رواية ذاري النجوم الفصل الخامس عشر بقلم زهراء السراي
هلي أنتم سبب حزني
هلي خلو الحچي مدثر
أنا شبيدي العمر ركضة
وهم لو بيدي مااكبر
گبل لااحچي انتم حسو بية
هلي مو مال اوصيكم علية
:
:
ليل
✥━━━༺✦༻━━━✥
گاعدة مگابلة الشباك
وصوت الصرخات بأذني لازال
يرن قوي مؤلم موجع يفزز الروح
من سكونها لأبعد نقطة وجع بيها
شهرين مرو وكل شي ينعاد كأنه
اليوم تلفوني بيدي
اقرة التقرير مراراً وتكراراً
اسم المتوفاة نور............
العمر ١٥ سنة
تاريخ ووقت الفحص ............... الساعة ١٠:٠٠ صباحاً
جهة الإحالة مركز شرطة ........ بناءً على قرار قاضي التحقيق
العلامات الحيوية برودة رمية كاملة
زرقة رمية في المناطق المنحدرة من الجسم
تيبس رمي في الفكين والأطراف
الوجه زرقة واضحة في الوجه والشفتين
مع انتفاخ واحتقان شديد في ملامح الوجه
نتيجة انحباس الدم الوريدي
العينان وجود نقط نزفية دقيقة جداً
في ملتحمة العين وجفون العين
علامة للاختناق الميكانيكي
العنق وجود سحجات خدوش ظفرية
هلالية الشكل على جانبي العنق
وجود تخدد و أثر ضاغط غائر حول العنق
و كدمات إصبعية متوزعة على جوانب العنق
وجود نزوف دموية غزيرة في عضلات
العنق العميقة تحت الجلد
كسر في العظم اللامي
كسر في الغضاريف الدرقية
احتقان شديد مع وجود نزف
على سطح الرئتين والقلب نتيجة نقص الأكسجين
لذا وبناءً على المشاهدات التشريحيةيخلص التقرير إلى
سبب الوفاة هو الاختناق الناتج عن سد المسالك الهوائية والضغط على الأوعية الدموية للعنق
حدثت الوفاة خلال دقائق معدودة نتيجة توقف وصول الأكسجين للدماغ وفشل عضلة القلب
قتل عمد مع وجود أدلة مادية كسور وسحجات تنفي فرضية الانتحار أو الوفاة الطبيعية
التقرير گدامي قررريتة مئات المرات
شمرت التلفون بقهرررر الكلاااااااااب
بدقايق قت لوها بس طلعت وامنوووووو
مالحگت حتى تفهم الصارلها شنوووو
وگفت بحيرة شلوووون انسان
مأمنته ببيتچ يسوي هيچ
شلووووون
طلعت من الغرفة اتوضى حتى اصلي
هذا العزاء الوحيد لگلبي حالياً
رجعت على صوت رنة تلفوني
باوعت رقمه هاي شهرين ميفوت
فرصة للأتصال حتى لو مجرد يتشاقه ويايه
رفعت الخط واجاني صوته
-ابچي بالله ابچي خل نشوف
ترجع البنية لا
-وانت مو مهندس وماعندك وقت للبشر العاديين
-شبيييچ عندي تصميم واريد اگضي الليل براسچ
-مافارغة
-انتِ صوتچ منا مخازي وزايدة بچي
تحچين ماافهم شي غير تغوغين
-لعد سد التلفون واخلص مني
-گعدي بت عممممممتي الجميلة خل نسولف ليش تلهثين
باوعت لنفسي شلووون عرف هذا
-گاعدة منو گلك واگفة
-اگعدددددددددي خاااايبة جايچ بخبببببر طازج
-يلا شوووفني يالبلبل الفتان
-احسنتي اخذي نفس حتى افهمچ
گعدت ورديت
-گول
-وجع قوي ببلعومي قوي حيل
وفوگا كحة قوية ودم
-بلاعيمك ملتهبة لازم علاج
-لا الدم يطلع ويه سوائل الكحة
-بلغم عندك يعني
-عود اني گلت نازكة وانثى مااحچيها الها
طگ بطگ
-دكتورة اني عوف الانوثة على جهة
-هو عايفها واضح انها صفر عاليسار يمچ
-ولا يهمني كلامك المهم علاج
التهابات ضروري
-اكو رمانات فشگ سلاح بارود يفيدن
-ياااارمانات صاير بروووسلي
انت عندك مساطر تصاميم اوراق فرجال
-هووو هذا الخبر الطازج تطوعت
-لتكذب
-وروح امي
من گال وروح امي صدگت ميحلف بيها كذب
-ليش وطن ليش تطوعت
-شترديني اخوتي واحد بنص الموت
وواحد يعالج الجرحى واني گاعد مگابل مساطري
-شلوووون خلاك جدك ابوك شلون وافق
هاجس نوووح شلون قبلو
-هاجس وافق گالي سبع
نوح امنا الحنونة زاعلني يومين وراضيته
جدي وابوي حابسيني حالياً بالغرفة
وناسين شباك غرفتي مابي كتايب ومنه راح
اطلع ومرت ابوي الثعبانة حضرتلي الجنطة
-هههههههه انت مو تگول مابيها اذية
تنهد وضحك ضحكة حزينة
-هههههه بس تبقى مو ام هاي لو امي
چان حبستني بالغرفة وگعدت يمي
شو هاي حضرتلي الجنطة
-خطية متريد تكسر خاطرك
بس وطن اگلك لتروح لخاطررري اني
-خاطرچ چبير بس ماأگدر
مو وهي ماكو خبر عنها
-ابد ماسمعت شي
-لحد الان تدرين صرت مثل المخبل
وين ميجون نازحين اروح ادورها
احس راح انجن
-والله ادعي دائما تكون موجودة
بأي مكان
-لو موجودة ونازحة چان اتصلت بيه
من اي احد مو
كح حيل وهو يحچي رجعت الوم بي
-وطن ترى تتأزم ويصير التهاب رئوي حاد
-چاي حار مايفيد
-هذا تغمس بي كعك مو تعالج بي التهاب
رئوي
-دبريلي علاج بأقل الوسائل
-ماااااكو البرد سوه هيچ
حاول تدفي نفسك اذا قبل يومين الليل كله
بالمطر صاير رومانسي
-غير مكبر راسچ المصلبخ واسولف وياچ
خاف تنتحرين
ترك كلامه المضحك واني ادري بي ياخذ
علاج بس يدور حجة حتى يحاچيني
-شلونه الوضع
عرفت قصده شنو ذبيت حسرة قهر
-مااعرف من ذيچ الليلة الليل صار
مو مجرد وقت للنوم
صار ساحة محاكمة ماتنتهي
اغمض عيوني أشوف وجهها
افتحها الوجع ينهش روحي
-يومها وساعتها ليش تحملين نفسچ
ذنب مو ذنبچ
-تعببببت من نظراتها الاخيرة
الچانت تسألني الأمان
وانييي اني ماگدرت انطي الها
تطاردني كل ليلة تفاصيل الصار
عبالك بسامير تدگ بگلبي
-خففي الملامة عن نفسچ هيچ
تذوين وتموتين من وقت
-مااااااگدر كل ساعة اسأل نفسي
تأذت من ماتت شحست من مووتوها
-تدرين البارحة اثنين من صحبان هاجس صارو
وذر يگول مالگينه منهم الا وصل لحم
سكتت وهو ضحك بقهر
-تدرين هاجس يگول
باليوم سرية يموتون منها
اثنين ثلاثة بين انفجار وبين قناص
سنة راح تصير وشلو صحبانه خطيه
تنهدت وهو كمل
-بعيد عن بشاعة الصار للطفلة
الجاي يصير هناك اعظم واكبر
واني قررت اكون جزززء من هالحدث العظيم
ارتفع صوت دگة الباب وصوت صياح مو واضح
ضحك وگال
-هجمو هولاكو وابنه اخذي راحتچ
غلقت التلفون وصليت ركعتين لوجه الله
ورجعت تمددت بفراشي
فتحت تلفوني اباوع بصوري خشمي مضروب
وخدي من الجانب بي شگ ايدي مفسوخة
ومعلگة برگبتي وطالع كتف هاجس ورايه
بالصورة
رجعت بوجع لذاك اليوم
اليوم اللي غير نظرتي لمفهوم
الحياة بالكامل لذيچ الغرفة اللي وكفت بيها
سد ضد الموت لخاطر الطفلة
اللي چانت منكمشة بالكرسي
تسد أذنها بأيدها الصغيرة
وتشهگ بلا صوت بينما أنا أستند بظهري على الباب
احس باهتزازات ضرباته ودفراته
التي چانت تريد تقتلع القفل بأي وسيلة
صرخ من يأس من فتح الباب
-افتحي الباب دكتووووووووورة
لا تصيرين حايط بيني وبين عاري
افتحي لا أحرگ المستشفى على راسج
صابتني حالة هلع چنت أتنفس بسرعة
وعرگت عرگ بارد
باوعت حواليه ماكو مخرررج للبنية غير الباب
والباب يعني موتها
مديت ايدي بلحظة خوف لجهازي واتصلت
بنوح اللي هو اول شخص مر على بالي
رن ثلث مرات وانرفع الخط
نووووح
ارتفع صوت خشن وعرفت صاحبه
-الوو
ويه كلمته انضربت الباب حيل
وصرخات الممرضات بره علت
واني صرخت على صوت طلقة
فلتت
-ياااااربي نووووووح تعاااالي
ارتفع صوووتة وصياحه هوو بالتلفون
-اني هاجس هاااااي انت ليييل شكووو
بلا تردد ولا تفكير وية دفعة الباب
اللي هزتني هز عطت بصوت باكي
-الحگنييييييي هاااااااجس
ويه كلمته انكسر الباب بالكامل ووگع
عليه عطت من حسيت بخشمي
انضرب وايدي طگت وصوت عياط
بونين من نور وفوضى الممرضات والأمن
اللي چفتو شايلين الرجال
المتصوب بيده من الگاع وساحبين
السلاح منه كل شي صار بدقايق
والكل حوالية الدكتورة چانت
موجودة ساعدتني واعتذرت
-ماما اعذريني البنية صفت دمها راح
تدخل عمليات
صاحت بزميلاتي
-نزلوهة للطوارئ بسرعة خشمها بده يزرق
اخذوها وهي ماشية بالعربانة لزمت ايدي
واني واگفة
بيدي لازمة الشاش على خشمي وايدي
الثانية الالم موتني بسبب الفسخ
امها وجهها مملخ من اللطم
تركت كل شي ومشيت وياها اصابعها ضاغطة
أصابعي بقوة الدكتورة التفتت شافتني
-دكتووورة ليل نزلي وضعچ ميطمن
-بس ادخلها العمليات
وصلت وياها لحد باب غرفة العمليات
همست بالگوه
-حبابة لا ترحين
هزيت راسي ودخلو بيها
وطلعت اني بسرعة على صوت تلفوني
بجيبي خلته وحدة من زميلاتي
فتحته صوت نوح
-وينچ شنو هالهوسة الصايرة
-نازلة للطوارئ
وصلت طابق الطوارئ طلعت من المصعد
صاح صوت نوح
-هاااايه
احس نفسي متكسرة
واريد ابچي بعد الصار ركضلي
هو وهاجس ووطن
باوعتلهم كلهم جايين
-شبييييييچ منو ضاربچ
سألني هاجس عبالك يريد يكتلني التفتله نوح
-شنو السالفة هاجس انطي مجال
وهم يحچون مشيت اني ونوح
يسألني
-بيچ شي
-مااعرف يمكن خشمي انكسر
لازمة الشاش وايديه مدمرة دم
وعيوني فوگ القهر تهمل دموع بسبب الالم
حسيت بدفعة من كتافي
هاجس يدفع بيه
-تصفى دمچ وانت تسوووووولف الثاني
شهالفهاوة
وصلنا غرفة الطوارئ بس صار بوجهي اثنين
عسكريين وممرضات اللي شهدو الحادث
اشرولهم عليه
واني داخلة غرفة العمليات الصغرى بس
حتى نوح يوقفلي النزيف
-دكتورة ممكن نحچي وياچ
-وتشوف الوقت مناسب للكلام
وهي بهالوضع
سكتهم والتفتلي خزرني مستفسر
-شررررطة شصاييييرلچ شنو صوت الطلق
رد علي واحد من الشرطة
-حضرة النقيب بس نفهم منها
-اساساً شعدنا واكفين هنا تفضلو بره
بين ميعالجوها
طلع وياهم ونوح رفع الشاش
و لزم خشمي حركة بحركات خفيفة
-تححسين بألم
-خفيف بس گوة جاي اتنفس
-ماكو كسر بس دم تجمد داخله
وطن واگف غمزلي
-فرررصة استغليها وگولي خشمي
بي انحراف وسوي عملية
ابتسمتله ونوح گله
-ساعدني لا تگمز
-شتحبين دكتورة خياط زگزاگ لو شد الورد
لو درب النملة تردي نمنم لو بلك
تردي دگم لو سحاب
رجعت ضحكت ونوح تخبل علينه
-اطلع روووووح ويه اخوك برررره
اطلع تااااااافه
-افااااا اني وطن من سمعتكم
تصيحون فزيت فزعت وياكم والدنيا نص
الليل
-شوووفها بالله بيمن فزعتلها ياشجاع زمانك
طلع من جيبه مسطرة حديد هندسية
-شفتي سلاحي العلم عكس ذوله الهمج
مسدسات
فتحت عيوني مستغربة
-نوووح شايل سلاح صدگ
-مرخص لتخافين
-شعبالكم صاير
رد نوح
-هاجس ركضنا حتى باوعيلي بملابس
البيت بس هو چفت بدلته وبيريته واجه
وطن التفت للباب خاف هاجس موجود
وهمس
-تدرون مرااااات احسه سبايدر مان بس تطلب المساعدة يچفتلك بدلته الحمرة الحصر والقناع
ماسيطرت بعد طگيتها ضحكة ونوح چان ينظف خشمي بالنورمل سلاين طفر علي تنرفز علينا وصاح
-اطلع برررررررره راح تغص وتموت البنية
طلع وطن ورد عليه نوح
-وانت الخبله سكتي
سكتت لايطير وجهي براشدي
ورجع دخل هاجس
ونوح يعقم الجرح بخدي خلص خلة لصقة
طبية وباوع لأيدي لزمها سحبها بسرعة
وطگ الفسخ مال ايدي وگعت دموعي
تأذيت باوعلي هاجس رافع
حاجبة بيريتة بيدة بارمها عاصرها عصر
مدري عصبي مدري ضايج ذب كلامة
-مابيچ شي سديتيلچ غرفة بوجه
واحد بگد الثور ومسلح
معقول يأذيچ عظم راجع لمكانه
گالها هاجس مستنكر
نوح باوعلي
-شصاااار يمعودة
گعد هاجس يحچي الصار
ونوح يهز براسه باوعلي مبتسم
-بطلة والله
كح هاجس وسألني
-اتصلتي بأبوچ اخوچ
-بابا وضرغام راحو لتركيا عملية
بابا فشلت مال فقراته راح يشوفله
دكتور هناك
وگف وگال لنوح
-احنه نحلها جيبها وياك
مشيت وياهم گعدنا بالمكتب مدير
المستشفى الممرضات الشهود
هاجس واگف بصفي
ونوح كذلك وطن بباب المكتب كل
شوية ماد راسه مطلعلي المسطرة
عود يهدد لو يمد التلفون يصور وينهزم
شويه وتم الموضوع الرجال اللي
ويه البنية عمها اخو ابوها وزوج امها
بنفس الوقت عالجو واخذو للمركز
وقعت اوراق الشهود وطلعت وياهم
سألني نوح
-ارجعچ للبيت اني والولد
-لا باقية بخفارتي وهسه صاعدة
للبنية وعدتها ابقى وياها
رد هاجس بأنزعاج
-بابا انت تتملعبين قضية شكبرها شگدها
شعندچ حاشرة خشمچ المكسور بيها
-واجبي الانساني والوظيفي هي مريضة
بردهتي وبساعات خفارتي
-وخفاااارتچ راح تنتهي بعد كم ساعة
اباوعله شو هذا عصبي يريد بس يرزلني
-ماااطلع حتى لو قبل المدير اطمأن
عالبنية يلا
-امششششششي
فزيت من زمخ ومشيت نوح باوعلي
-راجع للبيت اني عالاقل اغير ملابسي
واجي
طلع ووطن صاحلي
-هاچ
اباوع للمسطرة بيده
-احمي نفسچ وقت الضرورة
-شكرااااا راح تساعدني هووووايه
-هنا تكمن قوووة المهندس
دفعه هاجس ورجع وطن صاحلي
-راح ادزلچ صورتچ
سوه حركة مثل سنون الفارة ضحكني
وراح
مدلي هاجس ايده بمعنى تفضلي
صعدت وهو ويايه للطابق الثالث
لگيت امها تلوب بباب العمليات بس باوعتلي
نزلت راسها وحارت شتگول
رحتلها
-محد طلع خالة
-ماكو يمه راح تصير ساعة
گعدت وهي گعدت بصفي حرت شلون
اسألها
-خالة هي تطلع
-ابد والله اني فراشة بالمدرسة
التدوام بيها اخذها واجيبها وياي
-زين تخلينها وحدها
-اذا اني مو بالبيت اخوها عنده دكان گبال
البيت
-زين صديقات تطلعلهن
-ابوها مايقبل اببببببد والله
هاجس گاعد بعد كرسي عني يسمع الحديث
اجاني صوته يحچي بأستهزاء
-شنو حبلت من الهوا
درت وجهي علي خزرته رفعلي حاجبه
وحرك اكتافه بعدم اهتمام
-خالة شلووون بس دليني الدرب
عمامها خمسة يتسودنون
هسة خابرني الچبير يگلي لو
تضمينها بقوطية نلزمها فدوووة خالة
صدگ خاف يجونها
-شعرفهم خالة
-ابوووها خابرهم من چنه بالطوارئ
وگف هاجس يحاچيها
-شنو تاااااايهة حراسة راح توگف بباب
غرفتها منا لمن ينحل الموضوع
-ابوووها شلون بي
-ابوها مو بالسجن خالة
-اي بس عالجو ايده اخذو تصخمت
وانخرب بيتي
دگ التلفون وهي فتحت عيونها بخوف
گالت
-اخوووها
مشت تحچي وتبچي انفتحت باب
الصالة وطلعت الدكتورة بس شافتني
اجت
-شلون صرتي
-الحمد لله دكتورة شلونها الطفلة
-اسقاط كامل
-اغتصاب
-لا ضرب واضح كدمات قوية ببطنها
سوينالها كورتاج وهسه راح نكتب
التقرير كامل ونشوف هتك عرض
او اغتصاب حتى الشرطة تتولى الأمر
هاجس واگف يمي واني انتظر يطلعوها
من الافاقة بس طلعت الممرضة اشرتلها
متحچي دخلتلها هادئة بس تلوب براسها
يمين ويسار
طلعت بره لهاجس
-تجي وياي اصعدها لغرفتها اللي حددتها
الدكتورة
-اكيد بس اني مو من صلاحيتي هالشي
تحتاج حراسة مدام تهددت
-اكيد بس كل شي يصير
امها اجتني ويا مافتحو باب الصالة
وطلعوها مغطيها مشينا وياها صعدوها
للطابق البي الغرف وبغرفة خاصة
خلوها بده راوند العلاجات بعد العملية
ومن ضمنهم مسكنات الى أن صحت بشكل
كامل هادئة تون بشكل حزين وكل كلمة
والثانية وكالت يايمه
امها يمها وتبچي تبوس بيد بتها
شغلة ساعة طلعت هاجس بره ويحچون
هو والشرطة يمه التفت واعتذر واجاني
-يمتى تنتهي خفارتچ
-بعد اربع ساعات
-لتتدخلين بموضوعها
-شلون مااتدخل وهي جزء من مسؤوليتي
-بلبلة وسوالف مراكز جاي اگلچ
-ميخالف
سوه حركة عض لسانه راد يحچي
وسكت
-في امان الله
گالها بشكل بينه متضايق وعصبي
مشى بسرعة تاركني ورا
سألني الشرطي
-فاقت
-بعدها ممكن تنتظرون
لمن توعى بشكل كامل
رجعت دخلت يمها شويه
وانملت الغرفة الدكتورة الاخصائية
والمدير وبقو يكتبون ويثبتون الحالة
وطلعو
فاقت بشكل كامل بعد ساعة ونص
ودخلو الشرطة وبده السؤال
والجواب وهي على كلمة
وحدة ممسويه شي وامها تحلف
انها متتركها بوحدها ولا تطلع
ولا تروح يم أحد ولا احد يجيهم
ولا مرة مخليتها بايتة لا يم اعمام
ولا خوال
لحد ٨ الصبح اني وياهم
طلعو بعد ماثبتو الحالة
ورجعت اني يمها گعدت
باوعتلها واني
گاعدة بصف سديتها
والغرفة سنطة بس صوت قطرات
المغذي يكسر هذا الهدوء
نورة وجهها أصفر وبااااهت
طفلة وجسمها تحمل كل هذا الوجع
طفلة واغتصبوا حتى براءتها
لزمت كفها نزت وباوعتلي
-دزيتلچ على اكل خفيف
باوعتلي ووگعت دموعها
-دكتورة
-حبيبتي
-اذا سوو تحاليل راح يعرفون
منو سوه وياي هيچ
-لا الا انتِ تگليلهم منو
گامت امها من الكرسي واجت
تريد تسمع الحديث ووجها احمر
والخدوش اللي بي تجري دم
جانت مثل السعفة الناشفة بوسط ريح
ترجف وگوه تمشي
-احچييييييي نوووورة يمه ياهو سوه
هييييچ وووولچ ووووين وووووويمتى
گالت حچايتها وهجمت عليها تضربها
واني صايرة بينهم لطمت وصرخت
واذت نفسها والبنية واذتني
بهاالحظات شفت تجسيد لمعنى
كلمة الأم چانت تضربها مو حقد
بس جانت تريد تكتل الحقيقة اللي تدرك إنها راح تنهي حياة بنتها
واني جان حالي حال الضايع
صرت بينهم وگعت نص الضربات بيه
بس ردت أحمي نورة من إيد أمها
بذيج اللحظة شفت الأمومة بصورة توجع
أم تضرب بنتها وهي ميتة خوف عليها
تضربها لأن خايفة يذبحوها
وگعت ضربة بعين نورة شگت حاجبها
الضربة اللي جتي بعينها
چانت هي القشة اللي قصمت ظهرها
لمن سال الدم على وجه نورة
أمها انهارت وگعت يمها وحضنتها
- ولچ شلووووون بيه
شگوووول يمه وشحچي
ولچ ما عندي غيييييرچ
من سوووويتيها ما گلتي امي
ما خفتي على روحچ
نورة متگدر تحچي جانت بس تباوع بعيونها
اللي امتزجت دموعها بدمها
مدت ايدها لعينها بخوف مسحت الدم
وتبچي بخنگة وايدها ترجف
وأمها تشهگ بصوت يذبح
- ولچ حادييين سنوووونهم
يمه يكتلونچ ولچ امووووت وراااااااچ
نوووووويرة يمه
گالت اخر كلمة وانهارت للگاع وگعت
بس مو وگعة جسم وگعت روح
لزمت صدرها وصارت تجر النفس بالگوة
كأن الهوا بالمستشفى صار ثگيل وصدرها مايتحمله
عيونها اللي جانت تجدح نار من الخوف على
بنتها هسه انطفت صارت ذبلت وغارت جوه
محاجرها مددتها بالگاع بسرعة وبديت افحصها
تتنفس بصعوبة خليت راسها على رجلي
-خالة خالة باوعيلي
صرخت نورة ورادت تگوم
-لتتحركين لتنزفين مابيييها شي بخييير
رجعي رجعيييي
بس الحقيقة هي جانت بغير عالم
شفايفها يابسة مثل ورقة شجر مرها الخريف
فتحت عيونها تحاول تحچي بس الصوت ميت بحنجرتها فجأة بدت تتقيأ
گلبتها عالجانب لحد مخلصت
جسمها انهار واني لزمتها سحبتها على جهة
وطلعت راكضة اجيب اي دكتور
لگيت الدكتورة بغرفتها اجت ويايه راكضة
رفعتها ويايه عالسدية الجانبية
وبدت تفحصها ونورة تبچي بخوف
ضغطها نازل للصفر نبضها متسارع
- هذا انهيار عصبي حاد جسمها مديتحمل الصدمة
طلعت الدكتورة واجت عاملة نظفت الغرفة
وممرضة جابت العلاج للأم
تمددت على السدية بصف سدية نورة
ثنتينهن غايبات عن الوعي
وحدة غايبة من الوجع والدم
ووحدة غايبة لأن شالت هم الدنيا
كله فوگ أكتافها بسبب الصار لبنتها
وما گدرت تتحمله بعد
طلعت بره شفت شرطي مرابط بالباب
على كرسي
طلعت للغرفة قفلت الراوند
وتأكدت من كل شي وطلعت
لسيارتي مااگدر حتى اشوف طريقي
وگفت عرفت نفسي مااگدر اسوق
اتصلت بنوح
-نوح موجود
-استلمت الطوارئ
-تگدر توصلني
-سيارتچ بيها شي
-لا بس مااگدر اسوووق تعبااااانة
هوووايه
-جايچ هاجس هذا يمي
استغربت بعده موجود
شويه وصار يمي بالگراج
-امشييييي
كالها متضايق وعصبي عبالك مان عليه
-ماكو داعي اخذ تكسي
ماخسر اي كلمة بس رفعلي حاجبه
-تفضلي جنابچ
تعبانة ومالي خلگ حتى الرد فتح السيارة
صعدت ولا حچيت شي دگ تلفونه رفع الخط
-ها وطن
لا تلح گلنا صباااااح القنادر
التفتلي باوعتله بغرابة شهالاسلوب
-جااااااايك لتگمز انچب انتظرت علمود
شغلة صارت بالطووووارئ اجو جماعتي
كااااافي اگلك
سد الخط وباوعلي
-وين بيتكم
-بال.........
-راااااقية حفيدة عذبة
هملت كلامه والتفتت للشارع
رجع سألني
-شصار عالبنية
-راح ارجع ارتاح لليل وارجعلها
-شهالاستعجال خفارتچ وانتهت
لتظلين تگمزززين بكيفچ
-ماااااااگمز واجبي الانساني
هذا والبنية مبقيها بالمستشفى اليوم
وامها تخربطت وياها شلون اتركها
وهي كل شويه تلزم ايدي تگلي
ابقي يمي
-تعودي فصلي عواطفچ عن شغلچ
-اني مو حجارة اني بشششر مااگدر
المووووضوع جدا حساس
سكت وشوية واطلق سؤالة المزعج
بدون خجل
-ماگالتلچ ويامن مسويتها
التفتت مزعوجة
-شنووو مسويتها
-تردين اشرحلچ
-شهالأسلوب
-مع من فعلتها مع من قامت بعملها
شلووونه الاسلوب هسه
-مووووو ممكن انت شنو هاي
-صووووتچ طرشتينه مو كافي
عطرچ المزعج ترس السيارة
ونازل من دوامي لمشاكلچ وازعاجچ
-اوووگف هناااااااا رجاءاً
چنت تگدر متجي مووووو شرط تلعب
دور السوبر هيرو وانت ......
-اني شنووووووو
سكتت وهو ساق بسرعة گتله
منا منطقتنا وصلني بالباب وگف
نزلت بالباب چان يگول
-المفروض بهالحالات نگول
شكرا
-صححح ومنگول عطرچ يلعب النفس
ومنسوي الشي بمنيييية
سديت الباب وشخط سيارته وراح
واني مذكرته بأسلوبه من انجرح
وداويته
رجعت للبيت بدون كلام للحمام بمي حار
دفيت جسمي واعصابي وغطيت بالفراش
ماحسيت بشي للغدة گعدتني ماما
وبيبي ولزمني اسئلة محچيت عالضربة
بس گلتلهم صرت بين الام وبتها وابوها
اكلت ونمت لليل صحصحت
بدلت ملابسي وماما وگفتلي
-وين رايحة ماما
-خفارة مضاعفة ماما
-شنو هالتعب يااامي
-شسوي بعد
-سيارتچ وين شو ماكو بالگراج
-بالمستشفى تايرها گاعد
-ماما ديري بالچ على نفسچ
سويتي العليچ واكثر والله لو تخلين
بابا يتصل مناك بمدير المستشفى
ياخذلچ اجازة ترتاحين
-لا ماما والله ماكو شي
-خشمچ والجوه عيونچ ازرگ
-يروح ماما
طلعت للباب صاحتلي بيبي
-تعاي ليلة
-ها بيبي
جرتني شاورتني
-نشدي البت على اخوها
-لا بيييبي ممعقولة
-انشددددديها اگلچ
طلعت واني افكر بكلام بيبي بس
مدخل دماغي اخوووها هذا اخوووها
لا مستحيل
دگيت على ولد جيرانه مخلي للضرورات
خطيه وصلني بالتكسي
مالته صعدت بسرعة للطابق اللي بي
غرفتها
الشرطي بباب الردهة هالمرة يراقب المصاعد
فتحت الباب امها ماكو وبس هي گاعدة
ومنزلة راسها بهدوء وظلام الغرفة
بس ضوه الشباك اللي فاتحين بردته يضرب
عليها همست
-نووورة
التفتت ووگفت تريد تجيني
-اگعدي حبيبتي
رحت اباوعلها وجها ممرود من البچي
اريد امسح دموعها شمرت نفسها
بحضني وشهگت لدقايق حاضنة
جسمها الهزيل وهي تبچي
-نورة وين ماما
وخرت من يمي ومسحت دموعها بملابسها
-راحت طلبوها بالمركز
-اكلتي شي
-هذا الاكل بس مااگدر امي راح تموت
من وراي وانت مالچ ذنب انضربتي
علمودي
-نورة امشيچ شويه
-مااگدر بس راسي يوجعني اتمنى أنام
مددتها عالسرير ورفعت الحجاب من راسها
سحبت ايدي على راسها فهمتها
گعدت العب بشعرها وامسح على راسها
-نورة حبيبتي اذا تبقين ساكتة
يضيع حقچ ترى فهمتي احچي
لتسكتين
شهگت وسكتت
-احچي والله امچ تحبچ وحتى ضد
ابوچ واگفة لخاطرچ
-مو ابوووويه هذا عمممممي
صفنت حتى استوعب
-شلون يعني عمچ
-عمي اخو ابوي
اني ابوي ميت من چانت امي
حامل بيه ومن ولدتني گايليلها
ناخذ البنية ميصير تربينها ببيوت اخوانچ
امي مقبلت بعدين عرضو عليها تتزوج
عمي چانت مرتة ميتة
-اخوچ شگد چان عمره بوقتها
-مو اخوي رافد ابن عمي من ميتة
امه محترگة بالصوبة ووياها بتها
الصغيرة وهو محترگ نص وجهه
ومتلاحگينه
-اي وشلونه عمچ وياچ
-ميأذيني بس شكاك ودائما يشك
بأمي رغم خلاها تشتغل فراشة
بمدرستي
-ليش يشك
-ماااعرف ليش بس حتى اني
حارمني الهوا بحجة اني عرضهم
ورافد حاطله محل گبال البيت خاف
من يطلعون اهلي ابقى وحدي
-شلونه رافد وياچ
كش وجهها وقشعرت ورجفت فجأة
-اكررررررهه اني اكرررررررهه
-ليش نورة شنو چان يضربچ
باوعتلي ووگعت دموعها معلنة
نهاية هاللغز بس وهي تحلفني
-حبابة احلفي متحچين لأحد فدوووووة
-احچيلي ونشوف اني وياچ حل
وبدت نورة ترجع بالزمن شويه شويه
وتستذكر كل شي مر عليها
وبدت كلامها وذكرياتها لقبل سنتين
-قبل سنتين من چنت أول متوسط
صارت مشكلة چبيرة بين امي وعمي
والصياح مالهم ترس البيت
-والسبب
-عمي يگل لأمي ولد عم ورافد ماله غير نورة
خل تكمل هالسنة ونزوجهم
-شنوووو صدگ
تحچي ربووووو بالبيت اخوان
ورافد چبير اكبر منها بتسع سنين
-شني واذا اكببببر
-اسمع اني ماازوجها البنية وتدرس
متوسطة ستوها شني عرس
شني ابن عمها انسى السالفة
-ابطلها من مدرررررستها وووووالله
افتهمتي
-ماتبطل بتي تدرس
اني تعبانة وذالة روحي بالمدرسة لخاطرها
انتتتتت مو حالف ماتصرف عليها
هاي اني اصرف علييييييها
-گلت تبطل
-واني گلت تبقى وبالاخير هي بتي
انييييييي خوووووووش
طلع عمي واني بالهول صافنة وكتبي
يمي جرجرهن وصرخ
-اشگگهن وعلي
-عووووووف البنيييييية كاااااافي
-مووووو كافي مو كافي
تاخذ الولد لو تردينها تديح وتطلع
عن الطرررريق
-كااااااافي رعد تخبلت
ياطريق ستوووها جاهلة
ركضلي جرني من شعري حيل وخله عينه
بعيني
-تردين المدرررررررررسة
-ايييييييي
-اذا تردين المدررررسة ترضين برافد
هزيت راسي رافضة ضربني راشدي
وشگگ الكتب ووگف بنص البيت
-دووووام ماكو لا انت ولا هيييي
واشوف منين تاكلن بالله
وصار صدگ كلامه حاربنه حرب
اسبوعين فرغ البيت ماعدا من الحصة
ناكل اخر شي امي لزمتني
-سمعي يمه دوووامچ سويته اجازات
-شلون وانت ماطالعة من البيت
-خابرت من تلفونه من نام على المعاونة
فهمتها گالت ميخالف سمعيني
اليوم من يجي اگله احنه راضين
بشرط منا لمن تكمل سادس اعدادي
-ماااااارررريده مااااريد شنوووو تزوجيني
اله شلوووون والله اخوووووي
-فهميني بس حچي سووووالف شبيچ
منا لخمس سنين الف عمامة تنگلب
يمه انت شاطرة حرامات تضيع دروسچ
وصدگ اجه وگالتله امي ووافق
بيومها لزمني باس راسي لأن امي
گالتلة الفكرة فكرتي
اما رافد فچان هادئ ممحسني مرة
بأن عينه عليه او شي يشتريلي ويا
ومرات يسولف وياي بس هو بالاساس
طبعه ميحچي على گد السؤال والجواب
بس مماذيني مجرد شكاك مثل ابو
للمدرسة غير نروح اني وامي هو
يمشي ورانه لحد مانوصل
وهيچ مرت السنة الاولى والثانية
ببداية هاي السنة طرح عمي فكرة
العقد مال الشيخ امي گالتله ممنوع
ومااقبل منا لمن تكمل يلا وهم تعاركو
وبعدين وافق
لحد قبل ٤ أشهر تمرضت بيبتي
ام امي واخذت اجازة امي وراحتلها
رادت تاخذني عمي حلف عليها يمين
طلاق متاخذني وعادي متعودة
هي تتركني لأن رافد عينه من البيت
ومن تحچي تگول اخوچ وفعلا عمره
ماضايقني بفعل مو حلو ماعدى الشك
ويحاسبني حتى اذا تابعت اغنية لو مسلسل
واذا اندگ الباب وطفل جاي هو يجي
يركض من المحل يسأله شتريد
عبالة شاب مودي عليه
بيومها وصلني هو للدوام
ويه طلعتي گلت انتظره بالباب
واني واگفة ابن خالتي بسيارته وگف
ونزللي سلم عليه
-شلونچ نورة
-الحمد لله
-لزمي هاي العلاگة دزتها امچ
قطع سود تگول خل تطيهن للخياطة
البصفكم من الحايط وتخيطهن
عالگدر الموجود
-ليييش اسود بيبي بيها شي
-منتهية هاي اخر ايامها ومااعرف امچ
گالت هذا وقت طلعتچ
مد ايده لجيبه طلع فلوس
-وهاي فلوس دزوهن
ويه مااخذت الفلوس رافد
صار گدامي سحبت ايدي بسرعة
خايفة
هو يعرف ابن خالتي سلم علي عادي
واشرلي امشي
بي مشيت اول مرة يتصرف
هيچ لزم كف ايدي حيل مرده مرد
-مواعيد وغراميات يم المدرسة
-والله .........
ماگال شي بس مرد ايدي حيل طگت
اصابعي
يمشي ويحچي
-كلچن متشابهات نفس النگاسة
تموووتن عالتختل والاحضان
مشى بيه لحد ماوصلنا اول مادخلت
گطعني تگطع اريد افك نفسي
من بين ادي ماكو
منا لمن تعب تفل عليه وطلع
بچيت وبچيت بس شيفيد
سويت الرادته امي وديت الثياب من الحايط
هن والفلوس
للمغرب رجع عمي عيونه بالحق عصبي
باوعلي
-تعاااااااي هنااااا
-شنووووو عمو
-شعندچ ويه ابن خالتچ
-والله ماعندي اسأل امي
دازة بيده قمااش اخيطه يم
جيرانه
-مطيچ ورقة مدري رسالة
وفلوس ليييييش يطيج فلوس
-للخياط والله مو الييييه
-ويييين الرسااااالة وينها
-وروح ابوووويه ماكو رسالة اببببد
-عووووواهر امچ تدبرلچ موووواعيد
-يااااامواعيد امي بيا حال بيبي تريد
تموت
-لجهنننننم ونارررررها من خلفت هالنمايم
وذبتها علييييه
مشيت ورجع صاااحني
-باچر اعقدچ انتِ ورااااافد
خووووش
-مااااعقدددددد شنوووو تعقدين
جرني من راسي گعدني بالگاع
-تعقديييين تصيييرين على ذمة
رجال يشكمچ
گمت اصرخ ضربني حيل على حلگي
وراها طلع ماعندي
وسيلة اتصل بأمي وهو يفتر
على راسي بالليل واتصلو بي
بيبي توفت راح وياهم واني
بقيت بغرفتنا
عمررررري كله ماخونت رافد
عمرررري كلة ماشفت بعينه
نظرة نگسة بس بساعتها من
دخل صاحلي
-ليش متقبلين نعقد
-موووو هسه مو اتفقت ويه
عمي لمن اخلص سادس
-ايييييييي منا للسادس تصاحبين
ستة وطابة طالعة وياهم واحنه
نگعد نلم نغ****لة وراچ
-اطلععععع بررررره عيييييب اني
تربيت وووووياك يمتى تصرفت هالتصرفات
ركضلي يجر بييييه
-اييييييي تربيتي ويااااااي
بس ترحين للمدرسة
شمدريني تبقين بييييها
شمدرينة ماامچ تطلعچ
ويه ولد خوالچ وصحبانچ
-كااااااافي ووووخر ووووخر
والله لو تموووووت مااقبل بيييك
-لييييييش بالله مو حلو
محرووووگ هههههههههههه باوعي باوعي
لهالوجه راح تعييييشين ويا طووووول عمرچ
-ووووووووخر والله تحلم تحلم مااقبل بيك
لو تبقى اخر واااااااحد
بثواني انگلب كل شي
الشاب التربيت ويا اللي امي رغم
الصار مأمنة بي انگلب لوحش
ضربني وگطعني وسوه السوا
وهو يضحك بخبال يگلي
-هسة ماكو حجه بعد صرتي الي
شوكت مااحب اعقد خووووووش
كفخني وطلع
أني بقيت بالگاع مگدرت أگوم
جسمي جان يوجعني حيل
كأني انضربت بمية خنجر
الغرفة صارت ظلمة بعيني وفقدت
وعيي حسيت بي هوا يجر بيه يريد
يلبسني ثيابي
ردت أصيح يمه بس صوتي مطلع
عبالك حنجرتي انترست تراب
باوعت ليدي جانت ترجف
ردت ألم دشداشتي المشگوگة من ايده
ردت أتغطى بأي شي
ردت أختفي جوه الگاع
ردت أموت ذيچ اللحظة ولا أبقى هيچ
بقيت اسأل روحي
ليش سوى بيه هيچ مو هو ابن عمي
مو عشنا سوه اخوان ليش صار وحش
الضحكة مالته لهسه بأذني تخوووف
جان يضحك وأني أبچي وأتوسل بي
عوفني حباب عوفني بس بساعتها
ركبة شيطان اعمى
ردت أگوم للحمام بس رجلي ما شالتني
زحفت منه للزاوية وحضنت روحي
شراح أگول لأمي
لييييش هيچ سوووه شنو ذنبي
غمضت عيني حيل
ردت أفتحها وأگول هذا حلم
بس الوجع بجسمي والدم اللي بالگاع
جان يگول هذا مو حلم
الصار واقع وابن عمي كسرني
گاعد گبالي ومخلي مسدسه بيده
-شوووفي الصار هو اليصير بين
العرسان واول تالي احنه معررررسين
خووووش
امچ ممنوع تدررررري والله والله اذبلي
عليهة تهمة واخلي ابووووي يحرگها
فهمتيييييي
لميت نفسي بعد ماطلع وهو يعيد ويزيد
بتهديدة
اني صرت مثل المجنونة اضرب
بنفسي والطم بس شيفيد
غسلت ونظفت الدم عالگاع
ولميت نفسي بفراش امي
وانتظرت لليل كلش رجعت
ماگمتلها اجتني للفراش
-ولچ نورة ماتت بيبيتچ
حضنتني واني ابچي عبالها على
بيبي المهم اخذت ملابس وتوسلت
لعمي تاخذني گوه قبل ورحت وياها
بس اريد اخلص هناك العزاء صار اثنين
حزني على بيبي وعلى كسرة روحي
گمت بكل فرصة الطم وابچي يومين
ورجعنا للبيت
الايام البعدها عبارة عن رعب صار
رافد وين ميشوفني يخوفني ويهددني الى
أن مرت اربع اشهر واني غابت عني الشهرية
عبالي من الهبطة وكل مااسأل امي تگلي يجوز انهبطتي على بيبي
وقبل يومين قبل لا اجي هنا للمستشفى
صادف يوم جمعة ثواب بيبي وامي راحت
وعمي رفض اروح ويه امي
گعدت بالغرفة قفلت الباب
عمي يطلع يفتر ورافد بمحله
يدگ بالباب ماقبلت افتحه
-فتحي الباب نحچي نووورة
مااسوي شي
-مااااااريد احچي ولييييي روح
-فتحي يلا ليش اكسره واكتلچ
-ماااااااكو مااافتح والله
شويه وانكسر الباب ودخل
-شنو يلزمني قفل
انحشرت بالزاوية وگعد گابلني
-اشووووفچ استروحتي لروحة خوووالچ
كل جمعة وطگيتي الكشخة ورحتي
اقترب مني وحچه وياي اقذر كلام
-هاااااااا فهمت بعد صارت الگ***دة
علني متخافين حتى لو احد ينام وياچ
اني مااااعرف هااااا صرتي مستخدمة
وصاررت السالفة برررراحتچ
دفعته برجليه حييييل
-ياااااقذرررررر ياكلب
گام ضربني رجعتله الضربة
ملخني من شعري واني انهاريت
-المشوووووه انييييي هسه عرفت
ليش هيچ سوووويت
ماكوووووو وحدة تقبل بييييك
كسررررتني حتى تجبرني اقبل اگابل
شكلك المقررررررررف
بساعتها نزلت علي قوة خلته
حطمني وگعني بالگاع وضربة كله
صار على بطني ملخني
من گمت انزف وانترست الگاع دم هو
خاف واطاني التلفون خابرلي امي گاللها تعاركنا
لأن غلطت علية وضربتها وامي تدري شهريتي مگطوعة عبالها نزلت من الضرب والخوف
والصار بعد شفتي بعينچ
طول فترة كلامها تحچي وتبچي
-ليش متحچيييين
-تدرررين عرفت شي من بنات اعمامي
يخوووووف
-شنو الشي
-هو هددني بس احچي ابو
يحرگ امي لأن عمي مسويها قبل
-شمسوي
-حارگ زوجته لأن شاك بيها
وبنته الصغيرة متفتهم عمرها سنة
راكضة لامها ولاگفة بيها النار
-وهو رافد ليش احترگ وجه
-رايد يطفي امه
-وليش منسجن
-گايل تترس الصوبة وهي مشتعلة
واهله ميحچون لأحد
-لازم نحچي
-مااااااگدر وامي شلوووون
-فهميني حبيبتي امچ ماعليها شي
مو گلتي اخوالچ زينين
وبعدين بيت عمچ بالسجن
-بسسسس رافد بره
-فهميني بس تحچين راح يسحلووو والله
-خاف ............
-من شنووو تخافييين تردين
اجيب الدكتورة من تجي
امچ ويجي ضابط التحقيق حتى
يعتقلو والله تخلصين منه
صفنت بوجهي تسألني
-والله يعني يعتقلو وميأذينه اني
وامي
-اكيييد
-وعمامي شلون
-عمامچ مو اغبياء مدام ابنهم اللي يسوي
المشكلة وسوه هالسواية القذرة
لزمت كفي
-يعني ميأذوني
-مستحيل يأذونچ
وبقيت يمها شويه وطلعت
بما ان خفارتي لباچر
تمددت عالسرير بغرفة الدكتورات
أرتاح ساعة ماگدرت اغفى گمت
رحتلها لگيت امها موجودة حاضنتها
وتبوس براسها وتتوسل تگلها شصار
-بس سولفيلي ولچ يمه اني وياچ
مو عليچ
باوعتلي تتوسلني بعيونها فهمتها
-شلونچ خالة
التفتت واجتني بسرعة
-سووودة بوجهي شصار بيچ
-لخاطر هالحلوة شويه زراگ
وخلص يروح
گعدتها عالكرسي ولزمت كفوفها حتى تفهمني
-خالة نورة تريد تحچي
وتگول اللي سوه هيچ منو
وگفت فازة
-منووووو يمممه احچيلي اني
-خالة لازم گدام الشرطة
الموضوع موو عائلي الشغلة قانونية
وبنتج مراهقة تحت السن القانوني
والموضوع يعتبر اغتصاب
ضربت على وجهها
-منووووووو
هزت راسها نور رافضة تحچي
-ولچ گليلي نلم السالفة لا ابوچ
يطلع ويموتنا اني وياچ
ولچ اخوچ يحووووم داير المستشفى
انتفظت نور وبجسدها النحيل
نزلت من السرير
-لا هذا ابوووووي ولا ذاك
اخووووووي
عميييييي وابن عمي مو اهليييييي
-ولچ شلوووون مو اخوچ من گبل شهر
اجاني رافد گال يمه سدي الموضوع
مااريد اظلم نورة خليها وهي تظل اخيتي
ماصخى بيچ سودة علية لحد ماقنع ابوچ
ضحكت نورة واني حللت الموضوع
وفهمته
راد يبعد الشك عنة لأن الام لهالحظة واثقة
بي وتسمي اخ
-يمممممه اريد الشرطة يجووووون
-ولچ شرطتيش وانت چنتي تتراجفين
منهم
-اررررررريدهم
باوعتلها ماكو حل طلعت اتصلت بالدكتورة
اللي سوتلها عملية وبما ان هي مو بالمستشفى
اتصلت الدكتورة بالادارة اللي بدورهم
اتصلو بالمركز ماكو ساعة
ودخل ضابط تحقيق وشرطي
وام نورة وجها صوفر
ردت اطلع نور باوعتلي وباوعت للضابط التفتتلي
-ابقي دكتورة
گعدت عالكرسي بصف السرير
وبدة يطرح اسئلته الى ان وصلت
للشخص السوه هالشي
عيني بقت على امها ضحكت
وملامحها اختلطت بين خيبة ودموع
وصدمة وگفت سحبت الورق من الضابط
اللي تفهمها وهو يحاچيها
-امي التحقيق ضروري المسألة
مو عائلية هاي طفلة مغتصبة فاهمة
انتِ
-لا يممممة لا لا هاي دايخة
ولچ راااافد اخووووچ شنو
اخذها شنو غصبهاااا
شمرت الورق ركضت لنورة
والضابط صار بينهن
-يمتى اذا رافد يممممممتى
-بيوم ماتت بييييييبي انت تتتركيني
يمممممممه يبقى مو اخوووووي
-مأمنة ولچ يمه اني ربيته من چان
عمره تسع سنين اني الربيييييته شلون ويصيحلي
يمممممة
-ويصيحلي اخته بس يريد
يتزوجني واني جااااهلة عمري ١٣
-لا لاااااا مارايدچ والله حلفلي بالقرآن
-واني هم چنت مصدگتة يممممه مو هو نفسه
الچان يشتريلي ويوكلني اني ماااااامصدگة
هوووو اخوي شهوووور واني
اگول الصار چذب يهددددني بيچ
يگول اتهمها تهمة اخلي ابووووي يذبحها
لطمت امها وانهارت من الحقيقة
والخذلاااااان وانتهى دوري
بهالحكاية من ضابط التحقيق
دز امر للمركز وبعد ماسأل الام عن
مكان رافد راح
واني ارتاحيت رغم رعب الام
وبدت اتصالاتها لأخوتها والرعب اللي
صابها بعد مالاموها بسبب اخفائها
للموضوع بس الحق يقال ثلث اخوان
حضرو وبعد تعهدهم للشرطة
ثاني يوم الصبح حان وقت خروج
نورة بعد مارحت للغرفة ارتاح
اندگت الباب وطلعتلها واگفة بحجاب
اسود ووجه شاحب لابسة عباية
كتف سودة وكانولتها بيدها باوعتلي
وضحكت
-اني ماعندي اخوات بس يمكن لو عندي
ماسوو السويتي
امها بچت ووياها مرية كالت هاي
خالتها سلمت عليه شكرتني
تقربتلها ساحبتها منهم
-تعاي ناخذ صورة وهالصورة
السنة الجاية اجيچ للمدرسة
الگاچ راجعة لتفوقچ وناخذ وحدة
وانت وجهچ مورد وراجعة جميلة
-اتفقنا
باستني وامها اجتها
-ماادري شمضموملنا ياخالة
-ربي ياخذ حقها
باوستني وطلعت وصلت وياهم
للمصعد صعدو وانغلق المصعد
وابتسامتها المكسورة مافارگتها ابد
بعد هالتعب المضني تنفست براحة
ونزلت للأدارة اللي تفهمو وضعي
واخذت اجازة لمدة يومين
رحت لنوح شفته ورجعت اخذت
سيارتي سايقتها للبيت ومن الحمام
للكثير والكثثثثير من النوم
العصر من گعدت لزمتني بيبي وسألتني
-شتبين من سالفة البت
-اخووووها اللي هو بالاساس ابن عمها
متربية وياه
-وغاصبها غصب مو
-اي بيبي
-الله لا يوفقه
-بس سؤال بيبي ليش گلتي
سأليها عن اخوها
-الحمى تجي من الرجلين بيبي
وره أسبوعين خفارة الطوارئ والفوضى
وبنص ذروة الاحداث
ارتفعت أصوات صراخ مفجوعة
وشرطة ملو المكان وفوضى ركضنا
كالعادة بوقت الحالات الطارئة
ووگعت عيوني عليها ذاك اليوم
ما جان يوم عادي الهوه جان ثگيل
كأن الدنيا جاي تعلن عن حدث عظيم
فوضى وصياح رجال وياها يصيح انتحرت
وامها المفجوعة تصررررخ بكل قوتها
مستحيييييل نورة اللي چانت تتمسك بيدي وتگلي
أني أريد أعيش واطلع من بيتهم
هاي تنتحر مستحييييل
الاطباء طلعو الكل من غرفة الانعاش
شفتها مممدة عالسرير
جسمها صغير أكثر من العادة
شعرها مفروش على سرير الطوارئ
وعيونها مسدودة
بس مو نومة راحة
نومة إجبار
رجلي ماگدرت تمشيني من شافتني امها وصرخت
تريدني اطمنها وبيدها شال لازمته تصرخ
-بهذاااااا خنگت رووووحها ولچ خااااااالة
راااااحت مووووو فدوة بس ريحيني
ثواني واعلن الدكتور الوفاة والشرطة
سحبو الرجال وياها على جهة
امها شمرت نفسها عليها وتون
بصوت حزين ملى المكان وتعلق بذاكرتي للان
گعدت يمها
مديت إيدي ألمس جبينها
بارد
بارد لدرجة خله روحي ترجف
شنوووو انتحررررت والزراگ حول رگبتها
واثر الأصابع
جابوها ملفوفة بحچي رخيص
انتحرت مستحيييييل
شفت أثر بكفها
شفت زرگة برگبتها
شفت خوف بعده ما فارگ ملامحها
نورة ما انتحرت اكيد
نورة انقتلت
رجعت الفوضى بعد دخول الشرطة
مرة ثانية طلعت هاربة اني
من حزني
من مواجهة واقع موتها
ومن سؤال بقى يرن بأذني
-ليش دائماً الأضعف يدفع الثمن
وانتهى كل شي بأعلان الطبيب
الشرعي بجريمة قتل
وتم تعليقها بالبنكة مثل مايدعون
بعد ماقتلوها
اليومين البعدها الارق قتلني
مااگدر أنام تلفوني مفتوح على
صورتها وكل شويه اسأل حتى
اعرف الخبر اليقين
وبعد اليوم الرابع تم صدور تقرير
الطبيب الشرعي
بانها مقتولة اللي عرفته
من الاحاديث اللي دارت
ان الام گالت اعمامها ماخذيها
بالاجبار من الخوال وگالو نسد
الموضوع بزواجهم
اخذوها وقتلوها منو القتلها ماعرفت
وليش هم ماعرفت وتبقى تتردد
فكرة وحدة ببالي
-جرائم الشرف الى متى
:
:
:
:
:
فزيت بعد نوبة ذكرياتي
على صوت رسالة
فتحت الشاشة رقمه الكاتبة علي
وطن ومخلية بصفه ايموجي علم
-راااااايح بت عمتي ابريني الذمة
خاف تنمرت على چهرتچ
ضحكت واني ادعيله بالسلامة
بگلبي
غلقت الجهاز واني اباوع لصورتها لآخر
مرة قبل لا احذفها من التلفون
وتبقى عالقة بذاكرتي الى الأبد
الأيام البعدها صادفت خفاراتنا
ورجع جدولنا سويه بس نوح شگد ماهادئ
بطبيعته صار التوتر واضح
على وجهه التلفون ميفارگ ايده
وكل متصير فرصة نگعد
يبين مدى تعبه من تفكيره بيهم
-والله ماعندي اعتراض يتطوع
بس تعرفين وطن الصغير
يمكن تضحكين اني مااشوفه شاب
عمرة ٢٢ اشوفه ذاك الطفل اللي
حتى واني صغير مهتم بي
-هذا اختياره خلوو يختار طريقه
-اني اعرف السبب بس
شسوي حاولت ويا الموضوع منتهي
كلمة والثانية يگلي مااگدر
اذا ماتت لو صايرلها شي عالاقل
اكون بالمكان اللي هي بي
ابوها وابوي كسرو گلبه بوقتها
من رفضو ارتباطهم
هي تركت الجامعة ورجعت للموصل
-قدرهم وان شاء الله ينجمعون
-اشك ماگدرت اواجهه بالواقع ليل
صار سنة عالاحداث لو نازحة چان
اتصلت
-بلد قصص الحب الغير مكتملة
-بلد النهايات دائما
من بعد اسبوع نوح اختفى
يومين اتصل ماكو
الى أن بيوم بخفارة الطوارئ بالليل
اجاني اتصاله واني بأستراحة الاطباء
ارتاح شويه فتحت الخط اجاني صوته المتعب
-نووووح يمعوووووود وينك
خوفتني شو مترد
-صعديلي للطابق الخامس ليل
-عناية مركزة شصااااااير
-جبت اخوووتي اثنينهم
دگ گلبي داخل صدري ونبض بقوووة
واني اتذكر كلمة وطن ابريني الذمة
-نووووووح شصار فدووووة
كمل كلامه وانكسر صوته بحسرة
-اثنينهم ليل
اخوتي اثنينهم
بين الحياة والموت
