رواية الإرهابي وذات النقاب الفصل الرابع عشر بقلم ام غايب
المّكسور من ناسه بيّمن بعد يستگويّ ؟🖤.
كمت .....والله بنيه والله محد طاخني غيرك ولا اعرف احد الله يخليك صدكني
خضر-ااااااانجبي لتحجين حتى دم مطلع منج
صح اني مجررررم بس مو عديم شرف ولا مكرن حتى اقبل بيج انت تصحكين على منووووو انت مو بنيه
والله محد لازمني غيرك لزمت ايده دفعني وجرني من شعري
قذذذذذره بسببج حتى تخليت عن ثار اهلي صدكتج
خوش عذررً جنتي تتهربين مني مووووو حتى مااكشفج
هو انتِ نفس اختج اظاهر بس اني غبي ااااااني
امشي ....امشي طلعي بره ......لتحجين ابدددددد وحده قذره .... راح كعد بالكاع وغطه وجهه بيديناته اثنينهن
خضر-شلوووووون انخدعت بيج فهميني .....شلون
ميمونه-كعدت كباله وخليت ايدي على رجله راني ابجي
خضر والله وروح امي محد طاخني غيرك
الله يخليك صدكني والله محد لازمني غيرك
خضر ابوس ايدك صدكني والله محد لازمني غيرك
بعد ايده من وجهه
خضر-جذذذذذذابه .....لتجذذذذبين انت وحده قذررررره
كدرتي تخدعيني ....ااانت موووو بنيه ميمووووونه
مو بنيه اعتررررررررفي ويامن ....ااااحجي لتسكتين
ميمونه-والله اني بنيه ومحد طاخني غيرك .....مااحس اله جرني من شعري وقرب وجهي علي وعاط
خضر-كاااااااافي تجذذذذبين واااااااحجي مااصدكج لو بمنووووو تحلفين .....اصلاً وحده مثلج انهزززززمت ويه واحدددد متعرفه وعافت ابوهه واختههه علموووود مجرم .....كلشي اتوقع منهه
ميمونه-باوعت علي ....وشعري بين ايده .....ويجرني منه حيل ......بس ماافكر بوجع جرة راسي حايره شلون ابرأ روحي كدامه مااعرف ....كلشي مااعرف ....كل الي اعرفه محد لازم ايدي غير خضر وفوك كل هذا صدمني من كلي. كلشي اتوقع من وحده تنهزم من اهلهه ....يعني لو احجي منا للصبح مراح يقتنع اني مظلومه مااعرف ....كل الي اعرفه اني مظلومه وشلون صار هذا الشي الي يكول علي خضر مااعرف
دفعني وكام سحلني ....
خضر-امشي .....اااامشي قذررررررره عبالج اسكتلج
ميمونه-خضر الله يخليك والله اني مظلومه ...خضر ابوس ايدك ...خضر وين اروح واني عفت اهلي علمودك
خضر-طلعي برررررره مااريد اشوف جهرتج بعد
حقيرررررره انت وحده حقيررررررره سحبني من ايدي وفتح الباب جلبت بيده يدفعني واتوسل بي
ميمونه-خضر وين اروح خضر ....خضر الله يخليك لتعوفني والله اني محد طاخني ....ابوس ايدك
خضر اسمعني الله يخليك والله محد لازمني غيرك
جنت مجلبه بيده مثل الطفل يدفعني وبكل قوتي مجلبه بي وهو يدفع بيه نزلت لزمت رجله
خضر لتطردني وين اروح اخاف والله
نزل عليه وسحبني من شعري ... وكوني دخلني وطبك الباب حيل وسحبني حيل وشمرني بالكاع
اااانت موووو بنيه ....هذا الشي لتناقشيني بي ابددددددددد ....احجيلي طلعيلي بالنظيف ويااااامن وليش مكلتي ....ليش صرتي شريفه برررررررراسي
جنت بالكاع مشموره ومكفشه ....واباوع علي
والبزونه جانت جوه رجلي .....شالهه وشمرهه بعيد وتقرب عليه
خضر-ااااااااحجي بسررررعه تعرفين اني شكدر اسووووي
اذذذبحج بيدي اذبحج ااااحجيلي الصدددذذذك بسرعه
ميمونه-والله محد طاخني ولا حتى لازم ايدي
صدكني
خضر-ليش اصدددكج ليش وشلون اصدكج
فهميني
ميمونه-لو جنت اجذب عليك واني مو زينه مثل مكلت ...جان خليتك تتقربلي واني عليه .....
بعدني ممكمله سحب شعررري
خضر-همممممم متكدرين تغشيني
ميمونه-اااخ ....والله بريئه
خضر-ويه منوووووووو احجيلي كليلي ....مااسويلج شي
بس لتجذبين عليه .....كليلي الحقيقه ....كليلي
ميمونه-لو جنت مو بنيه شلون انهزم وياك ...فهمني
عاف شعري وكام صاح
خضر- رااااح اتخبل راح اتخبل ....الله ليش هيج فهممممني لج حبيتج ميمووووونه لج عبالي تختلفين ....مردتج غير بحضني بالحلال ....ليش هيج ليششششششششششش وكام يركع براسه بالحايط واني كل ميركع راسه اكمز وابجي واباوع علي
فجأه طلع من البيت وركع الباب حيل اني ممستوعبه كلشي ......اللحظه فكرت هو يتهمني لان اخذ الي يريدهلان اني واثقه من نفسي محد متقربلي ....حتى من ضربني هو وعافني حسيت من شالني الرجال بس ردات فعله شككتني بنفسي ايدي وجسمي كله يرجف
اني شسووووويت اني هنا وعيت الروحي شكد جنت متأخره ....هاي حوبة ابويه وامي واختي فلك الي خذلتهم ....الله عاقبني
عفتهم ووثقت بأنسان مااعرفه ....ضحك عليه بكلامه
صرت بدوامه مااعرف شسوي بس اباوع على الباب وابجي واسأل نفسي شلون اني مو بنيه
كمت ابجي بصوت مسموع .. صرخت من حركة كلبي وكمت املخ بشعري رأساً هو فتح الباب ...جان كاعد على الدرج اظاهر ...لان بس صرخت انفتحت الباب
واجه عليه لزمني ...
خضر-اششششششششششش لتصررررخين كافي
ميمونه-باوعت علي مثل المخبله
اااني بنيه .....انت متصدكني ....اااني انهزمت من بيت اهلي وياك لان احبك ....لان مردتك تكتل احد لان خفت عليك ....والله محد لازمني غيرك
خضر-باعيلي .....بااااوعي .....ررررركزي على سؤااااااالي
من ضربتج طلقه
جنت اباوع علي مثل المخبله اهز براسي وجسمي يرجف
كتله اي لان توقف عن السؤال
من اجه احد شالج جنت فاقده الوعي لوووو تحسين بي
ميمونه-جنت حاسه .....مسوالي شي
جنت مشموره بالكاع واون ومااكدر اشوف عيوني مثل الغشاء بيهن حسيت احد فوك راسي سمعت صوته كلي بنتي بيج شي وراهه حسيت شالني ومااتذكر مااتذكر بعد شي
خضر-رفع راسه وضغط على شفته بيده وراسه مثل الي يهتزززز
ميمونه-كام من يمي.....وكام يفتر بالغرفه مثل المخبل واني اباوع علي عيوني ورمن من البجي وجسمي كله يرجف ....مصيري مجهول كمت اخاف منه ....ردات فعله
باوعت علي ...محد متقربلي وشهكت
خاف انت. وناشغت ...خاف انت بعد ما تقربت مني تريد بعدني ممكملتهه واجه ثاير عليه خنكني من رگبتي
خضر-لج ااااانت شنووووووو .....وتحجين ....لج يعني اني لووووووو بله شرررررف كم مره صحتلي الفررررصه اخذج بالحررررام
لزمت ايده خنكني حيل ...عافني فحطت مااحس اله كومني .....وفتح الباب ... وطلعني اني فقدت كل احساس .....صرت بس مصدومه .... طلعني وطبك الباب .....احس صار ضوضاء براسي....شريطي انعاد كبال عيني من التقيت بي ....وكلامه كلام فلك وكلشي
وبس السؤال الي اسأله النفسي شسوي اني هسه باوعت على الشارع مبين من فوك ظلمه الدنيا
وصوت الجلاب خفت حيل بس ماعندي مأوى
باوعت على الباب ودموعي تنزل
كمت وكفت على حيلي ....دكيت الباب
مطلعله صوت
شفتي ترجف ....وامسح بدموعي الي صارن شلالات وحافيه ....وجنت اردد استاهل ...هاي حوبة اهلي بيه طلعت ....استاهل
واني اتذكر وعوده شلون صدكته....اني بنيه محد متقربلي ......هو مجرم اخذ شرفي وراد يتخلص مني
استاهل لان صدكته ومفكرت بسمعة اهلي
الندم ميفيدني بعد ....نزلت بضياعي واهاتي وحسرتي على نفسي ...الي ضيعتهه بيدي ....امشي بطريق مجهول ....مثل المخبله بلا وعي ومن تنزل دموعي على خدي امسحهن بيدي ....ماادري اي طريق اقصد .....
ووين راح تاخذني الدنيا ....لو شسوي
دخلت للنار برجلي ....ضيعت اهلي وعمري ....غلطه متنغفر لا من اهلي ولا بحق نفسي
والاصعي جان ....مااعرف اوخذلت لو خذلت
.........................
فلك-ثاني يوم بعد ما طلعت ميمونه ويه خضر .....وحققو ومصدكو اتهامي ....جانت خاله وقاسم بايتين يمنه ....مكدرت تغفالي عين كاعده ابجي ممصدكه ميمونه هيج تسوي ....كلبي يوجعني حيل
ااااه من اتذكر من سحبت الموبايل مني حتى مااتصل على قاسم وهو موجه السلاح ويهدد بيه
مستحيل جانت ميمونه مو اختي ابد ...ابد
من اتذكر هذا الموقف ....احس الهوا يختفي ....اختنك حيل
كعدت على حيلي وابجي .....بصمت راح تخسر شرفهه
وراح ينعدم مستقبلنه .....جان نفروض اخليهم يكتلوني قبل ليطلعون ....شلون استسلمت وخليتهه تررح
لزمت ايد بابا وبستهه وابجي
اكعد ....اكعد يا بابا الحمل ثكيل ...شلون راح يخلص
فهمني ....
وغفيت واني راسي على ايده ......فزيت على صوت دكة الباب وقاسم كام وخاله مخروعين لان دكت الباب قويه
قاسم-اي ياااااابه جاي جاي ....منوووووووو
فلك-جنت واكفه اني وخالتي يم الباب وطابكي شويه باوعت هواي زلم بيهم الي لابس بدله عسكريه وبيهم المدني ويريدون يدخلون
رمضت لبست شال وخليته على وجهي بس طبعت عيوني
مدخلو غير اثنين واحد لابس بدله مختلفه عن الي ويا والثاني مدني
قاسم-البارحه حجينه كل الي نعرفه سيدي
صار جديد
-انت المسؤل هنا
قاسم-نعم اني هنا مسؤل
ام قاسم-بنيتنا صغيره خطفهه الميخاف الله ...جسف ماعدهه احد
فلك-باوع عليه ... وسكت اني ارتبكت ...مو لان خفت منه ...لان خفت من تحقيقهم البارحه يثبتون ميمونه انهزمت ويا
-ااانت اختهه
قاسم-اي اختهه اصغر منهه
-اريد صوره الاختج
قاسم-فلك عندج صوره
فلك-اي عندي
-شكد عمرهه ....وتكدرين توصفيلي شكله بالضبط
فلك-اي اكدر
رحت للغرفه طلعت جنسية ميمونه بيهه صوره وطلعت صوره كلهه مو بعمرهه هسه ....بأصغر ويه بابا وماما ماخذيهن ....رحت اله جان كاعد ويدخن
هاي الصوره
اخذهه مني وهو يدخن ويباوع عليهه .....
-طفله هاي
-فلك -ماعندي صوره الهه حاليه عمرهه ١٩سنه هسه
-اوصفيلي الي خطفهه مو تكولين اعرف شكله
فلك-بارتباك
طويل وجسمه وسط بس اكثر شي مايل على الضعف
صاحب لحيه طويله
عيونه وسط بس طوال ووجهه بي اثر
مااحس اله كام يتحرك بالبيت ويباوع علي
منين دخللكم
فلك-باوعت علي .....من السطح
-يعني انت شجنتي تسوين وشتصرفتي من دخل عليكم
والباب مسمعتو وشلون كدر يفتحه يعني نفترض يفلش الباب فعندج وقت انت واختج تنهزمن وبيت خالتج هنا قريب يعني معقوله محسيتن بصوت
فلك-باوعت على قاسم وخالتي وبلعت ريجي ....مااعرف شحجي ....وشكول
صعد الدرج وكلي تعالي ورايه كام قاسم والي ويا رادو يصعدون منعهم ....لحد ليجي مااريد احد يأثر تحقيق
صعدت ورا وكف كبال الباب
-الباب مابي اي شي يدل هو داخل عليكم
اكو احد مدخله .....اختج وين جانت
فلك-سيدي اني جنت نايمه وفجأه نزل موجه السلاح على اختي يمكن جانت تشر ملابس
-باعي لج من الاخير اجيبهه الج تدرين شكد مارات عليه مثلج لو متدرين .....اختج مهزومه ويا بقناعتهه اذا ضحكتي على خالتج وهذا اليمهه فالحكومه متكدرين تضحكين عليهه ......بس انتي غبيه تدرين شلون من وصلتيهه للدوله
ماكو سر بالدوله ينظم يعني القضيه هاي ترجع عليكم قضية شرف وفضيحه مو بس بمنطقتكم لا
بكل مكان فاااانت غبيه جداً اني سايرتج ومشيت ردت اشوف اخرتهه
بجيت متحملت ....معرفت اتصرف ميمونه خلتني بموقف صعب كلش .....طلع صوره من موبايله
وشوفني هذا الي تحجين علي
باوعت صورته ....اي ....اي هذا هوووو
سيدي والله اني احجيلك هسه الي صار اختي ميمونه شافته من خطف طفل واني خابرت صديقتي تعرف عنوانه تبلغ علي بعدهه ضرب ميمونه طلقتين وامي جان عدهه مرض بالگلب من شافته انصدمت وماتت
وراهه جنت طالعه مااحس اله ورايه وسلاحه على راسي حبسنه بالبيت و............سولفتله كلشي احجي وابجي
ومااعرف فجإه اختي كالت احبه
ميمونه ...مااعرف شلون تكول احبه او احتمال مهددهه بشي ....وانصدمت هيه ويا طلعت ومكدرت اسوي شي
والله ممجذبه عليك
-زين شجان يريد منكم من باقي بييتكم
فلك-تذكرت سيدي جان اكو ولد صديقه جبرني اروحله
وحجيتله
-تعرفين اسمه مكانه
فلك-شاهين ....وعنده محل بسوك .......واندله والله
سيدي لتكول اختي انهزمت هسه عمامي اليوم راح يعرفون ....يكتلوهه والله وهمه حتى مسائلين علينه
-الانت الي غلطتي من بلغتي وانت تعرفين اختج مهزومه ويا .....على العموم وطلع جكاره
اذا حرف واحد من الي حجيتي طلع جذبه منج مااعوفج
وراح اسجل اقوال تغيرين بيهه الاوصاف وراح تكولين مااعرف اختي مختفيه
فلك-بس اني انطيت
-اذا متريدين انت واختج تتورطن اكثر
الاسم تسحبي مال خضر والاوصاف تغيريهن اني راح اهتم باقوالج بس من يستدعوج تحولين الي راح اكلج علي بالحرف الواحد اذا غلطتي متخلصين مني
فلك-باوعت علي ....معقوله هذا من العصابه شفته يريد يبعد الشبهه عن خضر
-فهمتي
فلك-هزيت راسي بـ أي مااكدر اعترض احجي واني الممنونه جنت بمجرم يهدد هسه بضابط
اخخخخ يا كلبي اخ يا ميمونه شسويتي بيه ويني وين هاي السوالف ساعه سوده مصخمه يوم البلغت ماعندي سند اني بمنو جنت مسنوده وصرت سباعيه من همدددداني
طلعو كعدت بالكاع مسحونه روحي وابجي
قاسم -شكلج الضابط
باوعت علي شكله شحجي مااعرف رجعت الباب اندكت مثل النقذتني راح قاسم ....طلعت مو انقاذ اجاني الاسوء
عمي عامر .......كمت رأساً احس طاقتي خلصت الله اليستر وويا اثنين ولد عمي توهم شابين اكبرهم هو بابا جان
اول ما دخل عمي يخزر بيه
عامر-شنوووو اني اخر من يعلم
فلك-شوكت عمو انت حنت اول من يعلم بوضع بنات اخوك
عامر-ولج وتررررادددين ....عبالنه اخويه مربيكم طايحات الحظ
قاسم-حرامي طفر وخطفهه الميمونه
عامر-بالحالتين مظلومه او ممظلومه صارت عار علينه
مادام خطت بره البيت والمنطقه عرفت صارت عار علينه ان شاء الله الخاطفهه يذبحههه وله اضطر اني اغسل عاري بيدي
فضحتنه ساعة السوده لا اخويه الميت ولا العايش وفوك راسنه ....جابلنه بنات حتى ندنج راسنه من وراهن
خفت اجادل ليروح يسأل ويعرف هيه انهزمت ...جنت بس اريد السكوت وتعدي ...جنت اعرف حيصيرون عمامي زلم
بقه يعد ويصف ويتهدد يذبحهه
عمي الثاني معوق ميكدر يجي واصلاً يجوز ميهمه
بيتنا انهجم كلشي انهجم ...وكلشي اختلف كل شويه واحد هاد عليع جبير وصغير ومااكدر احجي مصيبتي مصيبه ثاني يوم رحت المحل شاهين كوه خلصت نفسي من قاسم مخلاني اطلع كلي ممنوع تطلعين شفته طلع لبست وعفت ابويه وحده وطلعت
وكفت كبال محله ....شحجي اكله اختي انهزمت ويه صديقك .....شي مينحجي ويفشل
من شفت فرغ محبه دخلت بسرعه هو كبل باوع عليه مبين عرفني
شاهين-تفضلي اختي
فلك-اختي وين صديقك اخذهه عمامي اذا لكوهه يذبحوهه
شاهين-مااعرف على شنو تحجين
فلك-الله يخليك اذا تندل مكانهه كللهه لتجي البيتنا ابد يذبحوهه عمامي والله
شاهين-مااندلهه
فلك-شحجي ويا مااعرف اذا يندل او لا
اذا اتصل بيك صديقك كله خل يوصللهه لتجي ابد البيتنا
جنت بوسط المصايب اقوى مصيبه عندي اخاف ترجع او يلزموهه ويذبحوهه طلعت من محل ابو الكماليات
امشي مختنكه اتذكر شلون جانت حياتنا قبل من امي موجوده نطلع نشتغل ونرجع كل وحده تذب الي حصلته بالقاصه ....جان هدفنا بالحياة نجمع فلوس عملية امي
وكرات النفس تشتهي نشتريلنه ربع زنود الست نجي فرحانين بي جنه نحارب علمود محد يطخ شرفنا وحريصين علي وماما كل منطلع الصبحيه تدعيلنه بالستر وتوصينا شلون ميمونه سوت هيج مااعرف
وره يومين الدكتوره خابرتني لان عدهه عزيمه اضطريت اروح لان بابا يحتاج مغذيات والايجار قرب موعده وقاسم ماعنده فلوس وعمي ولا يمه بس اول يومين كل شويه هاد عليه ومسمعني كلام مينلبس الع ثوب ويهدد بس يلكاهه شوف شيسوي
حتى بيومهه انهاريت وعطت بوجهه اذاااااا ملكيتوهه مذبوحه خطفهه اكلكم خطفهه وهوووو مجرم
جنت اصدك الجذبه الي جذبتهه اني وحتى كمت اقنع نفسي هيه مخطوفه جنت اكول يجوز مهددهه لذلك سكتت راستسلمت وراحت ويا
المهم بيومهه بالمطبخ من طلعو الناس كاعد انظف دخل ادريس حسيته يحاول يتقرب مني ومن طلعت من بيت الدكتوره واني امشي مااحس اله ورايه حتى اللحظه كمزت عبالي هذا المجرم
باوعت بحديه علي
ادريس-لتزعلين مني بس راح اصير واضح وياج
اني من ذاك اليوم خليتج ببالي
فلك-اكلك وخرررر من يمي لا الم الناس
ادريس-سألت مرت عمي وحمدت باخلاقج
اني رجال على كد حالي ابويه وامي متوفين اشتغل بعقد راتبي قليل بس يسترنا وميخلينه نحتاج احد
فلك-واني شعليه
ادريس-شغلج يضوجني اذا نتزوج ان شاء الله تعوفي
فلك-باوعت علي مصدومه ولا بالاحلام هيج يصير خطبني وهو مشايفني غير بس مره
اكلك اني مالي خلك فدوه هسه ارجع للدكتوره
.....واكلهه عليك
ادريس-كليلهه اصلاًتعرف ومدحتج هواي كالت من سنين تعرفج بنيه امينه ورحبت بالفكره وعلساس هيه تحجي وياج بس اني كتلهه اني احجي شويه وقبل لا اوصل خابرتني الدكتوره اخذت اسم عشيرتي وتأكدت من عنوان بيتي
صارلهم يومين وماكو لا حس ولا خبر لا من الدكتوره ولا الولد الاسمه ادريس ....بوسط الضوضاء والهوسه مو وكته اصلاً
اندكت الباب خاله دخلتهه جنه نسولف باجر مفروض اروح اصدق اقوالي وكالت عمج مخابر قاسم يروح وياكم
فلك يمه كليلي اذا اكو شي مضموم
باوعت عليهه شنو قصدج خاله
اني اعرف بهذا الولد جان يمكم خاف بينه وبين ميمونه شي
فلك-لا خاله ميمونه مو هيج هو هددهه واحد حقير
ام قاسم-اااخ يا يمه رالله كلبي خلص لو مصيحه بيومه مسويه شي جان تلاحكنه
فلك-اسكتي خاله سكتي
ام قاسم-عفيه هالميمونه دومهه منشفه ريجنه
من طلفه راحت من دون الجهال كلهه لتلعب توكعلج على بوري وهم نشفت رياجتنه وهم امج مبقت امام منخته وابوج ريجه نشف الحد ما طمنتهم الدكتوره وكالت ماكو شي وهم يومين وصار عدهه نزيف داخلي وابوج وامج تخبلو وخيطوهه طلعت مجروحه والله سترنا جان شخلصنه من حلوكة الناس
ويا سبحانك ياربي وهيه جبيره يخطفهه واحد وهم من وراهه حنصير علج بحلك العالم
ولو اني مأيسه ماظن يبقيهه عايشه اخخخخ ييمه
هو يلام ابو قاسم من يكول كون شكو طفله بنيه تنولد تنذبح ليش لان البنيه مو مثل الولد هاج هسه هيه خوب مظلومه وانخطفت ويكولون شردت واشكال الحجي يح
..........
خضر-بعد ماطلعت ميمونه ....جنت تعبان حيل ...انصدمت حبيتهه حب مااكدر اوصفه ....جنت اخاف عليهه من نفسي حتى اول يوم الي طلعت بي وياي ....وعدتهه مااخذلهه وجنت صادق بوعدي كبل نمت ردت اصبر الثاني يوم واعقد عليهه طخه مطخيتهه جنت عبالي مختلفه مردت الوثهه بالحرام
عقدت سيد وصارت حلالي
شفت الدنيا بعيونهه صح وعدي اعوف ثاري الهه جذب بس ردتهه تصير الي والباقي أمنلهه حياتهه عندي هيكل باقيله القليل يكمل كلت اسجله باسمهه وشراكه ويه شاهين بمحل وعندي سياره كلهن يصيرن الهه من اخذ ثاري وادخل السجن
جانت بعيني مختلفه انصدمت من ملكيتهه بنيه
ومو مسأله ثانيه متأكد ميه بالميه هيه مو بنيه
تعصبت وطلعت منهار شربت جكاير على الدرج واكول ميمونه مو نفس اختهه وارجع من اتذكر فلك والشقه وهيه شغلهه هم مثل اختهه احتمال واحد ضاحك عليهه
رجعت كلت معقوله من شمرته اني بالهيكل
دخلت سألتهه تكلي واعيه لعد شلون شلون هيج
متجاوبني وفوك هذا تستفزني استفزتني من كالتلي يجوز انت اخذت الي تريده وتعوفني حسيتهه شيطانه وصلفه تريد تضحك عليه وتطلعني اني بلا شرف
دوم تتهمني هسج اتهامات ....ردت اصير فعلاً بلا شرف
طلعتهه وهيه ساكته محجت شمرتهه بالباب وكعدت ورا
اضغط على راسي من الوجع والصدمه ...
اول مره احب هيج بحياتي كلهه .....واول مره تنزل دمعتي من يوم مماتو اهلي
ردتهه الي ....حبيتهه حيل جانت بالنسبه الي حالهه حال الثار الي شاغل بالي هيج جانت بالنسبه الي
دكت البلب سمعتهه جنت اتمنى اطلع روحهه بيدي
بس مااتحمل اريد اتأكد اريد اتأكد اتمنى ظالمهه
تذكرت جماعتنا دوم يسولفون كالو اكر غشاء مو بسهوله كلت معقوله ظالمهه بس اني متأكد مو بنيه تذكرت كلام شاهين من خابرني وكال اختهه مرت عليه وكالت عمامهه يذبحوهه
كمت فتحت الباب باوعت ماكو. طلعت بسرعه نزلت من الدرج مالهه اثر ركضت الفرع كله فص ملح وذاب وكفت فحطان مااعرف شسوي
ممصدك الي كاعد يصير جنت راسم شي صار شي ممفكر بي نهائيا.
رحت كبل المنطقتهم من بعيد اباوع على البيت توقعتهه ترجع والبيت اظلم سنطه مبين مراجعه واصلاً ممعقوله لحكت ترجع
وين رحتي يا ميمونه ....رغم ماجنت احس نفسي اكرهه بكد محبيتهه بس رحت مااعرف شسوي بس خاف صدك يذبحوهه خاف اني ظلمتهه وكلت اذا اتأكد هيه ضاحكه عليه بعد مااخذهه دكتوره بيدي اذبحهه
طلع الصبح مالهه اثر اخاف اعوف المكان وتجي خابرت على شاهين منطيني حظر
اريد بس اوصله ماكو وماعندي رقم حمصه احتاريت للظهر أيست ماكو ....وعفت المكان رجعت للبيت مالتي ادور عليهه ماكو وشاهين اتصل علي هم ماكو الحد الليل اجتني رساله
انطيتك حظر دير بالك تتصل على هذا الرقم مال امي خالد عرف اني مساعدك بس اني نمرت وكتله ماادري فإحذر
٤أيام مرن وهيه ماكو مالهه اي اثر فص ملح وذاب واراقب فلك تطلع وتطب ومخبوصين واكو ناس بيتهم يدخلون مااعرفهم اظاهر عمامهه
وصلت مرحلة التعب والقد والكره زاد ومحتاج للانتقام والثار اريد اخلص ....تعبت جنت متمدد صعدت فوكايه البزونه تهورت وتنرفزت حيل كمت شلتهه وطلعت سجينه وطلعتهه فوك السطح ممر صغير قبل البيت
مطلتهه وردت اذبحهه باوعت عليهه مكدرت ....شمرتهه من الدرج بسرعه كامت سيطرت وكعت من بايتين دخلت وقفلت الباب ووكفت ورا
كلت اني شمنتظر هاااااا شمنتظر يعني
ليش مااروح الثاري بيدي
لبست الجاكيت مالتي والكبوس وأجرت تكسي البيت حبوبه اليوم اخصمهه لو خالد لو كتال اهلي
اخذت السلاح واخذت سجينه وياي وصلت جان ماكو احد بالباب الساعه بال٩تقريباً بليل
جان مفتوح باب الشارع وسيارة خالد بالباب
اول مدخلت من الحوش ....طلعت سلاحي
اول مدخلت صار بوجهي علاوي
علاوي-خضررررررر شجابك ولك هنا
كبل وجهت السلاح علي وطبكت الباب
ام خالد-دكت على صدرهه خضررررر
وررررافع سلاح يممممه اااابني وخرررر سلاحك منه بهاللحظه انفتح الباب مال كلدور لزمته فتحته محمد ابن خالد فرحت من شفته هو المطلوب
محمد-عموووو خضرررر
كبل سحبته وخليته كبالي والسلاح علي
عاطت ام خالد نزلت ام محمد مرت خالد هم عاطت
محمد-عمو هذا مثل بابا يعني انت هم صرت شرطي
علاوي-خضررررر بلا خبال الطفل راح تخرعه
خضر-خالددددد وينك خالد انزززززل
علاوي-لك مطي خالد مموجود وراد يجر محمد
خضر-لتتقررب مني دير بالك علاوي افرغ السلاح براسك وراسه
جانت روحتي هناك جنونيه اعرف وراهه يصير شي بس تعبان ومأيس وكاره الدنيا لو اوصل للي اريده لو ادخل للسجن
علاوي-ااانت تخبلت والله وكبل هجم عليه يعرف مااكدر اضرب ابن خالد كمنه نتلاوى اني ويا حصرني بالباب
والمسدس بيدي طلعت طلقه من المسدس..
