رواية ثأر الشيخ مهران الفصل الرابع عشر 14 بقلم حوراء

الشّعر يأتي دائما مع المطر , ووجهك الجميل يأتي دائماً مع المطر , والحب لا يبدأ إلا عندما تبدأ موسيقى المطر.

نزار قباني 

__________ 

ايليا:- صارله يومين ماكو وين راح لايتصل ولايراسل افف زعل مني اهوو واذا زعل شعليه بيه 

كمت دخلت للمحاضرة وكعدت يم اثير صارلنه يومين من الدكتورة انطتنه تقرير مشترك اني وياه واغلب وقتي صايرة وياه علمود التقرير وانفال مترضه اداوم لان وجهة بعدة بيه اثر ضرب مال اخوها الشفيه 

اثير:-هيوو وين صافنه يولي 

ايليا:-وياك ماصافنه بس جاي افكر بانفال ممتعودة اداوم وهي مموجودة وياي 

اثير:-عجل اني وين رحت 

ايليا:-ههه والله محد مصبرني على الدوام غيرك 

اثير:-بلخدمه يولي مسويت شي 

ايليا:-ترة موضوع البحث حيل معقد ليش هيج انطتنه اصعب موضوع 

اثير:-تعطى اصعب الحروب لاقوى الجنود 

ايليا:- صارت عندي امنيه فد يوم اكولك على شي صعب ومااكدرله توافقني الرأي بيه دائما تنطيني حافز حته استمر لذلك احب اسوالف وياك سوالفك كلها ايجابيه 

اثير:-ول يابه العمر خلصان ولازم نحقق احلامنه ونسوي انجازات شنو نستفاد اذا كضيناها كلهة تشاؤم وسلبيه مو 

ايليا:-صح كلامك والله 

نسولف ودخلت علينه الدكتورة وقدم كل طالبين تقاريرهم للبحث الي وصتنه عليه ونطت درجات الحمدلله البحث مالتنه اني واثير اخذ الدرجه الكامله خلصت المحاضرة وطلعنه 

اثير:-بهاي المناسبه الحلوة حاب اعزمج على غدة بالكافتيريا وها لاترفضين ترة نتخارب 

ايليا:-والله ما اكول لا لان ميته من الجوع 

اثير:-يخسه الجوع امشي يول 

رحنه للكافتيريا ونزل الاكل بيتزا وصاج واكلنه وكملنه 

اثير:-اريد احجي وياج بموضوع بس متردد شويه 

ايليا:- كول اسمعك 

اثير:-الموضوع 

                                  

              

                    

قطع كلامه صوت موبايلي وهو يدك طلعت الموبايل وانخمش كلبي من شفت رقمه منور شاشه موبايلي 

ايليا:- اسفه بس لازم ارد ضروري 

اثير:-اخذي راحتج يابه 

كمت من يمه ووگفت يم بأب الكافتيريا ورديت عليه واجاني صوته الي يرعد 

:-شعنندددجج كاعده وياههه هااا وتسولفين وتضحكينن لجج بس يومين عفتج انشغلت بأخوي اجي الكاج لاعبه لعبب هاااا ليش ساكتهه احجي 

:-شبيك تصيح هسة انته وبعدين شعليك انته اكعد ويه الي اريدة مااحتاج اخذ أذن منكك 

:- اخخ الله شايفه لو هسة انتي يمه جانن كسرت اعضامج وحگ داحي الباب 

:-ايباهه وليش يابه شمسويه اني 

:-ابدد كلشي مامسويه لج اني مو منعتج منه ومنعتج تحجين وياه ونوب كاعده تاكل وياه سم وزقنبوت بكلبلك ياحيوان 

:-هاي ليش شمسويلك الولد وبعدين ليش تمنعني منه وبصفتك منو هاا ابوي اخوي زوجي هاا؟؟ 

:-مااريد اصير ابوج لو اخوج بس عاجبني اصير اخر واحد كلتيه وماضل شي ويصير هذا الشي بس خليني افرغ شويه واتفرغلج تأمرين امر اله اطلع هاي الايام والحجي من بين عيونج 

:-واثق كلش من نفسك 

:-شعندج وياه ماجاوبتيني 

:-شي ميخصك وبعد لاتتصل عليه شنو ماتستحي ماعندك خوات؟ 

:-هههه عادي عندج بعد مااتصل بيج؟ 

سكتت شويه اتذكر حالي بهاي اليوم ونوب رديت 

:-كلشش عادي مو مهم عندي اصلا ماعندي وكت حته افتقد غيابك 

:-احح هاي قيمتي عندج 

:-اي 

:-لاتجذبين بابا الناس الحلوة مثلج حرام تجذب ونوب تحتركين بنار جهنم ترة 

:-يمه اسم الله الحمدلله اني مااكذب اصلا انته لازم تخاف على روحك من نار جهنم لان تراقب بيه ومعيشني بقلق نفسي 

:-احح كل هذا اني مسويه 

:-اويي خطيه عمت عيني عليك ممسوي شي اصلا اني اتبله عليك 

:-اي مو اكول اني انسان يخاف الله وامشي بصف الحايط 

من كال هيج صدكك ضحكني 

            

              

                    

:-هههههههههه 

:-اشش وسم فضحتينه كدام العالم شني هاي الضحكه مالتج 

:-ليش يابه شبيهة ضحكتي 

:-ابدد كلشي مابيه بس تشبه ضحكه *****

:-عزهه شنو هاي الالفاظ 

:-قابل مجذب عليج 

:-روح بابا روح اجاني الخط لازم ارجع للبيت 

:-هاي صاحبتج ليش مامداومه 

:-مريضه بس اطيب اداوم 

:-وشوكت اطيب 

:-شدراني؟ 

:-احجي عدل لااطيح حضج 

:-شلون احجي عدل مثلا اكولك لست اعلم يامولاي لو شلون 

:-هههههههههه 

يمه ضحكته من سمعتها لا اراديأ كمت ابتسم تخبل 

:-يلا بويه روحي للبيت اتأخر الوكت 

:-ترة انته ضليت تحجي هواي وتأخرت من وراك 

:-اعتذر بويه بس روحي هسة للبيت وبعدين عود نحجي بهذا الموضوع 

:-لا نحجي ولاهم يحزنون بعد لاتخابرني ويلا بايي 

سديته بوجهة ورحت للخط لان السايق كلساع متصل عليه والله اذا رزلني اله اخنگك شلون عالم يتصل بس حته يرزل بيه طاح حضك شكد حلوة ضحكتك 

صعدت للخط والسايق يتأفأف كلساع وكال اني مطي شلي بسالفه الخط اني مطي بس خلي تخلص السنه واشوف بعد يازوج يسوي خط مال كليه خطيه شبع روحه مسبه من وراي همستلي غزل 

:-لج صارلنه شكد من خلصت المحاضرة وين جنتي 

:-جنت اتغدة 

:-لج كل البنات كالن عوفها وامشي وهو يجاوبهن شلون اعوفها والشيخ أمني عليهة اشو انتن متعرفن تحجن اسكتن مني 

:-شكد جلبات يردني اضل هنا اني اعلمهن 

:-يابه ايلي صدك كذب لو ادري راح تسوينها سالفه فلا احجي 

:-لا همزين حجيتي حته اطيح حضهن الجلبات بس اول شي خليني اعتذر من الزلمه 

:-اي خطيه شبع روحه مسبه من وراج ههههه 

:-انجبي لج تضحكين عليه بكد ابوج 

:-اسفه مو قصدي بس كلامه يضحك 

:-ههه هم صح بس عيب نضحك عليه 

:-اي والله ولج هاي انفال شبيهة ماجاي اداوم 

:-مريضه طايحه بالفراش 

:-صدكك تحجين لعد ليش ماحجيتي من قبل حته اروحلها 

            

              

                    

:-وين رايحه اكعدي واسكتي لاتنعدين منها 

:-عزه ليش مرضها يعدي؟؟ 

:-اي ولج يعدي 

:-شنو هذا المرض؟؟ 

:-لج ماادري كالو عليه بس نسيته 

:-لعد مااروح اخابرهة من ارجع واتحمدلها بالسلامه 

:-بكيفج بعد 

اضطريت اكول هيج علمود لاتروح لبيتهم وتشوف وجه انفال لان غزل متضم شي شرقيه نيوز تروح تحجي لكل بنات القسم وهنة شلون يحبنه اني وانفال والله اله يكومن يعيرنهة بالطبه والطلعه وصل البنات كلهم وبقيت بس اني 

:-عمو اني اسفه لان خليتك تنتظر هواي بس صارت عندي شغله واتأخرت 

:-مصار شي عمو بس مرة ثانيه من ادكك عليج ردي لان بالي ضل يمج وانتي امانه الشيخ عندي اذا لا سامح الله وصار عليج شي اني شكول للشيخ متخيله الموقف الي راح تحطيني بيه؟ 

:-إن شاءلله ماتنعاد مرة ثانيه 

:-إن شاءلله عمو يلا وصلنا 

:-شكرا عمو واسفه مرة ثانيه 

:- لاتعتذرين مصار شي بويه 

نزلت من الخط ودخلت للبيت وجان هادء محد موجود فتحت غرفه اهلي ملكيت ماما وصعدت فوك لغرفه غيداء ماكو باوعت على الساعه بعدهي مو هسة تجي تتأخر لان مدرستهة مال متميزين يحلون ب3 العصر اخذت موبايلي وخابرت ماما شوي وردت عليه 

:-الو ماما وينج 

:-الو هلا حبيبتي ايلي اني يم بيت عمتج ام زيون عازمتنه على الغدة ونسيت اكلج كلنه موجودين هنا حته غسق اجت بقيتي بس انتي وغيداء بالبيت اقفلي الباب عليج واتأكدي من باب السطح ولاتفتحين لباب لاي احد تمام حبيبتي 

:-اوك ماما وانتم لاتتأخرون خوش حبيبتي 

:-خوش يمه والاكل سويته الج تلكيه بالثلاجه طلعيه وحمي واكلي لاتضلين بدون اكل خوش حبيبتي 

:-تمام ماما اكو اوامر ثانيه؟

:-لا حبيبتي ماكو بس انتبهي على نفسج 

:-اوك بوسيلي بابا وجدو بايي 

:-باي حبيبتي 

سديت الخط من ماما وبدلت ملابسي لملابس بيت ورحت توضيت وصليت ونوب نزلت وقفلت الباب الخارجي وصعدت للسطح واتأكدت منه نزلت واني ادردم 

:-يعني لازم يرحون يكدرون يرفضون وبعدين من شوكت ام زيون تعزم ناس ام فلس لو تدفع الف تبجي وراه صايرة تعزم ام الوصخ 

كعدت جوة بالصاله اتابع التلفزيون وسمعت صوت الباب يندكك حطيت الحجاب على راسي وطلعت 

:-منو 

:-اني زيون 

بس سمعت صوته رجفه اعتلت كل جسمي وكلبي صار يدكك حيلل جاوبته واني صوتي يرجف 

            

              

                    

:-ششتريدد 

:-افتحي الباب خالي دزاني عليج حته اخذج يكول ميصير تبقى بالبيت وحدهة 

:-هستوني خابرت ماما ماكالت هيج 

:- خالي دزاني قابل اجذب عليج 

فتحت الباب واني ارجف دخل للبيت وسد الباب وراه وكال 

:-اليوم منو يخلصج مني اله اطلع ضيم الضربه بيج 

يحجي هيج ويباوع على جسمي 

طفرت بسرعه وصعدت للغرفه مالتي وقفلت الباب عليه وهو يدكك بالباب 

:-افتحي الباب ترة اكسرة تعاي مااسوي شي بس نتونس شويه

:-انجب كلب حيوان 

:-ههههه يلا شوي وتصيرين بيدي اريد اشوف السانج شلون يغلط عليه بعد 

:-اخذت الموبايل من الشحن وايدي ترجف اتصلت بأماما مترد وبابا هم وماكو احد غيرة طلعت رقمه بسرعه رد عليه 

:-هاا مو على اساس بعد مترديني اتصل 

:-ساعدني راح يأذيني 

:-شنو منو ايلي وين انتي وشنو هذا الصوت الي يمج 

:-اني بالغرفه مالتي وهذا ابن عمتي يريد يأذيني عفيه ساعدني 

:-اهدي هسة اشوف شنو اكدر اسوي لجج اني بعيدد عليج شلونن اوصلجج هسةةة

:-عفيه لاتصيح عليه 

:-ضلي وياي لاتسدين الخط ماكو احد يمج 

:-لا اهلي راحو لبيت اهلة وهو استغل غيابهم واجه 

:-وانتي شلونن تفتحين البابب اله غبيه 

ويامن جاي تحجينن ايليل افتحي الباب ترة اكسرة واجي ********

:-اني اعلمك ايلي ديري بالج تفتحين الباب ادفعي عليه ميز التواليت والمكتب وشكو شي ثقيل خوشش

:-اي خوش 

سويت مثل ماكال وهذاك يصيح ويدفع بالباب حطيتهم كلهم وهو حته كام يك***

:-ايلي بعدج وياي 

:-اي 

:-كلهم راحو يعني بس انتي باقيه 

:-اني وغيداء 

:-الي زوجهة النقيب امير؟؟ 

:-تعرفه؟ 

:-مالج دخل 

عافني واسمعه يحجي ويه واحد ويكله 

:-خابر النقيب امير خليه يروح لبيت نسابته بسرعه 

:-باعي شويه ويوصل امير 

:-واذا ماوصل؟ 

:-لاتخافين يوصل اصلا هو قريب منكم جاي هو وبنت عمج 

:-منو يفتحلهم الباب 

:-بابا شنو من عقل عندج شي اكيد من يندكك الباب هذا الحيوان راح يطفر 

            

              

                    

صدك شويه واندك الباب الرئيسي بطريقه عبالك اكو هجوم وزيون اختفه صوته اجاني صوته وهو يكول 

:-لاتخافين طفر رجعي الاغراض لمكانهم واطلعي افتحي الباب وتصرفي على طبيعتج لاتتوترين تمام 

:-تمام 

وخرت الاغراض من ورة الباب ورجعتهم المكانهم كل هذا والباب بعده يندك دخلت للحمام غسلت وجهي وعدلت حجابي وطلعت من الغرفه نزلت بسرعه فتحتت الباب الهم 

غيداء:-صدكك كذب ايلي وين جنتي طاحت رجلينه من الوكفه 

ايلي:-اسفه جنت لابسه سماعه واحجي ويه انفال 

غيداء:-هنيال انفال عليج اي والله  

امير:-يلا يابه ماكو مشكله فوتن سولفن جوة واني رايح 

غيداء:-الله وياك تعبتك اليوم 

امير:-تعبج راحه يابه 

راح امير واني صعدت ادور عليه بعيوني وين راح ونوب انتبهت باب السطح مفتوح يعني طفر من السطح صعدت وسديته ورجعت نزلت 

غيداء:-ميته من الجوع تجين تتغدين وياي 

ايلي:-لا اتغديت بالكليه انتي اكلي اني راح اروح انام منعسه 

غيداء:-اوكي حبيبي 

عفت غيداء ودخلت للغرفه وقفلت الباب وضميت روحي جوة الغطه وكمت ابجي الموقف الي انحطيت بيه كلشش مو حلو شنو راح يكول عليه امير هسة الله ياخذك يازيون بجاه الحسين ضليت فوك الساعتين ابجي ماادري شلون غفيت 

_________

ادم:-اخذت الجنطه وطلعت رجعنه للمستشفى شويه وبدة نزار يسولف وهو تحت تأثير البنج وكام فهد يصور بيه 

نزار:-اخخخ يمه ياترفه تعالي شوفي شصار بيه 

فهد:-شبيك نزوري حبيبي 

نزار:-اخخ كولي شنو مابيك لك هذا اخوي شاكني شك 

فهد:-منو منهم 

نزار:- الجبير الشيخ لك كلساع وصاح نزار شصار وياك وين راحت شسوت وين مشت لك موتني وعلي 

الشيخ مهران:-كافيي سكته 

فهد:-كافي اسكت راح يكتلك الشيخ 

ادم:-لا عوفه يسولف هذاك اليوم من سألتك على المنطقه***وشعنده يروح هناك كلت شغل واني سكتت ماعبالي الشغل بنيه 

نزار:-لك خويه مو بنيه شايف عدهة صديقه مو بنيه صاروخ وحق علي 

راح فهد وسد حلكه وهذاك مستمر يحجي واني اريد افتهم شي من الشيخ ماكو ومهيمن من اسأله يكلي روح اسأل اخوكك 

خلص اليوم واحنه بالمستشفى كعد نزار يشكي من رجله ورجع الدكتور انطاه مهدء ورجع نام ماكدرنه نسأله شلون صار وياه الحادث 

            

              

                    

طلع الصبح وخلصنه اوراق الخروج وطلعنه من المستشفى اني وفهد طلعنه قبلهم بساعه لان صار وكت خروجه قبل 11 فطلعنه احنه قبلهم حته نحضر اغراض العزيمه ونستقبل الناس وصلنه وبدينه بتنظيف الشارع والحديقه وجبنه الاغراض الي يحتاجهم الطباخ وعلى اساس ولد خالتي الشفيه يساعدونه كضوها بس سوالف صحت بيهم 

:-جمال حيدر شبيكم وكت سوالف هية ماتساعدون الطباخ الناس كامت تجي عيب منهم واحد يروح يسوي الكهوة والثاني يبقى يم الطباخ يلاا 

:-عفيه عليك يابه هذولي فد غثه المن اجو 

:-غير ولد خالتي عشتو يوكفون ويانه بمصيبتنه طاح حظهم اي والله 

:-عوفهم وتعال اجه اخوك 

:-يلا 

:-دخل نزار وهو مستند على مهران وذبحو الذبيحه جوه رجله جريان دم سحبو الذبيحه من جوة رجله واجت الناس تسلم عليه وتتحمدله بالسلامه ودخلوه للديوان وحطو على الفراش الي محظرينه اله 

وكعدو يسولفون وياهم

نارة:-اليوم كاعدين من الصبح لان نزار راح يطلع من المستشفى نضفنه البيت كله والديوان صار من نصيبي اني نضفته وبخرته ونزلت فراش لنزار ونوب رحت ساعدت رياحين بالريوك لعمتي وخالتهم بناتهة وجناينها ظلو يمنه ماراحو ونوب حته فراشهن الي نامن عليه شالته رياحين 

رياحين:-ترة مصايرة هاي هنة جايات هنا حته اني اخدمهن مو وحق هو علي طاح حضي وهسة اكوم عليهن اطيح حضهن الجلبات 

نارة:-عوفج منهن يمعودة خلينه نخلص الريوك الناس شوي و تجي وهسة يجي ادم وفهد هم منريد مشاكل وياهم خوش حبيبتي 

رياحين:-شايفه ماعرف شلون بحجيج تسحبين كل عصبيتي هنيال ادم بيج 

:-ههه يلا يابه شعندي غيرج 

:-علينه عندج الاحسن مني ادومي 

تحجي وتغمز 

:-طاح حضج ماتبطلين من سوالفج. 

:-بعدين نسولف هسة راح تجي الوالدة تاكل راسي اذا ماتلكه اكل اختهة جاهز 

خلصنه الاكل ونگلناه للصاله وكعدنه ناكل اني ورياحين اكلنه شويه وكمنه وهنة ضلن ياكلن صعدت فوك وسبحت وكملت مشطت شعري على السريع ونزلت تقابلت ويه ادم هستوة جاي من المستشفى 

نارة:-الله يساعدك 

تقدم عليه وحضني وباسني من خدي سحبت روحي من عنده خاف واحد يشوفنه وحظي الاغم جانت نور واكفه على الدرج تباوع علينه حجيت بهمس 

:-شبيك ادم نور تباوع علينه مو عيب 

حجه بصوت عالي 

:-شلونج خويه نور 

نور:-زين من سألت علينه وبعدين انته بياحال كاضيهة تحضن وتبوس مو عيب عليك 

:-العيب بالجيب خويه ممسوي شي غلط مرتي وصارلي يومين ماشايفهة ومشتاگ الهة مااعتقد بيهة شي 

            

              

                    

مشت ادردم معاجبهة الوضع شوي وسمعنه صوت الباب انسد بقوة 

:-ادم ترة صدكك عيب شلون تسوي هيج اتخيل شايفتنه عمه لو رياحين شلون تسوي هيج 

:-يابه الي يسمعج يكول *** هي بوسه ومن الخد هم شريفه والله 

ضربته على صدرة وكلت 

:-لاتصير سرسري

لزم ايدي وسحبني جوة الدرج 

:-اكلج عجبني اصير سرسري اليوم على كولتج 

:-لا عفيه وخر اريد اروح اساعد رياحين ضلت بوحدهة 

سكتني وهو يطبق شفايفه على شفايفي وياخذهة ببوسه قويه بتعد عني بعد فترة وهو يحط كصته على كصتي ويلهث عبالك جانن يركض وكال 

:-اخخ موش شفه ضيم ترد الروح دفعته بسرعه ارتد ليورة وطفرت منه ودخلت للمطبخ جانت عمه ورياحين موجودات 

رياحين:-شبيج وجهج اصفر وهاي شصاير بشفتج 

حطيت ايدي على شفتي وكلت

:-اكلت فلفله وطلعت حارة وطكطك حلكي 

:-تعالي اشربي لبن وانتي ترتاحين مجربتهة اني 

:-اي خوش رحت اخذت كلاص وحطيت بيه لبن وهو دخل للمطبخ سلم على اخته وامه حجت رياحين 

:-شلون صارتي هسة 

ادم:-ليش شبيهة 

رياحين:-ماكله فلفل حار ومحترك حلكهة شوف شفايفهة شصاير بيهن من وراه كتلهة اشربي لبن حته يصيرين شوي احسن 

يحجي ويحاول يخفي بالابتسامه مالته 

:-اي وهسة شلون صرتي نارة 

:-احسن من قبل  

:-اي خوش انتبهي مرة لاخ لاتكلين فلفل 

طلع وهو يضحك بصوت عالي 

رياحين:-شبيه هذا يضحك 

نارة:-ماادري 

شويه وكالو اجه نزار وكفنه نباوع عليه من باب المطبخ خطيه رجله ملفوفه وراسه هم ذبحو الذبيحه جوة رجله واحنا بالمطبخ يدزولنه البصل والفلفل وهاي السوالف حته نسويهن لان الطباخ ميلحك وحده جنه واكفين اني ورياحين ودخل واحد للمطبخ ردت اروح بس كالت رياحين 

رياحين:-هذا جمال ابن خالتي 

:-اهاا ضليت واكفه وهو يحاجي برياحين 

جمال:-رياحين صيحي امي اريد احاجيهة 

:-تمام 

ردت اروح وياها بس هو صاح 

:-اريد مي يمعودات وين عفتني 

رياحين:-نارو روحي وديله مي راح يفضحنه سمعي صوته شكد عالي 

:-تمام رايحه 

نارة:-رجعت للمطبخ وطلعتله مي من الثلاجه وانطيته اله وضل صافن بوجهي وكال 

:-هنة كل الهديات هيج حلواتت 

مااحس اله صوت ادم هز المطبخ هز 

ادم:-لككككك كلببببب