رواية ذاري النجوم الفصل الثالث عشر بقلم زهراء السراي
لابد يردون باجر
سوي نفسك ماشفتهم
بالك يحسون انت تذكرتهم
اثكل شوية يكلبي
مرة خليهم محطة
وانت سافر
ادري بيك تريد تبجي
ابجي وحدك ... آنه ساكت
:
ليل
✥━━━༺✦༻━━━✥
فجر بغداد
البرد بره ودفو السيارة من الداخل
مشكل ضباب خفيف عالجام مال
السيارة مسحت الجامة الأمامية
وافكر ببيبي
بينما چانت تطوي سجادتها وتهمس بتسابيح الفجر
اني الملم شتات روحي المبعثرة
بين الشغل والتعب وبين ذاك اللي
سمو على اسم جده وكأن هالاسم
بهالعائلة مراح ينتهي وراح يبقى وترافقه
لعنة شوق مكتوبلها أن تكسر گلب اناث عائلتي
تكرر كلامها اليه وهي تودعني كالعادة
من اطلع لدوامي
-بيبي طخي مادام گلبچ يريده طخي
وخلي گلبچ يحيى من جديد
4 ت
- صعبة بيبي كسرني والله سواني
شتات بيبي إنتِ هاجسچ صار طيف
وتلاشى ويه الهوا
وأني عايش ويمشي عالگاع
بس البعد بيني وبينه
أبعد من سابع سما لسابع أرض
2 ت
-محلولة بيبي بس تواجهو
طلعت من ذاكرة كلامها على
صوت الهورن من السيارة الورايه
بالاشارة
طلعت لمنطقتنا ووصلت الباب البيت
عندي المفتاح فتحته ودخلت
من باب لباب لحد باب الصالة دگيته
واجاني صوته
-هنا بالغرفة
وگفت وگلبي الغبي دگ مشيتله بسرعة
أول ما فتحت باب الغرفة
سحبني من معصمي وطبگ الباب وراه
بضجيج خرس كل الأصوات اللي بره
حضني بقوة
ادفع بي بأيدي ميندفع متمسك بيه
بجنون دفعته اريد اتنفس
بس أنفاسه الحارة گامت تلاطم وجهي
سحب كلاو الهودي اللي لابسته
وسحب شعري وگعه بين اصابعه
قبل لا أنطق حرف دفن وجهه بـرگبتي
شفايفه ثبتت هناك وسكن بهدوء
بس هدوء موجع تنهد بألم
وحسيت بـقشعريرة سكنت كل خلية بيه وإيده الچانت تضغط على خصري نزلت بكل هدوء
حاوطت ظهري وسحبتني لـحضنه لدرجة ما ظل بيناتنا حتى نسمة هوا مارة
استسلمت وغرگت وغمضت عيني
واني أحس بلمساته اللي چانت تمسح على
اكتافي بضغط خفيف إيده چانت تتجول
بتمعن على تفاصيلي وكأنه
يستكشف أرضه اللي انحرم منها
أسمع صوت أنفاسه العالية بأذني
وهمساته المقطوعة اللي چانت تزيد نار الزعل
بگلبي نارين همس بتعب ووله
2 ت
-ليل
مارديت بس تمسكت بأكتافه العارية
شدني اله أكثر حسيت برغبة
غريبة وأمنية أن أغيب جوه جلده
الوجع اللي بگلبي تحول لموجات شوق
خلتني أحس الدنيا كلها تذوي
وماباقي غيرنا بيها
چان يشم ريحتي بعمق
وكأنه يشرب روحي وأني أستسلمت
لهالشوق الجارف البعيد عن كل منطق
تجرأت شفافه وصعدت لوجهي
باس خدي وبرفة جفن انغلقت المسافة
بينة واحتل بغفلة شفافي
چان يجر أنفاسه من صدري
بس من حسني مابادلته الشعور
تبدل هدوءه
لقسوة وصار يبوسني بلهفة مكسورة
ابتعد وجهه عني باوع بعيوني
نظرة أخيرة نظرة لمحاولة فهم
اذا چنت موافقة للي يسوي لو لا
للأسف ماعرف يقراني
وفجأة حسيت بي يسحبني للفراش وهو
متمسك بيه وكأنه يخاف أطير من إيده
استعاديت انفاسي بعد هالعاصفة
وسحبت ايدي منه بقوة ومشيت
-انتظرك بررررررره
1 تع
طلعت بشكل عاصف من الغرفة
وذبيت نفس متعب وروحي الحقيرة
سبقتني وبچيت ليييييش مشاعري
تغلبني
بسرعة تداركت دموعي ومسحتها
گعدت بالصالة بعد ماشغلت التدفئة
ثواني ودخل بس ببجامة التراك
ومغسل وجهه وقطرات المي عالقة
بشعره الخفيف وشواربه
1 تع
مسح وجهه وگعد بصفي طخ كتفه
بكتفي ابتعدت عنه مسافة رجع تقرب
تغاضيت عن تصرفه وسألته
-كل مرة تطلب نتواجه حتى
تطرح اسبابك
-وراح يصير سنة يلا قبلتي نگعد ونحچي
-قليلة بحق اللي سويته بييييه
-غلطان وأعترف
-موووو كافي
-اخذي حقچ مني بأي طريقة
ترديها بس كافي بعد
ليل لا تخلين عنادچ يهد المشاعر البينه
كااااافي أني مو جدي
ولا إنتِ راح تصيرين عذبة قصتنا مختلفة
- موووو اني الربطت الماضي بالحااااضر
هاجس انتتتتتت البديتهة
وحطمتني مثل ماسواها جدو
4 تع
-گتلج غلطان واكتشفت بهالفترة وانتِ بعيدة عني
اني اختلف هوووواي اختلف عنه
2 تع
-غلطان إنتَ شايل اسمه هاجس
وأني أخاف الوجع الصاب بيبي يتكرر بيه
وأخاف بعد السويته بيه وارجعلك
تعييييد كل شي مثل جدو
وأصحى بيوم وألگه نفسي أعد تجاعيدي وأسولف قصتك لحفيدتي بدموع وحسرة
3 تع
-شتررررررردين بس گولي وجهيني واني انفذ
-ماااااريد ادليك مواطن زعلي
ولا اگعد ارسملك خطوات تمشي عليها
حتى ترجع توصل لگلبي
استحق بعد التعب وبعد كسرتي
گدام الكل استحق تحفر الصخر
حتى تلگالي طريق
سحبت جنطتي عدلت شعري
وغطيته بالكاب وبعدين بالهودي مالتي
-هااااااي نتيجة گعدتنا بس لوم وعتب وراح ترحين
ماسووووينه شي ليل
رفعت راسي وخليت عيني بعينه
-اني سويت العليه سعيت لأصلاح الهدمته
تتذكر وهسه اجه……
وگف وعيونه لمعت بفضول
-وهسه شنو
-هسة اجه دورك
مشيت خطوات وايده سحبتني
التفتت واگف وعيونه تتفحصني
-يعني شفهم
-انت فكر وشوف شتسوي
-اكو وقت محدد لو هم انتظر سنة ثانية
-ماراح اگلك عن وقت
ولا عن اتجاه
يگولون البوصلة اخترعوها قبل
الساعة……
-وشيعني هذا
-يعني ان الاتجاه اهم من الوقت
تركتة وطلعت لباب الصالة
مشالي بسرعة
-ليل
-هممم
-ابقي يمي اليوم
محتاجچ
غمض عيونه بنفاذ صبر
وباوعلي
-يمتى
-من احس گلبي رجع ينبض
بيك بلا ماتنزل دموعي ندم
1 ت
ارتفعت شواربه وابتسم بخبث
-حسب احصائياتي والصار
قبل شوووويه
ماااااباقي شي ويرجع گلبچ يصرخ بأسمييي
طلعت تاركته وتاركة تلميحاته
السخيفة
وراجعة لدوامي طول الطريق
افكر السويته صح
السنة اللي خسرتها چانت
جديرة بأن ترتب افكاري
وتعيد صياغة مشاعري اللي
حطمها هاجس بأفعاله لو لا
بنص الطريق ألم بطني اللي چنت
احس بي من البارحة اشتد وقوى
مشيت مسافة بسيطة والألم مثل سچين
قوي طعن بطني وقطعها لنصين وگفت السيارة
انكفيت على الستيرن وأحس حتى ظهري
انقسم نصين بلا تفكير أتصلت بي بنفس الثانية رفعه
-هاااجس تعالي
گوه گدرت اكمل هالكلمتين
-لييييييل شبيچ شنوووو حادث
يحچي وأسمع صوت البيبان تنفتح
يمه
-احچي ليييييل شبيييييچ
-تعالي يم المجسر
غمضت عيني بألم وغثيان وتعب
صابني دقايق وصار يمي
بدارجته يدگ عالجام والسيارة
مقفولة
فتحت القفل وهو بسرعة اندار
فتح الباب وصعد يمي رفعني من الستيرن
واني عطت
-ماااااگدر
-شتحسين
-الزائدة يمكن بس ……
نزل واجاني من ذيچ الباب بالگوه
حركني بصفه ماگدرت ابقى گاعدة
انكفيت على نفسي وهو يحاول يهديني
-بس باعيلي شتحسين
-يمكن الزائدة الممممم عندي
من البارحة بس وصلني
للمستشفى احس بطني …………
ااااااااااااي
ماگدرت اكمل ترك دراجته بالشارع وطلع
بيه راكض للمستشفى يمشي واتصل بدكتور
نوح فاتح سبيكر
-الوووو
-هااااا نوووح لا تطلع من المستشفى جايينك
-شعندي باقي لك منتهيييييي
-جايبلك ليل مدرررري شبيها ابقى
بمكانك
-لييييل شجابها يمك
-لا تلغييييي انتظررررنا بالطوارئ
ماگدرت ارفع نفسي من الألم
هو يسوق بأيد والايد اللخ يمسح
بيها بهدوء على ظهري قبل لنوصل
لعبت نفسي صحت بي توقف
فتح باب السيارة تقيأت ورجعت
لمكاني مسح وجهي وطلع سريع
وصلنا الطوارئ نوح بره
فتحلي باب السيارة وهاجس
اندار من الجهة الثانية رفعني لحضنه
خلاني عالكرسي
-شبيييها شتحس
-الم من البارحة تگول
-ليل شو باعيلي
رفعت راسي گوه
-نوح يمكن الزائدة
دخلو بيه بسرعة سوولي السونار
وهاجس واگف فوگ راسي
-هاااااا نووووح
-زائدة هي مشخصة نفسها
يلا عملياااااات هسه
-وانت الزعطوط تسويلها
1 ت
-استغفر الله مو اني
دكتور منتظر موجود يلا
بسرعة بسرعة مشو بالاجراءات
انطوني گاون طبي البسه
طلع نوح وهاجس واگفلي
-ماااگدر صيحلي وحدة من البنات الممرضات
تساعدني
خزرني واجاني
-العنااااد حتى بالحالات الطارئة
سحب الهودي مالتي لابسة جوا
هاينك وتوب نص ردن
رفع الهاينك بقيت بالتوب والبنطرون
لبسني الگاون
2 ت
ولف شعري داخل القبعة الطبية
وصل للباب
ورجع التفتلي
-شعرچ بعده طالع
-رررررراح تنفجر الزائدة طلعنييييي
جاب الكرسي من بره خلاني بي دفعني
-خابر ماما وبابا يجوني
-مو هسه طلعي يلا
-خايفة خابرهم
وگف الكرسي وگعد يم
رجلية لزم كفوفي
-اني وياچ شغلة سهلة انتِ باليوم
تشوفين عشرات الحالات هيج موووو
هزيت راسي وهو وصلني لباب الصالة
منتظرني نوح وصديقاتي الممرضات
ودكتور منتظر سلم ودخل
-منتظرچ هنا اني تمام
باس راسي ونوح هز ايده
-الزائدة راح تنفجررررر والناس تدور
رومانسيات
7 تع
خزر نوح ودفعني وياه
-تعرف شسوي اذا تأذت ماكو داعي
نشرررررح
دخلني نوح سميت بسم الله
البنات ساعدوني وسارت العملية
بسلاسة لحد موعيت على كفوف
هاجس بهدوء تمسح على وجهي
-ليل فتحي عيونچ أشوف
بعده التخدير مأثر على
وعيي شويه ورمشت وبديت
افتح عيوني وتوضحت الرؤيا
باس جبيني ولفني لف بالبطانية
ودفع السدية الى أن وصلنا الغرفة
نقلوني للسرير وصحصحت رفعلي السرير
-الحمد لله عالسلامة
-الله يسلمك
-تحسين بألم
-بسيط مو هوايه
-أخلي نوح ينطيچ مسكن
-لا الم طبيعي اتصل على
أهلي من تلفوني
-وتلفوني يبزز
-شيگولون هاجس يدري بيها واحنه لا
-شنو هاجس گو***د مثلا
غير رجلچ
1 ت
-قصدي………
-بالله كافي لغوة
خرسني مثل عادته واتصل ببابا
فاتح السبيكر
-الووو
-هلا بابا اليوم من الصبح ذاكرني
استغفرت ربي هذا بابا ولا كأنه بنته
عدها مشكلة ويه نسيبه يسولف مرتاح
-عمي جايبلك خبرررررر
-حلووو مو حلووو
-حلووو
-ياالله
-ليل سوت عملية زائدة
-شنوووووووو
-امتصيت الصدمة هسه
اخذ نفس الموضوع سهل بالدوام
من جاية تشكي من الم قوي
ونوح موجود فحصها طلعت زائدة
دخلوها عملية طارئة خاف تنفجر
وهاي هييه سهلة
2 ت
-وانتتتتتت تدري واني لا
-شسالفة عمي شگدامكم
انت تگلي انت تدري وبنتك نفس الحچاية
-اي ما مكذبة شلون متبلغني
-اگلك ستوها طلعوها
-جاااااينها اني وامها
-ليگل لبيبي وتنهبط
-لتگل للحجية تنهبط
-حتى تطگنا بنعاوة تنعل بيها اصل الجابني
جاييين بالك عليها
2 ت
-خير ان شاء الله
سد التلفون وگعد يمي
-ليش متحاملة عالوجع هيچ وواصلة
هالمرحلة
-الم المشاعر مخدرني
مخلي الالم الجسدي والمرض لا شيء
گدامه
2 ت
-ضمي بساميرچ لغير وقت
سند راسه عالسرير يمي
-روح ارتاح بالبيت
-شلون ارتاح وانتِ تعبانة
-صاير حساس
باوعلي صفح ورتب گعدته
-خل اتصل بجدي
-لتتعبهم ولا تگل لأحد
-هسه وطن يجي يسوي زفة هنا
3 ت
-اريد انام فدوة
ولا سمعلي اتصل بجده
ورجع اتصل بوطن وفتح سبيكر متعمد
-شنييييي من الصببببح داگ قلقت منامي
اني والمدام
-دگوم حيوان راح تصير عم
-چذاااااااااب صارلك طفل
من منوووو منهن بالضبط
4 ت
فلت وجه هاجس ورد علي
-گ***د لاتصيييير
-احچي الصدگ
-چذاااااااااب صارلك طفل
من منوووو منهن بالضبط
فلت وجه هاجس ورد علي
-ليل سوت عملية وضايجة ومحتاجة
قرد يجي يونسها
-عزز الطلب بس خل ابوس
مريتي
سمعنة صوت البوسة حيل وهي عاطت
-ميااااااااااووووو
3
-طاح حظك اكو بشر ينيمله
بزون بفراشه
-واكو بشر معرس ومرته ضاربته
بوري صار سنة
-اطفررررر يلا وتعال ويه
جدي
-جااااااي
سد الخط وتوجهلي رفعتله حاجبي
-لتسوين نفسچ متعرفين سوالف وطن
الطايح حظها
هو يحچي دگ التلفون
-هلاااااا بأبو صعبة
لا مااگدر يمعود ياكشتة
لا عندي ظرف بالبيت اكيييد
جاي بالعشرة تلگاني هناك
سد الخط وباوعلي
-مااشتاقيتي للرازقي
بگاعنا
-قصدك گاع بيبي لاااااا مااشتاقيت
1 ت
-تنگطين سمممم
هاي حچايته الخبيثة المعتادة من نختلف بالرأي وأعاند
1 ت
-شكرااااااا
گلتها وهو رجع سند راسه عالسرير
-تفضل اذا تريد اگوم واخذ مكاني
-ليش منتقاسمه وهيچ الطرفين
رابحين
-لااااااا
ولا اهتم گام عبالك عامود ضغط
عالي اخذ الجزء الچبير من السرير
مد ايده جوه راسي ولمني على كيف بحضنه
-اشوفك ماخذ راحتك
-اسكتي بلا لغوة اخذ غفوة نص ساعة
علما يجون
سكتت مالي خلگ حتى احچي
وخرت راسي من صدره رجع سحبه
حيل
-نااااامي
غمضت عيوني شويه وصدگ
صار وغفيت بدفو
لهناك اسمع اصوات وصوت جدو هاجس
الخشن يرزل بوطن
1 ت
-تنچب ولا تصور جدي عيييب انت مو جاهل
فتحت عيوني ودفعت ايد هاجس
فز بسرعة باوع لجدو وگعد
-اخذتني النومة
ضحك جدو واجاني
-الحمد لله عالسلامة جدي
-الله يسلمك
نزل راسه باس راسي
ويه مارفع راسه داخل بابا
وماما ساندة بيبي ويتمشون
بابا سلم على جدو وماما هم
تسمي خالي
بيبي سلمت واجت يمي
باستني
1 ت
-يابعد روحي يابيبي گتلچ
صار يومين وجهچ اصفر
ماما ترتب بمكاني وبابا وجدو والولد
گعدو على جهة
بيبي گعدت على كرسي بصفي
دارت وجهها باوعتلهم وبأسلوبها
الحبيييب لگلبي گالت
-خفت هالجهامة يتشابهون واحدهم
طنطل مو ابن ادم
6 ت
ماسيطرت وضحكت طلع صوتي
تألمت ولزمت بطني وهي ضحكت وياي
اجاني هاجس باوع لبيبي رافع حاجبه
-ها جدة اشوفچ تباوعيلي وماعاجبچ
-اي والله ماعاجبني شني
جدة تگطعلي الدرب لو دريت
2 تع
-لا يابه انتِ تگطعين دروب
-غصباً عليك بعد روحي
نصت يمي وحچت على كيف
-من خفيت تروحلي فدوة
رجعت ضحكت وهاجس
طلعت غمازته بنص خده وضحك
-ترة سمعتچ
-وچا شني اخاف
-لا ياااااابه بعد عذبة واسمها عليها
-مرجفة شوارب الغمااااااان
اجانه صوت جدو
-خلف الله عليچ ام ريحانة
3 تع
ولا كأنه باوعتله
-انا ماگلت على واحد بس اليشوف
روحه هيچ خل ياخذ حچايتي طابوو
-شلونچ عذبة
-بخير ونعمة انت شلونك
جر هاجس كرسي لجدو وبيبي
وگعدو يسولفون ولا عبالك هسه
چانو واحد يقصف اللخ
يحچون عالعشيرة
فلان مات علان مريض وهاجس
مگابلني وماما راحت يم بابا
-اخذلي صورة
-اخذچ كلچ لو بيدي
شوية واندگت الباب واجه نوح داخل
وبيده شاش ملفوف وسلم عالجميع وتوجهلي
-يعني وين عقلچ ساكتة عالألم
ماادري شچنتي تفكرين شوفي شوية وتنفجر
1 تع
اجة وطن مد راسه باوع بالشاش
طلع عشرة من جيبه خلاها فوگا
وجره من ايد نوح خلا بيد
هاجس
-مبروووك ماجاك خوووويه
منها لقلع المرارة ان شاء الله
2 تع
خزره هاجس وبيبي
نزلت راسها يمي
-چا شمالچ يابيبي عفتي
هذا المبهلهل اليضحك للهوا
وعشگتي ابو عگدة
بين حواجبه
3 ت
-شلون عشگتي جدو هاجس بيبي
-چنت مسودنة
ضحكت ورجعت عليه تشاورني
-عايني هو وجده سبحان الخالقهم نفس
الطينة المسينة بسيان
2 تع
ضحكت ماگدرت اسكت وهو باوعلي
-ضحكينه وياچ حجية عذبة
-شني مني گالك انا مضحكة عندك
ضربه جدو على چتفه يتشاقه
-ولك عوف جدتك
باوعت بيبي لجدو هاجس
-ابو كمال مني گالك مااعرف ارده
حتى تحاميلي
-ولچ ماتكبرين
-لمن تبطل تصبغ زلوفك انا اكبر
ماما گوه لازمة ضحكتها تباوع لجدو
-خالي اعذررها
-شني ولچ مسودنة ويعذرني
بطلت الشقة بيبي وگامت نكتت عباتها
-يمه سلطان منا واطلع لشغلك
-لا عمة اوصلكم واروح
ماما گالتلهم
-سلطان لا تفتح المجمع اليوم
ابقى يم امي بالبيت اني ابقى
يم ليل
-گووومي يمه وياي بنيتچ وهاي
شفناها
وزلمتها يمها يبات خووووش
ابو كمال اخذنه بدربك للبيت
وطن اجه يم هاجس وحاچاني اني
وياه
-شباب جدة عذبة اذا بهالعمر ماتنجرع
بشبابها شلون
عباله بيبي متسمع من طرف السرير واگفة
گالتله
-انشد جدك شلون چانت عذبة وامش
وصلنه راح يفوتني وكت الضحى خل اصلي
ركعة لوجه الله
رد عليها جدو
-الله يتقبل ام ريحانة
-چاليش مايتقبل كاتلة بايگة
3 ت
ضحك جدو وفتحلها الباب طلعت
وماما اجت باستني
-حبيبتي ملابس بالجنطة وغيارات
وكل شي تحتاجينه
-بعيوني عمة
طلعو وهو صعد يمي
-ننام شويه
-لا لازم امشي
-تمام امشيچ
-اي واريد اغسل واغير ملابسي
رفع حاجبه وهو يتسائل بسخافة
-تردين اسبحچ
باوعتلة صفح دخلني الحمام
غسلت وطلعت ساعدني
لبست وگام يفر بيه بالغرفة
-تروح لدوامك مابيه شي
-لا مااروح مجاز
-اها
-تعرفينه هشام تزوجنا بنفس الشهر
-امممممم
-يعني حسي التزوج وياي صار عنده
ثاني طفل
-تريد روح اختارلك واحد من الخُدج
-وليش اخطف واحد
شو المرة حاضرة
وزلمتها موووووجود مستعد
اسويهم تسعة
-منو منهن بالله المستعدة
تجيبلك تسعة
-وصدگتي كلام وطن
3 تع
غلست مارديت باوعلي
-مو صار وقت اوكلچ فد شي
-خل انام
-لازم شي بسيط تاكلين
-اشرب بس عصير
شربني عصير وتمددت وبعد
محسيت بس بالممرضة تغيرلي المحلول
والغرفة دفو وظلام وهدوء
گعدت اسمع بس صوت نفسه عالي
عالكرسي بصفي گعدت عدل وگعدته
-هاجس اگعد
فز يمسح بوجهه ويطگطگ بعظامه
-خلي نوح يسجلي العلاجات
اخذها من بره ورجعني يم ماما
وبيبي
-لا تباتين هنا اليوم
-مااريد اني مالة من اجواء
المستشفى خل ارتاح
-شگد اخذلچ اجازة
-خمس ايام كافي
-عشرة وارتاحي
ردت احچي ماانطاني مجال
راح شويه ورجع بيده طلب الاجازة
-يلا اخذچ
لبست ملابسي وساعدني
بالمشي بالطريق توقف جابلي ورد
برتقالي خلا بحضني
صعد يسوق والتفتلي
-خاف الوردة البرتقالية
ماكفتچ ذاك اليوم
مااهتميت لكلامه واني اشم بالورد
وصلني للبيت دخلت ماما استقبلتني
وبابا طلع كالعادة گلابيته وجرديته
بيده يقره
-ليش طلعتي بابا
-مااتحمل ابقى هناك اريد يمكم
دخلوني وبابا دخل ويه هاجس
للهول
بيبي استقبلتني فرحانة
-بعد روحي يابيبي هنا احسن
يمي انا أداريچ
مشتني هي وماما لغرفتي
تمددت بفراشي وهي تقره
عليه سور وأيات حتى ارتاح
-جوعانة
-ماما سوويلي شوربة
-ماتخليني انا اسويلچ
-حچيتي ويه الملگوف
-اي بيبي
-وشصار
-بعدني افكر
-والله واله خلگ طويل هالزلمة وماغسلچ
غسل وردچ لبيته
-هااااا بيبي شو طبگتي وياه
-تدرين ليش
-ليش
-لأن اشوفه بعيونچ يابيبي تحبينه
رغم هو مصخم ملطم
كح هاجس ودخل وياه بابا
وهو واگف گلي
-الحمد لله على سلامتچ
طلع من جيبه ورقة خلاها بصفي
-واني اترخص اذا تحتاجين
شي اتصلي تمام
هزيت راسي وطلع هو وبابا
بعدها اكلت ونمت لليل اجو ضرغام
وزوجته واتصلنا بفارس
وكالعادة ترزل من بيبي لأن مستقر
بتركيا
من راح الكل وهدأ البيت دگ الباب
بابا ودخل وگعد بصفي
-بابا ليل اول شي الحمد لله
على سلامتچ
-الله يسلمك بابا
-راح احچي وتسمعيلي تمام
-تمام
-شوفي بابا انتِ وحيدتي وگلتها واگولها
ليل ماخذة معزة اخوانها انت اخر العنقود
وانتِ اميرة هالبيت صار شگد على مشكلتچ
ويه هاجس صااار سنة التفسير الوحيد
الگلتي هاني وتجاوز عليه
وماقبلتي تحچين اي شي ثاني
اني احترمت هالشي وگلت بنتي مثل
امها امينة على سر بيتها وحياتها
بس بابا انوكل وجهي يعني تعرفين
خمس مرات خلال هالسنة تجي زلم
عليها القيمة الرتب والعگل والسادة
وانتِ رافضة گلت ميخالف من يطيب
خاطرها ترجع
بس يابابا العمر يمشي صح لو لا
-صح
-اسمعيني اني جبت عمري ماجابرچ ابد
على شي بسسس هالمرة اجبرچ
بابا السالفة طالت وزحمة بعد
عيشي وكوني اسرة شمنتظرة
-مامستعدة بابا
-تمام تخلص ال١٠ أيام ويجي يطلگچ هاي هي
-يطلگني ……
-اي شنو ظالة بابا بالاسم متزوجة عيييب
شنو نوع الزعل هذا وهو رايح جاي
عليچ للمستشفى زعليش ومبلغته بوگعتچ
قبل لتبلغين اهلچ
فكررررري بابا فكري الچ منا ل١٠ أيام اذا
مارجعتي ويا انيييييي ادخل بخطيتكم
واطلگچ منه تمام
3 ت
هزيت راسي وطلع بابا هو طلع
واني دموعي وگعت لأول مرة
هيچ يحچي ويايه ويتعصب
لزمني الأرق بحدود الساعة ١٢
اتصل هاجس
-اكلتي نفس الرزالة من الوالد
-اي
-جاي تبچين
-لااااا
-ههه واااااضح من صوتچ الرزالة قوية
-مو رزااااالة
-لارزالة وشرط غسل ولبس
هم انطاچ موعد ١٠ أيام
-ايييييييييي
-للليش عصبية لچ متجين تاخذيلچ رااااااااشدي
-لتصيييييح
-تسألني شقررت هاجس
أنت عبالك الرجعة كلمة تنگال
أنت تدري شسويت بيه
والله مااانساها ابدددددد
-غلطتتتتتت غلطت ولليوم اعتذر على هالغلطة
-غلطتك سحبت وراها غلطات
أستهانيت بيه وبمشاعري
تعرررررف ان الغلط البسيط اثره
أعمق
مثل رفة جنح الفراشة بالجنوب
ممكن يثير عاصفة تحطم الشمااااال
مشكلتنا وبسبب سوء فهم تحولت
لموجة عمية جرفت كل شي بطريقها
( 2 )
-شلوووون اصيغلچ اعتذاري
آني آسف عن كل لحظة ألم وغصة سببتها الچ
اني اعتذر عن كل دمعة وگعت على
خدچ واني ماچنت الكف اليمسحها
بس استحلفچ بالله لا تحكمين عليه بذيج اللحظة من الضعف والشيطان
احكمي عليه وانت تتذكرين ليالينا حبنا لهفتي عليچ ذكرياتنا سوووووه
اني اخليچ ترتاحين بس بال١٠ أيام
اريد تطلعين بقرار رجعتچ
والله ساعتها امحي من عيونچ كل نظرة
خذلان ومن گلبچ كل دگة حزينة
3 ت
سكتت وطال سكوتي همس
-ليل فكررري
سد الخط واني غطيت عيوني
باچية واني استرجع قصة بيبي
شلون چانت قوية وتعدت الماضي
فتحت تلفوني وگعدت افتح ملفات
بيها سكرينات وصور قديمة
اليه ويا صورة منهن اني نايمة
على صدره وهو مسنود عالسرير
بمكتبي بالمستشفى شگد چنت مأمنة
لهسة اتذكر بيومها مات طفل مريض
اثناء خفارتي ومن گد البچي اللي
بچيته گطع دوامه واجاني نيمني
على صدره للفجر لمن اطمأن عليه وراح
الصورة البعدها غامرني بالكوت العسكري
مالتة واگفين بالليل واني راجعة من دوامي
على مجسر عالشط
حاضني بين ادي ورافع التلفون ليفوگ
يضحك على طولي
ذبيت حسرة معقولة الذكريات تذوي
وتحترگ بيبي تحلف ان جدو هاجس
طلع من گلبها من اول ماخانها وكسر
گلبها
اني ليش ماانسى ليش بي و ميعشش
بگلبي اكثر وذكرياته تحفر بذاكرتي
اكثر واكثر
4 ت
التساؤلات گامت تاخذني وتجيبني
وكلمتة دگت براسي مثل ناقوس بمكان
فارغ
-احكمي عليه وانت تتذكرين ليالينا
حبنا لهفتي عليچ ذكرياتنا سوووووه
غمضت عيني وگعت دموعي وابتسمت ذات
الوقت واني اتذكر سبب لقاءانا وسبب
اجتماع العائلتين من جديد
:
:
بغداد
جامعة بغداد
كلية الطب السنة الجامعية
الأخيرة
نهاية السنة الدراسية قبل حفلة التخرج
متجمعين مجموعة طلاب نتناقش
بسفرة داخل بغداد كل واحد منهم
ينطي رأية بشي والفوضى گايمة
واحد يگول نروح للجزيرة
والثاني يگول نروح للزوراء وكفت اني
-يعني صار ست سنوات مطالعين من حدووود
بغداد شنوووو القضية السنة
اخيرة والضغط النفسي كافي
خل نروح غير مكان
-شنو اقتراحچ
سألني الممثل
-تجووون سفرة لقضاء ال………
بالگاع مالتنا
وحدة من البنات باوعتلي صفح
-وانتِ مخلية بغداد الحلوة
رايحتلي لقضاء يم البگ والوصاخة
مارديت عليها الممثل رد
-للعلم هالمكان التقصده ليل
الناس جاي تروحله سفرات
ابحثو وشوفو
اليتفق يرفع اييييييده
صار هذا يقبل وهذا لا وذيچ
زعلانة وذاك موافق
وحدة من بنات الدفعة صاحت
وهاية انعم وحدة بينة هادئة رقيقة
مينسمعلها صوت اسمها يمنى
1 تع
-عادي ادعي واحد من دفعتنا بس
من غير القاعة
-عادي يتفضل ويتدلل
وهيچ انغلق باب الجدل
ورجعنا للشقة مالتنا بعد انتهاء المحاضرات
احنة مجموعة بنات بابا رفض فوضى
القسم الداخلي ومن معارفه شاف
شقة وسألنا منا منا اشتركنا بيها
احنة أربعة بنات صار ست سنوات
مرتاحين مستقرين رغم البعد عن
اهلي مأذيني بس هوووايه شغلات
تهون لخاطر الحلم
اتصلت بماما ابلغها وبابا كعادة الاباء
العراقيين وبما ان الطلاب جايين
سفرة لولايته گال تلگون الاكل مالتكم
جاهز بالگاع مال بيبي
الگاع هناك مرتبة مو صغيرة بس حلوووة
بيها اكواخ اثنين وگبال الشط
القرية الچانت هناك تقريبا فرغت
واغلب الناس نزحت للولاية
فالمكان صار شبه سياحي
مزارع للسفرات ومكان هوا نقي
ثاني يوم بلغتهم بكلام بابا الكل شكره
على هالموقف
يوم الجمعة تجمعنا الكل ببوابة الجامعة
كل واحد جاي من مكانه
باص سياحي چبير اخذنا
اباوع ليمنى گاعد بصفها نوووح
2 تع
اخخخخ هذا ثگيل الدم اللي
انقل بنهاية السنة الدراسية
النه
اجة عالاخير ينافسني عالتفوق
اسمعة يحچي ويه الممثل
-حببببيت اختيار المكان
هاي ولايتي
الممثل التفتلي واشرله
-اختيار ليل هذا هي
عزمتنا على گاعهم
باوعلي ضحك باستفزاز
-طلعنا ولد مدينة وحدة
-اممممم
مارديت علي شگد ماغثيث وتنافسي
دخلنا الولاية وعبرناها بس من نصها
ومشت السيارة بعد ساعة الا ربع
وبدت تنزل نزلة الگاع
وگف نوح مستغرب
1 تع
-هههههههه هاي جايين للقرية مال اجدادي
باوعلي رافع حاجبه
مااهتميت نزلو الشارع اللي تبلط
بجهود بابا حتى من نجي منتاذه
اشرت على گاعنا وگتله للممثل
-ذيچ الگاع اللي محاوطة بقمريات
العنب
فز نوح وگف
-بابا هاي گاعنا
باوعتله
-شنو ليكون حتى بيتنا بيتكم
ولا رد عليه وگفنا يم الگاع ونزلنا
وهو وگف ويايه وويه الممثل
-هاااااااي گاعنا شو بحيل صدر
وتعجرررف تگولين گاع اهلييييي
-شنو القضية شباب نرجع
-لا تفضلو
-ليش تريد تسويلها هوية
حتى انطيك اسمها
انت اللي منو وكل شويه نطيت
گاعنا وگاعنا
1 ت
-گاااااعنا شنو اشوفچ الطابو
تركته ومشيت الكل نزل والبنات دخلو الگاع
تجنن نخل بالاطراف وقمريات العنب مالية
المكان والخضار يرد الروح
دخلو الشباب بعد مافرشنا المكان چانت
صبحية والجو عليل تريگنا
وبابا اتصل بيه
-ها بابا وصلتو
-اي بابا وصلنا
-شوفي بابا عالعدد الگلتي
دزيت السمچ للشوي وخبز جبت كمية
وامچ خلتلچ صحون وسفرة وكل شي سفري
صناديق مي ولبن
ساعة واجيب كل شي وجايكم
-ياحبيبي ليش تتعب اجي اني
اخذهم
-لا بابا ليش التعب سيارة وموجودة
غلقت الاتصال واجاني هذا الغثيث
-سؤال
-نعم
-انتِ بت عذبة
باوعتله
-وانتَ منين تعرف بيبي
-اها بيبتچ
-ليش اسأل اعرفه ابن عمها الوحيد
باوعتله صفح ومشيت واني اگول
- Her cousin who stole her land
-اووووگفي شنوووو من تگوليها
بالانجليزي عبالچ تعدي عااااادي
رجع رد عالتلفون
-اسممممع تگول ابن عمها السرق ارضها
1 تع
رجعلي
-شنوووو من شمرتي حچايتچ
بالانجليزي ياعديمة الثقافة عبالچ مراح
افهم
1 ت
-والله اشك بناس ذيچ الجهة يحسون
ابتسمت بوجها وهو رد عالتلفون
-جاي تسمع هاجس
هز ايده وراح گعد عالبوابة مال گاعهم ويدردم
بالتلفون
رحت اني والطلاب يسولفون ويايه
ويسألون عالمنطقة
ساعة ودخلت سيارة بابا
وگفت عالشارع واجت ويايه
صديقتي وممثل الدفعة
نزل بابا وفتح ايده اليه رحتله
شبه راكضة
-ياحبيبي تعبناك
-اشتاقينالچ شنو بابا شهرين بدون نزول
لو ما هالسفرة متجين يمكن
-والله الوقت يركض بسنة التخرج
سلم علي زميلي وزميلتي واشرلنه
-يلا بابا غداكم بالسيارة طلعو
تمام
فتح السيارة وماما بترتيبها ممخلية
شي مموديته وكل شي منظمته بسلات
صحون سفرية وسفرة نفرشها
ومفارش وفاكهة وكاسات حلو مجهزة
وبابا شاوي سمچ والسفريات بعدها
حارة
مغطيها بمفرش چبير والخبز وطرشي
وبصل وخضورات واللبن
نزلنا كل شي وهو واگف يباوعلي
-يكفيكم بابا
-حبيبي وزايد هم
-يلا روحي تغدي وعالجمعة
الجاية اجيب عذبة وريحانة الچ
-مشتااااقتلهن الحلوووات
ضحك وباسني انطاني مصرف وحرك سيارته
اباوع لنوح بعده گاعد وويا يمنى صحتلهم
-تفضلو تغدو ليش واگفين
ردت يمنى وصوتها گوه يطلع
-منتظرين ابن خالو يجي
-ميخالف دخلو تغدو ومن يجي ميتيه
شو الگاع مفتوحة گدامه
-صايرة معزبة بگاع غييييرها
بس گال هيچ مشيت يمه
-رجاءاً بلا تلميحات سخيفة
الگاع گاع بيبي شنوووو تريد امشيلك
بطااااابو بجيبي
التفتت ماشية وشفت سيارة
حكومية عالية تمشي عالشارع
مشيت داخلة تاركتهم والبنات والشباب
ويايه ايد بيد نخلي الاكل والهوسة
والضحك گايم شويه وبدو يگعدون
واني عملاً بأصول الضيافة گمت
اجيب يمنى وهذا الثگيل الوياها
زحمة ميتغدون
طلعت واباوع واحد لابس عسكري
منطيني ظهره طوله مربوع بترتيب
وشعره أگرع يبوس راس يمنى
گلت اسلم عيب
-السلام عليكم
التفتو وهو بدون ميرد السلام
سأل نوح وهو مميل رگبته ورافع
حاجبه
-هي هاي
ضحك نوح مستهزأ
-المعزبة بت عذبة
مشيت يمه بسرعة
-احتتتتتترم نفسك ومن تجيب اسم
الكبار جيبه بأحتررررام ماشي
جاوب العسكري
-شو اشوفچ تحچين بحيل صدررر
-شنوووو لازم اخاف
مسح على شاربه و رفع نفسه من السياج يباوع
عالطلاب گاعدين
-لا يابه منين تخافين گاع وصارت بيد
احفاد القرچ
مااعرف شصار بييييه نار واشتعلت بگلبي
-تقصد منووووو
يمنى تسحب بيهم مستحية وهم
يردون ولا يستحون
العسكري گال اسم بيبي بشكل مقطع
-صاااااحب الأسم علي هووووايه
علاااااامات استفهام
غيم وجهه وراد يحچي ويمنى
ردت
-شبيكم فدوة لتسوون هيچ گدام
الناس
رد عليها نوح
-وانت چنتي تعرفين هاي
-لتگول عليها هاي نوووح عيب
ولا والله مااعرف
وحتى لو عرفت البنية زميلتي مالي
علاقة بسوالف قبل
-يمنى تفضلي حبيبتي تغدي
واني هم وياچ مدام انتِ مؤدبة
واخلاقچ عاااااالية
هب نوح يريد يحچي
هاجس رده
-امشوووو نتغده تعزبنه بت العممممممة
اعرفه يقصد بيبي ودخلت اغلي بس
احتراماً لمجموعتي سكتت
وگعد سلم عالشباب هو ونوح
ويمنى گعدت يمي همستلي
-طلعنا گرايب
-الگرايب الاعداء
ضحكت وردت
-تعرفين اسم امي على اسم بيبتچ
3 ت
-امچ اسمها عذبة
-بالجنسية جدو مسميها بس معروفة
بالبيت نهاد
خليت بيده كوب فارغ
باوعلي
-متعرفون العزوبية
سحبت الگلاص خليت شكر گلي
-لتسوي حلو قللي الشكر
انطيته اله ضاگه ورجع مده الي
-زيدي چاي احببببه مررررر
خليتله بعد چاي باوعلي
-احبببببب المر بكل شي بس بالبشر
موووتي وسمي
-ان شاء الله
گلتها وهو هز راسه بتأني ومشى
واني رحت اخذت الترمز واللي خلص اصبله
ونسولف شويه وصاح هاجس
بعد مالمينة الاكل الزايد والعلب الفارغة
-تفضلو وياي للديوان
وتشوفون غزلاني
مشو وهو مشى فات مني
شو هذا طخ كتفي حيل
فتحت عيوني مستغربة
حقارته
مرحت وياهم گعدت اتمشى بين اشجار
العنب اللي ستوه طالعة العناگيد
وشكلهم يلمع أجاني صوته
-متتفضلييين
-شكرا ماااريد
-حقچ ياااااابه خامطين نص الگاع
شلوووون يعجبكم ديوان هاجس سالم
-هاجس سالم كله مو عاجبني
-ماچذبت السوالف عذبة وارثتها
مثل السممممم
1 تع
تنفست بعمق واني اباوع للگاع
-شگد مأثرة بنفسيتكم بيبي
-اممممم جدا مأثرة ام الزلم
مشيتله بسرعة رفعت ايدي بوجهه
-اسلوووووبك
-نزلي اييييييدچ لچچچچ
مانزلت ايدي ورديت علي
-عيب لما الزلم تدخل نفسها بسوالف
الغييييرة مال النسوووان
-امشي بابا بززززمناتها بيبيتچ
ماااااقصرت
-سألييييها بالله خل تحچيلچ
شسوووت وهاجس خلاها مثل بيت واگف
-واسأل جدك هم لتنسى
تركته ومشيت وهو طلع بغضب من المكان
شنو هالعالم اتذكر من چنت صغيرة
اجينة للگاع وبوقتها هم چانو
جايين وگعدو بيبتهم وبناتها
يشمرون كلام لحد مافاض ببيبي
وطلعت لعبت بيهم طوبة بالكلام
وغسلتهم غسل وبوقتها صارت مشكلة
شكبرها بيبي ضربت بتهم راشدي
يمكن لو ام يمنى لو غيرها
وبوقتها زمن الحزب وهي متزوجة
حزبي معروف وجرو بيبي بعمرها
الچبير بدون خجل ثلث أيام
مدري وين وطلعوها بيبي بوقتها
من طلعت مقبلت تحچي شي بس
گلبها مكسور ورغم چانت بالمناسبات
العامة تسلم بشكل عابر على جدهم هاجس
الچبير بس تقاطعنا من وقتها وياهم بشكل
نهائي
وماما گعدت سولفتلي من كبرت شويه
هي وبيبي رؤوس أقلام عن خيانة هاجس
واذيته الهم
وبوقتها اخذو الگاع عينك عينك
وبيبي صعدت الموضوع ومعارف
بابا وصلو لواحد من الوزراء
ورجعت الگاع لبيبي ومن يمها العداوة
اندفنت لأن منسولف بس گاعنا
كل فترة نجيها ويتاكد بابا محد موجود
حتى متصير مشاكل اذا التقينه
بيهم لأن اخوتي كبرو وكل شي يصير
وخلصت السفرة ورجعنا للدوام
ومن يومها يمنى خوفا من الكلام قطعت
كلامها ويايه
ونوح بكل فرصة صار يحاول
يستفزني وبدينه نتنافس عالصدارة
بالدراسة لحد ما حانت لحظة
حفلة تخرج المجموعة الطبية
بحدائق كلية الطب جامعة بغداد
ربيع والشمس دافية وصوت الأغاني والتهاني مالية المكان
كلنا واگفين بروب التخرج والقبعات والوشاح
احس هاليوم حتى نسمات الهوا تتراقص
ويانة فرح
اليوم هو أحلى يوم بحياتي
أحس بغداد كلها تضحك بوجهي وتشهد إني ما انكسرت
ست سنين مرت جانت أطول مما چنت أتخيل
ست سنين بعيدة عن أهلي
بس اللحظة هذي تسوى كل سهر الليالي
وكل دمعة نزلت وأنا أدور بين الملازم والمراجع
والكتب عن حلمي
عيني على زملائي وزميلاتي الكل فرحان ويضحك
هذا اللي يعدل قبعة صديقه
وهذا اللي ياخذلة صورة
الأجواء تفيض فخر ريحة الورد من باقاتنا
المخلوطة بريحة الخضار والاشجار
وصوت الهوسات اللي بدت تعلى من أهالينا المنظر يخلي الكلب يرجف
اباوع من بعيد لبابا وماما
الفخر اللي بعيونهم اليوم هو اللي خلاني
استمريت رغم البعد عنهم اذاني
الفخر بعيونهم مو بس لأن صرت طبيبة
الفخر اكبر لأن الحلم اللي جان بعيد هسه صار باج مكتوب عليه اسمي وقبله حرف الدال
صور اخيرة ويه الاساتذة
وصورة الدفعة والصور ويه الاهل واخييييرا
اللحظة المنتظرة اللي تتوج تعب ست سنوات
طارت القبعات بالسما مثل طيور حررررة
وانتهت الفوضى اللذيذة
وتوجهنا لاهالينا اللي كملو الحفلة
وتوجهو كل وااحد لمكانه
بوسوني وطلعو بعد انتهاء المراسيم
والبنات فرحانات وحدة تبارك للخ
والزملاء ويانه ناخذ صور بتلفوناتنا
درت وجهي على صوت كرررريه
عرررفته هووو التفتت فعلا هو
هاجس بملابسه العسكرية واگف
صالب طوله وياخذ صور ويه
اخو ووياهم رجال چبير بالعمر
انيق طويل مرتب ويمنى يمه
مدري شگلتله التفتتلي وصاح
-تعاي جدي
مشيت خجلا من الحواليه وسلم
ماد ايده
مديت ايدي بالسلام صافحني
وباس راسي
-شلونچ جدي
يمنى تداركت الموقف وگالت
تراجعت شويه ورديت
-الحمد لله
-جدتچ شلونها بخير
-بخييير مدام الناس المحاوطتها بيها خييير
ضحك وباوعلي
-ذيبة نفس العيون ونفس الرد
ردت استأذن رجع سألني وهو يباوع
للگلادة التتدلى من صدري بزنجيلها الطويل
-لابسة هاي الگلادة بعرفة لو بدون عرفة
فهمت قصده لمست المدالية ورديت
-لابستها بعرفة ودراية كاملة بقصتها
-مانشدتي بيبتيچ ليش لهسه مورثتها الچ
-اممممم گالتلي هاي نجوم الخيانة وخلتها جوه
رجليها وسوتها معبر صعدت بيها للنجم بالسما وخلتها عندي لابستها گبال عينها حتى ماتنسى
-وصليلها سلامي گليلها جدي هاجس يسلم عليچ
هزيت راسي ومشيت خطوات
واجاني صوته الكريه
-اوووگفي
التفتتلة ورديت
-نعم
-طولة اللسان هاي ويه الكبار بالعمر
متسويها بس الممرباية
-وكلامك ويايه بهالاسلوب يثبت
انك اكبر مثال على انعدام التربية
1 تع
خزرني وتقدم عليه تراجعت
خفت ينطخ بيه باوعلي وشمر كلمته الحقيرة
عليه وهو ماشي
واني رديت واني ماشية بكلمة احقر
-قررررررچ
-همجي
ماچنت أعرف هاللقاء
راح يكون شرارة
بس ياترى هالشرارة
راح تنطفي لو تشتعل نار تطول
حتى گلبي
