رواية عشك الشاهيين الفصل الثالث والعشرون بقلم مجهول
🌿**من ذكِرتك
سكِت كُلشي..
وعاِند السكتة وبقَة
يصّب الدمـٰع
ومن ذكِرتك رفـٰس گِلبي
وراد يكسرلـٰه ضّلع**🌿
شاهين
مريم وين
زهراء
نايمه ويه الجهال بغرفتهم
غرام
صدك اني من كعدت مالكيته جانت نايمه وياي بالغرفه
زهراء
والله مادري اني بليل رحت اشوف حسن وغرام لكيته. نايمه وياهم
غرام
يا غرام عدكم طفله اسمه غرام
علي
اي بتي الصغيره جنت نيتي اسميه ايه. بس شاهينً قفل اله غرام. وهل طفله اني تكلي عمو وشاهين بابا.
صگر
اي اذا يمكن هيه البنيه الوحيدة الي يدلله شاهين بعد مريم. لان قبله جانت مريم خط احمر.
ضليت صافنه ليش مسمي الطفلة. عله اسمي. وراها نزلت مريم وهيه شايله هاي الطفله الي اسمه غرام. اويلي ربي جنه ملاك. اول مكعدت مريم اخذته منه. هاي مال عض مال كرط شهل خدود. عبالك تفاخات ترفه ونوب ماتستغرب صفنت عليه نفس لون عيوني. كبل رفعت راسي لا أرديا كلت لشاهين
غرام
شاهين.
هو مثل الي ارتبك. وهو يصفن عليه بغضب كال بتوتر
شاهين
ها دكتوره
غرام
باع عيونه مثل عيوني.
هو ضل صافن بيه والكل أيد كلامي محد لاحظ اكو شي غريب الكل جان يسولف ويضحك. ومندمج وهاي الطفله تهوس بديهه من شوف شاهين الي كاعد كدامي اخر شي كال
شاهين
جيبيه
اخذه مني وهو يسوي هلو بروح بابا شلونه حبيبه الشاهين. غرامي الحلوه
ماعرف ليش كمت. اغار من هل طفله. هو شنو الي اغار عليه الكل جان يأكل فرحان ومتونس اله اني شاهين مجان يأكل بس يلاعب بالطفله
من كملنه اكل والكل كاعد كتلهم
غرام
اني استاذنكم اليوم راجعه لبغداد ومرام آمانه الله ورسوله
ام علي
بنتي مرام صارت بنتنه بعد هاي حاله حال مريومه وزهوره والله بعزتهم
غرام
تسلمين خاله متقصرين
شيخ مظفر
بويه ليش ماضلين سبوع اخر. عل اقل ظلي يمنه للسبعه
غرام
لا شيخ ماكدر. اعذروني بس اني حتى للسبعه ماراح اكدر اجي
مرام
يعني خلص قررتي
غرام
اي جان لازم اقرر من زمان بس جنت باقيه لخاطرج. وهسه انتي بيد الي يستاهلج
صگر
تسلمين دكتوره. بس شنو شقررتي وين تروحين
غرام
راجعه لأمريكا. وراح اخذ امي وياي.
فهد
اوبس امريكا مره وحده
غرام
هههه صارلي اربع سنوات هناكه. اول ماتخرجت سافرت.
مرام
اي هيه وره وفاة بابا. سافرت بقت اربع سنوات بعدين. رجعت علمودي اني وامي لان. احمد اخويه تقريبا صار كل شغله خارج العراق.
شاهين
ليش انتو مو يمكم بيت خالتكم.
مرام
اي شيخ اني عدي خالتين وحده الي اجتي ويايه وحده علاقتنه بيه موكلش قويه.
غرام
المهم. اني استاذن هسه لازم اطلع لان طيارتي مابقاله شي
شيخ مظفر
ويامن رايحه بويه
غرام
وحدي شيخ ليش شنو لازم اخذ مرافقه
شيخ مظفر
شلون وحددج مايصير بويه
فهد
جدي هيه مسافر لأمريكا وحده ماتكدر ترجع البغداد وحده والله عدك سوالف جدي هاي مبين عليه بالف رجال
غرام
هههه تسلم لفضل يعود لأشخاص مرو بحياتي واله لو لاهم جان هسه اني وحده تخاف من ضله ودور مثل ميكولون سند وحامي بس بفضلهم سندت روحي وحاميه روحي وسند واحمي غيري
شيخ مظفر
وان كان. الشاهين. اليوم راجع لبغداد يوصلج بدربه
من كال الشيخ احس ختنكت لا دخيلكم كلشي ولا الشاهين. هو كال
شاهين
جدي اني طالع بسيارتي بر. وهيه طياره شلون أوصله امشي جوه الطياره
فهد
ههههه هاي قويه. بس خوش فكره. عدي واحد منكم يغير وسيله النقل لو ثنيكم تنزلون بر لو ثنينكم طيرون لان جدي ماراح. يغير رأيه.
شاهين
كاعد عل سفره عله أعصابي احسه من عرفت اني مسمي بت علي غرام انتصرت عليه انوب الثوله بكل فهاوه تكلي مثل عيوني من صاحت شاهين احس كلبي وكف
علساس اني ماعرف يعني هيه عده نفس عيونج لا والمصيبه جدي يريد اني أوصله بس دقيقه شنو امريكا شنو سفر... قصص وروايات عراقية كرار صلاح
ماعرف شصار بيه ليش هيج امدي اصيح اكسر احس الغضب اتملك كل شبر بيه بس ماكدر اسوي شي خاصه اهلي كلهم. موجودين ضليت ساكت غصب عليه وله برضاهه راح ترجع وياي لبغداد واني اعلمه.
غرام
ودعت مرام وجنت أوصي. بصگر. عليه. واني اتمنه الكه واحد يوصي. شاهين بيه لان اعرف معنى هل نضرات هل انفاس. ماعرف احس مسويه شي غلط ولازم انتضر العقاب
صعدت بالسياره وياه. واني احس رايحه للعدام ماعرف ليش هل خوف متملكني. شاهين بيوم من الايام جنت اغفه على حضنه وين راح كل ذاك الأمان. الي جنت احسه. وين راح وين اختفه ماعرف احس حتى رجفه صارت بيه.
حتى اني استغربت من نفسي
وليش استغرب. الجرح الي شفته من شاهين كافي حتى اكره. جنس ادم كله.
غدر شاهين. الي خلاني اكره كل شي اسمه رجل.
مجرد ماطلعت منطقتهم وصلت لمنطقه ممكن الكه بيه تكسي كتله
غرام
نزلني هنانه شاهين
شاهين
شنو انزلج اهنانه.
غرام.
ليكون انته مصدك بروحك راح ارجع وياك. اذا انته نسيت ترى اني مانسه. تسع سنين مو كافيه انسه منو شاهين شتريد ههههههه امن عله نفسي اروح وياك كل هاي المسافه
شاهين
هااا يعني انتي متوثقين بيه تطلعين وياي هل طريق الطويل
غرام
المثلك ماينوثق بيه. شاهين تريد اني الي شفت منك المايتشاف أوثق بيك ههههه نزلني نزلني
شاهين
الصمي حلكج وسكتي لاكفر بالخلفوج
غرام
تنزلني لو اشمر روحي من السياره
شاهين
يله اشمريه اشو شوفيني
زاد سرعته جان يمشي كل سرعته عباله اني نفسي غرام الجبانه هههه ميدري اني اروح اكعد بجهنم برحابه صدر ولا اكعد دقيقه وياه. فتحت الباب اريد اشمر روحي ماحسيت على روحي غير اني بحضنه وطبك سيارته بسرعه رادت تنكلب لان جان يمشي سريع وفجاءه وكف صاح بغضب خله كل عضو بيه يرتعش خوف
شاهين
بت الكلب تردين تموتين ولا ترحين وياي. هههههه متوثقين بيه. اشو اني لاعب لعب وياج عله شنو خايفه
من كال هيجً صفنت بوجه وكتله
غرام
موبس ماثق اني حتى اقرف من قربك عطرك صوتك نظراتك حتى هاي أنفاسك وعصبيتك تخليني اكره كلشي بيه. وكرهت روحي بما فيه الكفايه لذالك. ابتعد عني خليني اعرف أعيش.
كلته وأخذت جنطتي ونزل هو ضل صافن. اخذت تكسي وتوجهت للمطار وره نص ساعه نادو عله رحله طرت ورجعت لبغداد. واني. قصص وروايات عراقية كرار صلاح عباره عن بقايا إنسان.
دخلت البيت حاولت ارسم قناع. الفرح حتى امي ماتصوج عليه سولفتله على اهل صگر وشلون حبو مرام. وهيه مرتاحه
بس امي وضعه ماعجبني حيل تعبانه كاله يوم اصبري بس هل كم يوم ونسافر.
وراها اتنكست وصارت اسوء من قبل بين يوم وليله امي دخلت للمستشفى. سفرتي تاخرت واجلته لان وضع امي مو تمام
ماعرف شلون وصل الخبر لمرام. خطيه مامر على زواجه سبوعين بس اجتي هيه وصگر. احمد جان مسافر مايدري بشي.
اجو بيت الشخ تقريبا كلهم. شافو ماما. اني مجنت منتبه لاحد. ام صكر جانت كاعده. يم امي. جان امي تكله
ام احمد
ام علي اني ادري أيامي قربت.
ام علي
خيه كولي يا الله. الأعمار بيد الله
ام احمد
لاخيه عندي كلمتين. اسمعيهن. مرام امانه الله ورسوله عندج البنيه الله مارزقه الج اعتبري انطاج مرام مكانه. هاي ترفه موحمل شكه وتعب وانتي ام الكل وهيه أمانتي عندج واني زين اعرف معدن المثلج انطيني وعد شماصار تكونيله اله ام
ام علي
يشهد الله ورسوله علي اني كلهن جنايني بنعزت ولدي ومو بس مرام حتى غرام بعيونه
من كالت ام علي هيج امي باوعت عليه وكالت
ام احمد
اووووووف يا غرام حمل غرام. غرام راح اروح للكبر وهمه جبل بكلبي
ام علي
ربج. يم احمد. يزيل الجبال
ام احمد
لا خيه هاي البنيه لا ترحم ولاتخلي رحمه الله تنزل. اني ماخاف عليه من الدنيا. وذيابه الملجوم لجمه غرام مايخاف من نار جهنم بس هيه الوحيدة الكاسره كلبي.
احس الغرفه خنكتني من كلام امي عفت الكل وطلعت جنت بحديقه المستشفى صافنه ونزل ادموعي اووو صار سنين ماشايفتهن. سمعت. صوته وراي كال
شاهين
هذا امر الله كولي يا الله
غرام
والنعم بالله. بس الله لا يهنيك بحياتك وريارب كون تضوك نفس لوعتي وضيمي
قبل ميرد عليه. سمعت صوت مرام بصدمه كالت
مرام
هذا شاهين نفسه مو غرام
غرام
لا مرام شبيج شتحجين
مرام
مو طفله اني وضحكين عليه هذا نفسه مو
مرام جانت تحجي بانفعال ودموع. وغضب من نزلت غرام راسه كالت مرام بكسره وحسره
مرام
ليش. غرام ليش يعني. ماكفاج كل الي صار بينه ماكفاج الي دمر من حياتنه ( صاحت بغضب) ماكفاج امج وهذا وضعه. شلتيني بيدج غرام وبنصهم خليتيني
غرام
انتي الي ردتي تموتين لومانزوجينه
مرام
هههههه يعني اني حجتج. غرام لو كايلتلي صكر اخو شاهين اني راح ازوجه راح ابقه احبه. راح ابقه أوثق بيه غرام ولج مو اني اختج ليش
صگر
ليش شصار. واذا اني اخو شاهين
شاهين
من جدي كال وصله وياك احس روحي داخل دائره. وراها طلعنه بس اشو مدري شبيه مامرتاحه ومتنرفزه رغم اني ماحجيت وياها لو حرف وراها حجت كلام احسه إسهام تخترق جسمي اني الي ينكالي هل كلام. هههه ولله وكت حاولت استفزه لان حيل قهرتني من ردات تذب روحه من السياره بكل بساطه في سبيل متبقه وياي. بنفس المكان. وهم رده اقوه من الي قبله وراها اخذت تكسي وراحت ولله وكت الي خله غرام تتنفس نفس واني مادري بيه
وراها عرفنه امه وضعه موزين اني اخر همي هيه واهله. بس زحمه من صگر خاصه اهلي ميعرفون الي بينه رحت اتحمد اله السلامة. جنت واكف وره الباب واسمع شلون امه توصي امي عله مرام.. قصص وروايات عراقية
كرار صلاح
ماعرف ليش حسيت بالذنب من حجت على غرام
رغم كل الي صار من شفت دمعته ضعفت وحاولت اواسيه. بس الكلام الي كالته خلتني امدي اشرب من دمه.
وأنوب اجتي مرام. تحجي بطريقه خبلتني. الصراحه اني جنت عبالي تعرف اني نفسي الي جنت بحيات اخته. بس طلعت متعرف. وصدمته من عرفت وكلامه الي ميستوعبه عقلي وليش هيج تلوم بغرام
من اجه صكر طبعا ميعرف شكو غرام عافتنه وراحت ومرام صارت مثل الإنسان الفارغ. داخله بس صافنه. كلت الصگر ماكو شي هواهم ماسمع كلامه كله. كتله دير بالك عله مرتك
وراها بعد ماشفت الاثنين احس مرام صارت تحنبني رغم جانت حيل تحترمني وتقدرني
كم يوم وتوفت امهم. خطيه مرام حال العدم حاله بس غرام اصلا ماشفته
