رواية ثأر الشيخ مهران الفصل السادس والعشرون بقلم حوراء
مكانك بديوان وتنطي حكوك وينه حك حبي الك ؟
بقلم شهنزان
____________________
ايليا:- اجه اليوم الي راح يتحدد بيه مصيري اني وابني بهاي الفترة انكشفلي هوايي اشخاص اولهم امي وابوي الي جنت مستحيل افكر بيوم من الايام راح يسون بيه هيج ماجنت مفكرة ولا واحد بالميه ان ابوي يهتم لكلام الناس اكثر مما يهتم لحياتي
غسق :-حبيبتي ايليا بشنو تفكرين
ايليا:-بمصيري ومصير ابني الي بعده مامولود
غسق :- خليها على الله ماراح يصير غير الي كاتبه ربج
ايليا:-ونعم بالله
غسق:-يلا حبيبتي تعاي نتريك من البارحه انتي بدون اكل مو زين لا عليج ولا على طفلج
ايليا:-مااشتهي والله
غسق :-حته لو حبيبتي بس شويه اكلي حته تسندين نفسج
ايليا:-لاتلحين غسق مالي خلك
غسق:- كومي حبيبتي لااطيح حضج يلاا
ايليا:- اهوو
غسق:-ماتجين اله بالعين الحمرة
نزلنه اني وغسق ودخلنه للمطبخ كعدت على الكرسي وهي واكفه تحضر بالاكل
:-ابنج وينه شو مااله صوت
:-نومته بغرفه ماما وصعدتلج
:-تمام
حطت الاكل واكلت شويه وشربت جاي وكمت
غسق:-مااكلتي شي بس نص صمونه
ايليا:-اصلا هواي شبعت اريد اروح اسبح
غسق:-تمام
صعدت فوك اخذت ملابسي ودخلت للحمام ساعه كامله واني واكفه جوة الدوش بملابسي وبدون لااسوي شي مر شريط حياتي كدامي كله من جنت بنيه زغيرة لحد يوم عرسي رفعت راسي وشفت موس مال حلاقه وبلحظه ضعف اخذته وحطيته على ايدي تمتمت بضعف
:-اسفه ياربي مااكدر اتحمل بعد
سامحني
مشيت الموس على معصم ايدي وصار جرح وضل يطلع دم منه شمرت الموس بلكاع وضليت اباوع بسكون على معصم ايدي شلون ينزف اندكك الباب بقوة
واجاني صوت غسق وهي تكول
:-ايليا حبيبتي ليش اتأخرتي بيج شي
توجهت للباب وفتحتها صارت كدامي ووجها مبين عليه تعابير الخوف نزلت نضرها لايدي وشهكت
:-ها شمسويه بيدج لجج حيوانه
ركضت جابت شال وشدته على معصم ايدي وتضرب بيه راشديات وتجبي
:-حيوانه شلون تسوين بروحج هيج لج منو يستاهل تغضبين رب العالمين علمودة هاا
شبكتني ونفجرت بالبجي
:-غسق اريد اموتت اريد اخلص من حياتي ليش صار وياي هيج شنو الي سويته حته استاهل يصير وياي هيج والله ممأذيه احد ليش أذاني بهاي الطريقه حبيته اكثر من نفسي لو طلب عيوني انطيهن اله هيج يجازيني على حبي اله بهاي الطريقه
:-اششش خليه يولي مايستاهل قطرة حب منج شيليه من بالج وكلبج عيشي علمودج وعلمود ابنج لاتسمحيلهم يحطمونج انتي قويه ومالازم تضعفين لان الذيابه هواي وتنتظر تشوفج ضعيفه حته تاكل لحمج
:-اكثر مما اكلو
:-ينهوج مايخلون بيج شي زين انتي مافكرتي اذا متي شنو تكولين لرب العالمين وانتي كاتله روحج وروح ابنج هاا
:-احسن من هاي العيشه
:-مااعرفج هيج ضعيفه ايليا وينها اختي القويه الي كلما توكع بمشكله تبتسم وتكول ماراح تضل هاي المشكله للابد اكيد يجي يوم وارتاح منها
:-بس مهران مشكله مزمنه مااعتقد راح اتخلص منها مهران مثل المرض السرطاني مايترك جسد الانسان اله ياخذ روحه يلا يتركه
:-بس انتي اقوة والسرطان مرض انتصرو عليه هواي ابطال وانتي راح تكونين منهم هم
:-مااعتقد
:- لا ثقي واعتقد اني متأكدة انتي راح تهزمين الشيخ
:- مااعرف احس كلشي جاي يصير فوك طاقتي
:-لاتخافين انتي كدها
هزيت راسي بأيجاب
:-اروح اجيبلج الشاش ومعقد همزين الجرح مايحتاجله خياط
راحت شويه واجت عقمتلي ايدي ولفتلي ياه بالشاش ونزلت
ضليت كاعدة فوك انفتح الباب وشفتها انفال
:-اكلج انتي ليش ماتجيبين الجنسيه مالتج حته نسجلج ويانا بالبطاقه التمونيه حته نحسب حصتج ويانه
:-خربب انه اني ليش مامفكرة بهذا الموضوع ان شاء الله باجر اجيبهم
:-شعندج جايه هنا
:-معليج جايه لبيت الشيخ جابر مو الج
:-خوش لعد روحي انزلي يم الشيخ جابر
:-عيب الديوان متروس زلم
:-منوو ؟؟
:-الساعه هسة ب10 وعدكم خطار اعتقد هذا الشي مو غريب عليكم بيت الشيخ
:-اعرف مو غريب بس عبالي اجه مهران
:-ب12 يجي مو هسة
:-اعرف بس عبالي اجه لان هذا متعرفين بشنو يفكر
:-عود الله كريم لل12 هسة اني جوعانه كومي جيبيلي شي اكله
:-شنو عود انتي تستحين المطبخ جوة روحي اخذيلج شي من الثلاجه وتعاي
:-خوش هسة اروح اجيبلي شي واجي
راحت شويه واجت جايبه كيك وعصير الهة والي
:-مااريد اني
:-ماجبتها الج جبتها لابنج
:-ابني مايريد ياكل
:-لانجذبين هسة تلكينه ميت جوع وبعدين تخيلي ان الي ابطنج بنيه مو ولد وتسمعنه نكول ابنج وخطيه تضوج من عدنه
:-هي بقت على هاي الكلمه لاتخافين سمعت كلمات اكبر من هاي الكلمه
:-مثل شنو ؟
:-عار ،غلطه ، لازم تموت ، وبعد هواي
:- اويي حبيبتي معليج بالي سمعتيه لان هذولي الناس مسوين عمليه شالين عقلهم وحاطينه ب*****
تحجي وتمسح على بطني عبالك تحجي وياها وهي تسمعها
وخرت ايدها من بطني واخذت الكيكه واكلت منها شوي شوي منا لحد ماخلصتها كلها اندمجت ويه انفال وسولفتلها شنو كال اثير
:-كلب حيون ذكر خليه يولي ابن ****
:-اكلج شو انتي صايرة كلش كلساع وتغلطين خربت اخلاقج لو شنو
:-العفو منج بس الاخلاق شنو تنوكل تنشرب ؟؟
:-طاح حضج اي والله
:-لج انتي لو سامعتني شلون نزلت على هذا نزار نزله ونص وعلي خليته مايندل طريقه
:-ههههه لج هذا مااكدر اصدك هو اخو مهران لان بيناتهم فرق جبير من السمه للكاع
:-ماادري احسة هواي يحجي ويصرف حبجيات
:-ههههه جنه عاجبج ؟
:-روحي لج منين عاجبني وعلي بس اشوفه اله اسحله سحل
:-ليش بلا
:-شنو ليش لج اكيد جان يدري بخطه اخوه وراضي بالي سواه
:- مااعرف ولا اريد اعرف اصلا
:-اكلج شو جعت
:-انتي شنو فائدتج بالحياه هاا كلساع وصحتي جوعانه وانتي هسة خلصتي كيكه بكبر راسج
:-لجج شوفي الساعه
:-عزة ب12 صارتت
:-راح انزل اشوف اذا اجه لو لا
:-تمام منتظرتج
نزلت انفال شويه وصعدت
:-اجوو اجوو والله بس شنو اكو وياه هوايي زلم
:-يعني شكد
:-اكثر من الي اجو وياه بالخطبه اكلج حته الديوان متروس ترس تعالي نباوع من فوكك
:-تعاي اكعدي هنا واسكتي لاتسويلنه سالفه
:-كعدتت
الشيخ جابر :-صارت الساعه 12 ودخل علينه الشيخ مهران هو ووجهاء عشيرته واخوانه وولد عمه
الشيخ مهران:-السلام عليكم
الكل:-وعليكم السلام ورحمه الله
مهيمن:-الله بالخير
الكل:-الله بالخير والعافيه
مهيمن:-تعرفون كلش زين احنه ليش اجينه هنا وشنو سبب الزيارة
عمران:-والله عجيب امرك الكم عين تجون تكعدون كدامنه بعد كل الي سويتوه بينه
مهيمن:-مثل ما ابنه غلط انتهم هم غلطتو واحنه هنا حته نوصل لحل يرضي الطرفين
الشيخ جابر :-اسمعك ابني شنو الحل الي عدكم
مهيمن:-الابنيه تجي ويانه وتخلص فترة حملها يمنا ومن تولد ناخذ ابنه ونرجعلكم بنتكم وانتم بطريق واحنه بطريق
عمران:-هذا الولد مايضل رضيتو لو مارضيتو اني راح اخليها تنزله
الشيخ مهران:-شحدك وحق ربك انته بس فكر مجرد فكرة تلمس شعره منها وتأذيها احركك حركك
عمران:- وانته منو وتحجي هاا
الشيخ مهران:-اني زوجهاا
عمران:-وينن جنت يازوجها من الناس اتهمتها بشرفها من وراك هااا
الشيخ مهران:-الي عندي كلته اذا ابني او مرتي اتأذو عمران حصتي وهاي كدام الكل احجيها
مهيمن:- مهران اكعد وانته شلون تتصرف هيج تصرف من ورانه هااا لا ونوب موديها لمكان خايس يعني بربك انته اكو براسك عقل صار وياها شي بالعمليه وماتت شتسوي هااا
عمران:- جاا تريدني اخليه ابطنها وتولده والناس تاكل وجهي
مهيمن:-على شنو تاكل وجهك لك بنتك مرة مزوجه وشي طبيعي تحبل وتولد بعد شكو
الشيخ جابر :-هذا الحجي ماراح يقدم ولا يأخر اني وياكم بهذا القرار تروح يمكم وبس تولد بسلامه ترجع ووياها ورقه طلاكها
مهيمن:-يصير خير شيخ
نزار:-اكلك فهد
فهد:-هااا
نزار:-شنو اخويه واخوك اتبادلو الادوار ؟
فهد:-ياادوار؟
نزار:-كل مرة بأي كعدة تصير مهران يحجي ومهيمن يسكت مايدخل اله بالحالات الحرجه شو هسة صارت بالمكلوب هو منو لازم يحجي مهران لو مهيمن
فهد:-انته ليش تصير مطي غير مهيمن هو صاحب الفكرة واذا مهران حجه محد راح يقبل منهم لان هو اذه بنتهم بس مهيمن يعتبر طرف ثالث وراح يسمعون منه
نزار:- ايباه والله وكت صار مهيمن حلال مشاكل
فهد:-اكلك انته شبيك ويه اخوي هاا
نزار:-مااحبه بس يخوز بيه
فهد:-اويي عيني سندوس رقيقه متتحملين نضرات اخوي الحارقه
نزار:-اي والله
فهد:-شالك الله ياحيوان
نزار:-بعدين اعلمك
فهد:-ليش مو هسة
نزار:-مااريد اهينك كدام الناس
فهد:-حبيبي العفطه تريدها بصمه لو كتابه
نزار:-كتابه حبيبي مااريد انفضح كدام العالم
مهيمن:-خير ان شاء الله شيخ وشوكت ناخذ مرت الشيخ
الشيخ جابر :-باجر بنفس هذا الوكت تعالو اخذوها
مهيمن:-خوش حجي جا احنه هسة نترخص منكم وباجر نمرالكم ناخذها
الشيخ جابر :-اهلا وسهلا بيكم بأي وكت بويه
مهيمن:-وبيك اكثر شيخ
طلعو كل الموجودين من الديوان وضلو بس ولد الشيخ جابر ويزن
يزن:-جدي تحجي صدك انته شلون تقبل بحجيهم هاا شتكول علينه الناس هسة
الشيخ جابر:-الي سويته حته اسكت الناس ايليا راح ترجع لبيت رجلها ومن تولد تطلك منه وهي لا اول وحدة تتطلك ولا اخر وحدة
يزن:-ومن شوكت بنات الشيوخ تتطلك
الشيج جابر:- وشبيه المطلكه هاا مو مرةة ترة الحياه تجارب وهي تجربتها بالزواج جانت فاشله وحبت تنفصل عنه وين الغلط بالموضوع هاا
يزن:- جدي انته مدري شلون صاير ولاتعرف تحجي
الشيخ جابر:-انجب لكك شنو مااعرف احجي نسيت روحك ويه منو جاي تحجي هااا
يزن:-اعتذر منك جدي مو قصدي
الشيخ جابر:-امشي اطلع برةة
طلع يزن وهو مو راضي عن القرار الي اخذه جده
ايليا:-هااا غسق بشري شنو صار وياهم ؟؟
غسق:-هااا باعي هو شسمه
ايليا:-الخاطر الله احجي مو شلعتي كلبي
غسق:-باعي اتفقو على ان ترحين وياهم هناك لبيت الشيخ منا لحد ماتولدين ياخذون ابنهم منج ويطلكونج
ايليا:-تحجين صدكك لو تشاقين شنو يعني راح اروح برجليه لبيت الشخص الي دمرني وحطمني هااا
غسق:-باعي هذا الشي صار بصالحج حته تسدين حلوك العالم الي حجت عليج على الاقل يكولون عاشو سوة فترة واطلكو لان ماكدرو يتأقلمون سوة مو احسن من سمعه رجعج بيوم السابع
ايليا:-اخخخ الله ياخذك مهران ويخلصني منك ياكلب
غسق:-جدو يكول خليها تحضر اغراضها كلها وشنو تحتاج تاخذه وياها لان باجر الساعه ب12 يجون ياخذونج
ايليا:-بهلسرعه يردون تتخلصون مني ليش شنو ذنبي انيي هاا
انفال:-حبيبتي صيري قويه اني هنا منتظرتج منتظرة صديقه عمري ترجعلي بكامل قوتها خوش حته نبدي حياتنا سوة نسيتي خططنه مو كلنه نريد نزوج اخوان حته نعيش سوة بنفس البيت هاا
هزيت راسي بأيجاب
انفال:-كلشي خططناله راح نسويه بس اتحملي ها التسع اشهر حته نحققهم اوكي حبيبتي يلا كومي وياي خلينه نحضر اغراضج يلا كلبي
كمت ويه انفال وهي تمشيني تسحل بيه سحل لان مالي طاقه حته للمشي
الشيخ مهران :-وكف السيارة هنا
مهيمن:-بس لا تريد تنتحر من الجسر لا يمعود كلشي ينحل
الشيخ مهران :-ملاحظ نفسك صاير نسخه من نزار هاا صايرين نفس السخافه
مهيمن :-اويي شبيك عيني شنو كلت اني هسة
الشيخ مهران:-وكف السيارة خليني اشمرك من الجسر وارتاح منك
مهيمن:-ماتكدر والله تضيع من دوني
الشيخ مهران:-تدري بروحك نعال ومااكدر بدونك
مهيمن:-نجب لك
وكف مهيمن السيارة وخابر فهد وبقيه الشباب يكملون طريقهم لان همة راح يتأخرون شويه
الشيخ مهران :-اني الشيخ مهران ابن الشيخ جاسب الابن الاول من وعيت على هاي الدنيه اني وابوي صحبان ابد ماحسيت بيوم من الايام هو ابوي حسسني هو صديقي الي واخذني بصفه بسبب هذا التفكير جنت شنو يصير وياي باليوم اروح اسولفه لابوي جنه نكعد ساعات نسولف ونحل مشاكل الناس جان دائما يكلي انته الشيخ من بعدي ولازم تعرف بكلشي يخص الديوان وشنو يصير بيه حته من تصير الشيخ انته عندك علم بكلشي وتكدر تحل مشاكل العالم كبرت وتعلمت وجنت حيل متفوق بدراستي طبعا هذا كله بفضل تشجيع الوالد الي بيوم من الايام والي يعتبر اسوء يوم بحياتي اجو ناس صاحبين مشاكل لابوي حته يحللهم مشكلتهم ويه العشيرة الثانيه ابوي شالته الغيرة على ابن عشيرته وراح هداد على العشيرة الثانيه تلاث ساعات ورجعو بس هاي المرة رجعو شايلين ابوي وصاحبي على ظهرهم وهم يكولون
الشيخخ جابرر كتل الشيخخ جاسب
بوكتها صارت طلابه جبير وادخلت عشائر هواي بس الي صار ان كل العشائر وكفت ضدنه وطلعونه احنه الغلطانين وحكمو علينه ان لازم نطلع من محافظتنا ونروح لمحافظه ثانيه بهذاك الوكت اني جنت صغير وعمي عماد لايحل ولا يربط اضطرينه نطلع من محافظتنا ونتشرد لغير محافظه
اربع ايام بلياليها احنه بالشارع ماكو بيت نكعد بيه اخر شي لكينه خرابه مكونه من غرفه وحمام وكعدنه بيها هاي الايام متسحيل اكدر انساها ومستحيل اكدر اسامح الشيخ جابر لان هو السبب بالي عشناه
كبرت وفكرة الانتقام كبرت وياي ماخليت شغله مااشتغلتها حته وصلت لهذا المكان كملت دراستي وتخرجت من كليه العلوم قسم البايو خلال هاي الفترة ضليت اجمع اخبار عن عائله الشيخ جابر ومن عرفت عندة حفيدة يعزها حته اكثر من ولده قررت اراقبها لان هي الورقه الي راح اكدر اخذ انتقامي بيها
بس الي صار وياي غير حياتي شفت روحي جاي اتقرب الها مو بس علمود انتقم من جدها عن طريقها لاا جنت كلما اتعب من شغل والديوان اروح اتصل بيها او اباوع على الفيديوهات ال جانت توصلني عن طريق غزل جيرانهم
جنت اغلط روحي واكول لا اني مااحبها جنت دائما ادخل بصراع بين قلبي وعقلي عقلي جان يكول هي حفيدة عدوك وانته لازم تنتقم منها
وقلبي جان يكول هي مالها ذنب بأي شي صار عوفها لاتأذيها بهاي الطريقه بس للاسف عقلي جان دائما ينتصر على قلبي بهذا الصراع
بس بالاشهر الي عشتها وياها بأيام الخطبه غيرت كلشي بيه كمت اضحك وافرح واشاقه وياها واشتاق الها جانت مثل النسمه البارده الي تجيك بعد ساعات حر قاتله هي الشي الصح الوحيد الي صار وياي بحياتي كلها بس اني بغبائي ضيعتها من ايدي
من اجاني نزار وانطاني هذا الخبر ماعرفت احدد مشاعري افرح لان هي راح ترجعلي لو اخاف لان ماراح ترجع تتقبلني مثل اول ايام زواجنه الي جانن من احلى الايام الي عشتهن بحياتي وياها
مهيمن:-وين صفنت
الشيخ مهران:- بيها
مهيمن:-بشنو تفكر بالضبط
الشيخ مهران:- احبهاا
مهيمن:-هههههههه وعلي عرفت بيك
الشيخ مهران:-ليش انته يمشي عليك شي
مهيمن:- اني اريد ابني انجب لك جان مبين عليك شلون خايف عليها
الشيخ مهران:-وشنو يفيد الخوف خلص خسرتها وطارت من ايدي بعد
مهيمن:-شبسرعه استسلمت بعدك عود ماعايش وياها وشايف طريقه تصرفها وياك
الشيخ مهران:-لكك هو هذا الي راح يخبلني شايف من تجي راح تسودني ادري بيها
مهيمن:-شلون يعني
الشيخ مهران:-عنيدة وماتسمع الكلام ولسانها طويل وتسوي الي براسها شايف هاي يومين وتجلطني
مهيمن:-ههههههه لك والله ايام الشيخ مهران يخاف من مرة
الشيخ مهران:-مو اي مرة عزيزه كلبي هايي
مهيمن:-عزيزه كلبك وهيج سويت بيها لو تكرهها شسوي بيها
الشيخ مهران:-حقك ماتدري شصار بيه لك بيومها على الطريق وكلساع اريد ارجع اخذها لحضني واعتذرلها بس ماكدرت
مهيمن:-لان انته جبان
الشيخ مهران:-منتبه السانك صاير حيل طويل وياي
مهيمن:-لان تستاهل يلا هسة امشي خلينه نرجع حته ننطي خبر لرياحين تحضر غرفه لايليا تكعد بيها
الشيخ مهران:-ياغرفه تقصد
مهيمن:-الغرفه الي ردت تنطيني ياها نسويها الها
الشيخ مهران:-ليش ماتاكل نعل هاا
مهيمن:-جا وين تكعد الابنيه
الشيخ مهران:-بغرفتي
مهيمن :-هلاا والعب بيها يابو سميره
الشيخ مهران:-اكلك انته صاير سرسري يبدو بنات دبي فسدنك
مهيمن:-انجب عزيزي اني انسان محترم اروح بدربي وارجع بدربي واكول ياربي سترك
الشيخ مهران:-كلشش
رجعو الشباب للبيت وطلب مهران من رياحين ترتب غرفته وتنقل ملابسه حته تسوي مجال لملابس ايليا
نارة:-يعني راح تجي تعيش ويانه بس تسع اشهر ونوب ياخذون ابنها منها وتروح
رياحين :-اي هيج يكول نزار
نارة:-اويي خطيه شلون راح تكدر تعوف ابنها وتروح
رياحين:-اسكتي ميته قهر عليها وعلى الطفل هم خطيه شنو ذنبه يربى بدون ام
نارة:-اخخ الله لايوفق كل واحد يفرق بين ام وابنها
رياحين:- شنو هذا البسمار لخاطر ربج
نارة:-ترة تردين الصدك اخوج الغلطان
رياحين:-اخوي دمر نفسه ودمرني ودمر ايليا ويانه
نارة:-وانتي شعليج ؟
رياحين:-هاا مو انتي مو سامعه هذا المثل الي يكول الي يأذي بنات الناس راح تطلع بأخته
نارة:-لااسم الله عليج حبيبتي ان شاء الله مايصير شي
رياحين:-ان شاء الله يلا ننزل خلصنه
نارة:-يلا
نزلنه وكعدنه يم الحجيه وجانت نور ونرجس كاعدات هم
نور:-اكول نارة
نارة:-كولي
نور:-انتي ليش ماترحين تفحصين روحج خاف نوب تطلعين عقيم وماتجيبين جهال
نارة:-اسم الله شنو هذا الكلام
نور:-اي شبيج اني علمودج انتي وادم مو اتزوجتو قبل مهران وايليا وها شوفت عينج ايليا حامل وانتي بعدج كلشي ماكو
نارة:-ترة ماصار النه سنه من تزوجنه على شنو مستعجله ؟؟
نور:-ياااا بس لاا تردين تضلين سنه كامله بدون حبل
نارة:-اصلا اني مامفكرة بالاطفال هسة ان شاء الله من اخلص دراسه عود اسوي اطفال
نرجس :-يعني تردين تضلين اربع سنين بدون جهال ؟؟
نارة:-اي وشبيها
نرجس:-خاله انتي قابله بهذا الحجي
الحجيه ترفه:-واني شعليه قابل اني الي راح اشيله ابطني لو هية
نرجس :-والله خاله انتي مطيتها مجال اني من تزوجت ورة اسبوع اجتني عمتي كالتلي ها بشري ماصار فخر ابطنج
الحجيه ترفه:-وشنو استفاديتي من الفخر هاي انتي مطلكه ومشمورة على كلب امج
نرجس :-شنو هذا الحجي خاله شبيج وياي
الحجيه ترفه:-هسة اني كايله شي جذب
نرجس :-اني اروح لبيتنه احسلي من الكعدة يمكم
الحجيه ترفه:-الله وياج وتعاي اخذي اختج وياج هم
نور:-لاخاله اني اضل يمكم اليوم
راحت نرجس وبقت نور يمنه وصعدت الغرفتها واحنه ضلينه كاعدين يم الحجيه
الحجيه ترفه:-باعي يمه اني ماردت انطي بيج كدام البنات بس انتي حجيج ابد ماعاجبني شنو تضلين اربع سنين بدون جهال وانتي الحمدلله كلشي مابيج بلا اول سنه تمشي بدون جهال عادي بس يمه اربع سنين هواي مو
نارة:-حجيه بس اني مااكدر اوافق بين الدراسه والحمل والبيت صعبه عليه
الحجيه ترفه:-ماكو شي صعب يمه الطفل بس ينولد يضل يمي وانتن سواء انتي لو ايليا ماتوصلنن للطفل عوفنه عليه اني اصير المسؤوله على تربيتهم اربيهم مثل ماربيت ابائهم
هزيت راسي موافقه على كلامها صعدت فوك وكلام نور ضل يدور براسي معقوله بيه شي واذا لا لعد ليش لحد هسة ماحبلت ؟؟
مر اليوم واجه ثاني يوم
طلعو الشباب من وكت حته يوصلون للمحافظه ايليا قبل 12
مهيمن:-شلونها المعنويات ؟؟
الشيخ مهران:-زفتتت
مهيمن:-كول يالله ان شاء الله مايجيبون اسئله من خارج الكتاب
الشيخ مهران:-هههه ابد متضحك ترة
مهيمن:-لكك وعلي شكلك يضحك منو جان يتوقع الشيخ مهران يتوتر ويرجف لمجرد راح يشوف ايليا هاا
الشيخ مهران:-فك ياخه عندي لخاطر الحمزة
مهيمن:- سكتت والله سكتت
وصلو الشباب لبيت الشيخ جابر نزل مهيمن والشيخ مهران
مهيمن:-السلام عليكم شيخ
الشيخ جابر:-وعليكم السلام هلا بيك
مهيمن:-وبيك اكثر شيخ
الشيخ جابر :-تفضل فوت جوة
مهيمن:-لا والله مااكدر ياريت لو تطلع زوجه الشيخ حته نروح لان ورانه طريق طويل
الشيخ جابر:-هسة تجي ،يزننن
يزن:-نعم جدي
الشيخ جابر:-صعد جنط بنت عمك بالسيارة
يزن:-تأمر شيخ
جر يزن جنط ايليا
:-تكدر تفتح الصندوق بلا زحمه عليك
:-لا رحمه حبيبي
فتح مهيمن الصندوق وصعد يزن الجنط شويه وطلعت ايليا وجان مبين على وجها التعب بسبب السهر والبجي
الشيخ جابر :-بنيتي ايليا اريدج تصيرين قويه وتخلصين هاي الفترة بسرعه وترجعيلي فهمتيني حبيبتي
ايليا:-ان شاء الله جدو
حضنها الصدرة وهو يمسح على ضهرها
تقدم عليهم الشيخ مهران وجرها من ايديها من بعد ماوخرت من حضن جدها واخذها سحبها وراه وهي تحاول توخر ايده من معصم ايدها بس هو جان حاكم قبضته عليه
:-عوف ايدي
:-اصعدي للسيارة كدامي
:-الله ياخذك ويخلصني منك ياحقير
:-ان شاء الله بس خلصيني واصعدي
صعدت بالسيارة ومهيمن حجه بصوت اقرب للهمس حته محد يسمعهم
:-هاي عود بعدنه هنا ومارحنه للبيت وهيج تتعامل وياها
:-ماشفته شلون يشبك بيها
:-لاتتخبل علينه ترة جدها مو واحد غريب
:-امشي نروح قبل لاانفجر بيك وبجدها هسة
صعدو بالسيارة وحرك مهيمن ومشت بيهم الطريق كله مهران يباوع على ايليا من المرايا الي تصير فوك السايق
مهيمن:-عينك وين على الصبورة تدرس زين تاخذ صورة هههههه
الشيخ مهران فهم شنو يقصد وكال
:-خليني عينك على الطريق لااعميها الك حبيبي
:-ههههههه هاي شنو شيخ صاير نفسيه كلش
:-وانته صاير سخيف كلش انصحك نصيحه لوجه الله لاتكثر كعدة ويه نزار حته لاتفضح روحك ويه شركائك الامارتين
:-لا تخاف حبيبي اعرف شوكت اصير سخيف وشوكت اصير جاد
خلص الطريق بين نظرات مهران الملهوفه وبين نظرات ايليا المتجاهلة وبين محارشات مهيمن لمهران
:-يلا وصلنه اهلا وسهلا بيج خويه نورتي البيت
:-البيت منور بأهلة خويه
نزلت ايليا من السيارة وتبعها مهران
:-يابه تعال نزل الجنط وين عفتهن عليه
:-صيح صاحبك نزار هو يساعدك بيهن
ايليا:-دخلت للبيت واستقبلتني الحجيه رحبت بيه سلمت على الموجودين ونوب طلبت من رياحين تاخذني لغرفتي لان اريد ارتاح تعبت من الطريق
رياحين:-تفضلي حبيبتي هاي الغرفه
ايليا:-شكرا حبيبتي تعبتج وياي
رياحين:-ماكو تعب حبيبتي ادللي
نزار:-يمعوداتت افتحن الباب
رياحين:-هذا نزار الخبل
ايليا:-من كالت هذا نزار اجت ابالي انفال فتحت الباب وصار بوجهي ولد يطلع بكد نزار عدل وكفته ورجع شعره ليورة وكال
نزار:-شلونج مرت اخوي اني نزار
ايليا:-زينه الحمدلله اهلا بيك نزار تشرفت بمعرفتك
نزار:-اني الاشرف عيني شلونهم الجماعه
ايليا:-الي يسمعك يكول ماحاجي وياهم
نزار:-هههههه لا وبربج بس البارحه وطلعو السانهم عليه واني لابيها ولا عليهاا
ايليا:-هههه اي صح كالولي
نزار:-اي والله تفضلي هاي الجنط ملاتج واي شي تحتاجي اني موجود
ايليا:-تسلم ماتقصر
نزار:-مرت الشيخ تاج وباج عيني ادللي
رياحين:-روح الشيخ يصيح عليك
نزار:-مايكدر يسوي شي اذا اني ماموجود يمه
رياحين:-اي كلشش
نزار:-جنج تستهزئين بيه
رياحين:-ابدد مو اخلاقي هاي
