رواية لأني عاقر الفصل السابع والعشرون بقلم مريم خفاجة
٢٧_________
مَا كُنت أُمِن بالعُيونِ وفعلها
حتى دَهتني فِي الهوى عَيناكِ!
#لأني_عاقر
#البارت_السابع_والعشرون
#مريم_الخفاجي
صوتوا للبارت+تعليق بين الفقرات+متابعة
لحسابي
ــــــــــــــــــــــــــــــــــــــــــــــــــ
...
طگات الكعب
گامن يطگن بگلبي
واني عيوني ماترمش واباوعلها متعجب
فزت لشوفتها عيوني الثگيلة
وصلت يم جاسر گاملها ولزم ايدها
واني اباوع للعالم كلها تباوعلها
دنگت عيونها علية وهمست:-السلام عليكم
هزيت راسي بدون ماجاوب
هو اليباوعلج يحجي بعد؟
لا والله
تقربت يمي وبيدها
سجل واني لأول مرة گلبي هيج يدك
متوتر
شبيك؟
كالت:-شنو اسمك
من الارتباك كلت:-غيث... غيث مالك
عگدت حواجبها:-يعني اسمك غيث غيث مالك؟
واني صافن بعيونها همست:-لا لا هو اسمي
غيث مالك بس
ملاك:-تمام
عافتني وصعدت وهي شايلة فستانها
وتمشي ؏ كيف
وجاسر بصفي
الدوخة راحت واحس صرت
اشوف عدل عيوني تلونت بلون عينها
رجعت نزلت هاي شناوية؟
تكتلني لو تداويني
صوتها موسيقى تنعزف ؏ أذني
ملاك:-بس ارفع ردان تشيرتك
رفعت الردان وهي لابسة جفوف
وحطت الأبرة بوريدي وبدت تسحب الدم
صحت:-ااااخ
ملاك:-أذيتك؟
غيث:-لا كملي
واني كل ثانية ارفع عيوني واباوعلها
اشوفها تضايقت من الشال الابيض
اللابستة
كام ينزل ؏ اديها وهي احتارت بي
سحبت الدم لباقي المُراجعين
واني عيوني تفتر وراها
هاي منين مخلوقة؟
عود مثلنة من طين؟
نص ساعة وگلبي جَمَر
ورجعت نزلت تدبج بگلبي
وگالت:-فقر دم حاد وهاي علاجات
تزود الدم كتبتهن الك الدكتورة
يعني مالي داعي تدخللها بعد
هزيت راسي وكمت كلت:-مشكورة تعبتج
ملاك:-لا ولو
طلعنة اني وجاسر
صعدت بالسيارة واني صافن
بالطريق شلون هيج؟
شبي گلبي يدك بسرعة؟
همست لجاسر:-هاي اختك من امك يعني نفس البطن؟
جاسر:-لا من أمي أيمان الشفتها
غيث:-اها يعني اختصاصها تحليلات؟
جاسر:-لا هي تعينت واسطة
هزيت راسي
وسكتت وهو وصلني للبيت الي يبعد
عن بناية عيادتها شارع واحد
راد ينزل جاسر صحت بي:-اخذ السيارة وياك
تعبتك ومشكور
جاسر:-لا يخوي دلل ديربالك ؏ روحك
ابتسمتلة وطبيت
كلها نايمة صعدت فوك
فتحت باب السطح وصعدت ؏ الدرجات
واباوع گبال البناية بضبط
دخلت لغرفتي وضليت اتگلب
وعيونها مطبوعات ببالي مانسيتهن ابد
لليل يلا كعدتني مرت عمي
ام عبدالله:-يمة غيوثي شبيك؟ ليش مصخن
اخذت ايدها وبستها وكلت:-مابية شي
ام عبدالله:-جا ليش ما تگعد الساعة بـ 9 بليل
غيث:-صدك؟
ام عبدالله:-والله كوم يمة كوم
گمت وانتجيت ؏ الحايط الوراية
ام عبدالله:-شبيك بيك شي؟
غيث:-لا ماكو شي
ام عبدالله:-شنو هاي العلاجات اليمك؟
غيث:-رحت حللت طلع بية فقر دم
ام عبدالله:-مننننييين اجاااك يمممة؟؟؟؟
غيث:-شنو منين اجاني
ام عبدالله:-يمة مو گتلك لاتروح تاكل عد الغرب
احنة شمعرفنة بالوادم استغفر الله يالله
بعد اي واحد يعزمك ممنوع تروح
شو شيحطولك بالأكل واني انخبص بيك اضل
والله اموتك بعد اذا رحت
ضحكت بعلو صوتي وكلت:-هاي هيج تخافين علية
ام عبدالله:-النفس انت
غيث:-يا بوية
ام عبدالله:-دگوم صلي يلا خلي احضرلك الأكل
كمت غسلت وتوضيت وصليت
وكل ساعة اخربط بالصلاة
من ورا عيونها
جابتلي الاكل اكلت ورجعت
نمت من التعب والدوخة
فزيت بـ 7 الصبح
بدون تغسيل بدون ماصحصح
اخذتني رجلية للسطح فتحت الباب وصعدت
منتضرها شوية والله ونزلت من السيارة
وهي مغشية وجهها بعبايتها
عادي حتى لو بس طولها ينشاف
غسلت
وفتحت كنتوري تلمست قميصي الأزرك
طلعتة ولبستة
ونزلت صعدت بسيارتي
ومريت من يم العيادة وهي تنزل ؏ كيفها
من الدرج ولابسة فستان اسود
ابتسمت
ومشيت ايدي نمدت للمسجل وطلعت
اغنية عشوائية
هذا اللون عليك يجنن
يشبهه لون عيونك
نضرات العالم ماتطمن
احذر ليحسدونك
تسلم هالطول وهالنضرة
والجسم المتناسق
احدهم معجب بالمرة
وبيني وبينهم فارق
اولهم اتقدم واعلن
اولهم مجنونك
هذا اللون عليك يجنن
يشبهه لون عيونك
واني ادك ؏ ستيرن واغني ويا الاغنية
وابتسم حتى انتَ يكاضم تتغزل بيها؟
نزلت للعيادة سلمت ؏ موجودين
و؏ سكرتير
بالعادة اضوج اذا هواي ناس موجودة بالعيادة
دخلت لغرفتي بدلت ملابسي
لبست جفوفي وكمامتي
ودگيت الجرس وبدوا يدخلون المُراجعين
واحد ورا واحد
واني اشتغل بكل
حماس
وهاي اول مرة اسويها
السكرتير سيف كل ساعة وفاتح الباب
واني اگلة دخل بعد
وهو يضل يباوعلي مصدوم
خلصت الكُل واني
متعجب من روحي مرات اعوفهم من التعب
وارجع للبيت اليوم اباوع للساعة
شيجيبج يالـ 2؟
خلصت كلشي من وقت
طلعت شايل غراضي
لاگاني سيف ضحك:-دكتور اليوم كلش نشيط
ضحكتلة:-هاي بعد
سيف:-ان شاء الله يومية هيج نشاط
كلت بگلبي
اذا يومية اشوفها تشوفوني بالغيم
مريت من يم العيادة
وهي طلعت من دوامها
منزلة راسها وتمشي واني اباوعلها
بهدوء
طبت للسيارة وسدت الباب
عبرت سيارتهم من يمي
واني مدنك اباوعلها وزادت ابتسامتي
دكيت الباب فتحولياه
سلمت ؏ عمتي واني اضحك
وهي تگلي:-ها ولك شو تضحك شبيك
غيث:-ابجي الطم هسة ماترديني اضحك
ام عبدالله:-دگول شبيك تضحك واخليك تمشي
غيث:-يابة ماكو شي والله
صغرت عيونها وكالت:-راح اعبرها الك اصعد يلا
بدل وتعال اكل
ركضت لفوك
ابدل واضحك مثل الخبل
وكلبي يدك سريع
نزلت واني اكل واشاقة وياهم
وثاني يوم مثل امس فتحت باب السطح
ورفعت نفسي وبأذني السماعات
اسمع
اغنية كاضم "هذا اللون"
والله عليها ولكم والله الها الاغنية
وكل يوم صارت عادة عندي
افز قبل العالم كلها واتنطر شوكت يمر طيفها
خيالها بس ينطيني عمر زايد
وبيوم نزلت من السيارة وكلت
اصعد احاجيها لازم
بعدها تذكرت اسمها
شايفيلكم واحد يحب وحدة بدون مايعرف
اسمها؟
صعدت للدرج
وحضي المصخم مالگيتها
تحمحمت للبنية الكاعدة سألتها:-بس
ردت اسألج سؤال
حوراء:-تفضل اخي؟
غيث:-اكو بنية هنا تشتغل وياج؟
حوراء:-اي هو احنة اربعة منو تقصد؟
اربعة شيطلعها هاي بيناتهن
تذكرت اسم ابو جاسر:-ابوها اسمة علاء
حوراء:-اها تقصد ملاك علاء محمد؟
ملاك؟
اسمج ماخذ هيأتج؟
هزيت راسي وكلت:-اي مشكورة
حوراء:-تفضل شتريد منها
غيث:-لا هيج من رخصتج
نزلت وكلبي
يدك يا ملاك شسويتي بية؟
والكاها گبالي
ونفس الفستان لابستة ولج حرگتي گلبي؟
دكافي؟
رفعت عيونها علية لو احس
الدنيا ضحكتلي
مرت من يمي وصعدت
اني ليش هلگد خفيف؟
صعدت سيارتي وشغلت الاغنية الثانية
لكاضم الساهر
شطالعة اليوم الجميلة
شطالعة شطالعة
غيب انتَ يا گمر
هي بمكانك طالعة
لبست اللون الأحبة
الله شـ لايك عليها
بي سبت كل الأحبة
ابيع عمري واشتريها
اي والله اشتريها
وصلت لعيادتي نفس الحماس نفس النشاط
يومية يتجدد كل ما اباوع لعيونها
كل يوم واني اوگفلها رغم الحر
الاكرهه
ومن اشوفها ابرد
واروح لعيادتي واشتغل بنشاط
خلتني احب مُراجعيني واني اشوفها تبتسم
للعالم
صرت اضحك واسولف ويا الاطفال
رغم اكرههم وماحب اتعامل وياهم
خلتني انتضرها وما أمل
رغم الشمس والدنيا والحر بس اباوعلها
احس كلشي يختفي
اني انسان اكرهه الاختلاط
خلتني اختلط بالناس واضحكلهم
اني انسان اكرهه الحب
وخلتني احبها
اني اكرهه الأنتضار اكرهه انسان
يتأخر علية بس من انتضرها احس اربح
الدنيا كلها
ولا يوم باوعت لعيون وحدة
عدى صورة عيون امي المخليها جوة
مخدتي
وصرت اشوف امي بالواقع
مو بالصورة...
بيوم
نايم واحس صوت طفل بأذني يصيح
عبالي واحد من ولد عبدالله
جا عرفت شلون ادگة
بس جانت ميار
حتى ازعاجها حلو
ضحكت وشلتها واني ابوس بيها
واعضها بخدودها:-يابعد دنيتي مشتاقلج
ميار:-اننننننيييي هممممم
غيث:-شكد تحبيني؟
ميار:-أواي
غيث:-بعدة حجيج مكسر ماتحجين عدل
ميار:-يوووو اصيح ماما تكتلك احسلي
غيث:-انجبي لج
رجعت اسويلها الحركة احط راسي
ببطنها وتضل تضحك وتصيح لحد ما تبجي
اعوفها
طبت رغد بوستني وكعدت ؏ الجرباية
وهاي ميار نزلت لجوة
حطيت راسي ؏ رجلين رغد وهي
تمسد ؏ شعري
رغد:-غيث
غيث:-ها يروحي
رغد:-ليش ماندورلك مرة
غيث:-وشني هي زوج نعال وتدورينها
ضربتني بخفة ؏ خدي
رغد:-ولك ماتبطل سوالفك
غيث:-لع
رغد:-لعلاعة دحجي صدك يعني هسة انت ماتريد تتزوج؟
غيث:-لع
ضحكت بصوت عالي واني ضحكت
وياها
اخذت نفس واني اتذكر عيونها الحلوات
رفعت راسي لرغد وابتسمت:-تدرين اخيج واگع؟
فتحت عيونها وازدادت ابتسامتها:-جذاب؟
گمت متحمس واني احجيلها
بالتفصيل وهي متحمسة وياي وتكلي اي اي
رغد:-جا خلي نروح نخطبها
غيث:-لا لا مو هسة بس فترة تمر
ماگدر هسة
رغد:-ليش مو تكول حلوة تنلگف هسة
غيث:-لا لا فشلة من جاسر هسة يگول حاط
عينك ؏ اختي كم يوم بس
رغد:-يلا براحتك
غيث:-شو كومي خلي اراويج
وخرت شوية عن المخدة
طلعتلها الصورة مالت امي ابتسمت
وكالت:-الله
غيث:-هيج لون عيونها ونفس هاي السحبة
رغد:-جذاب
غيث:-وداعة عيون امي
رغد:-عزة يعني شكد حلوة هاي
هزيت راسي بـ اي:-كلش حلوة رغد
واسمها ملاك
رغد:-يعني اسم ؏ مسمى
ضحكت ورجعت راسي بحضنها
وهي مدنكة راسها علية
واني امشي ايدي ؏ لحيتي باوعتلها
تضحك
ضحكت:-شبيج؟
رغد:-اول مرة اشوف عيونك هيج يلمعن
غيث:-شايفة يومية
الصبح اضل معلك بالسطح واباوعلها
رغد:-والله؟
غيث:-وحق ربج
رغد:-يعني تشوفها من السطح تبين؟
غيث:-اي تبين وعلي گلبي يضل يرگع
رغد اول مرة بحياتي اباوع لبنية هيج تدرين
رغد:-ادري ادري حتى عيونك مبينات
وضحكتك تختلف
جريت ايدها وبستها حيل:-ولج حتى صرت
نشيط شكد اكرهه الطب بس من شفتها
لابسة اللابكوت يا يابة يابوية كمت اعشگة
رغد:-الله يكتبها من نصيبك
غيث:-آمين ادعيلي اريدها هي ماريد غيرها
ضلت تمسد ؏ شعري
رجعت باوعتلها:-اخذج ونروحلهم هسة
رغد:-ياااا
غيث:-اي والله انتي شوفيها اكللهم
مرينة من يمكم ونزلنة
رغد:-انت شبيك غيث صدك تخبلت
غيث:-والله تخبلت كومي حبابة يلا
رغد:-ولك ستوني جاية تعبانة مابية حيل
غيث:-لا حبابة بسرعة ونطلع نص ساعة
رغد:-يلا گوم
ضحكت وكمت بسرعة
واني لابس تراك سبحت السويج
وهي كالت:-تروح بالتراك؟
غيث:-اي امشي علمود مانبين مخططين
رغد:-خرب يومك هاي انت حتى لمن تحب تختلف عن البشرية
ضحكت وياها ونزلنة واخذنة ميار
ويانة
وصلنة لباب بيتهم واني كلبي يدك
رغد:-ولك خاف ماهمه
غيث:-لا هاي سيارة جاسر
نزلنة دكيت الباب شافني جاسر استغرب
جاسر:-هلة هاي شنو هالمفاجأة الحلوة
ابتسمت واني افر بالسويج
طبينة غمزت لرغد ضحكت وسمعت
صوت ام جاسر
دخلت جوة بالاستقبال واني گلبي
يدك
سلمت علية امها
وراها طبت ام جاسر استغفر الله ربي
كلشي ماشوف من مكياجها
مايصير بالغلط تطب وتسلم علية
بقيت انتضر لحد نص ساعة
وكمت صاحوا لرغد اجت صعدنة بالسيارة
درت وجهي عليها:-ها؟ شفتيها؟
رغد:-فگر امها تگول نايمة تعبانة كعدوها ماقبلت
خرب ضلت بگلبي اريد اشوف شكلها
غيث:-شكد ططوة انتي
ضربتني بجتفي ضحكت
كتلهم مادام طالعين خلي اخذكم للعشة
عشيتهن ورجعنة
لليل صعدن نامن يمي
ميار بصفي ورغد نايمة بالگاع
يوم ثاني الصبح كعدت
تمشيت ؏ كيفي عبرتهن
وفتحت باب السطح خليت الطابوگات
وصعدت عليهن ضليت انتضر
ماكو
بالنص ساعة انتضرتها وهي ماهي
نزلت كلت خاف متأخر اني
هو اصلا كعدت بالسبعة وعشرة
اكيد هي تجي من وكت
رحت بدلت ؏ كيف ذني نايمات
تقربت لميار بستها بخدها وطلعت
ركبت سيارتي ومريت
من العيادة
انتضرت بالحر وماهي
وين هاي؟
مانزلت ولا شفتها
كلبت كصتي ومشيت لعيادتي
واني مختنك
هي هيج شوفتها تعدل مزاجي؟
شسويت بية ياربي
رجعت من الشغل
وگفت نفس مكاني كل مرة
انتضرها بالحر
ماكو حتى سايقها ماموجود؟
انتضرتها ساعة كاملة وهي ماكو
تلفوني يدك عمتي تدك واني عيني
؏ باب خاف تعبر وما شوفها
شلت التلفوني والعرك يصب
مني
غيث:-ها عمة
ام عبدالله:-ها يمة وينك ولك كلبي مات
راح تدك الأربعة غير ماعندك
دوام بالمستشفى؟
غيث:-اي عمة جاي هسة
ام عبدالله:-يلا منتضرتك
طبگتة ومشيت وعيني ؏ العيادة
استغفرت ومشيت
شجاي اسوي اني؟
وصلت للبيت
عمتي واكفة بالباب وجهه احمر
طبيت
لزمتني من جتفي:-ولك وين صرت
غيث:-جنت يم صديقي
لزمت گلبها وهمست بصوت
ناصي:-عبالي بيك شي يمة
بستها وحضنتها:-مابية شي والله
ام عبدالله:-جا ليش كلبك يدك سريع؟
غيث:-لان حارة طبي طبي
ام عبدالله:-لاتتأخر بعد فدوة
غيث:-لا ما تأخر ، رغد راحت؟
ام عبدالله:-اي اجة ازهر الصبح اخذهن
طببتها وهي تبوس بية وتگول
لاتخوفني بعد
واني اهزلها براسها
صعدت فوك كتلها ماريد غدة
وضليت افكر ليش ماهي؟ يلا يمكن
اجازتها
باجر اشوفها
ونمت
؏ أمل اشوفها ثاني يوم
ومر يوم وثاني يوم وثالث يوم
واسبوع وهي ماكو؟
گلبي يدك حيل عليها ليش ماهي؟
تعبت واني انتضرها
گمت اخابر جاسر
واتحجج بـ "شكو ماكو"
خفت خاف اكو شي
بس جان طبيعي
رحتلهم للبيت كم مرة الوضع طبيعي
وعادي ماكو اي توتر
بس التوتر بگلبي
خابرت رغد كتلها كالت:-يمكن مريضة شي
ماخذة اجازة
غيث:-ماعتقد لان جاسر عادي مابي شي
رغد:-جا شنو هي تتمرض واخوها يتمرض وياها
شبيك غيث
غيث:-مادري والله الاسبوع الجاي كلت افاتحهم بالموضوع
رغد:-هسة الله كريم شجاك ماتگلي
هاي انت بس تباوعلها وهيج
صار بيك لعد اذا حاجي وياها ومسولف شيصير بيك
غيث:-اموت غير
رغد:-واگعلك وگعة بس الله اليدري بيها
غيث:-اي وعلي ؏ كولتج هاي بس اباوعلها
ضحكت واني حجيت وياها شوية
وطبگتة
والتوتر والخوف والاشتياق الها مو طبيعي
معقولة احبها؟
شحبيت منها اني؟
ماريد احبها لجمالها لا لا
مادري احس كلشي مو صحيح
شجاي يصير بية؟
وبيوم جنت راجع من العيادة
دك علية جاسر ابتسمت وشلتة
جاسر:-ها غيوثي
غيث:-هلا حبيبي شلونك
جاسر:-بنص الخير شخبارك انتَ الاهل شلونهم
غيث:-؏ الله شكو ماكو
جاسر:-ماكو شي
اگلك
غيث:-ها
جاسر:-اليوم عندك شي؟ الساعة بـ 4
عگدت حاجبي وگلت:-ليش
جاسر:-اليوم حنة اختي ماتگدر تجي؟
شخطت السيارة و وگفتها بسرعة
وايدي الي ؏ ستيرن نزلت
غيث:-يا هية اختك؟
جاسر:-اختي ملاك الجبيرة
بهت گلبي وضل يلومني
وين طايح انه؟
و وين تفكيري جان؟
حتى بهاي ماعندي حظ؟
وخسرت عيون أمي بصغري
وعيونها
جاسر:-وينك؟
غيث:-وياك بس طبيت بازدحام اي كمل
جاسر:-اي اليوم الحنة
غيث:-للزلم للنسوان مافتهمت
جاسر:-اذا للنسوان شعندي عازمك ترگص وياهن
ولك حنة للعريس
تحمحمت وكلت:-لا والله اريد اروح لأختي
لبغداد
جاسر:-ماتگدر تأجلها شوية
غيث:-لا والله امس مارحت عود كتلها
واليوم لازم اروح خطية
جاسر:-يلا جا براحتك عبالي تكدر تجي
غيث:-اعذرني اخوي
طبگتة منه وصفنت ؏ شارع والسيارت
تمر من يمي
واني صافن وحاط ايدي ؏ راسي
شمسوي اني؟
متزوجة؟
زين ليش مانتبهتلها؟
ليش هيج بسرعة تعلقت وردتها؟
رجعت للبيت
وصعدت لفوك
جريت جنطة وصفطت ملابسي
واني عقلي سارح
نزلت وبيدي الجنطة
عمي جان كاعد يباوع اخبار
ومرت عمي بصفة تكشرلة تفاح
شافوني عكدوا حواجبهم
ام عبدالله:-وين رايح يمة؟
غيث:-يم رغد كم يوم وارجع
ابو عبدالله:-خو ماكو شي؟
غيث:-لا والله اني مشتاقلها
ام عبدالله:-جا ليش امس ماكتلي؟
غيث:-هو هستوني خابرتها وكتلها راح اجيج
ام عبدالله:-ماصدگك والله كلي شبيك
تعال اني وياك نحجي وحدنة
ابو عبدالله:-ليش وحدكم ماتحجين كبالي ولج؟
ام عبدالله:-معليك انت تعال يمة
غيث:-بوية والله ماكو شي
اريد اروح لأختي شني مايصير
ام عبدالله:-يعني ماكو شي غيرة؟
غيث:-يا علي راح اشرد قابل عمي والله لرغد وين اولي جا
ام عبدالله:-يلا روح اذا ماكو شي
بس كل ساعة خابرني
غيث:-دللي
بست راسها وسلمت ؏ عمي وطلعت
واني مخثوث ومختنك
ولعبانة نفسي من كلشي
وصلت بغداد بألف يا ويل
نزلت وبابها هي مفتوح اربعة وعشرين
ساعة طبيت گبل
ميار جانت تلعب بالطين
رفعت راسها وفتحت حلگها
وصاحت:-خالووووووو
ركضتلي شلتها وشمرتها بالهوة:-يا بعد خالج
بوستها برگبتها وهي تصيح:-مااااماااا
طلعت رغد عاگدة حاجبها تباوع
شافتني وضحكت:-يمة غيوثي
ركضتلي مثل بتها شبگتها حيل وهي
شايلة روحها ومتعلگة برگبتي:-يابعد اهلي
رغد:-يمة شجابك ماگتلي
غيث:-ستوني خططت واجيتج
رغد:-يابعد روحي تعال طب
دخلت سلمت ؏ عمتي زهرة
وهي تگول:-ولك ليش ماتجيني گ***
غيث:-العيادة ماخذة نص حيلي
رغد:-اي والله عيون العيادة ماخذة حيلة سودة علية
رفعت عيوني عليها ودنگت
راسي افرك ايد بأيد
رغد ماتحس؟
حشى
شوية وجرتني من ايدها
ودخلتني لغرفتها:-شبيك حبيبي؟
لزمتها من عكسها
وگعدت هي ؏ جرباية
واني تمددت وراسي بحضنها
للأبد احب هاي الحركة
رغد:-شبيك أُمي خوفتني؟
غيث:-رغد طلعت متزوجة
رغد:-ملاك
ذبيت نفس وهمست:-اي
رغد:-شلون عرفت؟
غيث:-اخوها عزمني ؏ الحنة اليوم
رغد:-يمكن مو هي؟
غيث:-هو گالي اختي ملاك
رغد:-زين شلون ماعرفت ماشفت حلقة شي
غيث:-مادري احس راح اتخبل
رغد:-دسكت عليمن تتخبل يمة خلصن النسوان
غيث:-بس محد يشبهه أمي؟
رغد:-غيث ألام ماتتكرر ولا اكو احد يشبهه
يمكن تشبهه هي بالشكل بس
نعرفها هي شنو؟ لا اكيد
وانت طلعها من بالك كافي
ضحكت
وهي رجعت حجت:-ترضى احد يباوعلي
ويفكر بية واني متزوجة؟
غيث:-اشگة بالنص
رغد:-لعد الما ترضى علية لاترضى ؏ بنات
الناس لاتفكر بيها حرام البنية متزوجة
طلعها من بالك
تجي آغاتها ترة
ابتسمت:-ماتجي والله
رغد:-اهووو هاي شلون بلوة هاي عمي
شنو هاي لو تحبها صارلك سنين شتسوي
ترة صارلك شهر من شفتها
ولاتسمي هذا حب غيث
انعجبت اي بس مو حب
غيث:-كافي اكلتي راسي
دمغتني:-فوگاها
ضحكت وهي كالت:-توعدني بعد ماتفكر
غيث:-لع
رغد:-خرب انت شنو من بشر
غيث:-ماگدر رغد
رغد:-مو بكيفك ماتگدر والله اگول لعمي واخلي يطيح حظك
غيث:-اششش لج لاتهددين
رغد:-اهددك وغصباً راسك
غيث:-نعسان وتعبان
رغد:-نام يلا اوگف خلي اطفي الضوة
كامت طفت الضوة وجابتلي غطة
وطلعت واني نمت بغرفتها
بتعب كل حلم تمر بي هي مادري ليش؟
فزيت ؏ صوت ازهر زوج رغد
ازهر:-هاي شنو هاي نايم بمكاني هذا الساقط
ضحكت وفتحت عيوني
غيث:-ها ولك
ازهر:-شعندك هنا كوم اطلع
غيث:-مو اكوم ادفرك
ضحك هو گمت سلمت علي
وطلعت لبرة وميار تلعب وتصيح وعمتي
تصفگلها وتكفل
واشم ريحة الأكل مالية المكان
رحت للمطبخ رغد تطبخ ما ملحگة
دارت علية وابتسمت:-ها حبيبي ماضليت نايم
غيث:-ازهر العار گعدني
رغد:-عود هاي اني كتلة لاتگعدة
غيث:-لا نمت هواي
رغد:-هنه ساعتين
غيث:-جاي اشوفكم لو انام
رغد:-شكم يوم تضل؟
غيث:-اخذت اجازة 3 ايام
رغد:-خوش ، دهاك اخبط مكونات الكيك
شمرتهن علية اخذتهن وكعدت اخلط
بيهن ميار تجي كل ساع تاخذ شوية بأصبعها
وتشرد
واني صافن ؏ الطاسة
ورغد تفتر
صحيت ؏ صوتها:-غيث شبيك
فركت وجهي وهمست:-مابية
غسلت اديها ونشفتهن واجت يمي
دنت الطاسة وكعدت ؏ ميز:-غيث لاتسوي
هيج وتحرگ كلبي عوفها ترة ماخلصن النسوان والله
غيث:-مابية شي شبيج
والله خلي اكمل وخري
رغد:-عيونك تگول غير شي
سكتت
غيث:-ضلت مطبوعة ببالي
شايفة من تفكرين بشي نفترض لبس معين
تردين تلبسي ثاني يوم لطلعة وتكعدين وتلگين
اللبسة لابسها غير واحد وانتي بانية كل
مخططاتج عليها شيصير بيج؟
راح تدورين شي سريع تلبسي
بس ماراح يطلع مضبوط مثل الخططتيلة
رغد:-شهر واحد بنيت آمالك؟
غيث:-رغد انتي تزوجتي وصارت عندج عائلة
اني الوگعت بيها اخر حب حبيتة بحياتي
هو أمي بعدها انتي ولا يوم وگعت
بشباك وحدة ثانية بس مادري ليش هيه
رغد:-تعلقت بيها بسرعة
غيث:-ساعة اضحك ؏ روحي اكول شسالفة
هسة لو احجيها الطفل يغمني
بس من جهه ثانية اگول
اني تعذبت هواي من طفولتي لليوم وبقت
صورة أمي ببالي
اكيد راح اتعلق باليشبهه
اخذت راسي لحضنها واني غمضت
وكلت بصوت ناصي:-هي نضرة وما مرت بسلام
طمنتها وهي اخذت من ايدي
الغراض وراحت غسلتهن
واني رحت افتر لو ميار اتحارش بيها وتضل تبجي
لو اسولف ويا عمتي
لحد ما مرت ٣ ايام كلت اكيد تزوجت هسة
بس رجعت خابرت جاسر
كال لا اجلو للاسبوع اليجي
يومين واجت رغد وراية
رغد:-ماگدرت گلبي ضل يمك
ابتسمت وسكتت
العصر اجتني:-كوم اخذني يلا للسوك
غيث:-دروحي الي خلگج
رغد:-لا حباب لعد اني المن اجيت
غيث:-على اساس گلبج ضل يمي
ضحكت بصوت عالي
واني غميتها الادبسز
وكمت وياها اخذتهن للسوك
ميار:-خالو رجلية تعبتتتت
غيث:-وشتردين؟
ميار:-شيلنيييي
غيث:-دنجبي توصخين ملابسي
ميار:-لا لا حباب
رغد:-شيلها خطية هسة رجليها تضل تتماوع
غيث:-اويلي منجن راح تطيحن حضي
شلتها
وهي كالت:-ديلا يلا ؏ اساس احنة يومية جاين
هزيت راسي وذبيت نفس
طبت رغد لمحل واني ضليت برة وشايل
هاي الزقجة
تأخرت لا ساعة ولا ساعتين
واني ادية وگعن
صحت بصوت ناصي:-رغد وينج
رغد:-تعال هاي ام جاسر
دخلت اكثر وعيوني راحت للوراها
هي والله صار هواي ماشايفها
تلعثمت بالكلام سلمت ؏ امها
واني عيني تروح يمين ويسار
ورغد رافعتلي حاجبها
بقت تحجي امها وتسولف ويانة واحنة
نرد عليها
وعيوني عليها
تروح كل شوية
مدنگة درفعي راسج
خفيف والله اني وماستحي
درت وجهي واسولف ويا ميار علمود التهي
بس هي كامت تفتر
تگلب بالملابس
مرت گبالي ابتسمت شكد حلوة ورقيقة
رجعت ورا امها واني خزرت رغد
تدك سوالف
اخذتها وطلعنة
وهي تضحك:-يمة تخبل تخبل
غيث:-مو گتلج
رغد:-يا غبي حلقتها مبينة شكبرها
غيث:-اسكتي لاتحرگين گلبي
ضلت تفتر تفتر
رجلية وكعن نزلت ميار
وكتلها:-يلا ماتعبتي
ضلت تشتري لبتها والها واني
شايل العلاليك كلها بيدي نشلع كلب كلبي
من انعل ابو اليطلع ويا النسوان لسوك
غيث:-عمي يلا ماشبعتي
رغد:-لا شنو السالفة ستونة طلعنة
غيث:-هيّ طلعت من الوحدة الضهر وتكول ستونة
بابا الساعة بالخمسة
رغد:-اييي هسه اجة الصيف ماعدهن ملابس
ترررة
غيث:-ذاك الصيف هم كلتي ماعدهن ملابس
ادري شنو تاكلنهن الهدوم انتن
رغد:-معليك الملابس هنا تجنن حتى اسعارهن قليلة
غيث:-استغفرالله يالله
رغد:-اكلك اذا تريد ارجع لا ظل تنك فوك راسي
غيث:-نصي صوتج لا اركع راسج بالحايط بساع استعجلي
يلا
رغد:-اني اشتري ؏ كيفي
غيث:-لسان دلالة لسانج
دارت وجهه علية هاي ام اللسان الثانية
وحجت
وكلماتها متقطعة:-تبيييك نريد نستري
غيث:-انتي مثل امج نفس اللسان عليمن تطلعين قابل
رغد:-اهوووو سبانة سبي
غيث:-يلا بسرعة
تجاهلتني ولو بيدي اكتلها بنص السوك
تشلع الكلب وتكول شعلية
دخلت لمحل
واني وكفت برة خليت العلاليك حتى ايدي
ترتاح شوية موتتني
درت وجهي ؏ محل ثاني
وجان للبدلات ونزلت جفوني واني اشوفها
تختار بدلة عرسها!
صفنت عليها وهي تبتسم وتحجي بخجل
شكد حلوة ابتسامتها
عفت الناس والهوسة واحس
بالهدوء من اباوعلها
فززني صوتها وراية
رغد:-لاتحاول غيث ماتصير الك
باوعتلها بخيبة ودنكت وهي كالت:-يلا خلي نرجع
شلت العلاليك وهنه طلعن
وهي تضحك ويا امها وتحجي بأديها
خليها هاي اخر نضرة
ودرت وجهي ورجعنة
ومر اسبوع ثاني
خابرني جاسر ولح الة تجي للعرس
يابة مو عقلي ويا اختك شلون افهمة هذا
حاولت اطلعلة اعذار كال
اذا ماتجي لاتوصل بعد
وطبگة بوجهي
استغفرت ربي ورحت للسوك
اخذتلي شي مرتب بلون "الأزرك"
والعصر رحتلة
زفة وهوسة ضليت معزول ؏ جهه
واكلب بالتلفون ورغد كل ساعة دازتلي رسالة
لا شفت عريس ولا سلمت
؏ اي بشر
شصار بحالي شمسوي اني
شلاعب
من طيح الله حضي حتى بهاي فگر
خيرها بغيرها؟
نكول هيج ونمشي بالدرب
وصار وكت الزفة
طلعوها من بيت اهلها وهي لابسة
البدلة البيضة تمنيتها مو هي بس ايدها
اعرفها
لازمها زوجها مانتبهت لشكلة
كد مامنتبهلها رغم مامبينة
جاسر وراها شايل بدلتها ويمسح بوجهه
درت وجهي بلعت ريگي
وركبت السيارة ورجعت بنفس الطريق...
