رواية تحت ظل السعف الفصل الثاني عشر بقلم ميار
كُلشي أنتَ بالنسبه ألِي
شمس الفجر والكمر والماي
وُالغيمه ومادامنه احنه سوه
ضيمك وضيمي علي
مو كلمن وضيمه!
___♕___
ريام
بدينه نمتحن الاسئله حيل صعبه شكد جنت مسيطره
بس صار عندي اخطأء وخفت لا ما اجيب معدل وطول
ايام الإمتحانات فرات لو وسام ويودونه ويرجعونه هاي
الفتره كلها ما شفت جهاد ولا دزلي رساله غير قبل اول
امتحان دزلي بيد علاوي وجان مختصر بيها بس كاتب.
السلام عليكم بويا انتبهي لدراستج ولا تلتهين
نتشاوف بعد ما تخلصين امتحانات
سلامي جهاد
-بعد هاي الرساله گضيت وگتي كله بالدراسه ومرات
يجن مهى ومروى ندرس بالليل واليوم اخر امتحان
فرحانه وبنفس الوكت مشتاكه لجهاد ما اعرف ليلة
الي ما اشوفه اضوج بس اقنع روحي لان صديقي ولان
ابوي جان يحبه ومن الأشخاص الي اعرفهم من طفولتي
طلعت بعد ما كملت مراجعه وكفت بالباب اني وعمتي
تنصح بيه وتدعيلي شبكتها وحبيتها من راسها وطلعت
شفت مروى جايه بتجاهي وصلت يمي وظلينه نسولف
وننتظر مهى تجي هي وفرات شويه وشفته طلع من بيت اهله ومهى وراه صعدو السياره وصلو يمنه صعدنه ومشى
هاي الفتره الي يودينه بيها خلتني اعرف فرات شكد گلبه
بعده نظيف مثل گبل مثل ما عرفه ابوي ودائما صار يسألني
اذا محتاجه شي وصلنه ب8 طبينه گبل للقاعه كعدت ودفتر
الإمتحان بيدي سحبت نفس واسولف ويا روحي واشجع نفسي انت اخر امل عندي يااااارب اجاوب بسم الله يا الله
بديت امتحن وكل عاده الاسئله صعبه واحاول شكد ما اكدر اركز واجاوب فوك الساعه ونص امتحن راجعت دفتري وطلعت تعبانه تفكيرياً ونفسيا وجسدياً وكفت
بالباب واحط الاقلام بجيب صدريتي رفعت راسي صار جهاد
گبالي لا إرادياً الابتسامه انرسمت على وجهي اشرلي تعاي
دحكت يمين ويسار ماكو احد ركضت وكفت يمه هو هم مبتسم
جهاد:: هلا يابه هلا بالغايب علينه
ريام: ههههه هلاوو شلونك
-بخير اذا انتي بخير هاا بشرينه حمامه غراب
ريام:: لا الحمدلله ثلث ارباع الحمامه
جهاد:: هههههههه هاي شلون ولج يعني مو ذاك الجواب
-مدري والله الي كدرت عليه جاوبته عمي نعلو خيرنه
اسئله اصعب من حياتي والمدرس يحلف من داخل المنهج
واحلف عليه جذاب اكو اسئله ما شايفتها ولا اعرفها صعبه
جهاد:: اي عادي تعرفي عليها المهم شو صديقاتج ماكو
ريام:: مروى شفته وياي بنفس القاعه بس مهى بغير قاعه
ومروى اعتقد كملت هسه تطلع وشنو انت ترجعنه
جهاد:: اي يابه خابرني فرات عنده شغل واني كتله اجي
ارجعجن ديلا صعدي بين ما يطلعن البنات لا تظلين واكفه
ريام:: خاف اشتاگيتلي اعترف صار فوك عشر ايام ما شايفني
- اي والله الصدك الج وحشه يولي عگب هاي الفتره حسيت بفراكج يلا خلصنه نبقى نشوف تالي النتائج
ريام:؛ دخيلك بديتها بكلام حلو لا توترني من هسه
وشوف هذا اليومين ما اطلع لو مدري شيصير اريد انام
-نامي يابه نامي شعدنه غير ريام اهم شي راحتج
ريام:: ابتسمت صعدت بالسياره وهو ظل واكف منطيني
ظهره ومرتچي على السياره البنات طولن نص ساعة يلا
طلعت مروى ويا ما وصلتنه طلعت مهى اشرلها تجي
تصعد صعدن وهو هم صعد ومشى يسوق ويسأل باخته
على امتحانها وحتى مهى اسلوبه حلو وياهن حطيت
راسي على الجامه وغمضت تعبانه حتى دماغي تعب على
كثرة التفكير اريد معدل احصل بي اختصاص زين لان
ما عندي غير شهادتي اسلاحي الي لازم احرب بيها وگتي
فزيت على دگت الهورن رفعت راسي وصلنه القريه ويا
ما عبرنه شارع قريتنا وبينت بيوت عمامي انتبهت على بيت
الي كاعد بي حمدان بس شفته هو وفراس واكفين گلبي
انعصر خايفه منهم وره رمضان زواج حسين وخايفه منهم
لا يجبرون عمي محمد يزوجني لفراس دنكت اعصر اصابعي
عبرناهم ورفعت عيني بالمرايه شفت جهاد يدحك عليه وافتهمني وصلنا لباب بيتنه وكف السياره ونزلت ركض للبيت حتى ما تشكرته طبيت للبيت صار عمي بوجهي ما اعرف شبيه ليش خفت ذبيت روحي بحضنه وهو شبكني
ويمسح على راسي وخرني ويدحك عليه يريد يعرف شبيه
محمد:: هاا عيوني بويا ليش وجهج مخطوف اكو شي
-ابتسمت بوجهه لا عمو بس خلصت امتحان وهاي الفتره
ملتهيه عنكم ومشتاكتلكم وين عمو البنات وعمتي امنه
محمد:: ريام ابنيتي حتى لو ماكو شي بس اريدج تطمنين لو تنطبك السما على الارض ما اخلي
واحد يأذيج ويجبرج على شي ما اريد اشوفج خايفه
ريام:: شبكته وهو باس راسي وطلع دخلت لكيت عمتي
كاعده ويا جديتي حسنه حطيت اقلامي على الميز ودنكت
سلمت عليها وحبيتها وطلعت للغرفه ذبيت روحي على
الفراش هلكانه وغمضت وما ادري بروحي غير نايمه
وره يومين جنت واكفه العصر بالحديقه اكل تفاحه اندك
الباب دحكت محد اكو رحت فتحت الباب وصرت وراه
مد راسه علاوي ومن شافني ضحك واني صايره من
اشوفه يدك گلبي اعرفه يجيبلي رساله دنكت بوسته
وهو فتح ايدي وحط. الورقه وسحب التفاحه وطلع يركض
ما ادري شصار بيه عبالك اول مره يدزلي رساله درت وجهي
اشوف اكو احد من ما شفت ولا واحد موجود ركضت وره
البيت كعدت بالممر اخذت نفس ايديه يرجفن من التوتر
فتحتها واني الإبتسامة شاكه حلكي واني اقره شكاتب
السلام عليكم
هاي المره ما اعرف شنو الي اكتبه الج
بس كل الي اعرفه اني مشتااك لشوفتج
انتظرج ريام الفجر ويا طلعت الصبح احب
اشوفج ويا طرت الصبح وابدي يومي وياج
جهاد
-يا بوي شصار بحالي ما اعرف مشاعر متلخبطه ضميت
الرساله بملابسي ورجعت للبيت واني اضحك للهوى
وما اعرف شلون مر الوكت وره 12كلها راحت تنام
واني النوم جفى عيوني وعيني ما نزلت من الساعه
لل4 ونص بعد صليت طلعت واني الف شماغي بس
عبرت بيت عمي محمد ركضت للبستان ومثل ما توقعت
لكيته كاعد وساند ظهره على النخله وبس حس عليه كام
جهاد:: ما خاب ضني والله گلت تجين
ريام:: اكيد انت دزيت عليه لازم اجي غير صديقي
جهاد: تعالي اكعدي
ريام:: كعدت بالطرف الثاني وهو مقابيلي ووالنخل حوالينه
بقى ساكت حسيت اكو شي يريد يحجي بي بس متردد
-خير جهاد اكو شي ليش ساكت
جهاد: هاا احمم لا يابه بس من زمان ما كاعدين سوه
تدرين تعودت عليج رغم جنت دوم اجي بهذا المكان
بس ما ظال حلوو من دونج من تجين يصير احلا
ريام:: دنكت استحيت وما اعرف شنو ارد وهو من حس
عليه غير الموضوع وبدا يحجي على عمامي وابوي وعمامه
سكتنا واني خطر على بالي فد سؤال غبي وما كدرت ما اسأل رغم
سؤالي تافه وماله معنى بس فضول ودخل براسي درت عليه
-احمم اكول جهاد سؤال ولو مدري يعني ما تزعل مني
جهاد:: لا ليش ازعل اسألي
ريام:: تربعت گباله وفتحت الثامي وهو يدحك مستغرب
تصرفي احمم يعني شوف هسه جديتك شكد حلوه طويله
وبيضه شوف هسه عمه امنه تشبهه وابوك يعني هم بي
كشفت وجه بس عمامك ليش هيج سمر وجلحان يعني
حشى خلقة الله بس والله امهم حلوه سبحان الله بس
ابوك يعني لونه حلو بس عمامك خاصه حاكم ما ينبلع يا اخي
وابد ما يشبهونها
دحكت عليه ظل صافن بوجهي رجع دنك راسه ويهز بي
عرفت ما عجبه كلامي واني كمت اراجع نفسي شحجيت
درت عليه وكتله شبيك جهاد حجيت شي غلط شو صفنت
جهاد:: ههههه لا وين بس رحم الله والديج ابوي بي كشفت
وجه وعمامي جلحان يعني ما عاجبيج هسه عمامي ابلعها الج بس انوب ابوي هم عاجبج
ريام:: هاا لا مو هيج قصدي يعني ابوك خوش ازلمه ليش عمامك مو هيج مو مثله خاصه عمك الاعرج ما حبيته
-الاعرج؟
ريام:: احمم اني اكوم اروح هسه عمه تكعد يلا باي
كمت اريد ارجع احسن ما اجفص انوب وهو طگها
بضحكه وكام اشرلي امشي ومشيت ويا عبرنه من
وره البستان لان كشف الجو وصلنه البيت دحكت
عليه مبتسم وبداخلي اكول لنفسي شكد حلوه ضحكته ردت اطب للبيت وهو صاح وراي رديت يمه مبتسمه
جهاد:: تعالي اليوم واجاوبج على سؤالج ليش ما يشبهون
جديتي وابوي بس حتى اريح فضولج تره جدي اسمر بس
مو اجلح مثل عمامي هههههه يلا يابه روحي نامي
ريام: ضحكت وركضت للبيت همزين بعدهم نايمين
دخلت للغرفه رجعت عبايتي بكنتوري وتمددت اضحك على تفاهتي والساني شكد عيب صدك شنو اجلح يلا ما زعل مني لفيت راسي ونمت
تبارك:
من يوم العطلنه بي وامي من حمله لحمله بعد شهر
لرمضان من هسه مخبوصه واگفه ولازمتلي الصونده
واني اجلف بالجودليات اثگل مني فاطمه تروح للمطبخ
وترجع يمنه واحلا يوم من خلصت مروى صاحته امي
حتى تعاوني واني اضحك عليها اليوم خلصت وبدت تشتغل
مروى:: والله اعوفهن يمه ما تحجين وياها تره والله ابطل
ما اشتغل ادري شبيهن هاا شبيهن والله نظيفات الا نغسل
ابتسام: يمه جلدج يحكج تريدن تنكتلين اشتغلي المي فيض الحوش هي جايفات والله فطوم وحده جانت دايره البيت واصغر منجن دشوفن بنت خالتجن سهام شلون
تشتغل دفوتن لبيتها يلمع والله يلمع غرفتها دكول غرفة
عروس وراها جهال وزلمه ما تصيرين مثل هلـ بنيات بس
هم حضي اني منطيتجن عين انوب درسجن صرتن اجيف
تبارك:: يااابه وراس جدج العزيز بنات سهام جايفات يمه
شايفه جهالهن يلعبون حتى النفس بس انتي لازم تعيرينه
ادري شوكت احد طب بيتنه وجان وصخ شو ندرس ونشغل
ابتسام: زين وبنات خوالج والله وراس جدي فلا اكو
بنظافتهن ولج يفترن بالبيت مثل الحمامات يريحن
الگلب والله بنت خالتج بقليس يمه صلاوات حمامه
ذاك البيت شحلاته ذاك الطبخ الي ما ينشبع منه
ويا يمه والله زوجتها اصغيره وانتن وحدتجن بكد البغل واربع وعشرين ساعه نوم واكل وذابات الشغل على افطيم سوده بوجهي من شغل البيت لجهال اخوها
تبارك:: بقيت صافنه بوجهه شوكت نايمين لو ما الشغل
مقسمينه بيناتنه دنكت افرك هلصخيمه الجودليه واحجي
والله فلا اكو چنه تكعد يم امي على سوالفها هاي ما يعجبها
شي لل2ونص الظهر واحنه بالطرمه طفت الكهرباء شغلن
المولده هسه لو ما عدنه بير بيتنه احسن انوب لان ما يخلص المي بس ما طلعتنه نغسل شجر البستان كملنه
ودخلت للحمام سبحت وطلعت جاي امشط واسمع
اصواتهم بس لفيت شعري وجريت الشال وركضت يمهم
حتى لا تفوتني السوالف لكيت اخوتي وابوي كلها ملتمه
كعدت بسد ابوي وعيني صارت على الفلوس دحست راسي
بحضنه وهو شبكني ورجع يحسب الفلوس وبداخلي ادردم
هسه غير وره هلـ شبكه تنطيني من هل حمر والخضر
زياد:: يابه وغلاة داحي باب خيبر اكو ناس راح يطكون
عيونهم راحت شكد ما فاتحينه على فليساتك انطيهم
ربع مشكك لو خطيه بس خلي يشمون الاستيكه
تبارك:: درت على ابوي بزعل شفت يابه شفت شلون
ولدك يقهرون بيه يعني تتوقع اني بنيتك عيني على فلوسك
وسفه
احمد:: يغارون يا ابنيتي يغارون منج خلي يولون
-اي حتى نقهرهم انطيني من هاي الحمره فدوه شكد
حلو لونها تدري يابه لو ماتدري لوني المفضل الاحمر
جهاد:: نهجم بيت عدوج هسه صار لونج المفضل
يولي شو صايره فد نوب طماعه وام فليس
فاطمه:: اي والله يابه لا تنطيها اول البارحه كالت جامعه 250 الف وادور تراجي ذهب ادري الي ماعنده يشتري ذهب
-اهاااا التمت العصابه شوف يابه هاي جدامك وهيج
لو وراك يمكن يكتلوني ويدفوني وانت ما تدري يابه هو اني
غير حارمه روحي من الحلويات وابقى جوعانه بالمدرسة
حتى ألم مصروفي والبس ذهب حتى لا يكولون بنات احمد
ما عدهن ذهبات اني عامودك ارفع بصيتكم ولااني ولا
احب الذهب وانت بعد بكيفك انت كريم وبنتك تستاهل
جهاد:: فاطمه گلتيلي ماا تحبين الذهب ولا الفلوس
معاذ:: اي فاطمه گلتيلي انت علمود صيت ابوي
زياد:: فاطمه غير حتى ما يكولون بنت احمد ما لابسه ذهب
فاطمه:: اي سوده علي غير حتى ما يكولون بخلانين علينه ولا ولا احب الذهب والفلوس شني ولا احبها
تبارك:: درت وجهي على ابوي ميت ضحك عليهم واني
طنكرت وكمت وصلت لباب الغرفه ورجعت مبوزه مديت
ايدي وسحبت عشره ومشيت وبس اسمع صوت ضحكهم
والله يا الله فوك ما اجمع بدال ما يكولون مدبره يقلدون عليه كعدت گبال بوفيتي وطلعت فلوس وادحك عليهن بحب واخيراً صارن 260 بقى 40 ويصيرن 300 اخذلي بيهن
محبس تراجي اكشخ بي بعرس حسين ورحاب مددت
فرحانه وره العشه البنات اتفقن انروح نلتم بيت خالي محمد عفت البنات يغسلن المواعين واني رحت ابدل
رباب
وره العشه التمن بنات خالي ومهى وشكد ردنه رحاب ما
خلتها امها تجي سوت ريام الكيكه وجاي وكعدنه نسولف على عرس حسين واخذتنه السوالف وكل وحده تنطي
مقترح واتفقنا نلبس كلنه زي واحد بالحنه نلبس كردي
عفتهن يحجن بالحفله وكمت شلت الصينيه جاي اغسل
بالمواعين جفلت من وكفت مهى وراي غميته عابت خوفتيني تعالي عزلي وياي ونسولف احنه وحدنه خبصنه
مهى:: رباب عادي اسألج اني هم اختج
-عفت الكلاص على السنك ودرت عليها كلتله اي عادي يروحي سألي ما بينه احنه بنات عم واخوات اسألي اي شي
-رباب ليش عمي رفض ينطيج لعماد وكايل انتي ما قابله
شبي والله عماد حيل حباب وطبعه طبع حسين ما تشوفينهم مترافجين سوه حيل انقهر والله هو رايدج
رباب:: حرت شريد اكوللها خما اكوللها امج دزتلنه خبر
ما راضيه لزمت ايدها وطلعنه بالحوش كعدنه على حافت
الصبه درت وجهي عليها وگتلها مهى احنه ما نتوالم وانتي
تعرفين امي وامج ما متوالمات والصراحه ما اجذب عليج
امج هي الي كايله لامي ما تريدني والسالفه كوه عليها
مهى:: ما اعرف شحجي امي ما تبطل سوالفها تدري
بعماد يريدج تريد تعيد سالفة فرات رباب اني اعتذر
على تصرف امي عزاا بعيني هسه عمه امنه ماخذه على
خاطرها منه بس والله ما ندري امي تحطنه بمواقف صعبه
- لزمت ايدها مهى امي تعرف امج زين فما تزعل منكم
واني هسه ما حاطه ابالي الزواج وهي كل شي قسمه ونصيب هسه خلينه فرحانين برحاب وحسين كومي
نرجع يم البنات لا يحجن علينه.. كمنا رجعنا يم البنات
لكيناهن يسولفن على طفولتهن الوحيده ريام ما حجت
وريتاج زهكت روحها تريدها تحجي دفرتها وتغلط عليها
ريتاج:: دسولفي ولج تريدين تعرفين بس اخياساتنه
وتطلعين البنت الشاطره احلف عليج جنتي هلگاع ما جارعتج من وكاحتج يلا يلا سولفي شلون جان عمي مدللج
ريام
ما اعرف شريد احجي ولا اكدر ذكريات ابوي. توجع گلبي
بس ريتاج لحت عليه وكعدت اسولفلهن شلون يكعد
من الصبح يخليني اسبح وابدل واجي يمه يكعدني گباله
ويمشط شعري صح مو حيل مرتب لان جان طويل وما يعرفله بس من جانت جارتنه ام علي تريد تفتح ظفيرتي
تعدلها ما اقبل جنت احبها ومستعزه بيها لان ابوي سوالياها جان من ارجع من المدرسه يصبلي الغده ويوكلني
بيده وراها يكعد يقريني رغم هو توه جاي من الشغل وتعبان
وجنت ما انام الا على ايده لحد ما صار عمري 10كام يعلمني
انام وحدي وام علي جانت تركض وراي حتى تعلمني اني انظف البيت وابوي يكف بالباب يضحك علينه شلون هي كاضبه الچفچير واكفه باب المطبخ تخاف لا انهزم وشوفته
الويل لحد ما صار عمري 12سنه اني كل شي اعرف جنت
احط التخته مالت الحمام واصعد عليها حتى اصل الطباخ
لو السنك ومن شافني ابوي خاف عليه باع الطباخ وجاب
طباخ ابو ثلث عيون حطه على اربع بلوكات رتبهن بحيث
اكعد بالكاع واطبخ وخبز جانت ام علي تخبز وتجيبلنه
ومن شافتني اتعلم سريع جلبتلي ومعارك اني وياها تريدني
اتعلم اعجن وحتى اخلص منها تعلمت العجين ويوم جان
متمدد ابوي واني افرك برجله والولد فرات وجهاد وحارث
يمنه دخلت ام علي جان بيها طبع ادك الباب بعدنه ما رادين
عليها هي جفتت علينه وكفت باب الغرفه واستلمت الولد
بالسلام وحتى اهلهم تسأل عليهم وهي ما تعرفهم كملت
سلامها الي ستين مره تكول بي شلونكم دارت عليه وصاحب بيه
-كوومي لج ريام تعالي اعلمج تخبزين ياا گبل لا يهفت التنور
ريام:: اووف خاله عليج الله كافي ما اريد اتعلم ابوي ما يحب الخبز مو بابا ادحك ابوي والولد ماتو ضحك وابوي
دحك على ام علي يدري بيها من تقفل كاللها
خالد: ام علي بروح اعزازج دعوفي البنيه عمي
ما اريد هلخبيزات ناكل تمن ابدالهن دعوفي مدللتي
-وهي ترد علي
-ياا لا دادا شلون باجر عگبه تكبر ويجونك عليها ما يكولن
ام علي ليش ما علمتها هو بقى بس الخبز وبعد بكيفها
خالد:: بس الداعيه عليَّ امه يجيني انعل والدي الي يفتح
حلكه ويطلبه مني هاي ابنية ابوها ما انطيها تظل طول العمر گبال عيني منو منو يستاهل هل گمر محد يستاهلها
جهاد: خفو علينه خالي عاد من حورها بنتك جنها بزون
ريام: اني جني بزون بابا اتشوف شلون يحجي عليه
خالد: هههههههه بابا يغار منج
ريام:: خنكتني العبره واني اتذكر ايامي ويا ابوي درت عليهن واسولفلهن من جانو يجون الولد يم ابوي وخاصه من جنه نتعارك اني وجهاد اني احب العب وياالبنات وهو بس يجي ويلگاني باب الحوش يهد عليه ما يخليني اطلع هو وفرات بس فرات اهون منه يتفاهم
تبارك:: شقصدج فوك ما يخاف عليج شكو تفترين بالچول
تريد تحمد بأبن عمها واتذم باخوي فدوه لعينه صاحب غيره
ريام:: ههههه على كيفج عيني شحجينه هسه كلهم زينين
فاطمه:: همه كلهم هيج اني بقت بنفسي العب بالبستان
اصغيره ومنعوني اطلع وامه بس خلصنه ابتدائيه استلمنه
تعليم شغل البيت وطبخ بس والله ايام حلوه ما جان اكو هيج هموم گبل ناس گلوبها على ناس والمحنه بينهم حلوه
مهى:: اي والله ايام طفولتنه شكد حلوه كل همنه نكمل
دروسنه حتى نطلع نلعب تذكرن من جنه من نشتري حلويات ونطلع عود سفره للبستان وفاطمه تذكرين من جنتي تسوين نفسج الام وانتي توزعين الاكل علواه لو تنعاد
تبارك:: اي عيني شنو تردين هسه تطلعين حتى يطلعوج
مناي گبل للمجنه يدفنون بصف اجدادج هو تعلوله بالشافعات يقبلون تدرين ريام اني جنت اعقل وحده بيهن
-حبيبتي امبين عليج هو هسه العقل يكت من راسج
ههههههههه
-ظلينه نسولف وما حسينه على نفسنه الا من فاطمة رفعت
راسها على الساعه وجفلت من شافتها ب1 وظلت تحجي علينه
فاطمه:: ولجن غير اتكولن وهذا زياد وين راح بس لا نام
رباب:: عادي يمعوده عليج الله باتن يمنه خلينه متونسين
-لا والله وين امي وابوي باجر عدهم طلعه يلا كومن بنات
ريام:: شنو ترحن وحدجن
مروى:: دگي على زياد فاطمه اخاف اروح يطلعلنه جلاب
ريتاج:: اي كون يعضنج وين اكو جلاب يمنه تره بس صوتهن
-فاطمه بقت اتلوب تتصل باخوتها ما يردون تالي اتصلت
بجهاد وهي مثل العجايز الا تفتح السماعه شويه يلا رد عليها هو هم بقى يحجي على شكو لهسه باقيات تالي بزعت كالتله
فاطمه:: ناي شبيك جهاد غير الصوج بزياد مشى وخلانه
اني كتله لل10ونص و تعال وهسه ادك عليه يمكن نايم
-يلا جايكم
ريام:: بنات والله لو باقيات نتعلل ونبات سوه مو جنه متونسين طمن جيت لهسه ما ملتمات هيج لمه حلوه
مروى:: والله ريام اهلي وراهم طلعه يردون يرحون
ازياره لحارث علمود امي شويه وضعها مو تمام
فاطمه:: صدك بنات تعالن باجر ننجمع على الغده يمنه
شو ابوي وامي ما موجودين وجهاد ظوام لل2يلا يجي
وزياد ومعاذ اصلاً ما يتواجدون جثير شتكولن والله نتونس
ريتاج:: اني موافقه بس مو اجي وتخلني اغسل مواعين الغده اجي خطار لا اشتغل ولا امد ايدي ما احب اشتغل
فاطمه:: نهجم بيت عدوج ولج شوكت مشغلينج تعالي
محد ايصخرج عود احنه نغسل المواعين ها بنات ننتظرجن
رباب:: نكول لابوي ولامي ونشوف عود اخابرج من موبايل امي
ريام:: بعدنه نسولف واندك الباب طلعنا للحوش واحنه
بعدنه نسولف وكفنه بالباب غير لو تخلص سوالفنه جفلنه
من اندك الباب بقوه عرفنه تعصب مهى هم كالت تروح
وياهم يدربونه لبيتهم سلمنه عليهن راحن واحنه رجعنه
ركض للبيت فرشنه افراشنه وهنه بقن يتناقشن علـ روحه
واني غمضت وعفتهن ونمت والصبح كعدتنه عمتي حتى
نخبز كمنا كل وحده گضبتلها شغله اني تلثمت من الحر
وخبزت ورغم بعد الدنيا صبح يلا بـ7 بس حر يموت كملت
وطبيت للمطبخ البنات يحضرن بالريوك واني عفتهن ورحت اسبح وريتاج كسرت الباب ما خلتني اسبح مثل
الناس ركض ركض حتى مشط ما مشطت بس لفيت حجابي
وجيت كعدت اتريك وعمتي وعمي ينتاقشون على مصاريف
عرس حسين كملنه واخذت الصينية اني اغسل المواعين
جان موبايل عمتي علـشباك المطبخ سمعته يدك غسلت
ايدي ونشفتها بدشداشتي واخذته مكالمه من فاطمة حتى
نسينه نكول لعمتي على عزيمتها انطيتها الها ورجعت انظف
دخلت رباب امووت على وجهه بشوشه حيل وكفت يمي
نسولف وعاطت ريتاج خوفتنا طبت تهف بشعرها وتعلج
ريتاج:: عيني تره معزومات اني وياجن بيت خالي احمد
وامي كالت هي تطبخ الغده ولن ترتبن حتى وسام يوصلنه
رباب: خما من هسه خلي بالـ10 نروح وامشي امسحي البيت وطبي اسبحي مو تعوفينه علينه كل وحده عدها شغله
ريتاج:: عابتلجن اي والله جايفات غير انتن تمسحنه امري
لله اني امسحه وريام شالج الابيض اخذته ما عندي شالات
ريام:: جدامج عيني بس خلصينه من السانج ما عدها
غير بوفيتج صايره سوك بحاله ديلا حتى لا نتاخر عليهم
-راحن البنات يكملن شغلهن واني ما انطاني گلبي اخلي
الطبخ على عمتي واخذت الفاصوليا وطبختها وطبخت
التمن انتظرت يمه حتى ينشف المي هدرته ورحت
غسلت وتوضيت واخذت گلبيه لون اصفر وشال اسود
وياها عدلت نفسي وطلعت عبايتي بين ما خلصن البنات
و وسام خبصنه واكف باب الحوش ويعيط علينه لبسنه
العبي وطلعنه وهو الطريق كله يرزل بينه واحنه ذابيها على
الصامت لا يرجعنه وكف يدك بالباب الشمس تصگع بروسنه
وين يلا فتحو الباب طلع زياد و بعدنه بالباب وجن بنات
عمي جاسم وكفنه يمنه دخلنه سوه تلكتنه فاطمه تضحك
فاطمه:: هلا هلا بيجن نورتن بنات كل الهلا
-بالمهلي يعمري
فاطمه:: فرحتيني بجيتج والله تعالي هسه جديتي تكيف
ريام:: طبينه البيت جبير سلمنه على البنات وعلى جديتهم
وكعدنه البنات لان متعودات كامن وعافني وجديتهم تمدده
ويمكن غفت بقيت مثل الثوله ادحك بالغرفه وبداخلي اغلط
على البنات لو بس وحده منهن مگومتني وياها كمت وطلعت من الغرفة توه ادخل للمطبخ صار بوجهي جهاد
ارتبكت عبالي من اخوته رفعت عيني عليه ابتسم و گال
جهاد:: اي شلونج يابه منوره البيت اليوم
ريام:: احمم منور بأهله شلونك انت
-زين بشوفتج
ريام:: ارتبكت وهاي الفتره تغيرت معاملته صح ما يتجاوز الحدود
بس بالاول جنت احس صدك صديق بس هسه لا تصرفاته
تختلف ظليت واكفه وهو حس على ارتباكي ابتسم وگال
جهاد:: روحي يابه البنات بالحوش يشوون السمج
ريام:: ردت اطلع هو بعده واكف رفعت عيني اريده يوخر
حتى اطلع اشرتله حتى يوخر بس حسيت يريد يحجي
جهاد:: ريام احمم شوفي عادي تجين اليوم عندي حجي
وياج انتظرج الفجر يم النخله مو ما تجين خوش انتظرج
ريام:: كمل كلامه وراح واني طلعت يم البنات وبالي
ظل يم جهاد شنو يريد يحجي معقوله علمود سالفه ابوي
مهى:: فاطمه اليوم جهاد جاي من وكت شعجب فرات
لهسه بعده ما راجع دوامهم لل2 يلا يخلص شنو مغيرينه
فاطمه: لا بس جهاد ناقلنه على الطوارئ ويداوم خفر
ريام:: هو شهادة معهد لو كليه تمريض
مروى:: لا كليه هو فرات نفس الاختصاص ودرسو سوه
تبارك:: اني هم مقرره غير التمريض ما ادرس
ريام؛: هههههههه على كيفج حبيبه تره هسه يدورون معدلات عبالج مثل گبل هو انتي رابع وتلطمين عجل
إذا صرتي سادس يصير بيج حاله نفسيه انتي وريتاج
ريتاج:: لا تذكرني بنات يلا يلا متت جوع تره
- دخلنه للبيت والبنات كل وحده على شغله فرشنه السفره وكعدنه فاطمه ودت غده اخوتها وجت كعدت
يمي وطول ما احنه ناكل تفلس بالسمج وتحط جدامي
وره الغده وكفنه نغسل مواعين ونسولف ونضحك تونست
حيل وكفت امسح الكونتر لاحظت رحاب وجهه ثگيل مني
شويه واخذت تبارك وطلعن من المطبخ شبيها شايله خشمها عفتها بكيفها هاي من انخطب شافت نفسها علينه
مروى:: ريام صيحي تبارك حتى نكعد يم جديتي تسولفلنه
-وين راحت هي
-بالغرفه هذيج الي بسد الاستقبال
-رحت وكفت بالباب ردت افوت بس من سمعت اسمي
وكفت اسمع شتحجي رحاب وفاجئتني من تحجي عليه
رحاب:: والله تبارك امي البارحه جانت بيت عمي حمدان
ومرت عمي كايلتلها اتكول جانت ريام ويا ابنهم الجبير
ولج كايله كل ما اطلع ارجع الكاها بغرفته وهي تذب روحها عليه وما تشوفين ابوي يريد يزوجها لفراس من وره عمايلها
تبارك:: والله رحاب اجذب من عمج ومرته فلا اشوف وانتي
ولا تزعلين رحاب اهلج مو غرب حتى ما نعرفهم عليش مستثگلين كعدها لا صارفين عليها ولا كاعده ابيتكم
ريام صار جريب السنه بيت عمي محمد ويانه بالمدرسة
مثل اخلاقها ماكو هل مره حجيتيها مره الثانيه ازعل منج
وخلي ابالج والله اني وحده من الناس اتمنى تصير جنتنه
ريام:: انقهرت شكد حقيره سعيده الجلبه تحجي عليه
دكيت الباب وفتت وبس تكلهن البنات يردنجن تعالن
عفتهن ورحت كعدت يم جده فرحه وهي كل شويه
وجرتني وحبتني التمن البنات ومروى كالت لجديتها
تسولفلنه على زواج جدي سلمان وجده حسنه
ريام:: انقهرت شكد حقيره سعيده الجلبه تحجي عليه
دكيت الباب وفتت وبس تكلهن البنات يردنجن تعالن
عفتهن ورحت كعدت يم جده فرحه وهي كل شويه
وجرتني وحبتني التمن البنات ومروى كالت لجديتها
تسولفلنه على زواج جدي سلمان وجده حسنه
فرحه:: هاي گبل جدكم عدنان (جد جهاد) جان متزوج
وام حاكم وما صار عدها وابوه كال الا ازوجه هذا ابني
الجبير اريدن اشوف ضناها جيه على ابوي وكاله انت
اخوي واريد بنيتك لابني عدنان وگبل يجده ما ياخذون
لا رائي ام ولا بنت گايله گبع واخذ والله وصدك زهبوني
وتزوجت وانا يلا بعمر 13 لو 14سنه جاهل يا يمه وسنتين
وهم ماكو خلفه وبذاك الوكت جان جدكم سلمان عسكري
يداوم بالجنوب يروح كل 25يوم اكثر يلا يرد ويومالي نزل
مجاز لكه ناس ملتمه على بيت ابن عم ابو يصيرون اهل
حسنه وهو سأل امه گايلته هاي مشايه على حسنه وهو
عقله طار گال والله لو يصير الدم للرچاب يا حسنه لغيري
ما تصير وولد عمها الح يردونها وتصيرلج مذابح جدكم
جان وكح ودمه حار شاله تفگته وهد على ابوها ويتلاكون
هو وابن عمها لحسنه وذاك عايل على سلمان كوم وحط
طلقه بجتفه ونوم بالكاع وصارت ملحمه وحسنه بوكتها
شحلاته ذيج العيون وذاك الطول من هي جاهل والناس
تسولف بيها وبس هلبنيه على ست ولد وابوها الله مفضل
عليه مدللها دلال وهي شايفنه نفسه ما تتحاجه وو..
ريتاج:: ادري جده وذاك الزلمه الي ضربه جدي مات
فرحه:: لا اصبري اكملج السالفه وراها وتصيرلج
ملحمه ناس تكتل بناس ويروح 3زلم من وراها
تبارك:: عززززااا يعني ماتو جده
فرحه:: اي والله يا جده شلون شباب عاد سدو سالفته
ابوها كايل ما ازوجها بعد وظلت ثلث سنين محد يفتح
موضوع حسنه اني جنت توني حامل جديد بأحمد وسلمان
كايل لاخوه عدنان حتى يحاجون ابو حسنه والله وصدك
ياخذون عمامهم ورحون واهل الولد الراحو هدو ما قبلو
ويا ولدنه راحو من وراها ما نخليها تتزوج تالي عدنان كايل
ناخذ راي البنت اذا رضت بسلمان ما الكم حق بعد وصدك
طلعت هي هم تريده وبأسبوع سوو عرسهم ركض ركض
وسلمان الكاع ما شايلته مكيفه عليها وبوجهه وتشيل بجاسم وتكوم تسربت بهلجهال وثاث ولد على مصّر واحد
ناس وره ناس وجدج الى ما راح رحمة الله وهو ما يقبل على زعلها جثير يريدها بس من كبرو ولدهم وتحيزها
لجاسم جان سبب مشاكل بينهم هو علاقته بخالد جثير
يحبه
ريام:: شكد تونسنه بحجيها بس خربها حامد من جيه
علينه طلعنه اندحك ولا حسينه الدنيا مغرب سلمنه
على البنات ورجعنا وعمتي من شافتنه فرحانات ما حجت
بس صلينه وكفنا نسوي العشا اني ولا تعشيت ما اشتهيت
لان اكلنه حلويات رحت ارتب بوفيتي شفت رسائل جهاد
جامعتهن كلهن ضميتهن والضحكه شاكه حلكي ما اعرف
مشاعري ملخبطه دحك على الساعه صارت تسعه ونص
كملت ترتيب سديت البوفيه وتمددت انتظر يمشي الوكت
للعشره رحت اخذت موبايل عمتي بحجة اوقته للصلاة خفت تاخذني النومه تمدتت اريد انام ما اكدر وللفجر
اني اتگلب شفت الساعه ب3 كمت لفيت حجابي ورحت
للمطبخ سويتلي لفه لكيت صمون حميته وحطيت بي جبن
وعفتها على الكونتر وعلى كيفي سحبت شماغي والعباه وطفيت المنبه
وركضت اخذت اللفه وطلعت للبستان لكيته واكف ابتسم
من شافني واني ما اعرف ليش متوتره وصلت يمه هو كال
جهاد:: كلت ما تجين ما ظل شي للاذان
- غير متت حتى نوم طار من وراك تاكل لفه قسمت
الصمون وانطيته وهو اخذها وكعد واضح عليه متوتر
كعدت گباله ما اشوف ملامحه زين من الظلمه كمت اكل
وانتظر يحجي وهو ظلت اللفه بيده ما اكله رفع عينه عليه
وحجه
-ريام اريد احجي وياج واتمنى تفهميني
- اي اي افهمك ولا يهمك سولف ردته يضحك بس
بقى جدّي وحجه بكل جدّيه وصدمني من كال..
-احمم اني رايدج على سنة الله ورسوله تقبلين تتزوجيني
