رواية ذيب الشامخ الفصل الثاني والعشرون بقلم توتة
تفآرگنه وبعدهآ النآس تحسدنه
وبعدهآ طيوفگم كل ليل تلچمنه ..💔
>>>>>>>>>>>>>>>>>>>
جنت لابسه قديفه لان الجو بارد واحنه بالشتاء شغلت الجداحه اكثرر من مرره ماتشتغل شويه وانفجرت وحسيت نااار اكلت كل جسمي.
اكلت جسمي النار صرت عباره عن نار اكثرر شي يوجع النار من تاكل جسمك تحس الجلد مالتك ينزع من جسمك
اخوي تخبل بقه يصيح ويروح ويرجع مايعرف شيسوي صغير
راح يركض جاب بطانيه وطفانيه بيها اباوع ؏ جسمي صار فحم غمضت عيوني وماحسيت ؏ شي بعد ..
_______
محمد : اركض بكل قوتي ؏ بيت جدي واني اتذكر المنضر الي صار كدام عيني
اختي حترگت وصارت عباره عن فحم جسمها كله احترگ وكله بسبب امهاا هيه الي كالت الهاا موتي وخلصينه منج
وصلت لبيت جدي واني الهث وماكدر حته احچي كلمه دكيت الباب بكل قوتي فتحته عمتي
حرير : خيرر ياستار شبيك
محمد : وين وين بيبي خلي تلحك رباب حركت نفسها وراح تموت اذا مانلحگ عليها
حرير : صخاااام الصخمني ولججج يييييمه تعاااي
راحت عمتي تركض دخلت وراها طلعت جدتي مفزوعه
الحجيه : ولك شنهييي حركت روحها وين هسه هييه
محمد : بالبيت خلينه نروح تعاي فدوه راح تموت
لبست عبايتها عمتي وجدتي واجن يتراكضن وياي
حرير : بسرعه روح ؏ عمك هيثم خلي يجيب سيارته ويجي للبيت
محمد : اي رايح
رحت ؏ بيت عمي هيثم دكيته طلع عمي گتله ؏ رباب تخبل ركب سيارته ورحنه ؏ بيتنه وصلنه جان نلگه البيت بس صريخ
____________
ساره : رجعت من الدوام حته مالي خلك شي ضايجه ومقهوره ؏ اختي وعلئ حالتها اهلي كلش معادينها ماعرف ليش هيج يكرهونها
وليش رافضين ينطوها لذيب ولله هوه خوش رجال ويحبها وراح تكون سعيده وياه ..
بس كلشي صار من ورا عمتي حرير هيه الي دمرت حياتها وترست راس ابوي عليها
مريت ؏ اختي زهراء اخذتها ورجعنه للبيت نتمشه دخلنه للبيت جان اشوف المنضهر الي ماتمناه لشخص عزيز ؏ گلبكم
اختي متمدده ؏ ارض وكل جسمها محترك وعبالك مشويه شوي
ساره : رباااااااااب يييييييمه رباااااب
رحت اركض يمهاا لطمت خدودي واني اصرررخ بكل علو صـوتي
ساره : ربااااب حاچيني ولججججج يمه شلوووون حترگت خلينه ناااخذها للمستشفئ راح تموووووت
اباوع ؏ امي مصدومه واكفه بعيد عنهاا وماتسوي شي صرت اصرخ عليها
ساره : كله منجججج انتي الي خليتها تسووووي هيييج هسسسه رتااااحي رااااحت اختييييي راااحت رباااب
دخلت عمتي حرير هيه وجدتي صارن يصرخن ويبچن شويه ودخل عمي هيثم اجه بسرعه. خله عليها بطانيه حضنها وطلع يركض بيها للسياره
رحت اركض وراه ماخلاني اروح بقيت اصرخ اريد اروح ويه اختي صعدت عمتي وجدتي وامي هم راحت بقينه بس احنه بالبيت
كعدت ؏ ارض واني اصرخ
ساره : يااااربي دخيلك احمييييها ماريدها تمووت
محمد : كومي خلينه نخابر ابوي ونگله
ساره : اي اي
كمت بسرعه رحت علئ جهاز خابرت ؏ ابوي يدك عنده بس مايشله علينه اصعب لحضات مرت عليه اتخيل تموت واخسرها الأبد
ساره : بس فهمني شلووون حرگت نفسها هيج ?
محمد : كله من ورا امج هيه الي انطتها النفط وگالت الهاا موتي وخلصينه منج
ساره : شنووو معقوله امي ??
محمد : اي ولله كدام عيني صار كلشي ماگدرت الحك عليها اديه صارت ترجف گوه جبت البطانيه وطفيتها صارت كلها نااار
صرت الطم ؏ خدودي واني ابچي
ساره : ااااخ ولج ييمه ليش هيج ليششش
بقينه تقريبا ساعه واحنه گاعدين ؏ نار اتصل عليهم محد يجاوبني.
فكرت اگول لذيب عنها يمكن تموت ومايلحگ يشوفها وهيه سوت كل هاذه. ؏ موده
بقيت متردده اخابره لوو اغلس وانتضر اشوف شنوو راح يصيرر
___________
هيثم : دخلنه للبيت جان عباره عن صريخ اول مادخلت عبالي ماتت ومالحگنه عليها رحت اركض شلتها بطانيه
خليت ايدي ؏ رگبتها بيها نفسس بس شنو كل جسمها مفحم صايره عباره عن جمر
طلعت بسرعه بيها للمستشفئ واني بالي الف فكره معقوله تموت واحنه نكون سبب موتها لان رفضنه
هيثم : شلوووون احتركت فهموووني
ام رباب : ءا خويه هيه حركت روحها
هيثم : خرررب شرررفج وانتي وين عنهااا ووين
ام رباب : شمدريني بيها گاعده اصلي واسمع صريخ طلعت لگيتها حارگه روحهاا
هيثم : الهي دخيلك
وصلنه للمستشفئ نزلتها بسرعه اخذوها مِڼـّي لغرفه الحروق
اجت دكتوره تركض وگالت ..
دكتوره : لآزٍمٍ ندخلها عمليات بأسرع وقت منوو والدها
هيثم : انه عمها وهاي امهاا
دكتوره : تفضل وقع ؏ اوراق حته نبدي بالعمليه
اخذت الورقه وقعت عليها راحت بقينه منتضرين خبرر عنهاا افرك براسي واني دايخ
حرير : ليش تجذبين موو انتي الي مطيتها النفط ومخليتها حارگه روحهاا
هيثم : شنوو ??
ام رباب : ولله معبالي تسويها صدك
هيثم : يعني صدك انتي مسويه هيج ومطيتها النفط حته تحرك روحهاا
ام رباب : خويه اسمعني
هيثم : اشششش صوتج ماسمعه لججج انتي شنوو من بشررر تنطين نفط لبنتج حته تموووت نفسها هم معتبره روحج ام امشي ولييي منااا اكيد هسه مرتاحه وانتي تشوفينها بهل حاله
الحجيه : هيثم شنهي هل حچي كاافي احنه مستشفئ
هيثم : عااجبج تصررفها اذا تمووت هسه منوو راح يتحمل المسؤليه منووو
الحجيه : لاتفاولون عليها انشالله مابيها شي
حرير : حـسبي لله عليج
الحجيه : اسمعوني زين اذا اجه ابوها ممنوع احد منكم يحچي شي گدامه ويگول امها انطتها النفط كولو احتركت بالصوبه
حرير : ليش عيني مانحچي اني بس يجي احچيله كلشي واخلي يعرف مرته شمسويه
الحجيه : حررررير انه حچيت العندي واريد واحد منكم يحچي وشوف شيصيرر تريدون تخربون بيتهم تدرين بأخوج اذا عرف يطلكها ومايتردد
حرير : ولله بعد هاي السوايه تستاهل كلشي يصيرر بيهاا
الحجيه : اشش ڪـافي هذاك اجه
درت وجهي اجه ابوها وجهه اصفر ويركض علينه
ابو رباب : هاا شصاار شلوون حترگت
الحجيه : تترس بالصوبه وهيه مشتغله وطگت عليها
ابو رباب : ياربي دخيلك
حرير : انشالله مابيها شي خويه لاتخاف دخلوها للعمليات هسه
ابو رباب : عمليات ليش ?
هيثم : لان جسمها وجهه حيل متأذي وراح يشيلون الجلد الي حترگ ويعقمون الجروح ويضمدوها.
خله ايده ؏ راسه وكعد ؏ كرسي وهوه مبين بعيونه القهرر والحزن عكس امهاا ماشفت خوف ولادمعه بعينها
بقينه منتضرين هووايه ولدكتوره ماكوو ماطالعه من غرفه العمليات ماعرفنه شصاار وياهم
كاعد ويه اخوي شويه وشفت اجه ذيب يمشي سريع وبيده المسدس مالته
_____________
ذيب : گعدت الصبح واني راسي احسه موو الي يوجعني وصداع موطبيعي
طلعت لشغلي اشتغل وبالي مٍشًغوٍلً بلي صاار لبارحه وحاير شلوون اتصرف هسه اذا اعاديهم راح تصعب عليه اكثرر
وفرصه تصيرر الي تصير شبه المستحيله خلصت واجب اتصل جهازي جان اخوي رياض
رياض : الوو ذيب وين انته
_بالدوام ليش
رياض : اذا خلصت تعال اشوفك انه بغداد
_ماشي ..اني هسه خلصت واجب راح اطلع وين انته هسه حته اجي عليك
رياض : تعال *** راح ابقه منتضرك
_جاي
سديت م̷ـــِْن عنده ورحت ؏ مسؤل گتله عندي شغل انطاني أذن طلعت ورحت ؏ اخوي وصلت نزلت وسلمت عليه
_شجابك هناا امي دزتك موو
رياض : يمعودد اكلت راسي بالقران تحلفني اله اروح واشوفك واطمنها عليك وگالت خليك وياه هل جم يوم بين مايهدئ الوضع
_الا الهه الئ لله وتاالي ويه امي شنوو صغيرر اني ودزك تضل وياي بعدين شغله مابيها لاخطر ولابطيخ شنوو ناهب بتهم انه خطبتها مانطوها وخلاص طلعت من البيت بكل هدوئ بعد شكوو
رياض : ولله هاذه الحچي گوله الامك هيه تخاف عليك واذا ماروح ماتشرب علاجها.
_هسه شنو راح تضل هناا وتعوف شغلك
رياض : لا اصلا انه عندي شغل بغداد هل كم يوم راح ابقه هنا هم اكمله وهم ارضي امي وخلي بالها مرتاح
_ماشي اني هسه عندي شغل اخلصه واخذك للشقه
رياض : تمام
اتصل جهازي جان رقم رباب فرحت كلش انو هيه گدرت تفتح جهازها وتتصل ..
_الوو رباب ??
ساره : ذيييب ءا ..رباب
ستغربت هاذه مو صوت رباب اتعقد اختها بس ليش تبچي وشبيها رباب
_الووو منوو وياي شبيها رباااب احچي
ساره : اني ء ان اختها رباب ليوم حرگت روحهاا وهسه اخذوها للمستشفئ
فتحت عيوني بصدمه احس جبال انهدت ؏ راسي ياربي دخيلك شنو هاذه الي داسمعه
ساره : الوو تسمعني
_شلوووون حرگت روحهااا وين هسسسه هيه يامستشفئ احچي
ساره : مستشفئ ****
سديت منهاا بسرعه ورحت ؏ سيارتي اجه وراي رياض يركض
رياض : اوكف فهمني شصااار شكوو
_ليوووم لوو روحي لو روحه هل ****
رياض : ذيب استهدي بالرحمان اعوف البنيه بحالها لاتدخل
_ولكككك شعوووف فهمني حارگه روحهاا ويمكن هسه ميته كله من ابوها الع*** النذل ليووم اذا مافرغ هل مسدس براسه ﺂنـي موو ذييييب
دفعته وصعدت سيارتي سقت بأقصئ سرررعه احس الطريق طوول عليه اريد اوصل
الهي احميها ماريد شي بس تحميها الي ماريدها تموت بسببي
اول مره بحياتي اخاف ؏ شخص هيج وادعي من گلبي اله
اباوع ؏ رياض لحگني بسيارتي وراي يمشي حاولت اضيعه عني بس ماكدرت وين ماصير يجي وراي خررب
وصلت للمستشفئ سحبت سلاحي من خصري ونزلت بسرعه دخلت اجه وراي رياض يركض
لزمني من كتافي بقوه وجرني عليه
رياض : ذيييب اوكف يمعود شتسوي
_رياااض وخررر عني لاتخليني افرغه براسك وحگ الكفل زينب
رياض : ولله ماعوفك مخبل انته تريد تكتل ابوها شراح تستفاد من تسوي هييج فهمني
_وخري عنيييي حيوااان
دفعته عني شمرته بعيييد رحت اركض اريد بس اوصل اريد اشوفه ليوم لو اني لو هوه
سألت الممرضه عن اسمها گالت بالطابق الثاني رحت بسرعه ؏ درج اركض ماعندي صبر انتضر المصعد وصلت للطابق الثاني
شفت كل عائلتها ملتمه باب غرفه العمليات وياهم ابوها النذل
رحت واني عيوني تتطافر منهااا شرار شافني هوه وكام
سحبت المسدس وخليته ؏ راس ابوها ..
_قسم بذات لله اذا صار شي عليها افرغ هل مسدس براسك.
ابو رباب :تهددني ولكككك. اطلع برااااا حيوووووان.
_احسبها مثل ماتريد اذا صار شي عليها احرگم كلكم وراها ولله انته لوصلتها لهناااا.
لزمني م̷ـــِْن قميصي وعيونه تجدح نااار.
ابو رباب : ماتخوووف جلبي. وراح ازوجها وعيونك تشوووف.
_جرب وانطيها وشووف شراااح يصير بيكم.
هيثم : ياجماعه صلو علئ محمد كولو يالله
رياض : ذيب يمعودد نزل المسدس جاااي تخررب كلشي بأيدك. نزله.
طلعت دكتوره تركض م̷ـــِْن غرفتها. وجهه مو طبيعي رحت بسرعه عليها واني خايف
ذيب / دكتوره شون حالتها.
