رواية ثأر الشيخ مهران الفصل الخامس عشر 15 بقلم حوراء

بُرّد كِلشي و بُقن چَوياتك برَمشِي.

________

ادم:- طلعت من المطبخ اضحك والله عمي خوش طلعت جذبه حته تنقذ روحها انشغلت ويه الشباب برة شوي واجه نزار هو والشيخ دخلناه جوة من بعد ما ذبحو الذبيحه وبدت الناس تجي تسلم عليه وتتحمدله بالسلامه كاعد يمه وكدامي كاعد مهران شوي ودكك جهازة طلع جهازة وباوع على الشاشه وابتسم طلع شويه ورجع وجهة مغيم صاح عليه وطلع طلعت وراه وكال بستعجال 

:-عندك رقم النقيب امير ***

:-اي عندي 

:-اتصل بسه وشوفه وين خليه يعوف كلشي من ايدة ويروح لبيت نسابته 

:-ليش 

:-مو وكت اسألتك ادمم سوي الي كتلك عليه 

:-حاضر يابه علكيفك لاتصيح منا الناس عيب منهم 

اتصلت على امير اعرفه مرة طلعنه واجب سوة واتبادلنا الارقام اتصلت عليه وبسرعه جاوبي 

امير:-هاا ولك عار هسة اتذكرتني 

:-هلا حبيبي اموري والله انته على البال بس الدنيا مشاغل باع الشيخ يمي ويكول خليه يروح لبيت نسابته 

امير:-ليش 

:-والله ماادري انطيك اله تحجي وياه وتستفسر 

:-لا يمعود اني بس من اسمه اخاف مو انوب احجي وياه اصلا اني على الطريق راح اخذ المرة من المدرسه واوصلها للبيت 

:-خوش حجي بس استعجل وهاا الشيخ يكول خلي يجي معزوم على العشه لان ماراح تلحك توصل على الغدة 

:-تمام حبيبي اليوم بليل اني يمكم محتاج شي بعد روحي 

:-لا حبيبي بس خلصلي هاي السالفه ومااريد منك شي بعد 

:-يلا حبيبي وصلت للمدرسه وشغله 10دقايق اني يم باب البيت 

:-خوش باع يكول الشيخ خليه يدكك الباب حيل 

:-ترة كلشي ما جاي افتهم 

:-خويه وداعتك اني هم كلشي مامفتهم بس بعد هاي امور الشيخ ولازم تتنفذ 

:-يابه صدكك كذبب تتنفذ لك هو غير اني اخاف من اخوك اكثر من مااخاف من الأمر مالتنه 

:-ههههههه مثلك وعلي 

:-يلا ولي 

                                  

              

                    

:-يلا، سديت الخط منه وصاح بيه مهران 

:-شكو صارلك ساعه تسولف وياه هاا واخرته 

:-خويه شبيك هو اصلا هسة يلا وصل للمدرسه ولاتخاف ماراح يتأخر شغله 10دقايق ويوصل. عافني ومشه لباب الشارع مااعرف ويه منو يحجي وشعندة ويه نسابه امير درت وجهي لامهيمن الي واكف يشرب جكاير وصافن على مهران 

:-اكول ابو الشباب الشيخ شبيه ويه منو جاي يحجي؟؟ 

نفخ الدخان وكال ببرود 

:-روح انته اسأله 

:-خربب اريد فد يوم اسألك على شي وتجاوبي ابدد ماكو 

:-اخوك وروح اسأله شكو جاي تسألني اني 

:-حبيبي اصلا اخوي كلما اسأله على شي يكول لاتدخل سألته على روحه نزار كال عدنا شغله بهذيج المنطقه طلع الشغل بنات اريد افتهم هذني البنات منو شنو الي يريده مهران منهن وليش جاي يراقبهن 

اجاني صوت مهران وهو يكول 

:-فترة وتفتهم كلشي 

:-شوكت كلما احجي وياك تكول ترة اني مو زغير حته تسكتني هيج 

:-منو كال جاي اسكتت 

:-تصرفاتك هيج تكول 

:-اريدك تضل بعيد عن الشي الي جاي اسوي وتهتم بس بشغلك وزوجتك خوشش 

:-لا مو خوش وبعدين نحجي بهذا الموضوع هسة الناس ملتمه مااريد يطلع صوتي كدامهم واصير مو خوش 

:-بكيفك 

عافني ودخل للديوان ودخل وراه مهيمن ضليت كاعد برة شوي وطلع فهد 

:-امول هذولي شنو لزكو جاي مي وغدة ماكافي ونوب هسة بدت فقرة جاي وجذب اني هيج وفلان هيج والله لو ينطوني الحكم اسوي العراق جنه 

:-اهووو شلون سالفه تعبانه هسة مايطلعون غير مريض ويريد يرتاح 

:-لازكين لزكه من هاي التمام اكلك جمال وين اشو اختفى 

:-راح لأمه 

:-كوم صيحه هذا ابن عمه يريده 

:-يلا تعال وياي حته انطيك الملف الي تريدة 

:-خربب شلون نسيته عفيه عليك ذكريتني شايف اذا مااخلصه محد يخلصني من ايد عماد الكلب رأستنا يصلخني بعقوبه واني اشلون احبه وعلي اسحله بالمركز 

            

              

                    

:-اصلا انته كل عقوباتك بسبب عركاتك وياه اكلك عوفه لاتهتمله ماكو احجي ويه الحايط يفتهمني اكثر منكك  

:-يغث ياخي يدوس بالبطن 

:-هم صح بس اتجاهلة علمود لايسويلك مشاكل 

:-عود الله كريم، امشي جيب الملف اريد اروح ارتاح شويه ونوب ابدي بيه 

:- تمام، وصلت لباب المطبخ ردت ادخل وسمعت الكلب جمال ماكدرت اسيطر على روحي احس عقلي طار صحت باعلى صوت عندي 

:-لكككك كلببب، وهجمت عليه نومته بالكاع وطحت عليه دكك بوكسيات وهي جواي يصرخ جنه حرمه انترس المطبخ بالنسوان امه واخواته ومرته وصريخهن يجيب التايه فهد صار وراي ويحاول يوخرني عنه بس اني بهذاك الوكت جنت فاقد بلكوة وخرني عنه فهد درت وجهي وشفت مهران ومهيمن هم واكفين تجاوزتهم كلهم وطلعت برة لان اذا بقيت اموته بيدي 

:-فهد امشي صيح حيدر يجي ياخذ اخوه ويطلعه من بيتي 

ام جمال بصياح:-تطردة فوكك مااخوك ضربه ودماه 

:-ابنج لو ماغلطان جان ادم ماوصله ولاضربه تعرفين ادم كلش زين مايأذي احد بدون سبب 

:-يعني ابني غلطان شمسويله فوكك ماعاف شغله واجه هنا يوكف وياكم بمصيبتكم 

:-خاله خليني ساكت مااريد اهينج انتي وبناتج كدام جناينج ترة وصلني كلشي صار هنا بغيابي 

رياحين:-رحت اصيح خالتي هستوني احجي وياها اكللها جمال يريدج بالمطبخ وسمعت صوت صياح ادم ركضنه كلنه على مصدر الصوت للمطبخ واشوف ادم صاير فوك جمال يضرب بيه بوكسيات وفهد يحاول يوخره منه خالتي وبناتهة هرجن البيت هرج بصوتهن ونتبهت لنارة واكفه بزاويه بنهاية المطبخ وتبجي رحت يمها احاول اهديها دخل مهران ومهيمن للمطبخ بس شافو الوضع اكتفو بالسكوت حته اني اتفاجأت اول نرة تصير ومهران ميحاول يبعد ادم عن جمال واخيرا كدر فهد يوخر ادم من بعد ما وصل جمال للموت وسوة وجهة خريطه خله وطلع من المطبخ وراح وراه فهد خالتي الشفيه عود رادت تذب فتنه بين اخواني بس سكتهة مهران وخلاها تبلعم بس كلهم بصفحه وخوف نارة بصفحه ثانيه 

:-نارو حبيبتي بيج شي 

:-كله من وراي 

حجت هيج والكل التفلت عليهة حجه مهران 

:-شلون كله من وراج فهمينه 

:-ه هو حجة كلام مو حلو عليه وادم ضربه 

حجتها ونهارت بالبجي 

:-شلوننن يعنييي شنوو حجه 

كل هذا صار وجمال بعدة امدد على الكاع ومن حجت نارة هيج هجم عليه مهيمن وهم يضرب بيه موتوه حرفيا امه كلبت البيت بالعياط وامي تحاول توخر مهيمن من جمال اخر شي سحبه وطلعه برة وطلع وراه مهران بس طلعو هجمن خالتي وبناتهة وزوجه جمال على نارة واني وكفت بيناتهن احاميلهة منهن وامي هم شبعني ضرب واني ارد الضربه الهة ثنين طلعت ضيم حادث نزار بينهن اخر شي امي عاطت بيهن حته يوخرن مني لان سحلني سحل واني هم ماقصرت بيهن بس تعرفون المثل شيكول "الكثرة تهزم الشجاعه" 

            

              

                    

:-وخرن من عدنه وطفرنه ثنين فوكك خوفا على روحنه العزيزة دخلنه لغرفه نارة وهي كعدت على الجربايه واني بسطت بالكاع اخذ نفسس  

رياحين:-يايابه يابويه سحلني سحل عود اني صايره قويه وكذا تاليها نويرة ام الوصخ تسحلني اخخ نار بكلبي بس اشوفها بوحدها اله اعضها 

نارة:-كله من وراي 

:- خايبه ماتسكتين مني وعلي اكوم اعضج هسة انتي شعليج هو هذا جمال ****

:-اوففف ربي شوكت ارتاح كلما اروح المكان اله تصيرلي مشكله 

:- والله انتي ماكو منج بس حضج خرة يطيحج يم ناس خرة مو اقصد نفسي او اخوي بس اقصد بنت خالتي الجلبه واخوها 

:- هسة ادم هم راح يضربني 

:-وانتي شعليجج يضربجج شبيجج نارة ترة ادم ابدد مايضرب بدون سبب وخاصة اذا انتي مو غلطانه مايحاسب احد على اغلاط احد ثاني 

:- مااعرف خايفه منه والله 

:-لاتخافين حبيبتي ماراح يسويلج شي واذا صدكك مهران يلعب بيه لعب 

:-كلهم نفس العصبيه شفتي مهيمن شكد هادئ بس مساع موت جمال 

:- لج هم كلهم مالهم صوت خاصه مهيمن بس من يتعصبون مايشوفون احد كدامهم 

:-وادم هم؟؟ 

:-لج انتي خوفج من ادم من يصير عصبي ميشوف كدامه لذلك دائما من يعصب يطلع برة ميضل بالبيت ماشفتيه شلون عافنه وطلع لان لو ضال جان كلب البيت كلاب 

:-الله لايحطني كدامه 

:-اي والله، وهسة اني اعوفج اغسلي وجهج وارتاحي شويه اوكك حبيبتي 

:-اوكي يروحي 

:-طلعت من يمهة ونزلت جوة للصاله ملكيت وحدة منهن سألت امي 

:-وين راحت اختج وبناتهة 

:-فوك بغرفه نور 

:-خوش شوكت يرحن ونخلص منهن 

:-السلام عليكم 

:-درت وجهي وشفته فهد 

:-وعليكم السلام هلا يمه شلونك اخيك ادم وينه 

:-راح كعد يمها ورد 

:-زين يمه الحمدلله وادم طلع للكوفي شوي ويرجع 

:-خوش يمه 

:- اكلج يابه ريحانه اكو ملف اريدة من ادم موجود بغرفته لونه اسود ومكتوب عليه اسمي جيبي الي بلا امر عليج اريد اروح اتأخرت 

:-تمام رايحه، صعدت لغرفه ادم ودكيت الباب على نارة فتحت الباب ودخلت ملكيتها وسمعت صوت المي بالحمام يعني جاي تسبح تقدمت للمكتبه مالته الي يحط بيه الكتب والملفات ملاته ودورت بينهم لكيت الملف الي وصفلي ياه فهد اخذته واجيت اطلع طلعت نارة من الحمام خطيه جفلت من شافتني حجيت بسرعه 

            

              

                    

:-فهد دزاني اجيبله الملف مالته عايفه يم ادم 

:-اهاا تمام حبيبتي بس اتفاجأت من شفتج بالغرفه 

:-ههههه سويت اقتحام عليج يلا عيني نعيما وباي تأخرت على ابن العم 

:-باي حياتي 

:-نزلت اركض وبيدي الملف ومااحس اله انركع بواحد رفعت راسي واشوفه فهد 

:-اخخ يمه راسي انكسر 

:-بلا اشوف غير على كيفج شكو تركضين 

:-هسة اني الغلطانه انته شطلعك من الصاله هاا 

:-اي انتي الغلطانه شكدج شكبرج تركضين وبعدين طلعت من الصاله لان خابرو عليه ورديت واجيت ارجع وانتي انضربتي بيه يالثوله 

:-لاتغلط عليه وبعدين واذا جبيرة ميصير اركض 

:-هسة مابيه حيل اتناقش وياج انطيني الملف خليني اروح وراي كومه شغل 

:-تفضل اخي العزيز 

:-شكرا بنت عمي العزيزة 

يحجي هيج ويقلد طريقه كلامي 

:-ترة اني مااحجي هيج 

:- يجوز انتي مامنتبهة بس انتي تحجين هيج 

:-اكو واحد ماينتبه على روحه من يحجي؟ 

:-اكو ناس من تندمج ويه المقابل بالكلام ماتنتبه على طريقه كلامها 

:-لا والله 

:-وداعت عبدالله 

:-منو هذا؟ 

:-واحد متعرفيه يلا اني رايح 

:-الله وياك 

طلع فهد واني رحت كعدت بالصاله يم ماما 

:-اففف هسة هذولي شوكت يرحون؟؟ 

:-شبيج يمه غير خطار قابل نطردهم  

:-ماما لزكو غير نريد نشوفه احنه هم شلون سالفه هايي 

:-شبيج بنيتي ساعه ويطلعون ونروح يمه 

ضلينه ننتظر وعلى هاي الكعدة كلساع جاي مي ورة ساعتين يلا فرغ الديوان وكدرنه نكعد يم نزار بألف ياعلي كدرت اسيطر على روحي وماابجي يمه نيران سلمت من بعيد وكعدت وامي اول مادخلت للديوان كلبتها مناحه وبجي وخالتي وبناتهة وياهة هم يعجبنكم بهيج سوالف من صاح بيهن مهران يلا سكتن رحت اسلم عليه بسته بخدة وكلت 

:-هاا ولك مو على اساس تموت شنو تجذب علينه 

:-عليج الله مابجيتي عليه 

:-هو بس حجه هيج عبالك ودموعي صبن عبالك منتظرات كلمه منه وكمت حضنته واني ابجي 

:-والله جنت اشاقه وياك من كلتلك محد يبجي عليك لتسوي هيج بينه مرة ثانيه اموت وراك والله 

            

              

                    

:-هههههه ها ولج مو على اساس محد يبجي عليك كافي لج هاي اني كدامج كلشي مابيه 

يحجي ويمسح بدموعي يمسح دمعه تطيح عشرة ابدالها 

:-عليج الله كافي اسكتي شوفي مهران شلون يباوع عليه راح يجي يكتلني لان تبجين عليه 

الشيخ مهران:-شحدك تبجيها هاي عزيزة اخوها 

كمت من نزار رحت كعدت يم مهران حضنه لصدرة وهو يكول 

:-كافي بويه موتي روحج هذا كدامج جنه صل كلشي مابيه 

مهيمن:-انتي اسكت لا اطلع فضايحك بالمستشفى 

نزار:-انه اخوك سولف عليك الله 

الشيخ مهران:- ميهمن سد الموضوع 

مهيمن:-والله ولا اسدة شايف من اخذنه هذا الممرض المطي وكال البقيه بحياتكم اخوك بسرعه طاح بالكاع وهو يصيح ابني راح 

نزار:-لا بشرفك 

مهيمن:-وحگ علي 

نزار:-اخخ بويه هيج طلعت عزيز عليكم واني ماادري خوش اذا هيج كليوم اسوي حادث واهتمو بيه 

الشيخ مهران:-تحلم حته سيارة بعد انساها 

نزار:-خرة بيكم يالفاسدين 

مهيمن:-حته تتعلم 

رياحين:-شلون صار الحادث وياك؟ 

نزار:-باعي اني جاي امشي بأمان الله وصحباني يراسلون بالكروب فأني شنو عين على الطريق وعين على شاشه الموبايل ومااحسلج اله ابو تريله طلع بوجهي حاولت اوخر من طريقه بس مع شديد الاسف مالحكت وصار الحادث 

رياحين:-عليك الله هي هاي هم سالفه مال واحد عاقل 

ادم:-لاا ابد مال واحد مطي واثول هم 

نزار:-رحم الله والديك ياطيب 

ادم:-ووالديك حبيبي 

نزار:-باع لو انته فگر لو مرتگ فگر لان كلما تردون تعقدون محكمه تصيرلكم سالفه 

ادم:-محد فاكرني غيرك يعني اله هسة تسوي حادث 

نزار:-شسوي خويه حبيت اسوي اكشن لان البيت صاير ممل 

الشيخ مهران:- لاتخاف اخوك اليوم سواله اكشن اكبر حته من افلام الاجنبيه 

نور:-وياريت السبب يتساهل 

ادم:-اذا انتي عادي عندج واحد يذب عليج حجي وتقبلين اني لاا 

نور:- ترى مكبرين الموضوع زياده عن اللازوم 

ادم:-تسكتين لو اجي اطيح حضج مثل ماطيحت حظ اخوج 

رياحين:-مقبلت نور على الحجي بس ظلت كاعدة بمكانها امنيتي فد يوم واحد يرزلها وتكوم من المكان الي كاعدة بيه 

            

              

                    

ادم:- هاا صحيح اريد اكول شي باجر إن شاء الله نروح للمحكمه ويجي ويانه مهران ومهيمن شهود على العقد ونوب وراها امشي بمعامله القبول مالت نارة بالكليه 

ام جمال:-والله عمي خوش من شوكت الهديه ينعقد عليها محكمه لا ونوب يخليها تفرفر بالكليه شلون حجي هذا 

ادم بصياح:-مووووو هديههه زوجتيي وايي راح اخليها اداوم كليه تدريننن ليشش لان اثققق بيها ماراح تنزل راسي 

ام جمال:-انته مو طبيعي اكيد مسويتلك شي هاي الهديه شوفي خيه ابنج مو طبيعي ودوه لشيخ لسيد يقرة عليه 

الشيخ مهران:-ليش من شوكت كامو يودون الزلمه للشيخ اذا جان واثق من مرته 

ام جمال:-هاا شيخ راضي على هذا الحجي 

الشيخ مهران:-المرة زوجته وهو اله الحق بكلشي جاي يسويه منو اني وادخل بيه وبتصرفاته 

ام جمال:-شلون ماتدخل غير انته اخوه الجبير والشيخ شيكولون حرم بيت الشيخ يفترن بالكليه 

الشيخ مهران:-مااريد احرگ عليج بس اكو وحدة ثانيه راح تنضاف على قائمه حرم الشيخ مهران وهم تدرس كليه 

نزار:-ثنين بعد مو وحده 

رياحين:-صدمه ورة الثانيه اكثر شي انصدمت منه كلام مهران شنو يقصد بكلامه خالتي ضربت صدرها وكالت 

ام جمال:-شنو تقصد بكلامك هذا هاا 

الشيخ مهران:-لاتستعجلين يجيج الجواب ويه الايام 

كامت خالتي وطلعت من الديوان وهي تدردم ماعاجبها الوضع 

الحجيه ترفه:-شنو هذا الحجي يمه مهران 

الشيخ مهران:- الي سمعتيه يمه 

نزار:-العببب وكع الشيخخ 

الشيخ مهران:-نزاررر 

نزار:-العفو شيخ 

نارة:-اني مااريد اسجل بالكليه 

ادم:-شنووو!!!!!!!  

________________

ايليا:-كعدت من النوم راسي يوجعني خلص اليوم واني بغرفتي اجت ماما عليه حته انزل اتعشه ماقبلت وتحججت عندي دروس طلعت ماما واخذت الموبايل واتصلت على انفال تجيني 

ايليا:-تكدرين تجين يمي 

انفال:-هسة؟؟ 

ايليا:-اي هسة اريد احجي وياج بموضوع لان اذا مااحجي اموتت والله 

انفال:-اسم الله عليج حبيبتي هسة اخلي كرار يجيبني الج 

ايليا:-انتظرج 

ربع ساعه واندكك الباب 

:-ادخلل 

:-مرحبا ياحلو 

شفتها انفال وبجيت وهي بس شافتني ابجي اجت تركض عليه 

:-شبيج حبيبتي شصاير وياج 

            

              

                    

:-انفال اريد اموتت اريد اخلص من هاي العيشه شوكت ارتاحح اشوكت اخلصص من زيونن هااا شوكت 

:-زيون شنو رجع اجه للبيت مالتكم احجي ولج 

:-ياريت بس اجه لج اسمعي شسوه بيه....... 

:-عزه بعينه الكلب الحقير شيريد منج هذا لج وعلي اله اخلي يطيح حظه 

:-منو؟؟ 

:-هذا الي يراقبج 

:-لج اني اكبر مطيه شلون اتصلت بيه هسة شيكول عليه ولج نوب طلع يعرف امير زوج غيداء 

:-اصلا احسن شي سويتيه اتصلتي بيه وبعدين انتي الغبيه شلون تفتحين الباب اله هاا وانتي بوحدج بالبيت عقلج وين جانن 

:-مااعرف والله ماعبالي يسوي هيج شي قذر مثله 

:-انطيني الموبايل 

:-شتسوين بيه انفال 

:-انطيني ياه ومعليج بالباقي 

:-هاجج 

:-طلعيلي رقمه 

:-هذا ورة رقمج يصير 

:-تمام 

اتصلت على الرقم وفتحت حاكيه شويه ورد بكلمته المعتادة 

:-هاا بويه شلونج 

حجت انفال 

:-السلام عليكم 

:-وعليكم السلام منو وياي 

:-اني انفال صديقه ايلي 

رد عليها ومبين على صوته الخوف 

:-بيهة شي ايليا 

:-لامابيهة شي اولا حابه اشكرك على مساعدتك الي ولصديقتي وكفاتك هواي ويانه منكدر ننكرهن 

:-ماسويت شي بويه 

:-ثانيا اريد اطلب منك طلب اتمنى ماتردني 

:-غالي والطلب رخيص كولي بويه شنو الي ترديه يجرالج 

:-زيون 

:-شبيه هذا الكلب 

:-مااريد المحه بالمنطقه اريده ينسجن بس مااريد ينذكر اسم ايلي بالموضوع

:-تم ماطلبتي شي اني حاط هاي الفكرة براسي بس جنت منتظر ايليا تجي وتطلب مني بس يبدو ان ايليا اضعف من ان تطلب مني هيج طلب 

:-ايليا مو ضعيفه بس تعبت وبعد ماتكدر تسكت عن هذا الوضع 

:-ولا اني راح اقبل تسكت الي اعرفه ايليا بنت شيوخ مايلوك الهة الاستسلام 

كلامه قواني ووعاني على حقيقتي رديت 

:-مااستسلامت ولا راح استسلام لاتخاف 

:-ماينخاف عليج ذيبه 

:-شكرا الك 

:-ماكو داعي للشكر هسة لازم اروح استودعتج الله 

:-الله وياكك 

:- تتوقعين راح يكدر يسجنه؟؟ 

:-مااعرف ننتظر ونشوف 

:-تدرين احسه من هذولي زلم المافيا الي مايخفه عليهم شي ويعرفون كلشي 

:-شنو هلتفكير الخاطر ربج 

:-وعلي شبيج احس وراه قصه جبيرة 

:-مثل شنو؟ 

:-مااعرف بس احسه مو خالي بيه شي 

:-مااعرف ولا اريد اعرف اتمنى اكعد الصبح ماالكاه بحياتي لا هوة ولا زيون الكلب 

الفصل السادس عشر من هنا