رواية عيون المها الفصل الخامس والعشرون بقلم ظل الياسمين
وراء كل شي لم يكتمل خيرا اراده الله لك....
صرنه بشهر الواحد 2003 والناس تحجي بلحرب والخوف والقلق من الجوع كامت العالم تخزن اكل وتشتري اطحين
عمو والسيد الهم رائي ثاني يكولون الوضع راح يتغير
والنظام راح يسقط وهذا جان حجي التجار الكبار بحكم عملهم
بس اني وغيري انكول مستحيل يتغير والظلم باقي
اخر مكالمه ويه السيد فصلت التليفون بس من احتاج امي اخابرهه وارجع افصله
رجعت من الدوام روحي طافره وزهكانه بدلت ورحت لبيت عمو
_عمو مها كومي صبي غده
كمت سويت صينينه ولتمينه كلنه رغم كلهم ماكلين بس اني وعمو نتغده متاخرين
_مها تدرين اليوم منطين عفو عن السجناء والهاربين والي ما ملتحق بلعسكريه
هذا سيد احسان كضه عمره هارب وهسه التحق ومخليه بمركز تدريب منطي فلوس ونازل واليوم خابرني على تليفون المحل
واني مدنكه واكل حسيت بغصه عرفت عمو جاي يقرب المسافات
_اي وليش هسه يلله يريد يكمل عسكريه
_يكول اريد استقر تعبت من البهذله
خليت وكمت بس واحد يكلي اشبيج ابجي وما اكلت قليل 😓
غسلت الماعين وسويت جاي وبقيت لليل ادرس بحمودي ونرجوسه امتحانات وغفيت يمهم ما ادري بروحي
كعدت على صوت المؤذن الصبح والجو بارد
توضيت ورحت اصلي لكيت عمو كاعد وجاي ايصلي
صلاته تخبل يقره بتمعن وهدوء
كملت صلاه واسمعه يقره قران
كمت سويت جاي وطكيت بيض
جبته يمه سد القران والتفتلي كال
_بجاه فاطمه الزهراء عليها السلام تكون تنطيج القسمه الزينه وتريح بالج ناخي علي امير المومنيين اريد يستر عليج دنيه واخره
_مشكور عمو على هاي الدعوه الحلوه
كعدت الجهال تريكو ولبستهم يوصلهم عمو واني طلعت اركض لبست وطلعت لدوام
حياتي صارت عباره عن دوام وبيت عمو والجهال
مره اجه المعاون سلم عليه وكال
_شلونج مها انشالله بخير
_الحمد لله استاذ ربي يحفظك
_مها انتي كرايبج بغداد
_لا استاذ ما اعرف احد
_ها معقولة
خله وراح واني ما فهمت شي
لكيت البنات بلمغاسل يسولفن وحده منهن كالت
_استاذ ابراهيم اليوم كالي اكو بنيه راح تنخطب لاهل بغداد بس ما قبل يكول منو هيه
والبنيه الثانيه كالت
_منو تروح لبغداد قابل اشو الموظفات محد يريدهن كلهه اصيح كش وبره
_لا ولج سائلين عليهه واستاذ ابراهيم حامد بخلاقهه وكايللهم خوش بنيه
اني اسمع بلحجي واربط بيه
محد غير السيد هو ابغداد ومخلي بكل مكان ناس تراقب وتحجي
مر شهرين من اخر مكالمه اني وياه
ضليت مصىره على موقفي
اذ فعلا يريدني يتنازل عن شروطه ويقبل بشروطي
بنهاية شهر الثاني والجو ثلج واندكت الباب
_عمو مها تعالي اظن المره تطلك
_اي عمو جايه
لكيت امهه جايه ومحضرات شغلات الجاهل كالت انتي ابقي اني اروح وياهه
راحو عمو ومرته وامهه واني بقيت رتبت البيت كله
وسويت اكل لباجر خاف ما الحك
وجه الصبح جابت بنوته تخبل
عمو سالم _اني راح اسميهه مها
_لا عمو فدوه سميهه زينب
_ها يلله باجر اسجلهه
مر اسبوع واني عدهم والنسوان تجي تبارك واهلهه وكلهه جانت فرحانه بيهه
اخذتلي صفنه وراح فكري لبعيد
معقولة ازوج ويصير عدي طفل
مو بعيده عن رب العالمين 😓
نفضت افكاري وكمت
مره راجعه من الدوام وامشي بسرعه من البرد وخشمي احمر
وكفت اريد اصعد بلفورت واشوف السيد مزين شعره وكف بصفي وكال
_السلام عليكم
_وعليكم السلام ضليت صافنه هذا شبيه كتله
_تفضل سيد محتاج شي بنتر وهميت اصعد
_بس اوكفي خل ناخذ تكسي ونحجي براحتنه
_درت وجهي عليه وكتله انته من عقلك تريدني اصعد وياك واجماله يريدني احجي وياه تره البينه انتهى لا اظل كلساع جاي
عفته وصعدت ماكو مكان كعدت بلاخير اشو هذا اجه كعد يمي
_مها اترجاج كافي خل نحجي بدون عرگ
_استغفرت وردت اكوم جرني من عبايتي وكعدني
_شوفي يا بت الناس اني الجاي اسويه كله علمودج
لا تصورين اني متنازل منج لو درت وجهي بس ضروفي صعبه
بس ارتب وضعي اجي ليج وبعد مالج حجه
واذ على جيتي لهنا فانتي ما خليتي حل الي احجي وياج
_سيد البينه انتهى انته ليش ما تقبل تقنع
ظل مدنك رفع راسه وابتسم
_مها اني مشتريج والله لا تصيرين انتي والزمن عليه
الدنيه كله ضدي عاد خليلي امل بلحياة
_يعني تقبل العلويه تحجي ويه واحد بسياره شيكولون عليه
_ههه هو هذا الهامج عمي اسف اجي لبيت عمج واتفاهم وياج
درت وجهي لجامه وغصب عني كمت اضحك واكول ليش هذا الشخص يكدر يغير مزاجي
نزلت ورحت كبل لبيتي حتى ما اضل اكل بروحي واطحن
اشويه بقيت واجه حمودي/بابا يريدج عرفته السيد عدهم
كتله/كول البابا مريضه
راح وره شويه اجه عمو سالم
_مها تعالي لبيتنه ادري بيج ما مريضه لا تتحججين السيد كالي
لبست وطلعت امشي واحجي ويه عمو
_تقبل هيج يجيني ويحجي وياي
_اي يا عيني غير يريد يتفاهم وياج
_مو كعدنه وتفاهمنه وخصم الحجي ما اقبل بشروطه
_مها الولد شاريج ليش انتي بايعه
دخلنه ولكيت الجهال كاعدين بحضنه
ويلعب وياهم
بس قربت يمه كام ركزت بيه صاير حلو وبيضان هههه عجبني شكله
كعدت وعمو صاح الجهال وطلعو
_مها يصير ابوسج
_انته صدك تحجي ردت اكوم جرني كال اشاقه بس كعدي ههه
_شوف گلبي انتي كلبتي كياني وروحي وعقلي
خلص اداومين واني اجرت بيت بمنطقه سكنيه صح اجاره عليه هواي بس كله لخاطرج واذ على العلويات راح تجي امي والعلويه اختي الجبيره واذ على البوشيه انتي وقناعتج
هسه شتكولين
_ضحكت ودرت وجهي كتله ها هي
بس اريد الشغله بسرعه
كال الخميس يمكم كتله تخابر امي وتعتذر وتطلب منهه تجي الخميس واجيب خواتي وياهه
كال صار واني هم اجيب عمتي وجوارينه واصير خوش لمة نسوان هههههه
_كافي اصنف تره ابطل
_مها اجيب حلقه ومحبس ونلبسهن عليج الله كولي اي صارت بنفسي ولج خيالج ما يفاركني ما تكليلي شمسوتلي
_ها 🫣 بكيفك خلي اكلهم وارجع اخابرك اذ يقبلون نلبس حلقات
طلعت من بيت عمو فرحانه والدنيا كلهه ما سايعتني
ربطت التليفون وخابرت امي وكعدنه نحجي وكالت عادي خل يجيب حلقات
ثاني يوم رجع خابرهه واتفقو الخميس
جابو مشيه اشكبرهه والنسوان اجن بس خمسه امه وعمته واخته جيرانهم وسوينه عشه يخبل اخته مزوجه بنفس المحافظة ابن عمهه كالت نترخص جلبو بيهم ما قبلو
كالت عمته خل يلبسون حلقات
اني لابسه كلبيه حلوه لون ماروني ومسويه شعري خليت شال
دخل السيد وكامن يطشن جكليت
جيرانهم تهوس حبه ولك حبه لا تخاف من امهه
باسني بكصتي ولبسني الحلقه وطلع
راحو لبيت اخته
ثاني يوم جاب الشيخ وعقدنه
صارت اوضاع العراق تخوف والكل تحجي عن دخول الامريكان
وكلمن يصرح شكل الا ان صبحنه بغاره والشوارع فارغه
اني بدلت ورحت لدوام لا ما قبل المدير كال مسؤليه الكل اداوم
كاعدين وما نحس انقصف الفرع مال الحزب صاير كبال دائرتنه
والكزاز كله اطشر علينه
اطافرنه وطلعنه كلنه وما لكينه بشر بشارع رحنه مشي لبيوتنه
رجعت لبيت عمو وجاي اسولفله كال
_الساتر الله من الجاي لا اطلعون المدارس عطلت والقصف شبه يومي والحزبيه ما يكعدون راحه
كامو يرمون على الطيارات يرجع ابو الطياره يقصف البيوت
اني عفت بيتي وكعدت عد بيت عمو
من صوت القصف اغطي الجهال وزنوبه حبيبتي صار عمرهه شهرين تناغي
انكطعت كل وسائل التواصل بامي وبسيد جنت يوميه اتواصل وياهم ضليت قلقه بس كون الله يعديهه بسلامه
