رواية عشك الشاهيين الفصل السابع والعشرون بقلم مجهول
شاهين
خلصت خطبة فهد والغربه راحو اصلا ضلت بس عمتي وبيت عمي محسن يمنه دخلت سلمت عل كل صار هواي ما شايفهم. اباوع مرام موجوده. بس غرام وين صعدت للطابق الثاني باوعت بغرفه صگر ماكو رحت لغرفه الجهال هم ماكو
شنو القضيه معقوله راحت ضحت بخته وراحت رجعت لجهاد. صبو العشه وهيه ماكو. جدي سال عنه كالت مرام صعدت تنام لان تعبت
زين وينه اذا صعدت تنام
لا مستحيل تكون بغرفتي رحت دورت غرفتي شبر شبر ماكو خطر بالي سطح رحت لكيته نايمه ضليت صافن عليه. هاي عذاب عمري وسنينه
كعدته
شاهين
غرام .... غرام
غرام
ممممممم
شاهين
ليش نايمه هنانه
غرام
شاهين.
شاهين
اي اني شاهين
غرام
اريد احجي وياك
شاهين
سولفي
غرام
اني اعرف انته ماتريد تزوجني حبا بيه لان لو هيج السالفه جان هسه احنه مزوجين من ١٠ سنوات
اعرف الشغله اعناد. وماتقبلت فكره أكون ويه غيرك
جنت صافن عليه شلون تحجي لزمت ايدي ونزلت ادموعه وكالت
غرام
والله شاهين ماكو احد بحياتي كلت هيج حتى ابعدك عني. وروح امي شاهين كل احد ماكو بحياتي. فدوه عوفني خليني اكدر أعيش. بعيد عنك
من كالت ماكو احد. مبين من عيونه ماكو احد. بس هيه متدري انطتني سببب أقوى حتى اتمسك بيه بس مابينت اله. كتله
شاهين
مراح يغير الموضوع شي. اني كلت العندي والقرار. قرارج
كلته ودرت وجهي حتى اروح جان تكول
غرام
والله ماكدر شاهين. افهمني ماكدر
شاهين
ليش
غرام
تعرف شنو تحب احد دمر كل شي بحياتك دمر كلشي يمتلك بصله. شاهين اني اكره نفسي لدرجه توصل بيه مرات افكر أتخلص من هل روح اترجاك شاهين عوفني
شاهين
مستحيل غرام مستحيل
اذا ابقه يمه اكثر بعد اخسر كلشي خلي ابتعد واضمنه الي
غرام
احس روحي خلص خسرت كل شي ماكدر بعد كل ما شوف اصرار هيج وزين اعرف شنو ممكن يسوي اكره الساعه الحبيته بيه
قررت خلص ارفضه والي يصير يصير اصلا اذا قبلت بزواجي منه راح اخسر مرام لان متخيله اني من قبلت بزواجهم جانت نيتي أتقرب من شاهين
نزلت لغرفه الأطفال صافنه على ابنه معقوله يسامحني بيوم بعد ماراح أكون سبب انفصال امه وابوه جنت صافنه بيه ودخل شاهين كال
شاهين
شسوين هنانه
غرام
دافكر اذا كبر هل طفل معقوله راح يسامحني
شاهين
على شنو يسامحجً
غرام
هه يعني راح أكون سبب انفصال امه وابوه
شاهين
ليش اخذتي قرارج
غرام
ترى قراري واضح من البدايه الفكره جانت اصفن مو اكثر
شاهين
ماعرف بعد كيفج يله لعد كلي لاختج تحضر روحه تودع رجله وابنه
غرام
شنو ابنه شبيك انته
شاهين
هذا العندي هههههه شمتخيله مثلا راح أنعوف ابنه
غرام
ضليت تايهة لأني للسمه ولاني للكاع هذا نيته يحرك كلبي بكل الطرق صافنه على روحي معقوله اني هيج يصير بيه محد يعرف شنو يعني شاهين من أكون تحت ضل الشاهين يعني الموت جان يمثل دور المحب وهو بس دراسي ما منعني منه طبعا بعد عناء طويل ههههههه شحال هسه هذا حتى النفس راح يسده عليه الرعب والخوف والرهبة كل عشته بهل يوم غرام القويه تبخرت كل الي اشوفه كل الي احسه فراغ
عباره عن فراغ كل الي يخطر براسي ضحكت مرام شلون شايله ابنه شلون تباوع لصگر حاولت الم البقه من روحي وانزل جان الكل مجموع الضحكه متفارك وجوهم الكل يضحك ويسولف وفرحان وحتى مرام اختي كأنه عايشه وياهم من سنين..قصص وروايات عراقية كرار صلاح
مجان مكان فارغ غير بصف ام علي كعدت بصفه باوعتلي وهيه بعيونه فرحه ماتنصم بتسامه وجهه وفرحته الكل ملاحضه همست بأذني
ام علي
قبل عشر سنين اجاني الشاهين وكال يمه اريدج تخطبيلي جان هل يوم اسعد يوم بحياتي. بس لله حكم ثاني. وراحت هل فرحه بموت البنيه
بس اليوم اجاني. واني شوف ذيج نصرت الحزن البعيونه اختفت ورجعت لمعه عيونه. السعيدة وكال اخطبيلي
غرام
موافقه خاله
ام علي
ههه اختج من دخلت هلبيت حسبته بنتي الي ماجبته واليوم انتي مرت الشاهين إنشاء الله.
غرام
الخير في ما اختار الله
ام علي
غرام يمه راح اكلج حجايه حطيه ترجيه بتذنج
غرام
شنو خاله
ام علي
الشاهين مايشبه احد ماريد اخوفج بس ترى ابني مايعرف يسامح ومايغفر ولو دار وجه مايرجع يلتاف الغريب مايكسرله خاطر قصص وروايات عراقية كرار صلاح ومايهتمله
بس وكت اليجرحه قريب يصير مايرحم.
يمه غرام. بعد كل هاي السنين دخل كلب الشاهين وحده وهاي مو سهله لذالك يمه بماي عينج افدي تراه لو عشك يعشك عباده
غرام
امه جانت تحجي وكأني ناقصه رعب وخوف وكان اني ماعرف ابنه وحش خاين غدار استغلالي. كل صفات القبيحة بي بكد ماحبيته أكرهه رفعت راسي شفته كاعد كدامي أجت عيني بعينه وذكرت من مره بالماضي كلي
شاهين
غرام حافظي عليه تراني حابج غصبن عن كلشي. بيه
غرام
شنو قصدك ترى ماكو بالحب جبر
شاهين
لا اكو من أكون. راسم ومخطط لشريكه حياتي شخصيه وصفات. واهيم وأعشق وأحب. وتصير أنفاسي وحده ابد ما تشبه الي بالي هذا اسمه حب اجباري
غرام
يعني هسه افرح احزن شسوي
شاهين
حطي راسج على صدري وخليني اسعد إنسان. واني اشوف لمعت عيونج من اكلج غرامي
غرام
هههههههههه كلشي بيك ينحب حتى لئامتك
شاهين
ولج شنو لئيم اني
غرام
شاهين. خاف شي يوم يصير بينه خلاف زعل الله ليكوله إنشاء لله طول العمر سوى بس اكول خاف
شاهين
كلشي ميصير بس كولي فرضا
غرام
اي فرضا شاهين دير بالك تبتعد. أجبرني. على قربك بس لا تبتعد
شاهين
ليش.
غرام
من تبتعد معنى بيدك كتلت غرام الي حبيته
رجعت للواقع وهيه صافنه بفراغ. وكالت بنفسه ( قبل عشر سنين ماتت غرام الي عده حساس. الكدامك اله )
من شالت. راسه شأفته صافن بيه هيه ماكدرت بعد تمثل دور السعيدة اكثر من هيج كامت طلعت برى جانت صافنه وهيه تعرف انو هيه رجعت برجله دخلت عرين الأسد برجله والأصعب. من هذا كله. هل الوحش هذا مو نفسه ذاك العاشق
لا هذا وحش مفترس كل همه ينهي الباقي مانه
بدوامه هل افكار وهل هوسه الي براسه سمعت صوته
شاهين
راح ترجعين باجر لبغداد
غرام
ليش. شنو تراجعت عن هل جنون
شاهين
كل عقلج انتي شيخ شكبرني أتراجع بكلامي
غرام
لا حشا. مو شيخ شاهين الي يخلف بوعوده. اعذرني
شاهين
هاي بعد انتي تعرفيني موجديد عليج زين تعرفين الشاهين شنو
غرام
اعرفه وحق المعرفة. بس ليش ارجع مافهمت
شاهين
الأصول تكول المره تنخطب من بيت ابوهه
غرام
ماله داعي كل هاي الامور
شاهين
شوفي لج. انتي راح صيرين مرت الشاهين. شيخ شاهين. بكبره بجبروته وسلطانه شنو الي ماله داعي. بايگ اني لو مزوج عله سنه الله ورسوله. لذالك. ترجعين لبيت اهلج. واني حاجيت احمد اخوج كتله بسالفه العرس وهو وافق وهله بيه. وكتله خبر عمامك وناسك
اريد الكل يعوف غرام راح صير مرت الشيخ البصراوي
من كلته هيج وزين اعرف. شتعنيله هل كلمه صفنت بيه وكالت.
غرام
هاي كبل جان اكبر أحلامي. يكلولي مرت الشيخ البصراوي بس هسه...
شاهين
اي اذكر.
غرام
ستذكر.
شاهين
جنه بالكاضميه. كاعدين عل محيط. دنيه ضلمه انتي مجذبه على اهلج بحجه يم بت خالج ههههه واني شيخ شاهين العايف مظيفه وجاي البغداد لان اكو مجنونه كالت اله. (طك كلبي عليك ترى هواي كلش شاهين يومين. ماشايفتك) عاف كلشي واجه يشوفه
صافنين بدجله. وكلتي. راح أكون مرت الشيخ البصراوي نقطه راس سطر
هههههه بوكته شبعت ضحك. شلون مصره حمامه السلام. تريد تشن حرب لو وحده فكرت تأخذني. منه
غرام
وينه هاي التجي وتخلصني منك
شاهين
مجرد كلام. دكتوره كلام هذا مو اكثر
غرام
كلت يومين. مجانت غرامك تكدر تعيش بعيد عنك (عشر سنسن) شيخ شاهين. ( عشر سنين ) بعيد عنه. شمنتضر مني. لا وجبري ماخذني. تهديد ووعيد
شمنتضر. مني بعد كل هل سنين احبك افكر بيك مثل قبل لو مجرد احن للشاهين
شاهين
غرام. (كاله وخله ايدينه بجيوبه ) ترى الكدامج شاهين شاهين مو حي الله واحد
غرام
ليش تريد تزوجني. صارحني اني بكل حال وبكل. الأحوال. مجبوره بيك لذالك سولف
شاهين
الكلام الي لازم اكوله كلته وهسه راح اوصلج لبيت اهلج
غرام
دقيقه دقيقه شتوصل ترى اعرف ارجع مشكور
شاهين
أولا. اني ستاذنت من اخوج ارجعج وهم. نشتري كم شغله محتاجينه للمهر ادري ماعدج احد يجهزلج اختج صارله يومين من جابت
جان يحجي بكل ثقه وبرود وكان ماكو شي صار كان نفسنه شاهين وغرامه القديمين ومو ذاك الكسرني غدر بيه وحطمني ومسح غرام من خارطه الوجود.
احس روحي خلص. ماعاد لوجودي داعي جان يحجي واني صافنه شجاي يصير. لا ويريد يساعدني بالتجهيز كل عقله هذا. كمل واقترب مني وهمس بأذني
شاهين
حدودج رجعت. اوله ذراعي اليمن وآخره اليسار
غرام
تحلم شاهين. تحلم. بالماضي من كلت حدودي تبدي بيمينك وتنتهي بيسارك جنت عاشكه. شاهين جنت عاشكه. مو كارهه.
كلته وعفته ورحت. واني بدوامه شلون راح اكل لمرام راح اثبت اله. اني قبلت بزواجه هيه وصگر حتى ارجع لشاهين. جنت شايله ابنه. بحضني وصافنه بيه. هيه دخلت وكالت
مرام
غرام انتي هنانه
غرام
اي يم هل ملاك الي كدر بعد كل هاي السنين يفرحني
مرام
تدرين خالتي الصبح شكالتلي
غرام
ليش خالتي خابرتج
مرام
خالتي ام صكر
غرام
هاااا شبيه
مرام
هيه من زمان جانت تلمح انو انتي عاجبته. هي وجدي ويردون يخطبونج لشاهين طبعا خطيه الناس ميدرون بالمصايب الي صايره
بس اليوم صدمتني من كالت شاهين كايلله اخطبيلي غرام.
جنه الاخ بعد ماسمع الكلام الي كلته راد شويه يحسن صورته كدام اخوه
غرام
ليش انتي شكلتي
مرام
جنت متعاركه اني وصگر لان راد يسمي ابني شاهين. ولعلم سماه يعني ماسمع مني
غرام
اي
مرام
اي فهو سامع كلامنه ودخل يسال ويستفسر وليش وكان مايعرف عاد اني انهديت بس بعد ماكدر امثل دور الي احبه واحترمه كتله هو شنو انته ماسويته بينه حجيت كلشي وصگر ضل مصدوم ويسوي لا مو الشاهين الي يسوي هيج بس اكيد عرف اخوه شلون غدر بيج لذالك اصور حاليا يريد يحسن صورته ميدري انتي وجهاد راح تتزوجون
غرام
لا حبي واحد مثل شاهين مايهمه رأي احد اني الي جبت هل ضيم لروحي
مرام
شلون يعني
غرام
اني ستفزيته حتى أبعده عني. كتله راح ازوج اني وجهاد. وهاي تاليه راح ازوجه هو وجبر
مرام
انتي شتحجين ليش مو صدك أنتي وجهاد قررتو ترجعون لبعض
غرام
شهل. كلام شنو نرجع لبعض وكانو جان بينه شي لحد يسمعج
مرام
فهميني شنو راح تزوجين شاهين
غرام
اي
مرام
عادي مو شي جديد. ماهذا الشاهين
غرام
وأنتي. كلتي شاهين المهم. خلي شغله وحده براسج المصدي هذا. مستحيل. اخلي احد ياذيج
مرام
شصاير ليش هل حجي
غرام مصاير شي
عفته وطلعت رحت الم غراضي لان خلص انحسم الامر وحاليا راجعه من البصره لبغداد ويه هل وحش الكاسر
