رواية ثأر الشيخ مهران الفصل التاسع عشر بقلم حوراء
توأمي دمتي لي روحاً لا استطيع العيش
بدونها
_______________
بعد مرور شهرين:-
نارة:- اليوم يمر شهرين على زواجي من ادم بهاي الفترة تعرفت اكثر على ادم شنو يحب شنو يكره الاشياء الي يسويهن من يكعد والاشياء الي تنرفزه وتضوجه حاولت ابتعد عنهن وهو بالمقابل تركني على راحتي طول هاي الفترة مااقترب مني بس اكو شي ماتركه ابدد هو من ينام لازم انام يمه ومرات افز بالليل الكاه حاضني احاول اوخرة وارجع انام واكعد مرة لاخ والكاه هم حاضني تعودت على هذا الشي حته صرت مااكدر انام اذا مايحضني حبيت حضنه لان يحسسني بالامان الي افتقدته هاي الفترة صافنه وافكر بالموقف الي صار وياي بيوم عقد المحكمه
Back to the past:-
:-ها شمسويه بيج ريحانه
جفلت من شفت ادم كدامي حاولت اغطي بروحي وارفع بالفستان من ناحيه الصدر مسح على وجهة بتوتر وكال
:-عوفي يابه عوفي شتغطين انتي هسة
اشوي وابجي من الفشله
:-ءءء شسمه شسوي هنا انته
:-ترة هي غرفتي مثل ماهي غرفتج
:-لاا مو هيجج قصدي شلون فتت والبيت متروس نسوان
تقرب عليه ورد
:-تغارين عليه؟؟
:-لا علمود شنو بس عيب تفوت للبيت وهو بيه نسوان غربه وخاصه احنه مسوين حفله
:-دخلت من الباب الخلفي وصعدت بسرعه عندي كم شغله اخذها واروح
:-اهاا تمام
:-اكلج انتي ليش ماتطلعين من يمي
:-ليش؟؟
:-لان اذا بقيت بعد شويه انتي وهذا فستانج راح اخلف بوعدي الج
افتهمت شنو يقصد دنكت حته البس الحذاء وانزل
:-لاادنكين الخاطر الله
:-هاا مو قصدي والله بس اريد البس حذائي
:-اكعدي ولبسيه
سويت مثل ماكل كعد والفستان مو بيه فتحه بينت كل رجلي صاح هو
:-الخاطر ربج رياحين هذا هم فستان تشتريه كومي اوكفي ابتليت على روحي وصعدت
وكفت وهو دنك يلبسني الحذاء رجعت ليورة وكلت بسرعه
:-لا عفيه لتسوي هيج ميصير
لزم رجلي وقدمها على الحذاء وكال
:-ليش ميصير انتي زوجتي وعادي اساعدج بحذائج باجر عكبه انتي هم تساعديني مابيها شي
:-لا مو عيب
:-ماكو عيب حبيبتي العيب بالجيب قدمي رجلج خليني اسد السحاب مال الحذاء
كمل ووكف وكال
:-يلا اختفي من وجهي يحلوة
:-تمام
نزلت بسرعه ودخلت للصاله وبدن النسوان يباركن الي الحفله جانت كلش حلوة وبسيطه واكيد ماتخلى من تبسبس النسوان وتأشيرهم عليه وكلام نور واختها الي مثل السم بس كل هذا ماكدر يخرب فرحتي للساعه 7 الكل راح محد بقى بس خالتهم ام جمال وبناتها عمه كالت
:-روحي بدلي لبسج الشيخ يريد يباركلج وينطيج هديتج
:-تمام
:-صعدت بدلت لبسي ولبست القفطان وخففت من المكياج ولبست الحجاب ونزلت
رياحين:-هاي شنو يابه كلشي تلبسيه حلو عليج
:-حبيبتي عيونج الحلوة
دخلنا للاستقبال وعمتي صاحتني
:-تعاي يمه فوتي
وكف الشيخ وكال بصوت رزن وواثق
:-الف مبروك بويه بالرفاه والبنين تفضلي يابه
:-الله يبارك بيك شيخ ماكو داعي والله
:-لا شلون اكو انتي مرت الغالي اذا الج مااجيب المن اجيب
رياحين:-الي اني
الشيخ مهران:-قبل شهر جبتلج اسوار لو نسيتي
رياحين:-لا مانسيت بس انته كريم واحنه نستاهل
الشيخ مهران:-ههههه بعدين من نشوف درجاتج نقرر اذا تستاهلين لو لا
رياحين:-لعد من هسة ماراح احصل منك شي
الشيخ مهران:-ليش هيج تحجين
رياحين:-المواد صعبه حيلل
الشيخ مهران:-مايصعب عليج شي حبيبتي
رياحين:-الله يسمع منك حبيبي
مهيمن:-تفضلي خويه
اخذت منه وتشكرت منهم بس شنو احس وجهي بوخ من الخجل
نزار:-اني زلمه مكسر انتي لازم تجيبيلي شي لان طلعت بالسلامه حته صندوق ببسي ماجبتي
رياحين:-ليش تجذب مو ادم جاب كل دواك ودفع فلوس المستشفى
:-اخوييي اذا اليي مايدفع المن يدفعع
رياحين:-انته بس بوكت الدفع تعرفهم اخوانك المصلحجي
نزار:-ماارد عليج تعرفين ليش؟
:-ليش؟
:-لان اخلاقي ماتسمحلي
:-ايباهه وهي شلون اخلاق
:-اكلك يابه ماتحجي وياها شوفها شلون تقلل ادب ويه اخوها الجبير
الشيخ مهران:-ليش هي كالت شي غلط؟
رياحين:-هههههههه حلل
نزار:-الزمج بعدين اني اعلمج
:-انته اوصل يمها وشوف شنو يصير بيك
نارة:-عادي مااريد شي لاتعب نفسك
نزار:- والله بس انتي تفتهمين
:-نزاررر
:-هاي هية سكتت شبيكم وبعدين حضرة التقيب ادم وين مختفي اكو واحد يعوف مرته ويطلع بهيج يوم والله يانارة انتي ماتعرفين شلون تلزمين رجلج
:-اجه رجلها رايد منه شي؟؟
:-اخوي الزود وحزام الظهر، افتقدتك اليوم والله
:-اي صح مبين من كلامك عليه
:-من حبك لاشك
:-طاح حظك وحظ هيج حب
:-جرحت مشاعري
:-قاسي موو؟؟
:-كلشش
:-زعلت
:-وزعلتهم
تقدم عليه كدام الكل وطلع من جيبه علبه متوسطه الحجم وانطاني ياها
:-تلبسيها بالهناء
نزار:-شوف شوف الخيانه وينك فهد تعال شوف زوجك ينطي هدايا الزوجته الثانيه شلون انطاك كلبك تسوي بيه هيج
:-كافي نزار عوف شقاك الماصخ
نزار:-اكول انتي شلون تقبليها على نفسج تزوجين واحد متزوج؟
نارة:-متزوج منو؟
:-يااا خطيه انتي متعرفين موو
:-نزارر ترة تصدك والله
:-هو اني اريدها تصدق حته تعرف حقيقتك البشعه
:-اهوو غير يسكت
هم يحجون واني شويه وابجي مزوج منو هو
:-منو زوجته؟؟
:-انتي هههههههه
رياحين:-هههههههه خطيه وكع كلبها بالكاع ههههههه
:-يلاا يللا لاتبجين
:-انجب عوفها نزار
:-ميقبل على مرته سيادة النقيب
:- هسة انته الي تريده شنو وتفك ياخه عني
:-صندوق مال ببسي
:-اجيبلك بس انجب
:-شوف شيخ شفت اخلاق اخوانك واحد يكلي مصلحجي والثاني يكلي انجب بس اني اخلاقي زينه
الشيخ مهران:-زينه منو؟؟ تنوكل تنشرب؟؟
الكل :-هههههههه
:-ليش هيج شيخ عود اني شاد ضهري بيك وحته بالموبايل مسميك حزام ظهري
رياحين:- انكطع الحزام ههههههه
:-اي والله
رجعت من ذاكرتي على صوت رياحين
:-وين صافن الحلو
:-هه ماصافنه وياج
:-مبين وياي صارلي ساعه احاجيج وانتي ماكو
:-اتذكرت يوم العقد
:-هههههه والله يوم شبعنه بيه ضحك
:-اي والله
:-اففف شوكت يجي ادم تأخر هلمرة مو
:-اي صارله 10 ايام ماكو
:-اي ولج ونوب هو نزل بس يومين ونوب رجع واجب
:-يكول هلفترة مضغوطين بالشغل مااعرف شعدهم
:-اممم وانتي شلونج احس بيج شي
:-شوفي مامتعودة عليه يغيب هلكد
:-امممم هنا السالفه مشتاقتله؟؟
:-هوايي حيل
:-هههه لج هاي شصاير بيج واصله مرحله انتي
:-اهوو رياحين مو صوجج صوجي اني احجيلج
:-لاا لا شبيج اشاقه وياج زين سؤال شتحسين من تشوفيه؟
:-بالبدايه جنت اخاف من اشوفه ونوب شوي شوي كمت احس بالامان لحد ما
:-ما شنوو كمليي
كلت بخجل:-لحد ما كمت اتمنى ما يروح للشغل
:-اوييي فدوة لله شوف شلون خجلت لج هذا اخوي شمسوي بيج
:-لعب بيه لعب والله
:-يلا ولج اجه الخط واخيرااا خلصنه امتحانات ارجع انامم وارتاح واسهر واباوع مسلسلات اخخخ حياه الحريه راح ارجعلها اليوم
:-هههه اي والله طاح حظنه خاصه اني اجيت متأخرة وشارحين نص المواد
:-اي صح بس سيادة النقيب ماقصر وياج دائما اشوفه يشرحلج
تحجي وتغمز
:-ههههه شبيج تغمزين وسم
:-ما راح ارد عليج تعرفين ليش، تحجي وتقلد نزار جاوبتها واني ميته من الضحك
:-ليش
:-لان اخلاقي ماتسمحلي
كالن هيج وطكيناها بضحكه اثنيناتنه مشينه للخط ورحنه للبيت
:-اكلج اني راح اصعد انام الوالدة طالعه مدري وين ونور يم امها الله هاديها هاي الايام ماتجي يمنه والشيخ هم طالع عنده فصل وهاا صح اليوم بليل راح يسون عشه علمود مهيمن للان راح يسافر اليوم
:-اي صح هم كالت عمه بس هو ليش يريد يسافر
:-ماعندي علم والله بس مهران هواي حاول وياه حته يرجع عن قرارة بس هو معند اله يسافر
:-خطيه هسة تلكين الشيخ مقهور لان صاحبه راح يروح
:-اي والله اصلا اني بالي يمه ويه منو راح يطلع من يضوج ويه منو يسولف منو يشيل عنه الديوان اذا ماله خلك
:-اوففف اسكتي هذاك اليوم يسولف ادم على علاقتهم وشلون كبرو سوة وجانو سوة بكلشي حته بكلياتهم انعصر كلبي عليهم والله
:-الله كريم مانكدر نغصبه على العيشه هنا الله يريحه لان هو متعوب
:-اي والله
صعدت رياحين لغرفتها واني هم صعدت بدلت ملابسي ورتبت الكتب ضميتهم ونزلت جوة اشوفلي شي اكله سويتلي لفه جبن وكلاص جاي اكلت وخلصت غسلت الكلاص وصعدت فوك شفت موبايل يدكك رحت شفتها سيلين رديت عليها
:-هلاا بالكاطعة ليش هيج عود هاي اني صديقه عمرج وماتتصلين عليه هاا ليشش
:-هوبب هوبب علكيفج اكلتيني وشربتيني اخذي نفس
:-يلا سولفي ليش كاطعه بيه
:-لج غير طلعت حامل
:-صدكك اويي فدوةة الف مبروك حياتي تكومين بسلامه يارب
:-حبيبتي الله يبارك بيج ويوم الج ونفرح بيج والله هاي الشهرين اني كاضيتها بالمستشفى ماصارلي كم يوم من طلعت منها
:-صدكك تحجين ليش شبيج
:-لج يكولون الحمل ماثابت وضليت شهرين بالمستشفى نايمه بس على ظهري علمود يثبت والدكتورة منعت عليه الشغل وكلشي تكلي بس نامي خليه يثبت
:-اويي حبيبتي الحمدلله على سلامتج مجنت اعرف هيج صاير بيج
:-اكيد متعرفين اذا ماتتصلين شلون تعرفين عوفينه من العتب هسة شصار وياج بموضوعج؟
:-تذكرين من كتلج اكله نضل اصدقاء ونخلي هاي الفترة فترة تعارف اذا كدرنه نكمل واذا ماكدرنه ننفصل
:-ايي اتذكر وشصار من حجيتي هيج
:-وافق
:-صدكك
:-اي والله وهاي صارلنه شهرين واحنه بفترة التعارف
:-ايي وشصار شنو شعورج اتقبلتيه؟؟
:-تكدرين تكولين هيج
:-شلون يعني؟؟
:-باعي مثلا من يطلع من البيت اضوج ومن يجي للبيت نكضيها سوالف وضحك ونسهر على الافلام والمسلسلات وهم اذا عندي فد مشكله بالجامعه اروح اكوله
:-اوكفي لحظه انتي دخلتي للجامعه؟؟؟
:-لجج ايي صدكك ماكلتلج اني هو بأيده دخلني للكليه وللقسم الي اني احبه
:-قصدج قانونن؟؟؟
:-ايي ولجج هسة صديقتج صارت طالبه حقوق
:-اويي فدوةةة الف مبروك حبيبتي فرحتلج كومهه تستاهلين والله
:-وانتي؟؟
:-من البدايه كتلج راح أاجل هاي السنه واداوم السنه الجايه
:-احسن الج خاصه ويه حالتج هسة والحمل ابدد مو مال دوام
:-اي والله كملي
:-اي يعني هيج سوالف
:-زين اسألج سؤال وانتي جاوبي
:-اسمعج
:-صارت بينكم علاقه زوجيه؟؟
:-لاا ابدد وحده من شروطي ان ميصير بينه اي شي لحد مااتقبله
:-وهسة انتي اتقبلتيه؟؟
:-اي
:-يعني راح تنطي حقه الشرعي؟
:-هاا لاا
:-وسم نارة صارلج ساعه تحجين بيه ومبين من حجيج ميته بيه ونوب من اسألج تنطيني هيج جواب
:-خايفه من هاي الخطوة
:-شكيتي كلبي بهذا خوفج يابه من شنو الخوف اذا هو زوجج شرعا وقانونا شبيج بابا
:- اخاف اتعلق بيه
:-ليش هسة انتي مامتعلقه بيه؟؟
:-لاا
:-نارة انتي غبيه لو تتغابين زين اسألج سؤال وجوابج على هذا السؤال هو الي راح يحدد اذا متعلقه بيه لو لا
:-تمام اسمعج
:-شنو شعورج من يروح يلتحق؟
:-مااكدر انام
:-ليش؟؟
:-لان هو علمني على حضنه
:-وكل هذا وتكولين اني مامتعلقه بيه اصحي حبيبتي انتي ذايبه بيه
:-اريد اروح انام
:-اطفري اطفري الكلام معجبج بس هو هذا الصحيح
:-باي
:-الله وياج ياثوله
سديت الخط من سيلين وضليت فكرة تاخذني وفكرة توديني اتذكرت كل موقف جمعنه سوة مالكيت نفسي اله واني موافقه سيلين بكلامها صح اني تعلقت بيه بس ياترى شنو الي راح يصير وياي بعد هذا التعلق والحب راح يستاهله ادم لو راح يكون خيبه امل ثانيه بحياتي؟؟؟
_________________________
ايليا:- مرن شهرين واني مامتوصله وياه كلش حابه الحياه ببيت خاله زينب ايامي وياهم كلش حلوة كلها ضحك وسوالف وشقه واكيد ماتخلى من نصائح عمو جواد الحلوة بهاي الشهرين جنت شاهدة على حاله بنين وشلون ادمرت من تركت كاظم هلكت روحها بالدراسه ماتنام بس ساعتين عنو جواد انتبه عليها وحاجاها
:-بابا لاتضغطين على نفسج هيج انعل ابو الشهادة الي اتعب بنيتي
وهي جانت تجاوبه واطمنه على حالها
:-لاتخاف بابا بنتك قويه وماراح تتأثر اوتتعب كلها فترة ويعدي كلشي اهم شي ابذل كل طاقتي حته لايجي يوم واتندم
من سمع ردها مكدر يحجي بعد عرفت بنته هلكت روحها بالدراسه حته تنسه وجع كلبها خلال هاي الشهرين جنت اتواصل ويه غسق وغيداء من رقم ماما ورفضت انطيهن الرقم وهنة هم ماركزن على هذا الموضوع انفال ضليت على تواصل دائم وياها وجانت توصلي الاخبار الي ينطيهن الها الولد الي يراسلها ومجنت اعرف شي غير هاي الجمله
"كلليلها شكد ماتحاول تبتعد عني تاليتها ترجعلي"
جنت كلش اضوج من يكول هيج وكلت لانفال بعد من يتواصل وياج حظري وهيه ماقصرت كلما يجيها من رقم جديد تحظره
اجاني صوت عمو جواد وهو يكول
:-بابا ايلي بيج شي
:-هاا عمو لامابيه شي
:-صارلي شكد احجي وياج وانتي مو يمي
:-اي مو جنت اراجع اجوبه الامتحان ابراسي
:-خير ان شاء الله ميضيع تعبج إن شاء الله
:-إن شاءلله عمو
:-يلا هذا اخر امتحان خلصتيه وراح ترتاحين من الكليه كم يوم
:-بس اسبوع
:-يلا كلشي جان بس المهم عطله حته لو بس يومين ههههه
:-اي والله على هذا التعب الي تعبته قابله حته لو بس يومين
:-يلا خالتج منتظرتنه هم يلا نوصل لبيت جدج
:-احسن شي سوته غيداء من خلت عرسها بعطله نصف السنه على الاقل الواحد يرفه عن نفسه
:- اي حته شويه بنين تغير من نفسيتها
:-لايضل بالك يمها بنين قويه
:-هذا الي مخوفني قويه وتكتم بكلبها وخايف عليها من الكتمان
:-اني يمها وماراح اخليها بوحدها
:-صدكك
:-اي والله
:-مااعرف شلون اشكرج
:-لا بالعكس عمو بنين اعتبرها مثل اختي واخاف عليها مثل مااخاف على غسق بالضبط
:-ماتقصرين بابا
رجعنه للبيت وركض ركض لمينا ملابسنا وطلعنه للبيت مسافه 3ساعات وصلنه للبيت واستقبالنه جدو وبابا نزلت بسرعه ركضت لجدو وحضنته
:-افيشش هلااا بحبييه كلبي
:-هلاو جدو شلونك
:-هلاا يروح جدج هسة صرت زين ليش هيج كلت يومين وارجع اشو اليومين صارن شهرين
جواد:-هاا شيخ جنك ماراضي على كعدتها يمي
:-لو ماراضي جان ماخليتها تروح من البدايه بس اني اعرف وين أمنتها
:-الله يخليك شيخنا
:-تفضلوو تفضلوو ليش واكفين بالباب
فتنه جوة وسلمت على بابا وعمو هم وماما وزوجه عمو وغسق وغيداء تعبت من البوس وخدي راح صعدت فوك وصعدت فوك ولحكني البنات
:-لججج ايليي شكدد مشتاقتلج خرب يومجج
:-ههه حبيبتي غيداء واني هم ميته عليجن والله بس خليني ارتاح ومن اكعد نسولف وهم لازم اروح للسوك ماعندي فستان للحنه
:-والعرس جايبتله شي
:-اي راح البس بيه بنطلون وقميص
:-اي خوش
:-انتي عندج نقوصات ىو كملتيهن
:-كملت كلشي كليوم من ارجع مت الدوام ارتاح ساعه ونوب نطلع اني وياه وماما نشتري النواقص والبارحه اشترينا البدلات
:-صورتيهم لو لا
:-لاا اخليهم مفاجأة الكم عكب باجر تشوفوهن
:-اويي لج حيل متحمسه
:-واني هم والله
:-يلا هسة اطلعي برة اريد انام تعبانه
:-يلا حبيبتي نازله اني محتاجه شي
:-سلامتج يروحي
نزلت غيداء والبنات فرشن فراشات بالكاع ونامن سوة واني ضليت اتكلب ومااكدر انام اجتني رساله من رقم غريب عرفت هذا هو بس مادخلت للرساله وماشفتها كل مااريد افتحها اتراجع اخر شي فتحتها وجان كاتب بيها
"تغيرت نفسيتج بهاي الفترة الي ابتعدتي بيها عني؟"
:-فوكك ماتتصور كلش ارتاحيت
:-خوش بويه ارتاحي هسة لان بعدين راح تتعبين حيل
:-شنو المقصد من كلامك هذا
:-بعدين تعرفين بويه، اني راسلتج اليوم علمود انطيج تعليمات
:-تعليمات شنو؟؟
:-عكب باجر حنه بنت عمج واكو كم شغله لازم متسوينها
:-وشنو هاي الشغلات الي ميصير اسويها؟؟
:-ممنوع الركص، ممنوع تلبسين لبس يفضح مفاتنج، ممنوع تحطين مكياج
:-اكو بعد شي اتذكر خاف نسيت
:-لا بس هذني ومن اتذكر اكيد راح اتصل عليج وابلغج
:-واثق من نفسك كلش انته
:-فوكك ماتتخيلين
:-باع احب اكلك كلامك هذا تنكعه وتشرب ميه مو ايليا الي تمشي بكلام واحد مامعروف منين وابن منو خوشش
:-اذا على هاي سهلة كلها كم يوم وتعرفين اني منو وابن منو
:-عود الله كريم
دزيتها وشافها بس مارد عليه
لفلفيت روحي باللحاف ونمت كعدت ويه صلاة المغرب على صوت ماما
:-يلا حبيبتي كومي ميصلح تنامين بهيج وكت
:-اي يمه كمت
كمت غسلت وجهي وتوضيت وصليت ونزلت جوة يمهم سوالفنه شويه ونوب كمنه نحضر بالاكل اني وغيداء وبنات خاله زينب غسق ماخليناها تشتغل لان بطنها كبرانه دخلت بالشهر 7 كملنه العشه وفرشنه سفرة وحدة كعدنه كلنه بيها كملنه اكل وكمنه شلنه المواعين غسق سوت الجاي وودته الهم واحنه غسلنا المواعين اتصلت على انفال حته تجي لان اليوم مقررين نسهر للصبح كملنه المواعين ورحنه كعدنه يمهم
الجد:-تعاي جدي ايلي تعاي اكعدي يمي
:-رحت كعدت يم جدو وسولفت اله شنو سويت بهاي الفترة الي غبت بيها عنهم لل8 واحنه على نفس الكعدة انضمت النه انفال
:-طبعاً الكعدة وياكم كلش حلوة بس لازم اخذ البنات ونصعد فوك لغرفتي حته نسوي جلسه خاصه بالبنات ونشوف شنو ناقصنه حته نكمله نترخص منكم
الكل:-مرخوصه يابه
اخذت البنات وصعدنه فوك وقفلنه باب الغرفه علينه خاف واحد يدخل علينه اول شي بدينه بيه هي غيداء كعدناها ووكفنا كلنه فوكاها
ايلي:-انزعي
انفال:-عيب عليج ايلي ماعندج خوات تتحارشيين ببنات العالم
غيداء:-انزع ليش لا
ايلي:-عفيه عليج لااتعبيني
:-وانتي لاتوجعيني
انفال:-هوبب هوبب يابه نيتي شخطت وعلي
:-انجبي حيوانه احنه نحجي على الشيرة
:-خربب شوف اني وين راح بالي
:-تفكيرج وصخ وعلي
:-هههه انتن كلماتجن تجيب الشبهات ههههه
ايليا:-سويت جسم غيداء كله ونوب انفال ووراها بنين وهبه سويتلها بس رجليها بس شنو كلبت البيت بالعياط كلساع انفال سادة حلكها بأيدها فضحتنا ام صوت العالي
:-انعل يومج اذا بعد كلتيلي سويلي
:-اخخ لج غيرر يموت وعلي
:-انجبي حيوانه
:-شكد قاسيه وياي
:-هههههه كل وحدة راحت لحمام حته يسبحن خلصن واجن ضلينه نسولف ونختار بموديلات الفساتين الي راح نلبسهم
خلص اليوم واجه اليوم الثاني واحنه نركض منا ومنا حته نخلص طلعنه ب4 اشترينا الفساتين ونوب رحنه للصالون سويت حواجبي و سويت تنظيف بشره وصبغت شعري طلعت شكل ثاني رجعت للبيت وبدينه بتنظيف البيت لقبل الاذان يلا خلصنه توضينه وصلينه وبابا خطيه وصه على اكل من برة علمودنا لان تعبنه اليوم خلص اليوم واحنه نجهز بتوزعيات الحنه مال باجر
____________________
الشيخ مهران:-متأكد من قرارك هذا؟؟
مهيمن:-هاي عاشر مرة تسألني هذا السؤال اي متأكد وماضل عندي شي هنا شغلي وخلال هاي الشهرين نقلته كله لدبي بعد ماضل عندي شي
:-چا واني؟؟
:-انته شبيك اشو انته زلمه شكدك شكبرك شنو تريدني انومك لو اوكلك
:-لاتصير مطي مو وعدتني ماتعوفني للموت
:-اعذريني حبيبتي العوز كسر ظهري
نزار:-ههههههههه قويه هاي
:-نزارر
:-اسفه خويه موقصدي بس اول مرة مهيمن يتشاقه وياك كدامي فتأثرت
:-سدد حلكك
:-سديته
:-زين انته شلون تريد تروح وانته مامودع فهد وهو حته مو هنا
:-منو كال اني مو هنا
نزار:-هلااا بأبن العم، ها ولك بس لاطفرت من الواجب وعلي يسمطوك بعقوبه يطيحون حظك
:-انجب لك شنو شايفني حته اطفر من الواجب حاجيت المسؤول واخذت اذن ساعتين حته اودع اخوي
توادعو كدامي الشي الي صدمني هو مهران من شبك مهيمن وضل يبجي اول مرة اشوفه بهذا الوضع هنا تأكدت ان مهيمن بمعزة الهوة عد مهران
:-هيج تعوفني وتروح
:-لازم عضيدي لازم اروح حته ارتاح
:-براحتك خويه
راح مهران وصل مهيمن للمطار مارجع اله ورة 1 انتبهت على عيونه حمر مبين عليه باجي
