رواية بينا معاد الفصل الثالث عشر
جنه وهي طالعه معاه السلم: عارف المكان ده جيته مره مع عمرو ,بصراحه الفضول اخدني وقتها وكان نفسي اشوف الانسان الي عايش في الجنه دي ومحتكرها لوحده
هشام بصلها ومبقاش حرفيا فاهم هي فعلا جنه ولا مش جنه ‘وبتستعبط وتمثل عليه ‘اتنهد وفتحلها الباب ودخلها غرفه فيها اربع عرايس مرصوصه لبنت وولد وراجل وست ولابسين ملابس شتوية ‘بس كلها تراب جنه مسكت البنت ونفضت الغبار من عليها وقالتله: ليه هدومها قديمه ومتهلهله كدا
هشام تون صوته اتغير: لان هدومها متغيرتش من اربع سنين ،بعد ما اختفت جنه الي كانت بتهتم بيهم وتلبسهم ازياء ع حسب الفصول ،وفضلوا مكانهم زي ما سابتهم حياتهم واقفه زي بالظبط بعدما فقدوها
جنه مدت ايدها ومسكت الولد الي هو هشام وحطته جنب جنه البنت وهشام اتحسر وخرج وشغل اغنيه عمرو دياب بينا معاد
هشام :بتحبي تسمعي عمرو دياب
جنه: يعني ساعات
هشام ابتسم :طب عارفه ان انا ساحر ،ووممكن اقريء عليكي تعويذه واخليكي تحبيه زي زمان تعالي قربي مني
جنه بدون شعور قربت وأأعدت جنبه وهو مسك ايدها وبدء يعزف لحن الاغنيه لانها كانت بتعشقها بس بطريقته هو وبدء يغني اورق الشجر علي الأرض مترمي
الساعة ١٢ شارع فاضي وأنتي مش جنبي…أوقات بفكر إن كل دا كان ذنبي….الوقت ميصلحش اللي اتكسر في قلبي…..بس تمام ….أنا تمام وأنتي كمان وإحنا هنروح من بعض فين٠٠٠٠عايزة اللي يدلك عالمكان (بس تمام) أهو دا اللي كان أنا شاب جان ورومانسي ومان٠٠٠٠٠٠٠بس مش بنام من كتر التفكير …وأنتي معاه كنت ببني بيت، أنتي مشيتي ليه، إحنا كنا إيه؟
زي عمرو دياب كان بيننا معاد وأنا كملت معاه
هشام طول كلمات الاغنيه عيونه بتحكي حبه واشتياقه ليها وقالها برجاء: ممكن احضنك
جنه بصتلو وسكتت ورجعت لوري بجسمها وهو متحملش وضمها زي ما بيضم بيبي بكل رقه وحنان واحتواء وسالت دموعه وهي استكانت جوه حضنه لدرجه دموعها نزلت وهي مش عارفه السبب ‘فضل هشام يضم ويحضن فيها ويدفن نفسها فيها ‘والغريب انها مش عايزه تخرج برا الحضن ده ابدآآ ‘لكن غصب عنها قاومت وسابته وطلعت تجري ع برا ،وبتفتح الباب لقت ابوها بينادي بأسمها
مراد بذهول: جنه انتي جنه
جنه: انا مش جنه انا اسمي جنات انتم ليه مصممين اني هي
مراد اخدها لجوه وأأعدها: يعني انتي اسمك جنات
جنه: ايوه جنات عبد الهادي
مراد: عندك كام سنه
جنه: تسعتاشر سنه وهبدء العشرين
مراد : ده نفس عمرها بالظبط .،وفين ابوكي وامك
جنه :ماتوا بسبب حريقه حصلت في شقتنا
مراد: انا اسف لاني فكرتك
جنه: متقولش كدا انا اصلا مش بنسي
مراد: ممكن امسك ايدك يا بنتي
جنه بدون تفكير حتي مدتلو ايدها وهو مسكهم بين ايديه وانهار يعيط بصوت عالي زي الطفل الصغير وجنه نزلت دموعها
مراد :تسمح لي المس وشك
جنه هزت له دماغها تحت وفوق ونزلت سيول دموع من عيونها الجميله ومراد مد ايده ومسك وشها بين ايديه ،وبكاء اكتر بهستريا وهي بكت بصوت وشهقات ع انهياره وهشام واقف زي لوح الثلج الي اتجمد وقرب ينصهر
…………قصص منه محمد كاتب………..
فوق السطوح
آيه:ياعم كفايه دخان صدري وجعني هي جنات اتاخرت كدا ليه بس؟!
مخلص بزهق: آيه ممكن تسبيني لوحدي
آيه قامت: طيب انا اصلا اتأخرت ،وشبشب امي هيزغرت ع قفايا
مخلص قام وقعد ع حرف السور لحد ما لمح عربيه هشام داخله الحاره نزل بسرعه يتفرج عليهم!!
هشام نزل منها بشياكه: شكرا ع اليوم
جنه : اشوفك بكره في المكتب
هشام قلدها: لازم اشوفك بكره عشان التصاميم
جنه دخلت البيت وهشام انتظرها لحد ما دخلت وبعدها ركب واتحرك ومخلص رجع قعد تاني ع حرف السور
عبده جاي من ع الكوبري هيص بمرح: انت ياواد ياغبي يالي اسمك عمرو ،انت قاعد ترحب بيا
مخلص صفر : وصل اجمل اب في العالم كله بابا انا اسف مش هفتحلك الباب روح ناملك في مطرح تاني غير هنا
عبده: اشمعني
مخلص بقهر: اصل فيه موضوع مهم عايز اقوله لجنه
عبده بفضول: هتقولها ايه؟؟!
مخلص شوحله بأيده: امشي يله امشي
عبده: ممكن اعلمك حاجه تقرب بين الراجل والست ,ويبقي مفيش داعي للكلام ابدآآ
مخلص: بقولك امشي يله امشي
ابوه لف وخبط وطلعله: انت جرالك ايه ؟مالك ؟ انت مفكر هتقدر تحل المشاكل بنفسك وطبعا لو سبتك هتتصرف بغباء يودينا في ستين داهيه عارف مين هو اغبي راجل في العالم الي يسلم قلبه لواحده ست فيه ام تسيب ولادها في الفقر وتهرب وانت مقهور اوي ان جنه سابت البيت ليوم واحد
مخلص ضحك وضرب دماغه في كتف ابوه
عبده زق دماغه: مش عارف بتعمل ليه كدا في نفسك
مخلص: انا كمان مبقتش عارف ،بس مش قادر ابعد
عبده: انت الي غاوي تزعج نفسك ,,برغم عارف انها اول ما ترجعلها دماغها هدوس عليك ومش بعيد تبلغ عنك وعني
مخلص: عارف كل ده ,,بس مش قادر اتخلص من مشاعري ,,غير بحاجه واحده وهي الموت
………..قصص منه محمد كاتب…………
جنه قاعد في غرفتها بتفكر في هشام ليه لما ضمها فيه حاجه جواها بتقول ان الشخص ده يعرفها وفعلا بيحبها وحتي لما قابلت مراد حست بحنين ناحيته وكأنها عاطفه الابوه وبقت حرفيا تايهه بين الحقيقه والخيال والواقع لحد ما دخل مخلص وبعزم قوته كسر تمثال وحدف نفسه ع اللوح يبكي
جنه خرجت ورقربت عليه: عمرو قوم
مخلص قام وشدها عليه وقطعلها البلوزه
جنه بتدفعه عنها: عمرو انت بتعمل ايه انت اتجننت
مخلص: انتي تسلمي وانتي ساكته
جنه: لاء متعملش فيا كدا لاء
مخلص زعق : انا شوفتك مع الحقير وبسببك هتجنن , بسببك انتي
جنه: عمرو انا بجد آسفه لاني خليتك تحس الاحساس ده بس لو عايزني
مخلص ضمها: جنات انا اسف حقك عليا، انا اندفعت وغلطت لاني خفت تروحي مني كنت خايف اوي ومحستش بنفسي سامحيني
جنه: عمرو الي تطلب منك تسامحها هو انا ,انا بحبك بس غصب عني قلبي بيفكر في هشام ،وبيوجعني عارفه انه مينفعش افكر فيه بس بدون شعور بفكر، وقلبي مش بيسمع كلامي وبيعند وبيفكر فيه، في الاول فكرته بيلعب بيا وبيتسلي, بس حركاته كلامه نظراته بتقول فيه حاجه انا معرفهاش عن نفسي ولازم اعرفها ده حقي
مخلص: كله كدب الي عايزه تعرفيه ده مش ماضيكي، ده لواحده تانيه عشان كدا لازم نسيب البلد ونمشي ,كنا مبسوطين قبل البني ادم ده ما يظهر، احنا نسافر اي بلد ونبدء من اول وجديد في مكان تاني
جنه مسحت دموعها بعنف ورفض: لاء
مخلص وشه اتغير واندهش : لاء
جنه: ايوه هنمشي بعد ما تخلص اللوحه وبعدها هستقيل من شغلي، انا نفسي اعرف الماضي لكن لو هيؤذيك هتخلي عنه كله،عشان اثبتلك اني بحبك اكتر من نفسي
مخلص دار وشه عنها ونزلت دموعه بدون صوت لانه بيسرقها لتاني مره
………….قصص منه محمد كاتب…………….
في الشركه
آيه وقفت في الطرقه بين المكاتب: جنات انتي عارفه الساعه بقت كام, ليه مجتيش لحد دلوقت؟!
جنه: مش جايه تاني هستقيل
آيه زعقت: نعم قولتي ايه تستقيلي انتي بتعملي كدا عشان عمرو مش كدا
جنه: لاء بس عندي ظروف تمنعني ،هقولك عليها لما اشوفك
آيه: حرام عليكي ،فيه حد عاقل يضيع فرصه زي دي ,, اسمعي لو مش عايزاني اتشل واموت تحضري هنا حالا
جنه: آيه قلتلك الي فيها
آيه: والله لو ماجيتي اعتبري آيه ماتت ودفنتيها يااما تقنعي عمرو ، او تجمعي الشرط الجزائي عشان نفسح العقد
جنه: آيه
آيه قفلت الخط في وشها وداخله لقت هشام واقف وسامع كل المكالمه هزت له دماغها بالتحيه ودخلت لشغلها وهشام جاله اتصال ان والدته عايزاه يروحلها مكتبها اتحرك وخبط ع الباب
هشام سألها بفضول: نعم كنت عاوزني
داليا مبتسمه: طب تعال أأعد الاول
هشام ببتسامه طالعه بالعافيه : عندي اجتماع مغلق بعد عشر دقايق
داليا: تمام هبلغك بالامور المهمه النهارده هنتعشا في بيت عمك مراد
هشام: عندي اجتماع
داليا: الغيه وهما هيقدروه لان النهارده عيد ميلادك ‘عشان كدا هنحتفل بيه ومتحاولش تعتذر او حتي تتأخر وفيه حاجه كمان عايزه اقولك لو ناوي تخطب ناره ‘لازم تزورهم وتطلبها من عمك وامها رسمي وفيه سفريه لـ اروبا بدايه السنه الجديده اتغير ميعادها وهتبقي ع نهايه الشهر الجديد ‘ويمكن سفريتك فيها تطول عشان كدا انا راي نعلن خطوبتكم قبلها
هشام بتكشيره: : امي انا بحب ارتب كل حاجه قبلها ودي خطوبتي يعني لازم نظام وترتيب,, وبعدين بتقولي اسافر يعني مش هبقي فاضي
ناره بمسكنه: مفيش فرق ممكن استني لحد ما يرجع
داليا: انا الي عايزه افرح بيكم هشام تقدر تخرج دلوقت
هشام خرج وقفل الباب وراه وحاسس ان فيه شئ كاتم ع انفاسه والالم بيوجعه لدرجه حاسس انه خلاص بيموت
………..
جنه خارجه وعازمه تقدم استقالتها لقت جميل واقف قدام البيت بالعربيه اندهشت
جميل ببتسامه: الريس منتظرك
جنه: انا كنت اصلا ريحاله
جنه ركبت العربيه وجميل وصلها الشركه لكن في مكان معزول وفتحلها الباب وهي دخلت بخطواتها لحد جوه بس المكان ضلمه وخصوصا لما الباب اتفقل ومبقتش شايفه اي حاجه لحد ما هشام فتح ستاره وظهر من وراها
جنه: انا جيت عشان عندي امر لازم ابلغهولك,, انا مش هقدر التزم بالعقد وهدفعلك الشرط الجزائي ع دفعات ,,يعني ع اد امكانياتي بس وعد هدفعهم
هشام ابتسم وقام ومقرب عليها …وحط ايده الاتنين ع كتافها و حركها أأعدها ع الكرسي الي وراها ….وهو بيحاول انه مينفعلش عليها لانه جاب اخره من الي بتعمله ….واخد نفس عميق وراح أأعد ع الكرسي الي قدامها وشبك ايده في بعض واتأمل كل تفاصلها الي بتخطفه وهي بصتله بتمعن، لحد ما اخد شمعه وغرزها في التورته الي قدامهم
هشام: متقعديش تتفرجي وبس ساعديني اليوم عيد ميلادي
جنه مدت ايدها واخدت منه الشمع وبدئت تحط ايدها مع ايده لحد ما ناولها عود كبريت وولعت معاه الشموع
هشام بصلها ونزل عيونه واتنهد بعمق : متمشيش لحد ما اطفي الشمع لانه عيد ميلادي
جنه بصتلو شويه وهو بطريقته السحريه ولع من الكبريت صاروخ وهي اتفاجئت
هشام بصوت جاد: اعتقدت انك هتبتسمي خدي جربي
جنه: هو عيد ميلادك انت ‘انا ليه اولع
هشام لم ايده بقهر: فيه حاجات كتير كنت ناوي اعملها معاها ,حبيت اعلمها كل حاجه بتحلم بيها وتخيلت لما اظهر ده قدامها يعجبها, بس هي مصممه متكونش معايا ولا جنبي ،عشان احقق معاها احلامي واحلامها زي ما رسمنا من طفولتنا لدرجه جمعتلها كل حاجه في قلبي لدرجه بقوا تقال عليه وبقي يألمني اوي
اثناء كلامهم موبيل جنه رن وهو معاه وشاف اسم عمرو بصلها ووشه مكشر ومدلها الموبيل وحطه قدامها علي التربيزه وقالها :خدي شكله قلقانه ع صاحبته كلميه
جنه اخدته منه واغلقته خالص وهشام اندهش من تصرفها
هشام اتنهد: كدا نطفي الشمع اطفيه معايا
الاتنين قربوا ونفخوا في الشمع وهشام اتمني في اللحظه دي يقرب ويقطف حلاوه شفايفها في بوسه يبث فيها كل حبه وشوقه ورغبته فيها ‘وبدء يمسك وشها بين ايديه وقرب يدفن شفايفها بين شفايفه هي منعته ونزلت دموعها ع ايده
هشام اتكلم بين شفايفها: جنتي
جنه قامت بسرعه : لازم امشي
هشام وشه اتحول للغضب ومسكها حدفها ع الكنبه الجلد وبدء ينهار: من اللحظه الي شوفتك فيها فكرتك انك جنه’ والانطباع ده متغيرش ( قلب التربيزه بكل الي عليها ) ابان قدامك واحد مجنون مش كدا, منا فعلا قربت اتجنن ومش عايز اعيش الحياه دي ” لان العيشه من غير الانسانه الي بحبها متفرفش كثير عن الموت ( مسكها من كتافها يهزها وصرخ فيها بعصبية ) قوليلي اعمل ايه تاني ,, اعمل ايه قولي اي حاجه لو عملتي ذنب وخايفه انا هسامحك وهغفرهولك لاني بحبك والحب تسامح واي ان كان الي عملتيه ورعبك ومخليكي تنتحلي شخصيه مش بتاعتك ولا شبهك ( مسح علي شعرها برفق) قولي لهشام ابن عمك وحبيبك الي هيسامحك ويقف جنبك ،مهما كان بس ابوس ايدك اتكلمي ،عشان ع الاقل افهم
جنه بكت وحاسه ان صوتها مش طالع : مفيش حاجه انا خايفه منها ,,ومعرفش مين هي جنه الي انت بتتكلم عنها
هشام مسح دموعه بسرعه وقال: فيه ناس مستنياكي ,هتيجي معايا البيت لبيت جنه وتشوفي المكان الي عشتي فيه ,,خلينا نعمل كدا يمكن ده يطمنك ان مفيش حد في الدنيا ممكن يؤذيكي خصوصا وانا معاكي
جنه : ولو اتأكدت انه مش بيتي’ هتسبني في حالي
هشام كأنها بتسحب من روحه الاكسجين ،وبلع ريقه من الضيق ومردش
جنه :اظن ده الشئ الوحيد الي ممكن اعملهولك
…..
في العربيه
جنه موبيلها رن: ايوه ياعمرو
مخلص: جنات انتي فين رجعت البيت ملقتكيش روحتي فين؟!
جنه بصت لهشام: انا رايحه مع مستر هشام لبيت جنه
مخلص بنرفزه: ليه مقولتليش قبل ما تتصرفي من دماغك
جنه: انا آسفه لاني خلفت وعدي معاك ‘بس دي المره الاخيره ‘ارجوك قدر الموقف
مخلص: لازم تقابليني الاول ‘لازم اشوفك ‘انتي فين دلوقت؟!
جنه: مش عارفه بالظبط
هشام اخد منها الموبيل ورد عليه: انا هشام صاحب مجموعه الحناوي جروب ‘ومتقلقش ع جنات مره تانيه
مخلص بصوت جامد: اديني جنات
هشام: احنا داخلين ع التجمع ‘تعال قابلنا هناك
استوب ومواجهه بين جنه وهاله وناره وداليا
