رواية ثأر الشيخ مهران الفصل الخامس والعشرون بقلم حوراء
شلون تگدر ..؟
تاخذ ايدي اعله الگطه البري ,,
الشلع گلبي ..
وعمر ماروضيته ,,
اشلون تگدر ..؟
تاخذ اشفافي ..
على لوز الله الهتك صبري ..
وشعلني وماطفيته ..
اشلون تگدر ..؟
______________________
ايليا:- سديت الخط من انفال وحظرتها وضليت انتظر مصيري اني وابني شويه وسمعت صوت موبايلي يدكك شلته وشفت المتصل اثير مارديت عليه لح بالاتصالات فوك الاربع مرات اضطريت ارد عليه حته اشوف شنو يريد
:-الو السلام عليكم شلونج ايليا
:-وعليكم السلام بخير الحمدلله انت شلونك
:-الله يسلمج يابه ضل بالي عليج صارلج هواي مامداومه إن شاءلله ماصاير وياج شي
:- شويه ظروف منعتني من الدوام
:-قصدج على الي سواه زوجج بيج؟
:-وانته منين تعرف!!!
:-مو بس اني كل الدفعه تعرف بالي صار وياج
:-ماشاءالله ماكو اسرع منكم بنشر اخبار الناس المهم انته تعرف شنو الي صار وياي بعد علمود شنو اتصلت بيه؟
:-اريد احجي وياج بموضوع مهم
:-تفضل اسمعك
:-اني من بدايه السنه معجب بيج وكلما اريد اعترفلج متصير لان اني من اعزمج ماتقبلين تجين او كلما نكعد سوة يجيج اتصال يخليج تكومين من يمي ومن سمعت بيج انخطبتي حيل ضجت بس مااكدرت اسوي شي بس من سمعت شلون رجعج حيل فرحت من كل گلبي لان واخيرا راح تصيرين الي
:-اثير بيك شي شنو هذا الكلام وبعدين من جايب هاي الثقه ان اني راح اقبل بيك؟؟
:-وليش ماتقبلين بيه بعدين مو زين مني اجيت استر عليج وهو الشيخ الله يعلم شنو شاف بليله الدخله حته هيج شمرج على اهلج
:-انته شلون تتجرأ وتحجي وياي بهاي الطريقه هاا اني اشرف منك ومنه ياذكورر
:-روحي لج مو صوجج صوجي اني الي ردت اسوي عليج فضل واستر عليج
:-وانته منو حته تتفضل عليه هااا كلك خلگ ذكر عديم رجوله تمشي ورة شهوتك الحيوانه الله ياخذكم ويخلصنه منكك ياحيواناتت
سديت الخط بوجهة واني ارجف من الاعصاب اخر واحد جنت متوقعه منه يحجي وياي هيج هو اثير جنت ماخذه عليه نظرة اخ وواحد شهم الله ياخذني شكد غبيه انهريت بالبجي واني اتذكر شلون وصفني عديمه شرف
:-الله ياخذك مهران ياوصخ حيوانن لكك ليش هيج سويت بيه ضليت اضرب على صدري من ناحيه كلبي كله من وراككك انتي الي سويت بيه هيج لو ماسامعه كلامك جان هسة اني بخير ولا مريت بهذا الموقف ساعتين كاملات من الانهيار والبجي بسبب الموقف الي مريت بيه وحالتي الي وصلت الها بسبب مهران
:-مستحيل اسامحك على الي سويته بيه ابدد.
شويه وسمعت دكات على الباب وصوت امي وهي تكول
:-حبيبتي ايليا افتحي الباب اريد احجي وياج
مسحت وجهي وكمت فتحت الباب الها دخلت وكعدت على الجربايه
:-تعالي يمه اكعدي يمي اريد احجي وياج بموضوع
:-اعرف بشنو تردين تحجين وياي
:-سمعتي كلامنه؟
:-اي سمعت
:-ماما هذا الحل الوحيد حته نخلص من ابنه هذا الزلمه حيل اذاج وأذانه وياج وخلانا مانكدر نرفع راسنه كدام احد لازم نتخلصه منه لان اذا بقه يضل بصمه عار علينه كلنه
:-ماما شنو هذا الكلام ليش تحسسيني ابني ابن حرام هاا
:-مو ابن حرام ياامي بس الطريقه الي صار بيها والوقت هم مو مناسب ابد احنه مو بحاله حته نتحمل كلام الناس بعد هسة يلا سكتو شويه عن موضوعج مو نوب نروح احنه ننطيهم سبب ثاني حته يرجعون يحجون علينه الله يخليج وافقي وخلصينه من كلام الناس
:-اوكي ماما اني موافقه بس اسألج سؤال واتمنى تجاوبينه عليه اذا صار بيه شي خلال العمليه شنو راح تكولون للناس لان جاي اشوفكم مهتمين للناس اكثر مما مهتميلي
:-شنو هذا الكلام ماما تره كل الي جاي نسويه علمودج وأن شاء الله بعد ماتخلصين العمليه راح ترحين تعيشين يم بيت خالتج زينب
:-هه يعني تردون تتخلصون مني بأي طريقه
:-انتيي شبيجج اليومم ماتفتهمين جاي اكولج علمود مصلحتج لاتمصخينها زايد خوش لو لا ترة تعبت من وراج
:-إن شاءلله ادخل للعمليه وبعد مااطلع حته ترتاحين مني
:-ايلياااا انتبهي لطريقه كلامج دللتج هواي كافي لهنا وحدج وراح استخدم وياج اسلوب ثاني لان انتي صايره ابدد ماتحترمين
هزيت براسي موافقه على كلامها عافتني وطلعت وقبل لاتسد الباب كالت
:-حضري روحج الساعه ب8 موعدنا عد ام ستار
:-حاضر تدللين ام غسق راح احضر روحي لاتخافين
طلعت وسدت الباب باوعت على الساعه الموجودة على حايط الغرفه مالتي وجانت الساعه ب6
:-اخر ساعتين الي بهاي الدنيه
حطيت ايدي على بطني وكلت
:-يمكن انته محظوظ راح تروح من هاي الدنيه وتتخلص من هاي الناس ويجوز تاخذني وياك وتريحني من هاي الدنيه القذرة
______________________
انفال:- ماما ماما وينججج
:-اني بالمطبخ شبيج تصيحين
:-ماما اكو قابله اسمها ام ستار تعرفيهاا
:-اي اعرفها هي نفسها الي ولدتني من جنت حامل بيج
:-صدكك تحجين ماما؟
:-اي والله شبيج ومنين تعرفيها انتي؟
:-ماما حبيبتي اريد منج تنطيني العنوان مالتها بسرعه حبابه
:-لج صخام شتردين منهااا.
:-ماما هاي وحدة ويانه بالقسم حامل وتخاف من المستشفى وتريد تولد عد القابله واني كتلها اعرف وحدة اسمها ام ستار وهي طلبت مني عنوانها واني كتلها اسأل ماما وانطيج خبر يلاا حبيبتي كولي وين صايرة هاي المرةة
:-صايرة ب *****
:- حيل بعيده منا
:-اي كلش بعيد يرادلج ساعه يلا توصلين الها
:-تمام اروح اخابر الابنيه علمود انطيها العنوان حته تروح تتفق وياها
:-الله يكومها بالسلامه ويسهل عليها ولادتها
:-امين يارب العالمين الله يسمع منج
صعدت ركض فوك واخذت الموبايل اتصلت عليه
:-وينك انته؟؟
:-بالطريق ساعه ونوصل الكم
:-لاتجون للبيت هنا روح بسرعه لبيت القابله
:-انطيني العنوان مالتها
:-صاير بالمنطقه ****
:-بعيده يجوز منلحك
:-لا تلحك لان بعدهم ماطالعين من البيت
:-وانتي شدراج
:-ترة واكفه يم الشباك منتظرة اشوف سيارتهم وبعدهي لحد هسة ماطالعه من البيت
:-عفيه عليج عبد الحي مايلحكج بالمراقبه
:-اكول ياريت تستعجل حته ميصير شي على ايليا حته مااندمكم
:-هواي تهددين احلى شي تطلعين بس السان طويل مامنج فايدة
:-اكول شنو اسمك
:-نزار
:-اكول نزار ليش ماتاكل نع*** وتكمل طريقك بسرعه احسن الك
:-يصير خير توكعين بيدي لو لا واعلمج ان الله حق
ردت ارد عليه بس شفت سيارة ابو ايليا مرت من يم بابنا وطلعو من الفرعع
:-طلعوووو ولك وعلي طلعووو استعجل بسرعه
:-ولج علكيفج منو طلع لج راح نسوي حادث من وراج دايس على 800 هسة تنكلب بينه السيارة ونموت وهناك نلتقي ويه ايليا
:-فال الله ولا فالك شبيك ماتحجيلك شي بيه خير
:-دسي الخط راح انجلط من وراج موش لسان عندج رشاش الله يساعدني عليج
:-اويي وانته شعليك والله يالله
سديت الخط منه وضليت انتظر شوكت يجون الساعه هسة سبعه معقوله يكدرون يلحكونها دخيلك يارب العالمين احمي ايليا وابنها من كل شر بحق الحسين الشهيد عندك
ايليا:-دخلت عليه ماما وكالت بستعجال
:-يلا ماخلصتي تبديل
:-انتي كلتي ب8 وهسة الساعه ب7 شكو مستعجله
:-لج موعدنا وياها ب8 بس لازم نطلع هسة لان بس الطريق ياخذ من عدنا ساعه كامله يلا نوصل
:-تحجين صدك شكو رايحين الها اذا هيج بعيده شنو ماكو وحدة غيرها؟
:-هي الوحيدة الي نأمن بيها ونكدر نسوي العمليه يمها بدون ماتفضحنه كدام العالم
:-تمام هسة بسرعه ابدل علمود نطلع
:-يلا اني منتظرتج جوة يم ابوج
:-اوكك
لبست على السريع اي شي كدامي لفيت حجابي ونزلت قبل لا ادخل للاستقبال طلعت احلام من غرفتها وكالت
:-هاي حوبتي مثل ماخربتي علاقتي ويه بنتي وخليتها حته مترد على اتصالاتي رب العالمين عاقبج بأبنج الي راح ياخذوه منج قبل لاتشوفينه ولاتشمين عطره ايييي شكد فرحانه وأن شاءلله ماتطلعين من العمليه سالمه حته اخلص منج ومن وجهج يالعار
حجت هيج ودخلت الغرفتها وركعت الباب بوجهي كلامها ضل يدك براسي معقوله الي جاي يصير وياي هو بسبب الي سويته اني معقوله رب العالمين جاي يعاقبني لان كشفت حقيقه احلام؟؟ طلعني من افكاري صوت امي وهي تكول
:-يلا ماما راح نتأخر خلينه نطلع بسرعه
:-اجيت ماما
رحت وياها وصعدت للسيارة مشه بينا بابا لمدة ساعه كامله وبعد ساعه وصلنه لبيت القابله ام ستار جانت بيت بسيط وقديم بنائه قديم وصغيرة بحيث اقل عاصفه توكعه عليهم
:-يلا بنيتي وصلنه خلينه ننزل
:-تمام ماما
نزلت وياهم ودخلت للبيت استقبلتنه مرة جبيرة بالعمر ظهرها منحني وياها بنيه شويه اكبر مني
ام ستار:-اهلاا وسهلاا بيج يمه ام غسق
ام غسق:-هلاا بيج خاله ام ستار
ام ستار:-شلونكم شخباركم ان شاءلله بخير
ام غسق:-بخير الحمدلله اني اليوم جايتج بطلب واتمنى منج ماترديني
أم ستار:-تأمرين امر حبيبه كولي شنو تردين واذا اكدر اسويه الج ليش لا
أم غسق:-بس اريد هذا الشي يبقى بيناتنا مااريد احد يعرف بيه الله يخليج
أم ستار:- سرج ابير ام غسق صدك جذب انتي كولي شنو تردين واني بالخدمه وماراح يطلع مني شي ابدد
ام غسق:-ها بنتي ايليا قبل فترة تزوجت اسبوع واحد ورجعها علينه الي مايخاف من رب العالمين
أم ستار:- ليش هيج سوة يمه
ام غسق:-تذكرين الشيخ جاسب
أم ستار:-اي شلون مااتذكره
ام غسق:-هو يصير ابنه اتزوجت بنتي بس علمود يكسر خشم جدها بيها وياخذ ثار ابوه منها
أم ستار:-صخام الصخم وجهة اي وشصار بعدين
ام غسق:-بنتي حامل منه هسة واحنه مانريد هذا الولد لان راح يجيبلنا المشاكل وحجي الناس اريدج تخلصينا منه وشكد ماتردين اني حاضرة
أم ستار:-صدك جذب خاله بعيني اني اخلصج منه كومي ولج فتنه اخذي الابنيه وياج للغرفه حضريها بين مااخلص كلامي ويه ام غسق
فتنه:-حاضر يمه كومي حبيبه وياي
ايليا:-كمت وياها ومشيت للموت برجليه دخلت للغرفه جانت مقسومه قسمين شلون غرفه الدكتورة هم بس موجودة بيها كرسي وبيه عمودين من الجهتين يثبت عليها الرجلين انطتني لبس ازرق مثل الي يستخدمونه بالعمليات
:-ادخلي لهاذا الحمام وبدلي ملابسج واذا احتاجيتي شي اني موجودة هنا
:-تمام
دخلت للحمام وبدلت ملابسي بس بقى من ورة مفتوح لان مكدرت اسد الخيط مالتها صحت عليها حته تساعدني دخلت سوتلي الخيط وطلعت شويه وطلعت وراها
:-اكعدي هنا على هذا الكرسي وحطي رجليج منا ومنا
سويت مثل ماكالت الي
:-شويه وتجي امي تسويلج العمليه وتخلصين منه صح راح تتوجعين بس راح ترتاحين منه ومن همة
مكدرت احجي شي لان دموعي صارن بطرف عيني اعترف اني مااكدر اسوي هيج مااكدر اكتله وهو ماله ذنب بشي حجيت بكلبي
:-ياربي حياتي وحياه ابني بيدك سوي بينا الي تشوفه زين النه اني تركت كلشي عليك لان ماعندي احد غيرك
غمضت عيوني وطاحن دموعي على خدي مسحتهن بسرعه
:-لاتخافين شويه ونخلص ماراح تحسين بشي
هزيت راسي بأيجاب جرت الكرسي وكعدت عليه وستوها تريد تبدي بالعمليه مانحس غير انكلبت الدنيه كلاب بالطلق حته شبابيك الغرفه اتكسرن كامت بسرعه وهي مرعوبه
:-دخيلك ياربي شجاي يصير
كمت من الكرسي وضميت روحي جوة الكرسي خايفه من اصوات الطلق
شويه واجاني صوته الي رج البيت رج وهو يصيح بأسمي
:-ايلياااااا وينججججج
طلعت من جوة الكرسي ودخلت للحمام احس مخي ضرب معقوله اجه زين هو شدراه اني هناا شوي وضربت كصتي اكيد انفال ماكو غيرهاا حسيت بيه دخل للغرفه
:-ادري بيج هنا اطلعي بسرعه
ام غسق:-انته شتريد جاي هنااا هااا هم الك عين وتطلع كدامنه
الشيخ مهران:-ايليا اطلعي بسرعه قبل لااهد البيت على راسكم يلااا
ام غسق:-لك انته شنو لخاطر الله على اي اساس جاي تهدد هااا
الشيخ مهران:-وانتي على يا اساس ماخذه مرتي وجايبتها لهيج مكان قذر وتردين تكتلين ابني هااا لج ماكفاكم كتلتو ابوي هسة جايين تكتلونن ابني الي بعدني ماشايفه
ام غسق:-عمررررراننننن وينكككك تعااللل
الشيخ مهران:- لاتصيحين رجلج نزار حابسه بالسياره مالته
ام غسق:-صخامم الي صخم وجهك إن شاءلله انته منين اجيتنه شوكت نخلص منك
الشيخ مهران:-دوختيني هوايي تحجين وياريت حجيج بيه فائدة راح اطلع خمس دقايق واريد ايليا كدامي سمعتيني ام ستار هاي الا اذا ماتردين الشرطه تجي تجرج من نص بيتج بتهمة العمل بلا شهادة
أم ستار:-ترةة اني قابله واولد النسوان والكل يعرف بهذا الشي
الشيخ مهران:-هاي انتي كلتيها تولديهم مو تجهضيهم صحح
ام ستار:-خيه اخذي بنتج واطلعي برة اني مرة على كد حالي مااكدر للشيخ
الشيخ مهران:-ايليا الج خمس دقايق والكاج مزروعه كدامي والا وحق القرأن شايفه هذا ابوج اذبحه بيدي
ايليا:-حطيت ايدي على حلكي اكتم شهكاتي ابوي صار بين ايده اخاف يسوي بيه شي والله اموت اذا صار بيه شي من ورة راسي بدلت ملابسي بسرعه وطلعت صارت بوجهي امي خزرتني وكالت
:-هذا شجابه هنااا هااا انتي خابرتيه موو
:-اذا اني خابرته ليش ماطلعتله هاا شبيج يمه وياي ليش جاي تسوين هيج بيه
:-اشش اسكتي وانجبي والله اذا صار بأبوج شي من ورة راسج اذبحج انتي وهذا النكس الي ابطنج مفهومم
ضليت واكفه واباوع عليها حته مااكدر ارمش معقوله هاي امي الي جنت احلف بحنيتها وحبها الي لااا مو معقوله هاي مو امي امي جانت تخافي عليه من بزة الابرة
:-ويننن صفنتي اطلعي كدامي بسرعه الله ياخذج ويخلصني منج شايفه لو يرجع بيه الوكت جان خنگتچ وانتي بالحضينه وخلصت منج قبل لاتسودين وجهي
طلعت كدامي واني طلعت وراها واني اجر بذيال الخيبه اخر شي جنت اتوقعه امي تحجي عليه هيج وتتمنالي الموت طلعت وشفته واكف يم السيارة ومجتف اديه
الشيخ مهران:-اصعدي بالسيارة بسرعه
ايليا:-تحلم اصعد وياك مرة ثانيه
:-نزاررر نزله عمران من السياره
فتح نزار قفل السيارة وبسرعه نزل بابا ووكف كدام مهران وصاح بوجهة
:-شتريددد منهاا بعدد هااا
:-اسمعني زين عمران وحق ربك اذا صار شي على مرتي او ابني وحق ربك محد يخلصكم مني اشعل عشيرتكم شعل من جبيركم لزغيركم واريد زلمه واخو خيته يطلع بوجهي شوف شلون افرك حلكه يالنع**** مفهوم
:-هههه ضحكتني والله لك انته منو وتحجي بالرجوله مو انته نفسك الي اخذت ثارك من مرة ماعدها لاحول ولا قوة هاا
:-اخرر واحد يحجي بالرجوله انته استاذ عمران والحجي الي حجيته مايتكرر مرة ثانيه هسة انته مثل الشاطر تاخذ مرتك وبنتك وترجعهم للبيت وباجر الساعه ب12 الظهر اني يمكم
:-مانتشرف بيك تدخل لبيتنا
:-واني هم مااتشرف ادخل لبيتك واصلا راح اجي للديوان وهناك نكعد ويه ابوك الشيخ جابر ونشوفه يقبل بحبيبه كلبه تموت بالعمليه بسبب نزيف حاد صار وياها
:-مالك دخل بنتي واني حر بيها عسى مااذبحها واشمرها بالنهر هم مالك دخل مفهومم
:-غلطان مو بنتك مرتي والي ابطنها يصير ابني مو ابنك واني الوحيد الي حق اقرر اذا يبقى او لا ومن توترك اعتقد الشيخ جابر مايدري بيك جايب بنتك لهيج مكان ولايعرف بيها حامل موو لان مااعتقد هو بهاي الحقارة
:-محد يكدر يدخل ببنتي اني الوحيد المسؤول عليها وشفنه شنو صار بيها من مشينه وره حجي ابوي ووافقنه عليك
:-هسة مالي خلك للحجي الزايد يلا اخذ عائلتك وكدامي لبيتكم يلا حباب وانتظري باجر اني وشيخكم نقرر شنو مصير مرتي وابني
تقرب عليه بابا وسحبني من ايدي ودخلني للسيارة بهذا الوكت ماجانت عندي القدرة حته احجي او اجادلهم اخذت دور المتفرجه وصلنه للبيت وصار بوجهنا جدو واكف يم الباب نزلنه من السياره ووكفنه كدامه لان هو جان واكف كدام الباب منكدر نفوت اله هو يوخر
الشيخ جابر:-وين جنت ماخذ حفيدتي بهذا الوكت من الليل؟؟
عمران:-نحجي جوة مو هنا
الشيخ جابر:-فوتت بسرعه جوة
دخلنه ردت اصعد فوك بس استوفقني صوت جدو وهو يكول
:-وين رايحه
:-اصعد ارتاح تعبت من الطريق
:-تعالي نخلص حجي ونوب اصعدي نامي
:-جدوو
:-شنو كلت يلا كدامي ادخلي من اخلص كلامي يلا ترحين تصعدين
هزيت راسي موافقه دخلت للاستقبال وكعدت
الشيخ جابر:-يلا سولف عمران وين جنتو
عمران:-اخذت بنتي افررها شويه وارفه عن نفسها
الشيخ جابر:- لكك شنو شايفني طفل وتضحك عليه هاا
:-العفو منك بويه مو هذا القصد بس ليش هيج تحجي وياي
:-لكك باع الشيخ مهران اتصل عليه وكال روح شوف ابنك وين يودي بنته من ورة ظهرك
:-بنتي واني حر بيها ومااماخذها لاي مكان
مااحس اله جدو ضرب بابا راجدي
:-لكك انته شلون تاخذها لهيج اماكن حته تسوي عمليه اجهاض لكك انته ماتخاف من الله شلون تريد تكتل روح بريئه مالها ذنب بأي شي
:-بويه انته من شوكت تسمع كلام الغربه وبعدين هذا الطفل غلط يضل عايش لان كلما نشوفه راح نتذكر شنو سوة ابوه بينه وشلون شوه سمعت امه كدام الناس كلها
:-انته معليك بهاي الامور باجر الشيخ يجي هنا ونتفق على كلشي
:-شلون معليه هاا هي غير بنتي
:-لكك انته من يوم الي ولدت ماتدري بيها وين راحت وين اجت لك اني جنت ادري بيها اكثر منك تذكر لو لا
:-اذكر غير جنت اشتغل ومالحك اشوفها بس هذا الشي مايمنع اقرر شنو الي يفيدها وشنو لا
:-ولي من وجهي وحق ربك اذا مره ثانيه سويت هيج شي من وراي اله اطيح حضك مفهوم
:-حاضر بويه تأمر
ايليا:-من رخصتكم اروح انام
عفتهم وصعدت دخلت للغرفه وشمرت روحي على الجربايه شويه وحسيت الباب انفتح درت وجهي وشفتها انفال وبوجهي
ايليا:-تعاي ولج حيوانه هاي انتي الي خابرتيه مو
انفال:-اي اني خابرته لج انتي شكد غبيه شلون تسوين بروحج هيج هاا
ايليا:-طاح حضج انفال شلون وكعتيني بسالفه طايح حظها بعد شيخلصني منه
انفال:-سولفي شنو صار وياكم
ايليا:-روحي خابري الي وياه وانتي تعرفين
انفال:-لج تدرين هذا الي يخابرني اخوه وهو نفسه نزار الي الحجيه الي خطبتني اله
ايليا:-ياترى ليش مااستغربت
انفال:-والله اني هم مثلج مااستغربت اي سولفي شصار لان نزار خابرني كال رجعت بسرعه روحيلها ماسولفلي شي
ايليا:- باعي مو رحنه.............. وهذا الي صار
انفال:-يابه زين سوه اول مرة يسوي شي براسه خير
____________________
الشيخ مهران:-الو مهيمن ارجع محتاجك بعد اخوك
مهيمن:-خير ياستار شصاير وياك
الشيخ مهران:-......... وباجر اريد اروح اخذها منهم ماأمن عليها يمهم يرحون يسون بيها شي لو بأبني وحق علي احركهم
مهيمن:-انته لو بس تنجب وتكعد بدون مشاكل جان احنه بخير
الشيخ مهران:-هسة شنو تجي لو لا
مهيمن:-شي اكيد اجي هسة اشوفلي حجز وإن شاءالله باجر الصبح اني يمكم
الشيخ مهران:-خوش منتظرك لاتتأخر عليه خوشش
مهيمن:-تأمر شيخنا ابو المصايب
الشيخ مهران:-مقبوله منك هسة اني صرت ابو مصايب
مهيمن:-خايب ماتوخر من وجهي اروح احضر جنطتي واروح ادبري حجز احسلي ولي من وجهي
الشيخ مهران:-خوش منتظرك مع السلامه
مهيمن:-الله وياك
نزار:-لكك لو شايفنه شلون هدينه على البيت بالبيكسي زرفناه ازرف
فهد:-لكك حيوان شلون ماتتصل علينه شلون تروحون بوحدكم
نزار:-روح لك جا منو حرك الموبايلات عليكم هاا وانتم ماتجاوبون
فهد:-لكك جنه بالاجتماع ويه القادة وين نكدر نرد عليك هاا
نزار:-هسة ماصار شي بس شنو غير هديت عليهم وكضيتلك هذا عمران بوكسي واحد وكع بالكاع
ادم:-مفتخر بهذا الشي ضاربلك زلمه بكد ابوك
نزار:-اولا ابوي جان اصغر منه من مات ثانيا هذا الزلمه راد يكتل ابن اخوي شلون ماتريدني اضربه هاا
ادم:-هو لو مااخوك داك وياهم الناقصه جان ماصار هذا الشي ولا اتأذت الابنيه السبب الاول والاخير لكلشي جاي يصير هسة هو اخوك مهران
فهد:- بس هم تصرفهم غلط يعني شلون اعرض حياه بنتي للخطر بس علمود شنو الناس لاتحجي عليه طز بالناس اهم شي بنتي يعني بربك لو صاير شي لاسامح الله بالبنيه وهي تسوي العمليه منو راح يفيدهم حجي الناس
ادم:-هسة الي يسمعك يكول تصرف مهران صح
فهد:-انته ليش تصير مطي اني شوكت كلت تصرف مهران صح اني وياك اخوك غلطان بالي سواه والايام الجايه راح يطيح حظه من من ورة هذا الغلط الي سواه
نزار:-اكول شنو انسمي ابن مهران؟؟
فهد:-وانته شعليك انته ابوه امه حته تقرر اسمه
نزار:-انجب لك اني عمه حزام ضهره اذا اني مااختار الاسم منو يختاره
فهد:-ابوه وامه هم يختاروه
نزار:-ماعدهم اذواق بالاسماء
فهد:-وانته شدراك
نزار:-من اسمائهم وين اكو بنيه اسمها ايليا او ولد اسمه مهران
فهد:-ليش هم الي اختارو اسمائهم لو اهلهم؟
نزار:-اهوو اكول اني اختار الاسم وانته لاتدخل
فهد:-خرب يومك شكد فارغ
نزار:-تعال اترسني
فهد:-هههههه متضحك تافه
نزار:-منتبه على نفسك نفسيتك صايره جنها نفسيه مطلقه
فهد:-اكوم اطلع للگهوة احسلي ادم تكوم وياي لو لا
ادم:-اي اخذني لان اذا ابقى بعد يم هذا يخبلني بسوالفه عبالك محرر القدس
نزار:-تغار مني والله لان هديت ويه اخوي اليوم وانته ماكو
ادم:-الله يثبت علينه العقل والدين
طلعو الشباب وبقى نزار بوحدة اجه ثاني يوم والكل جان كاعد من وكت ومتواجدين بالاستقبال منتظرين مهيمن والنسوان موجودات بالصاله وكلهن موجودات ومن ضمنهن فردوس زوجه ابو مهيمن جانت ماخذه زاويه هي وصديقتها نور
رياحين:-شوفي نارة الحيايه كلهم متجمعات سويه وكاعدات بنفس المكان
نارة:-هههه عوفيهن الخاطر الله وبعدين فردوس هاي اول مرة تجي للبيت مو
رياحين:-اي ولج لان عمي ميقبل تطلع من البيت وتجينه يخاف عليها ومنها هم
نارة:-علمود شنو؟
رياحين:-مو يكول بعدها زغيرة وهو جبير خاف تشوف واحد من ولدنه وتتعلق بيه وهي هم الله يستر عليها ملعبه يخاف منها تخونه
نارة:-عزةةة زين اكلج هم شلون اتزوجو عن حب لو شنو لان هو حيل جبير عليهاا
رياحين:-عن علاقه بابا
نارة:-جذابه
رياحين:-والله باعي اول شي هي تصير بنت خاله فهد ومهيمن
نارة:-صدككك
رياحين:-اي والله وماما تكول جانت عدها علاقه ويه عمو قبل لاتموت زوجته حته علاقه سريريه يعني
نارة:-جان يزني وياهاا
رياحين:-لاا متزوجها بالسر بس من كشفتهم عمتي علنو هذا الزواج
نارة:-عزةة بعينها شنو من بشر هاي؟
رياحين:-حيه تسس ديربالج منها
نارة:-اكلج يمكن اجه مهيمن اسمعي صوت السياره
رياحين:-كومي نشوف
كمنه نشوف وصدكك دخل مهيمن للبيت واكيد اول واحد يستقبله مهيمن ونوب سلم على البقيه وجان سلامه هو وابوه كلش جاف مجرد كال
:-الحمدلله على سلامتك
:-الله يسلمك حجي
الشيخ مهران:-تعال نفوت نكمل حجينه جوة
مهيمن:-يلا فوت
الشيخ مهران:- جيبو مي
مهيمن:-عوفي المي وتعال فهمني شلون راح ترجعها
الشيخ مهران:-مااعرف عقلي وكف من البارحه اريد شي حته اكدر اخذها منهم ماكو
مهيمن:-باع تكدر تكللهم اخذها يمي بس تولد ارجعها الكم
الشيخ مهران:-شنووو هذاا الحجي شبيكك مهيمن
مهيمن:-لاتخبلني مهران انته مو خايف على ابنك خاف يكتلوه هاا هيج انته راح تضمن ابنك يمك وترجعلهم بنتهم ويادار مادخلج شر
الشيخ مهران:-دسكت الخاطر الله هسة عود انته حليتها
مهيمن:-باع انته لاتحب الابنيه ولا تريدها بعد شكو خابص الدنيه تكدر تكللهم هيج وتاخذها يمك تسعه اشهر ومن تولد ترجعها وفضت راحت بس اذا
الشيخ مهران:-بس اذا شنو؟؟
مهيمن:-بس اذا انته تحبها وتريدها هذا حجي ثاني
ادم:-مااعتقد يحبها لان الي يحب ماأذي مو فهد
فهد:-اي صح
الشيخ مهران:-راح نمشي على حجيك ونروح نكللهم هيج ومنا لبعد تسعه اشهر الله كريم
عافهم وطلع
نزار:-هههههههه ولك مهيمن شسويت بالشيخ حته ماخليته يندل طريقه
فهد:-مهيمن خويه علكيفك وياه الزلمه رادك عون صرتله فرعون
مهيمن:-ياكل خ*** طايح الحظ يريدها ويرجف عليها بس مايريد يحجي على اساس هو يكدر يسكت كلبه
فهد:-ههههه يعني انته هم منتبه عليه
مهيمن:-لكك انته ماسمعت صوته شلون يرجف وهو يحجي وياه عبالك رايحله عزيز لاسامح الله
فهد:-والله ماطلعت قليل خويه
مهيمن:-اعجبك بهيج سوالف وبعدين اذا صدكك ميحبها وكل هذا سواه علمود الانتقام ليش صارله اربع سنين مراقبها وهسة يلا نفذت انتقامه
فهد:- لكك خويه سالفه المراقبه طلعت وراثه من الاب الى الابن
مهيمن:-هههههه اي والله
نزار:-اكول شو انته جاي تتفق على اخوي كدامي ترة اروح اكله وعلي
مهيمن:-روح كله وشوف شنو تخوفني اصلا هو يعرف كلامي صحيح علمود هيج طفر
نزار:-عمي انته منو يكدرلك صدك لو كالو خوفك من الساكت لو حجه يطلع كل خياساتكم
الكل:-ههههههههه
