رواية ثأر الشيخ مهران الفصل الثاني والعشرون 22 بقلم حوراء

فاتنٌ وجهك لكن في الهوى ليس تكفي فتنة الوجه الجميل.

نزار قباني

_______________

الشيخ جابر :-جنت كاعد بالديوان وحدي ودخل عليه مجموعه من الشباب ووياهم زلمه جبير معقل شبهت عليه بس مااذكرت وين شايفه 

الشيخ مهران:- السلام عليكم شيخ 

الشيخ جابر :-وعليكم السلام ورحمة الله وبركاته اهلا وسهلا صب الكهوة يولد 

:-امرك شيخ 

الشيخ مهران:-قبل لانشرب الكهوة تعرفنا احنه منو وولد منو 

الشيخ جابر:-لا والله ولاصغرتأ بيكم 

الشيخ مهران:-اني الشيخ مهران ابن الشيخ چاسب 

وكف الشيخ حاتم على طوله 

الشيخ جابر:- شلونن 

الشيخ مهران:-اي اني ابن الشيخ الي كتلتوه 

الشيخ جابر:--احنه ماكتلنه احد الم

الشيخ مهران:-قبل لاتكمل حجيك اني ماجاي هنا علمود ثار اني جاي حته اسد الدفاتر القديمه ونفتح صفحه جديدة واني جايب عمي واخواني رايد القرب منك واطلب ايد كريمتك 

الشيخ جابر:-ماعندي بس بنيه وحدة وهي عزيزة كلبي وبنت عمران 

الشيخ مهران:- هذا هو نتفق على يوم واجيب مشيه وتصير الخطبه رسميه 

الشيخ جابر:- نتفق على يوم الجمعه الجايه تجيب اهلك ويصير كلشي رسمي 

الشيخ مهران:- هسة تكدر تصب الكهوة 

الشيخ جابر:-صب الكهوة يولد 

:-تآمر شيخ 

عمران:-بويه تحجي صدكك انته شلون توافق اني بنتي مامتعاجز منها حته اشمرها هيج شمرة 

الشيخ جابر:-تعال نسولف بالديوان مو هنا 

عمران:-لا بويه تعذرني اني قراري ماراح اغيره بنتي ماانطيها لعدونه 

الشيخ جابر:- ماكو اعداء صرنه اهل هسة افتهمت لو لا واكيد ايلي ماراح تكسر كلمه جدها وتفشله كدام الناس وراح توافق على الشيخ مو بنيتي 

ايليا:-اي جدي موافقه 

عمران:-ايليااااا شنو هذا الكلاام تكسرين كلمتي هاااا

ايليا:-العفو منك بابا ومو قصدي اكسر كلمتك بس اكيد جدو يعرف مصلحتي ومن وافق على هذا الشيخ اكيد يعرف اني مااراح اتأذه منه صح جدو؟؟ 

الشيخ جابر:- اكيد بنيتي 

ايليا:-اترخص منك هسة 

الشيخ جابر:-مااكلتي شي بويه 

                                  

              

                    

ايليا:-شبعت جدو 

عفتهم وصعدت فوك السبب الي خلاني اوافق على هذا الشيخ هو الزلمه الي يراسلني يجوز من يعرف انخطبت يعوفني بحالي اخذت موبايلي وطلعت الشريحه وكسرتها وشمرت الموبايل هيج بعد ميكدر يوصللي 

البيت يومين ظل متوتر علمود سالفه الخطبه مااعرف ليش ابوي جان رافض العريس ومافهمت شنو سالفه العداوة كل مااسألامي تتلبك وتتهرب ماتجاوبني غيداء ماراح تكدر تحظر الخطبه لان مسافرة بشهر العسل 

(تسريع الاحداث) 

:-اليوم الجمعه وهي الخطبه حيل متوترة وخايفه انفال طول هاي الفترة ماعايفتني ابدد بكلشي هي وياي حته من رحت للصالون راحت وياي قبل شويه رجعت من الصالون كالو اهل العريس يجون ب3 الساعه هسة 2:30

:-هلا يحلو شلونك 

:-متوترة انفال حيل متوترة 

:-حقج حبيبتي بس حاولي تهدين نفسج شويه ترة ماراح يذبحونج 

:-هم صح 

:-زين اسألج سؤال ضال بنفسي 

:-اسمعج 

:-ليش وافقتي عليه وانتي ماتعرفين بس اسمه؟ 

:-حته اتخلص من المعجب السري الي عندي 

:-تدرين افتقدته اني هم يعني لااتصل لادز تهديد علمودج ويه هذا الولد الي يراسلني يبدو طلع هو بس حجي 

:-اي شوفي هذا الشي الي ريحني وخلاني اكمل بهذا الطريق 

:-إن شاءلله بعد مانشوفهم ونخلص منهم 

:-إن شاءلله حبيبتي 

:-اني راح انزل شوي واجي انزلج تمام 

:- تمام حبي 

:-طلعت انفال واني العب بالموبايل  احاول اطرد الخوف مني 

شويه وصعدت هي وماما علمود ينزلني جوة لان اهل العريس اجو نزلت وكعت على الكوشه انصدمت من شفت الحجيه ترفه هي وبنتها وزوجه ابنها يتقدمن الي حجيت بهمس للانفال 

:-ها شجابها هنا بس لا راح يسويلي مشكله هذا 

:-والله مااعرف 

الحجيه ترفه:-الف مبروك يمه عرف الشيخ يختار 

:-الله يبارك بيج خاله 

:-كولي عمه 

:-نعم؟؟ 

رياحين:-اوضحلج حبيبتي امي الغاليه متحب تسمع من الجنه كلمه خاله تحب كلمه عمه اكثر تحس بيها سيطرة اكثر 

:-چنه؟؟ 

:-شبيج حبيبتي غير اخوي مهران  هسة راح يعقد عليج 

:-اخوج هو نفسه الشيخ مهران الي اجه خطبني من جدو؟؟ 

:-اي هو 

التفتت على انفال وهي حالها هم مو احسن من حالي اثنيناتنه مصدومات من كلام رياحين 

            

              

                    

انفال بهمس:-شوفي شنو كلت الج 

:-شنو كلتي يافهيمه 

:-كتلج المعجب مالتج يريد يخطبج كلت لو لا 

:-كافي اسكتي وافقت على الشيخ حته اخلص منه تالي يطلع هو نفسه 

:-ههههه والله حالتج تضحك 

شويه وكالو خلي تجي العروس ورة الباب حته يعقدالنا السيد

بالبدايه السيد ضل يقرة ايات العقد ونوب سلم وكال 

:-السلام عليكم يابنتي 

:-وعليكم السلام سيدنا 

:-هل توافقين على مهران ابن چاسب على مقدم قدرة 10 ومؤخر قدرة 15 اذا قبلت قولي نعم وانته وكيلي 

امي وانفال يهزون الي براسهم عود كولي نعم بس اني ساكته منا لحد ماعادها مرة ثانيه 

:-بنتي اتسمعيني اذا قبلت قولي نعم وانت وكيلي 

شجعت نفسي وجاوبته 

:-نعم قبلت وانت وكيلي 

:-على خير إن شاءلله مبروك بنيتي 

اخذتني امي حتى ابدل الفستان بواحد ثاني علمود الشيخ لان راح يدخل ويلبسني الذهب لبست فستان اوف وايت 

نزلت كعدت شوب ودخل هو وكفت امه كدامه وتهوسله كلشي مااسمعت من الهوسات لان جنت بوضع بس الله يعرف بيه خوف على توتر على قلق واكو شعور خوف بداخلي مو طبيعي احس اكو شي غلط صاير او راح يصير وياي اجه وكف يم وباسني من راسي وهمس بعدين نتحاسب على تجاهلج الي والاتصالاتي تمام 

ماحجيت شي بس هزيت راسي بأيجاب رفعت راسي اباوع عليه اخر شي جنت اتوقعه ان يطلع بهذا الجمال من كال جدو اسمه حسيته واحد كصير وكرشه مترتين كدام وتفاجأت بشكله جان مبين عليه بنهايه الثلاثين وشعرة كثيف اسود مرجعه ليوره لحيه وشوارب محددات وضايفاتله جماليه وكاريزما 

تقرب مني وهمس 

:-لهلدرجه حلو حته ماجاي تكدرين تشيلين عيونج مني 

:-هههه شنو هاي الثقه الي عندك بس حبيت اشوف منو الشخص الي صارله فوك الشهرين يلاحكني ومامخليني ارتاح 

:-الراحه ههه انسيها من اليوم انتي دخلتي قفص الشيخ مهران ومااعتقد راح تشوفين بيه الراحه

:-غموض بغموض كلشي ماجاي افتهم منك 

:-لاتفتهمين احسلج 

تقدمت امه واخته وبيدهن علب الذهب فتح اول علبه وجانت بيها الكلادة والاسوار اخذهن من امه ولبسني ياهن وبكل مرة يلمس بيه جسمي يكزبر جسمي 

همست بصوت ضعيف حته لاتسمعني امه 

:-وخر ايدك مني 

على عنادي من حجيت هيج مشه ايده على طول ركبتي بحجه يعدل الكلادة 

            

              

                    

:-لهلدرجه لمساتي تأثر بيج؟ 

:-لاا بس تلعب نفسي واكره واحد يلمسني من ركبتي 

:-ههههههه 

ضحك بصوت عالي والكل انتبه عليه حته امه كالت 

:-إن شاءلله دوم اشوف الضحكه الحلوة على وجهك 

:-إن شاءلله حجيه 

دنك عليه وحجه 

:-حاولي تتعودين 

تقدم عليه اكثر وهمس بأذني بشي خلاني احمر من الخجل 

(مااكدر اذكر شنو كال لان هنا الشيخ استهتر) 

بتعد لبسنه الحلقات وكعدنه ناكل كيك وشربنه عصير شوي كعد ونوب طلعو صعدت بدلت ملابس بعد ماراحو المعازيم ومابقى بس غسق وزوجها نفتح الباب واني ابدل عطت بصوت عالي 

:-طاح حضج غسق غير ادكين الباب حيوانه وين الخصوصيه 

:-انجبي لج اكو خصوصيه باجر عكبه الشيخ راح يشوف كلشي 

:-انجبييي حيوانهه وامشي اطلعي برة يلااا 

:-اويي هسة اني ميته عليج اجيت انطيج الموبايل الي دزاه الج الشيخ 

:-وليش دز موبايل شنو ماعندي؟ 

:-مو بس موبايل حته شريحه حاطلج بيه يكول مااريدها تستخدم اي شي اني ماجايبه الها شوفي الدلال عيني 

:- الي يسمعج يكول جنت عايشه بالفمر اشو بابا دائما يجيبلي الي اريده ومامخليني اعتاز شي وبعدين الي يسمعج يكول زوجج معيشج بالعوز خطيه 

:- لا وين اكو مثله زوجي سر سعادتي يلا هاج اريد اولي اتأخرت على زوجي بايي 

:-الله وياج ديري بالج من الدرج من تنزيل لاتركضين 

:-فهمت والله فهمت ميت واحد كالي اليوم لاتكمزين على الدرج شكالولكم عليه قرد اني 

:- اسم الله على القرد على الاقل هو شكله لطيف مو مثلج 

:-تفضلين القرد عليه حيوانه 

:-ههههه لاوالله بس علمودج مااريدج توكعين 

:-عود خوش 

_______________________

رياحين:- ثاني يوم الصبح كاعدين على الريوك والكل ساكت وياكل عدا ادم ونارة الي كانت بينهم غمزات وضحكات خفيه حسيت الوضع مو طبيعي اكو شي صاير بعدين من نضل وحدنه استجوب نارة 

الشيخ مهران:- حجيه اليوم رايح اخطب الابنيه من جدها 

الحجيه ترفه:-كلللللللووووششششششش الف مبروك حبيبي واخيرا راح اشوفك عريس وافرح بيك بنت منو يمه الي نويت تاخذها 

الشيخ مهران:-حفيدة الشيخ جابر 

رياحين:-من سمعت كلام مهران حيل فرحت اله بس من ذكر منو البنت الي راح يخطبها كام ادم بسرعه وكال 

            

              

                    

ادم:-تحجي صدك انته لو تشاقه 

الشيخ مهران:-ليش الموضوع الزواج بيه شقه؟؟ 

ادم:-انتهههه تخبلتتتت 

الشيخ مهران:-لاتعلي صوتك على اخوك الجبير 

ادم:-اخوي الجبير جاي يلعب شنو معناتها تتزوج حفيدة عدونا هااا 

الشيخ مهران:-اني جبير واعرف شنو الي جاي اسويه واني ماجاي اخذ رأيكم بالموضوع اني جاي انطيكم خبر 

ادم:-خوش چا روح بوحدك اني ماادخل بيتهم 

الشيخ مهران:-براحتك اصلا اني ماراح اخذ هواي ناس وياي بس عمي وفهد ونزار وعبالي انته تجي هم بس عادي ماكو مشكله الاخذتهم كافي عليهم 

رياحين:-كام ادم وطلع من البيت كله قبل لايطلعون بنص ساعة دخل ادم وكال 

:-انتظروني اروح وياكم 

بس كال هيج ابتسم مهران جنه يكول ادري بيك ماراح تعوفني بهذا اليوم المهم بالنسبه الي 

راحو ورجعو ويه اذان المغرب وهاي اليوم جنه مرتاحين لان نرجس ونور ماموجودات وهم دخلو منا ودخلت وراهم نرجس ونور صاحت نرجس بصوت عالي 

:-هااا شيخخخ رحتتت تخطبب من ورايي هاااا 

الشيخ مهران:- نصي صوتج لا اجي افركه بالنعال منو انتي وتصيحين عليه اي رحت اخطب والجمعه الجايه الخطبه الرسميه اذا تردين تعاي لو اكلج لاتجين احسن مالي خلك اعكر مزاجي بشوفتج بأحلى يوم بحياتي 

نرجس:-مااسمحلك تزوج وتعوفني متو هاي الي راح تاخذها هاا 

نزار:-حفيدة الشيخ جابر اسمها ايليا 

الشيخ مهران:-بعد انطيها مواليدها 

نزار:-مااعرفهم والله 

نرجس:-هذا الاسم مو غريب عليه بس لا حفيدة الي كتل ابوكك 

الشيخ مهران:-نرررجججسسس اسكتي واطلعي برة مااريددد اشوفج بالبيت 

رياحين:-شنو تقصدين بهذا كلامج؟؟ منو كتل بابا 

الشيخ مهران:-رياحين امشي اصعدي فوك معليج بيها هاي كامت تمسلت 

ادم:-نارة اخذي رياحين واصعدي فوكك بسرعه 

نارة:-تمام تعالي رياحين خلينا نصعد 

رياحين:-لا مااصعد اريد افتهم ليش ادم بالبدايه ماقبل على الابنيه مع ان ادم اكثر واحد يلح عليك بموضوع الزواج؟ وشنو معنى كلام نرجس هسة هاا اكو شي ضامينه عليه هاا 

تقدم عليه نزار واخذني من ايدي وهو يحجي 

:-معليج بيهة هاي خطيه مضروبه بوري وتحجي هيج لان البوري اثر على مخها اما بالنسبه لادم هو مقبل لان اخوج الشيخ جان يحبها لهاي الابنيه وميدري هو بيه شوي خطيه انجرح احساسه 

            

              

                    

:- مااعرف ليش ماجاي اكدر اصدكك 

:-يمعودة نارة احجي شي وياها فحطتتي بس علكيفج لاتكبين على الابنيه وتحترك ونوب منكدر نزوج الشيخ واحنه ماعاولنا تنفتح چبسته 

:-هههه اي صدك كلام نزار منطقي 

:-احاول اصدكك 

:-صدكي صدكي حبيبتي وهسة اني نازل اريد اشوف شسوة الشيخ ويه نرجس ام الجنانوه واجيج 

:-منتظرتك 

:-تمام 

الشيخ مهران:-انتي شنو الي تردينه بالضبط 

نرجس:-مااريدك تتزوج غيري

الشيخ مهران:-واني شبيه مخبل حته اتزوجج 

نرجس:-ليش عيني شنو ناقصني حته ماتتزوجني 

الشيخ مهران:-اممم ماادري شويه شرف شويه كرامه على شويه اخلاق 

نرجس:-اي وماشاء الله هذني كلهن عد المحروسه ايليا 

الشيخ مهران:-اي كلهن موجودات عدها 

نرجس:-شلون راح تتزوج حفيدة الزلمه الي كتل ابوك وخلاكم تهاجرون من المنطقه الي جنتو عايشين بيها وتعوفون خيركم وناسكم واطلعو بطرگ روحكم والله عجيب امرك 

الشيخ مهران:-مالج دخل باي شي اسويه وهسة امشي اطلعي برة قبل لا انفجر بيج واطيح حضج 

طلعت نرجس وطلعت وراها نور تركض 

نزار:-ههههه خرب انه نسيت اصورها والله شكلها يضحك 

الشيخ مهران:-وانته وتالي وياك شوكت تسد حلكك 

نزار:- سكتنه يابه بس حجيت شي ولطمتني على حلكي مو سالفه هاي 

فهد:-اسكت لا تسويلك سالفه هسة مالنه خلك الك 

نزار:- اكول شيخ انته من عهد جدي صايم على الزواج من ردت اخطب اني حلى الزواج بعينك؟؟ 

الشيخ مهران:-ليش انته منو راح يخطبلك 

نزار:-غير انته اخوي الجبير وشيخ عشيرتي تروح تخطبلي 

الشيخ مهران:-تحلم اروح اخطبلك اذا مااشوف نتيجه نجاحك 

نزار:-لاعليك ابو فاضل 

الشيخ مهران:-وحگ ابو فاضل بعد شتريد 

نزار:-معناها تروح الابنيه من ايدي اذا ظليت تنتظر نتيجه نجاحي 

الشيخ مهران:-هذا الشي راجعلك تكدر تنجح من الدور الاول واني براسي اروح اخطبها الك 

نزار:-اكلك شي واذا اخوها مارضى ينطيها 

الشيخ مهران:-اني بضهرك واريد اشوف يا زلمه ماينطيك مرة 

نزار:-تعال وعلي اله ابوسك 

الشيخ مهران:-بس تجي يمي اگطع العلاك على ضهرك 

            

              

                    

نزار:-اويي شكد قاسي انته 

فهد:-حجه هيج وكام عليه الشيخ مانشوف بس نزار يركض يطفر من البيت كله 

رياحين:- الاسبوع كله احنه نشتغل بالبيت وترتيب وطبه وطلعه نص الناس عرفت الشيخ راح يخطب الجمعه وكلساع جاي واحد من الجيران يسأل بنت منو وشنو اهلها وعدها اخوان والخخ من الاسئله التافهة اجه يوم الخطبه وطلعنه من وكت حته نوصل ب3 مثل مامتفقين ويه الجماعه وصلنه ودخلو الزلم للديوان واني تأخرت لان حذائي طلع من رجلي وضليت البس بيه من رفعت راسي شفت واحد يباوع عليه دخلت بسرعه للبيت ونزلت العروس وكمنه نباركلها اني وامي وخطيه مبينه متعرف شي عن مهران سألتني واني جاوبتها دخل مهران بعد ماعقدو سيد واجه حته يلبسها الذهب بس شنو كلساع يهمسلها بشي يخليها تصير حمرة من الخجل كملو كلشي ولبسو الحلقات واكلو هم كعدنه شويه ونوب طلعنه راح ادم يجيب السيارة اني واكفه يم نارة ومن الجهة الثانيه مال نارة واكفه ماما اجاني ولد يركض انطاني ورقه وراح فتحتها جان مكتوب بيها 

:-من ترجعين خابريني 

من شفته هيج كاتب بسرعه ضميت الورقه بالجنطه مالتي قبل لاتنتبه عليه ماما اجه ادم وصعدنه وياه اني ونارة ورة وماما كعدت ليكدام 

_______________________

بعد مرور 3 أشهر من خطبه الشيخ مهران وايليا 

ايليا:-بهاي الفترة الي مرت اتعلقت حيل بمهران كمت انام واكعد على اتصالاته واهتمامه بيه اي شي اريدة يكول تم وحاضر وجان مشبعني بسوالف الحب والغزل واني جنت ذايبه بيه وبسوالفه صح عنده كم سالفه مال سرسرين مثلا بكل مرة ننجمع لازم يبوسني ويشمني وميقبل اذا وخرته احلى يوم عشته وياه هو يوم العقد المحكمه ورة ماخلصنه من المحكمه طلعني فررني المحافظه كلها وشكو شي يطيح عيني عليه يشتريه الي بأختصار عيشني بالعسل خلاني مااشوف واحد غيرة 

يوم العرس 

واكفه كدام المرايا واني اشوف نفسي بالفستان الابيض الي جان تصميمه بينصل مابيه نفش ويزينه من ناحيه الصدر كرستالات صغيره وردانات جانن من قماش شفاف اختاريت هذا الفستان بعد فره طويله عريضه استمرت لمدة يومين كاملين واني بس ادور وماعاجبني شي جنه كل ماندخل لمحل اكله على تصميم الفستان الي يعجبني جانو يردون كلهم نفس الرد 

: اسفين مانجيب هيج فساتين اعراس لان محد يطلبهن لان كل العرايس يختارن البدلات النفش 

واطلع من المحل واني ضايجه فرينه كل المحلات وجنت شبه يأست لان ماراح الكه الفستان الي اتمناه 

ماما:بنتي اختاري غير تصميم مو هلكنه واحنا ندور وملكيناه صارلنا يومين ندور وماضل محل مدخلناه وسألناهم وكلهم نفس الجواب يلاا ماماتي اختاري غيره لان اذا ضلينه هيج راح نتأخر على موعد العرس مضل بس ثلاث ايام 

            

              

                    

: ماما عفيه بس هذا المحل اذا ملكينه عندة نفس الي اريدهة راح اخليج انتي تختاريلي وعد 

ماما : صبري يارب امشي فوتي وأمري لله 

: فدوة لكلبج حبيبتي 

دخلنا للمحل وهنا جانت المفاجأه ههه اي واخيرا لكيت الفستان الي اريده وماما من شافتني عجبني الفستان اله شويه تهلل ههه لان خطيه تعبت من الفره وياي بالسوك 

قاطع شرودي صوت الباب وهو ينفتح يعلن عن دخول امي وخالاتي 

خاله زينب  : اللهم صلي على محمد قل اعوذ برب الفلق ماشاء الله حبيبتي طالعه جنج ملاك اليوم الشيخ ياكلج اكل 

تحجي وتغمز خلتني اطب بهدومي من الخجل 

خاله حنان :كافي زينب اسكتي خجلتي الابنيه شوفي وجهة صار احمر من المستحه 

خاله زينب : عليمن تستحين وهي بس ساعات وكلشي راح ينشاف 

ماما : لج زينب شوكت اجوزين من بنيتي 

عوفيهة بحالهة 

خاله زينب : اوي دادة شدعواكم قابل شكلت اني 

ماما : كافي سكتي خلي ناخذهة للصاله المعازيم وصلو من زمان وماضل شي ويوصلون اهل العريس 

اخذتني ماما وخالتي حنان ونزلني دخلت للصاله وكعدت على الكوشه وشعور بداخلي يخوف ماعرف ليش احس راح يصير شي يخرب عليه فرحتي استغفرت الله وتعوذت من الشيطان وحاولت ابعد هاي الافكار عن راسي شوي شوي بدة يعلى صوت الاغاني والهلاهل وخف توتري وخوفي واندمجت ويه الاجواء الحلوة 

ورة فترة دخلت بنت  خالتي زينب الزغير عمرها  ٨ سنين وكال اجو اهل العريس اجو 

رعشه سرت بجسمي كله خوف على توتر على قلق احس راح يغمى علي من الخوف دخل هوة وجدو وبابا 

شكلت عيني عليه وماكدرت اوخرها طالع يخبل ابن الصاك جان لابس البس العربي وطالع يخبل عليه شعره الاسود الي مرجعه الي ورة بتسريحه بسيطه ولحيته الي مخففهة مازايدته اله جمال واني صافنه عليه واتأمل جماله مااحس اله انكرصت من زندي درت وجهي واني اشوف غسق هي الي كرصتني 

اوي وسم شبيج 

غسق:سم بكلب العدو شبيج اكلتي الزلمه بعيونج نزلي راسج لاينتبه عليج جدج ويطيح حضج 

لا والله تره هذا الزلمه الي تحجين عليه زوجي 

غسق: غير تستجن وتسكت زوجهة ام حلك الاعوج 

ردت ارد عليها بس سكتت من شفت جدو يتقد عليه حته يسلمني بيدي زوجي 

حطيت ايدي بين ايده ومشيت بأتجاهه وقلبي يخفق بشكل فضيع حسيته راح يطلع من مكانه 

وصلنه يمي وكفت مقابيلهة واني اسمع جدو شلون يوصيه عليه ودموعي عشرة عشرة 

حط جدو ايدي على ايده وحسيت برعشه سرت بجسمي كله عبالك اول مرة يلزمني تذكرت يوم خكبتنا وشلون خلاني عاشيه بقلق وواكفه على اعصابي بسبب تصرفاته  خلينه وطلعنه وصعدنه بالسياره واني قلبي مقبوض بس قريت سور قرأنيه وهديت نفسي 

اجه هو وركب بمكان السائق شوي شوي كام يبتعد عن بيتنه 

بس لو جنت اعرف بلي راح يصير جان مستحيل اركب  وياه بالسيارة 

: جاهزة للعب 

:-مافهمت 

:-مو مشكله كلها كم يوم وتفتهمين حبيبتي 

:-لاتحجي بكلام مبهم فهمني شنو تقصد بكلامك

:-عوفي قصدي واستمتعي بالزفه مالتنه 

حجه هيج وعلى صوت الاغاني وصلنه للفندق الي راح نقضي بيه اول ليله النه نزلنه 

زفونا للغرفه والكل حرك وراح محد بقى وياي حته امي راحت 

:-حلو هسة بقينا لوحدنه من وين ابلش وياج بالعقاب 

:-عقاب على شنو؟؟ 

:-على عنادج على صلافتج وعلى تجاهلج الي نسيتيهم لو لا 

:-اوكف خلينه نتفاهم 

:-ماكو تفاهم اليوم اصلخ واذبح اليوم اطلع بيه القاذيه 

:-يمهههه لحكيني 

اركض منا ومنا بالغرفه علمود لايلزمني بس بالنهاية لزمني 

:-لو تصيرين نجمه بالسمه هم الوحج 

:-عليك العباس علكيفك وياي 

سحبني اله ووووو 

_____________________