رواية الطالبه والضابط الفصل الثامن عشر بقلم توتة
نارين.
نايمه واحس شخص لمس خدي فزيت مرعوبه شفته
بابا
ابو نارين / لاتخافين حبيبتي هاذه اني
بقيت صافنه بوجهه واني اتنفس بصعوبه
ابو نارين / شبيج بويه نارين
حضنت علي واني مقهور احس روحي تعبانه ماكدر حته احچي مالي خلك كلشي صاار يمسح علئ راسي.
ابو نارين / لاتقهرين نفسج حبيبتي الانسان يمرر بتجارب بحياته واحنه علينه نتحمل ونكفي طريقنه.
ماريدج تكونين ضعيفه اريدد بنتي نارين القويه الي ماتهتم لشخص.
_ بابا.
ابو نارين / هاا حبيبتي
_اريدد اميي.
حضني بقووه علئ صدره وباس راسي
ابو نارين / اني موجود يمج يايوم قصرت وياج بشي
_انته تريدد تبعدني عنك ليشش ماما عافتني لهل درجه منحوسه انيي.
ابو نارين / اشش شنوو هل كلام امج دائما يمچ وانتي احلا شي صاار بحياتنه انتي ثمرت حبنه اني وامج صح ماتهنت بيج امج بسس موو معناتها انتي منحوسه.
_ اجتني بلحلم وگلتلي اريدد اخذج يمي مشتاقتلج
رفع راسي بأيده وباوعلي بغضب
ابو نارين / شنوو هل حچي نااارين
_ ولله بابا هيه اجتني بلحلم طلبت منهاا ترجعلي كتلها بابا محتاجج كالت اريد اخذج يمي مشتاقتلج
حضني علئ صدره وباس راسي بقووه
ابو نارين / اششش كافي كاافي مستحيل اخليج تروحين وتعوفيني مثل امج تريدين تموتيني انتي ولجج بويه اني لوو مانتي بحياتي م̷ـــِْن زمان ميت ولله ونستي وحياتي كلها بين اديج انتي
_ماعوفك اني اصلا گلت الها ماكدر اعووف بابا تعالي ارجعي انتي وماقبلت
ابو نارين / نامي بويه اكيد تعبانه هسه انتي لاتفكرين بهيج اموو بااجر روحي لمدرستج وابدي يومج طبيعي واني اجهزلج جواز سفرج
_ يعني مناوي تخليني هناااا.
ابو نارين / غيري جوو هناك فترا وارجعج يمي ماشي
هزيت راسي بأيي.
ابو نارين /يلا حبيبتي نامي ورتاحي
_ خليك يمي لاتروح
تمدد يمي علئ السرير خليت راسي علئ صدره وحضنته بقووه غمضت عيوني واني اشم عطر بابا الي يخليني لوو ميته م̷ـــِْن القهرر ولتعب ارتاح نفسيا. غفيت بدون ماحس.
صباح ثاني يوم "
كعدت الصبح واني راسي دايخ م̷ـــِْن البچي ومن الي صاار ويايه شفت نفسي مغطايه وبابا طالع
گمت من الجربايه ورحت للحمام غسلت وبدلت ملابسي لبست ملابس المدرسه
صرت مقابيل المرايه واني اباوع لشكلي اباوع علئ رگبتي الي بيها اثار شلوون اخفي هل اثار شلوون اذا شخص سألني عنهاا.
لبست قميص ابو الرگبه حته ميبين شي مِڼـّي وربطت شعري وخليت شويه عطر.
نزلت جوه لگيت الاكل جاهز.
صباح الخير
_صباح النور حبيبتي جوعانه
بابا طالع ??
_ايي طلع م̷ـــِْن الصبح وأكد عليه اسويلج ريوك وماخليج طلعين بدون متاكلين
عموو صلاح موجود
_اي منتضرج تخلصين وياخذج للمدرسه
كعدت علئ الطاوله وبقيت اتريك شويه واندك الباب راحت الخدامه تفتحه دخل ابن عني صكرر.
صكر / هلاوو اميرتي شلونج
_هلا صكرر بعد غيااب طويل شذكرك بينه اليووم
اجه يمي وباس راسي. وكعد علئ الكرسي المقابيلي
صكر / ولله ياحبيبتي تعرفين مشغول مراجعين وكنت بسفره اخذت ميارا. شهر عسل.
_ هاذه 3شهرر عسل شسالفه ترا صارلك 4سنين متزوج كل سنه شهرر عسل
صكر / شسوي بعدد تريد تطلع وكل مَآتشُوٌفْ مكان اجوائه حلووه تبقه تلح عليه اله اخذها اله شكدد تمنيتج ويانه وگلت لعمي مارضه كال عدها دراسه
_ايي صح عندي امتحانات بس مقرره هل فترا اسافر اغير جوو تعبانه نفسيتي
صكر / خيرر بيج شي. ?
_ لا مابيه شي بسس ضوجه لوحدي حته اختك ملاك متجي عليه صارت عود انخطبت
صكر / هههه ختولي تروحلچ فدووه هذيج مراس المربع ليووم اني هناا وين تريدين نطلع اني وياج
_ ليوم ماكدر اطلع وياك عندي دراسه وامتحان غيرر يوم. نطلع
صكر / لا نارين اني جايكم وماطلعين وياي مايصير ولله
_ ولله عندي امتحان اسفه
صكر / تمام براحتج نسيت اسألج علئ عمي وينه اشو ماكووو
_ بالشغل وين يعني.
صكر / اذا هيج اني رايح عود بليل نجي عليكم اني وملاك وميارا.
_تمام.
صكر / تعالي اوصلج بطريقي لمدرستج
_ لا ميحتاج عموو صلاح منتضرني.
صكر / كومي لجج صايره متريدني ام كرش عود كبرانه
ابتسمت واخذت جنطه مالتي وطلعت وياه للعلم هاذه ابن عمي الشخص الوحيد الي معتبرني صدوك اخته مربيني واني طفله بينه ميانه كلش دائما كان يجي ويبقه يمنه شهر اسبوع اكثرر.
اسمه صكرر عمره 25 سنه متزوج وعنده ولد اسمه كيان . متزوج عن حب تصير بنت خالته اخذها بعد حب سنتين
بابا عنده 2 اخوان و 3 عمات وحده م̷ـــِْن عماتي متوفيه يعني ثنين اعمام وثنين عمات.
عمي الجبير عنده 3 شباب وبنيه وحده
صكر. مؤيد. فراس. وملاك
وعمي الثاني ماعنده بسس بنيه وحده اسمها فاطمه وعماتي عدهم خيرر مال بنات وشباب ههههه .
طلعنه بالباب اجه عموو صلاح
_هاا بنيتي تروحين ويه صكرر لْـۆ اوصلج اني
صكر / لا اني راح اوصلها انته رجعها للبيت ماشي
_حاضرر.
طلعت بسياره صكرر. بالگوه صعدت مشتريها حديثه وعاليه كلش
صكر / قزمه حته سياره متكدرين تصعدين
اذا انته مشتريها تگول جبل شلوون اصعد
صكر / هههههه اجيبلج درج تصعدين بيه
تستهزء حضرتك
صكر / لا عمي اصلا انتي ويين اكوو بطولج تكول برغي. هههههه.
صعدت بالسياره واني مغثوثه م̷ـــِْن كلام صكر صعد هوه يضحك عليه لان قـٰـُـزمه وماكدر اصعد
شغل اغاني اجنبيه وصاار يغني وياهم هوه دكتور تجميل ومرته صيدلانيه
وصلني للمدرسه ونزل ويايه
صكرر / يلا ديري بالج علئ نفسج ومن تخلصين اتصلي بالسايق خلي يرجعج
شكررا علئ التوصيله
صكر / تدلل اميرتي.
ابتسمت وسكتت اخذت جنطه م̷ـــِْن السياره ودرت وجهي لزم ايدي ورجعني وركز بعيوني
صكر / نارين بيج شي
هاا لا ليش ?
صكر / ليشش احسج متغيره وضايجه احچيلي حبيبتي شخص مضوجج بالمدرسه هسه ادخل وياج واحاسبه
_ لا ولله ب العكس كلش مرتاحه بالمدرسه بسس كتلك شويه نفسيتي تعبانه لاتخاف
صكر / اكيدددد.
هزيت راسي بأيي.
ابتسم وكرص خدي.
ذكرني بضررغام مره نحجي وكرص خدي بقووه.
صكر / يلا اني رايح.
مع سلامه
عفته ورحت دخلت للمدرسه سلمت علئ صديقاتي شويه ودخلت صديقتي منارس وصاارت تسأل بيه ليش مختفيه وليش ماداومت اسبوع وفاتتني دروس واجبات هوايه
واني مستمره اجذب عليها كتلها مريضه وماكدرت اداوم وبابا اخذلي اجازه مرضيه
مرر الدوام طبيعي دروس واجبات اجت انسه سعاد وصارت درس بينه وكالت راح امتحنج مرره ثانيه لان فاتني الامتحان مال الشهرر الثاني
خلص دوامي وطلعت باب المدرسه طلعت جهاز م̷ـــِْن جنطتي وتذكرت ضرغام شلوون اشترا الي واخذنه صور اني وياه
دخلت علئ صورنه اني وياه شلوون هوه مبتسم مجامله واني لازمه كتفه واضحك
شكدد غبيه انييي. خليته يستغلني شاافني علئ نياتي واستغلني ااووف يااررربي
بعدني اريدد اتصل علئ عموو صلاح شفت سياره ضرغام وكفت مقابيلي
ستغربت هاذه شجابه لهناا ليش لاحگني
درت وجهي ومشيت علئ الرصيف ماريدد احچي وياه
نزل م̷ـــِْن سيارته واجه وراي
ضرغام / نااارين.
مارديت علي وكفيت طريقي طلعت جهازي واتصلت بعموو صلاح
_الوو
هاا عموو وينك خلصت
_5دقايق واوصلج لاطلعين اني ماتأخر
ماشي راح ابقه منتضرتك بالمدرسه
سديت منه الخط انسحبت ايدي درت وجهي بعصبيه كان ضرغام عيونه صايرره حمرر ويباوعلي بنضرات غريبه
_ شكووو. ليشششش لاحكني لهنااااا ماكتفيت
ضرغام / ليششش تسوين هيج ناارين اني شسويت بسس اريدد افهم شنوو غلطي انيي
_ عووف ايدي احسلك انته ماعندك خجل شنووو ولله اعيط والم العالم عليك
ضرغام / حته اطيح حضج ولله اشوو صايره متنحملين غيرر نفهم شسوينه حته هيجج ضايجه منه
_ لاا ولله مسووي نفسك ملاك برئي ولاكانو مسوي شي اصلا شلوون الك عين تجي وتحچي وياي بعدد سوايتك انته واخوووك
ضرغام / ادرري اخوووي غلط بحقج ومانكر هل شي وحق الخلقج طيحت حضه وحالين بالسجن بسس انيي مافتهم شمسوي ترررا عفت شغلي وعملي واجيت بسس حته افهم انتي ليشش هيج تحچين عليه تكولين بسببك.
_ وخررر عنييي مااريد احجي شي وياااك روووح منااا
ضرغام / ماعوفج لأحد مافهم انيي بشنوو غلطت
بقيت مركزه بعيونه واني اتنفس بغضب
_ كسرتي ضرغام ولله ماتوقتها منكككك.
لزم وجهي بثنين اديه وهمس بهدوئ
ضرغام / بسس فهميني شسوويت لججج ولله راح اتخبل
رفعت عيوني عليه ونزلت دموعي همست بنبرت حزن
_ ليش تقربت مِڼـّي. ?
تغيرت كل ملامح وجهه صاار يبلع بريكه
_ ماعندك كلام موو. ليش بسس فهمني بشنوو غلطت وياك اني طلعتني رخيصه گدام اخووك تخيل يگلي مكضيه وكت ويه ضرغام ومخلي برگبتج اثاار
ابتعد عني وخله ايده علئ راسه
ضرغام / نارين الموضوع موو مثل مامفكرته انتي
_ شنوو لموضوع لعد فهمني
ضرغام / شوفي اني
بعده ممكمل كلمته وصل السايق واجه يمي
_يلا نارين نروح
هزيت راسي بأيي. واني اباوع علئ ضرغام الي كل وجهه تغير م̷ـــِْن كلامي
عفته ورحت دخلت للسياره صعد السايق ورحنه للبيت
طول طريق گلبي يدك بسرررعه ليشش ماكدر احجي شي كدامه ليشش اتوتر م̷ـــِْن وجوده وياي
وصلت للبيت رحت بسرعه صعدت لغرفتي شمرت الجنطه علئ الجربايه واخذت ملابس ودخلت اسبح
سبحت وطلعت امشط بشعري اندك باب غرفتي
تفضل
دخلت الخادمه
حبيبتي نارين ابوج يريدج
جايه
مشطت شعري ولبست برنص فوك ملابسي شلت كاتي ونزلت لگيت بابا كاعد علئ طاوله الاكل
_الله يساعدك
ابو نارين / هلا بنتي الحلووه شنوو هل جمال كله
_موو بحلاتك باباتي
ابو نارين / تعاي اگعدي خلينه نتغده سويه
_ليووم اجه علينه صكرر سأل عنك
ابو نارين / اي ادري.
_ هاا منوو كلك
ابو نارين / صلاح
اممم. اوك.
ابو نارين /#ڪــڔٰا̍ڕ ليووم يجون بيت اهل ضرغام يحولون عدنه
_ شنوو يحولون مافتهمت ?
ابو نارين / يعني يعتذرون علئ تصرف ابنهم وينفذون كل طلباتنه.
_وانته شراح تسوي تطردهم
ابو نارين / لا بويه شنوو اطردهم وياهم ناس كبار وعمامنه همه
اوك
ابو نارين / انتي شتريدين اخلي حيدر بالسجن واخلي ينحكم
_بكيفك بابا انته تصرف
ابو نارين/ هاهيه اني اعررف شلوون اربي هل حيوووان
_ اممم. بابا ليوم اجه ضرغام لمدرستي
ابو نارين / شنووو شعنده جااايج !!!
_ صدكني ماعرف بجيته اول ماطلعت هوه اجاني وحجه وياي
ابو نارين / شگالج ??
_ماگال شي بسس كان فشلان م̷ـــِْن تصرف اخو واعتقد اجه يعتذر مِڼـّي بسس اني مانطيته مجال وعفته ورجعت ويه عموو صلاح
ابو نارين / ماريدج تحجين ويااااه بعدد حته لْـۆ تشوفينه بالشارع لاتسلمين عليه مفهوووم
هزيت راسي بأي
ابو نارين / كملي اكلج اني طالع
_وين ?? هسه رجعت م̷ـــِْن شغلك
ابو نارين / عندي شغل اكمله ورجع اكعد ويه العالم الجايتنه
_ اوك.
عافني وراح بقيت اكلب بالماعون مال لاكل واني ضايجه احس نفسي مقهوره ومتوتره كلشش
عفت الاكل ورحت اخذت كاتي وكعدت علئ الغنفات
خاله ممكن تجيبيلي كتبي اريدد ادرس
_حاضرر.
خليت كاتي بحضني وبقيت امسح علئ الفروها الناعم.
شويه ونزلت الخادمه بيدها كتبي خلتهم علئ الطاوله وراحت بقيت كاعده وادرس
______________________________
ضرغام.
مرر اليووم عليه بصعوبه احس عقلي كله متخربط وافكاري مشوشه
كرهت حته نفسي شلوون افكرر بنت طفله ويني وين الحب تالي عمري اطيح هل طيحه علئ وجهي
كعدت صبح واني احس راسي يريد ينفجرر الضربه مأذيتني كلش
الغرفه ضلام شغلت الاضويه كانت سهئ نايمه علئ الغنفه تذكرت لبارحه شلوون تصرفت وياها مهمئ يصير مستحيل اخرب علاقتي ويه مرتي الي صاارلها سنين وياي تحبني وتهتم لفرحي وحزني
كمت م̷ـــِْن مكاني ورحت كعدت يم راسها خليت ايدي بشعرها شويه وحسيت عليها تحركت
كاعده ??
امممممم.
_تعبان سهئ راسي راح ينفجر كومي سويلي جاي
سهئ / خلي نارين تسويلك
_ استغفرلله ياربي شجاب نارين بالنص.
كامت وكعدت كعده علئ الغنفه وكالت
سهئ / شلووون شجابها ب نص اصلا كل سالفه م̷ـــِْن ورها هسه تحجيلي شكوو بينك وبينها
_ يول شجاج تخبلتي ماكوو شي بيني وبينها مجرد كانت بشقتي يعني بضيافتي وهاي موو جديده عليج دائما يجن بنات عمي وخالي يضلون عدنه
سهئ / لاا لا نارين غيرر بنات عمك هذن كلهم متزوجات هيه ممتزوجه وحلووه وزغيره وغيرر هاذه كله لبسها يغري الرايح ولجاي
_واحنه شعلينه بلبسها كل شخص وطريقته بألبس
سهئ / ضررغام فدووه لكلبك احجيلي اكوو شي بينك وبينهاا موو
_شلوون تخليني هسسه افرك حلكها بابا ماكوو شي بيني وبينها شكددد تلحين
سهئ / ليش م̷ـــِْن سالتك عليها كتلي رجعتها لبيتها
_ حته ماتضوجين شفتج مغثوثه منهاا كلت ماضوجها بسس انتي دورين قهرري وضيمي
سهئ / لا ولله انته تعررف بيه شكدد احبك وبنفس الوقت اغااار عليك هوواي م̷ـــِْن بنات الحررام
_ اشششش سهئ لهنا حدج نارين موو بنت حرررام
سهئ / وانته شعليك بيها ??
_ شنوو شعليك سهئ خليني محترمج
سهئ / هسسه علئ شنوو ضايج انته كل هاذه لان حجينه علئ ناارين
_ بنيه فقيره ويتيمه ليشش تتحملين ذنبها ليشش تحجين عليها وانتي ماتعرفينها
سهئ / لا ولله انته الي ماتعرفها مبينه م̷ـــِْن وجهه ملعبه ومتنكدر
_لا اله لله الهه لله
سهئ / ايي ولله اني اصلا تعودت عليك بسس م̷ـــِْن احجي شي تعصب عليه غيري ماتحجي عليهم
_ موصوجج صوج الي يكعد يسولف ويااج خليتي راسي ينفجرر اكثرر.
عفتها وگمت طلعت م̷ـــِْن الغرفه نزلت كعدت ب الصاله واني تعبان
باوع علئ ساعه ب 9 الصبح
اروح اشووف نارين وافتهم منهاا ليش حجت هيج لبارحه شنوو كان قصدها بكلامها.
بسس شلوون اشوفها مالي حق اروحلها للبيت خليني اتاكد اذا تـروح ليوم للمدرسه
اتصلت ب السايق مالهم اسمه صلاح
الووو
_الوو منوو وياي
اني ضابط ضرغام
_اهلا سيدي شلونك
بخير. اكلك ليووم نارين تروح للمدرسه ?
_ايي راحت الصبح اخذها ابن عمها صكر
صكرر منوو ?
_ابن عمها يصير
ها تمام اشكرك
_بالخدمه محتاج شي
ايي ماريدك تكول للعميد اني اتصلت وسألت علئ نارين.
_هاهيه
سديت منه واني ضايج منوو هاذه صكرر شعنده وياها وليش ياخذها هوه لدوامها شرايدد منهاا اااخ لله شسويت بيه
كمت م̷ـــِْن مكاني بسررعه وصعدت للغرفه لكيت سهئ. ترتب بلسرير
تجاهلتها ورحت اخذت ملابس بدلت وطلعت م̷ـــِْن الغرفه.
نزلت تلاگت وياي اختي سحرر
سحر / صباح الخيرر
صباح النور شعجب مرايحه لدوامج اليووم
سحر / موو اليووم امي كالت اريدد اخذج للسوك وياي ومارحت
اممممم. وين للسوك
سحر / شبيك ضرغام هوه سوك ورايحه ويه امي مانطول ولله
ممنوع طلعين امي تروح وتشتريلج الي تريدينه طالع بشغل هسسه اذا سمعت بيج رايحه اكسرر راسج
سحر / بسس.
اششش ولاكلمه
عفتها وطلعت م̷ـــِْن البيت صعدت سيارتي وتوجهت لبغداد.
بقيت تقريبا ساعه ونص وصلت لمناطق بغداد بوجهي لمدرسه نارين كانت ساعه ب "11" تقريبا.
ضليت كاعد بسيارتي لاحد ماخلص دوام وطلعت الطالبات م̷ـــِْن المدرسه شفتها واحس رجعتلي الروح
شكلها وهيه تتمايع بالمشي ورشاقتها وطولها وشعرها الطووويل ااخ ربي
خليتها تطلع ونزلت م̷ـــِْن السياره ورحت عليها.
كانت رافضه تحجي وياي وتتهرب مِڼـّي.
_ليششش تسوين هيج ناارين اني شسويت بسس اريدد افهم شنوو غلطي انيي
نارين / عووف ايدي احسلك انته ماعندك خجل شنووو ولله اعيط والم العالم عليك
_حته اطيح حضج ولله اشوو صايره متنحملين غيرر نفهم شسوينه حته هيجج ضايجه منه
نارين /لاا ولله مسووي نفسك ملاك برئي ولاكانو مسوي شي اصلا شلوون الك عين تجي وتحجي وياي بعدد سوايتك انته واخوووك
_ادرري اخوووي غلط بحقج ومانكر هل شي وحق الخلقج طيحت حضه وحالين بالسجن بسس انيي مافتهم شمسوي ترررا عفت شغلي وعملي واجيت بسس حته افهم انتي ليشش هيج تحجين عليه تكولين بسببك.
نارين / وخررر عنييي مااريد احجي شي وياااك روووح منااا
_ماعوفج لأحد مافهم انيي بشنوو غلطت
بقت مركزه بعيوني وهيه ضايجه ومقهوره شفت بعيونها شكدد كارهتني ومطايقه وجودي وياها احسس نفسي راح اتخبل اريدد افهم ليشش تعاملني هيج وشنوو تقصد م̷ـــِْن كلامها.
سحبت نفس بقهرر وحجت بنبره حزينه
كسرتني ضررغام ماتوقتها منككك
م̷ـــِْن گالت هيج احسيت نفسي غلطان غلطه جبيره بحقها بسس مَآعِرَفتّ شنوو هيه.
لزمت وجهه بلطف وطلبت منهاا تحجيلي نزلت عيونها وبچت وكالت ليش تقربت مِڼـّي
حجتها وياريت ماحجت احس الارض انشكت وبلعتني. شلوون اشرحلها هل موقف شلوون اكلها مكان قصدي اطلعج رخيصه كدام شخص بسس روحي وعقلي كلهم يريدوج
كنت ناوي احجيلها مشاعري وشلوون احس اتجاهه بس تراجعت اكيد مراح تصدك لأن ماصارلي فترا اعرفها ومتاكد راح ترفض اني رجال متزوج اكيدد مراح تقبل ترتبط بواحد مثلي.
اجه صلاح واخذها وراحت وياه
ااااخ ياربي هسسه شلوون اتصرف شلوون احل هل موووضوع انيي شلوون اغلط هييج غلط شلووون
ركبت سيارتي ورجعت الانبار اتصلت بأبوي وطلبت منه يحضر عمامي نحول عند ابو نارين
رحت علئ المركز.
دخلت تلاگه وياي كرار
كرار / سيدي
_شلوون الوضع حيدر وين هسه
كرار / بلسجن ويين يعني اخذله كتله مرتبه م̷ـــِْن حسام ونام هسه
_اكل شي
كرار / لا خطيه دزيناهه م̷ـــِْن المطعم ميحب اكل السجون.
كرررررار.
كرار / ههههه شبيك يوول تحجي صدك تراا بسجن هوه موو مطعم انطيناه حاله حال السجناء
_اليووم نروح ونتفاهم ويه العميد ونشووف شنوو تاليتنا ويه حيدرر
كرار / ولله اني برأييي. لْـۆ تسفرون حيدر خارج العراق شي شهرر تغير نفسيته احسله بهوواي
_كرار اسكت رحمه لربك تحجي وعبالك حيدر طفل ترا رجال شواربه ولحيته هوه واحد سرسري وصاقط شسويله
كرار / ولله يرادله كل يوم كتله علئ هاي سوايته شفت البنيه بعيني شلوون ترجف خطيه بعدها صغيره
_يكول يحبها
كرار / يحبها ??
_اي يكول احبها واريدها
كرار / هههه هاذه اخوك عايش الحضه شلوون بلا يحبها وياخذها بالغصب الي يحب يسوي هيج
_موو اكلك سرسري شتترجه م̷ـــِْن واحد صاقط
كرار / تهون
_يلا روح اريد اكمل شغلي ورجع للبيت نروح علئ العميد حسين
كرار / ايي شي تحتاجه اني موجود لاتنسه
_حبيبي ولله
كرار / يلوحي انته
امشي وليييي
كرار / ههههه رايح رايح لاتطرد
طلع م̷ـــِْن المكتب. بقيت كاعد واشتغل خلصت الي بيدي ورجعت للبيت.
لگيت اعمامي الكبار عدنه وصاايره هوسه
_سلام عليكم
الكل. وعليكم سلام
كعدت وياهم وبقينه نتناقش بألموضوع شويه وطلعنه متوجهين لبغداد لبيت العميد حسين
رحنه اني وابوي واخواني 2 فهد وحسين وعمامي كبار 2 ابو جابر وابو علي وشيخ يصير صديق عمي اسمه كاظم. ..
