رواية ثأر الشيخ مهران الفصل الثالث والعشرون بقلم حوراء
أعظم الشعراء هم اولئك الذين كتبوا بيت شعر واحدا وماتو بعد كتابته مباشرة
نزار قباني
___________________
فهد:- من بعد ماسافر مهيمن ضليت بوحدي بالبيت احسه يخنكني ماادخله بس حته ابدل ملابسي واطلع كعدت يم ادم وانام بالصاله بالليل وبهاي الفترة انشغلنه بحنه وعرس امير ونوب خطبه الشيخ قبل لانروح بيوم خابرت مهيمن
:-السلام عليكم حبيبي شلونك شخبارك
:-وعليكم السلام هلا بيك خويه اني زين انته شلونك شخبارك
:-يعني زين الحمدلله
:-صوتك ماعاجبني
:-مامتعود على فرگاك وعضيدك باجر يخطب شنو ماراح تجي؟
:-لك مااكدر العقد الي سويته ويه الشركه يمنعني من السفر خارج الدوله لمدة اربعه اشهر كحد ادنى
:-يعني لازم ورة اربع اشهر يلا تكدر تجي؟
:-اي حبيبي
:-يعني حته عرسه ماراح تكدر تحظره صح؟
:-اي بس لاتخاف بس تخلص هاي الاربعه اشهر اجي اشوفكم
:-براحتك حبيبي
:-يلا هسة لازم اروح عندي اجتماع وانته انتبه على نفسك اكل زين لاتهمل روحك بس لان اني ماموجود تمام
:-تمام حبيبي مع السلامه
:-الله وياك
بعد ماسديت الخط من مهيمن كعدت بالحديقه حسيت بواحد واكف فوك راسي رفعت راسي وشفته ادم
:-خير شعدك كاعد هنا
:-ماعندي شي
:-الى متى تضل هيج.
:-شنو قصدك
:-تعرف كلش زين شنو اقصد شوكت تنساها
:-مااكدر انساها ثلاث سنين علاقه وياها لك حته اثاث الغرفه النوم اختاريناه وتالي من ادزلها الاهل يكولون ماعدنه بنيه للزواج
:-انته مو كلت بعد لو يصبوها ذهب مااريدها بعد شكو ليش لحد هسة تفكر بيها
:-واني بعدني عد كلمتي بس صعب الواحد ينسه تدري وره مارفضونا اتصلت بيه
:- شوكت صار هذا الحجي؟
:-ورة يومين
:-اي وشكالت؟
:-كالت اهلها غصوبها على ابن عمها واني مثل الاثول صدكتها
:- شو هذا الحجي اني ماادري بيه؟؟
:-اني محبيت احجيلك
:-وشسويت ورا ماسمعت هذا الحجي؟
:-رحت راقبت بيت عمها
:-تحجي صدكك انته وبعدين انته شعرفك ببيت عمها
:-سألت عليهم الجيران وكالو هم اثنين اخوان واحد عايش بهاي المنطقه والثاني عايش بالمنطقه *****
:-ايي وشسويت من عرفت بيتهم؟
:-ضليت ارقب بيه لك ضحكت عليه كل هذا الوكت لك طلعت متزوجه ابن عمها من 6 سنين يعني تحجي وياي وهي على ذمه زوجها
:-تحجي صدكك انته؟؟
:-قابل اجذب عليك واني الاثول ردت اضربه لان خرب مخططاتي واخذ حبيبتي طلعت اني الطرف الثالث واني الي مخرب علاقتهم
:-خرب عرضها شكد *****
:-ادمممم
:-لاتصيح عليه لاافرك حلكك بالنعال لك كل هذا مسويته وماتقبل واحد يحجي عليها خرب كلبك على هذا الحب الشايله الها
:- اول حب الي هية شلون تريدني اقبل واحد يحجي عليها بموزين لك اني حته ماردت اكلك على تكمله السالفه حته لاتصغر بعينك
:-خرب يومك على هذا التفكير لك بابا هاي ماتستاهلك انساها وريح نفسك وهسة يلا كوم نشوفلنه قاط لخطبه اخوي المفاجأة مدري منين طلعت
:-لاتزودها عليه انته ماتعرف شنو بكلبه
:-كوم كوم لخاطر الله ماكول شي بس الله يعدي هاي الفترة على خير لان عندي احساس كلش قوي راح ناكل وحل من ورة هاي السالفه
:-مول يالله بعدك ماشفت شي وصحت راح ناكل وحل
:-الكتاب مبين من عنوانه شنو غايته من الزواج من حفيدة عدونه؟؟ ولاتجي وتكولي مهران يريد يفتح صفحه جديده ترة هو اخوي واني اعرف بيه اذا حط واحد بعقله مايعوفه اله يطيح حظه وهو من زمان يريد ينتقم منهم
:-يجوز تغير تفكيرة
:-هههه ضحكتني وهيج يتغير تفكير وخطط 20 سنه بين يوم وليله اني متاكد مثل ماشايفك راح ينتقم منهم بهاي الابنيه
:-كول يالله يمعود مااعتقد يسويها
:-لا حبيبي يسويها ويسوي الاكبر منها هم
:-مااعرف والله بعد هو اخوك وانته اعرف بيه
:-صدكك مهيمن ماراح يجي؟
:-لا يكول ملتزم بعقد لازم يضل هناك مدة اربعه اشهر كحد ادنى بدون سفر
:-اهاا خير ان شاء الله هسه يلا امشي نروح نجيب الملابس قبل لانتأخر
:-يلا امشي
طلعو الشباب بس ماجانو يعرفون اكو احد واكف ورة باب المطبخ القريب على مكان كعدتهم
:-رياحين احاجيج
:-خرب يومج نارة جفلتيني
:-وسم شبيج
:-اني الاشبيه لو انته
:-انتي شعندج واكفه هنا
:-تعالي نصعد فوك ونحجي
صعدنه للغرفه مال رياحين
:-سولفي شعندج واكفه يم باب المطبخ الخارجي
:-جنت اسمع
:-شتسمعين؟؟
:-الحديث مال ادم وفهد
:-تحجين صدكك انتي؟؟
:-اي والله لج اول مرة اعرف ابن عمي يحب وحدة
:-منو قصدج فهدد؟؟
:-اي هو
:-منو هي الابنيه؟
:-وحدة متعرف عليها قبل ثلاث سنين تدرين هسة يلا عرفت بيه جان يريد يخطب صارلي ساعه افكر هو شوكت دز امي حته تخطبله واني وين جنت؟؟
:-معقوله متتذكرين؟
:-لج والله مااعرف ماجاي اتذكر ابدد
:-اي وشصار بعدين
:-لج غير ماقبلو اهلها يكولون منطيها لابن عمها لج طلعت تجذب عليه هي اصلا من جانت تراسل وياه هي جانت متزوجه!!!!
:-عزةةة بعينها تحجين صدكك
:-اي وعلي لج لحد هسة عقلي واكف مااكدر افكر لج شلون كدرت ثلاث سنين لا سنه ولاثنين خرب يومها يعني شلون كدرت تضم كل هذا الوقت عن زوجها وشلون ماحس عليها؟؟
:-والله مااعرف بس مبين على زوجها فاهي وفقير يعني مامعقوله ثلاث سنين وماكشفها
:-اي هو هيج
:-اكلج هسة عوفينا من فهد اريد اسألج عندج فستان الي لخطبه الشيخ
:-اكلج اذا كلنا لادم ماياخذنه مو؟؟
:-اكيد ماياخذنا يكول ماصار يومين من اشتريتن تردني هسة هم تشترن
:-هو اذا اجيتي للحق اني عندي فساتين اشتريتهم ولا حطيتهم على جلدي لان اخواني ماعدهم شي ويه الافراح وهسة اجه وكتهن كومي اطلعلج واحد الي والج
:-باعي اهم شي اطوال ومستروات منريد ادم يعصب علينه ونوب يمنعنه من الخطبه
:-وعلي يسويها مخبل، اخخ شبيج تضربين حيوانه
:-لاتغلطين عليه
:-متقبل نغلط على زوجها ام الوصخ وبعدين هو اخوي قبل لايصير زوجج وعادي اغلط عليه
:-حجي يفيدج
:-انجبي لج
:-هههههه اكلج اني عجبني هذا الاسود
:-قصير هذا
:-البس جواه كولون ويصير فد شي
:-اي والله كلش حلو يصير عليج
:-خوش لعد واسوي شعري كيرلي ويصير كولش حلو
:-عاا تطلعين تخبلين وعلي صدكك تذكرت خيرج كل مانكعد على السفرة انتي وادم تكضوها غمزات وضحك خير إن شاء الله
:- هههههه وانتي شدعوة هيج مركزة ويانه
:-شنو عبالج بس اني المنتبه عليكم ترة الكل منتبه بس يستحون يحجون
:-يعني انتي ماتستحين
:-تؤوو مااستحي واريد اكلج ديري بالج من نور ترة هدوئها ماعاجبني ابدد
:-شعليه بيها تولي متكدر تسوي شي ادم يطيح حظها
:-واني هم اكول هيج بس الحذر واجب حبيبتي
:-إن شاءلله ماكو شي لاتخوفيني انتي
:-لا عمري على شنو اخوفج بس حبيت انبهج
مشه اليوم طبيعي وثاني حضرنه الخطبه ورجعنه واني طول الطريق افكر بهذا الشخص الي دزلي الورقه مااكدر افتحها هنا من اوصل افتحها بالغرفه ماصدكت وصلنه ركضت بسرعه للغرفه وكلتلهم تعبانه اريد انام دخلت للغرفه وقفلت الباب طلعت الورقه من جنطتي جان مكتوب بيها
"من توصلين للبيت اتصلي عليه" وجواها جان كاتب رقمه وكاتب يمه اسمه "يزن"
ضليت يومين افكر اتصل لو لا بنهايه اليوم الثاني كلت خليني اتصل واشوف شنو يريد ضفت الرقم مالته واتصلت عليه مااتأخر بسرعه رد
:-جنت متأكد وواثق ان انتي راح تتصلين
ماحجيت شي رد حجه
:-رياحين عيوني ليش ماتردين
:-منين تعرف اسمي؟
:-ههه اخذته من ايليا
:-تعرف ايليا انته؟
:-هههه شلون مااعرفها وهي تصير بنت عمي
:-صدكك؟
:-اي والله واذا تردين تتأكدين تكدرين تسأليها
:-منو يكول انته صدك ابن عمها
:-اوك ادزلج صورتي وانتي سأليها اذا عندها ابن عم اسمه يزن وخليها ادزلج صورتي وقارني بيناتهم
:-زين منو يكول انته مامتفق وياها
:-ههههه اذا تردين ادزلج صورة الهويه وقارني بينهم
:-لاشعليه اني اصلا اتصلت بس حته اعرف شنو تريد مني
:-مااريد شي بس حبيت اسوي صداقه ويه حماه بنت عمي هههههه
:-ههه ماشاءالله عليك بسرعه تكون صداقات ياريت اني مثلك حته اكدر اصادق ويصير عندي بيست فريند.
:-واني هم صارلي هواي ادور على بيست الي
:-يعني عادي البيست يصير ولد؟
:-اي كلش عادي اني جانو وياي شكد ولد يصادقون بنات كلش عادي
:-زين انته ليش ماسويت صداقه وياهن
:-يختلفن عنه اكثريتهن يدورن سوالف مكسرة
:-عزةة صدك تحجي؟
:-اي والله
ضلينه الليل كله نسولف ونضحك وهو روحه حلوة ومرحه صار الاذان الفجر واني ماحاسه بالوكت وياه ترخصت منه لان امي هيج وكت تكعد وتجي تفتر علينه كلنه حته تكعدنه للصلاة
كل فترة خطوبه اخوي وايليا اني اتراسل ويه يزن تعلقت بيه هواي واخذ مساحه كلش جبيرة بحياتي اكثر من مرة اترك دراستي واروح احجي وياه بس هو ماجان يقبل يكول اذا جبتي درجه ناصيه مااحجي وياج لمدة يوم بالبدايه عبالي يتشاقه بس من جبت درجه ناصيه بوحدة من المواد وكتله بيومها كلش عصب عليه وحضرني يوم كامل هو مايحجي وياي واني طول هذا اليوم مالي خلك اي احد وحبست روحي بالغرفه ثاني يوم بالليل اتصل عليه بالبدايه مارديت واتصل مرة وثنين وبالمرة الثالثه رديت عليه
:-خير شكو متصل
:-ليش متردين عليه هاا
:-ليش ارد مو انته الي حظرتني وعفتني بعد شعندك راجع تتصل عليه
:-انتي ليش تصيرين حيوانه
:-لاتغلط خوشش
:-تمام مااغلط بس اني شنو كلت علمود دراستج هاا انتي تعرفين اني راح اسوي هيج اذا جبتي درجه ناصيه
:-عادي اصلا الدكتور راح يعيد الامتحان وأن شاء الله اطلع بيه درجه عاليه
:-عفيه هيج اريدج ريحانتي
:-يلا هسة اريد اروح انام
:-بعدج زعلانه مني؟؟
:-لا ليش ازعل بس باجر عندي دوام باي
ماانتظرته يرد وسديته وبوجهة يومين وهو يتصل واني ماارد اخر شي دز رساله
:-وعلي اذا ماتردين اجي لبيتكم واكول للشيخ صيحلي اختك اريد احجي وياها شوي بلا زحمه عليك وتدرين بيه اسويها
من شفت الرساله دك هو بسرعه فتحت الخط وكلت
:-خيرر
:-انتي شبيج صارلي يومين اتصل وماتردين هاا شنو سويت حته هيج تتعاملين وياي
:-تغشم نفسك انته ماطول كدرت يوم كامل بدوني معناها تكدر يومين وعشرة بعد على شنو مشكله هااا
:-هسة اني الي اسوي مشاكل وبعدين منو كالج اكدر بدونج لج اليوم الي حظرتج بيه اختنكت ظليت بيومها افتر بالشوارع مااكدر ادخل للبيت ونوب انتي كملتيها عليه من اتجاهلتي اتصالاتي
:-هسة شنو تريد؟
:-اسف اعتذر بعد مااحظرج بس انتي لا تجيبين درجات ناصيه ولاتتجاهلين اتصالاتي بعد خوش
:-افكر عود
:-تصالحنه هسة؟
:-اممم
:-ابوس الاممم مالتج
:-لاتصير سرسري
:-اموت عليج والله
:-اممم
:-شوكت اسمعها منج
:-شنو هية؟
:-تعرفين كلش زين شنو اقصد مو شلعتي كلبي شوكت تكولين احبك وتريحيني هاا
:-مااعرف من احس بيها راح اكولها..
:-وشوكت تحسين بيها يابه
:-مااعرف تعرف من اكولها
:-زين راح تجين للحنه مو
:-اكيدد غير الحنه مال اخوي اذا اني مااجي منو يجي
:-حلوو وشنو راح تلبسين
:-ملابس
:-ههههه متضحك ترة باعي من هسة لبس مشلح مااريد خوش
:-انته من صفحه وادم ونزار من صفحه خنكتوني خنك
:-علمودج كبدبد البسي لبس محترم ولاتحطين مكياج وشكو وحدة تسألج اذا متزوجه لو مرتبطه عدا امي اكيد كولي الهم مخطوبه تمام
:-وليش يابه
:-حته لحد يخطبج قابل ليش
:-وليش اسوي هيج يجوز اكو قسمه زينه ليش اطيرها من ايدي
:-وعلي اطيح حضج اذا سويتي هيج خوشش
:-هههههه تغار
:-اكيد اغار جاا المن اسمي حبيبج اذا مااغار عليج
:-فديت حبيبي الغيور
:- هههه منتظرج على احر من الجمر حبيبتي
:-واني هم منتظرة يوم الحنه اريد اشوفك
:-ماطلبتي شي من تجين للحنه اسألي على غرفه انفال بحجه تردين تعدلين لبسج واني راح انتظرج بالغرفه تمام
:-تمام حبيبي
مشن الايام طبيعيه اجه يوم الحنه الي منتظرته على احر من الجمر لبست فستان احمر قصير ويصير الردن مالته شفاف هو والصدر وبيه تطريز بلون الذهبي من ناحيه الصدر لبست فوكاه صايه ونزلت ردت اصعد ويه ادم بس ماكو مكان لان نرجس ونور اجن صعدن وياه اضطريت اصعد ويه فهد لان نزار هو يسوق سيارة مهران وصاعد وياه عمو ابو مهيمن هم
:-راح تضلين هواي واكفه؟؟
:-لا اجيت اجيت
صعدت وجان مبين عليه مامرتاحه لان يزن مايقبل اصعد ويه فهد يكول ماارتاحله وحذرني منه ومنعني من الصعدة وياه
:-بيج شي؟؟
:-هاا لامابيه شي
:-هاي الفترة مختفيه ليش ماجاي اشوفج؟
:-عندي محاضرات ودروس ومالحك احك راسي مو انوب انزل يمك واسولف
حجيتها وجان ملين عليه ضايجه
:-اي علكيفج ماحجينه شي شبيج تنترين
:-ماناترة ترة
:-براحتج يابه
سكت ماحجه بعد الطريق كله يشرب جكاير خنكني خنك بريحته
:-فهد الخاطر الله كافي مو اختنكت
:-افتحي الجامه وانتي ماتختنكين
:-الهوة عالي يخرب مكياجي هسة وينترس وجهي تراب
:-خايفه على مكياجج اكثر من روحج
:-مو هيج بس مااريدة يخرب لان تعبت بيه هواي
:-علموديش هذا اللبخ كله وانتي بدونه تخبلين من تحطين مكياج تروح البراءة الموجودة بيه
:-ههههه وجهي بيه براءة
:-امم تدرين ماجاي اصدك انتي كبرتي ودخلتي كليه بعدج ابالي ريحانه الصغيرة بالصف الاول الي من تجيب عشرة بالاملاء تاكل راسي حته اكوم اشتريلها ككو
:- ههههه والله طفوله حلوة على كلشي جنت ابجي واركض الك بأي شي يصير وياي
:-احلى شي تدرين مرات اكول ياريت ماكبرانه وتضلين ريحانه الي من تشوفني تركض الي
:-هههه ترة كلش عادي الواحد لازم يكبر لان هاي سنه الحياة
:-اممم
هز راسه وبعد ماحجه شي وصلنه للبيتهم واني خايفه لايشوفني انزل من سياره فهد ويعصب عليه الحمدلله دخلت للبيت وماشفته واكف بالباب دخلت للبيت سلمت عليهم وشوي وسألت غسق على غرفه غيداء حته اعدل ملابسي ماحجت شي وصلتني لباب الغرفه ونزلت فتحت الباب ودخلت للغرفه صار هو بوجهي نايم على الجربايه كام من الجرباية واجه يتقدم نحوي وعلى وجهة ابتسامه حلوة
:-اهلا وسهلا بحبيبتي نورتي بيتج يحلوة
:-منور بأهلة حبيبي
:-شطالعه تخبلين جنج كيكه
:-ههه حبيبي عيونك الحلوة
:-شكد حلوه كلمه حبيبي بحلكج
يحجي ويتقدم عليه
:-يزن شبيك
:-متخبل بيج اني
لزمني من ايدي نترت ايده وكلت
:-شبيكك يزنن
:-لاتخافين مني حاجيت امي عليج بس يخلص عرس ايليا اخليهم يرحون حته يخطبونج الي
فرحت بكلامه كلش لان كلش احبه واريدة
:-لازم اروح هسة قبل لاتنتبه على غيابي ماما
:-روحي حبيبتي بعدين نحجي
:-تمام باي
:-باي
نزلت واني فرحانه حيل قبل لاادخل للصاله نزعت الصايه والحجاب ودخلت للصاله
نارة:-انتي وين جنتي
رياحين:-لج رحت عدلت ملابسي ومكياجي
مشت الحنه على خير هي والعرس وكلشي تمام
_______________________
ايليا:-كعدت من النوم ولكيت روحي نايمه يم مهران حسيت نفسي بحلم ومااتمنى اكعد منه تذكرت البارحه وضحكت بخجل درت وجهي عليه جان نايم والضوة مال الشمس ضارب على وجهة مشيت ايدي على وجهة كله واستقرت ايدي على لحيته وضليت العب بيها فتح عيونه وكال
:-انتي ماعندج اخوان وتتحارشين بولد العالم من الصبح؟
:-لا ماعندي هههههه
صار فوكاي وكال
:- شنو رأيج بجوله صباحيه
:-هههه لا شكرا مااريد لان ورانه طلعه للمطار ومااريد اتأخر على اسبوع العسل
:-قصدج شهر العسل حبيبي
:-حته عيب اكول شهر العسل وهو اسبوع واحد بس
:-شسوي هذا الي كدرت عليه انتي بس اتخيلي مأمن الديوان والناس عد فهد وادم ونزار
:-هههههه ليش شبيهم مو بعينك
:-هههه لا والله بخشمي مااكول غير الله يكفي الناس شرهم وشر مخططاتهم
:-هههههه لهلدرجه؟؟
:-اي والله هسة مابيها مجال بس جوله وحدة
:-ابدد كوم نتريك حته نلحك نروح يلاا حباب
كام مني وراح للحمام واني كمت لبست الروب ولملميت الملابس الي موجودة بالكاع البدله غلفتها حته قبل لانروح للمطار نذبها على ابو المحل طلع من الحمام وكال
:-يلا حبيبي ادخلي اسبحي حته لانتأخر لان بعد ساعه ونص للطيارة مالتنه وهم ياله حته لانتأخر
:-تمام
دخلت سبحت وكملت طلعت بالبرنص مالكيته بالغرفه اخذت ملابسي ودخلت اسبح ومن طلعت لكيته واكف يم الطاوله يرتب بالاكل
:-يلا حبيبي تعالي تريكي
:-اجيت
تريكنه وطلعنه قبل لانروح للمطار ذبينه البدله على ابو المحل ونوب اتجهنا للمطار من وصلنه انتظرنه نص ساعه وانطلقت الطياره ورة كم ساعه وصلنه لتركيا عشت احلى اسبوع بحياتي بتركيا ماخليت مكان مارحنه اله وبالليل نسهر سوة
اليوم اخر يوم النه بتركيا تصرفات مهران جانت غريبه كلش ماقبل نطلع لاي مكان ضلينه كاعدين بالفندق وبالليل زادت غرابته ميقبل اكوم من حضنه وتقربلي مرتين وكل مااكول اريد انام ميقبل لحد الساعه 6 الصبح هو كاعد واني عبالك ميته مااكدر افتح عيني من ورة النعاس نمت وكعدت ب9 لان الطياره مالتنه ب10 وهم ياله نطلع وصلنه للعراق من بعد عدة ساعات والفاجأني سيارة مهران جانت موجودة قريبه على المطار
:-شتسوي هاي السيارة هنا؟
:-حته نركبها
:-لعد ليش محد اجه يستقبلنه من المطار
:-مايحتاج
:-اوك تمام
سكتت من شفته يجاوب من ورة خشمه صعدنه للسيارة ومشت بينه تقريب الساعتين انصدمت من شفته فات بالمحافظه مالتي
:-شنو نسوي جايين هنا؟؟
ضل ساكت مايحجي
:-مو على اساس نروح لبيتكم من شوكت جنت مقرر توديني لبيت اهلي؟
:-بلا رد
:-ترة جاي احجي وياك ليش ماتجاوب؟
:- بلا رد
سكتت من شفته مايرد عليه وصلنه لشارع بيتنه صف السيارة يم الباب مالتنه ونزل وفتح صندوق السيارة ونزل منهن الجنط مالاتي واني كل هذا وواكفه ساكته الناس بدتت تلتم علينه واني بس افرك بأديه بتوتر
:-مهران الله يخليك شجاي تسوي
احجي وياه وهو مايرد عليه
:-مهرانن شوف الناس شلون تباوع علينه خلينه نروح الله يخليك
الشيخ مهران:-شيخخخخخخ جابررررررر اطلعععععععع
صاح بعلو صوته وحته الجيران كامت تطلع من بيوتهم التمت المنطقه علينه
الشيخ جابر:-اهلا وسهلا هلا بالنسيب
الشيخ مهران:-لاهلا ولامرحبا بيكم
لزمني من ايدي وشمرني على جدو
:-هاكك هاي بنتك ابنك مايشرفني تصيرلي مرةةة
:-شنو هلكلام ابني شصاير وياكم
:-الصاير يالشيخ انته ماعرفت تربي بناتك تحجي على التربيه والشرف وانته بنتك ماعدها شرف
ايليا:-من سمعت هلكلام عبالك مي بارد وطاح على راسي صحاني على الواقع المر وكل هاي الفترة هو جان معيشني بحلم كل هاي الفترة جان يلعب بمشاعري
الشيخ جابر:-انته شجاي تحجي لكك بنتي اشرف من الشرف لاانته ولاعشرة من امثالك يكدرون يكولون غير هذا الكلام
الشيخ مهران:-هذا الكلام اقنع روحك بيه عود
تقدم على جدو وكال
:-لا عبالك نسيت ثار ابوي لااا مو الشيخ مهران الي يعوف ثار ابوه وماياخذه ياشيخ جابر
:-كلب خسيس
:-ههههه نتعلم منك شيخ
:-ليشش هيجج ولكك بنيتي شنو ذنبها ليش اذيتها هااا
:-تعرف ماجنت مفكر بيها ابدد جنت مفكر اكتلك بس بعدين كلت اذا اكتلك انته راح تموت وترتاح واني راح انسجن يعني بهاي الحاله ماسويت شي بس اذيت روحي راقبتكم كلكم وعرفت شنو نقطه ضعفك وقررت استخدمها ونجحت بهذا الشي
ايليا:-اسمع كلامه هو وجدو واهز براسي رافضه اصدك الي جاي اسمعه لامستحيل هو يحبني مايسوي بيه هيج رحت يمه ولزمته من ايدة وحجيت بتوسل
:-مهران حبيبي لاتسوي هيج بيه اني ادري بيك انته تحبني بس تحجي هيج حته تحرك كلب جدو يلا حبيبي كافي خلينه نروح لبيتنه
:- ههههه انتي بعدج لحد هسة مصدكه اني احبج اصحي بابا كل الي سويته جان من ضمن خطه انتقامي من جدج
:-لا لا مستحيل تسوي زين اني شنو ذنبي اني حبيتك من كل كلبي ليش هيج تسوي بيه
:-ذنبج انتي بنت عمران ابن جابر الزلمه الي كتل ابوي بدم بارد
عافني وراح ركب السيارة وعافني ومشه ضليت واكفه ودموعي على خدي الناس ضلت تباوع علينه ويحجون بيناتهم سحبني جدو من ايدي ودخلني جوة صاح بابا
عمران:-هااا بويه ارتاحيت هسة من البدايه كتلك لا تنطيها كتلك اني ماقابل بيه بس انته لاا شلون تسمع كلامي اهم شي كلمتك انته
الشيخ جابر:-عبالك فرحان اني هااا لك روحي جاي تحترك عليها لك الله ياخذني قبل لااوافق عليه وانخدع بكلامه
عمران:-شيفيد الحجي هسة هااا شلون راح نطلع كدام الناسس هااا شفتهم شلون يباوعون عليها ويتهامسون بيناتهم
احلام:-صخاممم بوجهج ايليا شسويتي بينه لجج احنه من يومنا يحلفون براسنه بالشرف وهسة انته خليتي علينه نقطه سودة همزين بنتي تزوجت جانن عنست من ورة سالفتج هايي
الجد:-لجج احلامم انتي شلونن وياججج لج ناقصينج احنه امشي اطلعي من يمي
طلعت احلام وهي تدردم اني صعدت الغرفتي واجر بروحي جر دخلت للغرفه وماطلعت منها بعد امي هي الي تصعدلي الاكل تضل ساعه تتوسل بيه حته اكل بس اني ارفض الاكل تدهورت حالتي بيومين امي من شافتني هيج كامت تجبرني على الاكل وبهاي الفترة اي شي اكله اتقيأه وحالتي حيل ادهورت منا لحد مابيوم من الايام دخلت عليه امي وكالت
:-كومي نروح للدكتورة
:-علمود شنو؟
:-نسويلج تحليل حمل
:-تحليل حمل؟؟؟؟
