رواية لأني عاقر الفصل السادس والعشرون بقلم مريم خفاجة
اندك الباب واني الف بالكرسي
صحت:-ادخل
_دكتور ادخل مُراجعين لو شنو؟
_لا مالي خلك تعبان شوية ربع ساعة
_دكتور انتَ تعالجلك سن واحد وترتاحلك ساعتين
_وشنو حضرتك تعترض؟
_لا العفو بس حبيت اتشاقة
_ربع ساعة
_هذا هو
عافني وراح وعلي مالي خلك
ضليت افر بالكرسي وراسي رافعة لفوك
ومغمض عيوني
ربع ساعة ودكيت الجرس
وبدوا يدخلون
واكثر شي اكرهه هو تعامل الاطفال
يضلون يزاگطون
واني روحي اشيلها واركعها بالكاع
واضل اصيح بيهم
وهذا اكثر طفل موتني لو بيدي
احط الاجهزة كلها بحگلة
غيث:-اثثثببت
_دكتور لاتصيح بي
باوعتلة ورفعت حاجبي:-واذا ما اصيح
بي المن جايبة؟
سكت واني خزرتة ورجعت
للطفل وهمست:-اذا ماسكتت اعورك والدم
يضل يجري منك
هز راسة بـ لا كلت:-جا اسكت يلا
سكت واني كملتلة شلون ماجان
وطلع دروح
راحت روحك وراك مو طفل
خلصتهم بسرعة اريد ارجع للبيت
هلكت انعل ابو الطب
ركبت سيارتي والشمس
تدك براسي دنعل ابو اليضل بالعراق
؏ هالحر
؏ ما وصلت لبيت عمي
دكيت الباب فتحتة مرت عمي
ابتسمتلها:-ها السلام عليكم
ام عبدالله:-هلا يبعد امك طب جوة تعبان
سودة بوجهي
بست راسها وكلت:-اي وعلي نشكيت بالنص
ام عبدالله:-طب طب خو ماعندك دوام بالمستشفى؟
غيث:-لا لا ماعندي غير هسة اموت
ام عبدالله:-هو انتَ بزر نستلة ماتتحمل
ضحكت وكتلها:-خلفلة ؏ ربج عمة
ضربتني بجتفي
دخلت جوة دكيت باب المطبخ
واسمعهن تراكضن
ام عبدالله:-شكم مرة اكللهن خلن الاحجبة
؏ جتافجن
غيث:-عوفيهن هنه هم متقيدات
ام عبدالله:-خلي يولن عليمن متقيدات
دخلت لجوة وهي كالت:-راح اصبلك الغدة
يمة البس وانزل مو تتأخر
غيث:-لا هسة اجيج شمسوية
ام عبدالله:-مرتك
غيث:-بانية مو؟
ضحكت وكالت:-اي
غيث:-هسة انتي تنحطين ؏ الراس
وتبديل مانبدل وكاعديلج هنا يلا يلا صبي
بسرعة وعلي ميت من الجوع
ام عبدالله:-يلا جا هم احسن خلي احميها
صحت:-لا ؏ بختج هي وباردة اطيب
ام عبدالله:-لا يمة تتخربط
غيث:-لا لا ماتخربط بروح ابوج جيبيها
ام عبدالله:-اوف منك
صبتها وهي جابت خبزتها وكعدت
يمي وتاكل وياي واني وياها نسولف واضحكها
وهي تغص بالاكل وتضل تسب بية
طب عمي وگال:-هاي شنو هالخيانة هاي
شو كاعد ويا مرتي ولك
غيث:-اني شعلية اول ماطب تستلمني دك
بوس واني يابعد عيني رجل عُزابي اكيد
انغر
ضحك وضربني ؏ علباتي
وكعد يمنة وضل ياكل خلصت
وانتضرتهم يخلصون كامت عمتي شالت
الاماعين
شلتهن وياها وهي تجلف واني اغسل
وعمي يرتب ويانة
بستها براسها وصعدت
فوك للطابق الاخير
اخذت ملابسي وسبحت
وكبل للفراش نمت
لل6 المغرب يلا فزيت ؏ ضربات
بوجهي
صحت:-عبددددددددااااالله راااااح اكووووم
اشككك
عبدالله:-دكوم تنبل مال نوم
غيث:-تعبان وخر عني
عبدالله:-دكوم يلا تعشة
غيث:-ماريد
عبدالله:-طبك وجع ضل بالجوع
عافني وراح واني رجعت غفيت
كعدتني عمتي ب8
كعدت غسلت وجهي ونزلت عازليلي
عشة اخذت صينيتي ورجعت صعدت
فتحت الحاسبة ؏ فلم
ضل يحمل واني اباوعلة
؏ ما ينفتح اگللكم انا منو؟
انا غيث مالك عبد الرحمن
دكتور اسنان
يتيم الأم
اما أبوي فـ ماعرفة بيا گاع
امي ماتت وانا عمري 8 سنين
گبال عيني انكتلت
عافني ابوية وشرد وعشت يم
بيت عمي الي هو
احسن من ابوية بميت مرة
مرت عمي اللي هي اطيب گلب
عرفتها
انسانة عايشة ؏ حب الله واهل البيت
تعزني اكثر من ابنها وبناتها
تحبني محبة بس الله اليعلم بيها
اما انا حبيتها بس ماعتبرتها بيوم أمي
لأن امي ماتتعوض بيوم ولا الگة
مثلها لا شكل ولا حنان
أمي عيونها بيها منبع الحنان
أمي سر حياتي هو صورة عيونها الأحبهن
يومية اباوعلهن واعيش
عيونها بلون الماي مثل
ما الماي منبع الحياة فـ امي هي منبعي
لحد هسة اتذكر حُبها وحنانها
ودلالها إلي
انا عشت كل عمري مدلل
من ايد امي لأيد مرت عمي لايوم
حسيت بذل ولا حسيت بعدم الحنية
بس وارجع واگول ماكو احد مثل امي
عمي عندة 3 بنات
وعبدالله مزوج وعندة ثنين اطفال الله مايجرعهم
بس استحي اصيح بيهم كوني كاعد ببيتهم
عمي انطاني الطابق الأخير
ألي اخذ راحتي بي
عندة بنية متزوجة بس هي خارج العراق
وبناتة زينب ورقية الماينبلعن
الفلم اشتغل
ضليت اباوع مندمج
انفتح الباب وطب صخام
عبدالله:-يلا تروح
غيث:-وين؟
عبدالله:-للكوفي
غيث:-لا جاي اباوع فلم
عبدالله:-امداك دضل ضل مثل الزعطوط
؏ افلام
غيث:-دنجب وسد الباب وراك
لا تروح البرودة
عافني وراح واني كملت الفلم
وسديت الحاسبة وكعدت اكلب بالتلفون
لحد الـ 2 ونمت
والسهر مالة حل
كعدت الصبح كوة جرجرت روحي تجرجر
يلا كمت
غسلت وبدلت ونزلت
تريگت وطلعت للدوام ونفس المأسآة
كُل يوم والاخيس
دوام المستشفى
بـ5 العصر رجعت للبيت هلكان
صعدت بملابسي نمت
فزيت ؏ طرقات الباب الخفيفة
وهي طرقات اغلى طفل ؏ گلبي
ضحكت وصحت:-تعاي تعاي مياري
كوة يلا فتحت الباب
وطبت بفستانها الزيتوني ورجليها قصار
وسمينة كوة تمشي
وصلت يم الجرباية شلتها
وخليتها ؏ بطني:-شلونك خالوو
غيث:-يابعد روح خالج زين وانتي شلونج
ميار:-ذينة
غيث:-شوكت اجيتوا؟
ميار:-أسة
غيث:-بابا اجة؟
ميار:-لاع
ضحكت وعضعضتها وصرت فوكاها
واني احط راسي ببطنها وهي فحطانة من الضحك
ميار:-خالوووو غييييتتت
غيث:-كولي غيث و اوخر يلا
ميار:-ماعلف اسمك تعب
غيث:-انتي ماتعرفين تحجي
ميار:-اعلف والله
غيث:-هي اعرف مو اعلف العلف مال طليان
ميار:-لا هي اعلف
ضحكت ورجعت راسي ببطنها
ماتت ضحك واني اضحك عليها
انفتح والباب وسمعت صوت رغد
ابتسمتلها وكمت عن ميار
غيث:-هلا بغلاي
ركضتلي وحضنتني حيل واني شايلها:-يمة
مشتاقتلك
غيث:-واني هم
واشم بريحتها وهي تبوس بية:-شلونك يروحي
غيث:-بخير انتي شخبارج؟
رغد:-الحمدلله ليش ماتجينة
غيث:-ولج شغل ميت موت احمر وعلي لعبان نفس من العيادة للمستشفى
رغد:-الله يساعدك لعد خلي ننزل وانت كمل نومتك مبين تعبان
غيث:-لا بوية عليمن مياري هنا وانام عليها حشم
ضحكت ميار وهي تجلب برجلية
شلتها ونزلنة ورغد لازمة ايدي
كعدنة بالصالة وهمه يسولفون
واني ساعة اسولف ويا ميار وساعة اسولف وياهم
سوالفها تضحك واني احبها هواية
يمكن الطفلة الوحيدة الأحبها ومو مثل باقي
الاطفال احب وكاحتها
شوية واخذتها اشتريتلها وضلوا
يمنة يومين وهنه ينامن يمي
وراحوا
رغد ماخذة ابن عمتي ببغداد تزوجت
بعد وفاة امي اخذها
مرت ايام واني يومية اروح للكوفي
ويا عبدالله وجماعتة العفطية
واني انرگل واباوعلهم
وماسولف
طب ولد شاب عبالي عمرة بالعشرينات
كاموا سلموا علي
واني سلمت من بعيد وكعد بصفي
وهمه يسولفون واني اكلب بالتلفون والولد
هذا هم
غيث:-انت منين؟
باوعلي وزغر عيونة:-وياي؟
غيث:-اي وياك
_من الأسكان
غيث:- شكد عمرك
ضحك وكال:-ثالث متوسط
ضحكت:-تتشاقة؟
_وربك
غيث:-شو مبين نهاية العشرين ضخم حتى
اضخم مني
_جا شعبالك
هزيت ايدي وكلت:-والله عمي جيل اخر وكت
خشينة احنة بالغسل شسمك
_جاسر
غيث:-حي الله بيك ابو الشباب
ابتسملي وضل ينرگل
اتذكر انا بالثالث ماكل الكتب اكل
جنت مارفع راسي ابد من الكتاب
كتلة:-شكد لأمتحانتكم بعد؟
جاسر:-11 يوم
غيث:-وگاعد بالكوفي؟
جاسر:-وقت استراحتي
غيث:-اني من جنت بكدك من استراح اكعد ابجي
ضحك بقوتة وگال:-عليمن يخوي
غيث:-جنت مهتم بدراستي هواية
فـ اخاف جنت انزل عن التسعين لو الثمانين
جاسر:-لا انا ماحب هاي الأكشنات
اقرة واليجي من الله هلا بي
غيث:-احسلك
بقيت انرگل واسولف وياه
وهو ولا مبين بالثالث شوية وراح ماطول
وانا هم رحت وراه
صرت يومية اجي وجاسر لو يجي
لو لا
وهو حباب اندمج وياه ماصادق
ياهو الچان ولا هوَ يسولف
ويا ذولة السرسرية
وانا ارتاحيتلة
وبيوم طلعت نتائجة والله وطلع معدل
عالي ضحكت وضربته ؏ ضهرة:-والله
زين عمي عبالي ماتنجح
جاسر:-عينك فگس
ضحكت بصوت عالي
ورحت اعمر بالنرگيلة ماحس الة صارت
هوسة وراية
درت وجهي وركضت ويا الركضوا
اباوع جاسر نايم فوك عبدالله ويدك بي
دفعت جاسر وانطيتة بوكسي بوجهه
وبعدتة عن عبدالله
غيث:-لكككككك
جاسر:-ابببببن الكللللبببب **** عرضك
يا ***
واني احاول اهدي الوضع
جاسر:-ابن النعل يگللللب بصوووور خوووواتتتتي
يالبدوووووون عرررض هاي اذا عندك عرض وما متيهه بالشوارع
رفعت رجلي ودفرتة ببطنة
غيث:-اكللللل **** لكككك عاااار امششششي انتتتت
اخذت عبدالله من ايدة
وصعدتة بالسيارة
وصعدت اسوق بعصبية:-شسسسوووويت
انتتتت شمصخخخخمممم
عبدالله:-ولكككك الكلبببب يراويني بصوووور
خووواتة ونوب يگللللي انتتت اخذت التلفووون الساااقط
غيث:-انعل ابو لابو الخلفة اني اعلمة باجر
غسل وجهك انت هسة عمتي تموت اذا شافتك هيج مدمة
غسل وجهه واني طببتة للبيت بختلة
وخليتة يطب لغرفتة شافتة مرتة وعاطت:-يمممة
شبييييككك
غيث:-مابي شي تعارك ويا ولد بالكوفي
نور:-ليييشش تعال يمة الله لايوفقة شمسوي
بوجهك
عفتهم وصعدت فوك
دگيت ؏ محمد الي هوَ ويانة جان
وسولفلي المقتل كلة
ضليت اسب والعن بعبدالله
ثاني يوم رحت لبيت اهل جاسر
فتح الباب وگلب كصتة
ودخلني جوة للاستقبال گعدت وذبيت
نفس:-اعذرني وعلي ماجنت اعرف بالسالفة
سولفلي محمد
جاسر:-مايهمني بس عبدالله وين ماشوفة اكتلة وحق ابا عبدلله
غيث:-عمي دگول يالله
جاسر:-شنو يالله اكلة رحت اجيب بطالة ماي
اجي الگاه يراوي صور خواتي للزلم ويكلي
منيلك هاي الحاتات؟ شتريدني اطگلة اصبع؟
فركت وجهي وگلت:-اعتذر نيابة عنة
وانا راح اگل لعمي واخلي يسگطة تسگط
بس انت ليش مخلي صور خواتك بالتلفون
عمي مايصير
يوكع تلفونك يصير مايصير وهاي السالفة
صارت كبالك بعد
جاسر:-اني ناسي احذفهن بس الجلب مدري
شلون غافلني
اعتذرت منة وطلعت
واني النار تطلع من وجهه من المستحى
رحت للمستشفى خلصت شغلي
ورجعت لعمي كعدت وسولفتلة كلشي
وعيونة صارت براسة
صاح لعبدالله ورزلة ترزل
طبت مرتة تبجي وگالت:-ومووو بسسس
هيييج عمي يومية يخابر بنات يومية اشوف
اشكال والوان منة وساكتة
عبدالله:-اكلي *** لج بتتتت الكلللببب
انطاه عمي راشدي وكالة اطلع من البيت
واني لازم ايد عمتي الصار وجهه اصفر
وتخربطت
غيث:-عمي لا مو هيج
عبدالله:-اسكككككتتتتت لحددددد يددددخل اطللللعععع برررررة اذذذذاااا شفتتتك طاااب لهناااا اراووووووويكككك جهنمممم الحممممرة
عاف البيت وطلع
ومرت عمي وگعت للگاع
شلتها وبناتها نخبصن ضلن يحاولن يگعدنها
وخرن الشال عنها درت وجهي وصعدت
فوك
يومين وعبدالله مو بالبيت لمن عمتي
كام تحرمصلة يلا قبل يرجع وهو داير وجهه عنة
مايحاجي كتلة طبك مرض
مَرت كم يوم وجاسر عزمني ؏ بيتهم
نزلت وبيدي قميصي والبنطرون
دگيت باب غرفة البنات وعزلت روحي
؏ صفحة
اجاني صوت زينب:-منووو
غيث:-اني
فتحت الباب وهي مخلية الحجاب
؏ راسها ومنزلتة لگصتها:-زنوبة
ماتگدرين تكويلي قميصي وبنطروني
ماعرف اكويهن بهذا الاوتي مالتكم شو ماعرفلة
ضحكت واخذتهن من ايدي:-اي عادي
غيث:-اي والله ماعرف شو
قميصين حرگت من وراه
زينب:-لا عادي اذا تريد تكوي گلي لان محد
يعرفلة صدك
غيث:-مشكورة راح اتعبج
زينب:-لا دلل
حكيت شعري ودرت وجهي واسمع
ذيج رقية تكلها:-شو هذا يتأمر
مايكوي هوَ
زينب:-يكول ماعرف
رقية:-شگد غثة يمة جذاب
هزيت ايدي ومشيت
زينب شوية ارحم من هاي الحية رقية
مادري يكول ماخذ ورثها وهيج تكرهني
صعدت اخذت الملابس الوصخة
ونزلت دخلت للمطبخ مرت عمي تفتر تنضف
دكيت الباب وهي خلت شالها
بأهمال:-ها يمة تعال
غيث:-اريد اغسل هدومي
ام عبدالله:-مو گتلك عوفهن اني اغسلهن
غيث:-لا لا اني اغسلهن اتونس بيهن
ضحكت وكالت:-تعال أُمي هاي الغسالة
خلي اترسها الك ماي
غيث:-لا عليمن اني اترسها
فتحت غطاء الغسالة
وصرت اجيب الماي واذب بالغسالة لحد
مانترست
حطيت ملابسي وفوگاهن
خليت تايت وگتلها:-شلون تنفتح هسة؟
وخرتني وشغلتها وصارت تفتر
ضحكت:-حليوة هاي
ام عبدالله:-اي نادرة والله خلصت من غسل الملابس
غيث:-احسلج هو انتي عندج فقرات
ضلت تسولف واني منتضر الغسالة تخلص
شوية وطلعت صوت
فتحتها وعكدت حاجبي:-شو هاي بعدهن بيهن تايت؟
ام عبدالله:-جا شتريد تشطفهن الك هم
غيث:-جا هي هاي على هاي الفرة لو غاسلهن بيدي احسلي
كامت تضحك
طلعتهن من الغسالة وهي فتحت التصفية
ونزل التايت كلة
طلعت برة كعدت ؏ الطبلة
والماي مفتوح عليهن واني اكلب بيهن
ام عبدالله:-ولك يمة ادري تكلي سمج
اغسلهن بيدك
غيث:-هنه ينغسلن هيج
ام عبدالله:-يا بعد عرسي ان شاء الله
دوخر وخر
وخرتني وضلت تغسل بالملابس
وتعصرهن حيل
غيث:-تؤ تؤ شنو هاي عمي مو ايد
ام عبدالله:-خمسة وخميسة
ضحكت بصوت عالي وهي خلصت
اخذتهن من ايدها وشريتهن
ورحت غسلت الغسالة من التايت
طلعت من المطبخ اجتني زينب بيدها الملابس
زينب:-هاك خلصتهن
غيث:-عاااااشت ايدددج تعبتج
زينب:-لا عادي ماتعبت
غيث:-وهاي خمسة لعيونج
زينب:-ههههه شسالفة مو لهل درجة وين
كاعدين احنة ترة حالك حال عبدالله
عادي مو يكربني كراب واكويلة واغسلة
غيث:-جا اني مثل عبدالله الغبي اخوج
اخذيهن اخذيهن
اخذتهن وهي مستحية
عفتها وصعدت
خابرني جاسر مستحي كال خليها الباجر
صارت عندي شغلة كتلة براحتك
واني هم ماصدكت خبر
نمت
ثاني يوم دوام وهوسة
بـ 12 اخذت اجازة وطلعت لبيت اهل جاسر
فتحلي الباب وهو مبتسم:-السلام عليكم
جاسر:-هلا بيك ادخل ادخل
دخلت سلمت علي ودخلت
للأستقبال جان ترتيب فضيع
كال:-اخذ راحتك البيت بيتك
غيث:-اريد اصلي
جاسر:-اي تعال توضى
نزعت جواريبي ورحت توضيت وصليت
وهو شوية وجاب الغدة
كعدنة نسولف وناكل واني تعبان تعب
بس الله اليدري بي
خلص وكمنة ردت اشيل الاماعين وياه
ماقبل عاد رحت غسلت وهو جاب الجاي
شوية وطبت مرة مو جبيرة بالعمر
يعني وجهها ابيضاني منور وهي لابسة عباية
ابتسمت وكمت سلمت عليها
حضنها جاسر وكال:-هاي امي الثانية
غيث:-ها حلو يعني عندك ثنين امهات؟
جاسر:-اي عفية وحدة جابتني وحدة ربتني
ضحكت:-الله يخليهن
امة جانت لطيفة وهي ورا كل
كلمة تگول "يمة" واني ابتسم لهالكلمة
المفتقدها
شوية وكمت استأذنت
طلع جاسر واني وراه غمضت عيوني
ولزمت الباب:-اوگف
غمضت حييل وهو لازمني:-شبيك ولك
غيث:-لحظة دخت
اخذني من ايدي واني فقدت لعدة ثواني
فقط وشفت امة بيدها كلاص ماي
وترش بوجهي
كمت واني دايخ:-ضل يمة نايم اسم الله الرحمن
لزمت راسي مادري شصارلي
جاسر:-ها مارتاحيت شوية؟
غيث:-الدنيا تفتر بية
جاسر:-هاي لان تعبان اجيت من الدوام لهنا
ايمان:-اجيبك شي حلو يمة خاف ضغطك هابط؟
غيث:-لا لا هسة اصير زين
وضليت نص ساعه ؏ كعدة وحدة
وما صرت زين سمعتها كالتلة:-كوم اخذة
للعيادة خلي يشوفون شبي
جاسر:-گوم شو
غيث:-لا صرت زين لايضل بالك
جاسر:-دگوم گوم
گومني واني اترنح يگول سكران
حتى استحيت منهم
صعدني بالسيارة غمضت عيوني حيل
احاول اصحي روحي
ماگدرت وهو صعد يسوق
حجيت واني مغمض:-هاي شون تعرف تسوق
جاسر:-ابوية معلمني
غيث:-خوش بس ديربالك
ضل يمشي سياقتة عدلة مابيها
شي
لحد ما وصلنة وهو يگودني و حاط
ايدة ورا ضهري ويمشيني
دخلنة لعيادة گتلة:-صدك تحجي
هو هذا بيتنة هنا هسة انام واصير زين
جاسر:-دگعد خلي اخابر اختي خلي اشوف شبيك
والله ماعوفك
غيث:-شسوي بأختك؟
جاسر:-هي تشتغل هنا
غيث:-هاا
ضليت مدنك وهو خابر
عاصر راسي وعيوني
واسمع صوت طگات الكعب نزلت من الدرج
عيوني ببطئ انفتحت
وصعدت من رجليها لحد راسها
صحيت وصحت عيوني وعقلي انفتح
وكلبي دگ بسرعة
دگ؟
اصلاً وگف
عگدت حاجبي واني اباوع للمخلوق الگبالي؟
الفستان الأزرك؟
الربطة البيضة؟
ترافة الأيد؟
مشيتها
جسمها
ثبتت عيوني بعيونها
ولأول مرة اشوف عيون
تشبه عيون أمي ...
عيناكِ قيّدت قلبًا كانَ بالأمسِ حُرًا!
