رواية لأني عاقر الفصل العشرون بقلم مريم خفاجة
برضاتك ضيعتني
وحتى مامجبور
ومالمتك، واگول عيَوني بيها قصور
شحاسب گلبي جمرة؟
اشتعل يلا تهيد
يمن بيك التعب ميفيد
بلعب جر الحبل مو شرط اله تفوز
مرات الخسارة تريح الايد .
...
دفعتها بخفة وسلمت ؏ باقيين
وهي ضلت عيونها ؏ مطبخ عرفتة موجود
سارعت خطواتي ولكيتة واكف
يشرب ماي من البراد ومغمض عيونة
نزل الكلاص وحس بية موجودة
رفع عيونة علية وهمس:-ملاكي
انخفض نفسي من اسمع هالأسم
جرني من عكسي وحضني وهو حاط راسة
برگبتي غمضت عيوني
وغرست اصابعي بشعرة وهو يبوسني
واحنة صايرين كبال الصالة
يعني كبالهن
وخرني عنة وهو يباوع لعيوني:-انتي زينة؟
هزيت راسي بـ اي
ذب نفسة وباسني بگصتي ولزم ايدي
وطلعنة سوة من المطبخ سلم ؏ ام ولاء
وهي تكلة:-الف مبرررووووك يمة منك المال ومنها العيال ان شاءلله نشوف اطفالكم وتتهنون
هز راسة وهمس:-ان شاءلله
و ولاء ورندة وخالتي عيونهن ؏ ادينة
المتشابكة عاف كلشي وصعدنة سوة
فتح باب غرفتنة
رأسا ركضت ملك لبست الحجاب
وهو دنك راسة ونوب باوعلها وهي كالت
وتباوعلة من فوك لجوة بغيض:-شونك كمال
كمال:-هلة ملوكة
باوعلي وضحك:-عدنة ملوكات ثنينه شون بلوة
ابتسمت وهي دارت وجهه حتى ما ابتسمت
وهو استحى منها وراد يطلع
صاحت:-لا تعالوا دخلو راح اروح اصلاً
كمال:-ليش ضلي للغدة
ملك:-لا عندي امتحان يلا حبي ديري بالج ؏ روحج ميفيدج شي صحتج اهم
وجهي صار احمر وهمست:-اي يلا الله وياج
عافتنة وطلعت وسدت الباب وراها
ضحك كمال:-هاي اختج مو مثلج
ابتسمت
وهو سحبني وخلاني گبالة دنك راسة علية
وباسني بشفتي
وهو يمشيني للجرباية
ذبني عليها وهو فوكاية
ابتعد يلتقط نفسة
اخذت نفس عميق وباوعت لعيونة:-شلون جانن ليلاتك؟ ارتاحيت مو؟
كمال:-وحق الفوكانة نفس كوة اتنفسة بدونج
ملاك وعلي لو شما احجيلج شعوري ماتصدگين
ملاك:-وفعلاً مراح اصدك لان ماكو شعور
يتوصف مثل شعوري
رحع باسني ويحضن بية
اندك الباب وعرفتها منو راد يفتحها
دفعتة واني فتحته وباوعتلي من فوك لجوة ضايجة
ولاء:-يلا كمال تعال تريك
وهو متجهه للمرايا همس:-جاي
طنگرت بالزايد ونزلت
واني طبگت الباب واتجهتلة حاوطتة
من ورة وحطيت راسي ؏ متنة
واني رافعة رجلية واباوعلة من ورا:-متعاركين؟
كمال:-اي
عكدت حاجبي:-ليش؟
كمال:-لابسة قصير ورجليها طالعة صيحت عليها ضاجت
ملاك:-وانتَ شعليك بيها؟ خلي تلبس كلشي الجان
باوعلي بتك عين:-يعني طالعة وياي والناس تباوعلها تدري بيها مرتي شنو ماعندي غيرة
ابتعدت ورفعتله حاجبي:-مرتك؟
ضحك ودار وجهه علية
كد ؏ ميز المرايا وخلاني بين رجلي
كمال:-بدينة بالغيرة يملاك؟
ملاك:-تدري بية اني من امك اغار عليك
تريدني هسه وعادي اتقبل؟
كمال:-اتحملي بس هالاسبوع يمر
اخذت نفس وكتلة:-يلا خلي ننزل
لزم ايدي وباسها حيل وابتسملي
دنكت راسي ونزلنة سوة وهنه ضايجات
كلها شفت وردة كاعدة ابتسمتلها وهي ضحكتلي
نترت خالتي:-ادري وييينك عفت العاالم وركضت لفووك نريد نتررريك
جاوبها بنفس النترة:-وما تتريكون لازميكم
جرلي الكرسي وهمس:-اكعدي
ابتسمت اكثر وكعدت وكعد بصفي
وعلاوي من الجهه الثانية
و ولاء تباوع وعيونها مدمعة نوب دنگت
شو اني انقهرت عليها؟
لا طبها مرض محد كاللها اخذي زوجي مني خلي
تتحمل
وهو يوكل علاوي ويضحك ويا:-طيارة
طيارة طيارة اجت اجت عفييية
وضحكوا بصوت عالي واني اباوعلهم وابتسم
شلون ثنين حلوين
قطعت صوت ضحكاتهم
صوت خالتي:-ادري انتَ متزوج ولاء لو علاوي
كمال:-هذا عزيز گلبي عوفوني وياه
علاوي:-خالو
كمال:-يابعد روح خالك
علاوي:-انت علوسة؟(عروسة)
ضحك بصوت عالي وخربط شعرة
وهمسلة:-لا اني عريس هاي عروسة
واشر ؏ ولاء ضحكت هي
وتباوعلة
سكتت واستمريت آكل سمعتة رجع سأل:-وخالة
ملاك؟
ابتسمت وباوعتلة واني اميل
راسي:-اني العروسة الاوله حبيبي
ضحك وصفك بادي وكال:-نين علوسات(ثنين)
ضحكت واني اباوع لخالتي و
اشرب بالجاي وعيني تتجول بيناتهن
كاعدات سطرة وحدة
وكمال واني و وردة وعلوش كاعدين
بالجهه المقابيلهن
سكت الكل وضلينة ناكل لحد ما كمنة
وغسلنة الاماعين اني و وردة
وهي تضحك وياية وتكلي:-لو تشوفيها شون كبت
من طبيتوا
ملاك:-طبها مرض تدرين كمال متعارك وياها قبل لايجون
وردة:-يالله خير بدايتها
ضحكت بقهر وهي تباوع لعيوني
وردة:-الله كريم حبيبتي ربج يباوعلج من فوك
اذا تكملون تكملون واذا لا فـ هاي مشيئة رب العالمين
باوعتلها وهمست بخوف:-لا ماكدر اعوفة لو شما يصير ماعوفة
ابتسمتلي:-ان شاءلله متتفارقون
همست:-يارب
سوينة الغدة
تغدوا وخلصوا وكلشي وكع بروسنة اني
و وردة
كملنة شغل باوعت للساعة ب2 الضهر
دخلت للصالة مالكيت احد
رحت للاستقبال لكيتهن نايمات
و ولاء مو وياهن
انقبض كلبي ملاك شمتوقعة؟
غير عرسان!
صعدت وانفاسي تنخفض
باوعت للغرفة مطفي الضوة
وضوة احمر مشتغل تمشيت ورجلية ترجف
ودموعي معلگة برموشي
وشفتي تهتز
وگفت يم الباب وغمضت
واسمع صوتها بسبب قربه الها
ضل كلبي تزداد دكاتة بسرعة بسرعة
نزلت دموعي
من سمعتة يضحك
وهي تضحك بخفوت واسمعة يكللها:-ها؟
اذني نطرمت ماكدرت اسمع مدري
ليش ايد صارت ؏ عكسي باوعت وهمست
وشفتي ترجف:-وردة
جرتني من ايدي
ودخلتني للغرفة وسدت الباب:-حرام عليج ملاك نفسج امانة عندج ليش تأذين روحج كافي ماتعبتي عوفي اذا يحبج ويريدج ماتوكفة ولاء ولا الف مرة ملاك صيري قوية لاتضعفين وتخليهم يشوفون ضعفج
سكتت ومسحت دموعي
وكعدت ؏ جرباية واخذت علاوي لحضني
وضليت اهز بي والهي روحي
لحد مانام وهي تباوعلنة تمددت بصفة
وشبكتة ونمت
للعصر وفزينة ؏ صوت هلاهل جوة
وصوت ناس عرفنة اجت العالم تباركلهم
كمت متحطمة وكلبي متهدم
انفتح باب الغرفة وطب كمال شعرة ينگط
مي درت وجهي عنة
تقدم ورفع راسي بأصبعة:-وتالي وياج؟ مصرة تأذين روحج؟
عكدت حاجبي:-انتَ دتأذيني وتگول لاتأذين روحج؟
لاتذبها براسي كمال
كمال:-ولو يوگع بيدي هذا كلة يصير؟
ملاك:-لعد اذا مو بيدك بيد منو؟ غير انت الرجال
والي كلمتك مسموعة؟ حجي النسوان صار
يمشيك
رفع حاجبة وهو ملامحة
تبدلت للعصبية:-شو بديتي تتجاوزين حضرتج؟
سكتت ودنگت راسي:-اعديها هالمرة وأكول ضايجة
مرة الثانية مايوگفني لا حب ولا كلاوات
لأن كايلج قبل اليتمادى وياي يشوف شي ماشايفة
وانتي افهمي الكلام بعد
عافني وطلع
كلاوات؟ صار حبي اله كلاوات كلة؟
وردة:-الج خلك للدموع يملاك ماتعبتي
درت وجهي عليها ونترت:-؏ اساس اني ابجي بكيفي
شو والله بطرانين انتوا كافي وكافي گلبي هذا مايسكت بـ كافي اني اذا مو عيوني تجري
فـ گلبي معوض
سكتت وهي مدنكة
كمت طلعت بنطرون وقميص قصير
وشلت شعري ومكيجت ونزلت شفت جوارينة
ونسوان غريبة بعدين تذكرتهن
خالات ولاء
وهي كاعدة ومرتبة روحها
تأفأفت وگعدت كمزت خالتي وكالت:-يمة ملاك كومي سوينلة جاي
يمة؟ اني لو انتي امي اتبرة منج
كمت من يمهن وحطيت الجاي ؏ نار
وكعدت ؏ كرسي انتضرة يفور
طب وهو بيدة علاكة سودة
باوعتلة زغر عيونة وهز راسة
حط العلاكة ؏ ميز واجة بصفي فتح
باب البراد وترس كلاص المي وشرب وعيونة
علية
دنگت راسي
وهو رجع الكلاص بمكانة
وضل واكف
شوية وسمعت صوتة:-وكيحة
رفعتلة حاجبي واني كالبة
كصتي وهو كال:-شو صايرة ادبسز
هاي هيج الحب يسوي
ملاك:-شايف هاي النسوان الكاعدة بالصالة
كمال:-اي بلا؟
ملاك:-لو بس واحد يشجعني ويكول گومي
جان كمت ورشيت نفط وحرگتهن
بدون متهز مني شعرة
هذا حبك الي بگلبي التستهزئ بي
كمال:-يعني تحرگين الدنيا علمودي؟
ملاك:-اسوي الماگدرت انتَ تسوي
كمال:-شنو الماگدرت اسوي؟
ملاك:-ماگدرت تدافع عن حبك
وظل واگف بطريقك خجلك وحياءك وخوفك
وكبريائك طبعاً
كمال:-دافعت هواي والدنيا ضدي
سكتت وضليت
مدنگة راسي وادك ؏ الميز
اخذ خصلة من شعري وشمها حيل وباسها
واني كل ما اتذكر اصواتهم
يزداد كرهي للموضوع
شون اتقبلة؟
خلص الجاي وكمت صبيتة
وشفتة جايب بسكت
رتبتهن بالاماعين
وقدمتة الهن
وگعدت اباوعلها تحجي منطلقة
فرحانة ومكيفة بالوضع وحدة من النسوان جانت كاعدة بصفي همستلي:-انتي ليش ماسويتي انابيب؟
بعدني اريد احجي وكالت خالتي
بصوت عالي:-يااا أم احمد نسبتها ثنين منين تنجح العملية
أم أحمد:-والله الطب تطور تگدر ترفع نسبتها بالعلاجات والله الاعرفهن صفر ونجحت عملياتهن
ظل گلبي يدك للموضوع:-وين سون يعني؟
أم احمد:-بت اختي والله سوت بالأردن
والثانية بأيران وثنينهن نجحن
بيداء:-لا ملاك ماتنجح عمليتها اني سألت صديقتي الدكتورة رحمها ضعيف
ليش ماتريدني افرح؟
من كلامها احسها دتقاتل حتى ما اتناقش
بهذا الموضوع سكتت اني وذبيت
نفس
وهاي ام احمد تباوعلي وتهز براسها
بأسف
شوية ونزلت وردة
وابنها بيدها وهي لابسة مني
شو هاي اخذها الواهس؟
ضحكتلها وهي سلمت وگعدت
وعلوش بحضني وضل مجلب برگبتي
عكدت حاجبي ولويت راسي:-شو عيني اخذج الواهس وكمتي تلبسين مني؟
وردة:-ملابسج حلوة شسوي
ملاك:-وانت يمة ماعندج ملابس؟
وهي تباوعلي بحزن:-كلشي ماعندي بطرك الدشاديش افتر منيلي ماكو ماعندي
ضحكت وضربتها براسها
اعرفها تتشاقة وباوعت لعلاوي
اكثر شي مُتعب بي انو هو يسأل هواي
وماينسة ابدد
طفل عمرة اربع سنوات؟
كلشي يتذكر اني مصدومة منه بحيث يطلع
سوالف قديمة امة تضل صافنة
حتى مرات احجي حجاية يرجع يذكرني بيها
ثاني يوم
علاوي:-خالة
ملاك:-روحها
علاوي:-ليش خالو عندة نين علوسات وبابا لا؟
ضحكت و وردة هم ضحكت وضربتة
وردة:-شمولفلي ادبسز
ملاك:-باوع حبيبي
علاوي:-وين اباوع
ضحكت اكثر واني مرجعة نفسي
لورا واضحكلة وهو ؏ افخاذي
كاعد:-يعني اقصد باوعلي
هز راسة وهو يباوع يالله ذكي حيل
ملاك:-اني مايصير عندي نونو ببطني يعني مايصير
طفل مثلك افتهمت؟
هز راسة وهو عاكد حاجبة
حجيت ؏ كيف:-فـ يا حبيبي يا علوش بيبي
تريد تشوف طفل حلو مثلك يلعب بالبيت
واني مايصير عندي
فـ خالو تزوج حتى يجون اطفال هواية
ها؟
هز راسة ورجع سأل:-ليش مايصير نونو؟
باوعتلى بأسف:-لان مريضة
باوع لأمة وهمس:-ماما خطية
حتى انت؟ مو كافي سمعت الخطية هواي؟
علاوي:-ماما جيبيلها نونو وانطيهيا
ضحكت وكالت:-خوش فكرة والله
ملاك:-ترا هذا ذكي كلش
وردة:-مشيب گلبي لو شايفة
اذا نكعد ؏ فلم لو مسلسل يضل يسأل وهاي شنو وهاي منو يمة تطك روحي واضربة
ضربتها ؏ فخذها وهمست:-يا ادبسز ليش تضربي
وردة:-ولج يتعب يتعب
ذاك اليوم يسألني يكلي اني شلون اجيت
ضليت صافنة شگلة
گتلة ابوك كد ما متدين ضل يدعي وانت صرت ببطني
يكلي خلي يدعيلي يصير نونو ببطني
متت ضحك ؏ سوالفة
هو شكلة حلو حيل شعرة اسوود طوخ
وعندة كذلة شكد ما يكصوها تنزل ؏ عيونة
وعيونة كبار مدورات وخدودة وحلگة احمر يجنن
وسوالفة بعد احلى
بحيث يحجي الكلمة ويفتهم معناها كم كلمة
يحجيها مكسر بس كلامة الباقي عدل يكول
رجال جبير
كلش أحبة مرات اخلي يبات يمي
ونضل نلعب اني وياه وكمال
وجنها هاي الخطة الراح اتبعها بعد مايروح كمال
يمها
لليل والخطار ما وگف
حتى خالاتي اجن متضايقات بس ساكتات
ماكدرن يحجن بس وجبن وراحن
وهنه يهدأن بية
ومرت يومين وتلاثة واربعة وهو يمها
واني روحي تحترك
وبيوم انفتح الباب ودخل مبتسم
فز كلبي وحجيت بسرعة:-راح تضل هنا مو؟؟
هز راسة وابتسم
ذبيت نفس وكمت طلعت ملابس
وبدلت وعدلت روحي وهو يكرز حب وعين
علية وعين للتلفيزون
من خلصت
جرني الة...
نمت ؏ صدرة وهو يشيل الكذلة عن عيوني
ويضحكلي:-هاي هيج مشتاقتلي؟
ملاك:-شو انتَ مستغرب مني؟ يعني ولا كأنما
اني من تروح يومين وترجع اموت
كمال:-بس مو هيج حماس
ضحكت:-صارلك اسبوع وتكلي مو هيج
ابتسم وظل يمسد ؏ شعري واني شابكتة حيل
وما ناوية الليل يخلص
لدرجة ضليت الليل كلة كاعدة اباوعلة
هو يحبني مثل ما احبة؟
يضل حُبة ألي للأبد لو؟...
فزيت بالتسعة
استغربت كمال مموجود
وباب الحمام مفتوح هو من يظل يمي
وحتى يم ولاء ابقة اتگلب لل11 يلا يگعد
شعندة هسه بالتسعة
تتغير الموازين؟
كمت سبحت ونزلت شعري يكطر مي
ومشطي بيدي
لكيته متمدد ؏ قنفة وهي
بصفة لزك گاعدة ويضحكون اسمع
صوت ضحكاتة القوية
وهي تگلة:-والله شبيك
بصوت ناصي أنوثي بلهجتنة "تتماوع"
نزلت وكلت:-صباح الخير
رفع راسة وباوعلي مبتسم:-صباح الملاك يحلو
ابتسمت و ولاء ردتلي الصباح
ملاك:-جا خالتي وين؟
ولاء:-بالصبة
كمال:-تعاي
گام واني گعدت كبالة و ولاء تباوع مستغربة
اخذ المشط من ايدي وظل يمشطلي وهي
گبت نار
عافتنة وكامت طلعت برة
واني احس روحي طايرة خليها تغار مني
وماغار منها
خلص وباس شعري
ورجع تمدد باوعتلة وكلت:-شعجب كاعدين من وكت
كمال:-جا مثلج تنبل مال نوم
ملاك:-لا بالله غير انت تخليني سهرانة
ضيك عيونة وكال:-وغير انتي شالعة گلبي بحبج
ملاك:-شوكت تداوم؟
كمال:-باجر ، الظابط خابرني يكلي ادري
يومية متزوج
ملاك:-يعني اليوم تنام يمي؟
كمال:-مانام يمجن انام يم أمي
ملاك:-رجاءاً لاتجمعني وياها!
ضحك:-اويلي منج
نصيت صوتي:-كمال ماجاي اتقبل الوضعية
يعني طول عمري اظل يومية اشوفها هيج لازگة
بيك اموت والله المنضر ماجاي يطلع من عقلي
كمال:-يومين وتمل مني وداعتج هسه هاي بدايات مال غيرة ومال عرس
ملاك:-واذا ماملت وحبتك؟ لان اعرف اصنافها كلش زين مرت ابوية وغيرها وغيرها
كمال:-هاي بعد تكافشن انتي وياها من الشعر جا شسويلجن
ملاك:-زين هي هم تجيب طاريي يمك؟
كمال:-شتحجي مثلاً؟
ملاك:-يعني تكلك ملاك هيج سوت وهيج؟
كمال:-لا ماحس عدها هاي السوالف
هي مقهورة عليج اصلاً
ملاك:-وليش تنقهر علية يمة؟ شبية شناقصني؟
ليش تخليني اروح اكتلها تنقهر والله يالله عساس
بية سرطان لو بية شو شنو وتنقهر اصلا اني مقهورة
عليها لان گلبك مو الها اصلاً وماكو مجال تجي
تكعد بي يالللله اكررههها كمال اكرررههها
كمال:-الله واكبر هذا كلة بگلبج
ملاك:-لا مو كلة وانتَ اذا شفتك
تضحك وياها بعد اشوفك شي ماشايفة بعمرك وحياتك كلها
كمال:-اويلي يابة
سكتت واني اتنفس واحس نفسي يطلع
منة نار
گمت امشي ؏ كيفي اريد اتصنتلهن
وكمال يصيح وراي:-ولج مليكان كافي بطلي هاي السوالف
باوعتلة وخزرتة:-معليك انت
ورحت اتسمعلهن
ولاء:-عمة والله جاي اغار مادري احبة هواي
غمضت عيوني بدينة؟
بيداء:-جا شنسوي يايمة جيبيلة وليد
وعلي يضل يركض وراج ماتشوفي شلون يحب ابن وردة هو بس يشوف الطفل يا ملاك يا عالم يمكن حتى اني ينساني
ولاء:-الله اني هم متحمسة متعرفين شلون
احب الاطفال وان شاءلله اجيب اكثر من طفل احسكم نحرمتوا من وراها
بيداء:-اي والله ييمة هو هم خطية طب الثلاثين
ولسة ماعندة هم حقة
حطيت راسي ؏ حافة الباب
تجيبلة اكثر من طفل؟
ينساني وينسى أمه؟
يحب ابن وردة صح بس هو هم يحبني؟
يعني معقولة؟ يصير عندة اطفال والنوب يميل
الها كلبي ظل يركع سويتلي ريوك
وأكلت
ومرت الايام متشابهه ولو تشوفون
حرگتي تزداد كل يوم اشوفة يطب غرفتها
واظل احترك بنار
داوم ومرن عشرة ايام ؏ زواجهم
لهنا تمام؟
وبيوم ...
صبيت جاي كوب الي والة وهنه ماصبيتلهن
دخلت للصالة وانطيتة الكوب
اخذتة ولاء من ايدي
وهو مدنك يمسح بوجهه
حتى ما اخذ الجاي من ايدي؟
استغربت منه
هو صارلة يومين كلشي
متضايق مدري شبي
وكل ما اسأله شبيك يضيع السالفة
لو يحضني لو يبوسني
وماكو سالفة تضيع وبيها خالتي و ولاء
وكفت لازمة الريموت وايدي
؏ خاصرتي اداور بالتلفزيون واذني يمهن
ولاء:-عمة ترة والله تركيا احس احلى شابعة اني من ايران ومن الزيارة
عكدت حاجبي ودرت وجهي
عليها وباوعتلها:-شنو تركيا؟
بلعت ريگها وكالت:-شنو كمال ماگلج
كمال:-لاتاكلين تبن كااافي
بيداء:-شنو الكافي جا غير مرتك؟
ملاك:-شكو؟
جسمي يرجف وفكي يهتز اسمع صوت
طكطكة اسناني
ولاء:-نسافر اني وكمال شهر عسل
عيني صارت علي غمض عيونة
وبقة مدنك
صارن عيوني يحرگني من الدموع
وگع الريموت من ايدي وهنه يباوعلي
رفع راسة وعينة حمرة
نزلت دموعي وغصة صارت بگلبي
بيداء:-عليمن تبجين جا انتي مو اخذج وسافرتوا
ماهتميت عقلي فاصل وعيوني علي
گام يريد يوصلي عفتة وركضت لفوك
ردت اسد الباب حيل
وهو خلة ايدة بحيث سمعتة صاح
ودفع الباب
كمال:-ملاك بس افهمج
ملاك:-شتتتتتفففففهمممممممممنننننننيييي شتفهههههمممم رررروووح عنننني رووووح
كمال:-لج والله مادري والله ستوني دريت
ملاك:-ماتدري مااااااتدرررررررري بكلششششي ماتدرررري ولاتعرررف شي وبكلشي مجبور ومستححححي وااااني اننننني الوووواگعههه بيييييها رووووح منننننا روح عن خلقتي لاتباووووعلي
ثبتني بيدة ودموعي تجري مغوشات
عيوني وشهگاتي گطعن گلبي
كمال:-وللللج اثبتتتتتيييي زووووج ررررنننندة
حاجزززز ولللللج مووو اني
ملاك:-روووووح والغيييي الحجججججززز لو تستتتتتحيييي لو ماتررررريد تكوووول لااااا لللللك شنو بشر انت شنووو من.... بش... بشررر شنو فهمني
گلي گلي منين مخلوووق احححححححجي يمشيك هذذذا وهذااااا ولكككك داااافع فدددديوم دااافع وكول مررررتي گوووول هاي الجلببببة العايفها تحبني وماترررريد تعوووفني بس ما تحجي ماتكول ادري
ضربت صدرة وهو ضمني اله
وأسمع صوت خالتي داخل الغرفة:-كاااااافي
ادرررري كفرررررنة همممم بنييييه حالها حاااالج
شنووو ترررردين كلشييي الججج عمي طلگها وجفينة شرها
عاط بيها:-يمممممة كاااااافي طلعووووا بررررة
غمتني بثنين اديها وخذت ولاء
وطلعت:-اطلع برة وراهن يلااااا اطلللعععع
دفعتة عني وهو يريد يلزمني واني
اتلاوة ويا لحد ما طلعتة
وقفلت الباب وهو يدك بيها
كعدت وراه اصيح وابجي احس حنجرتي طگت
وگلبي من كد ما سريع
احس ضلوعي تكسرت دگيت ؏ وجهي حيل
حيل بثنين ادية اريد اطلع القهر بروحي
طبني مرض لييييش حببببيته ليش تعلقت بي
لا لا اني معلية
هو هو علقني بي هو
وضليت ساعة الومة وساعة الوم
روحي وماعرف شوكت
ويا ساعة اني نمت بالگاع بالبرد ونغزات
بگلبي تدك
والي هي "نغزات حُبة"
حسيت بصوتة داخل الغرفة
بس جسمي متكسر
ويرجف بهستيرية مافسرت سبب رجفتي
بلاعيمي طاگة
وتأذيني مجرد اريد افتح
حلگي واحجي ماكدرت
صرت طايرة بالهوى حسيت بي شايلني
وصرت جوة الماي وبدون ملابس
واني سن يطك بسن وانكث
بردانة بقيت مغمضة ومطوية ؏ نفسي
رجلية مصعدتهن لصدري وهو يدك
؏ خدي
لفلفني بالمنشفة
وطلعني حطني ؏ جرباية
نطقت بصوت ناصي واني مغمضة:-ماي
كمال:-شنو؟
ملاك:-ا.. اريد م.. ما...ي
ركض جابلي كلاص ماي شربتة
واني بعدني سادة عيوني وجسمي يرجف
لبسني وهو يحجي وياي
واني مو وياه
وحطني ؏ جرباية وبقة يتلمس
بشعري
ليش ما راح معقولة لغة الحجز؟
نمت
وگعدت بـ1 بليل مادري اذا
گعدت قبلها او لا ماتذكر كمال يمي نايم
راسي يأذيني واتذكر الصار بكل حذافيرة
گمت فتحت باب الغرفة
وشفت جنط السفر مسطرة بباب غرفتها
يعني يطلعون الصبح!
واني عبالي لغاه؟
غمضت عيوني ورجعت للغرفة
دخلت للحمام غسلت وجهي وضليت واكفة ؏
مغسلة
احاول اثبت
احس كلشي يتحرك
الدنيا كلها تدور بية
رجعت للغرفة وهو نايم بسابع نومة
تمددت بصفة وباوعتلة
يوم چفك لزم چف غيري
إختنگ كلشي حلو
ماگدرت انام كمت
فتحت المجر مالت الادوية وطلعت
حب حساسية هذا يسطر سطر
اخذت حباية ودخلت بالفراش
وماطولت نص ساعة وغفيت
احلامي غريبة ، واقعي غريب ومُقرف
انتي وين يا ملاك؟
بيا عالم؟ اني وين عايشة؟
الدنيا دتحاربني بس إلي لو غيري هم يتعذب
ورجعت گعدت ب10 الصبح
راسي يريد ينفجر ياللهي موتني كافي تعبت
من هالدنيا
ماهوَ فتحت باب الغرفة ولگيت الجنط
ماهنه
أچذب عيوني واكول لا هسه الگاه
فتحت باب غرفتها مقفول
لشوكت يا گلبي اگابلك ونبجي وحدنة لشوكت؟
ما مليت من حبك أله؟
مامليت من نوحك أله؟
وهو ما مهتم؟
هو لو المقابل بي خير ويبادلنة
جان تعبنة اني وياك هيج؟
تعبتني وتعبتك يگلبي ارحم بحالي
وارحم بحالك وثنين النربح
نزلت خطواتي
ثگيلة واحس ما جاي امشي ؏ كاع
احس امشي ؏ جمر النار تحرگني
خالتي ليش متونسة بعذابي؟
لعنتج من يوم ولادتي لليوم ماكفتج؟
مرمرتيني وتعبتيني
انتي حبيتي
اني تدمرت ليش؟ ابوية حبج
اني شعلية؟
خالي اخذج بدون رضاج وگلبج يم واحد ثاني
اني شنو ذنبي؟
تكرهين أمي
تكرهين خوالي وجدي
اني مالي ذنب والله
كاعدة تتريك بكل برود هاي هيج
البشر عادي عندة يكسر خاطر بشر؟ ويضل مرتاح؟
عود يعني يرتاح صدك لو يتضاهر بالراحة؟
بس لو يتضاهر جان يبين
بس خالتي مامبين بوجهه
دمعاتي وشهگاتي ميكسرن گلبها لو يحننه علية؟
باوعتلي ودارت وجهه
همست من بين انكسارات
وخيباتي:-سافر؟
بيداء:-امم طلعوا بـ 8
غمضت عيوني ورجعت حجيت
بصوت ناصي:-اني راح اروح لأهلي
ضلت تباوعلي من فوك لجوة:-ومنو يضل يمي بالبيت؟
هم وردة ماعدها شغل وعمل
بلعت. ريكي:-زوج رندة هو الحجزلهم و وداهم لمدري
وين خلي يجيب رندة الج وتضل يمج
خزرتني وقبل لا تحجي عفتها وصعدت
اتصلت بأمي گوة احجي
أجر بالحجاية جر همست امي:-يمة انتي شبيج مريضة؟
شهگت: يمة گلبي تعبان گلبي خلص
إيمان:-شكو هم كممماااال ولج يمة انتي وين
ما احطج ماترتاحين ياللهي شمسوية وهيج جاي تعاقبها
ملاك:-يمة دزيلي جاسر خلي يجي ياخذني
إيمان:-روحي يمة روحي هسه دقايق ويجيج
من نعلة الله ؏ شيطان
طبگت الخط واني صافنة
باوعت لمكانة ودموعي تجري ماسكتت ابد
گمت بدلت وجهزت غراضي
باوعت لموبايلي يدك مكتوب "نبض گلبي"
جا شو دگاتي ماسيطرت عليها؟
بعدها نغزاتك تكطع الكلب
رفضتة وغلقت التلفون وشمرتة بالكنتور
اندك الجرس عرفتة جاسر
نزلت واني اسحل بخيبات الزمن التعبني
حتى ما ودعتها كاعدة ؏ مرجوحة وتباوعلي
عفتها وطلعت وسديت الباب وراي
وشفت جاسر صاعد بالسيارة
صعدت بالصدر
جاسر:-وعليكم السلام يابة
ابتسمتلة:-هلة حبيبي اعذرني عقلي مو براسي اصلا
ضحك وگال:-هو من يوم الأخذج كمال طار
نص من عقلج وهسة نص انعم الله
ضحكت وميلت راسي للشباك
وهو يمشي بالسيارة:-شلونكم؟
جاسر:-الحمدلله انتي شخبارج؟
ملاك:-بنص الخير
جاسر:-كمال بالدوام؟
ابتسمت بتعب:-بتركيا كمال بشهر العسل
جاسر:-عليج الله؟
ملاك:-والله اليوم الصبح راح
جاسر:-وانتي صايرة جنج خنفسانة ميتة
تنوحين عليّ بابا عوفي خيولي ركعي ميت جلاق
قابل بس هوَ بالدنيا هاي
ملاك:-بس هوَ بگلبي مو بالدنيا
سكت
جاسر:-عمي بطلنة لانحب ولا ناكل تبن
نكعد وننجب احسللنة شحلاتها
من يومية امي تگعدني بالدفرات مانريد البوسات
ضحكت وكلت:-احسلك
وصلنة شال غراضي ودخلنة
للبيت وريحة بيت أهلي ترد الروح
هَلي وَداعت عَطركُم رَوحَي مَتعوَبة
فتحت باب المطبخ ودخلت لجوة
صوت القُرآن وريحة النضافة وريحة الأكل
وكلشي بية حن لأيامي القديمة
اتذكرتك حتى ألك جنت تحبني هواي واني
بهذا البيت
واحنة سوة بكلشي
جنت ألي بهذا البيت بس ألي...
دخلت للصالة
ياللهي كافي ذكريات طلعت امي
من غرفتها وابتسمت الها شعرها المَبلل
سبحتها بيدها
دشداشتها الجوزي
و وجهه النوراني المُبتسم
ذبيت البيدي ورحت حضنتها واشتم عطرها
من نحرها حييل واحس روحي محرومة
منها
اني ليش عفتج؟
شوداني بطريق الحب؟
أيمان:-شلونج يمة ولج گلبي مفرفح عليج
بست اديها ثنينهن واني مغمضة
همست:-زينة يمة زينة
حطت ايدها ؏ ضهري وكعدنة ؏ القنفة
أيمان:-شلونج زينة؟
هزيت راسي وابتسمت:-الحمدلله
أيمان:-عيونج تكول غير شي يمة!
سكتت ودرت عيوني رجعت
مدت ايدها ؏ حنجي وصار وجهي كبالها
نزلت دموعي وشهگت:-سافر
لزمتني من متوني
وجرتني لحضنها:-كافي يا الله تمرمرت ياربي
اششش يمة اسكتي
وشهگاتي تزداد:-يمة تعبت تعبت والله ماجاي اتحمل بعد ماجاي اطيق الدنيا بكبرها شلون بية
يمة ماجاي اكدر اكرهه كل ما اگول ملاك كرهي
راح يعوفج واضل اقنع عقلي واتخيل انو هو وياها
سوية بس گلبي گلبي مايقنع شيقنعة كليلي يمة شون اقنعة تعبت والله اني تعبت من حُبة
أيمان:-اختبار هذا من رب العالمين يابعد امج
هزيت راسي بـ لا:-مو گد الاختبارات اني ياللهي
ضمتني لحضنها اكثر وتهدي بية
اجن خواتي سلمن علية
واني ؏ كد السؤال أرد مابية حيل وارد أكثر
من طاقتي
تعبت من العتاب تعبت
صعدت لغرفة خواتي
وكالعادة ماكو غير جربايتي التحتضني بأحزاني
نغزات بگلبي تعبتني فوك من طاقتي
ضليت ؏ طول نومتي افرك بصدري حتى تروح
النغزات
لحد ماغفيت
ورجعت گعدت ؏ ألمهن
لزمت صدري الأيسر حيل وشهگت:-كااافي نغزات
كاافي ااااااخخخخ
ريم:-شبيج ملاك؟
ملاك:-كلشي بية اني كلشي
سكتت ونزلت تركض لامي
صعدتلي امي تركض:-شبيج يمة شكووو
سكتت واذب نفسي كوة
بحيث ويا النفس تطلع شهگة وامي
تحاول تعرف شبية ماحجيت
لان ماگدرت
جابولي ماي وشربت اختنگت بالزايد
كمت كوة اتنفس
بعدهم جاسر وضل يدك ؏ ضهري
ويفرك بصدري وعاط بريم:-شوووف هاااي علللت
المررروحة طفيييها
ريم:-غيررر مختنكةةة
جاسر:-ولج تختنك بالزايد بت ال راح اشتمج طفيهاا
طفتها
واجت ملك بيدها قنينة اوكسجين
ولبسونياه رأساً غمضت عيوني واحس روحي ردتلي
ضليت اتنفس بعمق وصدري يصعد
وينزل
لحد ما استقر نفسي وخرها
جاسر
كالت امي:-عوفها ارتاحت عليها
جاسر:-يمة مايصير هذا هو ارتاحت نوخرها ميصير نفس زايد
هزت راسها واجت يمي
بيدها ماي رشتة ؏ وجهي شميت عطرة
عرفتة ماي ورد
وهي تقرة بوجهي وتنفخ
جاسر:-كافي يمة مابيها شي لاتخوفوها شو وخري
وخرها وأجة يمي شالني وخلة
ضهري ؏ الحايط:-ها زينة صرتي؟
هزيت راسي بـ اي وهمست:-جعت
ضحك:-عرفتج من وجهج صار اصفر
أيمان:-هسه هسه خمس دقايق واسوي العشة
بس انتضريني يابعد امج
جاسر:-لا لتسويلها اني طالع اجيبلها من برا
ماتأخر
أيمان:-خاف مو زين؟
باوعلها ورفع حاجبة:-دكتور واكف كبالج
وتنطين نصايح ست امونة؟
ملك:-نعال
جاسر:-بحلگج والله لو ما امي واكفة جا عرفت شاحجي
تخصرت امي وضيكت عيونها:-شتحجي حضرت جنابك الكسيف؟
حك حاجبة وكال:-ما احجي شي والله
ضحكت امي واني ابتسمت بتعب
باوعتلي امي وازادادت ابتسامتها
راح جاسر يجيب اكل
وهنه گعدن گبالي وامي تسولف وياي
وماتجيب طاري اي شي
وملك تحجيلي عن معجبينها بالجامعة
وامي تتعارك وياها وتكلها ابطلج
لحد ماجاب جاسر الاكل سوتلي
امي صينية
وابتسمت للترتيب واكلت كلشي موجود
بالصينية واني اتلذذ بالأكل
خلصت وبعدتها
ورحت غسلت هنه نزلن نزلت وراهن
كعدت بالصالة طلع ابوية من غرفة نجلاء
وباوعلي وضحك:-ها سلامات سلامات
ملاك:-هلة يابة
بابتسامتة الصفرة
المُتشمتة گال:-هسه يجيج من السفر
وهو شايل اربع جهال وضلي انتي لطمي يم علاء
دمعت عيوني ونزلت
راسي
جاسر:-يابة كافي عوفها تعبانة
علاء:-انتَ اكل تبن لاتتدخل
خلي اسولف
جاسر:-استغفرالله ياربي
علاء:-دكيتي وكمتي تنوحين علمود ماتتزوجين
وتالي خوش الله رگعج رگعة وشفى گلبي
ملاك:-يعني عادي بتك تتعذب كبال عينك؟
علاء:-مايهمني
نزلت دمعتي ؏ خدي:-ليش مايهمك مو اني
طالعة من ضهرك دمك يمشي بدمي؟
علاء:-دم امج بيج ماتشوفيني اكرهج لان اكرهها
عكدت حاجبي وابتسمت:-تكرهني؟
وهو يباوعلي باستفزاز
بناتة جيلان وجنى بحضنة
ونجلاء تضحك وجاسر يصيح وحاضني
ضليت مدنكة ودموعي تنزل بسرعة
حطيت ايدي على وجهي وشهگت
اجت امي:-هاي ليش تبجين يممة
جاسر:-هاي اخر مرة اسمعك تحجي وياها بهالطريقة
لاتعرف شيصير يابة ملاك وامي خط احمر اليتعداه
يعرف شيصير وانتوا ادرى بالأحجي اني
الغريب ثنينهم سكتوا؟
شنو الشي الازمة جاسر عليهم؟
ضلوا يتلفتون
نجلاء:-امدة البطن الشالتك
جاسر:-الام التربي مو التجيب يمة
وانه ايمان ربتني
ضلت تصيح وتغلط وهو حاطني بحضنة
ويمسد ؏ شعري ويهمس:-معليج بالحجي
عافونة وكاموا وبنات نجلاء غمني
كام جاسر كتلهن وطردهن فوك
وكعدنة احنه الخمسة
بدون غل وبدون حقد واحد كلبة ؏ ثاني
ملك ؏ تلفونها وريم تكشر تفاح
وتباوع ؏ فلم
وامي اني بحضنها وتسولف وياي وتضحكني
وجاسر ويانة يسولف
نص ساعة وتلفون جاسر دك
باوع لشاشة التلفون وظل صافن بيها
همست:-هذا كمال مو؟
هز راسة بـ اي وهو يباوعلي
ملاك:-رد شمنتضر؟
مسح وجهه ورد
حجيت بصوت ناصي:-افتح السبيكر
فتحة وريم نصت التلفيزون وكلنة
متصنتين للمكالمة
وگلبي يرگع
كمال:-الو جاسر
جاسر:-خير
كمال:-خير يصيبك ملاك يمكم مو؟
جاسر:-اي
كمال:-تكدر تنطينياها؟
جاسر:-لا نايمة
كمال:-ملاك ماتنام هيج وكت؟
جاسر:-تعبانة ونامت
كمال:-بيها شي؟
جاسر:-بيها اشكال يهمك؟
كمال:-لاتضل تشمر بالحجي شبيها تخربطت؟
جاسر:-تريد تشوفها تعال وشوفها ميحتاج تسأل مثل الغريب
كمال:-اي مو اني ورا البيت واجيك
هو اني لو موجود اخليها تخطي الباب وتوصل لبيت علاء
جاسر:-لا بربك والله تحجي بزود
توصل وغصباً ؏ اكبر شارب مو انت التأمر
وتنهي بكيفك يا استاذ كمال
بس اريد اسألك
انتَ تعرف ملاك البيها؟ تعرف من شنو تعاني لو بس حضرت جنابك تبوس وتتغزل وتدير وجهك وتطلع؟
كمال:-مايحتاج ابرر للزعاطيط المهم علية مرتي
جاسر:-الزعطوط معتني بمرتك
حجاها وطبگة بوجهه بدون مايسمع اي
رد منه
جاسر:-ابن الكلب وعلي لو اشفي گلبي بي بكتلة انعل ابوك لا ابو الفاك يمنة
سكتت ودنكت
جاسر:-اذا يدك ؏ اي واحد ماتنطوه ملاك
وانتي اذا سمعتج لو لمحتج تحجين وياه اطيح حظ حضج صاعد انام اني تصبحون ؏ خير
صعد وهو عصبي
لان گالة زعطوط رغم فرق العمر بينهم مو كلش
هواي
سكتت وكل ما اتذكر صوتة من يحجي
اسرح لغير مكان
جنت احتاج كلمة او جملة اجلب بيها واكول
يحبني
ومرت ايام اني ببيت اهلي
اكول تناسيت بس مانسيت يجي الليل
وترجع النغزات وظل اقاتل وياهن في سبيل انام
وانساهن
وردة اجتني كم مرة وعلاوي ضل يمي
يوم وثاني يوم رجع لامة
لان يبجي يريدني
لو عندي مثلك ياعلاوي؟
فتحت باب غرفة امي واني اسمع
صوت اغنيتها
ابتسمت ودخلت جاسر نايم ؏ رجليها
ومبتسم
وصوت غنائها مالي الغرفة وهي تغني
وأمك طاغية يا زين الاوصاف
وتتباها بجمالك
وعماتك عليك تغار وتخاف
حتى من خيالك
وخالاتك يلقبنك يشفاف
بالنسبة لدلالك
وآنة راح القبنك واسميك
روحي معلگة بيك
حبيب امك متقبل من احاجيك
روحي معلگة بيك
ابتسمت اكثر وكطعت صوتها:-روحج معلگة بي بس هو
باست گصتة
وخربطت شعرة:-سَندي هذا ولج جا شلون ما اتعلك بي
دخلت ملك وراي وكالت:-يومية روحي معلگة بيك
واحنه ضالين بس نباوع مدري احنة التعاليك التعلك روحها بي
ضحكت وصعدنة ؏ جرباية
وهي كامت تدردم ويا ملك
نمت بصف جاسر ؏ رجل الثانية وضحكت:-خو
ما نأذيج؟
أيمان:-دبچوا بگلبي وما صيح آخ
ملاك:-يابعد روحنة انتي
ضحكت وباستني بأنحاء وجهي
انفتح الباب ودخلت ريم تخصرت:-لا بالله؟
جاسر:-اهووو اجت هاي
ملاك:-شكو
ريم:-كوموووووووا يمممممة كووووميييهممم معليييية مكااااني
جاسر:-دولي مكانها روحي شوفيلج غير مكان يلفيج
ريم:-كووووم جنننك هااايشة كوم
ركعها دفرة وهي كل عقلها
تبجي ودموعها تجري وامي تكلها:-ولج يمة تعاي
هنا نامي ؏ ايدي
مسحت دموعها وهي مبرطمة:-مااا خلي يكوووم خلي يكوووم
ضحكت:-يلا بلا زعطوطة انتي
ريم:-اااااي زعطوووووططططة يلا وخروووا انتوا زعاطيط
جرها جاسر وكعت فوگاه
وحصرها بين ادية ورجلية وضلت تركع بي
وتريدة يوخر
واستقرت نايمة ؏ ايد جاسر
واني اضحك ؏ مناكرهم
ملك:-جا واني؟
ايمان:-يبوووو على راسج يا أيمان يبوو
ضحكت وفتحت ايدي نامت ؏ صدري
رفعت راسي لأمي وهمست:-كملي اغنيتج يمة
حطت ايدها ؏ شعري وشعر جاسر
رفعت راسها ريم وجرت ايدها وخلتها ؏ راسها
دمغها ضحكنة كلنة
وامي رجعت تكمل
حَبيبي من تگل لأمك ولج يــوم
إتصل گلبي بگلبها
تَضدني وخادم الها لخاطرك دوم
أحبنّك وأحبها
وتكّشـف صـدرها أمــي كــل يـوم
على أمك تنخي ربها
ليش تحب تجينا وما تخليك
روحي معلگة بيك
حبيب أمك متقبل من احاجيك
روحي معلگة بيك
اباوع لجاسر نايم مبتسم والاغنية
نحسها انخلقت عليّ
اتذكر من جان زغير وامة ماتقبل يجينة
وماترضى يصيح لامي يمة
ولا ترضى يكعد بحضنها لو تبوسة لو تشبكة
مبعدتة عنة
وبالختلات امي تبوسة
وكل حرف بالاغنية هو أله
خاصة بداية الاغنية "حبيب امك متقبل من احاجيك"
احس امي عبرت عن حُبها ألة بهاي الطريقة
بهالكلمات التحسسة هو أبنها فعلاً
واني اعرف حُب جاسر لأمي وحبها الة هم
اباوعلهم كلهم غفوا وامي مستمرة تغني
رفعت راسي عليها ابتسمتلي وتوقفت واني اشوف
دموعها ؏ خدها مسحتهن وكالت:-مانمتي
ملاك:-راح تتاذين كلنة نايمين ؏ رجليج
أيمان:-نامي يمة نامي مرات وجع الگلب
يغطي الم الجسد
ابتسمت:-واني حاسة بي
أيمان:-نامي يروح أمج
غمضت عيوني وسمعت صوتها:-ياللهي احفظهم ألية
من عمري اخذ وخلي ؏ عمرهم تعبهم اخذة وخلي بگلبي يالله
وبگلبي اگول اسم الله ؏ گلبج يمة
لحد ما نمت ؏ لمسات اديها
أمي حنانها يختلف عن كُل الأمهات
أمي ماتضهر حنانها النة بس بلمسة ايدها
بكلمة منها بأبتسامتها نحس بحنانها
أمي كلشي بالنسبة النة
اني لو بدون أُمي؟
أتدمر ....
فزينة كلنة ؏ صياح ابوية
وهو يطرد بينة كمت وباوعت لأمي
الفزت مثلنة وهي نايمة ؏ تاج الجرباية
ومانطاها گلبها توخرنة
گمت بسرعة وجاسر عاط:-ادددرررري تصييييح
شبييييك دكووول واحد ناااايم
علاء:-وللللك لاتصييييح لا احط النعااال بحلگكك
سكت جاسر وهو داير وجهه
واني امرغ برجلين أمي وهي تهمس:-اطلعوا يمة مابية شي
جرني من ردان تشيرتي وذبني بالكاع
ولزم ريم كذلك نفس السواه بية
ملك طفرت وحدها شلت ريم
وضليت اباوع لأمي مغمضة عيونها وتستغفر
واعرفة يريد يوصل لأمي
متعودين من احنة وزغار كل مرة يضربنا
ويصيح من يوصللها
لدرجة احنة اطفال وفطنة لهاي السالفة وعرفنة
شنو يصير بين المزوجين بسببة
اتقدم بخطواني لبرا وعيوني عليها
واطلع بريم
دفعني وسد الباب حيل وقفلة
گلبي انقبض
وضليت گاعدة ؏ تخم گبال باب غرفتهم
وحاط ايدي ؏ خدي واباوع للباب
وجاسر بصفي
وهاي اني لو اضل وحدي هناك وتاكلني الحرگة
واضل ويا همي وحدي
لو اجي لهنا وفوك همومي هموم أهلي
ويزداد تعبي
نص ساعة وطلع بيدة ملابسة
باوعتلة بقرف
ومريت من يمة دفعتة وعگبت لغرفة أمي
دخلتلها منتهية والبطانية ؏ جسمها
همست بصوت ناصي يرجف:-يمة
دخل جاسر وراي رجعت بنفس صوتي
الناصي:-اطلع جاسر خلي ابدللها
طلع وهو يغلط
وخرت البطانية عنها وعيوني وگفت من الأثار
ملاك:-شلوووون متحملة انتي لخاطر الله
استغفرالله ياللهي شنو من بشر انت الله لايوفقك ان شاءلله الله ينتقم منك
أيمان:-شدخلج انتي يمة
ملاك:-يمة انتي صدك تحجين هسه مو جاي اگلج
اتطلگي هو هذا ينعاش وياه
واني البسها وهي تحجي
؏ كيفها متأذية:-شيباتي تارسة شعري وافتر بالمحاكم
ملاك:-وانتي شايلة هم هذا الشي؟؟؟
لج يمة جاسر راتب وملك كم سنة وتتعين وهم
راتبها وياكم وهو تكسرين ضهرة وينطيكم نفقة
واجرولكم بيت وگعدوا وخلصي منة
مو جاسر يحرمصلج
ضحكت:-تعرفين شي واني اعرف شي ثاني يمة
ملاك:-يمة احجي كليلي شجاي يصير بهذا البيت
شلازمين ؏ ابوية
أيمان:-ماكو شي طلعيلي ملابس خلي اسبح
ضليت صافنة اباوعلها هزيت راسي
ورحت طلعتلها ملابس
ومشيتها للحمام وجاسر واگف بعيد يباوع
دخلتها ورحت لجاسر:-جاسر گلي شجاي يصير امي ليش ماترضى تتطلك من ابوية؟ شو تكلي تعرفين شي اني اعرف شي ثاني شكو؟
جاسر:-اني ادرري ادري بأمج وأبوج اني هم
احاول اقنعها تتطلك و3 مرات قنعتها و وافقت ثاني
يوم ترفض واريد اعرف السبب ماكو ماعرف
سكتت
وهي طلعت وابتسمتلنه وطبت لغرفتها
ملاك:-جاسر العصر رجعني للبيت اني ماتحمل هيج فوك الامي وهمومي أمي نوب راح انجلط والله
عفتة وصعدت واني براسي الف فكرة عن ابوية
وامي
وكمال؟ نسيتة وراح من بالي
جان ؏ طول الفترة يدك ويتصل مرة وحدة
حاجيتة وبعد ماتصل يمكن مل؟
العصر رجعت للبيت
واشوفة زبالة استغفرت وصعدت بدلت
ونزلت نضفتة
وخالتي بس سلمت ونوب سكتت
عني
لليل سويت عشة الي والها
وغسلت الاماعين وصعدت بيدي لفتي
باوعت للساعة ب 8 بعد وكت مو؟
كمت فتحت الكنتور وطلعت موبايلي
حطيتة ؏ شحن وانتضرتة يشحن
فتحتة 150 مكالمة فائتة من كمال ؏ طول الايام
المرت
اصبعي يرجف ساعة اكول اتصل وساعة
اكول لا!
غمضت عيوني واصبعي ضغط
؏ اتصال بثواني وحسيت صوتة اخترق
اذاني وكأنما منتضرني صوت لهفتة وهو ينطق
اسمي:-ملااك
ملاك:-شلونك
كمال:-وتسألين شلوني؟ هو انتي خليتي بية لون
ليش عايفة تلفونج؟ ادك ؏ اهلج ولا واحد يرد لو
يقبل تحاجيني هيج ملاك تسوين بية؟
ملاك:-ردت ارتاح
كمال:-ترتاحين من صوتي؟
سكتت
هو اخذ نفس وذبة:-شلونج هسه انتي زينة؟
ملاك:-الحمدلله تمام
سكتت وهو يسولفلي ؏
اجواء تركيا وشلون حلوة يعني متونس؟
اجة صوت ولاء:-هاي ملاك؟
كمال:-اي
ولاء:-سلملي عليها
غمضت عيوني حتى سلامج ماريدة
كمال:-تسلم عليج ولاء
ملاك:-وعليكم السلام
زين شوكت ترجعون؟ عكب باجر ويصير عشرة ايام؟
سكت
شوية وتحمحم وگال:-غير گتلج زوج رندة حاجزلنة
ملاك:-اي؟ شكم يوم يعني؟
همس:-شهر
شهر يا كمال؟ شهر؟
واني
