رواية عشكت جنوبية الفصل الثاني عشر بقلم نسرين الاسدي
هلو بنات هذا البارت طولته الجن وان شاء الله بس اخلص قصصي الفصحى راح يكون موعد التنزيل كل يوم
*
*
*
*
هنادي: دخلت وشفته واگف بنص الغرفة منطيني ضهره وحاط ايديه على خصره
بس سمع صوت الباب ألتفتلي وصاح عليه صوت گمزني: قفلي الباب وتقربي بسرعة
گلت وانه ارجف من الخوف: اسمعني ..انه ماسويت شيء ..وما حجيت مثل ما گلت ..انته ليش ضايج؟ !
صاح بصوت أعلى: گتلج قفلي الباب وتعاي
قفلته وادية ترجف ومشيت خطوتين ودمعن عيوني خفت منه حيل
وبدون ما يگول اي كلمة لزمني من اجتافي وصاح: لج اني شگلت البارحة ..مو گتلج لجفصين ..شلون تحرجيني هيج گدامهم؟ !
لج شلووون؟ !..انتي صدوك وحدة حيوانة ومتنطين مجال ..لأنج غبية
گلت وانه ابجي: والله ما سويت شيء والله
لزمني من شعري وطاح الحجاب صاح بيه: لج شلون تگولين عادي يزوج هذا كلام تگوله وحدة بعدها عروس؟ !
گلت: ليش مو هذا هو الصدگ انته تگدر تزوج اي وحدة لأن انه ماراح ابقى وياك راح أطلگني بس يجون اهلي
وماحس اله صفطني براشدي طيحني عالگاع ..
بچيت وگلت: لا تضربني ..انه ماكلت شي جذب صدك انته رح طلكني وارجع لهلي
عاط بيه: انجببببيي لجج حيوانه وتعليين صوتجج همينن
جانو سامر واسراء كاعدين بالصاله وسمعو عياط ليث من فوك وصوت شي وكع ونكسر
كالت اسراء : هذا ليث بس لا ضرب البنيه
سامر: لا مااعتقد؟ خل نروح نشوفه
صعدو ولگو لبنى وبنات خالته واكفات ويضحكن على هنادي شلون ضربها ليث كالت اسراء: لبونه حبيبتي اخذي البنات وروحي لغرفتج
لبنى: ليش ماما
اسراء: لبنى !
تأفأفت لبنى وكالت للبنات يلا امشنه
راحت ورادت اسراء دگ الباب وسمعت ليث عاط بصوت عالي: لججج حيوانه تسكتين لا انعل والديج
دگت الباب وكالت: ليييث ابنيي افتحح الباب بسرعه
ليث: ماكو شي ماما روحي رتاحيي
سامر: وليدي الامور متنحل بالضرب افتح الباب
زفر ليث وفتح الباب لاهله، سحبت هنادي شَالها من الارض وخلته على راسها وهي تناشغ
اسراء: ها ولك ليث ليش ضاربها
ليث : ليش الحيوان يفهم بطريقه غير الضرب؟ گليلياه واتصرف بيها وياها
سامر: ليث شو طالعه عينك موعيب تحجي على زوجتك هيج بس لأن غلطت غلط بسيط
اسراء: المفروض تگعد وياها وتگللها هلشي غلط وهلشي صح مو تضربها ، بعدها طفله وما صايرلها غير ايام وياك تريدها تتعلم على قوانينك كلها
سامر: هاي اني وامك صايرلنه 29 سنه مزوجين يوم سمعتني عطت عليها لو ضربتها كل مره نحل المشاكل بهدوء
ليث: وانت تمثل ماما بهاي ال..
قاطعته اسراء: ليث كافيي انت دتاخذ تصرفات عمك سلام العدوانية مع احترامي لأبوك
سامر: ولا يهمج حبيبتي كلامج صحيح سلام ميعرف يتصرف بطريقة غير الضرب ولهلسبب زوجته الأولى عافته ورا كم شهر من الزواج والثانية متحملته عالمود جهالها
ليث: بابا ارجوك اني مو مثل عمي اصلآ هو ميعرف شيء اسمه تفاهم
أسراء :وانت شنو هسة؟ !..ليش تعيط بالبنية وتضربها على مجرد غلطة صغيرة فهمها وگول لا تعودينها بعد وخلاص
ليث: ماشي راح انسى الموضوع بس هاي اخر فرصة اذا غلطت مثل هالغلطة مرة ثانية مراح اتساهل وياها
وهسة عن أذنكم لازم اطلع حتى ما تذكر الأحراج الي صارلي وأنعل والديها
هنادي: گعدت يم الحايط خليت ايدي على وجهي وبجيت اتذكرت اهلي ..لو جانوا موجودين جان ما خلوا يضربني
اجتلي امه لزمت ايدي وخذتني عالقنفة مسحت على وجهي وگالت: لتبجين حبيبتي هو هذا ليث من يعصب ينسى نفسه ..بس لتخافين اني وعمج ماراح نسمحله يأذيج
اتقدم عمو وگال: اي بنيتي هنودة لتضوجين وهذا ليث اني راح اعلمه بس خل يرجع راح اتوبة واشوف شلون يمد ايده عليج مرة ثانية
انه بجيت اقوة لأن حسيت بحنانهم وذكروني بأمي وابوي... مشتاقتلهم هواي
**
هيثم: مرت اربع تشهر وانه اشتغل ويه وائل وتعلمت السياقة صار راتب زين
وگدرنا نجمع مليونين بعد هواي بس اعتبرنا نفسنه اقتربنا والأستاذ وائل گال هو مستعد ينطينه المبلغ كدين
بس حاليآ عنده شغلة ابغداد راح يخلصها ويساعدنة بالفلوس
وراح ياخذني وياه هذا اكثر شيء فرحني بالموضوع لأن راح اشوف اختي هنودة شكد مشتاقلها
فهد: هيثم الأستاذ وائل ما بيها مجال ياخذني وياكم لأن انه هم مشتاق لهنودة واريد اشوفها
هيثم: جنت اتمنى اخذك وياي فهودي بس ما أگدر لأن احنة رايحين بشغل بس لا تخافون ماراح اتأخر بس يكمل الأستاذ شغلته راح ينطيني الفلوس واخذهن للحقير ليث واجيب اختي منه غصبآ عنه وعن الجابوه
قاسم: ان شاء الله ابني ..وترجع هنادي ونطمن عليها ويلتم شملنه
حياة وليلى: اي والله بابا احنة كلش مشتاقات الها ولسوالفها ..وجنة نتمنى تشوف شهايدنه واحنة ناجحات
سمية: ان شاء الله ماضل شيء ..كلها شوية ايام او شهر وترجع ..وانه جاي ادعي كل يوم الله يحميها ويوگف وياها بكل لحضة وكل خطوة
الكل: آمين
**
ليث: جاي اگلب بالأوراق وتذكرت اليوم الي ازوجتها بيه بعدني ممصدك مرت اربعة اشهر بهالسرعة
واعتقادي ان هذا التعلق بيها راح يختفي طلع غلط ولگيت نفسي احبها واتعلق بيها اكثر واليوم الي ما اشوفها بي احس نفسي ناقصني شيء مهم وگلبي يعطش عليها
وتذكرت احنة بعدنه ما عقدنه عقد محكمة لازم اخذها ونعقد لأن حسب جنسيتها باجر عيد ميلادها وراح تدخل السن القانوني وما احتاج وجود ابوها ويانه #ڪــڔٰا̍ڕ
كل عام وانتي بخير ياهنودة... لازم اجبيلها هدية
هنادي: مرت اربع تشهر وانه ما شايفة اهلي ولا اعرف اي خبر عنهم ..بس عرفت خلال هاي الفترة قرايب ليث كلهم جان عندة ثلث خالات وخال واحد وهو احمد
وعنده ثلث عمام وماعنده ولا عمة الجبير عمار عندة ثلث ولد والثاني هذا سلام الي يحجون عنه عنده بس ولد وبنية توم واعمارهم بعمر حياة وليلى والثالث عصام بعده ممزوج لأن مرتة ميتة من اربع سنين بس هو جان مزوجها على حب وضل عايش على ذكرياتها
البعض حبني والبعض ضاج مني مثل بنات خالاته ليگول گاتلتلهن واحد ولاره الي سمعت عنها تحب ليث ما اجت ولا مرة لأن مقهورة عليه ..ياريت خذته وريحتني منه
امه وابوه كلش حبوني وانه اتعودت عليهم وهو بعد ماضربني من ذيج المرة ويتعامل وياي بلطف بس انه ماجاي اتقبله
لبنى اخته هي اكثر وحدة من قرايبه تكرهني ومااعرف السبب بس ولا مرة سمعتني كلمة حلوة كلها تعيب
جنة گاعدين بليل بعد ما خلصنا العشى وردت اساعد ام وسام بالمطبخ بس ماقبلت هي مبينة تعبانة اليوم خطية بس خالتي ما ضغطت عليها وسعادتها بشوية شغلات
انه مرات اتعجب هذوله اهل ليث الحقير ولبنى لأن گلوبهم طيبة وأسلوبهم كلش حلو
دخل ليث وجان بيده علاگه مرتبة جنها مالت هداية
سلم وردينه عليه
تقدم وگال: هنادي تعاي وراي شوية
گمت ورحت ورا امشي على كيف شنو الي يريده مني وشعجب هالمرة يحجي على كيف وبدون صياح وأوامر ..سبحان مغير الأحوال
دخلت لگيته مخلي سترته على القنفه وگاعد عالجرباية
من شافني ابتسم وگال: تعاي هنودة گعدي يمي
مشيت واجيت اله گعدت وانه من داخلي خايفة لا يعصب عالمود شيء ماعرفه اصلآ
مد ايده ولزم ايدي وهنا رجف گلبي اكثر باوع لعيوني وگال: كل عام وانتي بخير
باوعتله مستغربة وگلت: بمناسبة شنو؟ !..قصدي العيد بعد عنه هواي
تنهد وخله ايده على گصته وباوعلي وگال: انتي اليمته راح تضلين غبية ها؟ !
لج مو اني اليوم مسويلج مفاجئة واريد اروايج رومانسية ..بس انتي وجهج مو مال رومانسية
نزلت عيوني وگلت: ليش هي الرومانسية بالغلط ؟!
خله ايده جوة وجهي ورفعه گال: لج باجر عيد ميلادج واني حبيت اعايدج واجيبلج هدية ..هاج يلا فتحيها
گلت: عيد ميلادي ..انه ناسيته
گال: بس اني ذكرته ..يلا شوفي شنو جبتلج من هدية
انطاني علبة مربعة لونها وردي وبيها شريط ابيض خذيته منه ..
گال وهو مبتسم: يلا فتحيها
فتحتها وطلع عقد ذهبي على شكل گلبين متلاگيات من فوگ ومفتوحات من جوة بيهن حرفين بالأنگليزي ماعرفت معناهن
ووياه محبس وحلقة وتراجي كلهن طقم واحد
گال: ها عجبنج ..خليني البسج اياهن
گلت: اي حلوات ..شكرآ
اتقرب مني باسني بخدي وگال: لا تشكريني هاي الهدية قليله ..بس راح اشتريلج غيرها ..وباجر هماتين عندي مفاجئة الج
خذه المدالية وأشرلي بيده حتى اتقرب عليه نزعني الحجاب فتح شعري وخلاه على صفحة وحدة وخله المدالية على رگبتي قفلها وباسني حسيت جسمي كزبر
وخذه التراجي ولبسنياهن قفل الأولى وباس رگبتي من يمها وسوة نفس الشيء بالثانية
باوع لعيوني ابتسم وخذه الحلقة والمحبس ولبسنياهن باس ادية وگال: اعرف متأخرات بس اعتبريهن النيشان مالتج
گام ومد ايده الي خليت ايدي بيده وخذاني يم المراية وگفني گدامها وصار وراي
وهمسلي: شوفي الذهب صدوك ميلوگ بس للذهب ترى هنه مو حلوات بس انتي الي حليتيهن
خجلت ونزلت راسي
مد ايديه على خصري من ورا وسحبني اله خله وجه برگبتي وشعري وشمهن
انه توترت وبلعت ريگي وحسيت جسمي كله ضل يرجف
صعد ايديه من بطني لصدري وانه لزمت ادية ردت انزلهن
همس بذاني: اششش ..خليني براحتي مشتاقلج
دارني اله عالسريع وشالني
انه خفت وجلبت بيه حيل ..گلت: ليث نزلني ..أخاف
ضحك وگال: لج تخافين شنو اني لازمج مراح توگعين فديت الخايفة اني ..وبوس شفايفي بكل قوته
وخذاني للجرباية نزلني عليها وگام نزع قميصه عالسريع واجه صار فوگي
وگال: اليوم راح ادللج لأن باجر عيد ميلادج هنودتي
**
ليث: گتلها اليوم راح افرها ابغداد وحتى تشوف الناس بس اني غايتي المحكمة الي حتى أهلي مگتلهم شيء عنها
لبست ملابسي وجهزت نفسي وگعدت انتضرها طلعت من الحمام لابسة اتراك گصير وراحت للكنتور حتى اطلع الها ملابس الطلعة
شفتها ضلت تگلب بيهن ومحتارة شنو تختار اكيد متعرف شنو الي راح يعجبني
اتقربت عليها وگلت: تحتاجين اساعدج بيهن
باوعت الي وگالت: انه مااعرف شلبس محتارة هذن الملابس گلهن ممجربتهن
طلعت الها قميص زيتوني طويل يوصل للركب وبنطلون جينز أسود وشال بلونهن وحتى الحذاء اختاريتلها واحد زيتوني رياضي
وگلت: لبسي هذا ..كولش حلو ومناسب للطلعة
خذتهن ورا شويه طلعت لابستهن بعدها لحد الأن تخجل تبدل يمي ..تضحك
ماخلت اي مكياج غير الكحل وهذا الي اريده محب احد يباوع عليها
گلت: يلا نروح
گالت: اي بس خل اطلع عبايتي
ألتفتلها وگلت: لا هنادي هاي الملابس اطلعين بيهن بدون عباية ..اصلآ اني بعد مريدج تلبسين عباية تعودي اطلعين هيج وياي
گالت: ما اگدر أطلع هيج حرام ..لازم البس عباتي اول
ضجت بس حاولت اسيطر على اعصابي وگلت: هنادي ..لا تضوجيني سوي الي أكولج عليه وبدون نقاش ..يلا تحركي
گالت: بس ..
صحت: هنادييي ..اطلعين لو شلون؟ !..ترديني اطلع خبالي عليج من الصبح اتحركي گدامي يلا ..لا اسوي شيء ميعجبج
شفتها رادت ادمع عيونها ..صحت: خربـ... لج تتحركين لو لا ..
مشت گدامي وهي خايفة وتريد تنفجر بأي لحضة واني نعلت ابليس ونزلت
**
هيثم: وصلنه لبغداد وانه كل تفكيري وية هنادي وشلون اگدر اتواصل وياها لو اندل عنوانها عرفني وائل على المكان الي راح يشتغل بيه
واجرلنه فندق انه وياه لأن وين مايروح ياخذني وما يتحرك بلياي
بس من نوصل للشركة هو يدخل وانه انتضره برة ومرات اذا الأجتماع يطول يگلي اروح اخذلي فرة لو اگعد بالمطعم القريب عليه على ما يطلع
دخلت لگيت كل طاولات البداية متروسة ما عده وحدة من ثلث كراسي ضاله گعدت بيها طلبت چاي وضليت اراقب الناس من ورة الجام
دخلن بنات ثلاثة سافرات وما محجبات صابغات شعرهن ومخليات مكياج انه استغفرت الله ودرت وجهي
شوية وسمعت صوت ابنية گالت: عفوآ عيني
ألتفتت ولگيتهن نفسهن
گلت: تفضلي اختي ..محتاجة شيء؟ !
ابتسمت وصاحباتها ضحكن ..گالت: لا سلامتك بس هاي الطاولة مالتنة بس احنة اتأخرنه شوية اليوم وهسة وصلنا ..ونريدها
گلت: زين اذا ممكن بس دقيقتين على ما يطلع مديري واروحله تشوفن مكان ثاني لأن ما اگدر اخلي الأستاذ ينتضر واذا رجعت ورة احتمال اتأخر عليه وما اشوفه من يطلع
گالت وحدة منهن: عادي لبنى خلينه نرجع ومن يطلع نجي هنه
ردت عليها: لا ..اني اريد هاي الطاولة ومراح اتنازل عنها ..انته الي لازم ترجع ..واني ما اتحرك منا روايني شراح تسوي؟ !
فتحت محفظتي طلعت افلوس الچاي خليتهن عالطاولة وگمت
گتلها: ما راح اسوي شيء ..انه اصلآ جنت طالع ..
تفضلن وآسف اذا زعجتجن
باوعت لبنى وبنات خالها ورا
گالت لوجين: طلع واحد مؤدب ..عدالي حيتعارك ويانه
ريتاج: يمكن طلع مديره وراحله ..انتي شرايج لبونة؟ !
گعدت لبنى وگالت: اي ..يمكن ..وأبالها صار عدها فضول تعرف هالشاب اكثر
**
هنادي: وعدني اليوم بطلعة يعرفني بيها على بغداد وانه فرحت بس ما حسبالي راح يجبرني اطلع بدون عباية وبنطرون هالشيء خلاني اضوج من الطلعة ومالي خلكها
بس جانت شوراع بغداد واجوائها كلش حلوة عجبتني
افترينه هواي بس كله بالسيارة ما نزلنه شفت ابو شعر البنات يفتر واشتهيتها كلش ..بس استحيت احجي
باوعلي هو وگال: شنو رايدة شيء ..احجي
گلت: لا ماريد
أبتسم وگال: تردين شعر بنات مو؟ !
سكتت وما جاوبته
وگف السيارة صاحله واشترا لي وحدة خلاها بيدي وگال: ترا عادي لتستحين ..من يعجبج شيء گليلي
هزيتله براسي
وبديت أكل شكد احب شعر البنات
شوية وحسيت السيارة وگفت
گال: سمعي احنة حننزل هنا بالمحكمة وانتي كل الي عليج تسوينة من يسألج القاضي تگولين نعم على كل الأسألة واضح
خفت وسألته: ليش احنة شنسوي جاين للمحكمة وليش يسألني القاضي؟ !
گال: لأن حنسوي عقد بالمحكمة منو يدري يمكن تصيرين حامل واحنة بعدنه ما عاقدين راح نواجه مشكلة لهلسبب لازم نتحذر صح؟ !
يلا تعاي نزلي وياي
گتله : واذا سوينه هالعقد شنو راح يتغير؟ !
لزمني من حنجي وگال :هواي اشياء تتغير عيني واهمها اني اريد نسافر وطبعآ مو قبل ما يكمل العقد حتى اسويلج جواز سفر
گلت مصدومة: جواز سفر ...ليش وين راح نروح
ابتسم وگال: راح تعرفين بعد العقد ..لزم ايدي وگال يلا ..خن ننزل
وهاي ألفين كلمة وبس اشوف تفاعل على هالبارت
وتكثر التصويتات والتعليقات راح انزل واحد ثاني باجر ونفس،هذا
