رواية لأني عاقر الفصل الثامن والعشرون بقلم مريم خفاجة
نفسي بدة ينزل
واني محتر
امشي سريع في سبيل يجيني الهوى
ويطب بريتي
وصلت لبيت عمي
صعدت لغرفتي سديت الباب وقفلتها
تلفوني دك باوعت جاسر
شلتة همست مختنك:-ها جاسر
جاسر:-وينك ولك
غيث:-رجعت ولك تعبان
جاسر:-صدك تحجي عود كلت اصعد وياك
غيث:-تعبان وعلي اعذرني
جاسر:-لا ادري بيك تعبناك يلا لليل وادزلك عشاك
غيث:-شو دنجب عليمن ماشايف
عوفة للوادم
جاسر:-لا معليك هي حصتك هاي
غيث:-ماريد والله لاتتعب روحك
جاسر:-دروح نام يلا راح اروح للزفة
غيث:-براحتك
طبكتة ونزعت سترة القاط
فتحت دكم القميص وادخل اصابعي بين
خصلات شعري
عيونها ببالي
كافي يا أمي شسويتي بية؟
متي انتي واني التعذبت بغيابج؟
نمت بملابسي
فززتني صوت دكات الباب
فتحتة جانت عمتي:-ها يمة جاسر صديقك بالباب
نزلت افرك بعيوني
جان واگف بالباب عگد حاجبة
من شافني:-هاي لسة لابس ملابسك تعال هذا اكلك
غيث:-صدك تحجي انتَ تشاقة وعلي عيب عليك
جاسر:-لا يمعود عليمن هي امي فگدتك
وكالتلي وديلة اكل دخذ اخذ
اخذتة وتشكرت منة
وطبيت عمتي واكفة بالباب
تنتضرني:-ها شكو
غيث:-هاي من العرس
ام عبدالله:-هااا جا يلة تعال اكل
غيث:-لا ماشتهي
عفتها وصعدت آكل أكل عرسها؟
شبية مخبل
رجعت فوك نمت
مرت أيام هواية والسالفة تدك بگلبي
وما مصبرني ؏ اي شي غير رغد
بيوم رجعت من الشغل للبيت
بعدني جاي انزع حذائي بالباب واسمع
رقية تسولف لزينب:-ترة مو حالة هاي ترة حتى شعري وگع من الحجاب
واني ابتسم وانزع بالحذاء واسمعلهن
زينب:-جا شنسوي اصلا يحبوا اكثر من عدنه
رقية:-اموووت منة ولج لزگة لزگة
زينب:-ذاك اليوم طب عبدالله رحت اركض
للحجاب حتى من اخوي كمت استحي
رقية:-منين اكو واحد مگبع بالبيت ويفتر بس المطي وهذني احنة طبعاً
دگيت الباب وهنه تطافرن
هزيت ايدي ودخلت
هم حقهن
للصبح واني افكر شنو اسوي
حتى اخلص من هالعذاب؟
خابرت رغد وسولفتلها ؏ فكرة
طگتلي هلهولة:-يا يمممة صلووووات واخيرررا
غيث:-هاي بعد شسوي تعبت
أيدتني بالفكرة
واني اشتغلت عليها
وباليل نزلت لعمي ومرت عمي
كاعدين بالصالة جنت مرتبك شلون
اكللهم؟
ابو عبدالله:-كول يابة شكو ترة خوفتنة
ام عبدالله:-اكيد يحبلة وحدة ويريد يتزوجها
ضحكت
وهي صاحت:-شوووف شگتلك
غيث:-عمي مو هيج
ام عبدالله:-جا شنو
غيث:-احم اريد شسمة
ابو عبدالله:-شنو دگول مو فتيت گلبي
غيث:-راح اشيل لبغداد
عيوني صارت عليها وجهها صار اصفر
وعيونها نزلن وشفتها صارت بيضة
كمت من مكاني گعدت يمها:-عمة ؏ كيفج
شنقضية
ام عبدالله:-تشاقة ماتسويها
غيث:-عمة تعبت اني اريد هناك استقر
ام عبدالله:-ووووواااااالله ماتررررروح ووووواااااالله انتتتتت تخببببلللللت
ابو عبدالله:-دسكتي خلي نفتهم شنو تشيل
متضايق شكو؟
ام عبدالله:-شنوو متضايق گلي شبيك يمة
ماتروح ووووواااااالله مايشيل اموت ورااااك والله
غيث:-لا والله بس اريد يم اختي
هي هم خطية وحدها هنا
ام عبدالله:-جا واني اضل وحدي؟
تشهك وتبجي يكول طفلة ومتعلقة بية
استغفرت وكتلها:-عمة مو هيج اني اجيج كل
فترة شغلي نقلتة وخلصت كلشي
دفعتني وطبت تركض لغرفتها
باوعت لعمي يباوعلي بحزن:-هيج يابة تسوي
بينة؟ جا اني تعبان ومكسور ضهري عليك علمود
ليلي انامة واني مرتاح انت ببيتي
وهسة تعوفنة وتروح؟
غيث:-عمي هي مو قصة اعوفكم
والله اجيكم كل يوم كل عطلة اجيكم
بس اني اريد اختي عاد يمي اطمن عليها
ابو عبدالله:-وشنو مشتري بيت؟
غيث:-اي هو كبال بيت رغد اشتريتة
ابو عبدالله:-الله كريم خلي اشوف عمتك راح تموت
كام عني واني عاصر راسي
كم يوم وعمتي لاتسولف ولاتحجي وياي
اجتني زينب كالت:-صدك راح تروح منا؟
غيث:-اي لبغداد
زينب:-يا ليش ماتضل يمنة؟
غيث:-لا هذا هو بعد شكو اضل
زينب:-تعودنة عليك
ابتسمتلها وهي راحت
خافية فرحتها
ثاني يوم
حضرت جنطتي وغراضي
وكلشي شلتة وياي اجهزتي والاشياء الاحتاجها
باوعت للغرفة وابتسمت
طبيت لهذا البيت عمري 8 سنين!
ونعزلت بهاي الغرفة عمري 15 سنة
وهسة اني عمري 28 سنة
عشرين سنة بضبط اني هنا
عشت وياهم اكثر مما عشت ويا اهلي
عمتي دارتني سنوات اكثر من سنوات امي
اتمنى ماقصرت وياهم بشي
باوعت لباب السطح
وابتسمت حتى انتي راح يختلف هواي عن هواج
نزلت وهي كاعدة
؏ قنفة شافتني وضلت تشهك
ذبيت غراضي وذبيت نفس:-عمة لاتسوين
هيج
ام عبدالله:-رووووح مننننااا يلاااا رووووح
حاولت اشبگها وهي تبعدني عنها
غيث:-ولج يابة اجيج كل يوم اجيج والله
ام عبدالله:-الممممن انتضرررر بعدددد
الممممن اوكف بالباب وبالحر وانتضرك تجي
من الشغل واتلگاك ولك يمة عيوني
تستراح بشوفتك لاتسوي بية هيج ضل يمي
ضل
غمضت عيوني بعدم صبر وهي
گالت:-امووووت والله اموت بدونك
شبكتها وهاي اول مرة اسويها
ضليت ابوس براسها واحاول اهديها وماهدت
عفتها وطلعت
وانطلقت لمنطقة جديدة
اعيش بيها حياة تختلف؟ لو لا؟
استقبلتني رغد ترگص
وميار تضحك وتصفك
سلمت عليهم ودخلت لبيتي
ثاني يوم اجن عماتي
مامسولفلكم عنهن مو؟
انا عندي 6 عمات
مرات الخالات يمكن احن من العمات
بس انا عماتي يختلفن
انا احبهن اكثر من اي بشر
حنونات حيل عليّ
طبن يهوسن ويضحكن
عدى عمتي ام عبدالله الضايجة ومافكت ابد
بقيت كاعد يمها وابوس بديها
ورغد والبنات طبخن الغدة
البيت جبير كلش
اشتريتة لان هو گبال رغد ماردت ابتعد
عنها عاد تلهيني
ماهتميت لكبر البيت
بس اهم شي هو كبالها
فترة وطلعنة اني وياها وزوجها سافرنة
لتركيا
اجرت غرفة فندق
وهمه وحدهم وميار وياي
نطلع يومية ونفتر وهمه يسولفون
وانا برودتي مثل برودة جو تركيا
بيوم جنت لابس
كوت لون ازرك وملابسي الجوة
سود
واحنة نمشي وميار لازمة ايدي
رغد:-تؤ تؤ شوف عيونها گزاز خرب
عگدت حاحبي:-منو؟
رغد:-هاي البنية
باوعتلها بنية تركية وشعرها الاصفر مفتوح
وعيونها زرك
دنگت بسرعة مو مثل عيونها لا والله
رغد تباوعلي وضايجة مني
رغد:-اگلك لاتضل تسوي هيج
ترة مالها داعي
غيث:-ادري
رغد:-شتدري؟
غيث:-شعور مُبالغ
رغد:-والله دتبالغ انت مجرد شفتها
هزيت راسي بـ اي وهي سكتت
مرت الأيام والسنوات
وحدة من السنوات خطبت وحدة
اسمها نور
لحد الشوفة الشرعية
شافتني ونوب رفضت
وخطبت ثانية
جانت اقارب عمتي ام عبدالله
وهم رفضت والسبب
طويل هواية
سبب تافهه
واني هم ارتاحيت لازواج ولا بطيخ
بقة عقلي متبرمج عليها
6 سنين مرت
انسان بارد
بدون تقيد
بدون عائلة
بدون شي يجبرة يعيش
انسان يأدي عملة ؏ أكمل وجهه
وينعزل ببيتة الفارغ
جاسر ماعرفت اخبارة بعد
ضاعت ارقامة وضاع كلشي وياه
من بعد ماشلت تركت كلشي
ومو هي السبب لا
بس ردت ابتعد وابنيلي حياة تختلف
بس ماجنت اعرف
هي اساس البُنيان!
جابت رغد
بنية ثانية وسمتها "دِينا"
وبوقت ولادتها ميار ضلت يمي
جانت تغار من اختها بشكل
مو طبيعي
صارت تأذيها اخذتها يمي
وخليتها ببيتي بوقت دوامي تروح
يم امها
تسألون عن سبب حُبي لميار؟
فـ هي ؏ اسم أمي...
رغد:-غيث باجر ماتروح للمحكمة علمود
الجناسي مالتنة ازهر باجر يكول لود عندي
بالمكتب
هزيتلها راسي واني ساكت
ثاني يوم اخذت الاوراق والاشياء اللي تخصهم
ورحت
وگفت بباب المحكمة ونزلت
من سيارتي
دخلت لجوة واني امشي ورا ارشاداتهم
وشنو يگلولي اسوي
صدفة!!
هذا اعرفة؟ وين شايفة؟
جاسر؟؟ شجايبة هنا
تمشيت بثگل
وصلت يمة
ضربتة ؏ علابيتة من ورا
فز وباوعلي نزع نضاراتة وضحك
جاسر:-هذا انت
حضنتة وضحكت:-شلونك ولك مشتاگلك وعلي
جاسر:-؏ الله بخير شكو ماكو
اختفيت من الوجود انت كالولي شلت
واني التيهت بعد مادورت وراك
غيث:-هي هاي الدنيا
وين ما وين شتسوي هنا انت
فرك وجهه وذب نفس
جاسر:-محكمة اختي
عگدت حواجبي:-شنو؟
جاسر:-نطلگها من زوجها الجلب
دك گلبي وفزت روحي
وكلت:-منية اختك؟
جاسر:-ملاك
مثل گاع ميتة وذبولها ماي
مثل ليلة ضلمة وتوسطها الگمر
مثل أم جابولها خبر ابنج عدل ماميت
درت وجهي للگاعدة
هي والله هي
نفسها لا لا شكلها متغير
رفعت عيونها الزرك والمحاوطهن
لون الأحمر علية لو احس
الدنيا توازنت
رجعت باوعت لجاسر ونامت ؏
جتف أمها وغمضت عيونها
هو اليوم اسوء يوم عندج
بس انا اسعد يوم عندي
تحمحمت لجاسر وكتلة:-زين شنو متأخرين من شوكت انتوا هنا
جاسر:-هاي اله واسطة يلا نطب من 8 لسة هنا
هسة حتى هي تعبت
رجعت اباوعلها
تعبان وجهها وروحها رايحة
وجهها مورم من البجي دموعها تنزل بأستمرار
ليش يابعد اهلي ليش؟
غيث:-خلي اشوفلك ابن عمي هنا
جاسر:-اذا عبدالله ماريد
ضحكت:-لا مو عبدالله اوگفلي خلي ادك
عليّ
دگيت على علي ابن عمي:-ها غيوثي
غيث:-وينك موجود بالمحكمة؟
علي:-اي هنا ليش
غيث:-جايك اوگفلي
طبگتة وگلت لجاسر:-انطيني الاوراق
انطانياهن
ومشيت باوعت للاوراق
والاسباب من بينهن جان سببها
عاقر
والله لو مو عاقر
لو ادري عشرين طفل وراج هم اريدج
رحت لعلي حجيت وياه وگال اني اطببهم
واستعجل بشغلتهم
اريدها تتطلك هسة بهاي الثواني
التنعد
رحت لجاسر وگتلة
گال:-وهاي الاستشارية شلون مانريدهم يدخلون
غيث:-هو راح يسويها الك دلل
جاسر:-مشكور ماتقصر وعلي
رجعت وجهي عليها ماينشبع منها
شوف لا والله
وسويتلهم مال استشارية وماطبوا
ثواني وصاحوا اسمها ملاك يا ملاك
اخ يابة هواج شسوة بية
دخلت ومانتبهت لأحد
كذلك ماشفت زوجها ولا لمحتة
بس جان اسمة مالك اعتقد
حتى اسمك يغث
مشكور وماتقصر من عفتها
طبوا واحس دنيتي استعدلت
خلصت شغلة رغد ورجعت طاير
اسوق بكل سرعة ايدي مشت ؏ المسجل
والاغنية الي قبل سنين شغلتها علمودج!
رجعت اشغلها
"هذا اللون"
لو جمعوا لوحات العالم
حتى الموناليزا
ميزة بوجهك انت الاجمل
منو يحمل هالميزة
احسن رسامين العالم
يتمنوا يرسمونك
هذا اللون عليك يجنن
يشبهه لون عيونك
نضرات العالم ماتطمن
احذر ليحسدونك
وصلت لبيت رغد
وكفت بالباب وطبيتلهم
جانت ترضع ببتها تغطت بسرعة
درت وجهي وهي كالت:-تعال حبيبي
طبيتلها وجهي يضحك:-رغد تطلگت
عگدت حواجبها:-شنو؟
كعدت بصفها امسح بگصتي:-ملاك الگتلج عليها اخت جاسر
واني اعرفها اختي من تكعد من النوم
تصير ثولة
رغد:-ياهية
غيث:-ولج ملاك ملاك هاي التشبهه عيون أمي الشفتيها اخت جاسر
رغد:-شبيها؟
غيث:-تطلگت
رغد:-والله؟
غيث:-اي والله
رغد:-شلون عرفت
غيث:-هسة شفتهم وجاسر گالي
رغد:-ليش تطلگت؟
حجيت بسرعة:-مايصير عدها اطفال
رغد:-يعني هي عاقر؟
هزيت راسي سريع تبدلت
عيونها للخوف:-غيث لاتسويها
غيث:-شنو؟
رغد:-عاقر مايصير عدها اطفال غيث؟
غيث:-وشنو يعني؟
رغد:-صدك تحجي
غيث:-لو ادري بيها انگس مرض غير
وهي مامتزوجة اخذها اخذها
رغد:-وعمامي؟ شتگللهم؟ اريد اخذ مطلگة؟
غيث:-وشعلية بيهم مايهمني احد
رغد:-لاتجازف غيث
غيث:-معليج بس ادعيلي
ابتسمت:-ان شاء الله تصير الك
غيث:-آمين يارب آمين
عفتها وطلعت واني اتخيلها ببيتي
تصير ألي لو لا؟
رجعت عيوني تتخايلها
وتضحك ويا الخيال
اتذكر من اباوعلها من السطح
وابتسم للمنضر اليمر بالخيال
ومر شهر شهرين تلاثة
رجع جاسر اختفى وشگد حاولت
ادورة رجعت لمحافظتة القديمة ومالگيت
اثر
كالولي شال لبغداد
بس ماعرفت وين بالضبط
ومرت سنة أُخرى بخوف
خاف تروح مني؟
وماتحمل الخسارة الثالثة
سنة ثانية مَرت وهم مالگيت أثر
عايش ؏ أملها
توتر وخوف مو طبيعي
شكد دورت وردت الگة منهم خيط ماكو
وانا الغبي الماخذت رقمة
من جان بالمحكمة ولكم شهالغباء هذا
اجتني رغد وهي شايلة دينا
العمرها صار سنتين
رغد:-غيث باجر خلي نروح لأمي
غيث:-امس رحت للنجف
رغد:-يا نذل لعد ما خذتني وياك ليش والله مشتاقتلها
غيث:-مادري بيج كلت ملتهية ويا هاي الدفشة
رغد:-شو انت مطلع القاب ؏ بناتي
ذيج الزقجة وهاي الدفشة شنو سالفتك
ضحكت:-جيبيها شو
شمرتها علية ضليت ابوسها
واتحارش بيها بس هاي باردة مو مثل ميار
ذيج لسانها شطولة
رغد:-ها هسة تاخذني باجر؟ كلبي راح يطك والله صارلي شكد مارايحة
باوعت لعيونها تريد تبجي
ابتسمت:-دللي باجر اخذج
دنكت باست كصتي
اخذت ايدها وبستها
وراحت تسويلي عشة
واني انيم دينا واكلب بتلفوني
تعشيت وهي خذت بتها وجابتلي
ميار
وثاني يوم اخذتها بس هي ودينا
ورحنة للنجف
شلتها وابتعدت عن القبر
واني اشوف رغد كل مانجي وهي تطلع
حركتها وتضل تضرب بنفسها وتبجي
وتأذي روحها
ابتعدت عنها حتى تاخذ راحتها
وخليت راس الطفلة ؏ جتفي ماردتها تشوف
القبور
بالساعتين رغد تقرة قرآن وادعية
لمن ارتاحت وگامت ودينا نايمة ؏ جتفي
وصلت يمي وذبت نفس:-احس ارتاحيت
ضحكتلها:-هيّ أمي اليجي يمها مايرتاح؟
رغد:-لا والله
لزمتني من عكسي ومشينة
صعدن للسيارة ورحنة للامام علي
طبيت وحدي زرت وقريت الزيارة
وطلعت انتضر رغد
طلعت متيهه
ضحكت وهي دموعها بعينها:-شبيج
رغد:-تيهت يمة خفت
غيث:-عليمن تخافين تعاي خالو
رغد:-لا عوفها تعبت انت
غيث:-تؤ باعي عبايتج مرفوعة جيبيها
اخذتها منها
وضلينة نمشي واني اسولف ويا
رغد واضحك وياها
سكتت هي وضلت صافنة تباوع لبعيد
غيث:-شبيج؟
رغد:-ذيج مو ام جاسر
التفتت بسرعة بحيث احس
رگبتي انشنطت
باوعت وياها 3 بنات وجاسر وياهن يمشي
وگعدوا بمكان
غيث:-اي همة
ضحكت:-ها نروح؟
غيث:-اذا ماشوفها هسة تدفنوني يم أمي
ضربتني بجتفي
ضحكنة ثنينة واني متلهف
يالله مشتاقلها
شكم سنة ولج شكد
ثمن سنين؟
والله هواي
وهاي اني عود ماحب الانتضار؟
وصلت يمهم لو احس
روحي طارت طفل مراهق شتسموني
سموني
سلمت ؏ جاسر
و؏ امها
وكتلهن شلونجن خوية
اطم روحي بصف الأمام هسة؟
گعدت وكلت ماريد اباوعلها
عيب اخوها گبالي واني بحضرة الأمام
اخذت رقمة وطلعنة واني ماباوعتلها
مشينة اني ورغد نضحك
صعدت بالسيارة اخذت ايدها وخليتها
؏ گلبي وهي ضحكت بصوت عالي:-هاي
شنو يابة ؏ كيفك كمت احس حتى اني طابة
بعلاقة حب
غيث:-انعل ابو هيج علاقة شگتني شك
رغد:-يمة راح اموت عزة بعينك غيث
منين لگيتها من صدتها ولك تخبل
ضحكت ورجعت كالت:-عمي اذا
ماصارت جنتنة اني اموت
غيث:-تصير تصير وحق محمد اذا ماخلي
حلقتي بأيدها فـ لا اتسمى غيث
رغد:-يابوية
خلصنة الطريق بس ضحك
السنوات الگضيتها بلا شوفتها
كضيتهن ساكت بدون ماحجي
هسة رجعت
رجعت مثل اول يوم من شفتها
ورحعت اتواصل ويا جاسر
واعرف الأخبار واحاول انتضر
حتى اگدر اتقدم وهو يحجيلي معاناتها
مرات يجيب طاريها مو هواي
واني احاول اناقشة بالموضوع حتى مايسدة
وسنة ثالثة واني ؏ نار مشتعل
بيوم
خابرني جاسر الساعة
بـ 8 بليل
گاعد يم ولد عمتي
اني وقيس نلعب بلي
شلتة واني مركز بالعبة
غيث:-ها جاسر
جاسر:-اگلك ما موجود بالعيادة؟
غيث:-شسوي بالعيادة ولك
جاسر:-ها يعني ماتكدر تجي
غيث:-شكو اذا اكو شي اجي عادي
جاسر:-لك هاي اختي ملاك رحايتها توجعها
وهي لاعبة فلك بيها
غيث:-يلا عادي راح اسبقك للعيادة
جاسر:-خاف ماتكدر
بيها ملاك وماگدر؟
غيث:-لا يخوي شسالفتك تعال لاتضل تسوي هاي السوالف
سدة واني گمت ذبيت البلي
قيس:-وين مولي؟
غيث:-عندي مريض اريد اروح للعيادة
رغد:-هاي شنو اول تالي اكو مريض بـ8 يجي شنو السالفة
ابتسمتلها وغمزت:-مو هذا غير مريض
فتحت حلگها وصاحت وهي
تصفك:-هااااااا
قيس:-گلولنه وياكم
غيث:-مالك دخل انت
گمت وهي تمشي وراي وترش
بالعطر دفعتها وصعدت بالسيارة
ورحت للعيادة وهاي اول مرة اسويها
اول مريض يجيني
وافتح العيادة علمودة
ضليت رايح راد وافكر شحجي وياها
ضل گلبي يدك سمعتهم طبوا
مثل الطفل
ركضت كعدت بمكاني وايدي
اباوعلها ترجف
مرة ولك مرة هيج سوت بحالك؟؟
طبوا
ابتسمت وگمت سلمت ؏ جاسر
غيث:-تعاي صعدي هنا
اباوعلها عيونها كلها خوف
ابتسم لشكلها من جوة الكمامة
لبست جفوفي
وگعدت ؏ الكرسي وجاسر وراي
كعد يعني ضهري عليّ
فتحت حلگها
ضليت اشيل المتهشم:-تؤ تؤ هاي متهشمة
شصاير بيها
جاسر:-الاخت لكيتها لاعبة بيها لعب بالأعواد
غيث:-لا ميصير شلون شو فتحي حلگج اكثر
ضلت فاتحة حلگها ضغطت ؏ رحايتها
وهي صاحت وبجت اي هو
اني اريد اطلع صوتج
لزمت ايدي لو احس گلبي وگف
غيث:-بس اثبتي باعيلي حطي عينج بعيني
ولاتفكرين بالألم
ضلت تباوعلي واني اريد اشبع
بعيونها اباوعلها اتأمل اللوحة المرسومة
صدك من الشبه يخلق الله اربعين
هيج عيون مثل أمي بضبط ماشايف؟
وكأنما أمي منسوخة
بس بغير هيئة
ضلت لازمة ايدي
ضربتها أبرة تخدير ماحست بيها
رأسا غمضت و وخرت ايدها:-هسة شوية ونشلعها الج لو احشيها؟
صوتها الموسيقي گالت:-بكيفك
غيث:-هي دائمية يعني حتى اذا نشلعها
ماتبين لان صايرة للاخير
حتى من تضحكين ماتبين
هزت راسها وهي مغمضة
واني ابتسم لشكلها الحلو البريء
هذا الجمال كلة وينعاف
عيونها بيها نقاوة ماتتوصف
واني اسولف ويا جاسر
لان اذا اباوعلها بعد ماگدر اركز
؏ ما صار الوكت گتلها:-ها يلا جاهزة؟
ملاك:-لا حباب لاتشلعها انطيني علاج
ابتسمت وحجيت بهدوء:-ماتصيرين زينة
والله حتى من احشيها توگع الحشوة لان متهشمة تهشم
ملاك:-حباب اخاف
غيث:-لاتخافين ما أذيج اني يمج
ضلي باوعي لعيوني
ملاك:-لاتأذيني
غيث:-والله ما أذيج كتلج باوعيلي ومعليج
ملاك:-اخاف والله
غيث:-اني يمج
ملاك:-وين بس هسة اوگف شوية
غيث:-يلا انا واگف
ضلت صافنة شوية واني اباوع لعيونها
الخايفات اول مرة اكون يمها بهالقرب
اول مرة ادية تلامس وجهه
رغم لابس جف بس احس برقتها
ضحكت بگلبي
عليها
گامت كالت:-صرت زينة والله لاتشلعها
غيث:-حتى لو صرتي زينه ماتكدرين تنزلين منا تدرين؟
عكدت حواجبها الطفولية:-شلون؟
غيث:-لان بس تنزلين تنتلين
ملاك:-ليش
غيث:-باعي هذا الجهاز
اشرتلها ؏ جهاز عادي افتح من الأجهزة
همست:-اي؟
غيث:-بس تنزلين تتكهربين لان ماتشلعين رحايتج
هو ياهو يصعد هنا لازم يتعالج يلا ينزل
ملاك:-هاا وهذا الجهاز شلون يعرف اني ما
شلعت رحايتي؟
غيث:-يعرف شلون ميعرف
ملاك:-شنو انت تضحك علية ترة اني مو طفلة؟
اضحك عليها اريدها تحجي
غيث:-اذا مو طفلة ليش تخافين
سكتت ورجعت راسها وصرت قريب
اكثر عليها واني اشمها شم
ياعلي فكني من هاي المصيبة
شلعتها بدون ما وجعها نضفتلها حلگها
وهي كامت ترتب بنفسها همزين
ماوكعت عيني عليها
اريد احبها بنقاوتها ماريد
عيوني تتوصخ
گعدت ؏ الكرسي وهم رادو يطلعون
ردت اتلذذ بأسمها همست:-ملاك
دارت وجهه علية وهي حاطة
الكلنسة ؏ حلگها:-ها؟
بلعت ريكي وقدمتلها شريط
حب ويا مضمضة:-هذا تاخذينة قبل الأكل
وهاي المضمضة حسب الحاجة يعني من توجعج
اخذي
هزت راسها مبتسمة:-شُكراً تعبتك
غيث:-دللي عيني
راحو طلعوا واني افر بالكرسي
مبتسم اخ يالله اخ شنو من بشر هاية تنام ؏ گلب
احلى نومة
اتصلت رغد علية واني اسولفلها
متلهف وهي تگلي:-يمة راح اصلي النوافل
والليل علمود تصير الك
طبگتى واني مبتسم
رجعت لبيتي عود نمت الليل؟
بقيت للصبح اتلمس ايدي
وهاي صارن 3 سنين شمنتضر بعد؟
مر اسبوع اسبوعين
لبست ورحت اليوم لو بالهدف لو بالنجف
دكيت الباب طلعتلي اختها الزغيرة
صاحت جاسر كعدنة سولفنة
انطيتة تمهيد للموضوع
اخذتلي جگارة و ورثتها
واني حاط رجل ؏ رجل:-جاسر
رفع راسة علية وكال:-ها
غيث:-اذا نخطب منكم مرة تنطون؟
ضحك:-شنو ؟
غيث:-نريد منكم مرة
جاسر:-المن؟
غيث:-للگاعد كبالك
جاسر:-هاا؟
غيث:-شنو مو بعينك؟
جاسر:-لا لك بس صدمتني
غيث:-عليمن اصدمك رايد مرة منكم
جاسر:-ياهية منهن؟ اشر وأخذ
غيث:-والله
جاسر:-بس مو اللي ببالك
غيث:- اللي ببالي
جاسر:-غيث
غيث:-لو هي لو هي...
