رواية عشك الشاهيين الفصل العشرون بقلم مجهول
🌿**عمّري أنبـِٰاگ بالسكتهَ ..
خفَت من عينَي لا
تبچـٰي وتطيـٰح إنتَ **🌿
غرام
اليوم. جانت حنه مرام حاولت انسه كلشي. صح مستحيل اكدر انسه بس خلي اتناسه. اني زين اعرف شنو يعني الشخص يحب. يصير اعمه لذالك. كلت خلي اخليه تعيش كل لحضه بلحضاته. بأحلى مايكون
لان هيه بسبي تاذت هواي سواء قبل او هسه
هيه ماشاء الله عليه طلعت مثل الكمر. جانت كاعده بكوشته وتدور عله شي. عيونه عل باب ماعرف شبيه
جنت عبالي تنتضر صديقه اله وحده من كرايبنه. بس ههههه طلعت تنتضره يجي يحنيه
طبعًا احنه كلنه مستبعدين جيه صگر لان شيجيبه من البصره. بس من دخل هو وقاطه الزيتوني الي ظايفله. جمال. لجماله هيه وكفت من فرحته بيه... قصص وروايات عراقية كرار صلاح
جنت صافنه عليه شلون حضنه وباس راسه وكاله.
صگر
شنو ليكون شكيت ماجي. ولج شيخ وانطاج وعد والله لو عله كص ركبتي اوفي بيه.
من كاله هيج ذكرت اخوه هو وعوده وهاي تاليتي اني وياه. اوووف. ربي شوكت اكدر أتخلص من شبح. شاهين واعيش حياتي بسلام
خلصت الحنه وهو راح كال صار موعد الطياره بعد ماكدر اتاخر لان اذا فاتني اظطر اروح بر واني اصلا محد يدري بيه جاي من طلع كالهم صيحولي غرام انتضره برى استغربت شيريد رحت لبست عبايه فوك ملابسي لان جنت لابسه. قصير. وبله حجاب من طلعت كال
صگر
خويه. اني هسه رايح وبقيت سواق ثنين هنانه وسيارات. وكل شي ممكن تحتاجونه مثل ماتقنه. تجين انتي ومرام طيران لبيتنه الصبح ومناكه. ترحون للصالون. ومنه صير الزفه. لان تدرين مومال زفه من بغداد للبصره.
وهاي سيارتين عفتهن حتى الي يجي وياكم يجي بيهن
غرام
هايه صگر ليضل بالك.
صگر
غرام وحق الله وعباده اني عندي اختج فوق الكل لذالك اطمئني ورتاحي ترى عيوني غيره ماشوف ولا اكو شي اهم منه.
غرام
والنعم منك. مأمنه محد يكدر ياذيه مدام انته وياها
صگر
انشاء الله يله هسه اني رايح
راح هو واني ضليت اليل كله مانمته ولا اعرف طعم للنوم شلون باجر اروح وادخل بيته شلون. جانت يمكن هاي اصعب لحضه ممكن تمر عليه. من نزلنه من الطياره. جان صگر وياه شاب ينتضرونه اخذوً الجنط وباقي الأغراض. صعدنه اني ومرام ليوره وهو وهذا الشاب الي اسمه عباس كدام بعدين عرفنه هذا ابن عمه.
وصلنه لبيتهم قلعه وسط مزارع وبساتين. جانت امه واكفه بالباب تنتضرنه هيه وياها بنات ثنين عرفت. وحده مرت علي ابنه الجبير والثانية اخته. سلمو علينه واستقبلونه بكل حب واحترام. وهلو بينه الصراحه اني يمكن جنت اكثر وحده متقيده خاصه اني جنت يمكن اكثر شخصين اكرهم همه امه وجده. الي دخل علينه وسلم وهله بينه والبيت بيتكم صار بعد ومن هل سوالف
وراها صعدنه أنا ومرام. ومريم بت عم صگر. للطابق الثاني جانت تعرف مرام على تفاصيل البيت كالت
مريم
بهذا الطابق غرفه الشيخ علي وهم فهد وصگر وهاي الزغيره غرفه جهال عليه. ومنا درج الطابق الثالث هذا. خاص بالشيخ شاهين.
مرام من اليوم انتي صرتي وحده منه وبينه يعني حالج من حالنه لذالك مرام. لو تشوفين نار تطلع من الطابق الثالث لا تصعدين
مرام
ليش شكو شبي
مريم
هذا الطابق محد دخله من جان الشيخ شاهين طالب بالكليه. محرم عله احد يوصله. بس عادي اذا تردين صعدين للسطح اكو كعده مسويه صگر كلش حلوه العصر يصير الجو يجنن استخدمي هذا الدرج يعني مو درج الشاهين
مرام
اوك عادي اصلا شعدي صاعده بس سوال منو ينضفه او يوصله
مريم
اكو شغالات بالبيت وحده منهم مختصه بطابق شاهين
مرام
اوك
جنت اسمع بصمت ليش شنو شبيه غرفته ليش طابق كامل محد يوصله المهم اني جنت ماريد اصلا اشوفه او اسمع شي عنه دخلنه لغرفه مرام وصگر جنن ومرتبه. جنت اني وياها دنرتب بغراضهه. واجه صگر. كال
صگر
كواكم الله
مرام
هلو حياتي شلونك
صگر
انتي كدامي وبيتي خلص. لعد شريد بعد
مرام
هههه حياتي.
جانو يسولفون سمعت صوت اكثر شخص اريد اشرد منه نفسه نفس الصوت نفس الغضب كلشي بيه نفسه مامتغير شي بس زايد ماناقص. صكر جان مرتاج عل باب ويسولف من سمع صوت شاهين ركض طب وسد الباب. الصراحه اني ضحكت لان ذكرت نفسي شلون جنت من احسه عصب اشرد من كدامه كالتله مرام
مرام
خير حياتي شبيك
صگر
شاهين صاير بركان
مرام
وانته شعليك قابل انته السبب
صگر
شوف هاي هو احنه لو نعرف شاهين شبي هيج فجاءه يثور جان هسه احنه بالف خير
مرام
طيب انته مو جنت وياه اكيد عرفت ليش عصب
صگر
لا والله حياتي هو من الصبح كعد روحه بخشمه بس ساكت. قبل شويه جنه كاعدين بالبستان يم الطباخين انوصيهم عل عشه. عباس كالي.
ولك شنو هاي أخت مرتك. جنه حوريه ونازله من السمه. وأسف خويه غرام ههه عباس الضاهر حيل عجبتني ههههه يسوي باجر اخذ ابوي وجدي واروح اخطبه قبل مايسافر اخوهه.
اني من كال صكر هيج ضحكت. جان يكمل
صكر
اي فمن حجه عباس هيج شاهين شاله من اكتافه وعله من دشداشته بجنكال هذا الي يعلكون بيه الذبيحه
واستلمنه رزايل شيوخ وهيج تحجون شخليتو. لولد الشوارع
الله وكيلج غسلنه غسل. انريد نندل دربنه وين حتى نشرد ماكو و عباس ههههههه خطيه معلكه حتى ماكدر يسوي اي شي واني شردت ويمكن هو جاي يدور عليه.
مرام
عزه هذا شكد عصبي. يمه
صگر
هههه اي والله يخوف بس للعلم ميطلع عصبيه عله مره بس هو من يصير عصبي جانو مريم وزهراء يتبخرون من كدامه خو مريم من يحاجيه وهو عصبي والله تخترع لغه جديده للكلام. صينيه مدري يابانينه. هو من يشوفه تكوم تمسلت يعوفه ويكوم يضحك
جان صكر يشرح لمرام شخصيه شاهين بس اني مو بحاجه احد يسولفلي عنه اني اعرف كل اطباعه عفتهم وطلعت وهمه اصلا مالاحضو طلعتي لكيته واكف عل درج ومريم صايره كدامه مثل الفاره تحير شتحجي. وهو مستمر
شاهين
مو جاي اكلج غضب وين
مريم
هو غير اعرف غضب منو والله. راح صير بيه جلطه هدي شويه راح توكف كلبي. من خوف بعد مابيه حيل
اني الصراحه متتت ضحك عليه. بس ماخليته يسمعني هيه كعدت خطيه. على بايه الدرج. شفت فهد اخو صعد جان يعيط
شاهينً
انته وين جنت
مريم
هو هذا غضب
فهد
شنو غضب خير شكو
مريم
والله انوب الي يشرد من شاهين ويخليني بوجه لبعد بيت جدي ماصوله شنو ذنبي بيش مطلوبه. مسوي بيه رعب.
شاهين شويه هده وكام يبتسم بس ميخلي احد يحس
فهد
شبيج بابا تخبلتي
مريم
لا هو اني اصلا خبله. وين عباس اروح اشوفه خطيه معلكه مثل الخاروف شكلت الربك. والله فرعون ارحم منك.
شاهين
ولج اشو السانج طولان
مريم
هو وينه الساني انته خليت عدي السان. اصلا اني كمت ماعرف روحي. من وراك
هيه نهضت تريد تروح شاهين صعد وكال لفهد الحكني
فهد
مريم وين رايحه
مريم
شنو وين رايحه عباس يريد دشداشه اروح لبيت عمي محسن أجيبله
فهد
اوك دروحي وحق علي لاندمج عل ساعه الي غرفتي بيه عباس
مريم
اكول مطير منا هو هاي العايزه بقيت بس انته ماهلهلت فوك راسي
عافته وراحت وهو يسب ويعلن وراها افتهمت من مرام مريم جانت مرةً فهد وطلكو وحجتلي قصتهم الصراحه حيل ظجت عليهم مبين عليه شلون يغار عليه مبين الحب بعيونه بس مبين هم حيل صعب ورجوعهم يرادله خلك طويل
اني ومرام كملنه كلشي ودانه صگر للصالون وراحت ويانه مريم وزهراء
لبست فستان مال محجبات كريمي وشال ذهبي وحذاء كعب ذهبي مكياج عيون قوي وحمره وردي. ورشيت عطري طبعًا مرام هاي ملاك مو بنيه ا وراها اجتي الزفه. الصراحه اني مانتبهت الأحد واصلا هو هذا صاير طبعي ماشوف اي. بشر ولا يهمني اي بشر. كل همي صاير اهلي وشغلي. اخر همي الناس وشلون شوفني او أعجبه او لا بس الفكره ويه منو راح اصعد. اخر شخص جنت متوقعه اصعد وياه الشاهين. لا مستحيل الي اعرفه اني ومريم راح نصعد ويه فهد لان زهراء وجهاله راح يصعدون ويه علي.
جنه اني ومريم كاعدين ليوره واجه. فهد صعد ليكدام لعد منو يسوق
صعد شاهين الي زايد ماناقض. هيبه وفخامه ههههه ونفس ذاك البرود ولا مبالات. هو ونضاراته جان لابس دشداشه ابيض مخصره عله جسمه هو وعضلاته ولاف شماغ ابيض واالحافه مالته تطزيز اسود مسويه لفه امارتيه بيده سبحه. ولابس نظارات. عطرهه صفنني نفس العطر معقوله ليش شنو السببب ليش ماغيره هذا العطر اني اختاريته اله هو مجان منتبه عله وجودي كال شاهين
مريم اليوم شطالعه غير جنج كمر كاسره ع عروس
مريم
تسلم شيخ عيونك الحلوات
شاهين
تانيني بس يخلص عرس صگر وراها التحق ومن ارجع ازفج عله ايدي. لليقدرج
فهد
زف روحك وعوف مريم مالك شغل بيه
فهد جان ينافخ وضايج وشاهين مشتغله. بس اني بالي يم شاهين شنو يعني من التحق ليش هو شديسوي ثنينه تخرجنه من كليه الطب يا عسكريه
رفعت راسي صدفه احس. عيونه بالمرايه عليه لان. لابس نضارات ماشرف عيونه بس تحول من الشقه والضحك إلى. غضب اي اكيد راح يتحول ما اني موجوده
من وصلنه للمصور ماقبل فهد مريم تنزل كاله
فهد
مشوفني هاي الهوسه شسوين نازله يعني هسه انتي ماخذتي انتي ومرام وصگر صور من جنتو بالصالون
مريم
اي اجه صگر واخذنه. بس اريد هسه ويه الكل
فهد
ليكون ماعدج صور ويايه لو شاهين الي ماعدج صوره وياه. اكعدي وسكتي
شاهين
شوفو أخت العروس اكيد اتريد تنزل ويه اخته
.
