رواية ثأر الشيخ مهران الفصل الثاني عشر بقلم حوراء
غريب اذكر اهلك - والكَالها
.. ابحجية ايتنكّت
هيّج اجروح الكَلب .. والعين ..
كت مهضوم .. كتت
ذكروّها .. واعادة اليذكر يحن ..
والروح .. لاهل الروح حنّت
ونتّ .. اوماظن مثل ونها .. الصخر
.. خنساه ونّت
صبّرتها .. اوكابرت عالظيم .. والكابر
.. يظل بسكوت .. ينهت
طاحت ، اوفوك الفشل .. بمصابها
الشامت .. تشمت
شلون ذلت .... ؟
اخ ياروحي .. الكّبل جانت عزيزة
شلون ذلت .. ؟.
ملت امن اونينها .. او عذّالها
امن اللوم ملّت
واصبحت .. مثل الرشة المتروك
من يشله .. جليبة
اوحنت .. اوعاداة المحبين ..
لو حن المحب .. يطلب حبيبه يالتريدين
الولف .. ولف الجفاج .. امنين اجيبه
كافي غيبه .. كافي .. جلمات العتب
عالناس .. ياروحي الغريبة
يالمثل دلّه استوت بوجاغ ما يخمد لهيبه ..
يالتظنين .. ابعظم بلواج .. ما صارت مصيبه
هذا سهمج .. والسهم لوعات
والخانه الوكت يرضه بنصيبه
او هذا طبع الناس .. بيهم بلاوفه
اوبيهم وفي .. اتجيبه الحليبه
وانتي لا جف الينشف العين .. لا دار
الولف .. يمج جريبه
يالحسرتج . حسرة المجبود .. وادموعج
تبدّت
يالعلى اجروحج .. اعز الناس ..
من شافت ، تشمت
يالتظنين الشمل .. يلتم ..
شمل عزّج .. تشتت
(عريان السيد خلف)
________________
:-نزاررر
نزار:-ادم انته ماتستحي تحجي على اخوك الجبير وشيخ عشيرتنه هيج هااا
:-تعال هنا (بعصبيه)
نزار:-اتي بحمايه سيادة النقيب ادم عليك الله احميني اني بشاربك
ادم:-طيح الله حظك ويامن تورطت
نزار:-حظي الاغم غير
ادم:-عوفه خويه يشاقه وياك ماتعرف بيه
:-ادم دللته هواي وساكت على تصرفاته بس صارت بلا ملح ويرادله جرة اذن
نزار:-التوبه مااعيدهة بس عوف اذني جا اني مو فايدك هاي الفترة كلهة شامرني ب**** علمود اراقب الوضع
رياحين:-بس حجه هيج نزار ماما لطمت على صدرها وكالت
ترفه:-يمه ابني شتسوي هناكك
ادم:- يمه اصبري خلينه نفتهم
ترفه:-شتفتهم راح ابنج ياترفه صخام بوجهي
ادم:-غير تنطينه مجال نفتهم الموضوع قبل لاتلطمين وضع شنو وشتسوي هنالك هاا شيخ فهمني الموضوع اغيب اسبوعين الكه الدنيه مكلوبه
نزار:-ههاايي ترة الموضوع صار وانته موجود
ادم:-هيج صار الحجي شيخ زين تفهمني لو لا وغياب صاحبك وعضيدك مهيمن علمود هذا الموضوع مو
الشيخ مهران:-خلصت اسألتك
ادم:-خلصت تكدر تتفضل وتجاوبني
الشيخ مهران:-تعال للديوان وانت نزار لاتشوفني وجهك منا لبعد يومين مفهومم
نزار:-حاضر شيخ
رياحين:-راح ادم والشيخ للديوان حته ماعرفت ليش امي خافت من هاي المنطقه يمه راح اموتت من الفضولل اريد اعرفف
رحت لانزار
رياحين:-نزورتي حبيبتي
نزار:-من الاخير شتردين؟؟
رياحين:-اويي فدوه لاخوي الحلو الي يعرفني
نزار:-لاتضلين تصبغين انطيني الزبدة شتردين
رياحين:-ماما ليش خافت من ذكرت اسم هاي المنطقه وليش ادم اتوتر وتعصب على مهران؟؟
نزار:-مو شغلج
رياحين:-شنو مو شغلي ترة اني اختكم
نزار:-الزغيرة
رياحين:-واذا زغيرة ميصير اعرف شي وبعدين اني مو زغيرة عمري 18 وطالبه كليه مرحلة اولى
نزار:- شني اريد اطلعلج جنسيه خرطتيهن كلهن عليه
رياحين:-لا تصير خبيث وحاجيني
نزار:-اسرار دوله حبيبتي
رياحين:-واني من الدوله يعني هم لازم اعرف هاي الاسرار
نزار:-رياحين برةةة بسرعه اريد انام تردين تعرفين شي هذيج امج واخوانج واسأليهم
رياحين:-شكد خبيث صاير
طلعت من يمه ضايجه الحقير صح يسولف ويضحك ويشاقه بس اذا واحد انطاه سر او امنه على شي ميكوله مستحيلل يكولل رحت لغرفتي رتبت ملابسي مال الدوام اني اداوم بكليه الطب قسم التحليلات المرضيه جان هذا حلمي
و
حققته بفضل الله ووكفه مهران وياي هواي ناس وكفو ضد دراستي بس هو ساندني وقبل ادخل للكليه راسلت صاحبتي زهراء علمود المحاضرات مال باجر ودزتهم الي وضليت اقرة بيهم لليل
نزلت حته اساعدهم بالاكل وكمزت نور بس شافتني
نور:-وينج ولج خاتله بالغرفه غير تجين تساعديني بالاكل عفتي هاي المسمومه يمي ورحتي
رياحين:-اولا مارحت العب جنت اقرة وثانيا هاي عدهة اسم وهو نارة تكدرين تكولينه السانج مابيه عظم على مااعتقد
نور:-والله مااعرف شكولج انتي جايبه دوخه الراس الج خلصتي سادس هاي هية لو الا ادخلين كليه
رياحين:-ترة الدراسه متضر والكليه كلش حلوة صح المحاضرات صعبه بس حلوة
نور:-اوييي لعبان نفس متكليلي شعاجبج بيهة
رياحين:-الدراسه لعبان نفس؟؟ تحجين صدكك؟؟
نور:-اي والله اني ماما تتوسل بيه حته اكمل كليه بس اني مااحبهة ماعاولت اطلع من السادس حته ارتاح منهة والله لو مو بابا كاتب بالوصيه مالته لازم نخلص السادس حته ناخذ الورث جانن من زمان اني عايفتهة
رياحين:-والله ماعرف شنو احجي بس راح ادعيلج بالشفاء العاجل من هذا التفكير
نور:-اويي دعوفي الحجي وتعاي ساعديني ادومي سودة عليه مات من الجوع
رياحين:-اسم الله عليه شبيج ماتحجين كلمه بيهة خير
نور ماعجبهة الحجي بس سكتت لان عمه دخلت للمطبخ تستعجلنه بالاكل لان ولد عمهم موجودين هم
نارة:-مشغوله اشتغل بالاكل وهمست باذني رياحين
:-ادم وين
حجيت بنفس نبرة صوتهة
:-بالغرفه كاعد يشرب جكاير ويرجع ليورة حته من اجه فهد مانزل
:-صدكك تحجين
:-اي والله اكلج صاير شي احسه مو طبيعي يعني من رجع ماجان هيج
:-حالي حالج سولفو على منطقه **** ونكلبت وجوهمم
:-وجوهمم؟؟
:-اي هو وامي وحته الشيخ
:-غريبه شكو بهاي المنطقه؟؟
:-علمي علمج
:-ولجننن يلااا الزلم ماتت من الجوع خلصن الاكل وانتي نيرانه روحي صيح زلمتج خليه يجي يكعد وياهم
نارة:-حاضر عمه
:-صعدت فوك وفتت للغرفه ماتنشاف من الدخان مال الجكاير توجهت للشباك وفتحته وصاح بيه
:-سدي الشباكك
:-ادم شبيك الغرفه صارت عبارة عن مدخنه مانكدر ندخل من الدخان وعمتي دزتني عليك تكول خلي يجي يتعشه ويه الزلم
:-مااريد سم
تقربت منه ووكفت يم راسه وحجيت بهدوء
:-شبيك ادم ليش ضايج؟؟
من حجيت هيج مااحس اله سحبني من خصري وكعدني على فخذه وايدة تمشي على خدي
:-يهمج اذا جنت ضايج
:-ادم اريد اكوم
:-اشش مامسوي شي جاي نسولف جاوبي
يهمج؟
:-اي يهمني لان انته الوحيد الي تساعدني ولا تنسه اني مدينه الك بروحي
:-اهاا هيج يعني
:-ايي وهاا ادم اريد احجي وياك بموضوع
باوع عليه بتركيز وكال
:-اسمعج
:-انته مو كلت علمود هاي
:-شنيه؟
:-الموضوع الي حجيت بيه قبل لا تلتحق
ادم بغباء مصطنع:-يا موضوع
نارة بخجل:- نتمم زواجنه
ادم:-اي صح ذكرتيني يلا كومي
نارة:-هوب هوب وين اكوم
ادم ببراءة:-نتمم زواجنه غير
:-ادمم شبيك غير جاي احجي وياكك
:-واني جاي اسمعج
:-بعدني ممكمله وانته كلت نعقد محكمه وبعدنه ماعاقدين
:-ماكو مشكله باجر نعقد ومن نرجع نتمم زواجنه
:-اوفف عود ليش متخليني اكمل كلامي
:-كملي اسمعج
:-باع احنه ثنيناتنه انجبرنه على هذا الزواج
:-عادي تعددت الاسباب والموت واحد
:-والموت شدخله بموضوعنه
:-شلون شدخله اسمعي انتي اسم الله عليج من تموتين شنو تلبسين
:-الكفن
:-عفيه والكفن يالون
:-ابيض
:-عليج نور زين اذا تزوجتي شتلبسين
:-بدله
:-زين البدله يالون
:-بيضه
:-شوفي شلون طلعتي تفتهمين
:-اهوو ادم اني وين وانته وين عوفك من هذا الحجي احنه باجر مو نعقد محكمه خلينه ناخذ شهر شهرين نتعرف بيهة على بعض واحد يعرف طباع الثاني وشنو يحب وشنو يكره ويشوف اذا يكدر يتأقلم ويه الثاني بسلبياته قبل ايجابياته
:-اني متقبلج مثل ماانتي وعاجبتني وهاي الفقرة احسهة مو مهمه بالنسبه الي
:-بس اني لاا
:-شنوو؟؟
:-باوع حاول تفهمني بين ليله ويوم صرت بيت ناس مااعرفهم وعلى ذمه رجال مااعرف عليه بس اسمه صعبه عليه مااكدر اتقبل هذا الشي
:-عادي اعتبريه زواج عادي مثل كل البنات
:-لا ابدد البنات من يتزوجن اكو خطبه قبلهة وفترة تعارف بيناتهم حته تعرف تصرفاته وشنو يحب وشنو يكره وهو بالمثل يعرف تصرفاتهة وشنو تحب وشنو تكره ويشوف اذا يكدر يتفاهم وياهة لو لا
:-يعني لازم نسوي مثلهم
:-انطيني فترة اتعرف عليك واتقبلك
:-زين انطيتج فرصه وماكدرتي تتقبليني شنو الخطوة التاليه؟؟
:-اذا صار هيج ننفصل
كلت هيج ومااحس الي سحبني اكثر عليه وهو يضغط على خصري ويكول بهمس
:-هاي الفكرة شيليهة من راسج ناري لان تتأذين والله
:-اخخخ ادم جايي تأذيني عفيه
خفف من قبضته وهو يمسح بدموعي
:-شنو تردين تعرفين عليه
:-ليش اني شنو اعرف عليك
بعدة يريد يجاوب وقاطعنه صوت الباب وهو يندك كمت من يمه وهو عدل كعدته
فتحت الباب وطلعت بوجهي نور
نور:-عمه دزتج تصيحين ادم لو تختلين يمه هاا
جاوبتهة
:-وانتي شعليج
فتحت عيونهة بصدمه من جوابي ماجانت متوقعه ارد عليهة
رادت تحجي بس قاطعهة ادم وهو يكول
:-خيرجج نور محتاجه شي
:-هاا لا بس عمه تكول شنو اليوم ماراح ينزل يتعشه
:-لا شلون هسة انزل
كام من مكانه وتقدم بأتجاهي ومد ايده الي وكال
:-يلا بويه عيب الناس تنتظرنه على العشه
:-لزمت ايده عناد بيهة ونزلنه سوة وهي ورانه حيل حبيت هاي الحركه حسيت حركت دمهة نزلنه وقبل لا ندخل للاستقبال عفت ايده التفت عليه وكال
:-ليش؟
:-عيب اخوانك وولد عمك موجودين استحي منهم
:-خوش
فات وكال بصوته الجهوري
:-السلام عليكم يابه، واني فتت وراه وكعدت يم رياحين
ردو كلهم
:-وعليكم السلام ورحمة
نزار:-فهودي حبيبي
فهد:-ها حبيبي نزوري
نزار:-باعوك الجماعه موو
فهد:-اخخ اسكت انته ليش مصر دائما تفتح جروحي
حجاها وغطا وجهة ويهز بجتفه عود يبجي وهذاك يكله
نزار:-شوف شكد كلت ونصحت بيك بس انته مطي ماتسمع الكلام
فهد:-طالع على ابن عمي
نزار:-اي والله انته حيل تشبه ادم بالشكل وبالذكاء هم
ادم:-خلصتو
فهد:-لا ابدد اني مجروحح منكك ليش هيج تسوي بيه
ادم:-تكبر وتنساها حبيبي
فهد:-جرحك جبير ما راح ينسي
ادم:-حط على لزكه جروح وهو يطيب
نزار:-هههههههه شلون دكه ناقصه
فهد:-اي والله
نزار:-اسكت خويه اني خايف على روحي
فهد:-ليش انته شبيك
نزار:-خويه انته ماحاس بكبر المصيبه العدنه
فهد:-يا ستار مصيبه شنو ولك
نزار:-خويه جابو نار وحطوها ابيتنه على ساعه يگب بينه البيت ونموت واني بعدني شباب
هو كال هيج ومااحس اله اصوات ضحكهم تتعالى بالاستقبال واني مثل الثوله كلشي ماكو بس صافنه منا لحد ما ندستني رياحين وكالت
رياحين:-ترة يصنف على اسمج
حجيت بصدمه:-صدكك تحجين
رياحين:-اي وعلي
ادم:-شوكت تبطل سوالفك انته
نزار:-ماابطلهن اصلا اني اذا غبت انتو تموتون
رياحين:-انته بس غيب ومعليك بينه
نزار:-لج ريحانه كومي بسرعه شنو هذا اليمج
رياحين:-كمزت عبالي صرصر لان اخاف منهم وهو طاح بالكاع من الضحك وكال
نزار:-يمج نارة خفت على اوراقج يحتركن هههههههه
رياحين ونارة:-نزاررر
طلع يركض من الاستقبال بعد ما ركضو وراه فهد وادم وهو منتهي من الضحك الحيوان رجعو دخلو للاستقبال لان طفر منهم هستوهم كعدو ومد راسه من باب الاستقبال وكال
:-وعلي اله تتندمون على تعنيفكم الي ورة مااموت لحد يبجي عليه ويسوي روحه حنين خوشش
رياحين:-روح محد يبجي عليك
نزار:-خوش يلا هسة اني رايح متواعد ويه صاحبي للعشرة وارجع خوش شيخ
يحجي ويسمع بالشيخ الي طول الكعدة مانطق بحرف واحد بس يفر بسبحته مبين باله مو ويانه طلع نزار واحنه صبينه العشه وتعشينه وهاي نور بس خلصت العشه وصعدت للغرفه مالتهة وعافت المواعين علينه اني ورياحين تساعدنه اني وياهة وكملنه المواعين وسوينه جاي ووديانه الهم ورياحين صعدت تسبح واني صعدت عزلت الغرفه ونظفتهة من كطوف الجكاير كملت التنظيف واخذت ملابسي ودخلت للحمام سبحت وكملت طلعت لكيته موجود بالغرفه وكفت يم ميز التواليت حته امشط شعري وصاح عليه
:-جيبي المشط والزيت وتعالي
:-هاا
:-جيبي المشط والزيت وتعالي يحتاج اعيد
:-سويت مثل ما كال واخذت الزيت والمشط وتمشيت اله كعدني كدامه وحط الزيت على شعري وبده يمشط بشعري على كيفه
سألت بفضول:- منين تعرف تمشط
ادم:- اكثر المرات امي تمشط رياحين كدامي ليش مرة من المرات راحت امي لواجب هي وزوجه عمي ورياحين دوامها ظهري وظلت تبجي لان شعرهة مكوش والله اخذتهة وحطيتهة بحضني مرة مرتين بالثالثه يلا ضبطت الظفيرة وكامت دائما تجيني اني امشطلها شعرها
كمل الظفيرة وباسني من راسي وكال
:-خلصت يابه
:-درت عليه وحجيت بأعجاب كلش حلوة تدري اني هم من جنت زغيرة ماما ماموجودة لان توفت واني صغيرة ومحد يمشطلي وكم مرة عاقبتني المديرة لان شعري مهوس منا لحد ما معلمه القراءة اخذتني على صفحه وظفرتلي شعري وعلمتني شلون اظفر يلا فكت ياخه مني المديرة
:-چا مرت ابوج وين جانت
:-هي غفران حايرة بروحهة قابل تهتم بيه وهي ذابه كل شغل البيت عليه؟؟
:-يعني ماجانت زينه وياج؟؟
:-ابدد
:-سولفيلي
:-هههه شسولف كلهة سوالف تعبانه وانته تعبان من الشغل لاتوجع راسك بسوالفي
:- ياريت كل وجع الراس يجي منج واني قابل بيه سولفي حبيبتي
:-باع من عمر 9سنين اني استلمت البيت من تنظيف وغسل مواعين واسوي اكل واهتم بأخوي الجبير وورة فترة ابوي اتزوج عبالي راح تخف عني المسؤليه وتجي هي وتصيرلي ام مثل ماكالن عماتي بي الي صار عكس الي جنت مخططه اله اجت زوجه ابوي وسوتني خدامه عدهة وورة فترة زوجه ابوي حبلت وصارت المسؤليه اكبر عبالي من تجيب راح تشيل عني شوي من مسؤليات البيت اشو هاي ولدت تؤام بنات واني الي اهتميت بيهم دراستي ماجنت الحك الهة جنت اسهر باليل بس حته اقرة حته لاتعاقبني المعلمه وتضربني كدام البنات وهذا الظروف ماجانت مانعه الي حته اترك دراستي لا بالعكس كلما اتعب بالتنظيف بالبيت اتعب نفسي اكثر بالدراسه حته اكمل دراسه واخذ شهادة واتوظف ويصير الي اسمي الخاص حققت هذا الشي ونجحت من السادس بمعدّل 76 جنت فرحانه كلش بهذا المعدل واخيرا راح ادخل كليه واحقق حلمي وتصيرلي شهادة بس كلشي تحطم بكلمه من زوجه ابوي وهي تقنع ابوي ان بنات الي يرحن للكليه مو خوش بنات
:-زين اذا هسة دخلتج للكليه راح تنجحين وترفعين راسي لو تفشليني كدام الناس؟؟
كمزت عليه بفرح وحجيت
:-تحجي صدك
هز راسه بأيجاب
:-كول والله
:-ثوله شنو مجذب عليج من قبل
:-لا حشاك بس من الفرحه مامصدكه واخيراا راح يتحقق اعظم احلامي
:-زين اني حققيتلج حلمج وهسة اجه دورج
:-شنو حلمك؟
:-تبوسيني منا
يحجي ويأشر على شفايفه عزاا وجهي احسه راح يطگ من المستحه شكد سرسري ضربته على جتفه وكلت
:-شوكت تبطل هاي السوالف مال السرسريه
كرصني من زندي وكال
:-لاتجفصين
:-اويي شبيك شلعت ايدي
:-شلون تهيجنه بنص الليل
:-اوففف ياربي
:-ابوس الافف يصير
:-لا ميصير ادم على شنو اتفقنه مساع
:-سمعت اقتراحج بس ماوافقت على كل شروطه
:-ليش
:-مثلا شرط ان لازم مااتقرب وهاي السوالف على الاقل بس بوسه حضنه لو تردين تنشفينهة عليه؟ وهاا ترة المخطوين عادي تصير بيناتهم هيج سوالف
:-ليش تغمز؟
:-طاح حضج عفتي كل الحجي الي كلته وركزتي على الغمزة
:-خوش بس بحدود
:-ماكو حدود تنامين بحضني لاعبالج اعوفج خوشش
:-لاتضغط عليه
:-اصلا عايفج على راحتج والله انتي لو تعرفين شنو الافكار الي حاطهن براسي واريد اسويهن وياج اله تنجلطين
:-اسم الله عليه مااريد اعرف عمي واكيد افكارك منحرفه مثلك
لوة ايدي ورة ظهري وقربني منه
:-منو المنحرف
نارة بوجع:-انته
لواها اكثر وكال:-منوو
:- اخخخ مو انته والله بس عوفني
:-لاتصيرين بقرة
:-انته ثور
كلت هيج وطفرت منه وهو يركض وراي صرت من الجهة الثانيه راد يعبر يلزمني بس دك موبايله فتحه وحجه مستعجل
:-كول شتريد بسرعه؟؟
:-منو انته!! اي اني هوو وين انتم هسةة يلا يلا جاي ماراح اتأخر
سد الموبايل واخذ السويج مال السيارة ونزل يركض ويصيح على مهران
