رواية لأني عاقر الفصل الرابع عشر بقلم مريم خفاجة
صوتوا للبارت+تعليق بين الفقرات+متابعة
لحسابي
ــــــــــــــــــــــــــــــــــــــــــــــــــــــــــــــ
...
كلبي گمت ماحس بنبضاتة من الخوف
وهمه مستمرين يسولفون
وهو يگللها:-مستحيل انسى اليوم الي نولدت بي
ملاك اتذكر كسرتج
من اجيتي للمستشفى وعيونج تبجي
شنو هذا الحب؟ ماتوقعتهم هيج
كمال يباوع لعيوني الي مدمعات خوف
وأذنة يمهم ولاوي شفته ورافع حاجبة
و وجهه أحمررر
بيداء:-جان حبنة نقي بس همه خربو
ابتسم كمال ودفع الباب بالبسطال
اللابسة وهو ملامحة احير شلون افسرهن
همس بفحيح:-حلو والله حلو
ابوية الصار وجهه ميت لون وحار منين يشرد
وهو بعيونه الخوف من كمال
خالتي الصار لونها اسوء من ابوية گامت ترجف
وتباوعلي
دفر كمال الطبلة
وأبوية راد يشرد من الجهه الثانية ركض
كمال لزمة من ياختة ورفعة لفوك
كمال:-ولكككككككك بببببييييييتتتتتتييييييي وتتتتمعشششششك وياااا أمي
مافسرلكم وجهي شلون صار من
شفت كمال صفك ابوية راشدي احس
روحي طلعت للخالق نزلت عيوني
بسرعة مستحية خجلانة من الصار
وخالتي تصيح وتلطم وتگول:-كممممال بس افهمممك
ولك يمممة لاتكتتتل الرجااال
ابوية صار جنازة ؏ ايدة
جان يدوس وجهه بالبسطال وهو يرافس جواه
ركضت لكمال ودفعته مدري شلون اجتني
القوة
وهيج دفعته وبعدتة عنه:-كاااافي كمممال
خزرني ودفعني حيييل وهو يصيح بخالتي
ابوية گام بسرعة وركض راد يركض وراه كمال
سبقتة وقفلت باب الاستقبال وضل بيدي
المفتاح:-لخاااااطرررري كاااافي
وهو يتعارك وياية يريد ياخذ المفتاح
واني ابجي:-لج جييييييبييييي خليييي اكسسسسرة لهذا النذذذل
ملاك:-ابوسس ايدك بس وخررر
دار وجهه لخالتي وهو يتقدم عليها بغضب
وهي ترجع لورا بخوف:-احنة علييييمنننن نعتتتتب ؏ زغيررررة اذا هي الأمااااااية انكككككسسسس وتتملعببب وتتمعشششك وهي رجليها بوسسسط الگبرررر
فتحتة عيونها وضربته راشدي:-احتررررم نفسسسك اني امك يا مامتربي يا ساقط
برجلة دفر الطبلة لفوك بحيث تعلگت
بالثُريا:-انتيييي ماخلييييتيييي احترررررامممم لرووووحج ولجن شنوووو من طيييينة مخلوووووقاااااات انتننننن بنصصصصص البييييت وتعشگينه وتتمنين ترجعين وياه؟؟؟ هيج ابوية مقصر وياج؟ مو بنالج قصور وعمارات؟ مو يومية فارج بدولة طفففففل اني واتذذذكرررر لهفتتتته عليييج ليششش هيج تجازينة بگبرررة؟ فرقوكم مو
دنعل ابو علاء لابو اليضل بالبيت بعددد لان صار انگس بيت
مشة بسرعة متجهه للباب
سحب المفتاح مني بسرعة وقبل لايطلع
دار وجهه ؏ أمة وهمس بخيبة:-نزلتي من عيني يمة
عافنه وطلع
واني من الهبطة رأساً گعدت بالگاع
ودموعي تجري بسرعة واشهك وخالتي حتى مابجت
ولا بررت الصار
لأبنها
ساكتة وتباوع لگدام بالأخير
گامت وباوعتلي:-دموع التماسيح بطليهن يا حية
يا فگر
دخلتي بيتنه ونهجم
ان شاءلله ينهجم ؏ راسج واخلص منج خربتي
بين الاخوان وخربتي بيني وبين أبني
ملاك:-شدتحجين انتي هو السمعكم وسمع حجيكم
بيداء:-أمج منو هي نفسها الخربت بيني وبين علاء
ملاك:-شنو من بشر انتي ماتكولين هسه ابني
ينجلط لو يصير بي شي من وراه هالسالفة
وبعدج مصرة؟
بيداء:-بعمري وحياتي كلها ماحبيت احمد خليها
تكون ترجية بأذنج و وصليها للكل لا خايفة ولا راح
اخاف بعد السوو بينه اني وأبوج
فتحت عيوني بصدمة:-زوجج ونگول ماحبيتي
حتى جهالج الطلعو من بطنج؟؟؟؟ عجيب
ماگول غير الله يساعد كمال ؏ هيج أم
اني لو منه اتبرة منج
صفگتني راشدي بكفة ايدها
وهي خازرتني:-وحدة ادبسز وما مرباية
عافتني وراحت ماكو هيج بشر والله العظيم
بعدها مصرة رغم اخطاءها لعد هي
ليش تحاسب بتها اذا هي اسوء منها؟
وردة مراهقة وغلطت اله هيه شنو عمرها حيطب
ستين سنه عفت كلشي
وصعدت ركض لتلفوني ادك ؏ كمال
فوك الخمسين مرة دكيت ومايشيلة يرن يرن وماكو
لو يرفضة
تالي گمت رتبت الهوسة واني جسمي يرجف
مدري شلون رتبت وعدلت
واني براسي مليون فكرة وگلبي مقبوض ؏
كمال خاف يصير بي شي
رجعت صعدت
لگيت امي تدك شلتة وهي مفرفحة وتكلي شصاير
سولفتلها الصار واسمع عركها ويا ابوية وتكلة
راح تخرب حياة بتك
سألتها ما أجاكم گالت لا
نهيت الاتصال ورجعت خابرت وردة وسولفتلها
واني ابجي ودموعي حرگتني حرگ
كالت راح اجي
طبگتة وضليت ادعي وابجي
ورجعت ادك ؏ كمال وماكو لايشيلة ولا يرفضة
يضل يرن لحد ماتخلص المكالمة
واني روحي تصعد للسما
فتحت الباب وردة ركضت حضنتها وكعدنه بالگاع
وشهگت:-ماييييررررردددد مااايييرررررد صاررر بي شي ولج كلبيييي يوجعنننني
وردة:-اششش اسكتي بلكت هسه يرد
بس شوية يهدئ اكيد معصصب
ملاك:-ماگدررر بدونه اموووت والله احس
صار بي شي والله گلبي يوجعني
ضلت تهدئ بية نوب نزلت وصار المصايح
بينها وبين خالتي ماله والي
نزلت بس باوعت من الدرج
وردة:-شنو انتي عود هم مثل الأمهاااات لا يوم
حنيتي علينه ولا يوم خفتييي ولا يوم قلقتي
وتاليها تتمعشگين وعادي عندج
ابنج هسه ماينعرف بيا گاع الله شامرة
صفكتها راشدي وملخت وردة وكعتها بالگاع
نزلت اركض ودفعتها عنها وصرخت
بوجهها:-لاتمددددديييين ايدددددج علييييهااااا
بيداء:-اني اعلمجن يصير خير بـ....
عافتنه وطبت لغرفتها وقفلتها
شبكت وردة وهي تبجي وتصيح واني ساكتة
واحاول
اهدئها
سمعت تلفوني يدك ركضت شفتها
امي احجي وياها واشاهك وابجي
وهي تگلي راح اجيج
ملاك:-لاااا ضلي بمكانج لاتجين يمة ضلي ماريد
تسمعج حجاية وبوقتها صدك اگب
ويمكن اكتلها واطلك من وراها كلبي ناررر يمة
ناررر على كمااال جااي اموووت
أيمان:-روحي خلي اصلي ركعتين لأم البنين تسهل الامر روحي يمة ولاتحجين وياها بعد عوفيها حتى لو تكتل بتها لاتدنيلها
سكتت وهي طبگتة
ضليت ادعي واناجي ربي كون مابي شي
رجعت ادك علية مرتين تلاثة اربعة
بالخامسة شالة واحس روحي طارت:-كمال وينكككك
رأساً صاح:-ملااااك والكفللل زينب هسه ارمي عليج الطلاك واروح اهج ترة ما مصبرني شي غيرج هسة اطلكج واشوف ياديرة تلفيني لاتدگين بعد لا احرگها للدنيا
طبگة بوجهي وضليت ادك والطم
لحد الليل وماكو لا حس ولا خبر
وردة ضلت يمي وكل ساعة نبجي اني وياها حتى
صلاة ماگدرت اصلي
غفيت من التعب
فزيت باليل كلش فتحت عيوني الساعة
ب3 الفجر
انتبهت التلفون يدك جوة راسي
رأساً طفرت باوعت وردة نايمة بصفي
فتحت الخط وشفتة كمال شهكت بسرعة
وبجيت وهو تنهد:-ملاك
ملاك:-روحي انتَ لاتسوي شي بروووحك اموووت والله
كمال:-كافي لاتبجين مابية شي جنت تعبان
ملاك:-وين انتَ هسه؟؟
كمال:-بالفوج
سكتت واني
افور من الحرگة:-كمال آسفة الصار كلة بسبب ابوية
كمال:-دنعل ابوج لابو حتى أمي
عطت بي واني ابجي:-ما يصيرررر كماللل لاتغلط ؏ امممك
كمال:-ملاك جاي اموت جاي اموووت انتي وتطبين
غفل ؏ امج وتلگيها تتمعشك ويا واحد شتسويين؟
ملاك:-لعد هي هينه علية من اسمع كلام ابوية
ويا ام زوجي؟
كمال:-ملاك انتي تعرفين من قبل مو؟
سكتت
وهو رجع همس بقهر وصوتة احس
زرف گلبي:-من شوكت تعرفين؟
بجيت وشهگت وهو استغفر:-من زمان اعرف
كمال:-ليش ما گتيلي
ملاك:-شنووو أكلك كمال أبوية يحب أمك؟
سكت واني اسمعه يسحب نفس
من الجگاير ويزفرة قووي:-لاتحرك گلبك هيج راح اموت والله
كمال:-اسم الله عليج بابا مابية شي
روحي نامي وعوفي الخط مفتوح
ملاك:-تنزل باجر مو؟
كمال:-تؤ اخذت مكان صديقي ماريد انزل للبيت
جاي اختنگ بس اتذكرة
ملاك:-واني اضل وحدي؟
كمال:-ملاك اذا انزل حتى انتي أأذيج ويمكن نوصل مواصيل احنة مانريدها خليني بعيد احسن لحد ما ابرد ماريد اغضب الله علية لان اذا اشوف امي يمكن اذبحها والله
ملاك:-براحتك ، ومن ادك شيلة حباب
كمال:-ماشي يلا نامي
نمت وخليت الموبايل يم خشمي
وضليت كل ساعة ابوس اسمة
وافز واشوف بعدة الخط مفتوح وهو كاعد يشرب
بالجكاير طول الليل
مرت يومين بقلق وخوف خالتي
لا طلعت ولا شفتها ولاتحجي وياي بس تطبخ
اكلها وحدها وتدخل للغرفة
عود شفت عيونها حمر؟ باجية؟ متأذية؟ قلقانة ؏ ابنها ابد؟
تمشي بكل هدوء بالبيت ولا كأنما صاير شي
كمال مابين ابد شكد احررمصلة حتى لو بس
بالصبة مايقبل يوصل اصلاً
وامي اجت مرتين ومن تسمع صوت امي تطلع
من الغرفة تطردها واني اتعارك وياها
تالي كلت لأمي بعد ماتوصل
بيت جدي ماوصلتلهم السالفة بعد مادري
اذا كمال يكول لجدي او لا!
باليوم الثالث واني جسمي نحلان من التعب
كمت بس انام ومارتاح حتى بنومتي
جنت واكفة اكل لفة اندك الباب فز گلبي
كلت بلكي كمال ذبيت الأكل من ايدي وركضت للباب
شفتها وردة خابت ضنوني
دخلت واني اشوف سيارة وراها واباوعله
هو گاعد بيها صحت بصوت عالي:-كممماااال
وجهه اسمررر والهالات محتلات
عيونه وشعرة مهوس ومبين التعب
لزمتني وردة ودخلتني وكالت:-لبسي بسررعة وتعاي يلا مايقبل يدخل للبيت ترة
مسحت عيوني واني ماريد افارك عيونه
ضليت امشي واتلفت لبست شالي مدري شلون
ولفيت عبايتي حتى جنت لابسة
دشداشة بيضة كصيرة وكيبور من يم الصدر
ماهتميت كلت الزم عبايتي
نزلت اركض ردت البس نعال عاطت بية وردة:-لج
لبسي حذائج لاتفضحييينه
باوعتلها مستغربة لبست حذاء
شلون ماجان حتى القيطان دخلتة بالحذاء
وطلعت اركض ماشفت سيارته يم الباب
هيج مسافة زغيرة ركضت وفتحت
باب الصدر وصعدت طبگت الباب بكل قوتي
واخذت وجهه بين ادية واني ابوس بشفايفة
بلهفة وهو لازم متوني ويبادلني
ودموعي تنزل على وجوهنه
ابتعد وخلة گصتة على كصتي يتنفس
بسرعة همس:-ملاكي
ملاك:-مو تدري ماگدر بدونك مو تدري اموت
اذا ساعة وحدة تعوفني ليش هيج صار خمسة ايام
واني الهوة گوة اشمة
كمال:-احتاجيت ارتاح
ملاك:-وانت راحتك يمي اني
كمال:-ماگدرت ادخل للبيت اوصل لباب المطبخ
وارجع صعب اخلي عيوني بعيونها بعد
حضنته حيل وخليت راسي برگبته واشم بي
ملاك:-لاتعوفني بعد كمال
كمال:-آسف يبعد الروح آسف
ابتعدت عنه بس بقيت مخلية راسي
؏ زندة وامسح دموعي مشة بالسيارة ماعرف وين
رايحين بس لو اروح لجهنم قابلة اهم شي وياه
وصلنة كبال عمارة وخرت
راسي وكتلة:-وين احنة؟
كمال:-فندق هذا انزلي
ابتسمت واني مشتاقتلة اكثر من روحي
نزلت وطبينة سوة حجز غرفة يومين
واني مجلبة بزندة وامشي
وصلنة لغرفتنه دفعني
ودخلني ضحكت ودرت وجهي علي
لزمني من خصري وضرب ضهري بالحايط
وباسني بشغف ابتسمت وبعدتة
طول وياي هواية اختنگت وگوة
جريت النفس همس وهو يلهث بصوت
عالي:-نزعي بسرعة عبايتج وشالج ماتحمل
ابتعد ينزع بقميصة شمر غراضة
بعشوائية واجة دفعني ؏ الجرباية وصار
فوگاية وهمس:-شاعلت بحبج اموت اني بدونج
ملاکي
ابتسمت واخذني لعالمنة الخاص بينه
بعيد عن مشاكل الدنيا كلها
بهاللحضات لو الدنيا تحترك منحس بيها
انسة روحي من اسمع اسمه
مو نوب اني وياه
اباوع لوجهه حتى الدم احسه رجعله
والتعب كلة راح
ضليت امسد بشواربة وهو يبتسملي
ومتكي ؏ عكسة ويدخن
ملاك:-بيش الساعة هسه؟
گام وهو يگول:-يمكن اذن المغرب
اخذ موبايلة وفتح الشاشة بوجهي
شفت الساعة بالسبعة ماحسينة
بيها
لزمتة من زندة ورجعته لنفس وضعيته وهمست:-تدري من جنت وحدي احس الساعة تمشي ؏ كيف متت موتة بس الله اليعلم بيها
مسد ؏ خدي
وكال:-واني احس الثانية بسنة اختنگ وروحي تطلع
بس ماتحمل اشوف امي ونضراتها
سكتت ردت اگلة شنو كالت
بس گلت ماريد اخرب لحضاتنه
ملاك:-ميتة جووووع كمال حتى لفتي ماخليتني اكملها
كمال:-نسبح ونروح لمطعم ناكل
رفعت حاجبي وگلت:-ترة اني جاية بهاي
الدشداشة البيضة بلا طارت العباية وطلعن زروري البيض والزلم تباوعلي؟؟ شنو عادي عندك
ضحك بصوت عالي
وحضني لصدرة:-اموووت ؏ سووالفج
حتى اشلع عيونهم
ملاك:-لعد هسه شلون؟؟
كمال:-احنة نجيبلج المطعم وابو المطعم لغرفتج وانتي مسنحة ؏ تبريد
ضحكت وشالني للحمام
سبحنة وطلعنه واني لابسة فالينته على ما
ملابسي ينشفن
تغطيت بالبطانية وهو يبدل
اجة باسني ابتسمت:-لاتتأخر
كمال:-لا هو هنا قريب
ملاك:-تمام
عافني وطلع
طول هواي بالساعة ورجع
محمل علاليك هواي گمت وگلت:-ليش تأخرت
شمر علية علاگة:-جبتلج ملابس خاف تبردين
ضحكت وفتحتهن حتى داخليات جايب
ملاك:-هاي منين جبتهن؟
كمال:-اكو هنا محل مال نسوان
زغرت عيوني ولويت رگبتة:-اممم يعني دخلت لمحل النسوان؟
ضحك وهز راسة وگال:-گتلهن مرتي ستوها
جابت واريد ملابس الها
وهنه ماقصرن
ملاك:-اي صحح ماقصرن خطية تعبتهن مو؟
كمال:-اكلي لاتنكدين يلا مو گلتي جوعانة
ملاك:-راح آكل لأن بطني اهم بس بعدين ورا الأكل اني اعلمك
وهو يحط اللگمة بحلگة ويفتح
الببسي ويضحك واني اباوعلة بتك عين جان
جايب اشكال والوان
نص دجاجة شوي وكباب شوي ؏ كدنة
ومقبلات كوومة يعرفني اكل مقبلات اكثر من الأكل
احبهن هواية
خلصت واحس بطني گامت تصيح الغوث
شبعت أكل وگتلة:-يلا شيلهن كمل معروفك حياتي
كمال:-انتي الينطيج عين زايدة تضلين تتأمرين علي
ملاك:-محد گلك دللني
يضحك ويهز براسة ويلم بالغراض راح ذبهن
وغسل وفرج واجة گعد وراي وفتح
المنشفة من شعري وهمس وهو
يشم بي:-ليش ما مشطته لسة؟
ابتسمت:-منتضرتك
كمال:-اويلي يابة
ضحكت وهو يمشط ؏ كيفة
بهدوء ويتلمسة ويشم بي
لحد ماخلص وخلاه مفتوح
نمت ؏ صدرة باسني وحجة بصوت
رومانسي:-تنسيني هموم الدنيا انتي
بسته بخدة ورجع يبوسني بكل انحاء
وجهي ويهمس:-أحبج هواي
لحد ماغفيت واني بحضنة
جان احلى يومين مريت بيهن بعد ذيج الفترات
الصعبة من وردة لخالتي
احس طاقتنه خلصت
من المشاكل يومية رجعني وراح لدوامة
وخالتي ماشفتها ؏ طول اليومين اللي رجعت بيها
ومنتضرة نزول كمال بلكت يجي للبيت
وباليوم الثالث گعدت من الصبح انتضر
انتضر واني بعيوني النوم كلت اذا ما اجة
حتى اخابرة وأعاتبة وصدك ازعل منه كافي صارلة
اكثر من اسبوع مو بالبيت
واني حاطة راسي بين ادية ومدنگة
انفتح الباب ودخل طفرت من الفراش
مدري شلون وصلت لحضنة وهو مختنك ومغثوث
مبين
شبگتة وشميت رگبتة:-اشتاقيتلك
ابتسم وباس گصتي
ملاك:-حنزل اسوي ريوك
كمال:-ماشتهي اكلت
ضيگت عيوني وگتلة:-صارلك اكثر من اسبوع
انت ما ماكل من اكلي هيج استغنيت عني؟
ضحك وضربني بخفة:-روحي سوي يابة لاتاكلينة هسه
نزلت اركض وسويت كلشي يحبة
ماخليت شي ما طلعتة من الثلاجة وحطينة
الاجبان كلها سطرتها وانواع البيض سويتله
حميت الخبز وصبيت الجاي وشلت
الصينية وگفت يم الدرج
مگدرت اصعدها صحت بصوت عالي:-كمااال
صحتلة كم مرة نفتح باب غرفة خالتي
درت وجهي عليها
وهي تباوعلي وتخوزر بية درت عنها
وطنگرت هسه كمال من يشوفها يضوج
نزل لابس بس بجامتة وشعرة ينگط مي
حس بيها واكفة وگف بنص الدرج
ونزل راسة وغمض عيونه
ورجع كمل ينزل بدون ما يباوعلها
صاحت:-شنو ماتسلم ؏ أمك؟؟
اخذ الصينيه وسوالي مجال وهمس:-اصعدي
وجهه صار ميتفسر من العصبية
صعدت قبلة وكل ساعة التفتلة يصعد بهدوء
وخالتي دخلت وسدت الباب حيل
وصلنة للغرفة خلة الصينية بالگاع
وراح لميز المرايا
اخذ باكيت الجگاير وطلع وحدة و ورثها
وفتح الشباك وضل صافن يباوع
رحت يمة ولزمت ايدة:-كمال
باوعلي ورجع باوع لگدام وهو يسحب
النفس من الجگاير حيل
اخذت الجگارة من ايدة وذبيتها من الشباك
ورفعت روحي بستة بخدة:-لخاطري لتضوج
هي بعدين تحس بخطأها وتجي تعتذر والله
كمال:-هه بطرانة وحق ربج
ولج ابوية جانت تسوي العمايل وياه لاتجي ولاتعتذر
ولاتطخ راس
ملاك:-حتى لو تبقة أمك اذا اضطر الامر انت روح انزللها
كمال:-هو لأن أمي محترك حرك
سكتت وهو باوع للصينية وابتسم:-شمسوية
ملاك:-اشكال والوان وادري بيك مراح تاكل
كمال:-وكليني انتي
ضحكت وكتلة تعال
اخذتة من ايدة وكعدنة ناكل وهو ضايج
بس ميگدر يكسر خاطري
ضل ياكل وهو عاگد حواجبة
اخر شي لزم ايدي وعضها وابتسم:-شبعت كافي
ذبيت اللفة بالصينية وگمنة سوة
نمنة ؏ جرباية ضل يتلمس بشعري
لحد مانام واني اباوعلة وابستم
بهدوء لشكلة
مر ثاني وثالث يوم وأيام مرت
لا خالتي التنازلت واعتذرت من كمال او بررت
الموقف
ولا كمال الي گدر يحط عيونه بعيون أمة بعد
وبيوم بالليل الساعة ب8
تقريباً
اني وكمال بغرفتنه
اندك الباب استغربت
وكمال گمت احس بنبضات كلبة
القوية كل ضنة أمة تجي وتعتذر!
اني هم توقعت هيج بس خابت آمالنة من شفناها
وردة
ابتسمت وسلمت
ودخلت لكمال سلمت عليه وهو ردها ببرود
وردة:-احمم ءء كمال جدو جوة يريدكم
عگد حاجبة وباوعلها بأستغراب:-شعندة؟
فركت اديها بتوتر وهمست بخوف:-كوم شوفة هو يريدك
نزل كمال وهي وياه
واني غيرت ملابسي ونزلت سلمت علي
وجانت جية جدو علمود يصالح
كمال وخالتي
ومحد طخ راسة لان جدي ميعرف المشكلة
اساساً بس جانت وردة كايلتله متعاركين
لان رادت تروح للبصرة ومخلاها
ضل يحجي جدو ويقنع بكمال
ماكدر يتحمل بعد وگام حضن أمة حييل
مستحيل واحد يگدر يتحمل
يبقة زعلان من الأم مهما
كانت حتى لو هي غلطانة بادلتة وهي تبجي
وهو مدمع
واني ابتسملهم رغم الي سوتة والگالتة علية
ماهتميت نسيتة كلة بذيج اللحظة
جنت رايدة اشوفة فرحان
وماضايج
ردت اشوف كمال يضحك ويفتر بالبيت
ويشاقة
جان حتى بالصالة مايضل هواي
لو يطلع لو يصعد للغرفة
مرت أيام ورجعت علاقتهم سوية
حاولت انسي لكمال الموضوع وماخلي يفكر بي
بس هو يگول وين ماشوف أبوج
ادفنة بگاعة
ونسة الغلط منين أصلاً؟
واني اسكت شنو البيدي اسوي
خالتي شدت وياي
ماجنت احجي ولا اسولف لكمال
لأن اذا بعد حجة وياها واني ادري بي ميتحمل
راح تنكلب الطاولة ضدي
و؏ اساس اني مخربة!
گمت اسكت علمودة فقط لا أكثر!
وهو منعني حتى اروح لبيت اهلي صرت اضوج
واتضايق اطول اشهر اني مارايحتلهم
يگول لو تجي امج لبيتنه واذا تريد
تبات تبات لو ترحين لبيت جدي وتضلين من الصبح
لليل
واتجهنه للشرط الثاني
وصرت اروح لبيت جدي علمود اشوف
امي وخواتي
جنت گاعدة واباوع بالتلفيزون
وكمال جوة يم خالتي
دك تلفوني طفرت
شفتها وردة ابتسمت وفتحت الخط:-هلا بالحلوة
وردة:-هلااااو شلونج
ملاك:-اممم زينة شكو شو صوتج متغير
ضلت تتحمحم وهي تگلي:-استححححييي شلون اگلج
عدلت كعدت وگلت:-ماتحجين ولج شكو؟
وردة:-احمم اني حامل
طفرت من الفراش وضليت اكمزز:-عزززة جذذذاااابة
وردة:-هههه والله شو فرحتي اكثر مني
ملاك:-لج فرحانتلج اكيددد شوكت وشلون
وردة:-ستوني سويت تحليل منزل وطلع خطين يعني حامل
ملاك:-يلة مبرووووك مبرووووك ان شاءلله تكومين بالسلامة يروحي
وردة:-آمين حبيبتي يوم الألج ولو تأخرتو هواي
ملاك:-يمعودة من المشاكل جنت ناسية هالموضوع اصلا ويمكن اطلع حامل هم ومادري
وردة:-اي ولج حللي اصلاً شعجب مامعقولة لسة ماصار
وانتوا صارلكم سنة وفوك
ملاك:-مادري الله كريم حمستيني والله
وردة:-هههه روحي لعد كوليلهم استحيت اخابر كمال
اني وباجر اجي عندي ذني بقن مال تحليل
منزلي بلكي تطلعين حامل صدك
ونصير سوة
ملاك:-ان شاءلله
نهيت الاتصال ونزلت اركض لكمال
وخالتي لگيتهم بغرفتها وهو حاط راسة
بحضنها:-كمممماااال
رأساً فز:-شكووو
ملاك:-ورررررد حااااامللل
ضحك وكال:-هاي شوكت شو ماندري
ملاك:-ستوها والله خابرتني وكالتلي
باوعت لخالتي
وجهه احمر من العصبية نترت:-وليش ماخابرتني
اول؟
ملاك:-مادري گالت استحيت
سكتت وهي عصبية مبينة حتى فرحتنه
ما تهنينه بيها اخذني
كمال وصعدنة فوك
ملاك:-فرررحانة كلش
ضحك وكرص خدي:-شكد تحبينها لوردة
ملاك:-فوك متتصور احسها بتي واخاف عليها هيج هواية
ابتسم همست:-صدك عود ليش ماصار عدنة طفل لسة؟ مو صارلنة هواية
وهو يوخر شعري عن متوني:-رزق هذا
من رب العالمين حبيبتي قابل بيدنة الله الرازق
ملاك:-يعني انتَ تريد طفل؟
كمال:-اي اكيد بس ورا الله شوكت مايرزقني حمد وشكر
ملاك:-ان شاءلله يرزقنة ونصير احلى عائلة
هز راسة وهو يفتح شريط الروب
ويهمس:-شرايج هسه نسوي ثنين مو واحد؟
ضحكت بصوت عالي...
ثاني يوم أجت وردة طشيت عليها
جكليت وهلهلت بصوت عالي وهي خجلانة وجهها
احمررر
شبگتها وگتلها:-يوم الاشوفج تگومين بالسلامة يروحي انتي
وردة:-آمين يارب ، وين امي؟
ملاك:-بغرفتها
وردة:-جا شبيها؟
ملاك:-ضايجة لأن انتي ماكتيلها اول
وردة:-يبوووو
رحنالها سوة دخلنة جانت گاعدة
وتباوع للتلفيزون حتى ماستقبلت بتها بأبتسامة
تحسسها انو هي فرحانة؟
لا باوعتلها معصبة وهي همست
من ورا خشمها:-الف مبروك ان شاءلله تكومين بالسلامة
وردة:-الله يبارك بيج بس ليش ضايجة يمة مني؟
بيداء:-ما ضايجة بس المفروض اني اول
وحدة تگليلي مو يجون الغرب يگلولي
لويت رگبتي وكتلها:-بس اني مو غريبة
وردة:-والله استحيت ماكلت لاحد اول وحدة
ملاك گتلها حتى امير ماجنت گايلتله بس هو يعرف
لان جابلي ذني مال تحليل لاتضوجين استحيت والنبي
بيداء:-بيت عيالج يدرون؟
وردة:-اي اليوم الصبح كالتلهم باجي لمياء
بيداء:-شكو گتيلهم
وردة:-يا يمة شلون ماگللهم بالعكس فرحولي وباركولي كلهم
بيداء:-لاتصدگين بيهم البشر
بالوجه مرايا وبالكفة سلاية وخاصةً مرت عصام اكبر حية
تحجي وتباوعلي تأفأفت ماكو هيج
حقد وغل لخاطر الله
ردتها وردة:-بالعكس تحبني كلش والله
وحتى أمير كال تگعد هاي السنة ماتداوم سادس
ماقبلت خالتي وگالت تكملين
ولوين ماتوصلين توصلين عسى ما خمسين وهي تهتم بية
هزت ايدها
أشرت لوردة تطلع
طلعت وهي ضايجة من أمها:-اريد اعرف
شنو من أم لخاطر الله حتى ماحس بوجهه بذرة حب لو فرحة الي
ملاك:-كافي لاتنقهرين ترة هي هيج
وردة:-لج بس اريد افتهم ليش هيج تكرهه بيت جدي هواية؟
ملاك:-مبينة حبي علمود ابوية ما مسولفتلج اني القصة شنو ورا الغدة اسولفلج
وردة:-وانتي شمعرفج؟
ملاك:-صارلي شگد اعرف حتى قبل لا انخطب
من كمال امي حاجيتلي
هزت ايدها وسكتت
أجة كمال ومن شاف وردة ابتسم
وهي گامتلة بخجل وتنزل بردانات بلوزها
خجلانة حضنها وباس راسها:-الف مبروك حبيبتي
ابتسمتلة:-شُكراً يوم الألكم
كمال:-آمين يارب گومي ملاڪي جبت اللحم
گمت واني يطير گلبي من اسمع
اسم ملاڪي بحلگة
طبخت الغدة ورتبت الأماعين ؏ الميز
وصحتلهم التموا
كلهم ؏ سفرة
واحنة نسولف ونضحك
قطع كلامنة صوت خالتي وهي
تگول:-كمال استعجل بموضوع الأطفال
رفعت حاجبها وهي تكمل:-ترة بديت اشك!...
