رواية بينا معاد الفصل الثاني عشر
رؤف: انسه جنات متزعليش ده اسلوب ريسنا في الشغل,, حازم وانتي جميله وفيه اشاعه انه زير نساء
جنه: ازاي ؟ واحد زيه يكون في منصبه الكبير ده؟!
رؤف شدها في ركن وبصوت واطي: هش اسكتي, انتي متعرفيش انه صاحب المجموعه الحناوي جروب ,وهو الي هيحدد مصير الشركه بعد كدا ويا تكبر يا تنهار ،وكل الستات الموجوده في المكتب هنا بيحبسوا انفاسهم لما بس يشوفوه معدي رغم عند خطيبه بس جالهم العمي ‘وعيونهم ع شاب غني ووسيم زيه
جنه: يعني هو خاطب
رؤف: ايوه اسمها ناره وبتشتغل معانا هنا ,, وانتي هتشتغلي تحت اشرافهم هما الاتنين يله اعرفك عليها
جنه دخلت المكتب وناره بصتلها نظره غريبه
رؤف ابتسم: ناره هانم انسه جنات وصلت
ناره بتكشيره: عرفاها جنات
رؤف: انتم تعرفوا بعض؟!
ناره بحقد مداري: حسيتي بأيه بعد ما قابلتي مستر هشام؟!
جنه بدهشه : افندم
رؤف: مفيش داعي للكلام الريس قال انه هيشرف ع التصاميم بنفسه
ناره بغيظ: هو قال كدا؟!
رؤف: هو مهتم بالمشروع ده جدا
ناره بحده مصحوبه بأمر: روح شوف شغلك
رؤف هز دماغه بطاعه: حاضر عن اذنكم انا ماشي
ناره بصتلها بكل عنجهيه : الشركه دي مش محل بسيط حطي في بالك ان تصميماتك الجديده لازم تمر عليا الاول قبل العرض
جنه بصتلها ومش عجبها الاسلوب : حاضر هعمل ده
ناره مسكت المج ومن كتر الخوف والتوتر ايدها ارتعشت وادلق كله منها ع الملفات وجنه قربت ومسكت مناديل تمسح المكتب وسألتها: انتي كويسه؟!
ناره مسكت ايدها وبصتلها بقوه: ايوه انا كويسه روحي لمحلتنا الكبيره وشوفي نوع التصاميم الي بنعرضها للزباين الكلاس وبعد ما تصممي ع الورق سبيهم ع مكتبي وانا هختار الافضل
جنه بتبرطم: بجد ما جمع الا ما وفق الاتنين ارخم من بعض!
ناره اخدت الملف ودخلت عند هشام : سمعت انك قابلت جنات الي جايه تبع آيه واندهشت لانها شبه جنه الخالق الناطق فعلا يخلق من الشبه اربعين
هشام رفع عيونه وبصلها وابتسم ابتسامه تهكميه
نار: الابتسامه دي بتقول ممكن تكون هي ,نفس البنت الي قابلتها يوم اعلان خطوبتنا
هشام حط ايده تحت دقنه : ايوه
ناره ردت عليه باندفاع وحده : يعني انت عارفها من اول ما بدئنا ندور ع مصممين جدد واستغلتني اجبهالك لحد هنا ازاي تعمل حاجه زي كدا ايه هو هدفك ولا ناوي تحولها لجنه
هشام ببرود: مفكرتيش لحظه ان هي نفسها جنه
ناره رمشت بعيونها بتوتر ونطقت بحرقه : انت يظهر نسيت جنه ماتت ودفنها
هشام رفع عيونه بضيق: ولو كانت عايشه مش لازم ندور عليها ,,ونتأكد مش هي زي اختك برضو
ناره: معني كدا انك مصمم تشغلها معانا
هشام: انتي رايك ايه؟!
ناره بغيره: رائ ان فيه مصممين افضل منها زي ما انت شايف بتفصل لحاره شعبيه ومعهاش
لاينجويتش
هشام: هشغلها تحت التمرين وياريت تسبيني لان عندي شغل
…………قصص منه محمد كاتب……………
ناره بصوت فيه رعشة بسيطة: هشام بدء يشك ان جنه عايشه مش ميته , ومصمم يشغلها معانا,,هنعمل ايه لو جنه رجعتلها الذاكره ,وهو ع الحال ده,, ده لسه مجنون بحبها هنعمل ايه يا امي؟!
هاله: اتماسكي وكويس ان هشام لوحده الي بيفكر بالطريقه دي,, ايه الي مخوفك وقلقك , ولو زي ما بتقولي هترجع جنه الميته للحياه تاني ,,مفكره ان ده ممكن يحصل ولا نسيبه حتي يحصل
ناره: بقولك جنه موجوده بس فاقده الذاكره
هاله: وافرضي عايشه لازم تكوني مبسوطه هي واحده من العايله
ناره: ولو رجعتلها الذاكره الكل هيعرف ان انا الي خبطها بالعربيه
هاله: مين يثبت انك انتي الي خبطيها بالعربيه هي نفسها بتقولي مشفتكيش يوميها
ناره: ايوه بس مخلص عارف
هاله بسم الافاعي : بعد الحادثه مخلص خبي جنه عننا لمده اربع سنين ‘معتقده بعد ده كله اي كلمه هيقولها حد عاقل هيصدقه ,بلاش تركزي تفكيرك الا في امر واحد تتجوزي هشام في اسرع وقت وتخلفي عيل منه كمان ده’ بس تركزي عليه عشان تملكيه ,, بكره عيد ميلاده مش كدا
ناره: ايوه هيتم خمسه وعشرين سنه
هاله: خلاص نعمله حفله وتعزميه هو وامه لازم تعرف انك بتعشقي ابنها ,,ناره انا راهنت بكل حاجه عليكي لو قدرتي تاخدي كل حاجه لازم تزيحي اي شخص من طريقك بقلمي منه محمد حتي لو كان ابنك مفيش استثناء في الامر ده ابدآآ واياك تخيبي املي فيكي
ناره هديت وبدئت تتماسك : هنفذ كل كلامك بالحرف الواحد
هاله مبتسمه في خبث ملعون: انتي كدا بنت بطني فعلا
…..قصص منه محمد كاتب……….
جنه راحت المول وبدئت تاخد فكره وترسم بعض التصاميم عشان تقدر تفهم الاذواق للمجتمع المخملي ومسكت كام موديل وبدئت تفر فيهم بأعجاب وتفتح السوست وهكذا
العامله: حضرتك بتدوري عن استيل معين؟!
جنه: ممكن اجرب البلوزه دي
العامله جبتلها مقاسها وجنه طلبت كذا موديل ودخلت غرفه القياس وأأعدت علارض ترسم وغابت
العامله خبطت: يا آنسه خلصتي
جنه: ايوه خارجه حالا
جنه شويه وخرجت لامه كل الهدوم ع دراعتها وراحت حطتهم للعامله
جنه بعتذار: اسفه بجد لاني جربت هدوم كتير
العامله ببتسامه: ولا يهمك ممكن اجبلك موديلات احدث تشوفيهم
جنه: لاء مفيش داعي هشتري بعدين
العامله: بس كل الي قستيه حسابه اندفع
جنه: ومين الي دفع
العامله شاورت لها: مستر هشام وهو واقف منتظرك هناك؟!
جنه ميلت بدماغها وشافته اتكت ع اسنانها بغل وراحت لامه كل الهدوم وحطتهم جوه بعضهم , وراحت عشان تتخانق معاه لقته بيفر في رف الجزم الحريمي وده زود نرفزتها اكتر لما لف وشاورلها بموديل بصتله بحقد وراحت رمت كل الملابس عليه
جنه بنفعال: انا مش من النوعيه الي بتأثر عليها اساليبك العقيمه ,ياريت تفكر بطريقه افضل
هشام قام وحدف كل الهدوم ع صدرها بزقه: لو دول مش كفايه ممكن تختاري اكتر
هشام شد كذا شنطه وحطهم فوق الهدوم وبيزق فيها بيهم: دي حلوه جدا ودي ودي ودي
جنه مبقتش شايفاه من الارتفاع: انا بيجيلي حساسيه لما بلبس هدوم غاليه
هشام ابتسم وشال شنطه عشان يقدر يشوفها وقالها: وانتي كنتي هتلبسيهم انا بشتريهم كعينه للتصاميم الجديده
جنه حست انها مصدومه وهو حدف الشنطه في وشها بطريقه تنرفز لدرجه جنه صرخت لانه بيتعامل معاها ع انها واحد صاحبه مش معامله بنت ابدا واتعصبت وبتجري وراه والحاجه وقعت منها لمتهم مع العامله في اكياس وخرجت لقته واقف وساند ضهره ع جسم العربيه قرب عليها يشيل منها الكياس رفضت هرش في دماغه ومد ايده يشدهم عافيه
جنه رجعت الكياس لوري برفض: انا هشلهم
هشام حب يعصبها او بمعني اوضح يعاقبها ضغط ع الاتومتك وفتح العربيه : اوكيه اشوفك في المكتب
جنه خبطت ع الشباك وهو نزله وسألها: عايزه ايه انتي كنتي هتركبي العربيه
جنه بكبرياء: لاء
هشام: كدا طب احترسي الهدوم غاليه
جنه اتنرفزت وضربت الارض برجولها: استني انت بجد هتسبني
هشام طلع بالعربيه وطلع ايده من الشباك وشاورلها باي
………..قصص منه محمد كاتب…………….
جنه رجعت من المول بالاكياس وحطتهم علارض واتصلت بمخلص
مخلص: الو ايوه ياجنات
جنه: عمرو انت بتعمل ايه؟
مخلص ابتسم : ابدا بريح وقلت اكل لقمه وارجع اكمل اللوحه
جنه: وبتاكل كالعاده فطيره وبتشرب عصير تفاح مش كدا
مخلص : لاء اطلاقا ،وبعدين هو انتي بترقبيني الايام دي ولا ايه؟؟!!
جنه: اصل نفسك كانت مسدوده في الفتره الاخيره ‘وعملتلك مكرونه بشاميل عشان صحتك ترجع زي الاول بلاش اكل هفئ وبعدين انا مش منبهه عليك كذا مره بلاش عصير العلب ده عشان انت عندك حساسيه ‘وبترفض تشرب عصير فرش في البيت
مخلص: اسف ياجنات حقك عليا ,,بس انتي عارفه لو معدتي فضلت فاضيه مش بعرف اركز ,وع العموم انتي نجحتي تخوفيني وشكلك بترقبيني وحاطه عليا زوم من مكان ,, بس وعد هاكل كويس ومش هشرب عصير معلب مبسوطه كدا
جنه: خلص اكلك حالا وارجع بدري
مخلص بقلق: ليه حصلت حاجه
جنه: لو كنت متشوق تعرف ارجع بدري ,وانا لازم اقفل وانت اشتغل بجد مش تقعد تلعب بالالوان مفهوم
هشام حط ايده ع كتفها خضها وقال: صاحبك
جنه كشرت فيه وبتتحرك تمشي
هشام وقف قدامها: انا فضولي زي اي انسان بس معنديش صبر طويل بتحبيه
جنه بعناد : اه بحبه
هشام عوج شفايفه بشمئزاز: بتحبي النوع ده من الرجاله
جنه بصتله بغيظ : انت تسمع بقي
هشام قطعها: اليوم الساعه ثلاثه عايزك ترسملي كذا تصميم جديد للازياء ( هشام نط من فوق الاكياس)
جنه بصوت عالي: استني هنا
هشام لف بضهره ورفع ايده بعلامه ثلاثه ولف ابتسملها ومشي
…………قصص منه محمد كاتب………..
جنه دخلت مكتبه الساعه ثلاثه وأأعدت تصمم كذا تصميم وهو جه ع المعاد المحدد ودخل مشمر كمام قميصه الاسود لفوق , واعد قدامها وهي مندمجه في الرسم اتغاظ وشد الورق يفر فيهم وبين الرسمه والثانيه يتأملها وعيونه رغرغت بالدموع , وحس انه عايز يعيط من كتر القهره الي جواه شعور صعب تكون بتعشق بنت وتتغير عليك باسلوبها وبكلامها حتي بمعاملتها معاك وكأنك غريب عنها,وانت مش فاهم ليه ,, بجد احساس صعب ان البنت الي بتحبها وقلبك متعلق بيها فجأه تلاقي نفسك غريب عنها ومش من حقك حتي تسلم عليها
ناره عرفت انهم سوي في المكتب دخلت بكل غضبها
جميل وقف قدامها: ممنوع تدخلي
ناره: عندي حاجه لازم اقولهاله
جميل: طلب مني مخليش اي حد يدخل عنده اي ان كان السبب
ناره بنرفزه:وهو انا اي حد
جميل: اسف ممنوع
ناره سابته شايطه ونزلت راحت لمخلص الي واقف ع السقاله هزته بيها بعصبيه
ناره بندفاع وشر : ليه لسه شغال هنا، مش قولت لك تمشي تسافر بيها في اي داهيه
مخلص: غوري امشي
ناره: انت عارف جنه فين دلوقت هي مع هشام وانت بترسم هنا
مخلص وشه اتاخد واتخطف : انتي بتقولي ايه
ناره: جابها هشام الشركه بنفسه ،وعينها مصممه ازياء ويظهر انت مش عارف
مخلص: انتي متأكده
نار: ازاي مش متاكده وانا الي كاتبه قرار تعينها انزل اتأكد من كلامي ,هشام مع جنته حبيته ولوحدهم
مخلص قلع الكاب ونزل بسرعه زي المجنون وبيسألها: وهما فين دلوقت؟
ناره بغضب: هو انت حمار بقولك مع هشام
مخلص صرخ فيها بحقد: لمي لسانك ‘يعني قاعدين فين؟!
ناره: فوق في المكتب
……
اما جنه مندمجه بالرسم ومش حاسه بالي هيموت ويعرف سرها لحد ما هي رفعت عيونها عليه وبصتله وكسرت عيونها عنه بسرعه ,,هشام اتخنق وقام شد الستاره والنور ضرب في عينها
هشام : يله هنخرج
جنه: انا لسه مخلصتش
هشام بص في ساعته: الساعه دلوقت اربعه
جنه: اظن عارف من الاول انه مستحيل انهي تصاميم في ساعه
هشام : غريبه اظن انتي كلفتيني بمهمه رخمه وتقيله
جنه ضمت حواجبها: انا
هشام ملامحه اتغيرت وبصوت عالي:ايوه لما القي بصعوبه البنت الي اتمنيت اشوفها بعد اربع سنين تفتكري بعد ما لقتها هقدر اتخلي عنها
جنه ببرود: انا هخلص التصاميم ع نهايه اليوم
هشام وشه اتحول لغيظ وشد منها الرسومات وقطعهم كذا حته وهي جن جنونها
جنه قامت بنفعال : ايه الي عملته ده
هشام مسك شنطتها وحدفها في حضنها: ميهمنيش حاليا الا امر واحد وبس
جنه بصتله وهو رفع الجاكت ع كتفه ومسكها من معصم ايدها
جنه: لو مسبتش ايدي هيكون فيه جنازه
هشام بعدم اكترث شدها اجباري معاه لحد الاسانسير لحد ما مخلص لمحهم هو وناره بيركبوا العربيه وطلعوا يجروا وراهم زي المجانين
ناره بعصبيه وتعنيف: تقدر تقولي هنعمل ايه كل ده بسببك,, لو اتصرفت صح من الاول مكناش هنبقي في الخوف والقلق ده ,, ليه الامور وصلت للحد ده انت مش اخدتها اربع سنين ‘كنت بتعمل ايه ،وهي جنبك طول الفتره دي ليه متجوزتهاش عارف ليه لان انت بالنسبه لها ولا حاجه ولا حاجه ابدا
مخلص زقها ومشي ‘وهي اقسمت لتنتقم منها
……..
هشام مسك نفسه من الدموع بالعافيه: هنا حصلت كل حاجه في نفس المكان …كانت واقفه هنا وانا فوق الكوبري بشاورلها بايدي من هناك وهي واقفه هنا في نفس المكان ده كانت كلها شقاوه وحيويه …واحتمال مكنتش شايفه غيري عشان كدا وهي بتعدي السكه مشفتش العربيه وماتت بس انا مصدقتش وقولت اختفت فتره وهترجع وده الي كنت بصبر بيه نفسي ..لاني كنت هخسر عقلي وانا بفكر كل يوم فيها هي عايشه ,,عايشه وراجعه لحضني
جنه بصتله نظراته وهو بيتكلم عنها تبكي ..حزنه وجرحه المه من صوته وعنيه حتي نظراته ووقفته بتعبر عن كسره قلبه الي متتوصفش
هشام اخد نفس عميق وكمل : في يوم وزي ما تكون معجزه وحصلت ورجعت لي ..ونعشت قلبي المريض الي يأس من انه يتعافي من فراقها لانها لما اختفت اخدت نص قلبي نص عقلي نص روحي غيابها عني بقي فيه وجع مش بيترمم بس لما رجعت لي ردت لي روحي لما بس شوفتها قدامي
جنه : قصدك انا؟!
هشام برجاء: اليوم بس نفذي الي هطلبه منك ارجوكي
جنه ركبت لما فتحلها باب العربيه وموبيلها رن شده منها وبحركه سحريه الموبيل اختفي من ايده واتك ع الكاست
هشام ظهر صوته: جنه اندهشتي لاني جوه اوضتك وطول ما الكاست شغال هشام عيونه بتصرخ بشبح دموع وهي بتسمع وفيه حاجه جواها كبيره لكن مبهمه
هشام اتكلم: مكنش عندي الشجاعه اقولك اني بحبك وانتي قدامي كنت هعمل ايه لو اتريقتي عليا بس جنه قدرت تقولها في وشي انا بحبك ياهشام
جنه: اظاهر كنت شجاعه قصدي جنه
هشام: ايوه ع الاقل كانت شجاعه اكتر مني ايه هو الحب في رايك تحبي اقولك
هشام نزل من العربيه وهي معاه وجاب الضربه المرتده وحدفها وهي انبسطت بشكلها وهي بتطير في الجو وترجعله تاني
هشام مدهالها: حاولي تحدفيها انتي المره دي
جنه مسكتها منه وهو وقف وراها ومسك ايدها: احدفيها في الاتجاه ده درجه الريح 45 وحاولي بسرعه القطيها
جنه حدفتها وجريت لقطتها بس وقعت وهي بتضحك بسعاده وهو شدها واخدها يعلمهالها تاني وهي مبسوطه معاه جدا لما لقطوها سوي
هشام: انتي تمام
جنه: ايوه ومسكتها
هشام اتأمل ضحكتها: نفس جنه ما كانت بتضحكلي ( قام وقف ومد لها ايده)
جنه بدون تردد حطت ايدها في ايده وقامت وقفت قصاده وعيونهم بتحكي حاجه ,لحد ما جنه اتحرجت وسحبت ايدها من ايده واخدها ودخل بيها البيت الي ع الشاطئ
