رواية ثأر الشيخ مهران الفصل الحادي عشر 11 بقلم حوراء

نامي بحفظ الله أيتها الجميلة , فالشعر بعدك مستحيل والأنوثة مستحيلة , ستظل أجيالٌ من الأطفال تسأل عن ضفائركِ الطويلة , وتظل أجيالٌ من العشاق تقرأ عنكِ أيتها المعلمة الأصيلة , وسيعرف الأعراب يوماً أنهم قتلوا الرسولة.

نزار قباني

___________

ايليا:- 

من سديت الموبايل منه نزلت ركض وانطيت خبر لماما وطلعت على بيت انفال دكيت الباب وطلعلي اخوهة الصغير كرار 

كرار:-تفضلي خويه 

ايليا:-عفيه كرار ابوك موجود؟؟ 

كرار:-اي خويه كاعد بالاستقبال 

:-اريد احجي وياه بموضوع خاص 

:-اي تفضلي خويه هسة انطيه خبر وادخلين عليه 

:-تمام منتظرتك 

:-تعالي فوتي لاتضلين يم الباب شيكولون علينه الناس عافينج برة 

:-يلا هاي فتت بس روح حاجي ابوك بسرعه حباب 

:-يلا خويه 

راح دخل للاستقبال ومااشوف اله سارة طلعت من المطبخ تسولف وتضحك على التليفون من شافتني سكتت واجت باتجاهي تحجي بتموع لعبت روحي منهة 

:-هلاوو ايلي شلونج 

رديت بلا نفس واني اهز بروحي مطايقتهة

:-هلا بيج زينه الحمدلله 

:-شتسوين هنا واكفه تعاي ادخلي جوة 

:-انتي شعليج اذا ردت ادخل راح ادخل شنو تمنعيني انتي 

:-اويي عيني شبيج هسة اني شحجيت 

:-اكلجج ترى لعبتي نفسي وانتي وهذا العرس الي مسويته على عيونج جنج حكيمه مرت دواس ماتوخرين من يمي 

:-اهاا انتي مغثوثه مني لان احط مكياج وزوجي يحبني موو 

:-ههههه انغث منج انتي علمود شنو بابا  

كلج سارة وزوجج باقر الاثول 

:-ادبسزز شلون تغلطين على زوجي كدامي 

:-باعي اكمل الشغله الي اجيت علمودهة حته اتفرغلج خوشش 

:-شغله شنو؟ 

:-لاتستعجلين على رزقج اصبري 

تريد تجاوب بس اجه كرار 

:-تفضلي خويه الوالد ينتظرج 

:-تمام 

فتت للاستقبال ولكيته هو وباقر وهذا اخو سارة وعم انفال هم موجود 

:-السلام عليكم 

:-وعليكم السلام ورحمة 

:-تفضلي بويه رايده شي 

                                  

              

                    

:-عمو اريد احجي وياك بموضوع يخص انفال واريد سارة وانفال موجودات هم لان لازم يمسمعن الكلام الي راح اكوله 

كمز اخوهة باقر وهو يكول 

:-انتي اساس الخراب محد كبر راس انفال غيرج 

:-ماحاجيه وياك اني جاي احجي ويه عمو محمد وانت لاتحط روحك بكلشي 

:-لج اشوو انتي متحترمين احدد 

:-عمو حاجي اني جايه هنا علمود انفال مو علمود اتعارك وياه 

:-اسكت باقر وانتي عمو كولي الي عندج 

:-عمو خلي يجن سارة وانفال 

:-كرار روح صيح اختك وزوجه اخوك 

:-تأمر بويه 

:-راح كرار 10دقايق ورجع وياه انفال مدنكه راسهة وسارة العيارة تطگ بعلجهة 

:-وهاي اجت انفال وسارة سولفي عمو شعندج 

:-شوف عمو 

:-طلعيتله الصور وتسجيلات الصوت وخليته يقرة الكلام بصوت عالي كرار بس سمع هيج هد على فقار كسرة تكسر وهاي سارة رادت تطفر من الاستقبال بس اني اسرع منهة لزمتهة من حجابهة وصحت اباقر 

:-هااا شو سكتت كوم انته مو زلمه وتتقوى على اختك كوم اتقوى على مرتك الگ*حبه الي طعنت بشرف اختكك 

حجة عمهم الجبير 

:-هاي الابنيه متصير زوجتكك هسة تطلگهة وتذبهة على اهلهة وماعدنه مرة لواحد ساقط مثل اخوهة يلاا برااا (اخر كلمتين كالهم بصياح)  

سارة:-لااا حبيبي باقر لتصدكهم والله اني احبكك وسويت هيج حته اختكك متسويلي مشاكل وياكك 

تحجي وتبجي وتلزم بايده مااحس اله ركعهة براجدي وكعت كبل للكاع رجع لزمهة من شالهة وعاط بيهة 

:-لججج حيوانههه توصل بيج تتهمين اختي بشرفهة وتشوهين سمعتهة بس علمود مصلحتج لج انتي شنو من بشر الله ياخذج وارتاح منج روحي وانتي طالگ وباجر توصلج ورقه طلاگج رسمي من المحكمه لبيتكم 

:- لااا عفيه لاتسويي هيجج والله اسفهه ماتنعاد وهاا راح اعتذرر من انفال وابوس ايدهة ورجلهة هم بس لاتطلگني 

:-ديري بالج توصلين لاختي وعلي اكسر راسج 

:-كوم لك قشمر اخذ اختكك وطلع برة لااطلعك جنازة 

ايليا:- كام فقار لزم ايد اخته ويجر بيهة وهي تتوسل بباقر حته لايطلگهة 

:-طلعت وفاتت من يمي وهمست 

:-وعلي اله اطيح حضج واذلج مثل ماذليتيني 

:-من طلعت يلا انتبهت لانفال جانت كاعدة بالكاع وصافنه بالفراغ ودموعهة على خدهة رحت يمهة ومحست دموعهة وحجيت

            

              

                    

:-كومي اوكفي ماعاش الي يكسر ضهرج واني موجوده 

رجفت شفايفها وكالت بشهكة 

:-ايلي 

شبكتني وضلت تبجي وتحجي 

:-محد صدكني غيرج كلهم حجو عليه وشكو بيه وبتربيتي اخوي وابوي ماصدكوني 

حجه عمها 

:-كومي بويه ورفعي راسج بصديقتج الي ماقبلت عليج تنظلمين ومو هاي المرجيه منك ياأخوي تشگ بابنيتك الي تكول عليهة بمعزه روحي 

ايليا:-ابوها ضل مدنك وماحجه شي واني سندته وطلعتهة من الاستقبال وتقابلت ويانه امها جانت واكفه يم الباب حجت انفال بأنكسار 

:-هاا يمه تأكدتي اني مظلومه وممسويه شي لو بعدج 

حجه هيج وعافت امهة وتقدمت تريد تدخل للبيت انكسر كلبي واني اسمع شهكات امها وبجيهة بس هذا الشي مايغفر الهم 

:- اخذته وصعدته فوك نومته على الجربايه وغطيتهة بجت وموتت روحهة انسطر راسهة ونامت عفتهة ونزلت 

صارت بطريقي امها 

:-هاا يمه بشري شلونهة انفال 

:-موتت روحهة من البجي لحد ما ملت ونامت 

:-اهخخ كلبي نارر عليهة وادري بيهة زعلهة ثكيل وماراح تسامحنه بسهوله 

:-والله خاله مااعرف شكول بس حقهة كلكم ظلمتوها وشكيتو بيهة مو سهله عليها ترى 

:-اي والله يمه بس شكول غير حسبي الله ونعم الوكيل بلي جان السبب 

:-يلا خاله اني اترخص تأخرت على البيت 

:-الله وياج يمه ومشكورة وماقصرتي ويانه تعبناج حبيبتي 

:-صدگ كذب خاله مسويت شي انفال بمعزة اختي وماسويتي غير واجبي وياها 

:-الله يخليج يااصيله لاترحين وحدج خلي كرار يوصل الدنيه غوربت وميصير تطلعين وحدج بهيج وكت 

:-لا عادي خاله ماكو مشكله اكدر ارجع بوحدي 

:-لا يمه اخاف عليج شلون ترجعين بوحدج اوكفي اصيحلج كرار يوصلج 

:-مااقتنعت اله راحت صاحت كرار يوصلني ودعتهة وطلعت وكرار يمشي بصفي افكر بحاله انفال وكطع صفنتي صوته وهو يكول 

:-شكرا على الي سويتيه اليوم كدرتي تسوين الشي الي مكدرت اسوي اني ونقذتي اختي من فقار واخته 

:-ماسويت شي غير واجبي اتجاه صديقه عمري واختي 

:-اصيله وتربات شيوخ ونعم منج 

:-ونعم من اصلك خويه 

وصلت للبيت وهو ضل واكف قريب على البيت منتظرني ادخل يلا يروح دخلت وصارت بوجهي مرت عمي 

            

              

                    

احلام:-زين منج وعرفتي طريق البيت لجج انتي شنو ولد اربعه وعشرين ساعه دايحه بالشارع 

رديت بعصبيه:-والله محد دايحه غيرج عجوز البين شتردين مني انتي ابوي قابل وامي قابله انتي منو وتحاسبيني 

احلام:-زوجه عمج الجبير وغصبا عليج تحترميني 

ايليا:-العفطه ترديهة بصمه لو كتابه؟؟ 

احلام:-ادبسزز بلا تربيه خلي يجي جدج واني اعلمج 

ايليا:-دطيري لخاطر الله شلزكتي 

مشيت من يمهة ودخلت للصاله شفت ماما تصلي فرض المغرب لان توة اذن تعديتهة وصعدت بدلت ملابسي توضيت وصليت وكملت ونوب تذكرته مارجعيتله خبرر 

رحت بسرعه على موبايلي وطلعت رقمه 

:-الو 

:-منو هذا الي وصلج؟؟ 

:-كرار اخو صاحبتي 

:-ليش تأخرتي لحد هذا الوكت 

:-ضليت يم انفال خطيه موتت روحهة من البجي 

:-راح تنسى لاتخافين عليهة 

:-المنكسر من اهلة ميطيب ترى 

:-الله يجبر كسره لاتخافين 

:-ونعم بالله يلا هسة لازم اروح قبل لاتجي زوجه عمي تسويلي مشكله 

:-شعدهة وياج هايي؟؟ 

:-شدراني حاطه عقلهة بعقلي العجوز   

:-روحي بويه بس تسويلج شي كولي حته اطيح حضهة الج 

:-اويي وشلون بلا؟؟ 

:-مالج شغل بويه 

:- زين شلون عرفت المعلومات على فقار واخته 

:-مالج شغل بويه 

:-منتبه لنفسك كل ماسألتك شي وكلت مالج شغلل؟؟ 

:-اي لان مالج شغل 

:-اويي شكد غثيث لخاطر محمد 

:-سديت الموبايل بوجهة بسرعه دزلي رساله وفتحهة 

"هلمرة سويتيهة وسديتي بوجهي سويهة مرة لاخ وشوفي شنو يصير بيج" 

قريت الرساله ماانكر خفت منه لان يعرف كلشي عني رديت واني اتصنع القوة 

"سوي الي تريده مااخاف بس من  الي خلقني ترة" 

"ذيبه ماينخاف عليج" 

شفته وابتسمت ردت ارد عليه بس استوقفني صوت غيداء وهي تصيح عليه 

غيداء:-ايلي تعالي جدو يريدج 

ايليا:-اجيت، شمرت الموبايل على الجربايه ونزلت ودخلت للاستقبال 

ايليا:-الله يساعدك جدو دزيت عليه 

الجد:-هلا بيج بويه اي تعاي عندي حجايه وياج 

دخلت وشفت زوجه عمو كاعدة يم عمو وتباوعلي بحقارة حجت تبث سمهة عليه 

            

              

                    

:-شوف شيخ اني اعتبر ايليا حالهة من حال غيداء واخاف عليها وعلى سمعتها واليوم شفتهة ماوصلت للبيت كاضيتهة يم بيت ابو باقر اني وياك وكلنا نعرف تربيتهم بس الناس الهم بالظاهر واكيد راح يحجون على بنيتنه من يشوفونهة طالعه بهيج وكت من بيتهم ويه ابنهم الزغير 

الجد بصياح:-احلااامم ثمني كلامج واعرف انتي على منو جايي تحجين هاي ايليا تربيتي مستحيل تسوي شي غلط واكيد روحتهة لبيت ابو باقر وضلتهة لهيج وكت اكو سبب مو جدو ايلي 

ايليا:-اكيد جدو اكو سبب واني ردت اجي واحجيلك من تخلص عشه بس يبدو زوجه عمي تحب الاكشن قبل الاكل السالفه وما بيهة صديقتي انفال مريضه وواكعه بالافراش واليوم ماداومت واني حبيت اروح اطمن عليها اخذت كتبي وياي ودرسنه سوة محاضرات اليوم وماما عدهة علم بكلشي 

(ماحبيت اسولف لاحد عن المشكله انفال لان اخاف على سمعته من كلام احلام الحيه) 

الجد:-هاا عمي احلام سمعتي كلام ايلي لو تعيده الج 

احلام:-لا شيخ سمعت وهاا اني اريد اشكيلك من ايلي صايرة اخلاقها فرد نوب 

الجد:-هسة اجيتي على اخلاقها شمسويتلج هاي المسكينه انتي ماتستحين مرة شكدج شكبرج حاطه عقلج ويه هاي الطفله 

احلام:-شيخ والله موو 

الجد:-اشش ولا كلمه مااسمع منج شي على حفيدتي ويلا كومي من وجهي لابارك الله بيج 

:-كامت احلام وهي تدردم ماراضيه على كلام جدو الصراحه دائما جدو يفشلهة من تحجي عليه ومايرضى على كلامها حيل احبه الجدو حته لو اني غلطانه مستحيل ينطي بيه كدامهم ياخذني على صفحه ويفهمني الصح من الغلط 

ردت اكوم بس استوقفني وهو يكول 

الجد:-ايلي تعاي هنا بعد جدج 

بگت طن هوه رديت عليه 

:-هاا جدو 

:-لزمني من اذني ويمثل العصبيه عليه 

:-شلون تتجاوزين على مرت عمج 

:-جدو مامتجاوزه والله بس كتلهة شبيج حاطه عقلج وياي عجوز البين 

حجيتهة ببراءة 

ضحك جدو وكال 

:-ها مامتجاوزة يعني 

:-ترة كلت الحقيقه جدو ممكذبه عليها 

:-ايلي اهرف هاي الحقيقه بس مالازم تتجاوزين على الاكبر منج مااريد احد يحجي على تربيتي ترة انتي محسوبه عليه اني الي ربيتج خوشش 

كمت بسته من راسه وكلت 

:-تأمر امر جدو إن شاءلله محد يحجي عليه وعلى تربيتي الأ بالزين 

:-عفيه عليج يالذيبه 

من سمعته من جدو تخيلته هو بمكانه ويكولهة وضربتلي صفنه حته جدو انتبه عليه 

            

              

                    

الجد:-وين صفنتي بويه 

ايلي:-هاا لا بس افكر بكلامك جدو يلا اترخص منك احضر الاكل ويه ماما طلعت من الاستقبال وصار بوجهي بابا حجيت بحماس واني اشبكه 

:-هلاوو بابا شلونك حبيبي 

:-هلا ياروح ابوج زين الحمدلله انتي شلونج مختفيه اليوم ماشفتج 

حجيت باستعجال 

:-جدو يسولفلك اروح اساعد ماما بالعشه حته تتعشون 

طفرت من عندة مابيه حيل يفتح تحقيق وياي 

______________

المكان: بيت الشيخ مهران 

الزمان:-الرابعه عصرأ 

:-يووومممم يمهههه يمهههه وينججج ترفههههه يمعودة 

ترفه:-شبيك وسم شبيك تجوعر 

نزار:-اخخخ كلبي لماذا ياامي لماذا تعامليني هكذا فقط لاني لم استطيع جمع المال اخخخ كم انتي قاسيه 

رياحين:-ههههههههه هاي شبيك كلبت فصحه 

نزار:-غير هاي امج اتكلي سمم بشرفج وجهي مال واحد يكلوله سم 

رياحين:-هههههه لاا مو بس سم وزقنبوت هم 

نزار:-بكلبج يالفطيرة 

رياحين:-انجب الارعن 

:-نزار:-لا تغلطين اني اخوجج الجبير لاتخليني اطيح حضج جنج برغي 

رياحين:-ماما حاجي العمود العندج لا يقلد على طولي 

ترفه:-نزار يمه عوف اختك وتعال اصبلك جاي عندي شغله وياك 

رياحين باوعلي نزار بنظرة تكسر الكلب لايكدر يرفض لان راح يفتح عليه باب الغلط ولا يكدر يقبل لان ورة استكان الجاي اكو تحقيق 

نزار:-رحم الله والديج يمه بس اني الجاي ممنوع عليه 

ترفه:-ليش يمه شبيك انته 

نزار:- بيه سكر بس يحطوني بالجاي اذوب 

ترفه:-طيح الله حضك تعال ولك اريد احجي وياك غير انته ابني 

نزار:-يمه من النهاية شعندج وياي شتردين مني عوفي استكانه الجاي وانتي ابني وهاي الكلاوات 

ترفه:-اخوكك شبيه 

نزار:-منو منهم يمه؟؟ 

ترفه:-الشيخ 

نزار:-يعني يمه رحمه لذاك الزلمه الطيب اني شدراني بس لا عبالج اني مهيمن واعرف شي على مهران ترة هذا ابنج ميحجي شي كتوومم 

رياحين:-اشوف امي صفكت ايد بيد وحطتهن جوة خدهة تفكر بشي واكيد هذا الشي اخوي مهران 

نزار:-شعندج صافنه وايدج على الخد 

ادم:-جنج عاشگه وابالج احد 

رياحين:-نزل ادم من فوك كمل الاغنيه ويه نزار ويطك اصبع ونزار يهز جتف الصراحه اصواتهم كلش تساعد على الغناء 

نزار:-على يامال تبجين 

ادم:-والمن تهمل العين 

نزار:-على يامال تبجين 

ادم:-والمن تهمل العين 

ترفه:-الا يا سرسريه اسكتو فضحتونه هسة شيكولون العالم علينه بيت الشيخ يتموكصون 

نزار:-اويي انزول عليج ترفه خلينه متونسين شويه 

ادم:-لا كافي جن الحجيه زعلانه خيرج يمه؟؟ 

ترفه:-زين منك وسألت يمه من رجعت ولحد هسة لازگ بالغرفه 

ادم:-بسم الله بعدنه اليوم رجعت راح تبدين بسوالف الجنه والعمه 

نزار:-متحمسه ترفه لك لو تدري شسوت بمرتك 

ادم:-اححح اني اخوك يانزار تعال سولفلي شصار 

نزار:-كعدتهة من 5 الصبح تعجن وتخبز وتسوي ريوك وتنظف البيت وتوكف فوكك راسهة اشتغلي زين يالفاهيةة 

ادم:-كل هذا سوته واني ماموجود 

رياحين:-ترةةة جذابب والله كلنه نكعد من وكت ونتساعد بالشغل ونكمله واصلا ماما ماتصيح عليهة ودائما تكلي تساعدي وياهة وصادقيهة مبينه خوش بنيه 

ادم:-اي والله يمه كلشش خوش بنيه هسة انتي ضايجه من عدهة؟ 

ترفه:-لا يمه مو منهة وين اكو مثل نيرانه تخبل نسمه ماينسمع الهة صوت بس اني ضايجه على اخوك 

ادم:-نزار؟؟؟ 

ترفه:-لا يمه م

كمز نزار قبل لاتكمل 

:-اكيد مو نزار نزار بيش الكيلو تقصد حبيب كلبه شيخ كلبهة مهران 

ادم:-ليش يمه شبيه مهران 

ترفه:-ماادري يمه يكعد بوحده ودائما سرحان ويفكر وحته مهيمن تعارك وياه وماجاي يجي للديوان 

ادم:-تحجين صدك يمه. 

ترفه:-قابل اجذب عليك 

ادم:-حشاج يمه مو قصدي 

نزار:- باع ادم اخذ السالفه مني اخوك يخابر نسوان 

:-نزارر 

الفصل الثاني عشر من هنا