااك
سداه ب وجهي أطرافي كامت ترجف صارت شلون يربي شسوي هسه حرت شنو اسوي او شنو اكول اجتي عليه مريم وجها اصفر
مريم :- شكو شبي حامد صوته عالي من تليفون خلسني والله والكل انتبه
ملاك :- يريد يحجي وياج اتوقع هوه بره لان كال طلعيها
مريم :- شعرفه هوه وين الصالون ولج !!؟
ملاك :- شمعرفني اني حالي خالج مصدومه ما ادري شسوي صيح كليه يكلي طلعيها
مريم :- اني خايفه بس لا تصير سالفه ملاك ترا اليوم حنتي شلون !!
ملاك ؛- يريد يشوفج حتى يحجي وياج
مريم :- شيحجي يمصخمه شيحجي
ملاك :- ما ادري ما ادري متشوفي صيح عليه وخلسني اوكفي خل اطلع اشوف هوه ب إلحديقه مال الصالون لو لا وهم همزين انتي بعدج ما لابسه البدله لان لو يشوفها ينجن والله اخويه واعرفه
سكتت هي بس عيونها دمعن
ملاك :- لــأ تبجين لــأ يخرب المكياج اني يمج ما يسوي شي ما اخلي
عفتها وطلعت من الصالون ما لكيته ب إلحديقه توجهت يم الباب
شفت سيارته كبالي اول ما شافني نزل من سياره وركع بابها انخمط كلبي مبين عصبي وجكارته ب ايده
من شفته ب هل حاله تلقائيا صرت ادعي ب كلبي انو ربي يبرد النار الي ب داخله ويعدي هاي اليومين على خير
حامد :- وينها خل تجي
ملاك :- حامد فدوه
حامد :- ملاك كلمه ما اسمع ترا روحي واصله للسمه ف نفذي الكلام وبس ( يحجي ب عصبيه وهوه يصگ على اسنونه )
ملاك :- هسه اصيحها
توجهت داخل الصالون كانت هي يم الباب انطيتها شال عافته على شعرها صاحت عليها ابنيه
البنية :- يلا عيوني روحي البسي البدله تعالي اجا دورج
ملاك :- حبي ثواني بس تحجي وي اخوها بره وتلبس البدله وتجي
اخذتها من اديها وهي لازمه قبضه أيدي ب قوه خايفه وإني مثل حالها الخوف سيطر عليه
صارت كبال حامد كانت هاي اول مواجهه بينها وبين حامد من بعد ما انخطبت
حامد :- ملاك عوفيني احجي وياها وحدنا
ابتعدت شوية منهم بس كنت أسمع الكلام ب وضوح بده الكلام من سوال مريم
مريم :- شتريد مني حامد ما مليت مني حتى جايلي هسه ؟
حامد :- ليش سويتي بيه هيجي ها ليــش مو بيعنج اني تخدعيني سنه كامله على أساس انتي موافقه وتاليها اجي أتقدم ترفضين وتصغريني كدام اهلي واني اكلهم هي موافقه متاكد ؟!
مريم :- ليش دا تسال هسه شنو فايده سوالك ؟
حامد :- اعرف سوال مو وكته وكان لازم اساله الج لمن كانت سالفه حاميه
بس تدرين هذا سوال اكل نص حيلي يأكل ويشرب وياي ومد الكه اله حل هل ثلثين حيلي وهوه وفراكج وما عرفت جوابهم
مريم :- اني ما أريدك أريد غيرك واحب غيرك
حامد :- ليش ما اعترفتي الي ب وقتها ليــش ما كتيلي ما اريدك ليــش ما كتيلي احب غيرك
مريم :- كنت راح توافق انو أكون الغيرك طبعا لا ف جبرتني اسوي هيج
حامد :- اني زلمه ما بعمرها هزتني مره بس انتِ خربطتي حالي ب خداعج اليه بس لو كايله
والكفل زينب عيني ما احطها عليج لان عاشكه غيري ومثل ما كلبها رفض يعشكني وعشك غيري ما تصيرلي مره
ولا ترهملي بس انتِ شعوطتي كليبي ومردتي مرد بيدج
مريم :- كلمن يداوي كلبه اذا كلامك صحيح انو ما تهزك مره لعد شعدك جاي الي هسه والليل حنتي وبإجر انزف اغيرك
اذا انت كد كلمتك خل اشوفك بأجر وخليهم يزفوني كبال عينك حتى اتأكد انو انت زلمه كد كلمتك صير زلمه
جيتك الي هسه تصغر مقدارك ابن عمي وعيب عليك هيج تسوي شنو حيكون موقفك اذا واحد عرف ل جيتك ها ؟ مو راح يصغروك ؟
كانت كلامات مريم كبيره كلش وقوية شفت العروق مال اخوي الي برزت كلش ب رأسه وايده
رفع ايده عبالي راح يضربها المريم هي بسرعه رجعت خطوتين وره واني ردت أتقدم الهم بس شفت سنسله مال اكلاده ذهب
نزلت من ايده وكعت جوه رجله داسها ب حذائه ب قوه وكال كلام قريب من إذن مريم وعافاها وراح بسرعه سمعت شخطه السياره وراح تقربت من مريم نزلت من عيونها دمعه
ملاك :- ليش دا تبجين
مريم :- يحبني بس اني ما استاهله يستاهل وحده غيري تصونه وتحبه اني ما استاهل ذره من حبه
كلت بداخلي لعد اني ليش رفضت كل هذا زواج علمود الي ب بالي وبالج
مسحت دمعتها
ملاك :- شكال الج يم اذنج
حجيت وإني ادنك أخذ الكلاده من الكاع كانت كلاده خناكيه على شكل نجمه وكانت كلها شذر اصفر
مريم :- كال تكولين ليش اجيت جابتني هاي قصده على الكلاده
كال لان هاي الي ولعت كلبي كنت ب وقتها ب دوره ب ******
حتى أوصل الهذا المكان الي الكل يتمنه يوصله وانطونه
استراحه طلعت وي شباب وشفتها اول ما شفتها اجيتي على بالي
ومن ذاك الوقت اني منتظر تصيرين حلالي حتى البسها الج
حول ركبتج وتزيديها جمال بس طلعتي ما تستاهليها
ملاك :- اووف اوووف امشي هم يلا نلحك خل البسج البدله حتى اروح وتبدي بيه تكملني اخذتها للحمام كانت حايره دا اساعدها ب سحاب مال بدله
مريم :- ملاك بداعت أي شخص غالي على كلبج ليش خليتيني أرفض حامد
ملاك :- ليش دا تسالين
مريم :- كولي الي سبب مقنع حتى ما اكعد الوم نفسي لأن مشيت ب كلامج ورفضته ترا متت قهر كلبي تكطع علي وعلى حاله ما يستاهل حامد الي سويته اله
ملاك :-حامد لمن يعرف ب موضوعج صدكي ما راح يصدك ابدا انو انتي لاعبه ب نفسج اكيد
راح يدور وراج وينبش ويطلع كل سوالفج ب وقتها لا راح يسامحج ولا شي واكيد حيكول مسلمه نفسها
الواحد من هذولي الي جانت تحجي وياهم وانتِ بعد قيسي حجم المصيبه الي حتصير والكل
راح يعرف ب سالفه وهم انتِ وياه ما تتراهمون اتأكد انو هوه عادي عنده يحبسج
ويخليج ما تشوفين بس هوه يحبج ويصير يخاف عليج من الهوى اذا ضربج وحبه ياذي لان يتسلط
وانتِ ما تتحملين اذا مو كل سبوع جمعه يم خوالج وكل سبوع طالعه يم صديقاتج وهو ما يصرفله هذا شي
سكتت وحركت ب راسها ب معنى اي
ملاك :- يلا
كملنا لبس بدو ب مريم يسون الها تسريحه
عفتها وطلعت رحت بره كلبي نار على اخويه دكيت علي اكثر من دكه اخر شي رد بس محجه شي
ملاك :- شلونك وشلون كلبك
ذب حسره زرفت كلبي
حامد :-شعوووط كليبي يا خويه شعوطته ومردته مرد بين اصابعها
ملاك :- تهووون
حامد :- لــأ تصدكين الحجي العاشك صدك ما تهون عنده الا من ربج ياخذ امانته وتبقه شعوطته ب كلبه روحي بـ؏ــد اخوج روحي يمها
سد الخط وراح حرت شنو اسوي او شنو اتصرف دكيت على حسن بلغته ورحت بدو يسولي مكياج
مر الوقت كملنا الساعه ب 3 ونص اجا علي أخذنا وصلنا للقاعه
ساعه ب ال 4 كانو مو الكل حاضرين كعدت مريم ب غرفه الاستراحه
بدت الحفلة كنت لابسه جبه شويه وترخص علي وراح لأن هوه هم مسوي حنه نزعت الجبه كنت لابسه فستان احمر
طويل بي فتحه على طول الرجل ومن جهه الصدر كان تول
ومن ظهر فتحه النص الظهر كان فستان ضخم وجميل وي كعب عالي اسود
أما مكياج هادئ من كل تفاصيل وي تسريحه تبين طول الشعر بيها
شافتني أم علي
أم علي :- صلاوات على النبي عين الله تحرس هل جمال انتي شصيرين من مريم
ملاك :- اني اصير بنت عمها خاله
أم علي :- زين هذا الجمال كله عنده راعي لا حتى نتسابك علي ههههههه
ملاك :- محجوزه اني خاله
اني كلت هيج ومريم عيونها نطن من كلامي شويه وترخصت أم علي وراحت ضربتني ب خفه على ايدي
مريم :- ولج يحظي وين محجوزه انتِ شلج ب هل حجايه
ملاك :- لا تزعلين هوه اني ما أطيق علي تريدين اتحمل عريس أمة جايبته غــير اتخبل
مريم :- داقج دق المكرود علي يمه يحظه الهل مكرود
مر الوقت وخلصت الحفلة اليوم الوداعيه والختمه وي مريم
توادعنا ب القاعة ورجعت وي اهلي حسن اجا أخذنا اول ما رجعنا سالت على
ملاك :- اكول حسن حامد وين شفته من دكيت عليك ؟ حجيت وياه ؟
حسن :- ما بي شي اطمني واليوم كال راح يبات يم نيار خلي على راحته
ملاك :- ها
حسن :- يحلو انت يبوو الكشخه يل رافع راس اخوانك تدري اليوم شصار لــوو متدري
ملاك :-ليــش شصار
حسن :- حقج عيوني ملتهيه ما تدرين ب دنيه طشت لــوو رشت اليوم نتائج مالتج نشروها
كمت على حيل
ملاك :- شنو والله اليوم نشروها يمه شطلعت بس لــأ راسبه
حسن :- ههههه شبيج هدي لا تخافين ما مصخمتها اطمني
ملاك :- كول حباب حسن شطلعتت
حسن :- ناجحه معدلج 83
ملاك :- اااااااه صدك والله
اجا حسن حضني
حسن :- اي والله اروح فدوه الاختي الشاطره الرافعه راسنا
بادلته الحضن
ملاك :- والله لولاكم اني لا شي الحمدالله انتُ ب حياتي
حسن :- احنا المجنصين لان انتِ اختنا واني بعد يومين انتظري عليه واحدث تليفون يكون عندج هديتج مثل ما وعتج
أجو اهلي كلهم باركولي كانت فرحه مرسومه على اوجوه الكل فرحت على فرحهم
ملاك :- زين اكول نتائج عندك
حسن :- أي عندي
ملاك :- زين شوفلي نتيجة منى **** بنت أبو محمد الي ب شارع والورانا الي ذاك اليوم اجتنا
اتقصدت انطي كل هاي تفاصيل إله بلكت يكون معجب بيها أو أي شي حتى انطي طرف خيط عنها
حسن :- ثواني ... ناجحه هم معدلها 80 وكسور
ملاك :- اويلي يابه منى تستاهل كل الخير ما شفت ب عمري بنيه احسن منها من أدب واخلاق و وحسن وجمال ما اعرف شنو أحــچي عليها كلشي أحــچي قليل ب وصفها
شفته مشط شواربه ب اصابع ايده ضحكت
ملاك :- زين حسن ومريم شطالعه ؟
حسن :- طالعه ب واحد وهي اماجله ماده بس درجاتها مال نجاح معدلها مو كلش قوي طلعنا نتيجه اني وضرغام
ملاك :- اهاا
ترخصت صعدت الغرفتي بس فتحت الشبكه الرسايل اجتي كلها من منى دكيت عليها تشاركنا اني وياها الأحداث
والفرح ب نجاحنا وتخطيطات للمستقبل والجامعه والدوام
وكل شي مر الوقت نمت كعدت ثاني يوم كلي طاقه لأن ماخذه جرعه مال طاقه كبيره
طلعت من الغرفه سويت ريوك الي كملت صعدت جهزت البس
الي راح البسه كنت مجهزة فستان مال محجبات جهزت
كل شي أحتاجه لبست لبس مريح دك تليفون كانت مريم
أخذا غراضي ونزلت دكيت الباب على غرفه ماما كلت آلها انو اني رايحه
توجهنا للصالون وبدينا ب مشوار اليوم مر الوقت كملت
مريم اجا علي رحنا للمصور بدت جلسه تصوير مالتهم
كملنا توجهنا للقاعه عفت مريم بالغرفه الاستراحه ودخلت القاعة
كانت كبيرة وهواي معازيم عفت تليفوني على وضع الهزاز
ب أيدي حتى إذا دك أحد عليه اعرف توجهت للطاوله
الي كاعده بيها عائلتي كعدت يم بابا مر الوقت ودخلو العرسان
وبدت الحفلة والمراسيم مر الوقت حسيت على تليفوني
دا يدك شفته نيار ما رديت لأن اكيد هسه يخرب فرحتي
دك أكثر من مره ودز رساله
نيار :- اكو موضوع كلش ضروري ردي
خفت لأن هوه ما يمكن انو هل كد يلح إلا إذا كان شي خطر كمت من مكاني
أبو ملاك :- بابا وين رايحه ؟
ملاك :- اها اروح اشوف صديقتي ب هذيج الطاولة هي وامها واختها اشوفها واجي ما أطول باباتي
أبو ملاك :- ماشي وتعالي لا تبقين واكفه وتفترين
ملاك :- أي
أخذت تليفون ومشيت متوجهه خارج القاعة وإني لازمه الفستان وصلت للباب رجع دك فتحت خط
نيار :- وينج ليش ما تردين
ملاك :- شكو شتريد ما دخلك ليش ما ارد لأن اكيد تريد تخرب فرحتي مثل كل مره بـ؏ــد على شنو ارد عليك
نيار :- عوفج هسه دوري ب القاعة حامد موجود لو لا
ملاك :- هاا
نيار :- بلا ثول وفهاوهه دوري حامد موجود ب القاعه لو لا
ملاك :- ليش شكو شصار
نيار :- مو وكت حجي بسرعه شوفي الي ملااااك
سديت الخط منه توجهت داخل القاعة بديت افتر وادور علي اتاكدت 100 % انو ما موجود ارتاحيت وجريت نفس رجعت طلعت من قاعه
حتى احجي وياه لأن ما اسمع شي منه دكيت علي
ملاك :- ما موجود حامد
نيار :- ماشي يلا روحي
سد الخط ب وجهي أخذت نفس قوي وي نسمه هوه اجتي على وجهي
درت وجهي دا ادخل للقاعه صار كبالي ولد ردت افوت
من يمه سحب أيدي نترت ايده ب سرعه
ولد :- شبيك يحلو انتظر خل نتمتع ب جمال الخالق شويه وروح ما اناخرك
ملاك :- العفو أخي من رخصتك تنطيني مجال خل ادخل للقاعه
ولد :- واذا ما نطينا شتسوين لا تبيعين شرفيات وانتي هسه جنتي دا تحجين وي الحب اوييي يمكن زعلااان لان ما مضوكته
ملاك :- شنو هذا الحجي انت صدك ما عندك ذره اخلاق وخر من يمي
ولد :- لعد انتي ربينا يم الأخلاق يجمالو للوردي عليج اووف ياااابه يذووب الصخرر وي هل خصر المفتول
اجا صوت من ورأيه
حامد :- احترم نفسك ولك
كان يحجي وهوه نوعن ما يجر ب الكلمه جر تقدم يريد يهجم
على ولد لزمته من ايده وصدره وهذاك الولد اختفه كول فص ملح وذاب
بس ما كان على بالي ابدا ب كد الخوف الي سيطر عليه وإني اشوف حامد وأعتقد شارب هم صرت اضرب خفيف على خدي ب خوف بدأ يحاول يدخل للقاعه وإني امنعه
حاولت ب كل صوره وقنعته انو يكعد على دجات مال درج
مال القاعة كعدته ورحت على صفحه قريبه بسرعه دكيت على نيار
نيار :- ها شعدج داكه ما الي خلكج ملاكك
ملاك :- انت وين هسه تندل القاعة
نيار :- مال العرس أي اندلها اني قريب منها ليشش
ملاك :- فدوووه لعد تعال بسرعه الحك عليه لأن حامد هسه اجا واضن
شارب دا يجر ب الحجي جر وراد يتعارك لا يدخل ويفضحنا وربي تصير مشكله ما الها اول ولا الها آخر بسرعه نيار
نيار :- ماشي ماشي جاي ابقي انت يمه وحاولي تمنعي بين ما اوصل
كال هاي الكلمات ب سرعه وصار ويصيح على أحد يكول اله دوس وامشي سريع
بقيت كاعده يمه العالم تباوع علينا وإني صافنه وحاطه أيدي على كلبي خاف يجي واحد من الأهل ونروح بيها
كاعده ولازمه ايد حامد وخايفه مرن علية الدقايق كانو سنين عليه
صرت عين على حامد وعين على الباب ما اعرف شكد مر الوقت
شخطت سياره عاليه كبالي بيضه نزل نيار بسرعه ايده مجبسه
ومربوطه ب ركبته ونزل من جهه سايق ولد شاب لابس تي شيرت
سوده وي بنطرون اسود ولابسه مناظر تقرب من يمنه ونزعها
نيار :- خره بيك وانعل ابوك لأبو صداقتك لك انت من شنو مصنوع
من يا طينة ولك ما تريدك صير زلمه وين شايف زلمه هازته فراك مره ولك ما اتوووب مو البارحه حجت شاطي باطي عليك وطلعتها من كلجيه البوم جليها انوب شارب خر* كو**
صار يغلط ويسب علي واني ما ادري شسوي
الولد :- هدي نيار ما تشوف البنيه موجود عيب من عدها ترزله زحمه
اندار عليه
نيار :- وانتِ مثل اني زعطوط كبالج ادك عليج تكولين ماكو انوب موجود مضحكه مال الخلفج اني حتى كل ساع ب رايء
ملاك :- والله والله جان ماكو انوب اجا ومن كوه كعدته هنا يريد يدخل جوه وما دا اكدر امنعه
نيار :- انت شعدك هنا مو كلنا سالفه تنتهي
حامد :- كالت لو زلمه خلهم يزفوني كدامك وجاي اشوفها الزلمه منو
يحجي وهوه يجر ي الكلام
الولد :- تمشي امشي هي بقت بيها مرجله وزلم وبطيخ هوه انت بقيت بيها مرجله امشي لــأ هسه اك***
تساند الولد ونيار وكوموه توجهه نحو سياره نومو ب الكشن الورى
شلت التليفون مال حامد وتوجهت للسياره كان نيار كاعد ب صدر وجامه مفتوحه
ملاك :- هذا تليفونه
اخذ تليفون وكال
نيار :- كولي ال ابوج حامد يم نيار اليوم بايت لا تمسلتين وتفضحينا خوووش وبعدين احسابي وياج
ما عرفت شنو يقصد يا احساب
ملاك :- ماشي وانت دك على حسن يحل الموضوع
نيار :-حسن ب الديوانية راح وي الضباط عدهم قضيه مهمه
ويمكن يجي ويمكن لا وانتي لا تخابري وتكولين اله اياااج اسمع كايلتله وتخربين شغله
ملاك :- خوش ماشي
درت ظهري ومشيت سمعت الولد كال النيار
الولد :- هاي منو
زمخ بيه
نيار :- أخت الكلب الورى هاي
تحركت السياره وراحت توجهت للباب مال قاعه شفت ابوي كبالي
