رواية ليتك قدري الأول الفصل السادس عشر بقلم رفل الكناني
كاعده منتظره سلام وماشوف غير هديل دخلت عليه مفرفحه والشعر مكفوش كمت وكفت صارت ورايه وخل بارق وعيونه تطلع شرار انوب اني صرت وره هديل من وره لبسي من شافني راسن طلع وكف بلباب ويصيح
هدددددددديل ااااااطلعي اليوم اموتج والقراااان هبببه ااااااستري نفسج داطب ااااااسحله لهاي لكلبه
اني من يمي رجفت من صوته وانوب اباوع لروحي عزه اخاف يدخل النوب ركضت داسد الباب صار بوجهي دنك واني قفلتهه ورجعت عل هديل
شكو ولج احجي عوفي البجي
لطمت عل خدوده
هبه بارق لزمني احجي ويه حذااام شلون بيه
عززززه بعينج راح اخويه وعرفه
اي اي عرفه وحذام كله هسه جايك للبيت
اوووويلي يمه اخويه هسه يتذابحون وهمه ثنينهم نار
ركضت لبست دشادشه مستره ومسحت وجهي بلمرطب وبارق كلب الدنيه الباب كسره أشكال الغلط عل هديل وعمتي زادتته كبت وياه خلدون اسمعه يخابر عل سلام شويه وصار مراكض بره هديل كالت
الحكي هبه بس لاحذام اجه ركضت خليت الشال عل راسي وطلعت لكيته صدك جاي عزه بعيني وعينك بارق لازمه من ياخته ويهز بي بارق ضخم حيل يشبهه تيم حسين نفس الشكل طبق الاصل والضخامه وحذام هم ضخم بس لاشي
يم بارق من شفتهم متلازمين ركضت لزمت حذام بس بارق شعلني شعل وهوه يغلط عل حذام
انعل ااااااابوك لابوووووو اهلك لك تدنس عررررضي كلب اااااااااابن الكلب
وحذام يجاوبه
لاتغلطططططط اااااااحترم نفسك تره لحد الان محترمك
خلدون بنص نجعص ال شويه واني ابجي انفتحت باب الشارع دخل سلام يركض
شكو شكو شببكم حذام شجابك
كرررت عينك هذا العار نسيبك مسوووووي علاقه ويه اختك المحترمه
صوتك بارق منا العالم شو بس واحد خل يهد الاخ
ماااااااهده هذا النذل اااليوم لو اني لووووهوه دافعله لك
عار لازم هسه انت وياي وندمي
لك بس خل نفتهم شجاك تخبلت
عمتي كعدت باب المطبخ ودك عل رجليه
ولد الفكوره كتلهم الطمع البنيه لفت عل ابني واخذته والولد يريد يقشمر البنيه
سلام كلهه
يممممممه ااااسكتي ااااااااسكتي
حذام صاح
يممممممعودين والله العضيم رايدهه بلحلال وهسه اذا تردون هسه أعقد عليها
وسفه عليك حذام متوقعت يطلع منك هيج
سلام بس فهمني والله والله عرضك عرضي الله شاهد
رايدها زواج موغير شي اني لو عندي غير نيه واكف هنا كدامكم
سلام واكف بنص وبارق يريد يلوح حذام اني ابجي وخلدون ركض عل عمتي سوت نفسه تخربطت سلام دفع حذام وطلعه وهوه يصيح روح هسه روح حسابي وياك بعدين وبارق
يصيح
سلام الكو ........... لك تخلي يطلع لك طمطمله
سحب الباب سلام سدهه بوجهه حذام وبارق جيت عليه لزمه من تشيرته من يم صدره
اليوم لو اني لو انتى لك لان نسيبك هيج تسوي عار جبان ضربه بوكس وسلام رجعلهيا خلدون عاف عمتي مدده واني اجر بسلام وخلدون بارق وهوه جنه وحش رجع عل خلدون
انت هم كوا........حالك حال هذا العار سلام
اي ميخالف بس اسكت سلام انت هم اسكت يمعوووودين نفضحنه منا العالم هبه اخذي سلام دخلي جوه بارق رحمه للحمزه بس اسكت لك امي تخربطت
سلام الله عليك امشي لغرفته عوفه هذا ميتفاهم
وووووخري انتي معليج
سلام راح اوكع من طوالي والله بس امشي عليك القرآن
سحبته واباوع عل بارق يرجف من الاعصاب وحذام حاصره وصلنا يم عمتي ثنى يمهه كال جيبي مي ركضت جبت وجيت ذب عليهه وكعدهه اول مكعدت صاحت
الله لايوفقج هجمتي بيتي وراح تفرقين ولدي اخوج داخل عل طمع احنا ننطي الواحد حافي ومنتف مثله
سلام شافهه زينه وكلشي مابيهه عافهه وكام توجهه لغرفة هديل يدك بلباب اجه بارق يركض
وووخروووخر هاي حسابهه وياي موانت تحاسبهه لك انت العار جان كدامك تهزمه وتخلي يروح امشي ساقط
ااااالزم السانك راح تطلعني من طوري وانعل ابو الخوه
لك اااامشي لك احمد ربك مطبكتك وياه
سلام عوفه لاتحاجي بس تعال وياي
سحبته لغرفتنه وقفلته كعد عل جربايه وايده عل راسه
هبه لاتجذبين عليه ااااانتي تدرين؟
سلام مادري والله مادري
ااااااخ ليش هيج حذااااام ليش اذا تريدهه ليش مجيت كتلي لج هبه سمعتي بارق يكولي كو.....وساقط وتطمطم لج هسه شسوووي كليلي شسوي هذا عرضي وهذا نسيبي ليش هيج تفشلوني
سلام بس هدي نفسك شلون ليليه هاي يربي
شهددددي ششششهدي اني عايزززز لج اني الهم الفوك راسي اليوم صالحت امي منين طلعلي اخوج منين
صوت بارق كسر الباب عل هديل وعمتي تدعي عل اهلي وسلام هذا كلامه دك فوني حذام راسن كام سلام جاوبه
هاااا حذام انت وين هسه جايك عندي حجي وياك
تفقو عل مكان وسده ركضت عليه
سلام بغلاتي عندك شراح تسوي
ماسوي شي دافتهم منه ليش هيج سوه
سلام احلفك بكل حرف بلقران لاتتعارك انت وحذام انت رجلي وذاك اخويه
اي دوخري عاد
بجيت بقهر: سلام خليني كدامك اذا عاركت حذام لاتخاربنه ويه اهلي غلطه وصارت وانت احسن من بارق حلهه بتفاهم
بعدني وطلع خابرت حذام
الووووو حذام
هااا هبه شصار
شصار شصار هسه رتاحيت من هجمت بيتي
لج تره روحي طالعه هجمت بيتج شنو قابل انهزمت اجيت واجهتهم بس هذا بارق كلب ابن كلب
حذام انت شتحجي غير لزمك تحجي وياه اخته يعني تلزمني احجي ويه واحد شتسوي
هسه عوفج من هذا الحجي شصار ورايه
تضاربو سلام وبارق وعمتي تخربطت
اااااخ عمتج راس البله زين وهديل
بلغرفه قافله عل نفسه الباب
خوما اذوهه
هذا الهامك حير بنفسك سلام جايك بطريق حذام لاتتعاركون الخاطري اني اختك وين أولي
الايابه سلام اهون من ذاك المخبل اني اعرف شلون اتفاهم وياه يله ثيملاء
الله وياك سديته وضليت اكل بروحي وشلون وشلون وخاف يتعاركون وخاف اتخارب ويه اهلي لو اتخارب ويه سلام فكره تأخذني وفكره تجيبني بره صارت هدوء ويمكن هديل فلتت من الكتله لان قافله الباب عليها وخلدون مخله بارق يوصللها اكثر من ساعتين واني بين نارين نار رجلي ونار اخويه ال اجه سلام بس مبين هادى صدك ضايج بس ممعصب كعد واني احوص وأريد اسئله تشجعت وكتله
هاا سلام شسويت
شسويت يعني رزلته غسلته غسل ماحجه كال اني عايل واني غلطان وشتردون اني حاضر
اي تالي
تعذر وكال اني اصلن جيت اصلح الغلط بس اخوك ميتفاهم ومن باجر ادز امي تخطبهه اني رايدهه والله ووووكومه حجي ال اول ماله اخر بعدين خصمتهه يخطبه وخلص اذا إل نصيب خير عل خير ماله نصيب ينسد الموضوع وهاهيه
اي الحمد الله من هيج فضت والله جنت حيل خايفه
عليه لو عل اخوج
تنينكم والله
دكومي وياي عل هاي ال رعنه داحجي وياهه لان اكيد
مراح تفتحلي الباب تخاف
سلام خوما هم راح تسوي مشكله تره صارت دنيه نص
الليل
لا بس فضيني
كمنه سوه دكيت الباب عليه مفتحته ماكو صوت كتله هديل افتحي اني هبه داحجي وياج بسرعه فتحته من شافت سلام رجعت ليوره والخوفه واضحه عل وجهه وعيونهه مورمه من البجي دخلنه صارت ورايه كله سلام هوه ومخنزر عليهه
ليش هيج هديل ليش هاي الثقه إلى منطيجياه احنه لج تسوين علاقات ويامن ويه نسيبي مفكرتي بيه ماكلتي اخويه شلون اخون ثقته بيه لج اني اكعد واكل واشرب ويه حذام وهوه مصادق اختي هو ما اعتب عليه رجال وميستحتي واستغفلني بس انتي اختي شلون قبلتيه عل نفسج وعلينه تدرين اللوم صار عليه أكثر من مصار عليج لج بارق يضربني من وراج واني اضربه لج أشكال الغلط سمعني وسواني عار يريدني اذبح حذام وإذا صار هذا الشي هبه شلون بيه هبه مرتي وحامل بجهالي اذا تعادينه ويه أهلها هيه راح توكع بيهه
سلام يحجي وعيونه دم واني واكفه بينهم وهيه بس صوت شهكته كالها:
خلص من اليوم نعدمت ثقتي بيج اني حذام عرفت شلون اادبه بكلامي وباجر راح يجي يخطبج وانتي تتحملين نتيجت ختيارج فون بعد ماكو من اليوم وكليه ماكو لحد متفض هاي السالفه
اخذ الفون من الميز وطلع باوعت آخر نضره عليهه كعدت بلكاع وكامت تلطخ براسهه بلحايط سلام مضربهه ولا حتى لزمهه بس كلامه جان اله عدال الضرب أتوقع لو كاتله ميكون هيج حاله تأثرت حيل بكلامه طلعت ورحت الغرفتي جان يكلب بفونهه من شافني طفاه وضمه اني ماحجيت كلشي وهوه هم طفينه الضوه وسلام صد بصفحه واني النص اليل والافكار بالي وحايره شلون باجر اذا جتي امي اكيد عمتي راح تسممهه بلكلام وشلون وشلون ال ان غفيت ومادري بروحي كعدت الصبح مشيت سلام للدوام الوضع بلبيت مشحون ولا واحد يحجي ويه الثاني حتى الريوك سويته
بقى عل حطته محد تريك وطلعوو عمتي نزرعت بباب
غرفة هديل تريدهه بس تفتحه وهيه متقبل لحضه نقهرت عل هديل وحسيتهه جاهله وتخذت قفلت الباب وسيله تتخلص بيهه من مواجهتهم صحيح هي غلطت واخويه جزء من هذا الغلط لان اليحب من صدك يجي من الباب ليش هيج خلت أهلها بعد ميثقون بيهه تريدني تعال من الباب الرجال من يشوف المره منطيتهه مجال لاتصدك يحبه ويكيف بلعكس راح تصير عنده شكوك بن يجوز تنطي مجال الغيره والدليل حذام جان بينه وبينهه مشاكل قبل كم يوم وعل شنو عل دخوله كروب مختلط معنهه يخاف تحاجي أحد مثل متحاجي لان يشوفهه شلون منطيته مجال بين هاي الأفكار ندكت الباب طلعت امي واساور سلمت عليهم ودخلتهم بلاستقبال توني داكول الامي يمى تحملي شويه عمتي وجان هيه تدخل ترعد
لاهلا ولامرحبا بيكم وفوكاهه جايين البيتنه فوك عملت ابنكم انوب انتو جايين
جاوبتهه امي:
ام مهند عيني عل كفيج حبيبه احنا جايين نحلهه وقبله اني بنفسي أعتذر منج فدوه لعينج خل نتفاهم
مالي كل تفاهم وياكم اخذي جنتج وطلعي بره
عمه عيني ميصير هيج امي ضيفه بيتج ميصير اطرديهه
اذا مو الخاطري لخاطر سلام موعمته
والله انعل ابوه سلام هوه منو لفاكم علينه غير سلام وعرفنه بيكم من ساعت السوده ال شفت شكولكم
اساور متحملت كالته
عيب هذا الحجي انتي مريه جبيره متستحين فوك مجايين نهدي النفوس
انتي اخر من يحجي انتي مثل شكولهم وال شلون قبلتي بيهم
عمه كافي هذا الحجي عيب والله عيب
تعلميني العيب العيب عليكم انتو انتي حاطه ابني جوه
باطج وهسه اخوج يريد يضحك عل بنتي
ام مهند ليش هذا الحجي والتجريح ابني رايدهه عل سنة
الله ورسوله وهسه جايه اخطبهه
شنو ششششنو اني انطي بنتي الكم لوتموتون
ليش اسم الله انموت محد مات وراه احد لعد احنا مونطيناكم هبه
غصب ماعليكم وين تلكون مثلنه يناسبوكم
ليش منلكه ماكو احد احسن من أحد كلنه من طين لايغرج المال والجاه تره اخرتي واخرتج جوه التراب وللدود
لاتنطيني محاضرات وتفضلي اطلعي من بيتي
مع الأسف عليج ام مهند توقعتج اكبر من هذا المستوى
ردت احجي امي سكتتني اشششش
احنا رايحين والعلينه سويناه بس انتو متقدرون امشي
اساور
يمه وين اوكفي
بنتي خليج بعيده من هذا الموضوع احنه طلعنا منا خلي
الزلم همه يتصرفون
سلمت عليه وطلعت وعمتي ماسكتت ضلت تحجي وتصفط واني اريد انفجر من القهر منظر امي وطردتهه وشلون جانت تحجي وياهه بهدوء ميروح من بالي بس محاجيتهه لان ادري بيهه ددور حجه عليه دخلت لغرفتي قفلتهه وكعدت انوب رجعت عليه وكفتلي بلباب كسرتهه وهسه تطلعين وماريدج بلبيت وهيج منج ومن اخوج ومن امج اكثر من ساعه وهيه مسكتت آخر شي خابرت سلام من كد القهر حتى بطني لوتني
الووو ها سلام شلونك
هلوو هبه شلونج
سلام موزينه امك لعبت بيه طوبه
ليش شسوت انوب
سلام اهلي جوي يخطبون هديل طردتهم وهم ماحجيت انوب هسه واكفتلي بلباب اطلعي واليوم متبقين بلبيت
اسسستغفرالله وتالي
مادري سلام والله راح اطك وحتى بطني كامت توجعني من كد مااحمس بنفسي
والله اني الي راح اطك منج ومن امي تدرين اني وين هسه معلك فوك عمارة وداشد بلكهرباء وانتي تكليلي امك واخوج يخابرني يكولي امك طردت الجماعه الدزيتهم وامي دكلي ماريد مرتك ولانسابتك شلون اذب روحي من فوك واخلص كليلي
واني شعليه لعد اني وين اروح غير اكولك يعني هسه اني من ددتطرد بيه اروح لهلي يعني عادي
اكسر رجلج اذا طلعتي او جيت ومالكيتج اكعدي بغرفتج ولاتحاجيهه اني اجي ويصير خير
هوه لعد اني وين صار فوك الساعه محصوره بالغرفة
اي لاتطلعين ولا تجاوبيهه سمعتي
اي
يله فيملاء
الله وياك
سديته وسويت مثل مكلي وهيه شويه وملت صارت صنته بس هم ماطلعت لحد مااجه سلام سمعت صوت سيارته من دخلت للكراج وبعدين تأخر ربع ساعه ال دخل للغرفه شكله بعده ضايج طلعت كتله عل غده كال ماريد بس اريد انام كعديني ب5حذام راح يجيب مشيه مال زلم حجه وتغطه ونام انوب اني ضليت عيني متاخذ نوم راسلت حذام كال معليه بحجي النسوان راحت لميت عمامي وشكم واحد خير والله كريم للخمسه واني عل كعده وحده كعدت سلام كام غسل وبدل وطلع للهول ابو قتيبه موجود وبارق وخلدون
كعد يتناقسون مسمع كلشي من وره عمتي وصوتها
ليلعلع وكل شويه بارق صايح بيهه عوذه منك الوحيد المينجرع حتى ابو قتيبه ماله صوت ندك الجرس
وخلدون طلع واستقبالهم وهمه كامو كعدو يمهم ونسدت الباب واني بلمطبخ ودي جاي وجيب مي وهديل طلعت من الغرفه شويه ورجعت صايره تخوف من كد مباجيه عمتي حاطه كرسيهه يم الباب وتسمع واني اخاف اتقرب يمهه هاي مفضوحه شويه وطلع بارق ومهند وراه لازمه من ايده
هاي وين تخبلت تعوف الزلم وتطلع
اني ماكعد وسلام كاعد متشوفه شلون يدافع لنسيبه واني دمي فاير عليهم ثنينهم
لك انت رجال شنو تعوف ال كعده وتطلع مشاكلك ويا
اخوك العالم متدري بيهه
لايدرون حذام النذل يدري
ميخالف امشي هسه انت لعد شلون محامي وتحل مشكال العالم ومن كعده وحده تلهزم
مهند الخاطر الله عوفني اني ماتحمل اذا كعدت الزم سلام وحذام ثنينهم اجرم بيهم
نتر ايده واخذ سويجه وطلع فات من يمي واني بلمطبخ خزرني وطلع كبر شكد مكروهه عبالك بي جني حتى تفاهم ميتفاهم اكول ليش ميتزوج يدري بروحه مينجرع
بقيت كاعد انتظر ال أن طلعو باوعت من الشباك عصام لازم حذام من ايده وحذام عيونه دم وياشر بيده مدري شكوله وهوه سحبه طلعه خارج البيت وسلام وأبو قتيبه ديسلمو عل زلم لحد مطلعو ركضت عل سلام نسيت حتى الولد اكوله شكو يهزلي برأسه عود بعدين ابو قتيبه صعد لبيته من درج الحديقه وخلدون طلع للشارع دخلنا عمتي تبتسم بخباثه عفناه ودخلنه غرفته
سلام فهمني شصار
هبه كلمه زايده لاتحجين تره واصله لهامتي منطيناه كناله قسمه ماكو وانتهت
والسبب بارق موو
لابارق اصلا شال ايده من الموضوع كله وحتى بلكعده ماكعد
لعد منو
امي امي من جنه كاعدين قبل ميجون كالت مننطي ومهند أيدها واني عارضت وحتى خلدون كلهم حذام ميتعيب بس تعرفين امي قفلت واحنى منريد مشاكل نهيناه هيج احسن
طبعن هيج احسن لان احنا مومن مستواكم
هااا راح نبدي هبه اخوج صحيح بس اني وياج خليته خارج قوس فتهمتي لولاء سدي الموضوع لاتخلقين مشكله بيني وبينج من وراها عصام تفهم وتراضينه وطلعوو
سكتت بعد شريد اكول موزين نتهت هيج بس حذام شلون لليل خابرته جان هادئ فاجئني من كلي راح اعوفهم هاي الفتره لان هسه همه ضايجين من الصار عود بعدين شوف الله شلون يسهلها
وفعلا نسد الموضوع وكن شيئ لم يكن ومرت الايام هديل رجعت للكليه طبيعيه هاي شبيهه معقوله تركو بعض وعمتي هادئ وعايفتني بحالي وهدوء مخوفني خصوصا من تكعد ويه سلام ويتبسبسون هوه بهاي الفتره سجل بلقاعه مال حديد هاي سالفه طلعتي صفح غير الكهوه كام يروح بلساعت وميطب للوحده بليل لو للثنتين بس تعدل حيل وجسمه نشد حتى أكله صار بدون دهن وهاي الشغله متعبتني لازم اسويله وحد واني ايام حملي دتركض وداتعب حيل والثكل فضيع كمت ماكدر اكوم واكعد ومن وصلت شهر الثامن عبالك تكرمت النفس أجره كوه وسلام تركته نهائي مااخلي يوصلي مومتعمده بس مااكدر وهوه هاي الشغله خبلته عليه روحه صارت بخشمه وعل أقل شي يزمخ ويعصب وعمتي ملاحضه هذا الشي عدت مرات يعصب كدامهم عل اتفهه الأسباب ومره رزلني علمود كورس الاكل جانت ورقه مال نظام غذائي
كاتبلها المدرب وضاعت لعب بيه لعب واني ساكته من دورته طلعت بملابسه جبته دانطيهيه وجان اسمع عمتي دكوله هاا شكلت وهوه يجاوبهه يمه موهسه هاي تموت والله متشوفيه شلون تعبانه خليه وره متجيب
جنت زعلانه منه ومغثوثه مركزت ولادققت شنو قصده اصلن صايره اعبر واعبر لان البيه كافيني لحد ماوصلت شهرى واليوم اول يوم وبنص اليل وتجيني لويه عبالك إعصار من قوتهه اريد اكوم ماكدر كمت بس ادق بسلام حتى يكعد كوه كعد
شبيج هبه
سلام بطني لحكلي يمكن راح اجيب
صدك زين شسوي كليلي
بس كعدني
سحبني وكال
راح ا صيح امي
طلع يركض اجتي وياه باوعت عليه واني اتلوه كالت
بعدج توج اول يوم بشهرج شتجيبين هاي تشاليع نامي نامي عاد انتي راح تشتغلينه هذا الشهر كل شويه وكولي راح اجيب
حجتهه وطلعت واني ابجي بهدء من الألم
سلام خابر امي داسلهه دكلي عليه خطيه نهبطت جانت نايمه كالتلي يمه روحي للمستشفى انتي توم تخوفين انطتني اسم المستشفى وكالت تلكيني كدامج تعاي سديته كتله السلام جان صدك خايف ومبين عليه كال يله احسن نروح ليش نجازف كومني وكفت لحيلي محسيت غير المي بين رجليه هوه نخبص كتله عل كيفك بس صيحلي هديل ركض دك الباب عليه واجتي وياه شافتني كالت اني يمج بس ماعرف شنو اسوي بس وجهيني كتله بس بدليلي ودليتها عل غراضي سلام هم عل صفحه بدل وسحب فلوس من الكنتور خله بمحفضته شال السويج كال راح اطلع السياره بين متكملون بدلت وكملت اجه سندنني وهديل هم وياي من الصفحه الثانيه بلحولي وعل صوتنه طلع بارق من غرفته كال
هاي شكو
كله سلام
يمكن هبه عدهه ولاده
عمتي صاحت من غرفتها
ولك هاي مكاره عياره راح تركضك بهليل اذا جيبوهه عاتبني
بارق مد راسه عل غرفته
يمه شنو هل الألفاظ مو اني واكف
خزرها
طلعنا صعدت السياره وهديل راحت جابت الجنطه اني جنت محضرتها سلام هم صعد اجه بارق صار من يمه
شنو وحدكم راح ترحون
لاامهه هناك كدامنه
حتى لو لحد متوصل كلشي يصير هديل روحي وياهم
اي صار بس ابدل
عندك فلوس
اي عندي
الله عليك
والله عندي
طلع من جيبه صفطه خمسه وعشرينات ونطاه
بارق والقرآن عندي
هسه ميخالف خليهن عندك عود اذا محتاجيت رجعهن
وداعتك عندي
همه يحجون واني ادكطع واللوب اجتي هديل صعدت يمي كله
سلام سلام انزل اني اروح وياك انزل اني اسوق
خطيه لا
يمعود دنزل اكعد يم مرتك
نزل سلام كعد يم وهوه شخط السياره وطلع واني كسرت أصابع سلام من ألعصر وهوه حاضني وصلنا المستشفى ونزلنا مشوني لكينا امي وحذام خفت من اللقاء ويه بارق
وخصوصا ويانه هديل بس صار العكس تسالمو عادي وامي وهديل الي عيونها على حذام وهوه راح يأكله هم اخذوني لصاله الولاده اول مشافتني الدكتوره كالت فورا ولاده
وعمليه هم من سمعت هيج كل حيل مضل بيه كمت ارجف وامي تقراء آيات وتهديني دخلت العمليات ركض ركض بنجوني لو نعاد كل شريط حياتي كدامي ورحت
بغير عالم
