رواية عشك الشاهيين الفصل الثاني عشر بقلم مجهول
ماعرف شنو قصه ويه هل تليفون. صح كام يكعد ويه أهله. ويسولف يعني يصرف كدام الكل عادي.
واصلا ماله شغل بيه لايعصب لا. يسوي شي بس احس اكو شي
يعني كل ماشوفه بيده. فونه. ومرات يوزع ابتسامات حاولت اسوي روحي مامهتمه بس مو بيدي
مر الوقت ومرت الأيام.
وومابقه شي عل بدايه السنه الجديدة. وهل مره مستحيل اضيع عمري علمود أستاذ فهد وشكله
ضليت انتضر شوكت يرجع. بقيت كاعده لان حضرت الضهر. اول مرجع نام.
من دخل فات سبح ومثل عادته اخذ تليفونه وراح للبلكونه. وجكايره اني خليت روب على ملابسي وطلعت وراه جان يكول
فهد
وين طالعه اتخبلتي
مريم
راح اسد الضوه مال بلكونه اريد احجي وياك. لو تفوت جوه
فهد
ماشي طفي الضوه
رحت سيت الضوه حتى محد يشوفني صح البلكونة عل بستان ومحد يشوفني بس أستاذ فهد ميصرفله. كعدت كدامه وهو ملتهي بتليفونه كتله
مريم
فهد
فهد
ممم
مريم
انتبه الي مراح يطير تليفونك
فهد
معليج احجي اسمعج
مريم
السنه ارجع الدراسه
من كتله هيج رفع رأسه بسرعه وكال
فهد
لا.
مريم
هههه مو بكيفك. فهد مو من حقك تمنعني
فهد
ترى اني رجلج من حقي اسوي الي يعجبني
مريم
انته جاي تحاسبني على شنو فهد. ترى بالبدايه عفته كلت خلي احسسه انو دراستي مو اهم منه بس هسه فهد اعذرني مستحيل اعوفه
فهد
يعني صارت هسه اهم مني
مريم
اي اكيد. ليش منو انته حتى اقدمك على مستقبلي
فهد
ماشي. مريم ماشي. بس انطيني وقت اسوي شغله لان مستحيل اخليج ترجعين للجامعه وهذا .......
كال هيج وسكت شنو قصده. شيريد يسوي هذا اني مانقشت اهم شي عندي ارجع
وره كم يوم جان لازم اروح اشتري ملابس وهل سوالف. وماكو احد يطلعني. عاد كلت لصگر. جان يكول
صگر
اصلا اني جنت ادور اعذار. حتى اخليج اشوفين مرام وبما انو انتي تردين تشترين ملابس خلي انجهزلج من بغداد
مريم
يا بغداد صگر يمعود. منا نشتري
صگر
انجبي والله اله من بغداد
مريم
اي خطيه ميت عليه ابو السان
صگر
يعني ماعدج فضول شوفين الي راح تعيش وياج بنفس ألبيت
مريم
والله اهم شي عندي يا صگور انته وياها. سعيدين.
صگر
اوووف ربي شوكت تخلص هاي السنه وارح اخطبه
مريم
وليش ماتخطب هسه شنو الي مانعك
صگر
اخته الجبيرة. متقبل اله تتخرج
مريم
اهااا. هيه شنو منو وين عائلته
صگر
هيه ماعده احد اخوهه تاجر ودائما يسافر وأخته. هم ملتهيه بحوثه وهل سوالف.
مريم
يعني عائله مثقفه حلو
صگر
بس هم ملتزمه هوايه اخته ومشدده
مريم
ليش يعني شنو يلكون احسن منك شبيه اخته
صگر
ترى هيه اخته الهسه مشايفتني بس هيه رافضه فكره الحب. وهل امور تكول اختي ما تثق بالحب اتكول الي يحب من صدك يدك باب البيت
مريم
ومتفهمته انته باي لحضه تريد تخطبه
صگر
كتله بس تكول خلي اتخرج يله نسولف لان اذا عرفت هسه راح تحاربني حرب اخته كلش قافله بسوالف الحب
مريم
الله كريم ياعيني تهون
صگر
الله كريم هسه المهم باجر حضري روحج حتى نطلع. لبغداد
مريم
ماشي. اكل لفهد وأشوف.
صگر
خوش لعد
الصراحه عجبني أتعرف. عله البنيه. وهم اروح اغير جو احسن. من هل حبسه. الي عايشته
أني لو أضل. على فهد أعيش كل عمري بسجن وهو ولايمه كل عاده رجع توالي اليل كتله
مريم
فهد
فهد
هااااا
مريم
انته تعرف الدوام. قرب ولازم اجهز ملابس وهل سوالف.
فهد
المطلوب
مريم
صگر راح يروح لبغداد وكال اخذج وياي. مناك جهزي وهم يريد يعرفني عله هاي البنيه الي يريده
فهد
الله كريم
مريم
يعني اروح وياه لو شنو
فهد
اي عادي بس عدي كم شغله اخلصهن مو مال نروح باجر
مريم
ليش انته راح تروح ويانه
فهد
شنو عدج مشكله بروحتي
مريم
مو هذا قصدي
فهد
مومهم قصدج.
كاله وعافني وطلع هو جكايره
ثاني يوم كعدت الصبح هو نايم بعده معقوله صح هو اليوم جمعه بس هو حتى بالجمعه. ميبقى بالبيت. اني سبحت وبدلت وخليت مكياج خفيف مشطت شعري. وتعطرت ماعرف اليوم. احس روحي نشيطه وفرحانه. دك تليفوني رحت شفته هاي امي حجيت وياها كالت تعاي ساعدني خوالج جاين خطار يمنه اني باوعت فهد نايم. رحت كلت لعمتي وجدي. ورحت اتمشه اني قصص وروايات عراقية كرار صلاح وحسن ابن زهراء اختي..
قبل الغده بشويه. جنت بالمطبخ ارتب بالأكل. دخل محمد ابن خالي سلم عليه وضل واكف يسولف هو واخته بت خالي.
وماشًوف غير فهد فوك راسي. اشو هذا سلم عل ولد من وره خشمه.
خير شبي هذا بس لأرجع مثل قبل ويخزر بيه. شويه ومحمد صاحته امي وبت خالي دخلت جوه جان يكول
فهد
- ليش خفيفه الحمره جان طوختيه
- مريم
هااا
فهد
- انتي شلون طلعين وماتكليلي رجل كرسي بالبيت
مريم
- جنت نايم ببعدين كلت. لجدي وأمك
فهد
- منو رجلج اني لو امي وجدي
- مريم
فهد شبيك صوتك منا عالم احنه. مو بغرفتنه بعدين شدعواك. اشو اني يوميه اجي لاهلي متحجي شتغير اليوم
شاهين
- السلام عليكم
مريم
- وعليكم السلام هو شاهين شوكت اجيت
جنت احجي اني وهل ثور ودخل شاهين بس من كال شاهين
شاهين
- اكلج مريومه. هذا ابن خالج مو نفسه الي خطبح
اهنانه افتهمت شبي الاخ جاي هاد. كتله
مريم
- اي هو محمد
شاهين
- اهاااا بله لو قابله بيه مو احسن من هل ثور العندج.
اني بداخلي كلت اي والله ثور بس كلت لشاهين
مريم.
لا شيخ شاهين هذا الفهد يروحله فدوه الف واحد مثل محمد
شاهين
اصيله والله. وبنت أصول
مريم
ترباتك شيخ
ضل شاهين يضحك ويشاقه طبعًا شاهين شكد عصبي ومخيف بس ويه اهله. تعامله يجنن اني جنت اشتغل ومامنتبه لفهد من رفعت راسي لمحت ابتسامه عله وجهه بس بسرعه من شافني اباوعله كلب خلقته.
ياااا هذا شبي خرب حضي عباله ميته عليه. مصدك روحه اني لو صدك ماخذه ثور احسن من هل زواج
بعد ما خلص الغده. وصبيت الهم جاي ونضفت المطبخ طبعًا. فهد كل شويه جاي. للمطبخ وطالع لو بس اعرف شبي من كملت. دخل جان يكول
فهد
يله نروح للبيت
مريم
متروح لازمتك
فهد
امشي كدامي
مريم
ماكدر اكو بالبيت خطار وبس امي وحده
فهد
خابرت زهراء راح تحجي لتخافين.
مريم
انته شنو فلمك
فهد
بله خرابيط ويله للبيت
وره شويه صدكً اجتي زهراء وعلي وعمتي. واني رجعت ويه هل خبل للبيت اريد اشوف شيريد مني اشو هذا وصلني وسبح وطلع
ولتالي اليل يله اجه هم اخذ جكايره وتليفونه وللبلكونه
اني عفته مالي خلگه الصبح عل ريوك كال لصگر وره الضهر نطلع لبغداد. مريم تريد تجهز للكليه وسمعت تريد تروح هم
اشبي هذا غير يكلي قبل ميصرح. وره الغده صدك طلعنه لبغداد وصلنه متاخرين رحنه للبيت الي بغداد. عود ثاني يوم نطلع طبعًا اليل كله صگر. مكعدني احجي ويه حبيبته ونتفق باجر شنسوي وين انروح خاصه اخته راح تجي وياها يعني صگر لازم يختفي من الوجود.
دخلت للغرفه الساعه ١:٣٠ سمعت فهد يحجي تليفون.
وعرفت جاي يحجي ويه بنيه اكثر من مره اسمعه وأكثر من مره اشوف رساله
بس ساكته اريد اشوف شنو تاليه خلي اكمل تجهيز الكليه وهم ارجع للبيت وبما انو شاهين هنانه حتى احسم كلشي
ثاني يوم صدكً طلعت اني ومرام واخته. ناس راقين وحبابين كلنه لأخته اني صديقته من اهل البصره ومن هل سوالف واريد اجهز للدوام ومحتاجته بالبوكه شافه صگر.
ومن رجعت للبيت ورتبت غراضي. وخليته بالسياره لان ثاني يوم راجعين الصبح للبصره
ولازم. احط النقط عل
حروف
