رواية عمر الديب الجزء الثاني (الملك الاخير) الفصل الاول
بسم الله توكلت علي الله. وهو رب العرش العظيم
من لبنان ومن قدام احدي البيوت يقف رجل في الاربعينات من عمره يدعي عدنان وقدام منه ابنه قيس صاحب العشر سنين وكان بيلعب بالكورة قدام ابوة وكان عدنان يبص لقيس ويقول له
شكلك هاتطلع بتحب الكورة اوي يا ولدي
قيس وهو بينهج يقول
قوي قوي
عدنان
طيب كفاية لعب كورة بقي وتعالي. كل لقمة وارتاح شوية
فيسمع قيس الكلام ويتوقف عن اللعب ويتجة ناحية والده ويجلس قيس بجانب عدنان ويخرج عدنان شنطة بها سندوتشات شامية ويدي شندوتش لقيس ويقول له
كل واشبع علشان تطلع لعيب كورة جامد
فيضحك قيس وهو يلتهم لقمة من السندوتش ويقول
تعرف اني بحبك اوي يا والدي وبحبك اكتر من جدي
عدنان وهو يبتلع لقمه من سندوتشة
لية بقي يا قيس. دة جدك نسيم بيحبك جدا
قيس
ولما هو بيحبني لية ديما بيخبي مني الكورة وبيغضب لما بخرج بيها للحي بتاعنا
عدنان ضاحكا
علشان عايزك تكمل تعليمك وتبقي دكتور.
قيس
طيب ما انت يا والدي بتخليني العب كورة وكمان بتخليني اذاكر لية جدي ما يعملش زيك كدة
عدنان وهو بيضحك قال
علشان انت ابني الوحيد ابني اللي طلعت بي من الدنيا دي بعد طول غياب. الله يرحمها امك كانت نفسها تجيب لك اخ بسرعه علشان ما تبقاش وحيد في الدنيا لكن ربنا ما اردش وماتت
وهنا ينقلب وش عدنان من الضحك والابتسامه الي الغضب الشديد ويقول
زي ما انت هاتموت دلوقتي
ويخرج عدنان من ملابسه خنجر مسنون مكتوب علية بالدم يعيش ''الملك الاخير ''وعلية سم اسود فتاك ويبص لقيس بغضب شديد ويغرز هذا الخنجر في رقبة قيس ويلف الخنجر بمنتهي الغل داخل رقبه الطفل الصغير اللي كان بيموت قدام عيون عدنان ، ،،،،،،،،،،
ليلا ومن داخل بيت عدنان يتجمع معظم اهل الحي ويصرخون وعدنان في وسط البيت وابنه قيس قدام منه ميت ونسيم يمسك عدنان من ملابسه ويصرخ في قائلا
ازاي عملت كدة في ابنك يا جبان
عدنان وهو منهار مش مصدق لغاية دلوقتي اللي حصل وبيقول
ماعرفش. صدقني يا والدي انا كنت قاعد معه وكنا في منتهي الفرحة وفجاة لقيت نفسي بخرج من هدومي خنجر مش بتاعي مكتوب علية الملك الاخير وبغرز الخنجر دة في رقبه ابني قيس
وانهار عدنان من البكاء وقال
ازاي انا اقتل ابني الوحيد قيس وهو اغلي ما في حياتي دة انا من ساعه ما كانت امه حامل في كنت مستني يوم والدته بفارغ الصبر
نسيم
يبقي صابك الجنان يا والدي. وطالما صابك الجنان يبقي انا برئ منك
ويحمل نسيم جثة قيس فيبص له عدنان ويقول
رايح فين بقيس
نسيم وهو يتجة ناحية الباب قال
رايح اسلمه للسلطات واخد منهم اذن بالدفن وهابلغ عنك يا والدي لان دم قيس مش هايروح في الارض
ويخرج نسيم من البيت وهو يحمل قيس والدموع تشيع جنازة الصبي الصغير، ،،،،،،،،،
ومن داخل احدي الاقسام في لبنان يقف نسيم قدام احدي الظباط وعلي يدة جثة قيس وبيقول
زي ما بقول لحضرتك كدة يا حضرة الظابط
الظابط باستغراب شديد
ازاي اب يقتل ابنه بالوحشية دي. اية للدرجة دي كان بيكرهه
نسيم بحسرة شديدة
بالعكس دة كان بالنسبة له كل حاجة في الدنيا. انا ماحبتش ابني قد ما كان عدنان بيحب قيس
ازداد استغراب الظابط اكتر وقال
وازاي بيحبة كل الحب دة وقتله
نسيم
ابني اصابه الجنان يا حضرة الظابط
الظابط
طالما اصبح مجنون. يبقي لازم التعامل معه بحذر والا اصاب ناس تانية
ثم بص الظابط للاثنين عساكر وشاور لهم بالحضور امامه فاتجه العساكر ناحية الظابط وبص الظابط للعسكري الاول وقال له
حضر لي القوة.
ثم بص للعسكري الثاني وقال
وانت خد جثة الصبي واعرضها علي الطبيب غسان وقول له اني عايز تقرير مفصل عن جثة هذا الصبي
فيمد العسكري يدة ويحمل الجثة من نسيم ،،،،،،،،،
ومن مصر وفي نفس الوقت كانت المباحث المصرية ممثلة في النقيب أمير اللي كان واقف امام جثة صبي في العاشرة من عمره يدعي فارس وبجانب الجثة والد الصبي ويدعي طارق وطارق بيبص لابنه مش مصدق انه قتله وفي ايد طارق خنجر يشبة الخنجر اللي استخدمه عدنان فيمد امير ايدة ويمسك الخنجر بعيد عن مكان البصمات ويبص للخنجر بتركيز شديد ويلاقي كلمه. بالدم يعيش الملك الاخير. فاستغرب جدا وبص لطارق وقال له
ممكن افهم اية معني الكلام اللي مكتوب علي الخنجر دة
فلايرد طارق اللي كان بيبص علي ابنه وهو مش مصدق انه قتله فيقترب امير من طارق ويقول له
رد علية. قتلت ابنك لية. واية معني اللي مكتوب علي الخنجر دة
فبص طارق لا مير وقال بصوت حزين
ماعرفش
امير
احسن لك تتكلم
طارق
لو الكلام هايرجع العيل اللي حلتي ماكنتش بطلت كلام
أمير
بقي كدة يبقي انا بقي هاخليك تتكلم بطريقتي ،،،،،،،
ومن داخل شقة تمليك تخص عمر الديب يقف عمر علي سلم خشبي لتركيب نجفة جديدة وكانت تقف فيروز جنب السلم وتمسكه لعمر فيبص لها عمر وهو عرقان تماما ومتبهدل اخر بهدلة وقال
يعني كويس اللي انا في دة
فيروز
معلش يا عمر استحمل علشان خاطري. بس انت عارف ان مناعتي ضعيفة واخاف اجيب حد من برة يكون عنده كورونا وتتنقل ليا العدوي وساعتها ماعرفش ممكن يحصل لي اية
عمر وهو يوصل اسلاك النجفة باسلاك الكهرباء الموجودة في السقف يقول
بعد الشر عليكي. دة انا اضيع من بعدك
فيروز بحب
ربنا ما يحرمني منك ابدا يا عمر. مين يصدق اننا متجوزين بقالنا سنتين
عمر
احلي سنتين
وينتهي عمر من توصيل الاسلاك وينزل من فوق السلم وهو بيبص لفيروز ويقول
خلاص يا ستي كدة كله تمام. روحي بقي دوسي علي كوبس الكهرباء خلينا نتفرج علي النجفة وهي بتنور
فيروز
انت متاكد انك وصلت الاسلاك كلها صح
عمر
دة سؤال بردو دة انتي جوزك عبقري
فتروح فيروز ناحية احدي الازرار وتدوس عليه وهنا تشتغل الشاشة بدل ما تشتغل النجفة فتضحك فيروز بشدة وتقول
عبقري اوي
فيحرج عمر ويقول وهو بينزل من علي السلم
مش عايز تريقة. و بكرة هاجيب كهربائي احسن يخلصني من مشكله النجفة دي. والا والله ارجعك لزمن اللمبه الجاز
فيروز
طيب والكورونا
عمر
هاخلي يستحمي قبل ما يدخل الشقة
وهنا يرن موبيل عمر رنة مميزة فيبص عمر ناحية الموبيل وتبص له فيروز وتقول
انت اجازة صح. لية بقي الجهاز بيتصل بيك
عمر باهتمام شديد
باين كدة في مهمه
فيروز
طيب واللي احنا اتفقنا عليه ورحله الصيد اللي وعدني بيها
عمر
هاعوضك
ويروح ناحية الموبيل ويفتح الخط ويحط الموبيل علي ودانه ويسمع ما يقال ثم يقول
جاي حالا، ،،،،،،،،
وليلا من داخل المشرحة يدخل شخص شكله غريب ومريب ويفتح احدي ادراج الثلاجة ويبص لجثة الصبي المصري فارس ويميل علي ودان فارس ويقول
الملك الاخير بينادي جاهز للرد
فيرفع فارس الملايا عن وشه ويقعد وهو يقول
جاهز،،،،،،
وفي نفس اللحظة كان قيس في لبنان يخرج من المشرحة، ،
من داخل مبني المخابرات المصرية يجلس عمر ومعه باسم ظابط مخابرات والصديق الاول والوحيد لعمر الديب والاثنين بجانبهم يجلس رئيسهم المباشر السيد كامل وقدام منهم شاشة عرض كبيرة وبيعرض علي الشاشة فيديو لفارس الصبي صاحب العشر سنوات ووالده ويدعي شريف مراد بيضربه بالخنجر في رقبتة والسيد كامل بيقول
الولد اللي بيضرب بالخنجر دة قدام منكم اسمه فارس واللي ضربه بالخنجر يبقي ابوه شريف مراد العميل بتاعنا في اسرائيل واللي كان موجود في مصر علشان بينفذ مهمه مكلفة بي الموساد الاسرئيلي
انصدم باسم وقال
افهم من كدة انه عميل مزدوج
السيد كامل
بالظبط كدة. وقبل ماينفذ العملية اللي هو جاي علشانها قتل ابنه بالطريقة الوحشية دي وفي مكان عام والكاميرات صورتة. ومش دة بس اللي عمل كدة
عمر
في حد تاني
فيتحكم السيد كامل في شاشة العرض عن طريق الريموت الخاص بها ويعرض فيديو اخر لعدنان وهو يقتل ابنه قيس بنفس الطريقة وفي نفس الوقت فقال عمر
مش دة عدنان الراجل بتاعنا في لبنان
السيد كامل
هو. وهو برضو كان جاي مصر علشان ينفذ عملية خاصة بالموساد
باسم
نفس العملية اللي كان شريف هاينفذها
السيد كامل
ماحدش يعرف
باسم
غريبة. واضح كدة ان في حد شغال لمصلحتنا وبيخلص علي اعدئنا اول باول
عمر
ودة مين بقي
السيد كامل
حد مسمي نفسه الملك الاخير
عمر باستغراب
انا اول مرة اسمع الاسم دة
السيد كامل
علشان انت مش مذاكر تاريخ كويس
ويعرض السيد كامل علي الشاشة صورة ابيض واسود ليهودي ملامحة حادة ويشبه الشيطان لو كان للشيطان شكل معروف ويقول وهو يعرض صور لهذا الشخص
في سنه 1910 ظهر شيمون وماحدش عرف له اب او ام. انسان غامض ويعتبر اخطر جاسوس عرفته البشرية عاش في مصر كتير وكون شبكة جاسوسية من 200 فرد. وراح امريكا وعاش هناك وكون شبكة عنكوبتية وكانت سبب رئيسي ومن اسباب تحكم اليهود في الاقتصاد الامريكي واتولي حكم ولاية من ولايات امريكيا ولقب بالملك الاخير وعاش في الولاية دي لغاية ما مات سنه 2010. وساب الخنجر دة ورث الشر
ويعرض علي الشاشة صورة للخنجر الخاص بشيمون فيبص عمر للخنجر باهتمام ويركز في شكله الغريب ويقول
واية حكاية الخنجر دة
السيد كامل
الخنجر ده شيمون قتل بي ابنه الوحيد اسحاق اللي كان مريض بالتوحد وهو قتله علشان اعترض علي انه يكون لي ابن مريض مع انه كان بيحبه جدا
باسم
حصلت امتي يا فندم الحادثة دي
السيد كامل
قبل ما يموت شيمون بسنه. يعني وهو عنده 99 سنه
وبعيد عن ابنه اللي مات مقتول وزي ما انتم شايفين مكتوب علي الخنجر. بالدم يعيش الملك الاخير. والخنجر دة كان مع شريف وعدنان وهو الخنجر اللي اتقتل بي ولادهم الاثنين مع ان الخنجر دة مافيش منه غير نسخة واحدة بس في قصر شيمون في امريكا.
عمر
يبقي كدة يا فندم الخنجر اتسرق و طلع عليه نسخه تانية
فيهز السيد كامل راسه نافيه وهو يقول
مش صح. النسخة اللي كانت مع شريف وعدنان هي النسخة الاصلية
فبص عمر لباسم باستغراب شديد والسيد كامل بيقول
طبعا مش مصدقين. بس انا هاثبت لكم
وعلي الخنجر بالظبط يعمل السيد كامل زوووم ويظهر علي الخنجر اسم شيمون بالخط العبري ومرصع بالالماظ
ووسط الالماظ يوجد حجر اسود شكله غريب جدا علي شكل نجمة العلم الاسرئيلي ويقول السيد كامل
زي ما انتم شايفين مستحيل تقليد حجر نادر زي دة مهما اندفع فلوس ماحدش يقدر يقلدة
باسم
يا فندم انت كدة بتصعبها. ازاي الخنجر الاصلي كان مع شريف وعدنان وفي نفس الوقت
السيد كامل
مش دة المهم دلوقتي. المهم عندنا اية العملية اللي شريف وعدنان كانو بيجهزوا ليها في مصر. و لية شريف وعدنان عملو كدة في ولادهم. وياتري اللي حصل دة تشويش من الموساد علشان يلهنوا عن العملية الاصلية اللي كلفو بيها شريف وعدنان
عمر
طيب احنا يا فندم ممكن نبدأ من فين
السيد كامل
من عند فيروز مراتك يا عمر
انصدم عمر بشدة، ،،،،،،،،،،
من داخل المشرحة في لبنان يقف الدكتور غسان اللي تولي تشريح جثة قيس وبيقول بمنتهي العصبية لمساعده
ازاي جثة قيس مش موجودة
المساعد
يا دكتور صدقني انا كنت بحضر تركيية دواء طالبها مني دكتور فايض ورجعت لقيت باب المشرحة مفتوح والدرج اللي كان في قيس مفتوح وقيس مش موجود
غسان
طيب تعالي معايا بسرعه نشوف كاميرات المراقبه الخاصة بالمشرحة،،،،،،،
ومن داخل غرفة المراقبة يقف غسان ومساعده وموظف غرفة المراقبة يعرض المشاهد اللي صورتها كاميرا المراقبه من ساعه فاتت واللي كان ها يصيب التلاتة بالجنون هو ان الملايا اللي كانت مغطية قيس اترفعت لوحدها وماحدش خرج من تحت منها وباب المشرحة اتفتح واتقفل لوحده فبص الدكتور لمساعده وهو يكاد يتجنن
اللي بيحصل دة جنون. مين رفع الملايا ومين فتح الباب وقيس دة راح فين.
موظف غرفة المراقبة
احنا لازم نبلغ السلطات
غسان
وتفتكر ان في حد هايصدقنا
وفي هذة اللحظة يفتح باب غرفة المراقبة ويقف قدام منهم قيس وفي يدة خنجر شيمون ويبص لهم بعيون غاضبة،،،،،،،،،
وبعدها بساعه ومن داخل شقة عمر يقف عمر قدام فيروز وهو ساكت فتبص له فيروز باستغراب شديد وتقول
عمر انت باصص لي وساكت لية
فيمد عمر ايدة في جيب الجاكت الخاص به ويخرج صورة اتاخدت في حديقة قصر شيمون وفيروز في احضان اسحاق ابن شيمون فتصدم فيروز وتقول
انت جيبت الصورة دي منين
عمر
رجالتنا خدوها ليكي في امريكا وانتي تحت المراقبه. ايام ما كنتي عضوه من اعضاء منظمة الافعي. وطبعا مش من حقي اني احاسبك علي الماضي بتاعك. بس انا محتاج اعرف منك اية علقتك بشيمون وابنه اسحاق
فيروز باستغراب
لية
عمر
من غير اسئلة تعرفي اية عنهم
وفي هذة اللحظة يسمع عمر صوت اقدام برة باب الشقة فيروح ناحية الباب بمنتهي السرعه والخفة ويفتح الباب ليجد قدامه الصبي فارس وفي يدة الخنجر وبيسعد للهجوم علي عمر، ،،،،،،،،،،،،،
