رواية صراع احفاد السيوفي الحلقة الخاصة الاولي
=قول تاني كده عشان ما سمعتش....
= بنتي مش هتسافر.... شهر عسل ايه وكلام فارغ ايه...... اختشي على دمك وراعي ان انت عندك عيلين.....
بالطبع علمنا لمن هذه المشاجرات..... ولكن سأشرح لكم.... يبدو أن سيف.... يريد أن يأخذ دلوعته... ويذهبا ليقضيا معا عطلة خاصة به هو وزوجته التي لم يمض على زواجهما سوى أسبوع.... ولكن أبو الدلوعه يرفض هذا الشيء.... وبالطبع العائلة كالمعتاد تجلس لتشاهد هذا الشجار الدائم بين الاب والزوج.....
قال راجح =اديك قلتها بنتك عندها عيلين ارحمنا بقى يا راجل.... فيها ايه يا جاد ما تسيب العيال يروحوا شهر عسل......
نظر له جاد وقال بحده =بقولك ايه.... هو عشان ابنك هتطبل له..... انا قلت كلمه بنتي مش هتبعد عني يعني مش هتبعد عني..... صح يا قلب بابي.....
قلب بابي.... ارتفعت ابتسامتها وبربشت بعينيها اكثر من مره..... نظرت بطرف عينيها لزوجها الذي يجلس بجانبها..... رأته ينظر لها ويضيق عينيه في انتظار ردها.... تدخلت سما حتى تنقذ ابنتها التي بين نار إرضاء الاب.... ونار غيرة الزوج.... لذلك قالت لجاد بغضب زائف....
=في ايه يا جاد.... هو انت مش هتبطل تتحكم في حياة بنتك.... مين اللي كان بيقول لي ان هي كبرت ولازم يكون ليها شخصية مستقلة.... بنتك دلوقتي بقت في عصمة راجل .... عيب بقى مش كل يومين مشكله بسبب الموضوع ده....
=سمسم....
=نعم يا روح سمسم....
=اسكتي خالص....
=حاضر يا حبيبي....
ضحك الجميع....وااه... التفتوا ليارا عندما صرخت هكذا ونظرت إلى زوجها بعين متسعة.... اكتسى الخجل ملامحها عندما قال هذا الواقع الذي قرصها في مؤخرتها.... ولا زال يتحسس عليها بحميميه غير عابئ بنظرات الجميع....
=حضرتي الشنط يا دلوعتي....
قبل ان تجيب عليه يارا... كان جاد يقف من على مقعده ويتقدم من ابنته يأخذها من معصمها يحاوط كتفها بذراعه ويقول بعصبية...
=طلق بنتي يا ابن الكلب يا حيوان.... روح هات المأذون يا سليم...
نظر الجميع لجاد بصدمة.... اما هذا الوقح ابتسم ابتسامة مرعبة وانحنى برأسه للجانب قليلا... اتسعت عيني يارا.... وابتلع يوسف لعابه بصعوبة.... أما راجح وقف سريعا واقترب من جاد وقال بإرتباك وهو ينظر لابنه.....
=سيبهم خليهم يسافروا...... احسن ليك ولبنتك ولينا وحياة عيالك يا شيخ تسيبه يسافر....
نظر له جاد من أعلاه لأسفله باستغراب.... التفت الى سيف عندما وقف من على مقعده ببطء وهو يبتسم نفس الابتسامة المرعبة.... وضع يديه الاثنين في جيب شورته القصير ثم توجه إلى الخارج وهو يدندن....
=غاب الاسد طلعوا القرود.... شدوا الفتيل ضربوا البارود حتى المعيز قلبت سباع....وعجججبي عليك يا زززمن....
قال هكذا بصوت عالي ثم توجه إلى الخارج... لم يفهم احد معنى حديثه سوى زوجته وشقيقه يوسف والجنرال..... الجنرال الذي نظر الى زوجته عندما وقفت بجانبه وقالت بعدم فهم....
=في ايه يا راجح انا مش فاهمه حاجه.... ابنك راح فين.....
قال يوسف بخوف=كلنا هنعرف دلوقتي هو راح فين....
رد عليه عامر بعين متسعة=اوعى يكون اللي في بالي....
=امممم... هو....
وقف عامر من على مقعده وقدمه ترتعش ثم قال بخوف....
=لاااا....سيبوه يسافر بالله عليكم سيبوه يسافر انا عايز اتجوز....
قالت ساره باستغراب=هو في ايه يا جماعه.......
نصف ساعة تقريبا وكانت الفتيات تصرخ بفزع.... ليس هن فقط بل الجميع صرخ بفزع ما عدا زوجته التي وضعت يديها على وجهها.... وقالت وهي تحرك رأسها بإنكار....
=انا تعبت....
اتسعت عيني جاد.... و هلع الفتيات وفتحت سما وشمس افواههم ببلاهة... عندما دخل بعض الرجال المقنعين.... وهم يحملون أسلحتهم.... وقفوا صفا واحدا امام العائله.... ثم....
=رجع الأسد تاني لغااااابته....
هكذا دخل سيف... لالالا... اقصد...اامم... العجمي باشا.... نعم نعم هو.... دخل العجمي ببدلته السوداء و القناع الأسود الذي لا يظهر من وجهه أي شيء ليس هذا المظهر المفزع.... بل المفزع هو هذه الثعبانه التي تلتف حول عنقه وهذه الثعبانه هي للاسف.... سالي...
ضغطت يارا على شفتها السفلية حتى لا تنفجر ضاحكة على مظهر عائلتها التي ترتعش خوفا حتى والدها هلع من مظهر هذه الحية ومن مظهره هو شخصيا..... اقترب منهم بخطوات دبت الرعب في قلوبهم جميعا.... جلس راجح على احد المقاعد البعيدة وهو يقول...
=انا ماليش دعوه انا عن نفسي موافق على السفرية دي.... ما تشغلش بالك بالعيال احنا هناااا....
=قوووووم....
=حااا..ضر...
وقف راجح على الفور بعد هذه النبرة المرعبة التي خرجت من هذا القناع المزود بصوت مخيف.... وقفوا جميعا بارتعاش امامه.... وهو رفع سلاحه و مرره على الجميع بحركة دبت الرعب في قلوبهم.... يعلمون انه لن يفعلها ولكن حقا مظهره كان مرعب.... ثم قال لجاد بعد ان أحنى رأسه للجانب قليلا....
=تحب تموت ازاي يا ابو دلوعتي....
ابتلع جاد لعابه وقال بصعوبة =والله انا احب اموت موتة طبيعية هستنى معادي... لو مش هيضايق حضرتك....
=امممم.... لا مضايقني يا جاد.... عارف ليه مضايقني.... هقولك ليه...
انتفض جاد والحاضرين فزعا.... عندما اقترب منه وقال من خلف القناع بصوته المرعب.....
=علشان بتدخل في اللي مالكش فيه..... بحاول اكون بني ادم محترم وابن عيله بس انتم مصرين تطلعوا العجمي اللي جوايا....
اقتربت شمس منه وقالت=اهدى يا حبيبي... شيل البتاع اللي على وشك ده.... صوتك يخوف قوي يا ابني....
نظر لها من خلف القناع... وقال...
=مامتي لو سمحتي اقعدي على جنب.....
نظر الى يارا من خلف القناع واشار لها بان تتقدم وهي نفت برأسها والابتسامة البلهاء تشق ثغرها جعلته يبتسم من خلف قناعه لا اراديا ولكن قال بجديه....
=تعاااالي...
وضعت يدها على فمها وقالت من بينت ضحكاتها...
=طب شيل سالي...
=تعالي هعرفك عليها....
=لا يا سيف انا مش عايزه اتعرف عليها... ابعدها بقى...
=ميناااااا.... تعالى خد سالي عشان دلوعتي خايفه....
عااا.. صرخت شهد هكذا متفاجئة...ثم انفجر الجميع ضاحكين عندما دخل مينا الذي كان يرتدي قناع الجوكر... ولكن بالاسفل كان..اا... التفت العجمي له نظر إلى ملابسه التي كان يرتديها وقال......
=هو الاستاذ عنده تسلخات ولا حاجه.....
قال راجح من بين ضحكاته=ايه ده يا ابني...
وضع الجوكر يديه الاثنين في جيب شورته القصير المطبوع عليه حبات فراوله باللون الأحمر وهو باللون الأبيض.... ومن الاعلى كان يضع وشاح قصير حول عنقه.... ثم قال...
=مش فاهم ايه اللي يضحك.... انا بحب انشر ملابسي الداخليه قدام الناس كلها.... وبعدين العيب في ابنك.... اللي ماهنش عليه لحظة الاسترخاء اللي انا كنت فيها....
قال سليم بضحك=كنت في مساج يا مينا.....
رد مينا من خلف القناع بكل غرور...
=كنت في بيت الراحة..... لحظة استرخاء قطعها اخوك.... أقول له يا عم اصبر هلبس يقول لي تيجي لي زي ما انت... استنى اخلص الحاجات دي بتحب الضمير.... وهو يقول لي ابدا.... فاضطريت ان اجي بالهوت شورت بتاعي والكوفية عشان تدفيني....
التفت سيف ليارا.... ونزع قناعه ونظر لها برفعة حاجب.... وضعت يدها على فمها حتى تكتم ضحكتها التي خرجت مع الجميع.... اشار لها أن تتقدم.... اقترب مينا منه وأخذ سالي من على عنقه.... اقتربت يارا وهي تنظر له بعين الجرو اللطيف.... وهو قال بجديه مصطنعه....
=المفروض اني كده اتثبت....
هزت رأسها بمعنى نعم... وهو قال...
=اتثبتنا.... يلا بينا....
قال جاد منفعلا =يلا بيكو فين...اناا...
=انت تخرس خاااالص....
تراجع جاد إلى الخلف... عندما رفع السلاح في وجهه وصرخ به هكذا.... نظر راجح بطرف عينيه لجاد عندما قال بضيق...
=ماشي يا ابن الكلب.... والله لاخليك تطلقها... انا جاد السيوفي اقف الوقفه دي قدام عيل بشخة زيك... ماشي هوريك....
=ادينا ميعاد....
نظر جاد إلى راجح بعدم فهم عندما قالها هكذا فرد عليه راجح...
=عرفني هتنفذ كلامك امتى طول عمرك بتقول له كده هوريك هوريك يا عم نفسي مره تاخد خطوة جد وتوريه....
زفر جاد بضيق.... ونظر الى الخادم الذين ينزلون الحقائب الخاصة بسيف وزوجته وايضا أطفاله ومربية أطفاله التي كانت تحمل الطفلين داخل عربة صغيرة.... قالت سما...
=طب انت واخد العيال معاك ليه..... خد مراتك وسيب العيال...
وضع يده على كتف الدلوعه وقال...
=هاخد عيالي التلاته وهمشي ومش هتشوفوا وشنا تاني....
قال يوسف بتوجس=يعني ايه انتم مش راجعين تاني....
أشار للرجال بأن يتقدموا ثم سحب زوجته وتراجع الى الخلف بظهره وهو يقول ويلوح بالسلاح أمامهم....
=انسوني شهرين... انا وعيالي... مع السلامه يا عيله فقر.... لا مؤاخذه يا مامتي....
ضحكت شمس وكان الجميع يحاولون ان يقتربوا منهم ولكن وقف الرجال كالحاجز ليمنعوهم من الاقتراب منه وهو اخذ زوجته واطفاله وذهب وجاد يصيح بانفعال...
=مش هسيبك يا ابن الكلب.... طب سيب راجح يا سيف.... او حتى شموستي...ااه....
صرخ متألما عندما لكمه الجنرال في معدته وقال بغيرة...
=ايه شموستك دي.... انت بتدلع مراتي يا جاد....
رد عليه جاد بلكمة في وجهه وقال بانفعال...
=مراتك مين دي حفيدتي انا عايز شمس حبيبتي... ابنك ابن الكلب خدهم ومشى.... خد البنت والعيال....
قال جاد هكذا بنبرة باكية مصطنعة.... ضحك الجميع عليه.... والعجمي أخذ زوجته.... واطفاله وانطلق بالسيارات.... زوجته بجانبه واطفاله في الخلف مع المربية.... وانطلق قاصدا وجهته.... وهو يقول...
=قال ايه ما فيش سفر.... ابوكي ده عايز يتعلق يا دلوعة بابا....
......
