رواية لأني عاقر الفصل الثالث والعشرون بقلم مريم خفاجة
ضربني راشدي بخفة
وهو يضحك عافني وطلع
ضليت اباوع للسگف بدون ما ارمش؟
شگال؟
احس الدنيا افترت بية
وعيوني معلگات بالمروحة
هو ذنبي؟
كمت بدون روح
وحتى دموعي مانزلن؟
بس گلبي احس صوت التكسير
جواي
يعيرني بمرضي؟
الي هو مو ذنبي؟ ولا ذنبك؟
ولا ذنب احد؟
هذا بلاء من ربي اعترض عليّ؟
آخر شخص توقعته يوصل لهالمواصيل هوَ
جنت مو حُب أحبة
لا!
وصلت لمرحلة اغلط بأسمي والفظ اسمك
هاي مجازاتي؟
اني الحبيتك اني الحترمتك
اني التحملت المُر علمودك المحد يتحملة
اني الي كلها وكفت
ضدي وكالتلي عوفي
وما عفتك؟
اني السمعت صوت قُربك منها
صوت قرفكم كلة وتحملت وسكتت؟
في سبيل الحب
وكلمات جاسر تدك براسي
الكرامة اساس الحب؟
شسويت اني شسسسسسسووووووووييييت
ليييش تجازيني هيج والله حبيتة
والله
گاعدة ؏ جربايتي والصوت الي بداخلي
يعاتبني
كمت و
طفيت الاضوية صارت هندس
وبالعادة ماطفي الاضوية كلها
دخلت بالفراش اني صافنة
شنو اسوي هسه؟ شنو الحل
وماكو غير حل واحد...
نمت واني كلبي يبجي
والصبح گعدت باوعت للساعة
بـ 8 الصبح واصواتهم جوة
وصوت ضحكاتهم العالية
يسمعون بية ويغثوني
كمت من مكاني غسلت وجهي
واباوع للمرايا عيوني دم واني ما باجية اصلا!
طلعت وباوعت لأرجاء الغرفة
راح يضل حبي اله يفتر بين
حيطان الغرفة
فتحت باب كنتوري
وجريت الجنطة مال سفر
فتحتها وضليت اسفط بهدوء تام
شلتها وكترتها ؏ صفحة
وكمت ؏ مرايا الف بالشال
نزلت أيدي ووكعن دموعي غصبا
عني باوعت للغرفه
هنا تشاقينة
هنا كعدنة
هنا لعبنة وضحكنة
وبذاك المكان نعبر عن حبنه واشتياقنه لبعض
راح اكمل حياتي بدونة
وهو خلي يكملها ويا عائلتة الكملت وتكاملت
و وجود ملاك مالة داعي بعد
نزلت واني اسحب بالجنطة وثگلها
دخلت للصالة
جانو كاعدين يتريكون شافني
كمال عكد حواجبه وكام على حيله واني
اتقدمت ووكفت كباله
كمال:-وين من صباح الله خير
ملاك:-اروح لأهلي وباجر تودي ورقه طلاكي
كمال:-ههههه لج بابا نجوم السما اقربلج
من هذا الحجي طلاك مااطلكج خليها ببالج
ثاني شي روحي بدلي ونامي خاف حلمانة
وراح يهز أيده تمدد على التخم
ضحكت وراه وعيوني تلمع دموعي
تقربت منة وهمست:- مايهمني اذا قابل او لا
بس من توصل للمحاكم عود تعال وكول مااطلك
تحضر باجر تجي للمحكمة اتطلكني وانت الممنون
درت وجهي لولاء وابتسمتلها:-تهني بي
دنكت للسويج اخذتة ومشيت سريع
وهو يصيح وراي
شلت الجنطة وركضت سريع
واتنفس بسرعة
كمال:-مللللللاااااااككككك
فتحت الباب وايدي ترجف
حسيتة راح يكتلني ويجرم بية
فتحت باب السيارة الورا وذبيت الجنطة
وفتحت الباب
مال السايق وركبت
وسديت الباب بقوتي
بحيث عبايتي انسدت عليها
شفتة اجة يحاول يفتح الباب
واني قافلتها قابلتة بعيوني التبجي
ومشيت سريع
مجرد ابتعدت عن المنطقة
بطأت الحركة خفت
من رجفة ايدي ورجفة رجلي المخليتها ؏ بانزين
واني ابجي واشهك
واحس سهام تطب بگلبي من نضراتة
وكلامة ودي اروح اهج
بس خوووفي ماجاي اكدر
اتجاوز نقاط ضعفي
دكيت ؏ ستيرن حيل:-للللللكككككك لييييشششش
لييييييش حبيييتتتتتك الللله ياخذذذ حبي الك
الله ياخذك الله ينتقم منننننك يانذذذذل
واني ابجي وعيوني مغوشة
كوة اشوف الطريق وصوت السيارات وراية
صرت امشي بالطرف
لحد ما وصلت لبيت اهلي
نزلت واني اشهك
ويمكن شهگاتي سمعتها المنطقة كلها
دگيت باب اهلي
اكثر من مرة واني ايدي كوة اشيلها
والباب حرارتة تلسع بسبب الشمس
بس گلبي احر والله جهنم بكبرها مو
مثل النار البگلبي
ادك بالباب حيل مثل المخبلة
ومحد يطلع
بجيت بصوت عالي:-افتحووووا الباااااب افتتتتحححححووووا
دكيت لمن ايدي نشلت
طلعت مرة جيرانة تباوعلي مستغربة
_شبيج خالة
مسحت دموعي وشهگت:-اهلي مجاي يفتحون الباب
عكدت حواجبها:-بس هم شالوا؟
سهم آخر طب بگلبي
تمتمت:-وين شالوا؟
_شالوا لبغداد من الاسبوع ذاك
دموعي تجري بأستمرار
انتوا هم؟ وين اروح
والمن الجأ؟ يا حضن يستقبلني
اضطر ارجعلة؟
بس والله لو جنازة هم مارجعلة
لو اعرف ابقة بالشارع
عفتها ورحت بسرعة
للسيارة صعدتها وخليت راسي ؏ ستيرن
ملاك:-كافي ياربي كافي مو تعبتني هواي
مو جاي تموتني وتعذبني
حتى اهلي عافوني
لفت السيارة ومشيت بالطريق ماعرف
وين اريد اروح
لحد ما وگفت كبال بيت
جدي
نزات باوع لبعيد خالي عثمان
بيدة علاليك رفع راسة علية وعكد حاجبة
ورجع دنك
دخلت ولكيت خالتي وجدان
ترش بالحديقة وهي الأُخرى الي استغربت
وباوعتلي بتساؤل:-ملاك
ملاك:-خالة
وجدان:-تعاي يمة تعاي
ركضت لأقرب حضن مُمكن يستقبلني
لأي شخص فاتحلي ايدة جان ركضتلة
بجيت بحضنها وشهگت وهي تهديني
"بـ بسم الله ؏ كلبج يمة "
ملاك:-خالة تعبت والله تعبت
وجدان:-اششش يمة غسلي شوي سمي بسم الله
غسلت وجهي والماي بارد يثلج الوجهه
وكلبي مشتعل
وجدان:-امشي خلي نروح لجدج
اي هو اني اريدة هو الوصلني لهذا الحال
هو الخلاه يرتاح وگلبي يتمرمر
دخلتلة جان كاعد وخالي عصام يمة
يقرة قرآن وجدي يرد وراه
قاطعتهم صوت خالتي:-يابة
رفع راسة علينة وعكد حواجبة:-هلا هاي ملاك لو منو؟
وجدان:-اي يابة ملاك
عصام:-تعاي خالي شبيج
سدت الباب خالتي ولزمتني
من ايدي واني امشي بثگل واحس جبال
فوك ضهري
تقربت يمة وهو گاعد ؏ قنفة
نزلت للگاع ؏ ركبي وبجيت ولزمت رجلي:-ابوس
رجلك جدو
كل مرة اجيك مكسورة وهاي المرة الثانية
جدو تعبانة اني والله ذبيتني بمكان مو الي والله مو الي
حط ايدة ؏ راسي وهو يگول:-احجيلي شبيج؟
ملاك:-كلشي بيه جدو الأمنتني عندة عيّرني بمرضي
الكتلة دير بالك عليها باوع شسوة بية باوووع
واني اشيل رداناتي واراوي الآثار والحمار
البيهن
نزعت حجابي وذبيت بالگاع وفليت
شعري وصرت اخذ بيدي وهو يوگع
نزلت التشيرت مالتي من يم صدري
وراويته عضامي الطالعة:-انت خليتة يرتاح
وزوجتة واني التعبت اني الوگعت بيها خلي يطلكني
وارجع لاهلي والله تعبت
هز راسة وهمس:-استغفر الله ياللهي
عصام:-هذا صدددك يحححححجي
احنة مووو گلنااااله هاي السسسالفة مال مرض ما
تفتحهااا گبالها تعاي بوية كومي شو
دنعل ابو اليخليج يمة
شالني واني حضنتة حيل
وضليت اشهك وهو يهدي بية
وجدو ساكت بس وجهه احمرر وعصبي
انفتح الباب وطب كمال
وخزرني خزرة ضميت راسي
بحضن خالي وهمست:-لاتخلي ياخذني ابوس ايدك
عصام:-اششش معليج تعال انت تعال
كمال:-كللها خلي تمشي بسرعة كبالي وتتجفة شري
لان اذا اطيح بيدي ادميها وحق هو علي
تقدم يريد يلزمني من ايدي
دفعة جدي وضربة راشدي:-يا خسيس مو صوجك
صوج اني الامنت بيك وانطيتها الك من تف عليك و؏
تربيتك يا سگط مالك مرة بعد يمنة
دور وجهك واطلع يلاااااا
كمال:-شنننننننوووووو اطللللللعععععع
تمششششششيييين لللللج لا ابتتتتتلي بييييج
جدي:-اطلگها وغصباً ما على راسك
كمال:- ما اطللللك ووووواللللله
عصام:-موووو بكييييفففك لك شممممسوي
بالبنية گلي ولك انت بشششرررر
كمال:-شمممممسسسسوووووييييلللللها يوووومية
افتر بيهاااا من دكتور لدكتور
ملاك:-هذا الحجي قبل سنتين مو هسة
ماعرف شلون لاحني
ولزمني من شعري دفعته عني
وشعري كلة اجة بيدة
طب خالي عثمان وصاح:-هااااي شكوو
و وردة ورا اول ما شافتني ركضتلي
واني ذبيت روحي بحضنها
وردة:-شبيييج شمسووويلج
هزيت براسي واني اشهك وهمه يتعاركون
وجدي كل ساع ضاربة وهوي يصيح
وخالتي وجدان تحاول تهدي الوضع وتصلي
؏ محمد وتنفخ عليهم
كمال:-گللها خلي تجي شنووووووو اطللللللك
انتتتتتو تتتتفههههههموووون شجااااي اححجي
عصام:-لا مانفهم فسر حضرت جنابك
كمال:-وييييين ترررروووووح اذاااااا طلكتهااااا ووييين
غمضت عيوني حييل
ورجعت فتحتهن وهمه محد رضى ارجعلة
وهو يصيح ويضرب وحتى وردة من دافعتلي
ضربها وصاروا دك هو وامير
لحد ما خالي فاككهم
صرت اشوفة وحش
كمال جانت عصبيتة دقايق يهدئ بكلمتين
هسه ليش تحول؟
طلع واني ضليت يمهم
صعدتني وردة لغرفتها تمددت
ودموعي تجري مسحتهن وهمست:-اهلي ليش شالوا؟
وردة:-ابوج نقلوا شغلة لبغداد
ملاك:-من شوكت هذا الحجي؟
وردة:-ذاك الاسبوع
هي عمتي من اجت سلمت علينة كمال موجود
وكالتلة مالحك اروح لملاك سلملي عليها
ضحكت واني امسح بوجهي:-اصلاً ولا جاب طاري
وردة:-الله يخلصج منهم واني حاجيت جدي وهو
مصمم انو تتطلگين
هزيت راسي وبلعت ريكي
وردة:-ملاك
ملاك:-ها
وردة:-متأكدة من قرارج؟
سكتت وغمضت
وهي ضلت تتلمس ايدي
ملاك:-راح اقاتل ويا حُبة حتى اعيش باقي حياتي
ضلت ساكتة ماحجت
وسمعت صوت علاوي فتحتهن وابتسمتلة
صعد ؏ الجرباية واجة يمي:-شلونج خالة
فتحتلة ايدي
واني ابوس بوجهه وهو فوگاي:-مو زينة اني علاوي
علاوي:-ماما شنو نحجي؟
ابتسمت وتمسح دموعها:-سورة الفاتحة
هز راسة سريع وكال:-خالة اقريها اعلمج؟
كتلة:-اي علمني
ضل يقرة واني ارد وراه واتعمد اخطأ
وهو يصححلي بعدين گتلة:-اني راح انام وانتَ
اقرالي تمام؟
كال:-اي يلا ماما اطلعي
ضحكت وردة وكامت وطفت الضوة وطلعت
واني بقيت مغمضة عيوني وهو كاعد
يقرة وصوته ناصي وهادئ
بقن دموعي ينزلن بهدوء لحد مانمت
وهو باسني وبعد ماسمعت صوتة
وضليت نايمة واحلامي متخربطة
وجان وجهه ولاء مستحل احلامي كلها
مادري ليش بس جانت
مُقرفة حيل
لحد ما فزيت مخترعة جان وجهه كلش قريب
صرت اتنفس بسرعة واني ايدي ؏ صدري
نزلت لجوة واسمع صوت صياحهم
وكمال موجود هم اول مانزلت رفع راسة
وهمس:-بس احاجيها والله ماسوي شي
شنو هالهدوء الأجة فجأة؟
سوالة طريق جدو ودخل لزم عكسي
نترتة وهمست بحدة:-دير بالك تمد ايدك علية لو تلمسني فاهم
كمال:-بس خلي نحجي
دخلنة لغرفة خالي وهو سد الباب
تكتفت وكلت:-احجي يلا
كمال:-ملاك ماتردين تطلگين انتي تردين بس هيج
علمود ارجعلج مو؟ ماگدر اطلگج ومستحيل راح
اكدر اعيش بلياج ملاك افهمي
ضحكت:-يمك اني وعشت بدوني
شلون لو اروح؟ وفعلاً اريد اطلك لا عبالك اضحك
وياك لا اريد رجعتك ولا اريد حبك
كمال:-ملاك انتي شلون تكدرين ماتكدرين ادري
بيج تحبيني مو انتحرتي علمودي....
قاطعتة:-جنت غبية ومافتهم
كمال:-ملاك خلي نحلها بهدوء واطلعج ببيت
وحدج واني اضل يمج والله
ملاك:-لاتحاول
ضربك امس؟ وكلماتك لسة ترن
بأذني عذابي شلون انساه؟
كمال:-آسف والله آسف اني احبج ماكدر اعوفج
ملاك:-لو تموت
تحولت نضراتة للغضب
ولزم متوني حييل وقربني اله وهمس
بفحيح:-تطلعين هسة وتكولين ارجع لااااا ووووااااااللله تشوفين شي ما شايفتتتته بعممممرج وحياتج كللله
ملاك:-شفت اشكال والوان راويني هاي اذا
انت رجال وتنفذ كلامك
كمال:-لجججججج لاااااا تسسسستفززززززييييننننني
ملاك:-تدري شيگولون؟
يكولون اليحب يوم واحد ميگدر بدون الي يحبة
ولازم يضل بقربة دائماً
وشحالك انتَ من عفتني شهر؟
ولو نجمع ايام السنوات الي تزوجت بيهن ونسيتني
شكم يوم يصيرن؟
يصيرن اكثر من سنة
باوع الفرق بين اليوم وبين السنة؟
وانت عفتني مرة ومستعد تعوفني مرة الثانية
والثالثة والرابعة روح كمال لا حُب ينفعك بعد
ولا كلاوات الحياة الزوجية تتحملني واتحملك
مو حبني واحبك وانت ماتحملت واني كذلك الي طاقة والي حد روح شوف حياتك ومرتك وجهالك اولى من ملاك
نضراتة نزلت وهمس:-متأكدة؟
هزيت راسي بـ اي
كمال:-لباجر الصبح وتدللين
عافني وطلع وطبك الباب ورا حيييل
نزلت للگاع حضنت رجلية لصدري وبجيت
وضليت اشهك طبت ورد وحضنتني بكل قوتها
وتحاول تهديني
دقايق وسمعت صوت امي
كمت واني امسح دمعة وينزل بحر من عيوني
فتحت باب الغرفة ولكيتها گبالي هي وجاسر
شهكت وكلت بصوت ناصي:-يمة
دارت وجهه علية
وفتحت عيونها واجتني تركض:-ملااك يبعد امج
ذبيت روحي
وهي شبگتني حيل صحت:-لييييششش عفتوووووني
ليش مو تدرون بية مالي غيركم
ايمان:-والله صارت بسرعة بسرعة
شو يمة باوعيلي اللللله لااااا يووووفقج يا بيدددداءء
والللله يطلع حوبة بتي بييييك يا كممممال يانذذذل
واني كاعدة بالگاع وهي هم وحاضنتني
بكل قوتها
اجة جاسر وكومني وحضني هم وهو يهدي
بية ويگول:-انعل ابو كمال لابو حتى الجابة يمنة
اخذني من ايدي ورحنة للاستقبال كعدنة
وهمه يسولفون واني بحضن
جاسر
جدي:-بابا ملوكة ثابتة ؏ قرارج؟
هزيت راسي واني ساكتة
جدي:-بس هو يگول اخذلها بيت يم اهلها
ببغداد وهو ينقل يمج ويبعدج عن المشاكل
وابغض الحلال عند الله الحلال
باوعت لأمي عيوني مدمعة
وهي خزرتني ودارت وجهع لجدي:-يابة وراح
احلفلك تلث مرات والله والله والله يا ملاك
ماترجع لكمال لو تگصون رگبتي ورگبتها
دباوع لحالها لخاطر اللله حال مخلي بيها هذا
النذل اطلگها وارجعها وياي تعيش ببيتي
معززة مكرمة ولا اخليها تندل عد هذا وهذاك
ولا اخليها تصير مثلي
جدي:-وانتي شكد كلنالج تطلكي ورجعي يمنة
ليش رفضتي؟
ايمان:-اني جان بركبتي ثنين بنات يابة
وهو كالي اذا طلگتي حتى نفقة مانطيج منو
يصرف عليهن؟ اني ضليت لخاطرهن بس
ملاك:-واني وصلت لهذا العذاب بسببه
باوعتلي وسكتت وذبت نفس
وهمست:-يابة من الأخير طلاك يطلگها ورجلة
فوك راسة
هز راسة وگال:-باجر الصبح يجي الشيخ وتنفصلون
وان شاء الله تشوفين حياتج بعيد عنة
وترجعين تكملين دراستج وتشوفين مستقبلج
ايمان:-اكيد اخليها تكمل
باوعتلي وابتسمت واني روحي مطفية
ضميت راسي اكثر بحضن جاسر
وهو همسلي:-انعل ابو الينزل دمعة منج
ملاك:-تعبت جاسر والله تعبت
جاسر:-اشش بابا حبيبي
محد راح يتعبج خلي يطلگج ونروح لبغداد
هناك تشوفين حياتج تختلف عن الهنا
ونشوفلج رجال هم
ملاك:-لاااااا لو اموت مازوج بعد
غمزلي وكال:-يومين وتكولين اريد رجل
ضحكت وضربتة بصدرة
وفرشولنة اني وامي وجاسر بالاستقبال
وعيني ما غمضت للصبح
وحبي أله؟
وكل هذنيج التضحيات؟
وكل الدموع النزلتها عليك؟
ونغزات گلبي الك؟
ماغزرن؟
كعدتني امي فتحت عيوني بسرعة
أيمان:-ها امي صباح الخير
ملاك:-يا خير هذا
ايمان:-اششش كومي كلشي بيد ربج
گمت ورحت للحمام غسلت واليوم
انفصل عنك يا كمال
نبتعد عن بعض
انتَ بديرة واني بديرة
انتَ بمكانك عايش ومرتاح واني بمكاني
وروحي متلوعة
تستاهل؟
حقك تعيش؟
غلطت بحقك اني؟
اني الطرف الثالث الي بحياتك؟
طلعت و وردة گبالي عيونها حمر:-مراح تتطلگين من كمال بس راح تنفصلين عني هم مراح اشوفج
يومية
شهگت وذبيت المنشفة من
ايدي وحضنتها حيل واحنة نبجي
وردة
شكد حُبي الها مايتوصف
يمكن كلها عضت ايدي
عدى هية الي مسدت عليها بحنيتها
صديقتي واختي والي سندتني
بأوقات اني جنت محتاجة سند
حاوطت ضهرها وهي كذلك ومشينة سوة
دخلت للمطبخ وهي مسويتلي ريوك وياها
گعدت بالگاع بصفها وعلاوي ياكل
واني اباوعلهم راح اشتاقلكم
علوش وحنيتة مثل حنية أمة
دنكت آكل
شوية واندك الباب واني مخلية
راسي ؏ جتف أمي
واحاول انسى الموضوع ماريد افكر
اندك الباب قوي وصوت خالي گال:-اتحضري
ملاك راح يجي السيد
گلبي انتفض
وضليت احاول اهدي بالفكرة
احاول اخلي يتقبل انو هذا اللازم يصير
مالازم ننزل اكثر
حبيناه هواي اني وياك
تعبنة علمودة
وهوَ؟
مابادر يگلبي مابادر
لبست عبايتي واني واكفة كبال الباب
اطب لو لا؟
تقدمت وگلبي يرگع
واني منزلة راسي ودموعي مجلبات برمشي
دخلنة وامي همست:-السلام عليكم
جاوبوها واني كعدت بينها وبين
ابوية الوجهه مايگصة الطبر
وكمال ماهوَ
ثواني وانفتح رفعت عيوني
قابلتني عيونة الحزينة
وسواد عيونة بسواد ملابسة
والمفروض من اول جرح ما انطي عين لسيفك
بس اخ بالغدر
كعد كبالي وهو مدنك
يفرك ايد بأيد
وشفايفة ترجف
بدة السيد يقرة واني فاصلة
عنة
وصل لنُقطة طلاقنة
وبس يلفظ الطلاق نصير مُطلقين شرعاً
غمضت عيوني حيل ولزمت
واني اخرمش بأدية
واهز براسي بشكل سريع وهمست
بصوت عدى امي تسمعة:-لا لا لااا
طبلات أذني توقفت وصارت صفارة
عالية
گمت احس اني بغير عالم
وماصحاني غير كلماتة
كمال:-انتِ طالق
طالق
ط...
سكت وما كمل
سمعت صوت السيد كال:-كمل الطلاق الثالث
حتى تُحرم عليّك
رفع عيونة بعيوني ورجفت رموشة
واني مستمرة دموعي تنزل:-طالق
ونزلت دمعتة مسح وجهه بسرعة
عفت كلشي وطلعت
وردة گبالي شهگت
وركضت لفوك دخلت لوحدة من الغرف وقفلتها
وصرخت بعلو صوووتي:-ياااااااااااا الللللللللله
أخاف آني إذا تقترب مِنيّ تمِل
وأخاف من أبتعد تِنسى
وبَعد مَا نعرف نكمل
آني اللي أعوف بسَاع
شنو الخَلة رَغبتي وياك
أكثر من سَنة تطول؟
شنو الجَابرني بيك وهيچ متحمل؟
إذا عَ الشكل شِفت أحلة
و إذا عَ الطبع شِفت هوايّ نَاس
أطباعهُم سَهلة
و إذا عَ اليعزوني أدري بروحيّ
يَم غيرك هوايّ أغلة
أريد أعرف شنو العِلة؟
شنو الخَلانيّ أتمناك تِمشي ويايّ
وعَن الرادوا يماشوني أتخلة؟
وشنو الخَلانيّ طول اليوم أسولف بيك
ويَمك أسكت و مَا تكمل الجُملة؟
أريد أعرف شنو العِلة؟
شنو الخَلانيّ مَا أگدر
أخليّ عيونيّ بعيونَك؟
و أقرر عَ الغياب وأتعب بدونَك
شو لمن تلاگينيّ ..
فَرحتي وضُوجتي بكيفَك
عليمَّن تسأل شلونَك؟
جَربتة البُعد عَنك صَعُب
وهواية أذانيّ ..
و صَعُب لَمن أضل ويَاك
وأحِسك عندك أستعداد تنسانيّ
من بَرة تبين شَخص مَا مَحبوب
بَلكيّ بداخلك يطلع شَخص ثَانيّ
أريد وياك أحِب و أرتَاح ..
مو مَال أبقى يَمك وآني دا أعانيّ
صوت تكسير الباب
اسمع كلشي بس ما جاي احس بروحي
شجاي يصير؟
صرت بأحضان جاسر
وهو يصرخ بوجهي ويرشون المي
ويحاولون يصحوني
فتحت عيوني همست:-اريد اموت
مرت كم ساعة يلا كدرت اشوف عدل
واني ماكو شي بعيوني غير صورة كمال
لبستني امي عبايتي واني امشي
جسد بدون روح
نزلوني ؏ كيف
باوعتلة كاعد ؏ قنفة يدخن رفع
راسة وباوعلي وابتسم
وگام
وجاسر صار حاجز بيني
وبينة
وخرتة عني وباوعتلة وعيوني متروسة
دموع
صفك ايد بأيد وكال:-وهاي الردتي صار
بعد الدراما هاي عليمن؟
ملاك:-دراما؟
ايمان:-واحد ساقط وعار والله وماتنحسب ؏ زلم
جاسر:-امشي يمممة امشششي
كمال:-وهاي خلصت القصة ست ملاك وان شاء الله
ياخذج الأحسن مني هاي اذا اخذوج
دار جاسر عليّ وضربة بوكسي
وصار كمال جوة ايد جاسر مايقاوم
لحد ما وخروا امير وخوالي
جاسر:-اببببنننن الكللللللب وللللككككك شعرررررة
من شعععععرهاااا ماتسسسسوى ولو تلف
الكون ماتلگة مثلها يا نذذذذل
تفل عليّ
وجرني من ايدي واني اباوع لورا وهو
يعت بية وعصبي
فتحلي باب السيارة ودخلت
وماباوعت لوراي
ضليت حاطة راسي ؏ جامة
وايدي تفر بالحلقة الي هو تخلة عنها
لحد ما وصلنة لبغداد
فتحلي الباب واحنة كبال
البيت طلعت واني اباوع لضخامتة
وجمالة المَنطقة جانت تجنن
والبيوت بعد احلى
همست:-هذا بيتنه؟
جاسر:-بيت أمي
عگدت حواجبي:-نجلاء؟
جاسر:-لا هاي امونة الحلوة
ملاك:-شلون مافهمت
ضحك:-لج البيت مني ومن ملك واحنة
جنة مجمعين وفوگاه رواتبنة صارن كم مليون
تداينت واخذنة البيت وصارت ست امونة
هي ام البيت
ابتسمت:-عاشت ايدكم
دخلنة سوة وماشوف اله الجكليت تناثر
وصوت هلاهل ملك المو مضبوطة
تصيح ماتهلهل
ضحكت اكثر
وكلت:-كافي ولج
وزودتها امي وهلهلت وياها
ابتسمت ودخلوني واني اباوع لأرجاء
البيت الكلشي بي حَلو وفخم
سلمت علية نجلاء وكالت:-وهاي رجعتي
مطلگة وعاگر
عاطت بيها ملك وجاسر خزرها
وهي مشت و تهز بجسمها
لزمتني ملك وصعدتني لفوك:-تعاي شوفي غرفتنة
ملاك:-هم فوك
ملك:-اي ولج هو البيت تلث طوابق
الطابق الاخير لجاسر
ملاك:-حلو
دخلنة للغرفة و
باوعتلها:-هو هذا هم صبغ؟
ملك:-معليج معليج الاسود سيد الالوان
جانت الغرفة لون اسود وابيض
واكثر شي اللون الاسود
تجيب الكآبة
باوعت بس جربايتين:-يعني لازم بعد جرباية الي؟
ملك:-لا هي هاي الي وهاي الج
عكدت حاجبي:-جا وريم؟
ملك:-هاي غرفتها تعالي
طلعنة من الغرفة مالتنة
واكو باب كبالنة فتحتة وجانت ريمة نايمة
فتحت الاضوية
الوانها فاتحة دمغت ملك:-دباعي هاي الالوان التفتح
النفس حاطتلج اسود شنو شعدنة
ملك:-انجبي صح غرفة العوبة هاي حلوة
بس لا غرفتي احله
ريم:-طففففففي الضوووووووة
ملك:-هاي ملاك هنا
ريم:-جا شسويلها طفي الضووة وسدي الباب
ضحكت وطلعنة وصعدنة فوك
بعد البيت حيل جبير
صعدنة لغرفة جاسر فتحتها
كلشي بلون الابيض
حتى اللابتوب مالتة بلون الابيض احس
روحي داخلة مستشفى:-انتي وجاسر
ماعدكم اذواق
ملك:-دكلي تبن لج مو اخليج تنامين بالصالة بالبرد
ملاك:-انجبي
نزلنة للغرفة
وهي صعدتلي الجنط ملاتي
نزعت شالي وفتحت شعري و وگفت كبال
المرايا
وگعت عيوني ؏ كلادة تلمستها
وجانت آخر نضرة بيناتنه قبل ساعات
ناسيني هسة لو تذكرني؟
اني ما ناسية
ولا اي لحظة مرت بيناتنة
فتحت باب كنتوري وكعدت اسفط بالملابس
و ويا كل لبسة اشم
بي عطرة
لحد ما خلصت ملابس
وتمددت ؏ الجرباية غُفيت
ومرت كل ليلة طيفة يمر علية
وما اغمض عيني اذا ما اتخيلة
هسه شديسوي؟
ويا ولاء اكيد
مَرت ايام ونزلت لامي:-يمة شوكت
نروح للمحكمة
أيمان:-جدج متخربط يكول كم يوم ويجون
لهنا بمحكمة بغداد
ملاك:-تمام
أيمان:-بس ينفتح التقديم ؏ الجامعات اقدملج
ملاك:-لا لا مابية حيل خليها للسنة الجاية
عاد ارتاح شوية
أيمان:-صح احسلج ترتاحين ونسافر سوة اني وياج
واخوتج وتتونسين نوب تدرسين ها؟
ضحكت وهزيت راسي
فتحتلي اديها حطيت راسي بحضنها
وهي ضلت تمشط بي بأيدها وتبوس براسي
وتضحك وياي
انساه بس كم دقيقه
كم ثانية
معقولة انساه عمري كلة؟
العوضني بكلشي
ليش رجع اخذهن مني؟
فرحتي قدمها الي بصحن من ذهب
رجع سحب الذهب مني وانطاه لغيري وكبال عيوني؟
كلمات تجرحة لسة ترن بأذني
ما جاي اكرهه بس ماريدة
اريد كمال الأولي ومُستحيل يرجع
واحد هاي ألايام المُرة
اندك الباب
وكامت امي فتحتها
وتاخرت برا ضليت اكلب بالموبايل
بعدها قلقت ليش تأخرت امي؟
گمت وراها واشوفة كمال
ضليت اباوعلة من الجامة
اباوع لزم ايد امي وباسها وهي سحبت
ايدها بسرعة واسمعة يكللها:-عمة شترديني اسويلها
اسوي والله هذا هذا البيت الي بصفكم
مو عارضي للبيع اخذة والله
ادفع دم كلبي واشتري واكعدها بي
واني انقل شغلي ببغداد واخلي دوام يومي
والله اضل يمها ابوس ايدج عمة لاتحرميني منها
والله احبها
ايمان:-روح كمال منا تطلگتوا وهذا هو ومارجعها
الك لو تموت بنتي لحد الان جاي تشوف
الويل روح منا احسلك صار عندك جهال
ومرة بعد شتسوي بيها
كمال:-ماكدر بدونها والله
دفعتة بخفة وهو عيونة نازلات
اول مرة اشوف كمال مذلول!
صار كبال الشباك باوعلي
بسرعة وهو يترجاني بعيونة
سديت البردة وطلعت من المطبخ
ورحت للغرفة
شوية واجت امي وراية:-ساقط والله لو
يموت ما ارجعج اله
ملاك:-واني اصلا مارجع
تقدمت وباست راسي ابتسمتلها
ونمت
وبيوم بليل
اجة جاسر:-نطلع؟
ملك:-ايييييييي اكييييد شلووووون مانطلعععع
ملاك:-؏ كيفج يا
جاسر:-تموت ؏ خوارة
ملك:-جا اكو احلى من الخوارة؟
جاسر:-دگومن يلا
لبسنة وملك لابسة بنطرون وقميص
كتلها:-تطلعين هيج ولج؟
ملك:-حبيبي هسه تطلعين لبغداد وعيونج صير براسج
امشي وسكتي
هزيت ايدي واني لبست جبة
وربطة وخليت مكياج خفيف وطلعنة
سيارة جاسر حديثة ذولة منيلهم فلوس
مادري منين يجيبون وهمه قبل سنة تعينوا
صعدت بالورا اني وامي وريم وملك بالكدام
وامي تصيح ؏ ملك ؏ لبسها ومكياجها
وهي ماتهتم
فتحت تلفونها ؏ مسجل
وطلعت رگص واغاني ردح
ونوب صاحت:-جاسسسر اغنيتناااا اغنيتنا
ضحك وطلع اغنية ثانية والصوت
عالي بحيث اليحجي بيناتنه محد يسمعة
من نوكف ازدحامات ينصوها
وطلع جاسر الاغنية
وهي كالت:-ملاااااك اسمعيها وركصي ؏ جروحج
دمغتها وهي ضحكت
وجانت مطلعة "اسويها صدك"
وتغني وياها:-
اسسويها صدك
وازعل ولا اجيك
ولا اريدك تمرني
ولا امر بيك
ايس واگطع الضن
خلي عيوني يبجن
ايس واگطع الضن
خلي عيوني يبجن
بما ان الضحكك لازم يبجيك
اسويها صدك وازعل ولا اجيك
وتصفك وتضحك هي اغنية ولازم يركصون
بس مادري ليش سرحت بيها
الضحكك لازم يبجيك؟
فعلاً الضحكني بجاني
وهمه يغنون بعلو اصواتهم
وجاسر يطگلها اصبع وهاي تهز متن:-
انا المر علية ابد ما مر
مثل العبرت واحد والآخر
إذا مو الك المن
هذني عيوني يبجن
إذا مو الك المن
هذني عيوني يـبجن
انا المجروح كلي شلون اداويك
اسويها صدك وازعل ولا اجيك
غمضت عيوني وخليت راسي
؏ الجامة واباوع للشورارع الفارغة مثل داخلي
وفصلت عنهم
لحد ما وصلنة لمطعم
نزلنة وحجزلنة جاسر طاولة معزولة
وگعدنة وهو مهتم بينة وشنو نريدة يكول دللن
كعدت وباوعت للمكان وتذكرت المطعم
الي جان ياخذني الة كل مرة
من الصعب انسى شي كلش صعب بالنسبة الية
واني انسانة ماتنسى آلامها
واذا شي يفرحني اضل اذكرة طول عمري
بعد ما خلصنة واني اسمع لكام
خواتي وامي واشوفها شكد فرحانة ومكيفة
وكل ساعة باستني
بعدها رحنة كعدنا بالألعاب
جانت ضخمة
وملك وريم راحن يلعبن
بالسفينة وجاسر وياهن يكصلهن كارتات
شوية واجو كلهم
وامي خزرت ملك الطالع
شعرها من الحجاب وهي ضمتة بأهمال
وكعدت يمنة واكلنة موطة واحنة نضحك
بيومها ضحكت ضحك مو طبيعي
لحد ما رجعنة للبيت احنة نضحك
رجعت بدلت ونمت بسرعة ؏ جربايتي
غفيت ماحس بروحي
فزيت ؏ صوت موبايلي
كعدت وعيوني مغوشة كلت يمكن وردة
لان دائما تحجي وياية باليل
ماجنت اكدر اشوف المُرسل الرسالة منو
رجعت غفيت
ومرة الثانية فزيت ؏ صوت التلفون يدك
باوعت رقم
منو؟
الساعة ب3 الفجر
ضل كلبي يدك اخاف اشيلة
خلصت الرنة وماشلتة
واني صافنة ؏ موبايل منو يتصل علية بهيج وقت
رجع دك مرة الثانية
ضغطت ؏ العلامة الخضرة وشلتة
وهمست:-الو؟
_ملاکي
ملاك:-كممممال؟
كمال:-انزليلي ملاك راح اموت والله
ملاك:-وين انزلك كمال شجابك؟؟
كمال:-انزللللي ملاك والله هسة احرك روحي گبال بيتكم وووووااالله
ملاك:-انتَ تخبلت شلون انزلك امي ماتقبل
شلووون
كمال:-النفط والجداحة بيدي الج خمس دقايق
اذا مانزلتي احرك روحي
نترت:-احرك روحك جا شسويلك
وطبگتة واني حاطة ايدي ؏ گلبي
اجتني رسالة من الواتساب
دخلت عليها
جانت صورة لجداحة ودبة
وباب بيتنة رجفت شفايفي وضغطت ؏ اتصال
شالة وگال:-انزلي ملاك
ملاك:-شددددتتسسوووي اننننت
كمال:-انزلي
همست:-راح انزل يلا بس لتسوي شي
طبكة واني
حرت شسوي
انزل؟
كلت انزل بس من يم الباب ماخلي يدخل
اخذت شالي
واني لابسة تراك نوم
نزلت ؏ كيفي فتحت باب غرفة امي نايمة
سديتها
ومشيت بهدوء
افتح بالبيبان بدون صوت
رحت لباب الجبيرة ايدي ترجف فتحتها
بالمفتاح ومديت راسي
جان گاعد ؏ طابوگة بصف الباب ويشرب
جگاير
سمع بالباب وباوعلي عيونة
حمر:-شتريد؟
گام واني رجعت الباب شوية واني وراه:-كمال
احجي بسرعة
ذب الجگارة وداسها برجلة
وحط ايدة ؏ باب وفتحة واني تراجعت
لورا فاتحة عيوني ؏ وسعها:-شددددتتسسسوووي
رووووح اطلللع كمممال
جرني من ايدي وهو حاط ايدة ؏ حلكي
ويهمس:-اسسسس مشتاااقلج
حط راسة برگبتي
وشمني حيل:-ملاك اريدج مشتاقلج ارجعيلي
ملاك:-ماگدر كمال روووح ابوس ايدك لا يطلع احد
رفع راسة من رگبتي والعرك
يصب منة لزم رگبتي من ورا وجرني
اله باسني بشفتي حييل بشغف
كأنما عطشان الها
حطيت ايدي ؏ متونة وبجيت
احاول ابعدة عني وماگدر
شالني وهو يمشي بية للاستقبال ويبوسني
بعُمق
فتح الباب برجلة
ودخلنة وذبني ؏ تخم وهو فوگاي
صار بين رجلية ويفتح بدگم القميص
ملاك:-كمال عوفني كاااافي
كمال:-اسسسس انتي الي ماتصيرين لغيري
ماعوفج والله ماعوفج
رجع يبوسني من صدري
ومن كل مكان واني مغمضة عيوني
لحد ما انفتح الضوة
فزيت مخترعة
گمت واني اسد بالدگم واشوفها امي گبالي
وكمال يمسح بحلكة ويجر بخشمة مثل المنشول
وهي واكفة گبالنة ونضرات القرف بعيونها
لدرجة تقرفت من روحي
تقربت من كمال وضربتة راشدي
وهمست:-اطلع من بيتي
كمال:-باجر اجيب السيد وارجع اعقد عليها
ضحكت امي:-لو جانت ذرة أمل ارجعها الك
اختفت حتى هي اطلع بررررة اططططللللع
طلع وهي راحت وراه
مشيت وراها سدت الباب وباوعتلي
ملاك:-يمة
ضربتني ؏ حلگي
والدم جرة منها سحبتني من شعري
ودخلتني لغرفتها وقفلت الباب
وضربتني ضرب
يمكن ابوية ماضاربة الي واني ماصيح
اخاف يكعدون وهي تصيح بصوت ناصي:-ووووولج
ببببتتتتتت الككككككلللللب وللللللج
انتتتتتي شنوووووو مننننن بشششششر فهممممييينييي
شنوووووووو وللللج گليليييييي گليليييييي
الله ذابج بلاء الللللللللله ذابببببج علييييية بلااااااء
وهي تضربني حيل ؏ راسي
بثنين اديها والدم بعدة يجري من حلگي
ملاك:-يمة بس افهمج ابوس ايدددج
ايمان:-شتتتتففففهمممممميييييننننني
بتتتت النعاااااال اني اعلمج اصبريلي
طلعت وقفلت الباب علية
واني ضليت وحدي ادك ؏ رجلية وابجي
يالله شسويت اني شنزلني
لا لو مانزلت جان حرك روحة وذبها براسنة
لج طبببببة مررررض ططططببببة مرررض شسويت
ياللهي
وضليت يومين محبوسة بي ملك
تجيبلي الاكل وتطلع وترجع امي تقفل الباب
اسبوع مر واني ؏ وضعيتي
لحد ما بيوم اجت فتحت الباب ونترت:-كومي بدلللي يلااا
ملاك:-وين؟
ايمان:-لللللمممممحككككككمممممة ويييين يعنننني؟
هزيت راسي وهي شمرت الملابس علية
وطلعت بدلت وروحي تنكث
طلعنة والطريق كلة دموعي تنزل بسكتة
لحد ما وصلنة
دخلنة للمحكمة ناشغت
وهي دارت وجهها وخزرتني وهي ضابة ايدي
بيدها
گعدنة ؏ كراسي
باوعتلة كاعد بعيد ويفر بالحلقة
ومدنك
وامي رجعت راسي لمكانة وكل ساعة خزرتني
مسحت دموعي وخليت راسي ؏ جتفها
وغمضت عيوني:-ياللهي صبرني تعبت
فتحتهن وباوعت لجاسر واكف يم
صديقة وبيدة اوراق وثنينهم يباوعولي
درت عيوني وفز گلبي من صاحوا اسمائنة
وخرت راسي عن جتفها وگمنة دخلنة للقاضي
الاستشارية جان موضوع دبرة
صديق جاسر وماخلانة ندخل وهذا شرط من امي
رغم كمال اجة وتعارك بس خوالي
منعوا
الاوراق گبالي ومنتضريني اوقع
سألوني عن الغايب وامي تخزرني وكلت اريدهن
كاملات
والنفقة فـ كل شهر اتفقوا 150 الف
واني الفلوس كلها مو همي ولو بيدي اتنازل عن
كلشي
الغرفة تنازلت عنها
وماردتها
وهو يبتسم ويوافق
احس روحي نهانيت گبالة بس امي واكفة
بعيني
وقعت واني مدنكة بدون مارفع راسي
اخذ القلم من ايدي وهو يلامسها
ويباوعلي
وقع هوَ
وكمل طلاگنة هو بجهه واني بجهه
طلعنة وهمة يمشون كبالنة وامي لازمتني
وكلادتي لازمتها بكل قوتي
همست وراه بصوت مسموع:-كمال
وامي عصرت ايدي حيل
وگف وضل داير وجهه وهمه باوعولي
تقدمت ورجلية ترجف ودمعتي بخدي
دار علية وهو يباوع لعيوني
نزلت راسي للگلادة "اجنحة الملائكة"
وغصيت بدموعي وكلت:-هاي الكلادة بيوم
جنة فرحانين بنجاحي
بيوم جانت عيونك تلمع بلمعتهن
وطفت لمعة عيونك ولمعة الذهب وياهن
ومادام عفتك فـ مالة داعي انتضر شوكت يرجعن
يلمعن
حطيت اصابعي ؏ كل جناح
وكسرتهن وطلع صوت مسموع من كسرتهن:-سمعت
صوت الكسر؟ وصوت تكسير گلبي هيج
مديت ايدي ؏ ايدة وحطيتها بنصها
وهو عصر ايدي
والكلادة ابتعدت واني اباوعله ودموعي تنزل
وكلماتي متقطعة:-اتمنالك حياة سعيدة
وخلصت الحكاية...
آخر يوِم اليهَ ويَاك وأول يوِم
مِن دونّك طلعٌت مَن الحَرب
خسـران راحة بـالي وعُيونك...
