رواية ذيب الشامخ الفصل الثالث والعشرون بقلم توتة
شايف. من تگله الله يعـوض الراح. وبگلبك حچي بس انت صوتك راح من تثگل چلمتك والجرح ينلاح اتخيل تابوتك بمتونك...🖤
>>>>>>>>>>>>>>>>
ذيب / دكتوره شون حالتها.
دكتوره : اعذروني المريضه حالتها موو مستقره ماگدر انطيكم اي معلومه عنهاا نسبه الحرگ عدها 50%
_يعني شنوو ماتعيش ?
دكتوره : لا تعدت مرحله الخطر بس لأحد الان حالتها ممستقره
هيثم : سوي ﺄييء. شي دكتوره
دكتوره : سوينه العلينه ولباقي ؏ لله مشافايه انشالله
عافتنه وراحت بقينه واحد يصفن بوجهه الثاني حريت شسوي هسه اذا تموت شيصير بيه شلون اتحمل غيابها
رياض : خلينه نروح ذيب
_رياض رحمه لربك عوفني لاتخليني اطلع كل حرگت كلبي بيك
رياض : يمعود مَآتشُوٌفْ اهلها حالتهم حاله خلينه نروح بعدين ارجع وشوفها
_مستحيل اعوفها ورجع
ابو رباب : اطلع مناا ماريد اشوف خلقتك
_انته لووو ماتحچي احسن كله من وراك انته الي وصلتها لهنااا فهمني هسه شستفاديت. قسم بالله العظيم اذا صار شي عليها الحكم وراها واحد ورا الثاني
هيثم : انته واحد بدون تربيه اطلع برا لاتخليني اتصرف وياك تصررف ثاني
رياض : يمعود ذيب احنه مستشفئ خلينه نرجع
_اني رايح بس خلو هل شي بالكم مال تتخلصون من ذيب هاي تنسوها ورباب الي ماتصير لغيري
ام رباب : انته دمرت حياتها وبكل عين جاي وتحچي ماتستحي ماتخجل
_مو من المراجل ارد ؏ مره بس انتي بحسبه امي وراح احترم كلامج هل مره
ام رباب : مايشرفني واحد مثلك يصير ابني
ابو رباب : كاافي
سكتت ودارت وجهه وهيه دردم عفتهم وطلعت من المستشفئ ورياض يركض وراي
صعدت سيارتي بسرعه وسقت ..
___________
فقدت وماحسيت بشي بعد مادري شكدد مر وكت واني فاقده فتحت عيوني اني بصاله العمليات ويمي الدكتورات
دكتوره : تسمعيني رباب
_امممم
دكتوره : شوفي حبيبتي لازم نضف جسمج ونشيل الجلد المحترگ لازم تتحملين ماشي حته مايخرب جسمج وانتي بعدج باول شبابج
هزيت راسي بأي واني اون بس مايوجعني شي مادري ليش يمكن لله راحم بحالي ويعرفني شكدد انضلمت
صارت تنضف بجسمي وتشيل الجلد المحترگ وتكلي هاا تتوجعين اهز راسي بلا واني من صدك ماتوجع ابد
صارت الارض دور بيه عيوني احسهن ثگال اغمض ورجع افتح واشوفها بعدها تنضف بيه
مادري شكدد مر وكت واني ؏ هاي الحاله حيل تعبت نفسيتي كرهت اليوم الي انولدت بيه
خلصت وضمدت كل جسمي صار عباره عن شاش مضمده من كل اجزائي
دكتوره : راح انطيج ابر مهدئ حته ترتاحين شويه ماشي
هزيت راسي ضربتني ابرا بالمغذي وطلعت من الغرفه غمضت عيوني ورجعت نمت مادري شكدد مر وكت واني نايمه بس احس روحي هوواي نمت حته صارت تجيني احلام مخربطه وماتنفهم
فتحت عيوني واني تعبانه حسيت بوجع مو طبيعي بجسمي كل جسمي يحركني نااار مشتغله بيه صرخت بصوت عالي من الوجع
_ااااااخ يمه اااااخ راح اموووت ااااااه
دخلت دكتوره تركض وهيه تحاول تهديني اني ماكدر اسيطر ؏ نفسي جاي امووت وجع مو طبيعي
اصرخ وابجي گالت دهنه جسمج حته تتحسن وبسبب العصاره الحرك صار يوجعني
بقيت تقريبا نص ساعه وشويه خف الوجع عني طلعت الدكتوره مِڼـّي
دخلت جدتي هيه وجدي وابوي
الحجيه : هاا حبوبه شلون صرتي ?
نزلت دموعي بدون ماحچي يسألوني شلون صرت شيشوفون حالتي انكسر كلبي ؏ وضعي ولله
الحجي : كافي يبويه حچيت ويه الدكتوره گالت ترجعين طبيعيه وراح تتحسن حالتج
ابو رباب : تگدرين تحچين بويه لو لا
_اممم جسمي يحرك بيه
ابو رباب : هسه راح اطلع اكول للدكتوره تنطيج شويه مهدئات حته ترتاحين
هزيت راسي باي طلع ابوي بقت گاعده يمي جدتي جدي هم طلع ورا ابوي
الحجيه : صدك امج هيه الي انطتج النفط تحرگين روحج ?
هزيت راسي بأي واني ابچي مسحت دموعي جدتي وگالت ..
الحجيه : كافي حبوبه كافي ولله مادري امج شجاها وسوت هيج سوايه الي اعرفه عنهاا فاهمه وعاقله مادري شلون انطتج النفط
_تكرهني
الحجيه : ولله مادري معليج بيها اني وياج ماسمح الأي شخص يوصلج من اليوم
_بيبي فدوه ماريد ارجع للبيت بعد مارريد اشوفها بعد امي تكرهني حرااام اصلا اسميها أم حاقده عليه وكارهتني
الحجيه : اي ولله اخذج يمي بس لازم توعديني بشي واحد واذا رضيتي اخذج يمي وماخلي شخص ياخذج ولله
_شنو
الحجيه : دري بالج تحچين لأبوج ؏ امج وتخلينه يعرف هيه السبب اذا يعرف يطلكها ومايتردد وانتي اكيد ماتريدين ابوج يطلك امج وهيه بهاذه العمر ومهما تسوي بيج تضل امج والهاا حق بيج
_ليش هوه ماعرف السبب
الحجيه : اي گلناله حركتي روحج بالصوبه
هزيت راسي بأي وسكتت رغم كلشي سوته بيه بيبي واكفه وياها وماتريد تنضر بس اني محد يفكرر بعذابي محد منهم يحبني ويخاف عليه
دخلت امي هيه وعمتي وعمي للغرفه شفتها ودرت وجهي ماريد اشوفها ولاحجي وياها
ام رباب : رباب شلون صرتي يمه
مارديت عليها اجه عمي هيثم باس راسي وگعد يمي
هيثم : خوفتينه عليج بويه هاي سوايه تسوينها مافكرتي بينه شراح يصير بينه اذا صارلج شي
_اريد اخليكم ترتاحون مِڼـّي
هيثم : شلون نرتاح وانتي مسويه بنفسج هيج عبالج نكرهج احنه ولله ماحاسبج بنت اخوي لا بنتي انه
سكتت ماحچيت شي اجت يمي عمتي حرير مسويه روحهاا خايفه عليه وهيه كلشي صار بيه من وراها
بقو گاعدين يمي شي ساعه وطلعو گالت الهم الدكتوره موزين عليها التجمعات يتلوث الجرح وللعم همه من يدخلون لآزٍمٍ يلبسون ملابس مستشفئ وكمامه حته مايصير تلوث
بقيت متمدده بالغرفه واني دموعي تنزل بصمت تام احس نفسي ميته ولله باقيه بس جسد وشلون جسد كله احترك
عذابي بهل حب مينوصف ولايگدر شخص يحسه
مادري شراح يصير اذا عرف ذيب بالي صار وشنوو راح يتصرف
خلص من اليوم مراح اخلي يتأمل شي مِڼـّي راح اخلي يشوف حياته كافي الي صار بيه ليوم اني والموت بينه شعره
ماريد ذيب يموت واكون اني السبب راح اتقبل واقعي وحياتي التعيسه.
غمضت عيوني ونمت ..
مر اسبوع كامل واني بالمستشفئ كرهت حته نفسي من المعقمات والديتول الي كل يوم اشمه والدهن الي يخلي صريخي يوصل الاخر المستشفئ.
ابوي گاعد يمي طول هل اسبوع امي الي حرام اسميها ام عافتني من اول يوم ورجعت للبيت.
كاعده بالغرفه شويه تحسنت حالتي صرت اكدر اگعد واتمشه
انفتح باب الغرفه ودخلت عمتي سهام هيه واختي ساره اني شفتهم لو عبالك محضره دموعي نزلت دموعي ؏ خدودي مثل الشلالات صرت اشهك وهنه مو احسن مِڼـّي
اجن حضنن عليه وهنه يبچين
سهام : يمه سوده بوجهي شصااااير بحالتج ولج ليشش هيج تسوووين بروحج ليش
ساره : رباب حبيبتي شلون صرتي يوجعج شي
_لاتخافون زينه
سهام : وكفتي گلبي ولله ولج هاي سوايه تسوينها
_تعبت عمه والحسييين تعبت حييييل تعبت اررريد ارتاح وريحكم مِڼـّي
سهام : اشش كافي كافي حبيبتي ارتاحي شويه ولاتضغطين ؏ روحج
خليت اديه ؏ وجهي وبچيت صارت تمسح ؏ شعري
سهام : الي صار ماينسكت عنه شلوون تسوي هيج بيج امج هاي هم تنحسب ؏ بشر ..
_تكرهني ولله مامعتبرتني بتها
سهام : ولله مادري شگول من حچالي عمج بقيت مصدومه ماعبالي يطلع هيج تصرف من أمج يعني مهما يصير تبقه ألام احن شخص ؏ بتها بس امج عكس كل الامهات
ساره : مو بس انتي عمه اني ماصدكت من حچالي محمد ولله عقلي مجاي يستوعب ﺂمي تسوي هيج برباب
_كافي سدو الموضوع من اليوم الي انطتني النفط وطلبت مِڼـّي اموت انه كرهتها وعمري بعد مراح اعتبرها امي ولاراح اكون بتها وراح اعيش بيت جدي طول مااني عايشه
ساره : شلوون تعيشين عدهم واني منو يضل وياي
_امج موجوده تهتم بيج اني شنو
ساره : انجبي رباب شنوو هل حچي عود صدك تريدين تعوفيني وتعيشين بيت جدو
_اي ولله بعد يحرم عليه البيت ولاراح ادخله بعمري راح اعيش بيت جدي
سهام : ولله احسن شي تسوينه
ساره : يااا عمه انتي هم وياها شنوو تعيش عدهم واني
سهام : انتي جبيره تگدرين تهتمين بروحج وكل ماترجعين من المدرسه مري عليها وشوفيها خليها ترتاح بيت جدها ضاله عد امج خدامه شنوو وفوك الضيم رادت تموتها وتخلص منهاا وتريدين منهاا تررجـِٰ؏ وتعيش وياها.
ساره : اوووف منج رباب
_عمه شوكت اطلع ولله اختنكت من الگعده هناا
سهام : مادري ولله هسه عمج اخذ ابوچ للبيت يرتاح شويه من يرجع علينه أساله شوكت يطلعونج
_اوك
ساره : رباب اكوو شي صار انتي متعرفي
_شصار ??
ساره : ذيب يعرف بيج احترگتي واجهه للمستشفئ
