رواية روح أيوب الفصل الثامن عشر
-اي دا؟!
قالها أيوب باستغراب وأنا بحط الحاجات قدامه
-رسمة وألوان وهنشرب اللي تحبه دلوقت ان شاء الله
عشان نلون
-نلوِّن!ليه؟
-دي يا سيدي رسمة هنقسمها بالنص وانت تلون جزء وأنا جزء وفي الآخر نركبهم سوا تاني ونشوف تلوين كل واحد
بكل بساطة !
-وأنا هلون ؟
بصيتله
-أيوب!اطلبلنا حاجة نشربها على م أقسم الرسمة ومتعصبنيش
اديتله النص بتاعه وطلعت الألوان وبدأنا نلون
بعد شويه بصيت عليه لقيته مندمج وشكله مرتاح كإنه طفل صغير ولقى لعبته المفضلة وماسك القلم بارتياح كإنه أسهل شئ
طنط قالتلي في مرة إن هو بيحب الرسم والتلوين لكن بعد م دخل الكلية بكام سنة وبطَّل عشان انشغل ومرجعش تاني!
فقررت إنه ليه لأ!
هو دايما بيفكرني بنفسي وبيعملي ويشاركني الحاجات اللي بحبها وهنا كان لازم أتدخل !
خدتله كام صوره وهو مش حاسس وهوريهومله بعدين
كإنه قاعد لوحده في دنيا تانية فنان فنان يعني!
-خلصتِ؟
-ايوا ،وريني تلوينك يلا
قالي والفرحة ماليه عيونه
-بصي
قولت بانبهار حقيقي
-تحفة يا أيوب !
اي دا بجد اللهم بارك ،انت كمان زودت على الرسمة الاساسية خليتها أحلى والألوان تحفة ولايقة على بعضها
انت كمان عامل درجات جديدة من الألوان !
انت كدا رسمتك أحلى مني!
-بجد حلوة؟
أنا بقالي كتير ملونتش ولا رسمت فخفت تبقى مش مظبوطة
قولت باستهبال
-اي دا هو انت بترسم.؟
-والله!
على أساس إنك مش عارفة م ماما قالت قدامك
-كنت عايزة أعرف منك
بصلي بحنية وابتسم
-أنا أصلا تقريبا كنت نسيت إني برسم !
الرسم طول عمره الحاجة اللي بتحسسني بنفسي وتخليني مبسوط،لو مضايق برسم ولو فرحان برسم بس مع انشغالى في الكلية والشغل نسيته !نسيت نفسي !
شكرا إنك بترجعيني لروحي يا روح!
ابتسمتله
-مفيش بينا شكر يا بشمهندس
ممكن تعلمني ساعتها أنا اللي هشكرك
ضحك
-دا استغلال؟
-مش زوجي يبقى براحتي!
-وماله يا ست روح
بس انتِ ما شاء الله خدتي بالك من حاجات كتير في الرسمة يعني فاهمة
-على قدي مش زي الفنان الرائع أيوب
-شكرا شكرا
ضحكنا ووريته الصور وازاي كان مندمج مع الألوان وطلع هو كمان مصورني وأنا برسم !
-اي رأيك نعمل في الأوضة الزيادة في الشقة مَرْسَم؟
-مش قولنا هتبقى أوضة أطفال برده؟
-فيه واحدة تانيه ولما ربنا يكرمنا بإذن الله في عفو وعافية نبقى نفضيها عادي لما نحتاجها
بصيتله بجدية
-والمرسم دا هيبقى بتاع مين؟
رد عليا بنفس الجدية
-بتاعنا أو بتاعي على حسب
-والله؟
-بتاعنا خلاص
وممكن نحط فيها كمان مكنة الخياطة بتاعتك بما إنك بتحبيها ومكتب الأوضة اللهم بارك كبيرة
-امم،بتغريني يعني عشان أوافق
-خدتي بالك؟
-تم الإغراء والتثبيت بنجاح يا بشمهندس
-الحمدلله ربنا يكملها على خير يا دكتورة
وسلمنا على بعض كإننا لسه مخلصين صفقة !
هي صفقة فعلا!
بنودها المودة والرحمة وحسن العشرة والمعاملة الطيبة 💗
-ملحوظة الرسم ميكونش ذوات أرواح عشان حرام-💗
