رواية ثأر الشيخ مهران الفصل الثامن عشر بقلم حوراء
يا بَعد رَجفات إديّه رد اليّه .
________________
انفال:-بعد ماطلعت من يم ايلي دخلت للبيت وعلاقتي ويه اهلي صارت سطحيه كلش ماجاي اكدر اسامحهم على شكهم بيه وخاصه باقر دخلت للغرفه حضرت اغراضي لدوام باجر لزمت موبايلي حته اسوي المنبه اجاني اتصال شفته رقم غريب مااعرفه رفضته دك مرة لاخ وهم رفضته دك تقريبا خمس مرات رديت عليه وحجيت بجزع
:-جاي تشوفني ارفضك اكثر من مرة ليشش ترجعع تتصل؟؟؟
:-مو عيب عليج
:-عفوا
:-انتي صدكك ماتستحين
:-استغفر الله شبيك ابني شنو ماتستحين شنو هلكلام اعرفك تعرفني تحجي وياي هيج
:- هسة عوفج من هذا الكلام شلون تسوين هيج انتي ماجاي اكدر اصدق
:-خرب حظي اي والله بابا انته منو دازك عليه؟؟
:-كلبي
:-هااا
:-يعني اني مسوي حادث ومتكسر تكسر لااتصلتي ولا سألتي شلون صرت ليش هيج هاا
:-استغفر الله يابه لااعرفك ولا تعرفني شلون راح ادري بيك مسوي حادث هاا؟؟
:-هم صح اني اول مرة احجي وياج وانتي ماتدرين بيه مسوي حادث بس هذا مو عذر
:-اهوو انته اكيد مخربط روح اتأكد من الرقم قبل لاتخابر حته لاتسوي مشاكل للناس
:-اسمج انفال عمرج 19 سنه اداومين بكليه ***قسم التحليلات انتي وصديقه طفولتج ايليا قبل فترة صارت وياج مشكله من ورة خطيبه اخوج ال***** وايليا هي الي ساعدتج بمساعدة شخص غريب بس تدرين اخوج كرار حباب بس كلليله خليه يشيل ايليا من راسه حفاظأ على نفسه واذا لا ولله بايع نفسه خليه يوصللها وشوفي شيصير بيه
:-منو انته؟؟؟ وشلون تعرف ايلي وتعرف شخصيه الزلمه الي يراسلها منو احجيي هااا وبعدين انته منو وتهدد وتره كرار يشوف ايلي مثلي يعني مثل اخته
:-لا حبيبتي عيب الجذب وحرام هم انتي تعرفين واني هم ان اخوج معجب بأيليا
:-وانته شعليك واذا معجب بيها بكيفه هو وايليا هم عدها عقل تكدر ترفضه او ترتبط بيه هي حرة
:-ههههههه ضحكتيني والله شنو حرة تنوكل تنشرب خلص هي صارت بأسمه كلها كم يوم ويصير كلشي رسمي وداعه عيونج
:-ايععع شتحس انته وبعدين منو انته وتحلف بعيوني هاا واني ليش جاي احجي وياك اصلا وليي
حجيت هيج وسديت الخط بس احس كلبي راح يطلع من مكانه هاي شنو ايليا بيد منو وكعت دخيلك ياربي بس لايصير عليها شي الليل كله مانمت واني افكر بيها كلساع اكول اتصل بيها واحاجيها بس اوصل للموبايل واتراجع الموضوع مو سهل ان شاء الله باجر بالدوام احاجيها داومت ثاني يوم وهي ماكو وثاني يوم هم حرت شلون احاجيها رجعت من الدوام
كلت اخذ المحاضرات الها واحاجيها
:-كرارررر
:-ها حبيبتي
:-تاخذني لأيليا اريد انطيها المحاضرات
:-لجج مااكدر اوديج البيت مكلوب كلاب عدهم
:-ليش شصاير؟؟
:- يكولون ماخذين ابن عمتها
:-منو ماخذه؟
:-جهاز مكافحة الارهاب بتهمه المخد****
:-تحجي صدكك
:-قابل اجذب عليج
:-عزةةة بعيني اذا طلع صدكك
صعدت فوك اروح وارجع ساعه اكول هو ورة الشغله ساعه اكول لا مايوصل لهاي المواصيل مخد****** معناها اذا صدكك كرار يروح بالرجلين وعلي نزلت ركض ودخلت لغرفته
:-كراررر
:-ولج شبيج اليوم كلساع كامزة يمي
:-اويي شبيج جبتلك الجواب من ايليا
:-صدكك والله
(كرار طلب من انفال تسأل ايليا اذا عدها مشاعر اتجاه كرار لو لا وهي سألتها وجان جواب ايليا
:-كرار اعتبرة مثل اخوي ماعندي اي مشاعر اتجاهة
انفال مارادت تكول لكرار على جواب ايليا لان تخاف على مشاعره بس بعد الاتصال الي اجاها والتهديد خافت على حياه اخوها )
:-باع عادي ترة اذا ايليا ماعدها مشاعر اتجاهك اكو غيرها وانته بعدك زغير اكيد راح تلكه وحدة تحبها وتحبك غير ايليا
:-هي كالت هيج؟؟
:-ايي، ماجنت حابه اكولك هذا الكلام بس لازم تعرف بيه حته لاتتعلق بيها اكثر تمام حبيبي
:-اوكي انفال تكدرين تطلعين برة مشكور
:-لاتزعل حبيبي يجوز رب العالمين ضاملك الاحسن
:-تمام انفال تكدرين اطلعين
:-تمام، انعصر كلبي عليه بس اهم شي عندي مايتأذى ورة بفترة اتصلت بيه ايليا وحاجتني على قرارها
:-واثقه من قرارج
:-ايي اريد اروح واخلص راح اغير رقمي ومكاني وكلشي بس تبقى عندي الكليه افكر انقل ورة امتحانات الكورس الاول
:-وتعوفيني؟؟
:-مستحيل اعوفج بس لازم ابتعد تعبت منه ومن تدخله بكلشي بيه اريد ارجع حياتي القديمه وايليا القديمه هم
:-براحتج حبيبتي سوي الي يريحج
:-هسة لازم اروح واكول الهم علمود اروح يم خاله
:-خالتج بعيد باطراف المحافظة يعني اذا تردين اداومين لازم تكعدين من 4 الصبح تتعبين هيج
:-عادي مو مشكله متعوده على الكعدة من وكت
:-هم صح
:-يلا باي
:-باي، سدت الخط وماكدرت احاجيها على هذا الشخص الي حته بالكليه جان يتصل بيه ويكولي بالتفصيل اني شنو جاي اسوي حته خلاني امشي واتلفت كمت اشك بكل واحد لازم موبايل
ايليا:-منو هذا لج راح اتخبلل
انفال:-مااعرف تدرين شكد جنت ضايجه لان رفضتي كرار بس هسة شكد مرتاحه لان رفضتيه
:-تعرفين امير هم يعرفه
:-قصدج امير خطيب غيداء؟؟
:-اي هو
:-عزةة لج هذا بكل مكان حاطلج واحد زين امير يندل بيت خالتج؟
:-لا حته حاجيت غيداء اذا سألها ماتجاوبه
:-اي عفيه عليج
:-شلونه الدوام بدوني؟؟
:-لعبان نفس اريد ابطلل
:-انجبي لج شنو هذا الكلام بعدين احنه جاي نتخابر ونسولف بعد شنو
:-اجيج بيوم الجمعه إن شاءلله
:-ديري بالج تجين لاتصيرين ثوله وهذا الي يراقبج اكيد راح يعرف المكان ويكوله
:-هم صح لج راح من بالي والله اففف منين اجو هذولي لخاطر الله
:-حظنا هذا يلا هسة لازم اسد الخط عيب من خالتي لازم اساعدها بالغدة
:-تمام حبيبتي ديري بالج على نفسج
:-إن شاءلله وانتي هم واي شي يصير وياج خابريني
:-صدكك منو عنده رقمج الجديد
:-انتي وجدو وبابا وماما
:- لعد غسق وغيداء
:-ماانطيته الهن
:-ليش؟
:-غيداء تضعف كدام امير وتنطيه اله وغسق بس تطلبه منها غيداء تنطيه وهيج اني مااستفاديت شي من الي سويته
:-هاي شنوو صايرة تفكرين
:-ههه اعجبج يلا هسة بايي
:-بايي حبيبتي
عفت الموبايل وطلعت يم خالتي سوينه الغدة وعمو جواد مارضى ياكل ويانه اكل بوحده
:-خاله اذت يضل عمو هيج هسة اخابر على بابا يجي ياخذني
:-انجبي ولج هوة بس اليوم هيج باجر تلكينه كاعد يمج ويسولف وتالي انتي تجين تكولين خليه يطلعع ههه
:-هههه لا والله احس نفسي ثكيله عليكم وعمو ماجاي ياخذ راحته بالبيت
:-والله لو عدتي هذا الكلام مرة ثانيه ازعل منج ايلي ترة انتي حالج من حال بنين حبيبتي نفس المعزة انتي وياها
:-حبيبتي خاله
جاي نسولف وسمعت صوتها بالبيت
:-انيييي اجيتتتت يااهللل البيتتت
:-شوفي الحيوانه شلون تعيط
:-ههههه
طلعنه وشفناها واكفه وعمو جواد واكف كدامها وهي مسلبه عيونها بحركه لطيف وتهز براسها ويه كل كلمه من كلمات ابوها
:-يصير الي سويتيه قبل شويه
:-لاا
:-تعيديه بعدد
:-لاا
:-تعالي، فتحلها حضنه وهي ركضت اله
:-حبيبه ابوها
:-محد مكبر رأسها غيرك خربتها بدلالك
:-شعندي غيرها هي الروح والريه
:-واني وين رحتت
:-انتي الاساس ام بنين
بنين:-تغارين مني موو هااا هاا
:-انجبي وتعالي سلمي على بنت خالتج صارلها شكد واكفه
:-غير كله من وراكم اول شي لزمني الوالد ونوب انتي وخرو شوي اسلم على الضلع المختفي
ايليا:-ههههه جنه بسمار الي موو
:-زين من سمعت صوتج تعاي ولج.
رحت حضنتها
:-والله عيب عليج يعني صارلج شكد ماجايه النه هاا
:- من الخامس العلمي اخر مرة اجيتت
:-وهسة انتي وين وصلتي بالدراسه
:-مرحله اولى قسم تحليلات
:-اويي فدوة ابدد مابين عليج محلله والله كلش صغيرة
:-ليش تتنمرين على طولي
:-مامتنمرة بس قصدي ان انتي نفسج من سنتين لا سمنتي ولا طولتي نفس الشييي
:-هههه اي صح بس انتي ماشاء الله طولانه هواي
:-الطول هيبه حبيبتي
:-ههههه هم صح
:-من رخصه اهلي طبعا اخذ بنت خالتي ونروح نسولف بالغرفه وتنضم النه بعد قليل اختي هبه؟
:-تفضلي بدلي وتغدي ونوب سولفي وهم لاتندمجين هواي بالسوالف لان عندج دراسه
:-احب اخبركم بان يوم غد يصادف يوم السفرة واني ماراح اروح واضل كاعدة يم بنت خالتي
:-خوش فرصه صارت حته تستغليها
:-الحمدلله دائماً وابدا رب العالمين واكف وياي وينطيني هيج فرص
:-هههه امشي يلا بين مااصبلج غدة
لزمت ايدي ومشت ردت على امها
:-مايحتاج اكلت بالمدرسه شبعانه
دخلنه للغرفه اخذت تراكسود وكالت
:-ابدل واجي عندي كومةةة سوالفف
:-تمام منتظرتج، كعدت على الجربايه انتظرها شوي واجت
:-اي سولفي شصار ماصار وياج بهاي الفترة
:-ماكو شي بس دراسه عبالي من ادخل للكليه ارتاح اشو طاح حظي اكثر
:-الكل يكول هيج حته هبطتو معنوياتي وكرهتوني بالكليه
:-انتي معليج بينه صح صعبه بس حلوة شايفه شلون من الدكتور يكلج يلا دكتورة وحده هذا الاسم كافي حته تقرين لليل نهار حته تحصلين عليه
:-اكلج الوالد يكره الطب واني احبه شلون هسة
:-مع احترامي لعمو بس محد راح يعيش حياتج غيرج لذلك سوي الي ترديه انتي حته لاتتندمين باجر عكبه لا سامح الله
:-لاشبيج هو يحجي هيج علمودي حته لااضغط على نفسي واتخربط
:-صدكك شلون صار وضعج بعدج تضربين ابر انسولين
:-اي بعدني
حجتها بنبرة تكسر الكلب حبيت اغير الموضوع
:-ايي وانتي شصار مصار وياج
:-امم تعرفين اكو موضوع صار قبل فترة بسببه ضل البيت متوتر فوك الاسبوع
:-صدكك شنو هوة؟
:-كاظم ابن عمو ميثم
:-شبيه؟؟
:-اتقدملي
صرخت بفرحح:-صدككك
:-عزةةة ايلي صوتج فضحتينا
حطيت ايدي على حلكي احاول اهدي نفسي
:-اييي وشصار
جاوبت بحزن:-بابا رفض
:-ليشش؟؟ ابوج مو يحب كاظم
:-اي يحبه واصلا يريده بس زوجه عمو ماتقبل بيه
:-وليشش ماتقبل بيج شنو ناقصج انتي
:-هه ضحكتيني والله منو تقبل تاخذ لابنها بنيه مصابه بالسكر وماراح تكدر تصير ام هاا
حجت هيج وانهارت بالبجي رحت يمها وحضنتها لصدري احاول اهديها
:-تعبت ايلي والله تعبت يعني ليش اني بالذات صار بيه السكر اريد اموت واخلص صدكي الموت عندي احسن من هاي الحياه
:-انجبي بنين شنو هذا الكلام انتي ليش تصيرين انانيه هاا ماتفكرين بخاله زينب وعمو جواد اذا صار بيج شي تعرفين شراح يصير بيهم هااا
:-واني شنو مصيري هاا وهو هم تعرفين كم مرة اجه وطلبني من بابا ماخله احد ماجابه لبابا بس ابوي قفل
:-اوكفيي لحظهه الي افتهمة من كلامج انتو تحبون بعض مو
هزت راسها بأيجاب
:-من شوكت؟؟
:-من جنت بالصف الخامس علمي من هذاك الوكت وهو يلح عليه حته يجي يتقدم بس اني جنت ارفض لان اريد بس على الاقل اخلص الخامس خلصت الخامس وخلصت العطله هم وببدايه السادس خابرني وكال بعد مااكدر لازم احجزج على الاقل وبس قراءة فاتحه ومن تخلصين سادس اسوي كلشي رسمي وافقت واجه اتقدملي وجايب وياه عمامي وابوه واخوانه هم بابا كال افكر واردلكم خبر باليوم الي بابا خابر عليهم علمود يجون بالليل وينطيهم الخبر اجت امه قبلهم وكلبتلج البيت كلاب علينه بابا من شافها هيج رافضه هو هم رفض واجاني وكال
:-امه ماتريدج مانكدر نجبرها ترضى بيج واني سويت هيج لان اخاف عليج ومااريدج تتعذبين ببيت زوجج
:-اويلي عليج بس حبيبتي كلام عمو جواد صحيح
:-اعرف صحيح بس انتي ماسمعتي صوته من خابرني بيوم الي رفضه بابا تدرين شكال
:-لا
كال:-تدرين حته محل الذهب رحتله وعاملت على سعر الطقم الي راح البسه الج ليشش سوةةةة بيهههه هيججج ابوجججج لجججج بنينننن نار وكابهههه بصدرييي شسويلهاااا وتبردددد لج البارحه كال هية الككك اليوم شنوووو الي تغيرررر
:-الي تغير امكككك اجت للبيتتت وضلت تحجي وتغلططط عليهه تكلي ام السكررر شسويتي بأبنييي ومخبلتههه هااا
:-شنوو امي شوكتت اجت اميي
:-اليوم الظهر اجتت وبابا من سمع كلامهااا رفضض
:-محددد الههه الحق يدخلل بقراراتي اني اختاريتج لو انتي لو مااتزوج بعدد
:-روح كاظم الله يسهلك اني وياك ماننجمع سوةة
:-لاتخبلينييي بنين شنو هذاا الكلاممم تحلمينن وحق ربج تحلمينن اخليج ترحين لاحد غيرييي
:-هههه لاتخاف محد راح ياخذ وحدة بيها سكر وتضل عله على كلبه
:-اني اخذجج اصبري خلصي السادس وماتصيرين لاحد غيرييي مفهوم
:-روح كاظم الله يوفقك بحياتك ويرزقك بنت الحلال الي راح تخليك تعيش احساس الابوة اني مااكدر
حجيت هيج وغلقت التلفون بوجها وحظرته من كل البرامج ايلي كلبي محتركك عليه اريده حيل مشتاقتله مامتعودة على غيابه مفتقده وجودة بحياتي
:-الي سويتيه احسن شي علمودج وعلمودة هم وكلها مسأله وقت وراح تنسينه اني متأكدة من هذا الشي
:-صحيح
شويه ونفتح الباب ودخلت هبة
:-هلاا بالكاطعه شلونج
كمت سلمت عليها
:-بخير الحمدلله انتي شلونج شخبارج
:-زينه اني اخخ لج احلا شي اليوم مدرسه الرياضيات وزعت اوراق الامتحان واني ماخذه 100
:-عفيه عليج شاطرة
:-حبيبتي انتي لج لو شايفه بنت عمو اخت كاظم وياي عيونها ضلن يطلعن نار الخبيثه
:-بعدجن تتعاركن انتن
:-اني معليه هي تكرهني وتغار مني دائما
:-ليش هي شكد اخذت 99
:-ههه وشنو الفرق هي درجه وحدة
:-اي صح درجه وحدة بس هي هيج دائما مع ان اني اتمنالها الخير بس هي لاا
:-معليج بيها اهتمي بدراستج وخليها تولي
:-اي صح
ضلينه لليل نسولف ونضحك ومثل ماكالت خالتي انجمعنه كلنه وحته عمو جواد كعد ويانه وسهرنة ل3 الفجر سوالف وضحك وطلع الجانب الكوميدي من عمو جواد واكثر سوالفه عن طفولته هو وبابا وحبه لخالتي زينب مانمنه اله ورة صلاه الفجر
____________________
الشيخ مهران:-خيرك عضيدي الكعدة كلها كضيتها صفنات
مهيمن:-راح اسافر
:-شنوو وين وليشش.؟
:-احسن اسافر لدبي وكلها شهرين انقل بيها شغلي وارتاح من هاي الدوخه
:-صاير وياك شي؟
:-اشياءء خويه مو شي واحد
:-افااا جاا اني وين رحتت ليش ماتسولفلي
:-خويه سوالف ماتتسولف
:-لا بشرفك
:-وروح ابوك
:-بعدهي على سوالفها؟
:-ياريت زادتت بالاكثرر وتمادت هوايي
:-شلونن يعني
:-خويه البارحه اجتني وهي محضرة روحها مثل المرة من تحضر روحها لزلمتها
:-انااا اخوككك ، شراح تسوي وياها
:- شسوي بعد جبتها بأسلوب وحجي مافاد هددتها افضحها كدام ابوي مافاد اخر شي وصلت بيه اضربها
:-وحق ربكك لو تسلخ جلدها هم مايفيد وياها تعرف شلون تخلص روحك منها
:-شلون ؟؟
:- روح وسولف كلشي لأبوكك
:-ههههه ضحكتني واني مالي واهس لك ابوي لو تكله البن اسود يكللها اي صح كلامج
:-وتاليي شلوننن يعنيي
:-كتلك اطلع من العراق كله وارتاح منها
:-والله ماعرفتك هيج ضعيف يعني تعوف بيتك واهلك وناسك بس من وراهاا
:-الشخص الوحيد الي جانت مصبرتني على هاي العيشه صارت جوة الكاع تدري اني ليش عايش بهذاك البيت و علمود شنو
اني عايش يمها
:-اعرف علمود فهد
:-محد كاسر ايدي غيره تدري البيت من جنت ادخله جانت الصاله متروسه صورها هسة من تفوت ماراح تلكه صورة وحده منهن كلهن شالتهن وحطت ابدالهن صورها هي وابوي
:-والله العتب مو عليها العتب على ابوك ولو هو عمي وميصير احجي عليه بس هو اكبر مطي بالعالم
:-ترة هو ابوي
:-ايباهه هاي معلومه جديده ماادري بيها
:-كافي مهران الخاطر ربكك البيه مكفيني
:-سامحته؟؟
:-مستحيل اسامحه لو اشوفه يجالع كدامي هم مااسامحه على الي سواه بأمي
:-حقك والله اني منك احرقهم ثنينهم بنفس الليله ولا اخلي الصبح يطلع عليهم
:-ليش اني ماردت اسويها بس الي جانن كاسر ايدي هي امي ومن كبرت صار فهد
:-تدري مصيبه امك جبيرة يعني زوجها خانها ويه بنت اختها كلش صعبه
:-ماشفتها ماتحملت شهرين وماتت بفراشها
:-الله يرحمها برحمته الواسعه، وانته شيل فكرة السفر من راسك لا اطيح حظك تريد تعال اكعد ويانه بالبيت يمي غرفتك تصير يم غرفتي والحجيه تموت عليك وفهد هم يجي يمنا البيت جبير يكفينا كلنه وزايد علينه هم
:- شبيك تحجي صدكك انته ماارضاها على نفسي وحته فهد ماراح يقبلها على نفسه
:-لاتصير مطي غير انتم اخوتنه وربينه سوة
:-حته لو عوفك من هاي السالفه هسة اريد اروح عندي كم شغله مامخلصها
:-اطفر اطفر وين تروح اخرتك ترجع يمي
____________________
:-يمهه موتنييي ميقبل ماخليتت شي ماسويته اله شسوي ويقبل بيه شسوي ويحبنييي
:-لجج نصي صوتج فضحتينا شبيج
:-يمه رحتله وكتله جسمي وروحي الك بس اقبل بيه وماقبللل ضربنييي وطردنييي يمههه كل جمالييي وجسمييي مااغراه شسويي بعددد
:-لججج انتي شجايي تحجيننن شبيجج تخبلتيي فردوس خلي عقلج براسجج لاتتسودنين عليه
:-ايي يمههه اني مسودنه احبههه احببب مهيمن واريده كله من وراججج كتلج اريدةةة انتي لا لزكتي بيه الهه تاخذيننن ابوههه والله علمود شنوو لان عندة المشيخه هااا هسة المشيخه وينها مو اخذهااا مهرانننن من عندهههه وضل هو كلشي ماكو ومهران صار الشيخ والاصللل
:-لجج كافيي اسكتي لحد هسةة محروكك كلبي عود كلت ازوجج للشيخ ونربح كم فلس بس اجه هذا *****مهران ودمر كلشي جنت مخططه الهه
:-انتيي هذااااا الي يهمجججج الفلوسسس ولوو شنو اترجه منججج وانتي جنتي ادزين ورة اختج حته تجي يمج واني اروح يم رجلهااا حته اختجج ماسلمتتت من شرجج وطمعججج
:-اسكتي بت الفكر لو مامزوجتج لعماد (ابو مهيمن) جانن هسة انتي ماخذه واحد فكر مثل ابوجج
:- اجيت وكلتلج يمهه احبب مهيمن خليني اتزوجه بس انتي رفضتي على ابو بعدة زغير وماعندة فلوس هاا هسة مهيمن وين واحد من احسن المهندسين وعندة شركه وبيت وكلشيي تحلم بيه اي بنيه اخخخ لو يرجع الزمن بيه فلااا اسمعع كلامج والله
:-لجج انتي لو عندج ولد منه جانن هسة انتي فوكك بس انتي حيوانه كلما تحبلين يطيح لان انتي ثولهه
:-اني مو ثوله اني جنت اكتلهمم
:-شنوووو
:-هههههه كل الي حبلت بيهم اني كتلتهم حته لايجون للدنيا تدرين اذا اجه واحد منهم للدنيا جانن بعد مااكدر انجمع ويه مهيمن
ضربتني راجدي
:-لجج ثولهه وهسة انتي شنو استفاديتي لج هو هسة حته مايباوع بوجهج لان يعتبرج السبب بموت امه
:-كلههههه من وراجججج انتيييي انتي السببب بدماررر حياتييي بسببجج خسرتتت حب حياتيي الله ياخذج واخلصص منججج
