رواية ذيب الشامخ الفصل الثاني عشر بقلم توتة
•ٱلـۿـدو۽ِ #شــي۽ِ جـمـيل 🤍.
❀❀❀❀❀❀❀❀❀❀❀❀❀
استغربت من الرساله شبيها رباب شنوو هل حجي رحت دخلت علئ التلي وشفت المراسله مالتهم هيه وباقر بالخاص
وجانت الصدمه. رباب تتوسل باقر حته يحذف صورها وهوه يطلب منهاا علاقه جن***
احس دخان طلع من عيوني اقرا وباوع علي نايم ومرتاح عمري كله ماتخيلت صديقي وأخوي وسندي يسوي هيج بيه ..
هاي تاليتها أمنت حبيبتي يمه وخان الثقه مالتي شمرت الجهاز علئ الحايط تفلش كله وصار قطع قطع
فز هوه علئ الصوت رحت عليه ضربته بوكسي علئ وجهه ورجعت علئ الجهه الثانيه خليته يزوع دم
باقر : شبيكككك وخررر تخبلت شنوو
ذيب بحده وغضب: اليييوووم اشرب من دمك حيووووان هااااي جزاتي لأن ثقيت بيك عاااار نذل تهددها بصورها
ضربته براسي خليته اختل توازنه وگع علئ الارض ولزم راسه كام يريد يضربني ضربته بحافه المسدس
رفعته عليه واني ناوي اقتله واخلص منه ..
دخلو جماعتنه بالشغل شافو المنضر باقر كله دم واني رافع المسدس عليه وناوي من صدك اقتله
حسام : ذيييب يمعود شديصير. نزله لاتتهور
باقر : هيه كح*** تريد تكتليني عليها يلا اضرب ماخاف منك وانته حسام لاتدخل خلي شغله بيني وبينه
اريد اشوف وين تاليته وشراح يسويلي مثلا يكتلي خلي يكتل ..
_جهز نفسك اذا هيج
سحبت المسدس وضربت طلقه اجه حسام رفع المسددس لفوك وحضن اجتافي حته ماتحرك
_عوووووفني حسسسام خليني اعلمه الزلم شتسوي خنيث عارر كو*** لو براسك حض ماسويت هل سوايه ياا ***
اخذو باقر طلعو من يمي صرت افووور اخد الغرفه اروح وارجع واني اسحب نفسسس
_قسم بذات لله يااااا باقر نهايتك ؏ ايدي
حسام : صدك جذب ذيب هاذه انته الرجال الواعي والفاهم يطلع منك هل تصرف ؏ شنوو اگدر اعرف شنوو سبب هل عركه والصياح كله
_حسام ابوس ايدك ابتعد عني ترا روحي واصله لخشمي وماگدر احچي كلمه هسه روح
حسام : رايح بس قبل هاذه اكعد ورتاح ولاتتهور بعصبيتك ترا ماوراها غير الندم.
عافني وطلع بقيت گاعد واهز برجلي واني احس ناار تغلي بيه عمري ماتخيلت يطلع هيج تصرف دني من اقرب شخص الي
اكثرر شخص جنت اثق بيه هوه باقر وأمنته علئ رباب ماتوقعت يسوي هيج بس اني اعلمه اذا ماخليه يخاف من خياله بسيييطه
وهيه الضمت الموضوع عني لازم احچي وياها
طلعت جهازي واتصلت عليها.
_______________________
رباب
اخذت اليل كله خايفه وارجف خايفه ينشر صوري وانفضح.
ماعرف شلون اتصرف ماگدر احچي لذيب اذا احجي السالفه تكبرر اكثرر وتصير عداوه بينه وبين ابن عمه
ياربي ولله حرت شسوي. بقيت مطفيه جهازي للصبح ماريد افتح انصدم بشي بس شنوو نايمه وحته حلمت حلم ينشر صوري وشكدد بچيت بالحلم
فزيت مرعوبه واني ارجف اني من نوع خوافه كلش ومن هيج امور ارتعب وبعد ماعرف شلون اتصرف
گعدت صبح مافتحت الجهاز خليته مغلوق نزلت جوه عندي عطله بيوم الجمعه
لگيت ساره بالمطبخ تحضر ريوك
_صباح الخير
ساره ; صباح النور
_امي وين
ساره : راحت علئ بيت جدي ومناك تروح للسوك اليوم ارتاحي اني اشتغل مكانج
_لا ماريد شفتي شسوت بيه من وگعتي حملتني المسؤليه وخري خليني انضف لاتجي وتشوفج تشتغلين هسه تگولي انتي كاعده ومخليه اختج الصغيره تشتغل بس بالدياحه تكيفين
ساره : ههههه ولله صدوك هاذه حچي امي
_اي ولله حفضت كلامها
اخذت من ايدها وبقيت احضر بالريوك هيه اخذت الجاي وطلعت اختي زهراء رايحه ويه امي
كملت اخذته وكعدنه سويه نتريك
ساره : شصار وياج موضوع الصور ?
_لبارحه حچيت وياه وعرضت عليه فلوس بس ماقبل صار يضحك علئ كلامي وضجت كلش وغلت الجهاز وهسه ماعرف شسوه نشر الصور لا ماريد افتح اخاف افتح
وانصدم بشي كلش خايفه وماعرف شلون اطلع نفسي من هل سالفه.
ساره : ولله اني برأيي تحچين الذيب هوه يحل الموضوع وياه
_هوه صح لآزٍمٍ احجي لذيب بس ماريد الساافه تكبرر واخاف اسوي هيج تصرف وهم ينشرهم هوه حلف كال اذا سويتي هيج راح تلگين صورج منشوره
وب حالتين اني انفضح وخايفه من هل مووضوع وحايره شلون اتصرف لْـۆ لموضوع سهل جان من الاول حچيت الذيب وخليته يربي هل حيوان. قصص وروايات عراقية
ساره : انتي من الاول غلطتي شلون تثقين بهيج واحد ودزيله صورج.
_شمدريني عبالي صدك يدزهم لذيب مجان علئ بالي راح هيج يتصرف ولله معتبره مثل اخوي وثاقه بيه
ساره : ولله مادري شگلج هسه كومي افتحي الجهاز وشوفي خاف مسوي شي هاذه النذل
_اي.
كمت من مكاني رحت علئ غرفتي فتحت الجهاز لگيت ذيب متصل بيه اكثرر من 10 اتصالات ودازلي رسايل كاتب من تفتحين خابريني كلش ضروري
خفت كلش شعنده ذيب معقوله عرف ?
لا لا منين يعرف. عسهه بحضك ياباقر شسويت بيه بقيت اسحب نفس وادعي ربي
اتصلت بذيب من اول رنه فتح الخط وكانو جان منتضر اتصال مِڼـّي
ذيب : وخيرا عيني فتحتي جهازج وييين جنتي
_ءا هوه جان طافي شحن
ذيب : لاتجذذذذبين
يمه من حچه هيج جلفت مكاني حته لساني انربط مَآعِرَفتّ شحجي
_شء شبيك ذيب ليش تحجي هيج شنوو اجذب
ذيب : رباب لاحد لأن مصبر نفسي گوه احجي الموضوع بالتفصيل قبل لاتخبل عليج يلا احجييي
_شحجي ?
ذيب : باقر ليشششش دزيله صورررررج
_ذيب اسمعني الموضوع مو هيج صدكني اني افهمك.
ذيب : اريد افهم شييي واحددد ليششش دازه صورج اله اقنعيني شنوو گالج ودزيتي صورج ولجججج اني اطلب منج ماتصوريلي لباقر تصورين !!
صرت ابچي ماعرف شحجي هوه مجاي ينطني مجال اشرحله
ذيب : اشش احچي يلا اسمعج
_ولله ذيب اني مادازه صوري اله هوه گال انته تريد صوري تواريهم الامك حته تجي تخطبني
واني ثاقه بيه ومعتبرته اخوي وهوه قنعني بكلامه وانغشيت ودزيت صوري اله.
ذيب : انعل يوووومج حيوووانه انتي عندج عقل لو حجاره
_ولله العظيم بشنوو احلفلك مجان بالي راح يسوي هيج
ذيب : ليشش ماتجين تحچيلي شنوو الي منعج
_هوه هددني گال اذا تحچين لذيب انشر صورج فدووه ذيب اخذ الجهاز منه اذا نشر صوري انفضح
ذيب : كسرت الجهاز لاتخافين
_صدوك الف الحمدلله وهوه وين راح
ذيب : طيحت حضه وهسه مادري بيه وين اذا اشوفه گدامي ابتلي بيه ولله.
_خيولي فدوه لاتسوي شي.
ذيب : امشي ولي من وجهي هسه مالي خلكج.
سد الجهاز بوجهي انقهرت كلشش ياربي ليش هيج يصير وياي بس المهم ذيب اتصرف وكسر الجهاز الف الحمدلله #ڪــڔٰا̍ڕ
عادي ذيب حته لْـۆ يزعل مِڼـّي يوم يومين وارضي.
نزلت اركض احچي الساره عن الموضوع لكيت عمتي حرير عدنه
_شلونج عمه
حرير : هلا بيج وين جنتي البيت فارغ بس ساره سوده عليه تفتر ورجلها مورمه
_صعدت انضف فوك تشربين شي
حرير : سويلي جاي.
_اسويلج ريوك لو بس جاي ?
حرير : بس جاي ... امج وين
_راحت عليكم ومناك گالت تمر علئ السوك
حرير : امج هم مثلجن تحب الدياحه ماتستجن بالبيت
ساره : عمه شنوو هل حجي ترا امي مو طفله وتحجين عليها وهيه مرايحه الناس غرب راحت عليكم وتريد تتسوك للبيت الموضوع مابي شي.
حرير : ولله وكت خله الزعاطيط تعلي صوتها عليه
ضاجت ساره وصعدت لغرفتها ساره من نوع قويه وترد علئ كل كلمه عكسي اني. كلش خوافه وعلئ كلشي اسكت
رحت سويت جاي لعمتي واخذته الهاا بقيت گاعده يمها شويه واندك الباب رحت فتحته جانت امي وابوي سلمت عليهم ودخلو جوه كعدو ويه عمتي.
بقت عدنه للعصر وراحت عزلت البيت ونضفت الصاله والمطبخ وصعدت علئ غرفتي
بدلت ملابسي وگعدت اراجع بدروسي شويه واجتني رساله علئ جهازي فتحته جانت من رقم غريب
ستغربت منوو مراسلني دخلت علئ المراسله كاتب ..
شوفي صورج وانطيني. رأيج بيهم
فتحت عيوني مصدومه من الكلام احس كل جسمي صااار يرجف وب گوه لازمه الجهاز
دمعه وصلت طرف عيني فتحت حسابي جان الگه صوري منشوره بالكروب الي اني موجوده بيه وكل واحد يحچي شكل عليه.
احس روحي نتهيت صرت ابچي واني ارجف من الخووف شرااح يصيرر بيه اذا اعرف ابوي يذبحني ولله.
شويه واتصل ذيب
ذيب : الوو رباب
_ذيب شفت .. شفت نشرهم
ذيب : اششش اهدي اني اتصرف لاتخافين ماشي
_شلوون تصرف فهمني صوري انتشرت وصرت علج بحلوگ الكل انت تدري اذا عرفو اهلي شيصير اموت ولله تدمر حياتي
وهاي اذا عرفت عمتي طش الخبرر. بكل مكان
ذيب : گتلج اني اتصرف لاتخافين ماشي.
سد من عندي شمرت الجهاز واني ابچي خليت ايدي علئ گلبي يدك بسررعه. شلون اتصرف هسه انفضحت كدام الكل ..
_________________________
ذيب.
بعد ماتعاركت ويه باقرر ماشفته اتصلت برباب اكثرر من مره ماكوو جهازها مغلق
بقيت للصبح اتصل عليها وهيه ماكوو للضهر اني بالواجب اتصلت عليه #ڪــڔٰا̍ڕ
بسرعه فتحت عليها وحجيت وياها اريد افهم من عدها شلوون تصرف هيج تصررف غبي
والي صدمني باقر الي أمنت بيه وعتبرته اخووي طاعني بضهري بحجت اني اريد صور ياخذ صور منهاا ويهددها
تحچي وتبجي اني اعرف رباب اكثرر من نفسي كلشش بريئه وفطيره ؏ نياتها بسرعه ناس تضحك عليها بكم كلمه.
المهم سديت منهاا مهما يكون تصرفها غبي جان انتضرت خبرر من عندي شكوو دز صورها گلت اخذلي يوم يومين ماحجي وياها حته تحس بغلطها
بليل گاعد هسه مخلص واجب اتصل بيه صديقي اسمه كرار
كرار : الوو شلونك ذيب
_هلا بخير انته شخبارك
كرار : الحمدلله اگلك شفت الكروب ??
_شبيه ?
كرار : ناشرين صورت حبيبتك اعتقد لان الكل يحجي بسيرتها وگلت اجي احجيلك حته توكفهم عد حدهم
كمت مصدوم من كلامه معقوله باقر سواهاا ونشر الصور.
_تمام اشكرك
سديت من عنده بسرعه دخلت علئ كروب التلي لگيت صوره رباب منشوره بالكروب وقسم يحجي عليها وقسم يدافع عنهاا ومليوصه
احس دخان طلع من راسي. اني يسوي هيج بيه بااقرر بسيطه اذا ماخليتك تزوع دم اني موو زلمه وطالع من ضهر زلمه
اتصلت برباب بلگوه تحجي تبچي لأن انفضحت كدام الكل گتلها لاتخاف اني اتصرف
سديت منهاا وطلعت ؏ بيت هل باقر دقايق وصلتهم
دكيت الباب بقووه فتحه ابووهه
_ويييين باااقر
ابو باقر : سالمين عمي شبيك تصيح
_باقر وين ?
ابو باقر : بالدوام غير ليش تسأل عنه
_يعني نهزم الخنيث اني اعلمه
ابو باقر : شمصخم باقرر احچيلي
عفته ورجعت صعدت بسيارتي اتصلت بواحد من جماعتي. گتله يهكر الصفحه.
رجعت خابرت صديقي كرار گتله جم واحد حفض الصوره گال محد حفض بس صارو يحجون عليها المهم اني ماثقيت بكلامه رحت علئ كل واحد جان ويانه بالكروب لبيته وفتشت جهازه بايدي
ضليت يومين كاملين ادور علئ باقرر مالگيته. ماخلييت مكان يعتب عليه مارحت عليه سألت كل جماعته عنه ماله اثر فص ثلج وماع.
طول هل يومين ماحاجي ويه رباب ملتهي احل بالمشكله مَآعِرَفتّ شصار وياها اهلها عرفو بالموضوع لا
خلصت واجب ولزمت جهازي اريد احچي ويه رباب اطمأن عليها
بعدني ممتصل اتصلت بيه اختي ..
_هلو خويه شلونك
ذيب : بخير الحمدلله شعجب متذكرتني ليووم
_ليش حرام احچي ويه اخوي
ذيب : لا طبعا مو حرام شلونج امي شلونها شلون صارت
_اني زينه بس امي
ذيب : شبيهاااا امي
