رواية ثأر الشيخ مهران الفصل السابع والعشرون 27 بقلم حوراء

ان كان حبي لك خطيئه 

فهو اجمل الاخطاء 

بقلم شهنزان 

_____________________

ايليا:- من بعد مانزلو رياحين ونزار اخذت الجنط ملاتي وفرغتهم بالكنتور الي دلتني عليه رياحين ونوب اخذتلي ملابس ودخلت للحمام سبحت وكملت ومن طلعت لكيته موجود بالغرفه 

:-شتسوي هنا امشي اطلع برة مااريد اشوفك كدامي 

:-تعاي اكعدي اريد احجي وياج 

:-ماكو شي نحجي بيه امشي اطلع برة 

:-اطلع من غرفتي ؟؟

:-غرفتكك؟؟ تمام لعد اني اطلع وانته ضل بالغرفه 

مشيت باتجاه الباب مااحس اله سحبني من معصم ايدي المجروع وصرخت بوجع 

:-اخخ شبيك ايدي 

وخر ايده مرتعب من صوتي 

:-شبيها ؟

:-شعليك عوفها 

سحبني من ايدي الثانيه وكعدني على الجربايه ثنى رجله كدامي وبده يفتح بالشاش الي لفيته على معصمي وطلع الجرح 

حجه بصوت متروس حنيه :- ريت الوجع بيه ولا بيج 

حاولت اسحبها منه بس هو جان مشدد قبضته عليها دنك راسه وطبع بوسه على الجرح جسمي ضل يرجف من لامست شفته جلدي دفعت ووكع بالكاع واني صرت يم الباب جمعت اخر ذره قوة عندي وحجيت بتهديد 

:-باع اني مااجيت هنا حته تستغلني بهاي الطريقه مفهوم هنة كلها تسع اشهر واطلع من حياتك وللابد وبهاي الفترة مااسمحلك تلمسني مفهوم 

تقدم عليه من بعد ماوكف على رجليه وسحبني من خصري ولزكني بصدرة 

:-اسف 

:-ههه وين اصرفها الك هاي هااا لكك انته منتبه شنو سويت بيه لكك انته دمرتني حطمتني خليتني اكره حياتي 

احجي واضرب على صدرة اريدة يوخر مني بس عبالك حايط مايتزحزح 

:-نبدي صفحه جديده وننسى كلشي صار وعد مني بعد متشوفين الزعل ابدد وارجعج ايليا الي تحب الحياه 

:-شنسى يافعله من افعالك انساهاا هاا خداعك الي ؟؟ لو تمثيلك بانك تحبني لو الاسبوع الي خليتني اعيش بيه ملكه لو اليوم الي تركتني بيه بعد ماحطمتني الى قطع صغيره هااا احجي شنو راح تنسيني ؟؟ بس اسألك سؤال مافكرت بيه من شمرتني على اهلي هاا ماكلت هاي شنو رايح يصير بيها ماكلت هي شنو ذنبها اعاقبها على غلطه جدها احجي ليشش سكتت شنو الغلط الي سويته وياكك حته استاهل هيج تعاقبني ماعندك جواب مو اكيد ماكو جواب تعرف شنو اكثر شي متندمه عليه بحياتي هاا 

                                  

              

                    

:-كافي اسكتي 

:-لا ليش اسكت اكثر شي ندمانه عليه هو حبي الك اكثر شي ندمانه  عليه هو زواجي منك اكثر شي ندمانه عليه هو هذا الطفل الي شايلته بحشائي وانته ابوه مااكول بس الله يساعده لان من راح يجي لهاي الدنيه راح تكون انته ابوه 

انصدم حيل من كلامي وماكدر يرد عليه شلت ايده من خصري واخذت الحجاب وطلعت من الغرفه مجرد ماحطيت رجلي بره الغرفه مااسمع بس صوت تكسير عالي جاي من الغرفه وصوته وهو يصيح 

:-مكتوببببب عليهههه التعبببب بكلشييي بهاييي الحياههه شوكتتت ارتاحححح 

ماهمني صوته ولاصوت التكسير نزلت بكل برود ولا كأنما صاير شي تقابل وياي على الدرج مهيمن باوعلي بأبتسامه وكال 

:-طقت طبول الحرب يامحمد هههههه 

رديت ببرود :-مااعتقد اكو شي يضحك 

:-اكو بس انتي نفسيه انصحج تكعدين ويه نزار حته يخفف هاي النفسيه منج اسأل مجرب ولاتسأل حكيم

:-يعني انته جنت نفسيه وهو غيرك هذا قصدك مو 

:-تكدرين تكولين هيج شي 

:-مقتنعه بنفسي مااهتم برأي احد 

:-براحتج حبيت افيدج انتي الخسرانه 

عفته ونزلت لان مالي خلك احجي وياه وهو مبين عليه شافط 

مهيمن:-هاا ابو الشباب بشر انجلطت بعدك 

الشيخ مهران:-مهيمن تسكت منو لو شلون

مهيمن:-طول بالك ياريال ليصير بحالك شي مب مستاهل تسوي بروحك جذي 

حجه هيج مهيمن ومهران شال شيشه مال العطر وشمرها عليه همزين مهيمن وخر راسه جان وكعت بيه وانفشخ وكعت الشيشه بالكاع وانكسرت 

مهيمن:-شكل لأمي من نروح انكسرت الشيشه 

الشيخ مهران:-انعل ****** لابو الخلفك *****ابن*****

ركض مهيمن وطلع من الغرفه وهو يضحك على حاله مهران الي مشتعل نار من العصبيه بسبب كلام ايليا 

نزار:-منك من الشيطان جاي تضحك بس لا راح يصير يوم القيامه 

مهيمن:-تعرف اغنيه ساجدة عبيد انكسرت الشيشه 

نزار:-استغفر الله ماذا تقول يااخي المسلم انا لااسمع الى الاغاني المحرمه 

مهيمن:-لا تضل تاكل *** تعرفها لو لا 

نزار:-اي اعرفها 

مهيمن:-شوي وراح ينزل مهران اني انطيك البدايه وانته كمل خوشش 

نزار:-واذا انكتلت منو يفيدني انته لو عمتك ساجدة 

ادم:-معليك اني موجود احاميلك مااخليه يكتلت 

            

              

                    

نزار:-كول وداعت مرتي 

ادم:-طاح حضك اي والله  ليش تصير مطي 

نزار:-وعلي احلف بداعت مرتك واني اصدكك لان ادري بيك تعزها اكثر مني 

ادم :-كافي انجب 

فهد:-هاي هية يمعود اني احميك ميصير بيك شي بعد شتريد 

نزار:-ها هية موافق 

دخل مهران للاستقبال وجان يشد بيه لان انجرح من ورة المرايا الي كسرها فوكك مهيمن بس شاف مهران تمدد بالكاع وحط راسه بحضن نزل يغني ويطك اصبع 

:-شكل لأمي من اروح انكسرت الشيشه 

مالحك نزار يكملها مانشوف اله مهران ركض على مهيمن وحط رجله ابطنه ومهيمن ميت من الضحك ومهران يحجي بأعصاب 

الشيخ مهران :-شوكتت تسدد حلكك وتخلصني هاااا وعلي اذا ماتسكت اموتك تموت خوشش 

مهيمن:- هههههه اخخ يمه بطني وخر ولك راح تطلع معدتي من خشمي 

الشيخ مهران:-وطلعتهم  

فهد:-يابه اخوي اريده وخر منه 

الشيخ مهران :- اخذه من يمي لا احرمك منه 

ابتعد مهران من مهيمن وهو يمثل الوجع من بطنه 

الشيخ مهران بقلق :-كوم لاتجذب ادري مابيك شي  جاي تمثل 

مهيمن:-خرب روحك شلعت معدتي من مكانها 

حجه مهران وبنبرته مبين الخوف على مهيمن 

الشيخ مهران:- خرب كوم نروح للمستشفى نزار كوم طلع السيارة 

مهيمن:-ههههههه خرب يومك كل ماصار شي وصحت نزار كوم حظر السيارة 

الشيخ مهران:-شكد كلب وكعت كلبي عليك 

مهيمن:-هلكد عزيز عليك اني 

الشيخ مهران:- تكي الثاني انته شايف واحد يمشي حافي بهذا الوكت 

مهيمن:-طاح حظك اي والله 

نزار:-احمم شيخ رايدك بشغله 

الشيخ مهران:-كول بويه نزار محتاج شي 

نزار:-اي والله محتاج فزعتك 

الشيخ مهران:-خير ياستار متعارك ويه احد انته 

نزار:-لا ويه الاثنين 

فهد:-عوف الشقه على صفحه واحجي شبيك 

نزار:-شيخ طكت روحي ترة كلت من تخلص خطبته يخطبلي تالي ماصارت كلت يجوز ورة العرس يخطبلي هم رحت لشهر العسل ونوب خربتها ويه اهل مرتك وصلت حدها تخطبلي لو احرك روحي 

الشيخ مهران:-كوم بويه فهد بالترك الي ورة البيت اكو جلكان مال نفط جيبلك شويه لابن عمك خليه يحرك روحه 

            

              

                    

فهد:-هههههه تأمر شيخ 

كام فهد وصاح عليه نزار 

نزار:-تعال يمعود اشاقه خوب انته تكيف السالفه بيها نزار ينضرب وينهان انته تركض مو ابن عم عدو كفيلك الله 

فهد:-شالك الله حيوان غير انته تريد تحرك روحك 

نزار:-ترة اني خيرتكم بين الخطوبه لو احرك روحي هيج اني رخيص عدكم حته تختارون موتي 

مهيمن:-وانته على شنو مستعجل خلص كليه واتوضف ونوب روح اخطب حته من يسألك ابوها انته شنو تشتغل يكون عندك جواب مو تكله بعدني طالب اخذ فلوسي من امي 

نزار:-ليش تجذب اكله عدنه معرض مال سيارات واني اشتغل بيه وبعدين شوكت ماخذ فلوسي من امي الحمدلله معتمد على نفسي واطلع فلوس من تعبي

مهيمن:-انته منيلك معرض سيارات هو المعرض مال ادم وفهد وانته تشتغل عامل بيه روح كون نفسك واحجي بزودك وكول هذا شغل مو مال اخوي 

نزار:-اكلك اشو انته خليتني ارجع افكر بالموضوع 

مهيمن:-احسلك حته لاتتفشل كدام ابوها 

نزار:-بس اني مااشتغل عد غريب 

مهيمن:-انته ليش تصير مطي منو كالك تشتغل عد غريب بس اكو فرق بين ان انته مسؤول على شغلك وبين انته عامل بشغل اخوك 

نزار:-يعني راح تتأجل الخطبه لورة التخرج مو ؟

مهيمن:-ماضلك شي بس شهرين وتتخرج وتخلص وشغلك موجود 

نزار:-مااريد اشتغل بشركتك من هسة خوشش 

مهيمن:-ليش يابه ؟؟

نزار:-ماراح تخليني اغيب او بس اوقع واطلع ادري بيك تخليني لل1 الظهر 

مهيمن:-طبعآ حالك حال بقيه الموظفين 

نزار:-من هسة مااريد اشتغل وياك 

مهيمن:-محد يشغلك غيري ترة 

نزار:-شنو ماضلت شركه با*** غير شركتك ؟؟

مهيمن:- بكيفك حبيبي تالي ترجع الي علمود اوضفك 

نزار:-تحلمم والله 

مهيمن:-لاتحلف عزيزي لاتحلف

_______________________

غيداء :-مر على زواجي من امير اربعه اشهر اذكر بليله الدخله لعبت بيه لعب 

ليله الدخله :- من بعد مازفونه وصعدنه للغرفه الفندق ولو هي مو غرفه انما سويت كامل  لزمني من ايدي نترت ايده مني وصحت بيه 

غيداء:-ديربالك تلزمني امير وعلي اكتل روحي وتبقى خطيتي بركبتك لاتتقرب عليه احسلك 

امير:-غيداء حبيبتي لاتسوين هيج كلشي صار وسويته بس علمودج لاتأذيني 

            

              

                    

غيداء:-امير الي عندي كلته وخر مني احسن الك ترة والله اسويها وتدري بيه خبله مو لو لا 

امير:-ادري بيج شلون ماادري بس يا حبيبتي حاولي تتفهمين وضعي اجتني امج وخيرتني بينج وبين الفلوس تتخيلين ان اني اعز الفلوس عليج اكيد لا وعلي لو طالبه الي فوكي وجواي هم انطيه الها بس خته احصل عليج 

غيداء:-كافي اميرر كافي اسكت انته ماتعرف شيصير بيه من تحجي هيج تتخيل شنو يصير بيه من اسمع امي رايحه وبايعتني للشخص الي احبه تتخيل حجم الاهانه الي احس بيها هاا 

امير :-حقج حبيبتي بس اني مالي ذنب بهذا الشي تمام اني من حبي الج هيج سويت 

غيداء:-امير ذنبك ان انت مااجيت وحاجيتني بوكتها ماكلتلي شنو طلبت منك امي خليتني بوضع الغبيه الي يمشي عليها كلشي 

امير:-مستحيل اجي اكلج تدرين ليش لان اعرف بيج بس تعرفين راح تلغين كلشي وتفسخين الخطوبه لان ماترضيها على نفسج 

غيداء :-اكيدد ماارضاها على نفسي لان اني مو سلع حته انباع اميرر 

تقرب عليه وحضن وجهي بيدي ويحجي بهدوء وصوت اقرب للهمس 

:-انتي مو سلعه انتي علاجي انتي النعمه الي الله دزاج الي حته ينسيني كلشي صار وياي 

قرب وجهة اكثر مني وراد يبوسني من شفايفي بس دفعته ماخليته 

:-وخر امير مااريدك تتقرب عليه 

مسح وجهة بأيديه وهو يهز براسه 

:-تمام براحتج سوي الي يعجبج وشوكت ماراح تتخطين هاي الازمه الي صارت اني موجود وراح اضل ساندج مااخليج تعوفيني 

بجيت وعلت صوت شهكاتي 

:-راح يجي يوم وتعيرني بأمي مو ، حجيتها وانفجرت بالبجي وكعدت بالكاع 

دنك عليه ورفعني من ايدي كومني وبأيده مسح دموعي وكال 

:-الله ياخذ عمري قبل لا افكر احجي بهذا الموضوع حبيبتي غيدي لاتسوين بروحج هيج انسي كلشي صار وعوفي بس حبنه الي حاربنه علموده وعلمود هاي الليله الي راح ننجمع بيها وبعدين وين راحت غيداء الي جانت تكول ترة اني اغتصبك بيوم العرس هاا 

صدك ضحكني من كال هيج اذكر بيومها جان بدايه خطبتنا وجان يحاول يخوفني من لليله الدخله واني جاوبته بكل ثقه 

:-لا عبالك اخاف منك اصلا انته لازم تخاف على روحك حته لااغتصبك 

وهو رد عليه بيومها 

:-احح صايرة قويه ماتخافين 

:-ليش اخاف حلالي وعادي لاعيب ولا حرام صح لو اني غلطانه ؟؟

:-رب الصح صدكك جذب حته لو مو صح اسويه صح علمودج حبيبتي  

امير :-تذكرتي هذاك اليوم من حجيتي مو ؟

            

              

                    

هزيت راسي بأيجاب ،مسح دموعي وكال 

امير:-هسة مااريدج تغتصبيني اريدج تبدلين وتغسلين وجهج وتجين تاكلين لكمه وترتاحين تمام ؟؟

هزيت رأسي بأيجاب ورحت للجنطه اخذت قميص نوم ابيض ستن واخذت وياه روب البسه فوكه دخلت للحمام وباوعت على وجهي بالمرايا صاير خريطه من ورة المكياج نزلت التسريحه ودخلت جوة الدوش اسبح خلصت ولبست قميص النوم وفوكاه الروب وطلعت من الحمام مالكيته بالغرفه اخذت المنشفه ونشفت شعري ومشطته رحت كعدت على الجربايه وهو دخل 

امير:-نعيمأ 

غيداء:-الله ينعم عليك 

امير:-تعالي اكلي حبيبتي 

_جنت حيل جوعانه مارفضت الاكل كمت كعدت يمه على الطاوله كام يفتح بالاكل ويحط كدامي اكلت لحد ماحسيت بطني راح تنفجر وهو مستمر يجيب بالاكل ويحط كدامي 

غيداء:-كافيي راح انفجر بعد مااكدر 

امير:-مااكلتي شي 

غيداء:-تحجي صدك امير نص الاكل اني اكلته 

امير:-الف عافيه حبيبتي المن جبته اتي غير حته تأكلين 

_ كمت شلت المواعين البلاستك وحطيتهن بعلاليك الزبل ورحت غسلت طلعت من الحمام وشفته نايم على الجربايه بدون قميص بس بالشورت

غيداء:-كوم البس قميص لاتنام مصلخ تتمرض 

امير:-ماعليه شي متعود انام بدون قميص تعاي نامي انتي 

_تقدمت على الجربايه ونمت على الطرف بحيث الواحد بس يدفعني بأصبع ايده اوكع من الجربايه 

امير:-تقدمي بابا راح توكعين من الجربايه تره اني مااكل بشر 

تقدمت شويه ولفيت روحي باللحاف وبين النايمه والكاعدة حسيت بيه سحبني ونومني على صدرة وطوق اديه على خصري حجيت بأنزعاج 

غيداء:-اميرر وخر اريد انامم 

امير:-نامي حبيبتي منو لازمج 

غيداء:-عفته لان مالي طاقه للحجي وياه واستسلمت للنوم 

_كعدت ثاني يوم الصبح مالكيته يمي دورته بالسويت كله مالكيته اخذت ملابس من الجنطه ودخلت للحمام بدلت وطلعت وهم ماجان موجود اخذت الموبايل واتصلت عليه فصلني ونوب رجع هو خابر 

:-صباح الخير حبيبتي 

:-صباح النور امير وينك انته كعدت مالكيتك 

:-شويه وجاي حبيبتي اخذت البدله مالتج رجعتها واشتريت ريوك وهسة اني بالكراج مال الفندق مسافه الطريق واني يمج 

:-تمام انتظرك 

:-تمام حبيبي 

سديت الاتصال وضليت انتظره ربع ساعه ودخل 

            

              

                    

:-تأخرت ترة 

:-اسف حبيبتي طلعتلي كم شغله خلصتها واجيت يلا تريكي بسرعه حته نطلع الطيارة بعد ساعه 

:-تدري حته كارهة السفرة مااريد اروح 

:-ليش هيج لعد منو جان متحمس علمود سفرة ماليزيا وهسة تردين تعطلينها ميصير حبيبتي 

:-لا مااعطلها بس احس مالي خلك الها ابدد 

:-من نوصل هناك وتشوفين الجو راح تتغير كل نفسيتج حبيبتي وترتاحين شويه 

:-تدري همزين حجزنه بس اسبوعين حته لااغيب هواي عن المدرسه 

:-اي اصلا اني حجزت بس اسبوعين علمودج هسة يلا عوفي الحجي وخلينه ناكل حته نطلع بسرعه 

:-تمام 

_ اكلنه وبدلت ملابسي وخلصنه كلشي واصلا الجنط مافتحناهم على حالهن ظلن اخذناهم ونزله ورة فترة وصلنه للمطار وطارت بينه الطيارة ورة ساعات وصلنه لماليزيا ومثل ماكال امير الجو هناك حيل غير من نفسيتي بحيث من ثاني يوم رجعت لحالتي الطبيعيه اضحك واشاقه واسولف وياه بس ضلت شغله اقترابه مني مااكدر اتقبلها هاي الفترة وهو جان متفهم وضعي وابدد ماجبرني على اي شي  عدا البوسه الي يكطع نفسي بيها مرة جنه كاعدين نباوع على فلم واجت لقطه الممثل يبوس الممثله اني درت وجهي ماباوعت بس هو ضل يباوع ويذب حسرات 

:-اي ليش لا الله ربك انته متونس بالحرام واني بالحلال وماضايكها 

ضربته على جتفه 

:-اميرر كافيي 

:-وعلي اله اخذ حلك 

نام عليه وحط شفايفه على شفايفي وبدة يبوس بيه شلع شفتي من ورة العض وخر مني وكال 

:-افيشش مو شفه ضيم 

حطيت ايدي على شفتي متأذيه منها شويه وابجي 

:-ليش تصير خبيث وتعض شنو انجلبت 

ضربني بخفه على راسي 

:-شنو انجلبت صاحبتج اني وهيج تحجس وياي 

:-لعد انته شبيك وياي جنك وحش هجمت عليه 

:-لج ناعله ابو ابوي فرخه طولج مترة ولاعبه لعب بحالي 

:- شعليه اني قابل اني كتلك حبني ؟

:-والله مو صوجج صوج كلبي الاغم هو حبج 

:-اااااا تحجي صدكك امير يعني انته متندم لان حبيتني هااا 

:-الله واخيراا تدرين حته لنكدج مشتاق لج بربج اريد جرعه نكد تخليني اضل ارضي بيج عشر ايام ليكدام 

:-ههههه لهدرجه مشتاق لنكدي 

:-لج مشتاق لكلشي بيج اريد حبيبتي ترجعلي مثل الاول 

:-ترجع ان شاء الله بس انطيها شوي وكت 

:-كل عمري يروح فدوة الج واني انتظرج

            

              

                    

:-لهلدرجه تحبني 

:-تدرين شنو اتمنى؟ 

:-شنو؟ 

:-افتح صدري واشوفج كلبي شلون يضل يدكك من يمر طاريج 

:-واني هم احبك ويجوز اكثر منك بس 

حط ايدة على حلكي يمنعني اكمل 

:-مااريد شي اكثر من هاي الكلمه وصدكي مايهمني شي غير راحتج ماطول انتي هيج مرتاحه اني مرتاح تمام 

:-تمام 

خلصت ايامنه بماليزيا جانت كلش حلوة من رجعت عرفت بأيليا مخطوبه حيل فرحت الها وزعلت هم لان ماكدرت احضر خطبتها من رجعنه عشنه ويه اهله امه حيل حبابه بس اخته جانت شادة وياي علمود التنظيف مع ان اني عليه وجبه غدة وعشه غسل مواعين وهي بس تغسل مواعين الريوك وتغسل الطرمه وباقي البيت تجي عامله ام حسن هي تنظفه 

حسناء:-اني معليه بعد بالطرمه انتي جنه ولازم تشتغلين كل شغل البيت 

غيداء:-تره خبصتيني انتي كل شغل البيت وهو وينه شغل البيت غير خاله ام حسن هي الي تسويه كله وعمه هي الي تطبخ انتي عليج وجبه وحدة مال مواعين والطرمه واني وجبتين بعد شكو شبيج كل يوم مطلعتلج مشكله هاا 

حسناء:-والله عمي خوش صايرة تحجين الخرسه تنجبين ومن باجر انتي تغسلين الطرمه مفهومم 

غيداء:-لا والله بعد تعاي اخذي راجدي ليش مستحيه باعي هذا التقسيم عمه سوته واني اشوفه كلشي زين ويادوب الحك الدراستي واحضر احتياجات امير 

حسناء :- وانتي منو ضربج على ايدج وكالج اتزوجي وانتي بعدج تدرسين لو لا شلون ماشاءالله عليج مفلفله على زواج 

غيداء:-حسناء من النهاية شتردين مني 

حسناء:-تنظيف الطرمه عليج وغصبأ عليج 

غيداء:-لا والله تحلمين مو متعاجزة من تنظيفها بس بسبب اسلوبج الزفت ماراح اسويها وشتردين تسوين سوي خوشش 

حسناء :-اني اعلمج يجي امير من الدوام واني احاجيه اخليه يتصرف وياج جاهله

_عفتها وصعدت فوك احضر ملابس امير لان راح يجي كملتهن وسمعت صوت السيارة مالته ونزلت حته استقبله من الباب وصلت لباب المطبخ الي منه يدخلون للبيت واسمعها تحجي وتبجي تشتكي سمه عليه 

حسناء:-تقبلها خويه كتلها انطيني كلاص مي تكلي روحي من يمي العانس لو بيج خير جان اتزوجتي  

امير:-غيداء هيج حجت وياج ؟؟

حسناء:-اسمع خويه بعدني مامخلصه 

امير:-اسمعج سولفي شصار بعد 

حسناء:-خويه كتلها اني اليوم مابيه حيل تكدرين حبيبتي تكومين تغسلين الطرمه تدري شكالت 

            

              

                    

امير يحجي وهو يمثل الصدمه من حجي اخته 

:-شكالت بلا 

:-كالتلي وانتي شبيج هم عانس وهم ماتشتغلين تردين تضبين الشغل عليه حته يجي زوجي ويشوفني مامرتبه ادري بيج تخبثين عليه لان اني اصغر منج واتزوجت 

وانتي لاا 

:-زين سؤال هي من اتزوجت سوت فد انجاز يعني هو زواج ؟؟

:-اعرفف بس انته روح فهمها لزوجتك الجاهلة 

:-زين اذا هية جاهلة انتي ليش تحطين عقلج من عقلها 

:-هاا شنو تقصد 

:-حسناء اعرف كلش زين ان غيداء ماحاجيه هيج وياج وهذا الحجي كله من تأليفج الخاص 

:-اميرر 

:-احلفج بروح اخوج صدكك حجيي لو لاا 

:-ليش تحلفني بروح عباس 

:-احلف بروحه ان غيداء هيج حجت وياج واني مو زلمه اذا مارحت وديتها لبيت اهلها وكدامج 

:-هاا لاا مو شسمه 

:-حسناء احلفج بروح عباس كافي خليني ارتاح هواي تعبت لحد ماحصلتها وصارت بأسمي لاتسوين شي يزعج راحتي خوش بعد اخوج 

:-خوش 

:-من رخصتك اصعد ارتاح 

من سمعته هيج حجه سويت روحي اريد ادخل للمطبخ وتقابلت وياه 

غيداء:-الله يساعدك حبيبي 

باسني من راسي وكال 

:-ويساعدج يروحي 

:-ملابسك محضرتهن الك بدل بين مااخلص الغدة واصعده الك 

:-تمام حبيبتي 

دخلت للمطبخ وبديت احمي بأكل وكفت وراي وكالت 

:-وراج وراج لحد مااخليه يطردج من هذا البيت بأيده 

:-اعلى ما بخيلج اركبي ماتهزين شعره مني 

خزرتني وطلعت من المطبخ وهي تدردم كملت الاكل وصعدته اله فوك خلص اكل ونوب صبيتله جاي وراها كعدت اقرة وهو نام 

_مرت الايام بين الدراسه ومشاكل حسناء الي ماتخلص مر تقريبا شهر واسبوع على زواجي من امير صديقتي تبارك تعرف كلشي عن حياتي وشنو يصير بيها حته علاقتي ويه امير تعرف بيها 

تبارك:-الى متى تضلين انتي وياه هيج 

غيداء:-شنو تقصدين بكلامج ؟

:-تعرفين كلش زين شنو اقصد شوكت تنسين الي صار وتخلين امير يتمم زواجكم 

:-تصديقين لو كتلج كل يوم بالليل اتحضر اله وانتظرة ومن اسمع صوت السيارة ادخل للحمام اغسل وجهي واطلع ركض البس روب فوك ملابسي 

:-زين ليش هيج تسوين من شنو خايفه ؟

:-خايفه منه ومن اخته ومن كلشي احس تسرعت من وافقت على الزواج منه 

            

              

                    

:-الله ياخذج ياحسناء القردة لج هاي شمسويه بيج بابا لاتخافين ولا ابد اليوم خميس ورة الاذان اقري زيارة عاشوراء ودعاء كميل واهدي ثوابهم لأمام زماننا المهدي بنيه قضاء حاجتج وتوفيقج بحياتج ويه زوجج وشوفي شلون راح يمشي كلشي على خير 

:-متأكدة ؟

:-مثل ماشايفتج ان شاء الله باجر اخابر عليج واريدج تبشريني بالاخبار الحلوة ترة محد راح يسندج غيرة اعذريني على هاي الكلمه بس هي حته امج مامهتمه بيج ليش تخسرين الانسان الي يدور رضاج هاا 

:-ان شاءالله انتي بس ادعيلي لان كلش خايفه 

:-دائما ادعيلج ماناسيتج ترة 

:-فدوة الكلبج 

خلص الدوام واجه عليه حته ياخذني من المدرسه صعدت بالسيارة سحبني عليه وباسني من شفتي اريد اوخرة لان احنه بالشارع اخاف احد يجي ويشوفنه بهاي الوضعيه بس هو جلب ماوخر ابدد وخر مني وهو يسحب بالنفس عبالك جان بسباق واني حالتي مو احسن من حالته 

:-شبيكك امير تحجي صدكك شسوي اذا احد شافنه واحنه بهاي الوضعيه هاا 

:-السيارة مضلله حبيبتي وبعدين محد اله دخل بينه زوجتي وحلالي وبكيفي 

:-حلالك بس مو بشارع امير 

:-عادي بأي مكان بس اهم شي ماكو ضوه حته تستمع بالطعم 

:-صاير حيل سرسري 

:-استغفرالله اني وين السرسريه وين اصلا اني بريئ 

:-تخرخر برائه عمت عيني عليك 

:-اي والله 

حرك السيارة وصلنه للبيت نزلت وبسرعه صعدت للغرفه بدلت ملابسي ونوب نزلت حميت الاكل ردت اصعده بس هو دخل للمطبخ 

:-وين مصعدته بيج حيل تعاي ناكل هنا حته لاتعبين من الدرج 

:-تمام 

خلصنه اكل وصبيت جاي وهو صعد واني غسلت المواعين ونوب رحت جبت كتبي وفرشتهن بالحديقه للخمسه واني اقرة درت وجهي من سمعت صوت باب المطبخ وشفته وهو يطلع ومبدل وكاشخ على اخر حبه 

:-وين رايح 

:-معزوم يم الولد 

:-شوكت ترجع ؟

:-مااتأخر بالتسعه اني هنا 

:-تمام عيني 

طلع واني جمعت كل كتبي وطرت فوك سويت تنظيف لكل جسمي وقشرته وماسكات لوجهي اذان كمت غسلت وتوضيت وصليت وسويت كلشي كالته الي تبارك ونوب كمت حضرت روحي ومكيجت وتعطرت وضليت منتظرته همزين اكو اكل بالثلاجه جان متت من الجوع صارت الساعه بالتسعه وهو دخل للبيت اكثر صفه احبها بأمير هو التزامه بالمواعيد 

ظليت اباوع عليه من الشباك دخل السيارة وجان شايل بيده علاكه مال النمنميات ملاتي ضليت هسة  انتظرة صعد الدرج وهسة وصل للباب وفتح الباب خطيه انصدم من شافني محضرة نفسي اله سد الباب وهو يباوع عليه من فوك ليجوة عبالك اول مرة يشوفني كصني كص بنضراته 

:-هاي شمسويه بروحج 

:-علمود ليلتنه

:-متأكده 

تقربت عليه وحطيت ايدي على صدرة وكلت 

:-مثل مامتأكده من حبي الك 

:-شوي شوي عليه شنو ناويه تجلطيني اليوم 

حطيت ايدي على شفته وكلت 

:-اشش حبيبي لاتحجي هيج بعدوينك ان شاءالله  

تقرب عليه اكثر وكال 

:-عيديها 

عرفت شنو يقصد حوطت ركبته بيدي وكلت بدلع 

:-حبيبي وروحي وزوجي وبعد شنو هاا ونعمه الرحمن 

:-اويلي عليك امير 

رفعني اله وحاوطت خصره برجليه باسني من شفايفي وهو يمشي بيه للجربايه  وووو 

فزيت من صفنتي على صوت تبارك وهي تكول 

:-يمعودة وين صفنتي راجعي للامتحان مضل شي وندخل 

:-تمام 

اليوم اخر يوم امتحانات بالوزاري البارحه ايلي راحت ويه هذا الشيخ الحقير واليوم احاول اتصل بيها ماكو دخلنه للامتحان واجت الاسئله جاوبتها كلها الحمدلله وطلعت ولكيت امير ينتظري بسرعه صعدت وياه 

:-شلونها الاسئله ؟

:-كلش زينه جاوبتها كلها 

:-عفيه عليج اليوم احنه معزومين عد بيت اهلج ولازم نروح مااريد اي اعتراض مفهوم 

:-ليش انته خليتني احجي شي حته لو رفضت ماراح تسمع مني 

:-لان هذولي اهلج ولازم متقطعين العلاقه بينكم تمام حبيبتي 

:-تمام 

الفصل الثامن والعشرون من هنا