رواية عمر الديب الجزء الثاني (الملك الاخير) الفصل الثاني
بسم الله توكلت علي الله. وهو رب العرش العظيم
وفي هذة اللحظة يسمع عمر صوت اقدام برة باب الشقة فيروح ناحية الباب بمنتهي السرعه والخفة ويفتح الباب ليجد قدامه الصبي فارس وفي يدة الخنجر وبيسعد للهجوم علي عمر فيهجم عمر علي فارس مسرعا ولكنه فهيجد نفسه بيهجم علي شبح حد مش موجود اساسا فاستغرب عمر بشدة وهنا يتلقي ضربة باله حادة علي دماغه من الخلف ويقع علي الارض مغمي علية وفيروز تبص عليه ،،،،،،،،
ومن داخل مبني الموساد يجلس القائد هناك ويدعي اميل وقدام منه ظابط مخابرات اسرئيلي معروف عنه المكر والدهاء يدعي نوعام روبرت وكان اميل متعصب جدا وبيقول
يعني اية المهمه تتلغي. انت عارف احنا بنجهز للمهمه دي من امتي. وعارف اننا محتاجين نوصل لتركيبة غاز الخامين اللي يقدر يتصدي لاي هجوم سواء كان بري او جوي.
نوعام
يا سيد اميل انت عارف ان العملاء لنا في مصر قتلو اولادهم وهما دلوقتي في ايد السلطات الخاصة ببلادهم
اميل بنفس العصبية
عارف ان عدنان وشريف مقبوض عليهم. لكن دة ما يمنعش اننا لازم نخلص المهمه بيهم او بغيرهم فاهم يا نوعام. شحنة الخامين في طريقها لمصر واحنا مش عارفين هاتدخل ازاي ولو الشحنة دخلت مصر احنا مش هانقدر نعمل اي حاجة وساعتها القيادة المصرية هاتبقي سيطرت علي الوضع في الشرق الاوسط وبقيت قبل مننا
نوعام
تمام يا سيد اميل
ويتجه نوعام ناحية باب اوضة المكتب فيسمع صوت اميل يقول له
نوعام
فيقف نوعام ويبص له فيقول اميل
عايزك تعرف لي أية حكاية الملك الاخير دة. ومين بيستخدم خنجر شيمون ضد مصلحة اسرائيل
نوعام
تحت امرك، ،،،،،،،،،،،
ومن داخل مكتب المفتش أمير المسئول عن التحقيق في قضية مقتل فارس ابن شريف يجلس امير وقدام منه زميلة في المباحث سراج وبيقول
دة اللي مكتوب في التقرير البصمات اللي علي الخنجر مش بصمات شريف
امير وهو بيقف وبيقول باستغراب شديد
ازاي بقي. جثة فارس تختفي من المشرحة.والبصمات اللي علي الخنجر مش بصمات شريف طيب اية. دة احنا متفرجين سوي علي الفيديو وشريف بيقتل ابنه
سراج
دة مش بس كده و كمان الخنجر اختفي من ملف القضية بعد ما رفعنا من علية البصمات
امير باستغراب
اختفي يعني اية. ولا عادي كل دليل يخص القضية دي بيختفي جت علي الخنجر.
سراج
تفتكر أية اللي بيحصل في القضية دي
امير
امر خطير ومش مريحني وفي سر مخيف مستخبي
سراج
طيب خد بقي التقيلة. انت عرفت ان المخابرات العامة طلبت ملف القضية
امير باستغراب
بتقول اية.
سراج
دة اللي حصل. جه مندوب من المخابرات وخد نسخة من ملف القضية
امير
وانت عرفت ازاي والمفروض ان لو حصل الكلام دة بيكون بسرية تامه
سراج
عيب عليك يا امير دة انا سراج ممدوح. ابن اللواء ممدوح الزيات مش هاقدر اعرف معلومة زي دي. وخصوصا ان المندوب اللي جه يبقي تلميذ من تلامذة والدي
امير
غريبة اوي. والمخابرات مالها ومال قضية قتل
سراج
دة سؤال ملهوش اجابة عندي غير ان شريف دة يخص المخابرات او القضية كلها تخص المخابرات
أمير
تقصد ان شريف دة جاسوس مثلا
سراج
الله اعلم.
امير
لا. دة انا كدة الفضول هايقتلني ولازم اعرف حل اللغز في القضية الغريبة دي
ويقف امير ويتجه ناحية باب المكتب فيبص له سراج وهو يقول
رايح فين
امير وهو بيفتح الباب
رايح لشريف الزنزانة.
سراج باهتمام وهو يقف
طيب استني خدني معاك،،،،،،،،
ومن داخل الزنزانة المحجوز فيها شريف يقف امير ومعه سراج قدام شريف اللي كان لايزال منهارا من مقتل ابنه وقال امير
قولي يا شريف. انت شغال اية
فيبص له شريف باستغراب ويقول
اية لزمة السؤال دة
امير
اهو حابب ادردش معاك
شريف
وانا مش عايز اتكلم
اميرة بحدة
لا. هاتتكلم انت هنا متهم ومن حقي استجوبك وان انت رفض تجاوب علي اسئلتي هاعلقك واعلمك الادب
سراج
اهدئة يا امير مش كدة
أميرة وهو بيمسك شريف من لايقة القميص يقول
انت جاسوس يلا
فانصدم شريف ورجع لوراء من الصدمه وقال لنفسه
عرف ازاي دة
فضغط امير علي لايقة شريف اكتر وقال
طالما سكت تبقي جاسوس يا روح امك
شريف بارتباك
لا. انا شغال في شركة النقل البحري.
أمير
بقي كدة. عموما انا خلاص عرفت اللي كنت عايز اعرفه. سلام
ويخرج امير من الزنزانة. ومن خلفه يخرج سراج وشريف بيبص علي باب الزنزانة وهو بيتقفل ويقول
باين عليه هاشوف ايام ما يعلم بيها الا ربنا. ،،،،،،،،،
وبعدها بساعتين ومن داخل شقة عمر. يقف عمر علي رجله وهو في حاله انعدام وزن وحاسس ان دماغه مصدعه بسبب الخبطة اللي خدها وبدا يدور علي اقرب كرسي لي يقعد علية وحط ايده علي دماغه لقي دم ناشف ومتجلط فبص حوالين منه وقال بصعوبة
فيروز. فيروز
وفضل ينادي عليها اكتر من مرة وهي لا ترد فقام وقف علي رجله بصعوبة وبدأ يدور عليها في كل اوضة واستغرب بشدة وخرج الموبيل بتاعه من جيبة واتصل برقم باسم فرد باسم قائلا
الو
عمر بصعوبة
باسم. ممكن تيجي بسرعه
باسم بقلق
عمر مالك
ولكن الموبيل يقع من ايد عمر وعمر يقع علي الارض مرة تانية لانه دايخ. ويشوف فيروز في هذة اللحظة وهي في حضن اللي اسمه اسحاق قدام منه وبتضحك فيمد ايدة علشان يمسكها لكنه اغمي عليه ، ،،،،،،،،،،،
من داخل حديقة قصر كان عمر الديب مربوط وفيروز في احضان اسحاق قدام عيونه فيبص لها عمر وبيقول بحرقة
لية بتعملي كدة. ومين دة اللي تسيبني علشانة. اية اللي بينك وبين اسحاق يا فيروز
فتبص له فيروز ولا ترد وتظل في حضن اسحاق وللعلم اسحاق هو ابن شيمون وهو شاب مريض بالتوحد والتوحد هو مرض نفسي يصيب الفرد بالتوتر الشديد من اي علاقات اجتماعية. ويسبب العزله. فكان من الغريب حب فيروز لهذا المريض. وعمر بيحاول الخلاص من قيودة وهو بيصرخ فيها قائلا
ردي علية مين دة. ولية بتخونني معه.
ويصرخ اكتر واكتر ولا يترقف هذا الصراخ الا لما باسم يصحي عمر من نومه فيفتح عمر عيونه يلاقي باسم قدامه وبيقول له
عمر اهدئه. مالك في اية
عمر وهو بيبص حوالين منه قال
انا فين
باسم
انت في المستشفي. لما طلبتني وروحت لك البيت لقيتك مغمي عليك شيلتك وجيبتك علي هنا. ودلوقتي سمعتك بتقول فيروز سيبتني لية واية اللي بينك وبين اسحاق يا فيروز. عمر أنت مين اللي ضربك كدة فيروز ولا اسحاق
عمر بحسرة
ماعرفش غير ان سمعت صوت رجلان قدام باب الشقة فتحت الباب ولقيت فارس في ايدة الخنجر وبيستعد علشان يقتلني هجمت عليه لقيتة شبح ملهوش وجود وبعد كدة لقيت حد خبطني علي دماغي
باسم باستغراب
انت بتقول اية. وهو دة كلام يخش العقل
عمر
دة اللي حصل.
باسم
وفيروز واسحاق أية حكايتهم. وفعلا في علاقة بين فيروز واسحاق والل،،،،،،،
وهنا يقاطعه عمر بمنتهي العصبية ويقول
باسم. لغاية هنا والكلام ملهوش لزوم
باسم باحراج
انا ماقصدش اني،،،،،،،،،
عمر بعصبية اكتر
قولت الكلام ملهوش لزوم. فيروز عمرها ما تخوني انا متاكد وعارف انا حبيت مين وخليتها مراتي علشان لقيت فيها كل حاجة نقصاني
باسم
عمر. متنساش ان فيروز في الاصل كانت جاسوسة اسرائيلية ومن اهم الاعضاء في منظمة الافعي
عمر
لكنها ساعدتنا في اننا نخلص علي الافعي والمنظمة بتاعتها يبقي ازاي تخوني و هي مراتي بقالها سنتين وعمري ما شوفت منها غير كل حب
باسم
اكيد كان مخطط من الموساد علشان تطمئن لها
عمر
لا. مستحيل. فيروز بتحبني وانا كمان بحبها ومستحيل تكون خاينه
باسم
طيب لو هي مش خاينه. راحت فين وسابتك وانت في الحاله دي
عمر
ماعرفش. اكيد اتخطفت او اما الموساد بتنتقم مني بعد اللي حصل في منظمة الافعي
باسم
والموساد بس أية اللي هيخليها تلف اللفة دي كلها علشان تنتقم منك. اللي زي دول تصفية الحسابات عندهم بيكون بالقتل ودة اسهل طريق ليهم. تفتكر بقي أية تفسير اللي بيحصل دة.
عمر
كل دة مش مهم عندي المهم هو. اعرف فين فيروز واية علاقتها بلغز الملك الاخير ولازم البداية تكون من امريكا
باسم باستغراب
امريكا
عمر
بالظبط كدة لازم ابدأ من عند قصر شيمون وهناك اكيد هاوصل للي يفدني ،،،،،،،،،
ومن داخل مكتب أميل قائد الموساد يجلس قدام منه الظابط نوعام ويقول له
جهزت حمدي زايد العميل بتاعنا في القاهرة بديلا لعدنان لتنفيذ العملية. بس لازم يوصل لشريف لان بداية الطريق من عند شريف هو اللي يعرف اصحاب القرار واللي مسئولين عن دخول غاز الخامين مصر
أميل
وشريف دة مانقدرش نهربة من ايد السلطات المصرية
نوعام
نقدر. بس المهم شريف هايبقي قادر علي تنفيذ العملية ولا موت ابنه هايقصر علي تركيزة
اميل
نوصل بس لشريف ونهربة وساعتها الفلوس هاتخلي يقدر علي كل حاجة.
نوعام
خلاص نهربه.
اميل
دة بالنسبة للملف الاول الخاص بعمليتنا. عملت اية في حكاية خنجر شيمون واية حكاية ان جثث الصبيان اللي اتقتلو اختفوا من المشرحة
نوعام
لغاية دلوقتي الامر غامض. لكن رجالتنا في امريكا حاطين قصر شيمون تحت المراقبة. وعرفنا من مصادر لينا ان كان هناك فتاة تدعي فيروز بتروح لقصر شيمون من كام سنه فاتت. انما الغريب والعجيب. ان فيروز طلعت زوجة الظابط المصري عمر الديب اختفت ورجالتنا في مصر شافوها خارجة مع اسحاق ابن شيمون
فيصدم اميل ويقول
اسحاق القتيل مع فيروز
نوعام
دة التقرير اللي جه لينا
اميل
دة جنون.
نوعام
دة اللي قدام مننا وفي ايدينا لكن انا بعتقد ان في حد بيلعب بينا لعبة كبيرة اوي
اميل باهتمام
حد زي مين
نوعام
المخابرات المصرية مثلا.
اميل
تقصد اية
نوعام
اقصد ان مين لي مصلحة يخلي عدنان وشريف يقتلو ولادهم قبل ما ينفذوا العملية لمصلحتنا وبعدين يدخل خنجر شيمون في المخطط ومن بعده ظهور ابن شيمون اسحاق
اميل
وهما هيستفادوا اية من دة كله
نوعام
التشتيت ويخلونا نعيش في الوهم ونحارب وندور علي اشباح ماتت من سنين
أميل
دة يبقي مخطط شيطاني
نوعام
المصرين عندهم بدل الشيطان الف شيطان ولا نسيت رافت الهجان وجمعه الشوال وغيرهم وغيرهم. واخرهم عمر الديب اللي خلص علي كل اعضاء منظمة الافعي من سنتين
أميل
لو دة مخطط من المخابرات المصرية. لية فيروز دخلت في المخطط ومعقوله عمر يخلي مراته في لعبة زي دي ممكن يكون اخرتها الموت
نوعام باقتناع
فعلا هي حاجة تحير. لو مخطط من المخابرات المصرية ماكنتش فيروز دخلت في لانه هايبقي في خطورة عليها
أميل
خلينا نحط كل الاحتمالات قدام عيونا ونبين للمصريين اننا اتشتتنا لكن في الاصل احنا مكملين في المهمه بتاعتنا وشريف يخرج في اقرب وقت وبطريقة نظيفة
نوعام
تمام.،،،،،،،،،،،،،،
وبعدها بساعه ومن داخل شقة عمر يقف عمر قدام الصورة الكبيرة اللي في الريسبشن وهي صورة لي هو وفيروز بالحجم الطبيعي ليلة فرحهم وكان بيبص لفيروز وضحكتها اللي بتخطف القلب وبيقول
اصدق ازاي بس انك مش معايا. اصدق ازاي بس انك ممكن تكوني ضدي انتي تخونني انا. او تكوني مع حد عايز ليا الاذية. لا. انت اكيد في خطر ومحتاجة ليا. في حد بينتقم مني عن طريقك انتي. بس لية ومين دة
في هذة اللحظة يسمع صوت أسحاق جاي من وراء بيقول ببطئ مخيف
للدرجة دي بتحبها
فيبص له عمر مسرعا ويقول
انت مين
أسحاق بنفس الصوت البطئ المخيف
أنا اسحاق شيمون.
فيتجة عمر ناحيتة مسرعا ولكن اسحاق يدوس علي زرار في ايدة يخرج موجات صوتية كهربائية تصيب عمر بصدمة كهربائية. لا يستطيع الحركة بسببها فيقول اسحاق
احسن لك ترجع لوراء والا خلايا جسمك هاتنحرقك وتتحول لرماد
فيرجع عمر للوراء مسرعا وهو بيبص لأ سحاق بغضب شديد وبيقول له
فين فيروز
أسحاق
فيروز موجودة ماتقلقش عليها. اقلق انت بس علي نفسك
عمر
أنت ازاي عايش وبتكلمني مع ان شيمون قتلتك بالخنجر
اسحاق ضاحكا
وهما الاحياء بس اللي بيتكلمو. أسحاق خلي الاموات كمان يتكلمو
ويبص وراء منه ليظهر قيس وفارس الصبيان المقتوله فيقول عمر
انت فاكر انك ممكن تضحك عليه وتخليني اصدق ان دول موتي وانت كمان ميت
اسحاق
تحب تصدق ازاي. هو مش فارس دة ظهر ليك قبل كدة وحاولت تمسكه لكنك ما قدرتش لانه شبح
عمر
مافيش حاجة اسمها اشباح. وكمان انت ناسي ان اسحاق دة مريض بالتوحد ومريض التوحد ما بيقدرش يعبر عن اللي جوا.
أسحاق
دة حقيقة انا فعلا قبل ما موت كنت مريض بالتوحد
عمر بعصبية
بطل تستخف بعقلي وقولي فين فيروز
اسحاق
فيروز رجعت لحضني وحضن ابوها شيمون
عمر مصدوما
انت كذاب
أسحاق
لا. خالص. وعايز تصدقني صدقني مش عايز انت حر وقبل ما مشي احب اعرفك ان في جاسوس اسمة أسحاق ابرام يهمني جدا انك تحمي من الموت لغاية ما ينفذ المطلوب منه واعرف كويس لو عاش اسحاق هايموت الملك الاخير ولو مات اسحاق خنجر شيمون هايحرم فيروز من الحياة
ويختفي اسحاق ومن معه مرة واحدة فيروح عمر بسرعه ناحية الكرسي اللي كان قاعد عليه ويتحسس الكرسي بايديه الاثنين ويقول
أية اللي بيحصل دة معقولة في كدة. اكيد دي خدعه بصرية متطورة وتكنولوجيا جديدة في عالم الجاسوسية طيب فيروز لية خطوفها وحرموني منها لازم اوصل لها وانقذها من ايد اللي خطوفها حتي لو كانو موتي، ،،،،،،،،
وبعد بكام ساعه ومن داخل مكتب السيد كامل يقف عمر قدام السيد كامل ويقول
يا فندم من فضلك انا لازم اسافر علشان الحق مراتي من ايد اللي خطفوها
السيد كامل بعصبية
انت اتجننت يا عمر عايز تسافر برجلك لاسرائيل عايز تروح لهم علشان ماترجعش من هناك حي
عمر
لازم اسافر واحمي اسحاق ابرام لغاية ما وصل لاي خيط يوصلني لمراتي
السيد كامل
باين عليك نسيت انك ظابط مخابرات وواجب عليك تنفذ الاوامر وانا بامرك انك تنسي فيروز دي خالص لان واضح كدة ان كل دة مخطط هي مشتركه في
عمر
مستحيل يا فندم فيرو،،،،،،،،
فيقاطعه السيد كامل قائلا
الكلام انتهي سفرك لهناك مرفوض علشان في خطورة شديدة علي حياتك ولازم تفهم ان واضح كدة ان دة كمين منصوب ليك والغرض التخلص منك.
عمر
وانا اسف يا فندم لازم اسافر علشان انقذ مراتي
السيد كامل
يعني بتعصي الامر. انت عارف دة يعرضك لاية
عمر
للموت. بس دة لو انا عصيت الامر وانا ظابط مخابرات
فيبص له السيد كامل
تقصد اية
عمر
انا مستقيل يا فندم. وهاسافر اسرائيل ، ،،،،،،،،،،،،،،،،،،
